(ភ្នំពេញ) ថ្ងៃទី១៤ ខែវិច្ឆិកា ឆ្នាំ២០២២៖ ហ្អេ៎..តោះ! ទៅផ្ដិតយកពេលវេលាដ៏រីករាយដែលមិនអាចបំភ្លេចបានរបស់អ្នកជាមួយមុខងារ FlexCam Mode ដែលមាននៅលើស្មាតហ្វូនអេក្រង់បត់ Samsung Galaxy Z Fold4 និង Galaxy Z Flip4 ដែលជាស្មាតហ្វូនមានសមត្ថភាពខ្លាំង..គុណភាពក៏រឹតតែខ្លាំង..ដែលស្មាតហ្វូនធម្មតាច្បាស់ជាហក់មិនដល់នោះទេ! នឹងរឹតតែពិសេស! រីករាយជាមួយប្រូម៉ូសិនចុងឆ្នាំពីក្រុមហ៊ុនសាមសុង ដែលមានការផ្ដល់ជូនបូ្រម៉ូសិនដ៏ពិសេសដែលចំណេញភ្លាមៗ រាល់ជាវទូរស័ព្ទអេក្រង់បត់ Samsung Galaxy Z Fold4 និង Galaxy Z Flip4 ចាប់ពីថ្ងៃនេះដល់ថ្ងៃទី 30 ខែវិច្ឆិកា ឆ្នាំ2022 លោកអ្នកនឹងទទួលបានការផ្ដល់ជូនយ៉ាងពិសេសដូចខាងក្រោម៖ – ទទួលបានប្រាក់មកវិញ $100 (Cash back) – បញ្ចុះតម្លៃលើការប្តូរអេក្រង់ថ្មីរយៈពេល 1ឆ្នាំ (គិតចាប់ពីថ្ងៃទិញ) – Battery Pack 10,000mAh ដែលមានកម្លាំងសាក 25W ថាពិសេសគឺពិសេសហើយ..!! ទទួលបានទាំងប្រូម៉ូសិន រីឯគុណភាពវិញមិនបាច់និយាយទេ ស្រឡាញ់ប្លង់ណា…ទេសភាពបែបណា…ជាមួយមុខងារ FlexCam […]

ការបណ្តាក់ទុនរួមគ្នាដើម្បីស្វែងរកលទ្ធភាពនៃការនាំយកដំណោះស្រាយ Web3 ដើម្បីជំរុញកំណើនប្រកបដោយបរិយាប័ន្ននៅកម្ពុជា ភ្នំពេញ ថ្ងៃទី 13 ខែវិច្ឆិកា ឆ្នាំ 2022 – ក្នុងអំឡុងពេលនៃកិច្ចប្រជុំកំពូលពាណិជ្ជកម្ម និងការវិនិយោគអាស៊ានឆ្នាំ 2022 ក្រុមហ៊ុន Binance ដែលជាក្រុមហ៊ុនផ្តល់សេវាប្រព័ន្ធអេកូឡូស៊ី blockchain ឈានមុខគេលើពិភពលោក និងក្រុមហ៊ុន រ៉ូយ៉ាល់គ្រុប បានចុះកិច្ចព្រមព្រៀងរួមគ្នាដើម្បីពង្រឹងភាពជាដៃគូនៅក្នុងប្រទេសកម្ពុជា ដើម្បីជំរុញប្រទេសជាតិ ចូលទៅក្នុងយុគសម័យនៃដំណោះស្រាយ Web3 បន្ទាប់ពីបានចុះអនុស្សរណៈ កាលពីដើមឆ្នាំនេះ ហើយកំពុងរងចាំការអនុញ្ញាត។ ពិធីចុះហត្ថលេខាលើកិច្ចព្រមព្រៀងនៅរាជធានីភ្នំពេញនាថ្ងៃនេះ ត្រូវបានរៀបចំក្រោមអធិបតីភាព ឯកឧត្តម លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនិយតករមូលបត្រកម្ពុជា។ លោក Leon Foong ប្រធានក្រុមហ៊ុន Binance ប្រចាំតំបន់អាស៊ីបាស៊ីហ្វិកបានឲ្យដឹងថា៖ «យើងពិតជារំភើបក្នុងការពង្រឹងទំនាក់ទំនង និងការសហការដ៏រឹងមាំរបស់យើងជាមួយក្រុមហ៊ុន រ៉ូយ៉ាល់គ្រុប។ ការបណ្តាក់ទុនរួមគ្នានេះនឹងអនុញ្ញាតឲ្យអ្នកប្រើប្រាស់ក្នុងប្រទេសកម្ពុជារីករាយជាមួយនឹងបទពិសោធន៍ប្រើប្រាស់ដែលរលូន ដើម្បីធ្វើឲ្យវាកាន់តែងាយស្រួលសម្រាប់អ្នកប្រើប្រាស់ក្នុងការស្វែងយល់អំពី blockchain និងចូលទៅកាន់បណ្តាញរបស់ក្រុមហ៊ុន រ៉ូយ៉ាល់គ្រុប ដើម្បីស្វែងរកវិធីដើម្បីចាប់ផ្តើមដំណើរ web3.0 របស់ពួកគេ។ យើងនឹងបន្តពង្រឹងកិច្ចសហប្រតិបត្តិការ ដូច្នេះកម្ពុជាទទួលបានអត្ថប្រយោជន៍ពីការរីកចម្រើននៃប្រព័ន្ធអេកូឡូស៊ី Blockchain ហើយយើងរួមគ្នាខិតខំជំរុញកំណើនសេដ្ឋកិច្ច […]

(ភ្នំពេញ)៖ ជំទាវទី១ របស់កូរ៉េខាងត្បូង លោកស្រី kim keon hee បានចុះសួរសុខទុក្ខកុមារកម្ពុជាដែលមានជំងឺប្រហោងបេះដូង កាលពីថ្ងៃសៅរ៍ និងបានលើកទឹកចិត្តក្រុមគ្រួសារ ដោយលើកទឹកចិត្តចុះចាញ់ ទោះស្ថិតក្នុងកាលៈទេសៈណាក៏ដោយ ។ នេះបើយោងតាមការចុះផ្សាយរបស់សារព័ត៌មានកូរ៉េ Yonhap។ កុមារអាយុ ១៤ឆ្នាំមានជំងឺបេះដូងពីកំណើត ហើយត្រូវជួបលោកស្រី Kim នៅមជ្ឈមណ្ឌលវេជ្ជសាស្ត្រ Hebron ក្នុងទីក្រុងភ្នំពេញ ប៉ុន្តែកុមាររូបនេះមិនសូវស្រួលខ្លួន ហើយលោកស្រី Kim ក៏បានសម្រេចចិត្តទៅលេងគាត់នៅផ្ទះរបស់គាត់ជំនួសវិញ នេះបើយោងតាមការិយាល័យប្រធានាធិបតី។ លោកស្រី បានលើកទឹកចិត្តកុមារនោះថា «អ្នកអាចស៊ូនឹងវាបានទេ? ឆាប់ជា ហើយជួបគ្នានៅកូរ៉េ»។ លោកស្រីបន្តថា«ក្តីសង្ឃឹមពិតជាមាន។ សូមកុំបោះបង់ក្នុងកាលៈទេសៈណាក៏ដោយ ហើយបន្តទៅមុខទៀត»។ ការិយាល័យប្រធានាធិបតីបាននិយាយថា ឪពុករបស់កុមារបានស្លាប់ទាំងមុនគេចាប់កំណើត ហើយម្តាយ និងបងប្រុសរបស់គាត់មិនមានសុខភាពល្អ ដោយទុកកុមាររូបនេះឱ្យនៅមើលថែប្អូនថ្លៃរបស់គាត់ដែលធ្វើការជាអ្នកបោសសម្អាតមើលថែជំនួស៕ រូបភាព៖ Yonhap/ Zea Sal

(ភ្នំពេញ)៖ ព្រះចៅស៊ុលតង់ ហាជី ហាលសាណាល់ បុលគីយ៉ាស់ មុយអ៊ីហ្សាឌីន វ៉ាឌូឡាហ៍ (Haji Hassanal Bolkiah Mu’izzaddin Waddaulah) ព្រះមហាក្សត្រ នៃប្រទេសព្រុយណេដារូហ្សាឡឹម បានដឹកនាំគណៈប្រតិភូយាងមកដល់ព្រលានយន្តហោះអន្តរជាតិភ្នំពេញ នារសៀលថ្ងៃទី០៩ ខែវិច្ឆិកា ឆ្នាំ២០២២នេះ ដើម្បីចូលរួមកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធ។ យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ក្នុងអំឡុងពេលព្រះរាជទស្សនកិច្ចនេះ ព្រះចៅស៊ុលតង់ ព្រះមហាក្សត្រនៃព្រុយណេដារូស្សាឡាម នឹងមានព្រះរាជសវនាការជាមួយព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅក្នុងព្រះបរមរាជវាំង។ ព្រះចៅស៊ុល តង់ និងសម្តេចតេជោ ហ៊ុន សែន នាយករដ្ឋមន្រ្តីកម្ពុជា នឹងមានកិច្ចប្រជុំកំពូលទ្វេភាគី នៅវិមានសន្តិភាព នៅថ្ងៃទី១៤ ខែវិច្ឆិកា ឆ្នាំ២០២២ បន្ទាប់មកនឹងយាង/អញ្ជើញជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងរដ្ឋាភិបាលនៃប្រទេសទាំងពីរ ស្តីពីកិច្ចពិគ្រោះយោបល់ទ្វេភាគី៕ រូបថត៖ សួស សាវី និងគល់ រ៉េននី (ទីភ្នាក់ងារសារព័ត៌មានកម្ពុជា – AKP)

(កណ្តាល)៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល នៅថ្ងៃទី០៨ ខែវិច្ឆិកា ឆ្នាំ២០២២ បានធ្វើការបកស្រាយបំភ្លឺជូនសាធារណជន ទៅនឹងគណនីហ្វេសប៊ុកឈ្មោះ Nhom Phearom ដែលបានបង្ហោះផ្សព្វផ្សាយ មានខ្លឹមសារថា «ថ្ងៃឈប់សម្រាកបុណ្យអុំទូកនាំគ្នាទៅលេងស្រុកមកតាមផ្លូវតាខ្មៅ ត្រូវលោកប៉ូលិសចាប់ផាកពិន័យ ១០ម៉ឺនរៀលក្នុងម៉ូតូមួយគ្រឿង ម៉ូតូពួកខ្ញុំ មាន០៥គ្រឿង សរុបជាទឹកប្រាក់ ៥០ម៉ឺនរៀល ខ្ញុំទទួលស្គាល់ថាពួកខ្ញុំខុស ជិះម៉ូតូបញ្រ្ចាស់ ប៉ុន្តែពួកខ្ញុំព្យាយាមសម្រួលជាមួយគាត់យ៉ាងណាក៏មិនព្រមដែរ ពួកខ្ញុំជាកម្មកររោងចក្រមានលុយឯណាអោយគាត់ផាកពិន័យដល់ទៅ ១០ម៉ឺននោះ ពួកខ្ញុំព្យាយាមនិយាយសម្រួលជាមួយគាត់យ៉ាងណា ក៏គាត់មិនព្រមដែរ បងប្អូនដែលមិនធ្លាប់ជិះកាត់ផ្លូវតាខ្មៅ ដូចជាពួកខ្ញុំជួយប្រយ័ត្នផង ជិះតាមផ្លូវហ្នឹងមក មើលមិនដឹងថាផ្លូវហ្នឹងបញ្រ្ចាស់ទេ មើលមុខគាត់ទៅមិនលើកលែងឱ្យអ្នកណាទាំងអស់»។ ក្រោយពីទទួលបានព័ត៌មាននេះភ្លាម លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្ត បានបញ្ជាលោកអធិការនគរបាលក្រុងតាខ្មៅ ចំណាត់ការឆ្លើយតបបំភ្លឺករណីខាងលើ។ ជាលទ្ធផល នៅរសៀលថ្ងៃទី០៨ ខែវិច្ឆិកា ឆ្នាំ២០២២ លោកអធិការ បានបញ្ជាឲ្យផ្នែកសេនាធិការ អញ្ជើញមន្ត្រីផ្នែកចរាចរណ៍ដែលចុះអនុវត្តរឹតបន្តឹងច្បាប់ចរាចរណ៍ផ្លូវគោក នៅគោលដៅខាងលើទាំងពីរនោះមកបំភ្លឺនៅអធិការដ្ឋាននគរបាលក្រុងតាខ្មៅ។ ផ្អែកតាមការបំភ្លឺពីលោកអនុសេនីយ៍ឯក សៀម ប៉ូច អត្តលេខ៤០៤៧៤ ជាមន្រ្តីផ្នែកចរាចរណ៍ និងលោកអនុសេនីយ៍ឯក ឯម សុគន្ឋ […]

(ភ្នំពេញ)៖ អគ្គនាយកដ្ឋានអន្តោប្រវេសន៍ នៅថ្ងៃទី០៧ដល់០៨ ខែវិចិ្ឆកា ឆ្នាំ២០២២ បានធ្វើការ បណ្តេញជនបរទេសចំនួន១៣០នាក់ ស្រី០៣ មាន០២សញ្ជាតិ ក្នុងនោះជនជាតិចិនចំនួន១១០នាក់ ជនជាតិវៀតណាម២០នាក់ ចេញពីព្រះរាជាណាចក្រកម្ពុជា អនុលោមតាមច្បាប់ស្តីពីអន្តោប្រវេសន៍ តាមប៉ុស្តិ៍នគរបាលច្រកទ្វារអាកាសយានដ្ឋាន អន្តរជាតិភ្នំពេញ និងប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង។ យោងតាមសេចក្តីប្រកាសព័ត៌មាន ជនបរទេសចំនួន១៣០នាក់ខាងលើ ត្រូវបានសមត្ថកិច្ចធ្វើការឃាត់ខ្លួនពាក់ព័ន្ធបទល្មើសលួច ឆ្លងដែនខុសច្បាប់ គ្មានលិខិតឆ្លងដែន និងលួចស្នាក់នៅធ្វើការងារខុសច្បាប់ ដែលល្មើសនឹងច្បាប់ស្តីពីអន្ត ប្រវេសន៍ ដោយត្រូវធ្វើការបណ្ដេញចេញតាមប្រកាសរបស់ក្រសួងមហាផ្ទៃ និងហាមឃាត់ការចូលប្រទេសកម្ពុជា រយៈពេល០៣ឆ្នាំ៕ ប្រភព៖ អគ្គនាយកដ្ឋានអន្តោប្រវេសន៍

មនុស្សចំនួន ១៩នាក់ ត្រូវបានបញ្ជាក់ថាបានស្លាប់ បន្ទាប់ពីយន្តហោះដឹកអ្នកដំណើររបស់ប្រទេសតង់ហ្សានី បានធ្លាក់ចូលទៅក្នុងបឹង Victoria ក្នុងអាហ្វ្រិកខាងកើតកាលពីថ្ងៃអាទិត្យ។ ក្រុមហ៊ុនអាកាសចរណ៍ Precision Air ដែលជាក្រុមហ៊ុនអាកាសចរណ៍ឯកជនរបស់តង់ហ្សានី ដែលប្រតិបត្តិការជើងហោះហើរនេះ បាននិយាយថា យន្តហោះមួយនេះបានហោះចេញពីទីក្រុង Dar es Salaam ដ៏ធំបំផុតរបស់ប្រទេសតង់ហ្សានី ហើយបានធ្លាក់ខណៈពេលកំពុងព្យាយាមចុះចតនៅអាកាសយានដ្ឋានក្នុងទីក្រុង Bukoba ភាគពាយព្យរបស់ប្រទេស។ សេចក្តី​ថ្លែងការណ៍​របស់​ក្រុមហ៊ុន​បាន​និយាយ​ថា ក្នុង​ចំណោម​អ្នក​ដំណើរទាំង ៣៩ នាក់ និង​សមាជិកអាកាសយានិកចំនួន ៤ នាក់ គឺមាន ២៤ នាក់ ​នៅ​រស់រានមានជីវិត។ វីដេអូពីកន្លែងកើតហេតុបានបង្ហាញថា យន្តហោះស្ទើរតែលិចទឹកទាំងស្រុង ដោយមានតែកន្ទុយរបស់វាប៉ុណ្ណោះ ដែលអាចមើលឃើញពីលើទឹក។ កិច្ចខិតខំប្រឹងប្រែងជួយសង្គ្រោះតាមទូកក៏ត្រូវបានបង្ហាញផងដែរ។ ប្រព័ន្ធផ្សព្វផ្សាយក្នុងស្រុកបាននិយាយថា យន្តហោះកំពុងព្យាយាមចុះចត ប៉ុន្តែប្រឈមនឹងស្ថានភាពមិនល្អ មើលផ្លូវមិនឃើញអំឡុងពេលមានព្យុះ។ ឥឡូវនេះអាជ្ញាធរ​កំពុង​ស៊ើបអង្កេត​រក​មូលហេតុ​នៃ​ការ​ធ្លាក់​យន្តហោះ៕ អត្ថបទ៖ លីដា ប្រភព៖ CNN

ភ្នំពេញ – ថ្ងៃទី ២៦ ខែ តុលា ឆ្នាំ ២០២២ ៖ ប្រតិបត្តិករសេវាកម្មទូរគមនាគមន៍ដែលបំរើសេវាកម្មយូជាងគេបំផុតនៅកម្ពុជា សែលកាត ប្រារព្ធខួបគម្រប់ ២៥ឆ្នាំ អមជាមួយគម្រោងផ្ដួចផ្ដើមថ្មីជាបន្តបន្ទាប់នឹងត្រូវបានបើកដំណើរការក្នុងរយៈពេល ២ខែ ខាងមុខ។ ក្រុមហ៊ុនដែលបាននាំយកនូវ សេវាកម្មបង់ប្រាក់ជាមុន មកកាន់កម្ពុជាជាមួយនឹងគម្រោងផ្ដួចផ្ដើមថ្មីៗជាច្រើនដែលបន្សល់នូវមរតក ហើយគ្មានភាពថមថយ ដោយក្រុមហ៊ុនបានកំណត់យកចក្ខុវិស័យផ្ដោតលើអនាគតឌីជីថល និងបំលែងខ្លួនជាអ្នកបើកផ្លូវនិងត្រួសត្រាយសម្រាប់មនុស្សជំនាន់ឌីជីថលថ្មី។ នាយកប្រតិបត្តិរបស់ សែលកាត មានប្រសាសន៍ថា៖ «សែលកាត បានបន្តប្រតិបត្តិការអស់រយៈពេលយ៉ាងយូរមកហើយចាប់តាំងពីការបង្កើតក្រុមហ៊ុននេះឡើងនៅក្នុងឆ្នាំ១៩៩៧។ ស្របពេលដែលយើងប្រារព្ធពិធិអបអរគម្រប់ខួប២៥ឆ្នាំរបស់ក្រុមហ៊ុន យើងក៏ប្រារព្ធជាមួយគ្នានូវសមិទ្ធផលអស់រយៈពេលជាង២៥ឆ្នាំ មកនេះ គួបផ្សំជាមួយនូវបញ្ជីនៃសកម្មភាពជោគជ័យជាច្រើន បន្ថែមពីនេះទៅទៀត យើងក៏អបអរដល់អ្នកគ្រប់គ្នាដែលបានរួមចំណែកនៃដំណើរអាជីវកម្មនេះ ដែលត្រូវបានដឹកនាំដោយថ្នាក់ដឹកនាំដ៏មានចក្ខុវិស័យនៃភាពដឹកនាំខ្ពស់គឺ អ្នកឧញ្ញ៉ា គិត ម៉េង។ សែលកាត គឺជាក្រុមហ៊ុននាំមុខអស់រយៈពេល១១ឆ្នាំ ចាប់តាំងពីពេលត្រូវបានបង្កើតឡើង ហើយវានឹងក្លាយជាក្រុមហ៊ុននាំមុខបែបនេះម្ដងទៀត។ ការប្ដេជ្ញាចិត្តរបស់ក្រុមហ៊ុនក្នុងការផ្ដល់ការតភ្ជាប់ទំនាក់ទំនងដល់អ្នកគ្រប់គ្នាគឺនៅតែជាកិច្ចការដ៏មានស្ថេរភាពរបស់យើង ហើយនៅពីក្រោយរឿងរ៉ាវនេះផងដែរប្រវត្តិរបស់ សែលកាត នៃភាពនាំមុខ កំពុងបន្តនិងនៅតែបន្តនៅពេលច្រើនឆ្នាំខាងមុខទៀត ពោលគឺក្រៅពីការភ្ជាប់ទំនាក់ទំនងសម្រាប់អ្នកគ្រប់គ្នា គឺយើងផ្ចុងផ្ដើមការរស់នៅបែបឌីជីថលសម្រាប់អតិថិជនរបស់យើង ព្រមទាំងរៀបចំឲ្យសិស្សនិស្សិត គ្រួសារ សហគមន៍ ក៏ដូចជាជំនួញធុរកិច្ចទាំងឡាយសម្រាប់អនាគតឌីជីថល។» ត្រូវបានបង្កើតឡើងក្នុងឆ្នាំ ១៩៩៧ ក្រុមហ៊ុន […]

តារា​ល្បីៗមាន​ឈ្មោះ​បោះសម្លេង​ ដូចជា មាស សុខសោភា ដួង វិរៈសិទ្ធ ម៉ម ពេជ្ជរិទ្ធ ពូ ឃ្លាំង តី និង រៀម សុខភិរម្យ​ បាន​​រួម​គ្នាច្រៀង​នឹង​សម្ដែង​បទចម្រៀង «វីរភាពកីឡា» ដែល​បទចម្រៀង​នេះបានចូលរួមសហការយ៉ាងពេញទំហឹង ពីPleng ដើម្បីអបអរសាទរព្រឹត្តិការណ៍ប្រកួតកីឡាជាតិលើកទី 3 ដែលគ្រោងនឹងដំណើរការពីថ្ងៃទី21 ដល់ថ្ងៃទី30 ខែវិច្ឆិកា ឆ្នាំ2022។ បទចមៀង​នេះបាន​ធ្វើ​ឡើងដើម្បី​ចូលរួម គាំទ្រស្មារតីកីឡាជាតិ ហើយ​ក៏ជា​បទចម្រៀង​ខ្មែរ​ដំបូង​គេដែរប្រើ​ឧបករណ៏ភ្លេងខ្មែរ ច្រើនជាងគេរហូតដល់ 16 មុខ ដូចជា៖ 1.ទ្រសោ 2.ខ្លុយ 3.ប៉ីអ 4.ទ្រខ្សែបី 5.ទ្រអ៊ូ 6.ស្គរធំពីរ 7.រនាតភ្លោះ 8.ស្គរសម្ភោរ 9.ឈិង 10.ស្គរខ្យល់ 11.ស្រឡៃ 12.ស្នែងតូច 13.ស្នែងធំ 14.តាឃេ 15.គងភ្លោះ 16.ឃឹម បទចម្រៀង«វីរភាពកីឡា» នេះដែរ នឹងមានសម្រាប់ហ្វេនៗស្តាប់ នៅក្នុង Pleng app មុនគេតែមួយគត់គឺនៅថ្ងៃទី 07 […]

សម្ព័ន្ធក្រុមហ៊ុនANDAMI Group ដែលជាក្រុមហ៊ុនធំមួយរបស់ប្រទេសកូរ៉េ បានសម្រេច ជ្រើសរើសកំពូលតារាចម្រៀងក្នុងផលិតកម្មហ្គាឡាក់ស៊ី ណាវ៉ាត្រា កញ្ញា តន់ ចន្ទសីម៉ា ជាBrand Ambassadorតំណាងឱ្យផលិតផលរបស់ខ្លួន ក្នុងការឈានជើងចូលមកក្នុងទីផ្សាររបស់ព្រះរាជាណាចក្រកម្ពុជា ពិធីចុះហត្ថលេខា បានធ្វើឡើងកាលពីដើមចុងសប្ដាហ៍កន្លងទៅនៅអាគារMorgan កោះពេជ្រ។ ANDAMI Group គឺជាក្រុមហ៊ុនបច្ចេកទេសដ៏ធំនៅប្រទេសកូរ៉េខាងត្បូង ដែលមានជំនាញ និងបទពិសោធន៍ជាង ២០ឆ្នាំនៅក្នុងវិស័យឧស្សាហកម្មផលិតចំណីអាហារ និងភេសជ្ជៈ ឧស្សាហកម្មឡូជីស្ទីកចំណីអាហារកក និងឧស្សាហកម្មផលិត និងចែកចាយអាហារវេចខ្ចប់។ នាពេលឆាប់ៗខាងមុខនេះ សម្ព័ន្ធក្រុមហ៊ុន ANDAMI Group នឹងឈានជើងចូលមកកាន់ទីផ្សារប្រទេសកម្ពុជា លើការបង្កើតរោងចក្រកែច្នៃអាហារ ជាពិសេសគឺផលិតផលទឹកផ្លែឈើ និងដំណាប់ នៅក្នុងប្រទេសកម្ពុជា នាំចេញទៅប្រទេសកូរ៉េខាងត្បូង ជប៉ុន ចិន សាំងហ្គាពួរ និងហុងកុង។ល។ ជាមួយនឹងការងារជាBrand Ambassador កញ្ញា តន់ ចន្ទសីម៉ា និងត្រូវធ្វើការងារជាច្រើន មួយក្រុមហ៊ុនកូរ៉េក្នុងនាមជាផ្សព្វផ្សាយផលិតផលក្រុមហ៊ុន តាមការព្រមព្រៀងគ្នា។ នេះជាជោគជ័យថ្មីមួយទៀតរបស់ តន់ ចន្ទសីម៉ា បន្ទាប់ពីប្រជាប្រិយភាពរបស់នាង កាន់តែទទួលបានការគាំទ្រខ្លាំងវ៉ាដាច់គេ។ បែបណាក្ដី ហ្គាឡាក់ស៊ី ណាវ៉ាត្រា […]