(ភ្នំពេញ)៖ ក្រុមប្រឹក្សាភិបាលសាកលវិទ្យាល័យរាជផាត់ឧបុនរាជធានី ព្រះរាជាណាចក្រថៃ បានសម្រេចប្រគល់សញ្ញាបត្រកិត្តិយស ជំនាញសិល្បៈនៃការទំនាក់ទំនង ប្រចាំឆ្នាំ២០២៣ – ២០២៤ ជូនដល់ លោកបណ្ឌិត ខៀវ កាញារីទ្ធ សមាជិករដ្ឋសភានៃព្រះរាជាណាចក្រកម្ពុជា។ នេះបើតាមលិខិតផ្ញើទៅលោកបណ្ឌិត ខៀវ កាញារីទ្ធ ដែលបណ្តាញ Fresh News ទទួលបាននៅថ្ងៃទី២៤ ខែមិថុនា ឆ្នាំ២០២៤។ សាកលវិទ្យាល័យរាជផាត់ឧបុនរាជធានី នឹងរៀបចំពិធីត្រៀមទទួលសញ្ញាបត្រកិត្តិយស ពិធីជប់លៀងអបអរសាទរ បណ្ឌិតថ្មីនិងពិធីទទួលសញ្ញាបត្រ ដែលគ្រោងនឹងរៀបចំនៅពេលឆាប់ៗ ខាងមុខនេះ ដោយកាលបរិច្ឆេទ និងទីកន្លែងខាងសាកលវិទ្យាល័យ នឹងជម្រាប់ជូនសាជាថ្មីម្តងទៀត៕ ផ្តល់សិទ្ធិដោយ៖ Fresh News

(ភ្នំពេញ)៖ លោក ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា អមដំណើរដោយលោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន នាថ្ងៃទី ២៣ ខែមិថុនា ឆ្នាំ២០២៤ បានដឹកនាំប្រតិភូចុះពិនិត្យទីតាំងដាក់ផ្លាកឈ្មោះផ្លូវមហាវិថី ស៊ី ជីនពីង នៅលើខ្សែផ្លូវក្រវាត់ក្រុងទី៣ ដើមត្រៀមដាក់សម្ពោធនៅថ្ងៃខាងមុខ។ គួរបញ្ជាក់ថាកាលពីថ្ងៃទី២៨ ខែឧសភា ឆ្នាំ២០២៤ នៅវិមានសន្តិភាព ផ្លូវក្រវាត់ក្រុងទី៣ ត្រូវបានប្រសិទ្ធនាមថា «មហាវិថី ស៊ី ជីនពីង» ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោក វ៉ាង វិនធៀន (H.E. Mr. Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា។ មហាវិថី ស៊ី ជីនពីង ឆ្លងកាត់ភូមិសាស្រ្តរាជធានីភ្នំពេញ និងខេត្តកណ្តាល មានប្រវែង ៤៧,១០គីឡូម៉ែត្រ ក្រាលបេតុងស៊ីម៉ង់ត៍សរសៃដែក មានចំណុចចាប់ផ្តើមពីគីឡូម៉ែត្រ ១៤+១០៥ នៃផ្លូវជាតិលេខ៤ និងចំណុចចុងបញ្ចប់នៅគីឡូម៉ែត្រ ២៤+៨៤០ […]

(បរទេស)៖ បន្ទាប់ពីតស៊ូអស់រយៈពេលជាច្រើនខែឆ្នាំ ពេលនេះក្រុមហ៊ុនមេរបស់ TikTok បានអះអាងថា ខ្លួនបានយល់ព្រមឱ្យរដ្ឋាភិបាលសហរដ្ឋអាមេរិកបិទចោលវេទិកាវីដេអូខ្លីៗមួយនេះ ដើម្បីដោះស្រាយកង្វល់សន្តិសុខជាតិ និងការពារទិន្នន័យឯកជនភាពអ្នកប្រើប្រាស់។ នេះបើតាមការចេញផ្សាយដោយសារព័ត៌មាន BBC។ អស់រយៈពេលជាច្រើនខែឆ្នាំមកហើយ TikTok និង ByteDance បាននឹងកំពុងជំរុញឱ្យតុលាការអាមេរិកបញ្ឈប់ការអនុវត្តន៍ច្បាប់ដែលហាមឃាតកម្មវិធីនេះលើទឹកដីអាមេរិក ឬលក់កម្មសិទ្ធឲ្យក្រុមហ៊ុនអាមេរិក។ ជាក់ស្តែង ការយល់ព្រមបើកភ្លើងខៀវពីសំណាក់ TikTok នេះ គឺដើម្បីផ្តល់សិទ្ធអំណាចឲ្យរដ្ឋាភិបាលអាមេរិក នូវសិទ្ធសម្រេចរបស់ខ្លួន ក៏ដូចជាអនុវត្តន៍ច្បាប់ហាមឃាត TikTok ដែលចូលជាធរមានកាលពីឆ្នាំ២០២២។ ច្បាប់នេះ ត្រូវបានកំណត់ឡើង ដោយសារតែការព្រួយបារម្ភ ថា TikTok អាចនឹងចែករំលែកទិន្នន័យអ្នកប្រើប្រាស់នៅអាមេរិក ទៅឲ្យរដ្ឋាភិបាលចិន ប៉ុន្តែជុំវិញកង្វល់នេះ ក្រុមហ៊ុន ByteDance តែងតែបដិសេធ និងធានាថា ខ្លួនមិនបានចែករំលែកទិន្នន័យរបស់អ្នកប្រើប្រាស់ទៅឲ្យរដ្ឋាភិបាលចិននោះទេ ហើយរដ្ឋាភិបាលចិនក៏មិនបានដាក់សម្ពាធមកលើខ្លួនក្នុងការបង្ខំឲ្យចែករំលែកទិន្នន័យនោះដែរ។ TikTok អះអាងថា យន្តការនេះនឹងអនុញ្ញាតឱ្យរដ្ឋាភិបាលមានសិទ្ធិអំណាចច្បាស់លាស់ ក្នុងការព្យួរវេទិកានេះនៅសហរដ្ឋអាមេរិក តាមការសម្រេចចិត្តរបស់រដ្ឋាភិបាលសហរដ្ឋអាមេរិក។ នៅក្នុងលិខិតមួយយ ដែលត្រូវបានរាយការណ៍ដំបូងដោយ Washington Post ផ្ញើទៅកាន់ក្រសួងយុត្តិធម៌សហរដ្ឋអាមេរិក មេធាវីរបស់ TikTok បានចោទប្រកាន់ថា រដ្ឋាភិបាលបានបញ្ឈប់ការចរចាសំខាន់ៗ បន្ទាប់កំណត់ច្បាប់ថ្មី។ គួរជម្រាបថា TikTok […]

(ភ្នំពេញ)៖ លោក កើត​ រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ នឹងធ្វើសន្និសីទសារព័ត៌មានពាក់ព័ន្ធ «ករណីឃាតកម្ម ប្រព្រឹត្តដោយជនល្មើសឈ្មោះ ស្រី ស៊ីណា» នៅថ្ងៃទី២៦ ខែមិថុនាខាងមុខនេះ។ នេះសេចក្តីជូនដំណឹងរបស់ក្រសួងយុត្តិធម៌។ សេចក្តីជូនដំណឹងបានបញ្ជាក់ថា ក្រសួងយុត្តិធម៌ នឹងរៀបចំសន្និសីទសារព័ត៌មានពាក់ព័ន្ធ «ករណីឃាតកម្ម ប្រព្រឹត្តដោយជនល្មើសឈ្មោះ ស្រី ស៊ីណា» នៅថ្ងៃពុធ ទី២៦ ខែមិថុនា ឆ្នាំ២០២៤ វេលាម៉ោង ១៥៖០០នាទីរសៀល នៅទីស្តីការក្រសួងយុត្តិធម៌៕ ផ្តល់សិទ្ធិដោយ៖ Fresh News

(ភ្នំពេញ)៖ កងរាជអាវុធលើផ្ទៃប្រទេស បានចេញសេចក្តីប្រកាសព័ត៌មាន ដោយបញ្ជាក់ពីការផ្អាកមុខតំណែងលោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តប៉ៃលិន ក្រោយកើតមានជម្លោះជាមួយលោក ហូ ទី អ្នករត់តាក់ស៊ីទទួលដឹកអីវ៉ាន់ កាលពីថ្ងៃទី១២ ខែមិថុនា ឆ្នាំ២០២៤។ ក្រោយមានការចែកចាយខ្លាំង នៅលើបណ្តាញសង្គម ករណីជម្លោះរវាងអ្នករត់តាក់ស៊ីម្នាក់ និងមេបញ្ជាការរងអាវុធហត្ថខេត្តប៉ៃលិនលោក ស ប៊ុនសឿង, នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានចាត់តាំងឱ្យធ្វើអធិការកិច្ចភ្លាម និងបានប្រជុំជួរបញ្ជាការពិភាក្សាឆ្លងករណីជម្លោះខាងលើ នៅថ្ងៃទី២១ ខែមិថុនា ឆ្នាំ២០២៤។ ក្រោយពីស្តាប់របាយការណ៍របស់ការិយាល័យនីតិកម្ម និងអធិការកិច្ច កងរាជអាវុធហត្ថលើផ្ទៃប្រទេស និងបានពិភាក្សាលើអង្គហេតុ អង្គច្បាប់ និងក្រមសីលធម៌សម្រាប់មន្ត្រីប្រតិបត្តិច្បាប់ កិច្ចប្រជុំបានសម្រេចជាឯកច្ឆន្ទដូចខាងក្រោម៖ ១- ធ្វើសំណើទៅអគ្គបញ្ញការដ្ឋាននៃកងយោធពលខេមរភូមិន្ទ ដើម្បីផ្អាកមុខតំណែងលោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តប៉ៃលិន អនុលោមតាមមាត្រា៤១ នៃអនុក្រឹត្យលេខ២៩ អនក្រ.បក ចុះថ្ងៃទី៩ ខែមេសា ឆ្នាំ២០០២ ស្តីពីបទវិន័យទូទៅសម្រាប់កងយោធពលខេមរភូមិន្ទ។ ២- ធ្វើសំណើបង្កើតក្រុមប្រឹក្សាវិន័យ តាមឋានានុក្រម អនុលោមតាមច្បាប់ស្តីពីលក្ខន្តិកៈ ទូទៅចំពោះយោធិននៃកងយោធពលខេមរភូមិន្ទ មាត្រា៤៦ ចែងថា «មុននឹងដាក់ទណ្ឌកម្មតាមលក្ខន្តិកៈទូទៅ ត្រូវសុំយោបល់ក្រុមប្រឹក្សាវិន័យជាមុនសិន។ ការរៀបចំ […]

(ឡុងដ៏)៖ អាកាសយានដ្ឋាន Manchester ដែលជាអាកាសយានដ្ឋានដែលមមាញឹកបំផុតទីបីរបស់ចក្រភពអង់គ្លេសនៅថ្ងៃអាទិត្យទី ២៣ មិថុនានេះ បានពន្យារពេល ឬលុបចោលជើងយន្តហោះហើរជាច្រើន ដោយសារការដាច់ចរន្តអគ្គិសនី នេះបើយោងតាមក្រុមហ៊ុនដំណើរការព្រលានយន្តហោះ ចុះផ្សាយដោយទីភ្នាក់ងារសារព័ត៌មាន Reuters នៅថ្ងៃទី២៣ ខែមិថុនា ឆ្នាំ២០២៤។ ក្រុមហ៊ុន Manchester Airports Group ដែលក៏ជាប្រតិបត្តិករអាកាសយានដ្ឋាន London Stansted និង East Midlands ផងដែរនោះ បាននិយាយនៅលើបណ្តាញសង្គមថា អាកាសយានដ្ឋាន Manchester ត្រូវបាន «រងផលប៉ះពាល់ដោយការដាច់ចរន្តអគ្គិសនីដ៏ធំមួយនៅក្នុងតំបន់នៅព្រឹកព្រលឹមថ្ងៃនេះ»។ ក្រុមហ៊ុននេះបានបន្តថា «បញ្ហានេះបានបង្កឲ្យមានការរំខានជាទូទៅ»។ ទោះបីជាចរន្តអគ្គិសនីត្រូវបានស្ដារឡើងវិញនៅម៉ោង ៧:៤៥នាទីព្រឹកក៏ដោយ អាកាសយានដ្ឋាននេះបាននិយាយថា ជើងហោះហើរពីស្ថានីយទី១ និង២ ត្រូវបានលុបចោល និងបានជូនដំណឹងដល់អ្នកដំណើរទាំងនោះ មិងឱ្យទៅអាកាសយានដ្ឋាន រហូតដល់មានសេចក្តីជូនដំណឹងបន្ថែម។ ដោយឡែកអ្នកដំណើរដែលគ្រោងនឹងហោះហើរចេញពីស្ថានីយទី៣ គួរតែមកអាកាសយានដ្ឋានដូចធម្មតា ប៉ុន្តែត្រូវបានព្រមានថាអាចនឹងត្រូវពន្យាពេលផងដែរ។ អាកាសយានដ្ឋានក៏បានបញ្ជាក់ផងដែរថា ការដាច់ចរន្តអគ្គិសនីនេះអាចនឹងធ្វើឲ្យឥវ៉ាន់មិនអាចដឹកចេញ ហើយថាខ្លួននឹងធ្វើការជាមួយក្រុមហ៊ុនអាកាសចរណ៍ ដើម្បីធានាថាអ្នកដំណើរទទួលបានឥវ៉ាន់របស់ពួកគេ ឱ្យបានឆាប់រហ័សតាមដែលអាចធ្វើទៅបាន។ អ្នកដំណើរដែលគ្រោងនឹងមកដល់អាកាសយានដ្ឋាននេះ កំពុងត្រូវបានបង្វែរទៅអាកាសយានដ្ឋានផ្សេងទៀត។ បញ្ហាជាមួយនឹងការផ្គត់ផ្គង់ថាមពលនៅក្នុងតំបន់នេះ ត្រូវបានគេស្មានថាបានប៉ះពាល់ដល់អាកាសយានដ្ឋាន ក៏ដូចជាអគារផ្សេងទៀតនៅក្បែរនោះផងដែរ។ រូបថត និងវីដេអូនៅលើបណ្តាញសង្គម បង្ហាញពីជួរអ្នកដំណើរវែងអន្លាយកំពុងព្យាយាមធ្វើការ […]

(ភ្នំពេញ)៖ ជំងឺមហារីកសុដន់ ឈរនៅលំដាប់ទីមួយក្នុងចំណោមជំងឺមហារីកទាំងអស់ដែលមានលើស្រ្តី អត្រាមរណភាពជំងឺមហារីកសុដន់ខ្ពស់ជាងគេ ក្នុងចំណោមជំងឺមហារីកទាំងឡាយដែលកើតមានលើស្រ្តី នៅក្នុងពិភពលោក ហើយយោងតាមការប៉ាន់ប្រមាណរបស់វិទ្យស្ថានស្រាវជ្រាវដើម្បីអភិវឌ្ឍរបស់បារាំង (IRD) បានឱ្យដឹងថា «ស្ត្រី៥០នាក់ក្នុងចំណោម ១០០,០០០នាក់ នៅកម្ពុជាមានជំងឺមហារីកសុដន់»។ គ្រប់បណ្តាលប្រទេសទាំងអស់លើសកលលោកជំងឺមហារីកជាឃាតករលាក់មុខ យោងតាមការប៉ាន់ប្រមាណរបស់អង្គការសុខភាពពិភពលោក ជំងឺមហារីកនៅកម្ពុជាមាននិន្នាការកើនឡើងគួរឱ្យកត់សម្គាល់ ដូច្នេះរាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក៏ដូចជាក្រសួងសុខាភិបាល ក្រោមការដឹកនាំរបស់លោកសាស្រ្តាចារ្យ ឈាង រ៉ា កំពុងយកចិត្តទុកដាក់ជាខ្លាំងលើបញ្ហានេះ និងដាក់ចេញនូវយុទ្ធសាស្រ្តអាទិភាព ដើម្បីប្រយុទ្ធប្រឆាំងនឹងជំងឺកាចសាហាវនេះ។ ជំងឺមហារីកសុដន់នេះអាចព្យាបាលឱ្យជាសះស្បើយ បើត្រូវបានរកឃើញនៅដំណាក់កាលដំបូង ប៉ុន្តែការយឺតយ៉ាវក្នុងការធ្វើរោគវិនិច្ឆ័យ អាចដោយសារភាពអៀនខ្មាស់ អ្នកជំងឺភាគច្រើនមកជួបពិគ្រោះជាមួយវេជ្ជបណ្ឌិត វេជ្ជបណ្ឌិតឯកទេស ក្នុងសភាពយឺតពេលដែលស្ថិតក្នុងដំណាក់កាលធ្ងន់ធ្ងរ ត្រូវចំណាយថវិកាច្រើន ហើយក៏មានជម្រើសត្រឹមការព្យាបាលបន្ធូរបន្ថយតែប៉ុណ្ណោះ។ នេះបើតាមការបញ្ជាក់របស់លោកសាស្ដ្រាចារ្យ ហ៊ុន ចំរើន អគ្គនាយករងមន្ទីរពេទ្យកាល់ម៉ែត បានថ្លែងក្នុងឱកាសអញ្ជើញបើកសិក្ខាសាលារបស់គម្រោង SENOVIE ស្តីពី «ជំងឺមហារីកសុដន់» នៅថ្ងៃទី២២ ខែមិថុនា ឆ្នាំ២០២៤ ដែលគម្រោងនេះត្រូវបានបង្កើតឡើងដោយមន្ទីរពេទ្យកាល់ម៉ែត និងវិទ្យាស្ថានស្រាវជ្រាវដើម្បីការអភិវឌ្ឍរបស់ប្រទេសបារាំង ក្រោមជំនួយពីស្ថានទូតបារាំងនៅកម្ពុជា។ ក្នុងឱកាសនោះដែរលោកសាស្រ្តាចារ្យ ហ៊ុន ចំរើន បានថ្លែងបន្ដថា «ជំងឺមហារីកសុដន់អាចព្យាបាលជា ប្រសិនបើយើងរកឃើញក្នុងដំណាក់កាលដំបូង សូមលះបង់គំនិតដែលថាកើតជំងឺមហារីកស្មើនឹការស្លាប់ ដូច្នេះការពិនិត្យសុខភាពស្វែងរកជំងឺមហារីក គឺពិតជាមានសារៈសំខាន់ អាចជួយជីវិតអ្នកជំងឺបានទាន់ពេលវេលា […]

(ភ្នំពេញ)៖ លោកស្រីសាស្ដ្រាចារ្យ អ៉ឹម សិទ្ធិការ្យ រដ្ឋលេខាធិការក្រសួងសុខាភិបាល បានស្នើដល់ថ្នាក់ដឹកនាំតាមមន្ទីរពេទ្យ និងមណ្ឌលសុខភាពទូទាំងប្រទេស ត្រូវយកចិត្ដទុកដាក់ខ្ពស់ចំពោះស្ដ្រីមានផ្ទៃពោះ ពិសេសត្រូវបង្កើតទំនាក់ទំនងជាមួយពួកគាត់នៅពេលមកទទួលសេវាពិនិត្យផ្ទៃពោះលើកដំបូង ដើម្បីសួរនាំលម្អិតពីសុខភាព និងណែនាំពីរបៀបថែទាំខ្លួន និងកូនក្នុងផ្ទៃឱ្យមានសុខភាពល្អ ពិសេសការលើកទឹកចិត្ដឲ្យមកទទួលសេវាពិនិត្យទៀងទាត់។ ការថ្លែងយ៉ាងដូច្នេះរបស់លោកស្រីសាស្ដ្រាចារ្យ ក្នុងឱកាសអញ្ជើញជាអធិតីភាពបើកសិក្ខាសាលាពិនិត្យប្រចាំឆ្នាំ សេវាសង្គ្រោះបន្ទាន់ ផ្នែកសម្ភព និងការថែទាំទារកទើបនឹងកើត នៅចុងសប្ដាហ៍នេះ នាសណ្ឋាគារភ្នំពេញ។ លោកស្រីសាស្ដ្រាចារ្យ អ៉ឹម សិទ្ធិការ្យ បានថ្លែងបន្ដថា ពិតណាស់ការការពារ ប្រសើរជាងការព្យាបាល ដូចច្នេះសូមផ្ដាំផ្ញើទៅថ្នាក់ដឹកនំាទាំងអស់ ជាពិសេសនៅតាមបណ្ដាលខេត្ដ សូមឱ្យចិត្ដទុកដាក់ក្នុងការថែទាំស្ដ្រីមានផ្ទៃពោះ មុនពេលសម្រាល។ «បើសិនជាយើងមើលថែម្ដាយឱ្យបានល្អ ទារកកើតមក ៨៥% មានសុខភាពល្អ មិនចាំបាច់ត្រូវការសង្គ្រោះពីក្រុមគ្រូពេទ្យនោះទេ ដោយគ្រាន់តែជូតសម្អាតទារក រួចយកទៅជូនឪពុកម្ដាយរបស់ទារកជាការស្រេច ហើយមានត្រឹម ១៥% ប៉ុណ្ណោះដែលអាចនឹងត្រូវការជួយសង្គ្រោះពីគ្រូពេទ្យ។ចំណែកម្ដាយក៏ដូចគ្នា បើយើងថែទាំងបានល្អ នៅពេលគាត់មកពិនិត្យផ្ទៃពោះ គឺលើសពី៨០% មិនមានបញ្ហាអ្វីនោះទេ ហើយ ១០% -១៥% ប៉ុណ្ណោះត្រូវការមើលការថែបន្ថែមពីគ្រូពេទ្យ។ ដូចនេះបើយើងធ្វើបាន អត្រាមរណភាពមាតា និងទារក នឹងធ្លាក់ចុះ»។ «ចឹងខ្ញុំសូមផ្ដាំផ្ញើទៅថ្នាក់ដឹកនាំទាំងអស់ ទាំងនៅតាមមណ្ឌលសុខភាព ធ្វើយ៉ាងណាត្រូវកសាងឱ្យមានទំនាក់ទំនងល្អនៅពេលស្ត្រីមានផ្ទៃពោះ មកពិនិត្យលើកដំបូង […]

(ព្រៃវែង)៖ ក្នុងរយៈពេលជាងមួយខែមកនេះមានសត្វឆ្កែចំនួន១១ក្បាល ហើយត្រូវបានសត្វមិនស្គាល់ខាំកកេរនិងស៊ីយកតែគ្រឿងក្នុងពលរដ្ឋសង្ស័យថាជាសត្វខ្លា។ ករណីនេះបានកើតឡើងនៅក្នុង ភូមិព្រៃគូរ ឃុំសំបូរ ស្រុរមាសហែក ខេត្តស្វាយរៀង និងភូមិ រំដួល ភូមិ វាល ឃុំស្មោងខាងត្បូង ស្រុកកំចាយមារ ខេត្តព្រៃវែង ។ យោងតាមរបាយការណ៍របស់ប៉ុស្តិ៍រដ្ឋបាលឃុំស្មោងខាងត្បូង ស្រុកកំចាយមារ បានបានឲ្យដឹងថា កាលពីថ្ងៃទី២០-២៥ ខែឧសភា ឆ្នាំ២០២៤ មានព័ត៌មានពីប្រជាពលរដ្ឋភូមិ ព្រៃគូរ ឃុំសំបូរ ស្រុករមាសហែក ខេត្តស្វាយរៀងថា មានករណីសត្វម្យ៉ាងខាំឆ្កែងាប់ចំនួន ២ ក្បាលមិនដឹងពីមូលហេតុ អ្វី។ លុះចាប់ពីថ្ងៃទី៣០ ខែឧសភា ដល់ថ្ងៃទី ១៨ ខែមិថុនា ឆ្នាំ២០២៤ នៅភូមិរំដួល និងភូមិ វាល ក្នុងឃុំ ស្ទោងខាងត្បូង ស្រុកកំចាយមារ ខេត្តព្រៃវែង ប្រជាពលរដ្ឋបានប្រទះឃើញសត្វឆ្កែរបស់អ្នភូមិងាប់ជាបន្តបន្ទាប់ អស់ចំនួន ៩ ក្បាល មិនដឹងពីមូលហេតុ ហើយស្ថានភាពសាកសពសត្វឆ្កែទាំងអស់នោះគឺងាប់ដោយសារមាន ស្នាមរបួសនៅលើបំពង់ក និងពោះហើយសត្វឆ្កែខ្លះបាត់អស់គ្រឿងក្នុង (ពោះវៀន ថ្លើម សួត)។ តាមរបាយការណ៍បានបន្តថា […]

(ភ្នំពេញ)៖ នារាត្រីថ្ងៃអាទិត្យ ទី២៣ ខែមិថុនា ឆ្នាំ២០២៤នេះ សម្តេចតេជោ ហ៊ុន សែន ប្រធានព្រឹទ្ធសភា និងអតីតនាយករដ្ឋមន្រ្តីកម្ពុជា ប្រកាសតាមរយៈ បណ្តាញសង្គម Facebook ផ្លូវការរបស់សម្តេចដោយ អំពាវនាវឲ្យមន្រ្តីរាជការ និងប្រជាពលរដ្ឋខ្មែរប្រើប្រាស់កម្មវិធី CoolApp លើកទឹកចិត្តស្នាដៃកូនខ្មែរ និងដើម្បីសម្រាប់សុវត្ថិភាពសន្តិសុខជាតិ។ សារដ៏ពិសេសរបស់ សម្តេចតេជោ ហ៊ុន សែន បានរៀបរាប់នូវខ្លឹមសារដូចតទៅ៖ ប៉ុន្មានថ្ងៃមកនេះខ្ញុំបានសាកល្បងប្រើកម្មវិធី CoolApp ដែលកូនខ្មែរបានផលិត និងដាក់ឲ្យប្រើប្រាស់ដែលមានខ្ញុំជាអ្នកអំពាវនាវឲ្យប្រើប្រាស់ផងដែរ។គោលដៅរបស់ខ្ញុំក្រៅពីលើកទឹកចិត្តឲ្យកូនខ្មែរចេះស្រាវជ្រាវបច្ចេកទេសវិទ្យាសាស្ត្រ ក្លាយជាផលិតផលខ្មែរ អ្វីដែលខ្ញុំត្រូវគិតគឺសុវត្តិភាពសម្រាប់សន្តិសុខជាតិ ដែលបរទេសពិបាកជ្រៀតជ្រែកយកព័ត៌មានពីយើងបាន។ ប្រទេសគេមានប្រព័ន្ធទំនាក់ទំនងរបស់គេ ដូចជា Wechat របស់ចិន, Zalo របស់វៀតណាម, Kakao Talk របស់កូរ៉េខាងត្បូង, Telegram របស់រុស្ស៉ី ដូច្នេះកម្ពុជាយើងមាន CoolApp។ រឿងសំខាន់មួយទៀតគឺការធានាដល់ទំនាក់ទំនងក្នុងប្រទេសរបស់យើង ក្នុងករណីបណ្តាញទំនាក់ទំនងរបស់បរទេស ជួបការរអាក់រអួលដោយប្រការណាមួយ។ ដូចនេះមន្ត្រីរាជការស៉ីវិល និងកងកម្លាំងប្រដាប់គួរបង្កើតឲ្យមាន CoolApp ដើម្បីធានាម្ចាស់ការលើរក្សាការសម្ងាត់ផង និងការដាច់ទំនាក់ទំនងពីប្រព័ន្ធបរទេសផង។ CoolApp ប្រើប្រព័ន្ធរក្សាការសំងាត់បំផុត គឺប្រព័ន្ធ Encryption […]