Mark Zuckerberg ប្រកាសថា Facebook និង Instagram នឹងមានសេវាកម្មលក់ Blue Tick តម្លៃចាប់ពី ១១.៩៩ដុល្លារ

នាយកប្រតិបត្តិក្រុមហ៊ុន Meta មហាសេដ្ឋី Mark Zuckerberg ទើបតែបានបញ្ជាក់ថា Facebook និង Instagram នឹងចាប់ផ្តើមសេវាកម្មលក់Blue Tickក្នុងតម្លៃ ១២-១៥ដុល្លារ/ខែ។ នេះបើយោងតាមការបង្ហោះផ្ទាល់របស់លោក Mark Zuckerberg នៅលើគណនីហ្វេសប៊ុករបស់ខ្លួននៅថ្ងៃទី២០ ខែកុម្ភៈ ឆ្នាំ២០២៣ ។

សេវាកម្មលក់Blue Tickនៅលើ Instagram និង Facebook នឹងចាប់ផ្តើមនៅសប្តាហ៍នេះ។ សេវាកម្មនេះនឹងផ្តល់ឱ្យអ្នកប្រើប្រាស់នូវសញ្ញាBlue Tick ផ្ទៀងផ្ទាត់គណនី ទទួលបានការការពារការក្លែងបន្លំបន្ថែម ទប់ស្កាត់គណនីក្លែងបន្លំ និងទទួលបានការចូលប្រើប្រាស់ដោយផ្ទាល់ទៅកាន់ជំនួយអតិថិជន។

យោងតាម ​​CEO របស់ Meta សេវាកម្មនេះនឹងត្រូវចំណាយអស់ $11.99 / ខែនៅលើគេហទំព័រ ឬ $14.99 / ខែនៅលើ iOS។ សេវាកម្មនេះនឹងត្រូវបានដាក់ឱ្យដំណើរការជាលើកដំបូងនៅក្នុងប្រទេសអូស្ត្រាលី និងនូវែលសេឡង់ មុនពេលដាក់ឱ្យប្រើប្រាស់នៅក្នុងប្រទេសជាច្រើនទៀត៕