(ភ្នំពេញ)៖ ចៅក្រមស៊ើបសួរសាលាដំបូងរាជធានីភ្នំពេញ ហុង ម៉ារីណិច បានចេញដីកាបង្គាប់ឲ្យជនខ្លួនអ្នកបើកបររថយន្ដ Jeep ឈ្មោះ ព្រហ្ម វិចិត្រសុសក្ដា ដែលបើករថយន្តបុកជនរងគ្រោះណ្តាលឲ្យស្លាប់ នៅខណ្ឌទួលគោក។ នេះបើតាមដីកាដែលបណ្ដាញព័ត៌មាន Fresh News ទទួលបាននៅល្ងាចថ្ងៃទី២៤ ខែធ្នូ ឆ្នាំ២០២៣។ ជននេះត្រូវដាក់ឲ្យស្ថិតនៅក្រោមការពិនិត្យពីបទ៖ បើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ច ដែលបទប្បញ្ញត្តិស្តីពីចរាចរណ៍ផ្លូវគោកតម្រូវ បណ្តាលឲ្ហស្លាប់អ្នកដទៃ និងបទរត់គេចខ្លួនប្រព្រឹត្តនៅចំណុចផ្លូវលេខ៣១៧ ប្រសព្វផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី១៤ ខែធ្នូ ឆ្នាំ២០២៣ តាមមាត្រា៨៥ នៃច្បាប់ស្តីពីចរាចរណ៍ផ្លូវគោក និងមាត្រា ៥៤៣ នៃក្រមព្រហ្មទណ្ឌ។ ពាក់ព័ន្ធដល់ករណីនេះ បណ្ដាញព័ត៌មាន Fresh News បានទទួលការបញ្ជាក់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាក់ថា អ្នកបើករថយន្ដឈ្មោះ ព្រហ្ម វិចិត្រសុសក្ដា បានចូលខ្លួនមកកាន់ស្នងការដ្ឋាននគរបាលរាជធានីភ្នំពេញ ដើម្បីទទួលស្គាល់កំហុសរបស់ខ្លួនតាមផ្លូវច្បាប់។ ក្រោយសួរនាំចប់, កម្លាំងសមត្ថកិច្ចជំនាញបានកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់។ […]

(ភ្នំពេញ)៖ ព្រះរាជអាជ្ញារងអមសាលាដំបូងរាជធានីភ្នំពេញ នៅរសៀលថ្ងៃទី២៤ ខែធ្នូ ឆ្នាំ២០២៣ កំពុងដំណើរការសាកសួរលើជន បង្កគ្រោះថ្នាក់ចរាចរណ៍ឈ្មោះ ព្រហ្ម វិចិត្រសុសក្ដា ដែលបើករថយន្តសេរីទំនើបហើយបុកជនរងគ្រោះណ្តាលឱ្យស្លាប់ នៅខណ្ឌទួលគោក។ លោក ប៉េង ម៉េងគ័ង អ្នកនាំពាក្យរបស់ស្ថាប័នអយ្យការ បានបញ្ជាក់ប្រាប់អ្នករាយការណ៍ព័ត៌មានអង្គភាព Fresh News លោក ជួន សុជាតិ ថា «ខ្ញុំសូមជម្រាបជូនថា ករណីនេះកំពុងស្ថិតនៅក្នុងចំណាត់ការរបស់តំណាងអយ្យការនៅឡើយ។ ចំពោះចំណាត់ការចុងក្រោយបែបណាខ្ញុំនឹងជូនព័ត៌មានបន្ថែមនៅពេលក្រោយ»។ ពាក់ពន្ធ័ដល់ករណីនេះ បណ្ដាញព័ត៌មាន Fresh News បានទទួលការបញ្ជាក់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាក់ថា អ្នកបើករថយន្ដឈ្មោះ ព្រហ្ម វិចិត្រសុសក្ដា បានចូលខ្លួនមកកាន់ស្នងការដ្ឋាននគរបាលរាជធានីភ្នំពេញហើយ ដើម្បីទទួលស្គាល់កំហុសរបស់ខ្លួនតាមផ្លូវច្បាប់។ លោកឧត្តមសេនីយ៍ឯក ជួន ណារិន្ទ បានថ្លែងបែបនេះថា «ក្រុមគ្រួសារ និងសាមីខ្លួន បានមកប្រគល់ខ្លួននៅស្នងការនគរបាលរាជធានីភ្នំពេញ នៅវេលាម៉ោង ១១ព្រឹកនាថ្ងៃទី២៣ ខែធ្នូ ឆ្នាំ២០២៣នេះ»។ នៅចំពោះមុខនេះ កម្លាំងសមត្ថកិច្ចជំនាញកំពុងធ្វើការសួរនាំជនបង្ក និងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់។ […]

ចិន៖ អាជ្ញាធរចិនកាលពីថ្ងៃទី២២ ខែធ្នូកន្លងទៅនេះបានប្រកាសពីគម្រោងអនុវត្តវិធាការទប់ស្កាត់ការលេងហ្គេម Online ដ៏តឹងរឹងមួយ ដើម្បីការពារកុំឲ្យកើតមានឥរិយាបថញៀនហ្គេមជ្រុលហួសហេតុក្នុងចំណោមពលរដ្ឋខ្លួន ជាពិសេសនោះគឺក្រុមយុវជនតែម្តង។ តាមផែនការគឺជាអាជ្ញាធរចិននឹងអនុវត្តវិធានការកំណត់រយៈពេល និងកំណត់ចំ​នួនលុយ ដែលបុគ្គលម្នាក់ៗអាចលេងហ្គេមបានក្នុងមួយថ្ងៃៗ ហើយប្រភេទហ្គេមដែលអាចប៉ះពាល់ដល់ឯកភាពជាតិក៏នឹងត្រូវបានហាមឃាត់ផងដែរ។ ក្រោយមានសេចក្តីប្រកាសខាងលើនេះគេបាន​មើលឃើញថា ទីផ្សារភាគហ៊ុនហ្គេម Online នៅក្នុងប្រទេសចិនបានធ្លាក់ចុះយ៉ាងលឿន ហើយក្រុមអ្នកនិយមលេងហ្គេមមួយចំនួនហាក់មិនសប្បាយចិត្តជាមួយនឹងការអនុ​វត្តវិធានការខាងលើនេះទេ។ សូមបញ្ជាក់ជូនថា ចិនគឺជាទីផ្សារហ្គេម Online ដ៏ធំបំផុតនៅលើពិភពលោក ដោយឧស្សាហកម្មមួយនេះមានតម្លៃជាទឹកប្រាក់សរុបប្រមាណជា ៥៤ពាន់លានដុល្លារឯណោះ។ សូមបញ្ជាក់ជូនផងដែរថា នៅក្នុងរបាយការណ៍មួយរបស់អាជ្ញាធរចិនបានបង្ហាញថា គិតត្រឹមខែមិថុនា ឆ្នាំ២០២៣នេះ មានពលរដ្ឋចិនចំនួន ៥៥០លាននាក់ ឬស្នើនឹង ៥១% នៃចំនួនពលរដ្ឋសរុបបានលេងហ្គេម Online យ៉ាងសកម្មជារៀងរាល់ថ្ងៃ៕ ផ្ដល់សិទ្ធិដោយ៖ ខ្មែរណូត

(ភ្នំពេញ)៖ សម្តេចកិត្ដិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រនៃកម្ពុជា អញ្ជើជាអធិបតីបញ្ចុះខណ្ឌសីមា និងសម្ពោធសមិទ្ធផលនានា នៅក្នុងវត្តចាក់អង្រែក្រោម ស្ថិតក្នុងសង្កាត់ចាក់អង្រែ ខណ្ឌមានជ័យ រាជធានីភ្នំពេញ នាព្រឹកថ្ងៃអាទិត្យ ទី២៤ ខែធ្នូ ឆ្នាំ២០២៣។ ឆ្លៀតក្នុងឱកាសនោះ សម្តេចកិត្តិសង្គហបណ្ឌិត បានថ្លែងអំណរគុណ ថ្វាយប្រគេនដល់ព្រះគ្រូខន្តិមុនី គឹម នី រួមជាមួយ លោកឧកញ៉ា សៀង ម៉េង និងលោកស្រី មាន សុភា, លោក សូ ចាន់ធី និងលោក លោកស្រី អាជ្ញាធរគ្រប់លំដាប់ថ្នាក់របស់សាលារាជធានីភ្នំពេញ ខណ្ឌមានជ័យ ព្រមទាំងពុទ្ធចំណុះជើងវត្តមកពីទីជិតទីឆ្ងាយ បានរួមសាមគ្គីគ្នាកសាងសមិទ្ធិផលយ៉ាងច្រើនរួមមាន៖ ព្រះវិហារថ្មីមួយកម្ពស់ ២ជាន់ ព្រមទាំងការកសាងនូវហេដ្ឋារចនាសម្ព័ន្ធ ដូចជា សាលានិច្ចភត្ត បណ្ណាល័យ កុដិព្រះសង្ឃ (កម្ពស់ ២ជាន់) របងនិងខ្លោងទ្វារ ផ្លូវបេតុង វច្ចកុដិ ជួសជុលសាលាធម្មសភា ដែលបានចំណាយពេលសាងសង់ អស់រយៈពេល១០ឆ្នាំ ០៩ខែ) និងបានចំណាយថវិកាសាងសង់អស់ចំនួន […]

(ភ្នំពេញ)៖ បេសកជនពិសេសរដ្ឋាភិបាលម៉ាឡេស៊ី បានកោតសសើរការដឹកនាំដ៏ឈ្លាសវៃរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបន្តមកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីបច្ចុប្បន្ន ដែលបានផ្តល់ឱកាសដល់យុវជនជំនាន់ក្រោយ មានឱកាសធ្វើជាអ្នកបន្តវេន ដើម្បីចូលរួមដឹកនាំនាវាប្រទេសកម្ពុជា ឲ្យកាន់តែរីកចម្រើនបន្ថែមទៀត។ លោក DATO’ AHMAD AZAM BIN AB RAHMAN បេសកជនពិសេសរាជរដ្ឋាភិបាលម៉ាឡេស៊ីប្រចាំកម្ពុជា/នាយករដ្ឋមន្ដ្រីនៃម៉ាឡេស៊ី បានថ្លែងយ៉ាងដូច្នេះ នាឱកាស ចូលរួមពីធីសំណេះសំណាល ជាមួយថ្នាក់ដឹកនាំសហគមន៍ខ្មែរឥស្លាមគ្រប់លំដាប់ថ្នាក់មកពីទូទាំងប្រទេសជាង១ពាន់នាក់ នាល្ងាចថ្ងៃទី២៣ ខែធ្នូ ឆ្នាំ២០២៣ ក្រោមអធិបតីភាពលោកបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាបេសកជនពិសេសរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ព្រមទាំងមានការអញ្ជើញចូលរួមពីសំណាក់ អគ្គរាជទូត និងរដ្ឋទូត នៃប្រទេសដែលជាសមាជិកអង្គការសហប្រតិបត្តិការឥស្លាម OIC ផងដែរ នៅមជ្ឈមណ្ឌលម៉ូឌែន៥។ ទន្ទឹមគ្នានេះ លោកបេសកជនពិសេស បានថ្លែងបន្តថា លោកបណ្ឌិត អូស្មាន ហាស្សាន់ ក៏បាននឹងកំពុងមមាញឹក ក្នុងការអភិវឌ្ឍសហគមន៍ឥស្លាមកម្ពុជាផងដែរ ដែលនេះជាពេលវេលាដ៏សាកសមបំផុតក្នុងការផ្តល់ឱកាសដល់យុវជនជំនាន់ក្រោយបន្តវេន ក្នុងការអភិវឌ្ឍសហគមន៍ឥស្លាមកម្ពុជា ក៏ដូចជា […]

(ភ្នំពេញ)៖ នាព្រឹកថ្ងៃទី២៣ ខែធ្នូ ឆ្នាំ២០២៣នៅសាលមហោស្រព ខេត្តកោះកុង បាន​រៀបចំ​ពិធីសម្ពោធជាផ្លូវការសមាគមសហគ្រិនស្រ្តីកម្ពុជា​ សាខា​ខេត្ត​កោះ​កុង​ ក្រោម​អធិបតីភាពលោកជំទាវ មិថុនា ភូថង អភិបាលនៃគណៈអភិបាលខេត្តកោះកុង និង​លោកជំទាវ​ ឧកញ៉ា​ កែវ​ មុំ​ ប្រធាន​សមាគម​សហគ្រិន​ស្ត្រី​កម្ពុជា​។ ពិធី​សម្ពោធ​ជា​ផ្លូវការ​​នេះ​ទទួល​បាន​ភាព​ជោគជ័យ​ និង​អធិកអធម​ដោយ​មាន​ការ​ចូល​រួម​ពី​បងប្អូន​សមាជិក​ សមាជិកា​ និង​ភ្ញៀវ​កិត្តិយស​ដែល​ជួយ​គាំទ្រ​លេីកស្ទួយ​ ជា​ពិសេស​សប្បុរស​ជន​ដែល​បាន​ចូលរួម​ឧបត្ថម្ភ​ថវិកា​ក្នុង​ទិសដៅ​គាំទ្រ​កិច្ចការ​របស់​ សមាគម​សហគ្រិន​ស្ត្រី​កម្ពុជា​ សាខា​ខេត្ត​កោះ​កុង​។ ឆ្លៀតក្នុងឱកាសនេះ ក្នុង​នាមប្រធាន​សមាគម និងសមាជិកក្រុមប្រឹក្សាភិបាលសមាគមសហគ្រិនស្រ្តីកម្ពុជា សាខាខេត្តកោះកុង សូមគោរព​​ថ្លែង​អំណរ​គុណ​ជូន​សមាគម​សហគ្រិន​ស្ត្រី​កម្ពុជា​ សាខា​កណ្តាល​ សម្រាប់​ការ​ជួយ​គាំទ្រ​ ជ្រោមជ្រែង​ និង​សូម​ថ្លែង​អំណរគុណ​ជូន​សមាគម​សហគ្រិន​ស្ត្រី​កម្ពុជា​ សាខា​ខេត្ត​សៀមរាប​ និង​សាខា​ខេត្ត​រតនគីរី​ ដែល​បាន​ចំណាយ​ពេល​វេលា​ដ៏មាន​តំលៃ​អញ្ជើញ​ផ្តល់​កិត្តិយស​ចូលរួម​នា​ព្រឹក​នេះ និងសូមគោរព​ថ្លែង​អំណរគុណ​ និង​សូម​​ជូនពរលោកជំទាវអភិបាល​ នៃគណៈអភិបាលខេត្តកោះកុង​ លោកជំទាវឧកញ៉ា កែវ មុំ សប្បុរសជន​ និងភ្ញៀវកិត្តិយសទាំងអស់សូមទទួលបាននូវសុខភាពល្អ ជោគជ័យគ្រប់ភារកិច្ច និងសូមប្រកបដោយពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ ផ្ដល់សិទ្ធិដោយ៖ Freshnews

(ភ្នំពេញ)៖ ក្នុងអំឡុងពេលសិក្ខាសាលាផ្សព្វផ្សាយ លេីកទី៣ ស្តីពី «ច្បាប់ស្តីពីភាពជាដៃគូរវាងរដ្ឋ និងឯកជន (PPP)» និង «នីតិវិធីគ្រប់គ្រង់ប្រតិបត្តិការរួមសម្រាប់គម្រោងភាពជាដៃគូរវាងរដ្ឋ និងឯកជន (SOP for PPP Projects)» នៅថ្ងៃទី២២ ខែធ្នូ ឆ្នាំ២០២៣ អគ្គនាយកដ្ឋានភាពជាដៃគូរវាងរដ្ឋ និងឯកជន (អ.រ.ជ) នៃក្រសួងសេដ្ឋកិច្ច និងហិរញ្ញវត្ថុ បានដាក់ឲ្យប្រើប្រាស់នូវកម្មវិធី «Investor’s Corner» នៅលើគេហទំព័ររបស់ អ.រ.ជ ផងដែរ។ កម្មវិធី «Investor’s Corner» នេះ នឹងផ្សាភ្ជាប់នូវទំនាក់ទំនងរវាងវិស័យឯកជន និងរាជរដ្ឋាភិបាល ដើម្បីធ្វើការផ្លាស់ប្តូរព័ត៌មាន, ស្វែងរកកាលានុវត្តភាពថ្មីៗ, ការលើកកម្ពស់ការយល់ដឹង នៃបរិយាកាសវិនិយោគ, និងព័ត៌មានពាក់ព័ន្ធសំខាន់ៗ សំដៅធានាបាននូវការរីកចម្រើនទៅមុខនៃការវិនិយោគសាធារណៈតាមយន្តការ PPP ក្នុងប្រទេសកម្ពុជា៕ ផ្ដល់សិទ្ធិដោយ៖​ Freshnews

(ភ្នំពេញ)៖ នៅព្រឹកថ្ងៃទី២៤ ខែធ្នូ ឆ្នាំ២០២៣នេះ អ្នកនាំពាក្យរាជរដ្ឋាភិបាលកម្ពុជា បានចេញសេចក្តីថ្លែងការណ៍មួយដោយបញ្ជាក់យ៉ាងច្បាស់ថា ប្រសាសន៍ណែនាំរបស់សម្តេចធិបតី ហ៊ុន ម៉ាណែត ឲ្យក្រសួងធម្មការ និងសាសនា ពិនិត្យមើលសកម្មភាពគ្រូចូលរូបមួយចំនួន គឺមិនបានសំដៅទៅលើព្រះអង្គចន្ទមុនីនោះឡើយ។ សេចក្តីថ្លែងការណ៍របស់អ្នកនាំពាក្យរាជរដ្ឋាភិបាល បានបញ្ជាក់យ៉ាងដូច្នេះថា៖ «ប៉ុន្មានថ្ងៃនេះមានការផ្សាយព័ត៌មានតាមបណ្តាញសង្គមមួយចំនួន ពាក់ព័ន្ធនឹងប្រសាសន៍របស់សម្តេចធិបតីកាលពីថ្ងៃទី២១ ធ្នូ នៅក្រសួងបរិស្ថានដែលនាំឱ្យមានការយល់ច្រឡំថា សម្តេចធិបតីបានបិទមិនឱ្យព្រះអង្គចន្ទមុនី និមន្តធ្វើសកម្មភាពដូចពីមុនទៀត។ អ្នកនាំពាក្យរាជរដ្ឋាភិបាល សូមបញ្ជាក់ជូនសាធារណជនឱ្យបានជ្រាបថា សម្តេចធិបតីបានណែនាំឱ្យរដ្ឋមន្ត្រីក្រសួងធម្មការ និងកិច្ចការសាសនា ពិនិត្យមើលសកម្មភាពគ្រូចូលរូបមួយចំនួន ដែលកំពុងបំពុលសង្គមដោយគ្មានមូលដ្ឋានច្បាស់លាស់ ដែលនាំដល់ការប៉ះពាល់ដល់តម្លៃសាសនា និងតម្លៃសង្គម។ ត្រង់ចំណុចនេះ អ្នកនាំពាក្យរាជរដ្ឋាភិបាលសូមបញ្ជាក់ជូនសាធារណជនឱ្យបានជ្រាបថា ប្រសាសន៍ណែនាំរបស់សម្តេចធិបតី ហ៊ុន ម៉ាណែត មិនបានសំដៅទៅលើព្រះអង្គចន្ទមុនីនោះឡើយ គឺចង់សំដៅទៅលើតែគ្រូចូលរូបមួយចំនួនតែប៉ុណ្ណោះ។ អាស្រ័យហេតុនេះសូមសាធារណជនជ្រាប៕ ផ្ដល់សិទ្ធិដោយ៖ Freshnews

(ភ្នំពេញ)៖ កម្មវិធី «សំណេរអង្គរ» គឺជាព្រឹត្តិការណ៍ដ៏មានសារសំខាន់ក្នុងការលើកកម្ពស់អក្សរសាស្ត្រខ្មែរ ពិសេសគឺជួយឱ្យប្រជាពលរដ្ឋ មហាជនទូទៅកែប្រែទម្លាប់អក្ខរាវិរុទ្ធក្នុងការសរសេរ និងអានពាក្យខ្មែរឱ្យត្រឹមត្រូវឡើងវិញ ខណៈមហាជនទូទៅ ក្រសួង ស្ថាប័ន ផ្នែកឯកជនមានការគាំទ្រយ៉ាងក្លៀវក្លាចំពោះកម្មវិធីដ៏មានសារសំខាន់នេះ។ យើងអាចហៅកម្មវិធីសំណេរអង្គរនេះថាជាការប្រកួតសរសេរតាមអានអក្សរខ្មែរក៏បាន ព្រោះជាការចូលរួមប្រកួតសរសេរអត្ថបទជាភាសាខ្មែរ ដែលបើកឱ្យមានការចូលរួមប្រកួតពីសំណាក់ប្រជាពលរដ្ឋគ្រប់ស្រទាប់ មិនប្រកាន់អាយុ ភេទ ជាតិ សាសន៍ តួនាទី ដើម្បីជ្រើសរើសជ័យលាភីដែលសរសេរពាក្យខ្មែរបានត្រឹមត្រូវជាងគេ។ លោក លីម ប៊ុនហុក អ្នកផ្ដួចផ្ដើមកម្មវិធីសំណេរអង្គរ ក្នុងជំនួបជាមួយក្រុមអ្នកសារព័ត៌មាននាថ្ងៃទី២២ ខែធ្នូ ឆ្នាំ២០២៣ បានពន្យល់បរិយាយថា ដោយមើលឃើញពីកំហុសឆ្គងក្នុងការសរសេរ ការប្រើប្រាស់ពាក្យពេចន៍ភាសាខ្មែរមិនសូវល្អ ឬនៅមានកម្រិតក្នុងសង្គមកម្ពុជាបច្ចុប្បន្ន លោករួមជាមួយមិត្តភក្តិក៏បានមូលមតិគ្នាផ្ដួចផ្ដើមរៀបចំកម្មវិធីសំណេរអង្គរនេះឡើង និងកៀរគររកបានដៃគូសហការជាច្រើន រួមទាំងផ្នែកសារព័ត៌មានផងដែរ។ លោក ប៊ុនហុក បានបន្តថា កម្មវិធីដ៏មានសារសំខាន់នេះនឹងប្រារព្ធឡើងជាផ្លូវការនាព្រឹកថ្ងៃទី២១ ខែមករា ឆ្នាំ២០២៤ខាងមុខ នៅបរិវេណស្ពានហាលមុខប្រាសាទអង្គរវត្ត ខេត្តសៀមរាប។ រយៈពេលនៃការប្រកួតប្រហែល១ម៉ោង ហើយប្រធានបទគឺពាក់ព័ន្ធនឹងតំបន់អង្គរ ដែលជាទឹកដីដ៏អច្ឆរិយៈនៃប្រជាជាតិខ្មែរ ជាអតីតរាជធានីខ្មែរសម័យចក្រភពអង្គរជាង៦០០ឆ្នាំ។ លោក លីម ប៊ុនហុក បានបញ្ជាក់ថា ការចុះឈ្មោះចូលរួមប្រកួតធ្វើឡើងតាមរយៈ Telegram ដែលមានលេខ៖ 092 337 […]

(តេហេរ៉ង់)៖ កាលពីថ្ងៃសៅរ៍សប្តាហ៍នេះ ប្រធានាធិបតីអ៉ីរ៉ង់ លោក Ebrahim Raisi បានចេញមុខនិយាយរិះគន់ចំពោះអសមត្ថភាព នៃបណ្តាស្ថាប័នអន្តរជាតិ ក្នុងការបញ្ឈប់ការប្រយុទ្ធគ្នាដ៏បង្ហូរឈាមរវាងអ៉ីស្រាអែល និងក្រុមសកម្មប្រយុទ្ធប៉ាឡេស្ទីន ហាម៉ាស ដែលបាន​បំផ្លិចបំផ្លាញតំបន់ហ្កាហ្សាស្រ្ទីប (Gaza Strip) យ៉ាងហិនហោច និងធ្វើឱ្យប្រជាជននៅទីនោះរងទុក្ខវេទនាជាខ្លាំង។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអាទិត្យ ទី២៤ ខែធ្នូ ឆ្នាំ២០២៣។ ការអត្ថាធិប្បាយដូចខាងលើរបស់លោក Raisi នៅទីក្រុងតេហេរ៉ង់ ក្នុងន័យគាំទ្រប៉ាឡេស្ទីន គឺធ្វើឡើង បន្ទាប់ពីក្រុមប្រឹក្សាសន្តិសុខរបស់​អង្គការសហប្រជាជាតិ (UN) បានអនុម័តចំពោះសេចក្តីសម្រេចមួយ ដែលត្រូវបានពន្យារពេលម្តងហើយម្តងទៀត។ សេចក្តីសម្រេចនោះ ទាមទារឱ្យបង្កើនជំនួយមនុស្សធម៌ចូលទៅតំបន់ Gaza ហើយទន្ទឹមគ្នាក៏បានទទូចផងដែរ ឱ្យបង្កើតលក្ខខណ្ឌដើម្បីផ្អាកអរិភាពនានាដែលអាចមាននិរន្តរភាព ដោយមិនអំពាវនាវស្វែងរកការបិទបញ្ចប់ជាបន្ទាន់នៃសង្រ្គាម តែម្តងឡើយ។ សង្រ្គាមនៅ Gaza បានផ្ទុះឡើងកាលពីថ្ងៃទី៧ ខែតុលា នៅពេលក្រុមហាម៉ាស ឆ្មក់វាយលុកទ្រង់ទ្រាយធំលើភាគខាងត្បូងអ៉ីស្រាអែល ហើយសម្លាប់មនុស្ស១,១៤០នាក់ ភាគច្រើនជាជនស៉ីវិល។ អ៉ីស្រាអែលក្នុងថ្ងៃដដែល ក៏បានចាប់ផ្តើមបើកប្រតិបត្តិការយោធាក្តៅគគុក ដើម្បីសងសឹកវិញ ហើយបានផ្តាច់ជីវិតមនុស្សយ៉ាងហោច ២០,២៥៨នាក់ ភាគច្រើនជាស្រ្តីនិងកុមារ នៅតំបន់ Gaza […]