(ភ្នំពេញ)៖ ធនាគារជាតិនៃកម្ពុជា និងក្រសួងសេដ្ឋកិច្ច ពាណិជ្ជកម្ម និងឧស្សាហកម្មនៃប្រទេសជប៉ុន និងសមាគមទូទាត់ជប៉ុន បានដាក់ដំណើរការជាផ្លូវការ ការទូទាត់ឆ្លងដែនតាមឃ្យូអរកូត ដំណាក់កាលទី១ ក្នុងប្រទេសជប៉ុន នៅថ្ងៃទី៤ ខែកក្កដា ឆ្នាំ២០២៥នេះ។ ការដាក់ដំណើរការជាផ្លូវការនេះ ធ្វើឡើងក្រោមការចូលរួមពីលោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា និងលោក អ៊ុហ្សាវ៉ា ម៉ាសាណា (EZAWA Masana) អគ្គ នាយករងក្រសួងសេដ្ឋកិច្ច ពាណិជ្ជកម្ម និងឧស្សាហកម្មនៃប្រទេសជប៉ុន នៅក្នុងព្រឹត្តការណ៍ពិព័ណពិភពលោកឆ្នាំ២០២៥ (The World Expo 2025) នៅទីក្រុងអូសាកា ប្រទេសជប៉ុន។ សូមជម្រាបថា ក្រោមអនុស្សរណៈនៃកិច្ចសហប្រតិបត្តិការ រវាងធនាគារជាតិនៃកម្ពុជា និងក្រសួងសេដ្ឋកិច្ច ពាណិជ្ជកម្ម និងឧស្សាហកម្ម នៃប្រទេសជប៉ុនស្តីពី «ការទូទាត់ឆ្លងដែនតាមយ្យអរកូត (Unified QR Code-Based Payment)» ដែលបានចុះហត្ថលេខាកាលពីថ្ងៃទី១៨ ខែធ្នូ ឆ្នាំ២០២៣ ធនាគារជាតិនៃកម្ពុជា និងសមាគមទូទាត់ជប៉ុន បានចុះអនុស្សរណៈយោគយល់កាលពីថ្ងៃទី២១ ខែមេសា ឆ្នាំ២០២៥ ដើម្បីតភ្ជាប់ការទូទាត់ឆ្លងដែនតាមយ្យអរកូតរវាង KHQR […]

(ក្រចេះ)៖ កម្មករពីរនាក់បានស្លាប់បាត់បង់ជីវិត ដោយសារផ្ទាំងថ្មម៉ាតរលំសង្កត់ពីលើ កាលពីរសៀលថ្ងៃទី៤ ខែកក្កដា ឆ្នាំ២០២៥ នៅក្នុងការដ្ឋានថ្មម៉ាត សំបូរ ម៉ាញនីង ក្នុងភូមិ អូរត្រូន ឃុំក្បាលដំរី ស្រុកអូរគ្រៀងសែនជ័យ ខេត្តក្រចេះ។ កម្មករដែលស្លាប់បាត់បង់ជីវិតនេះ ១) ឈ្មោះ កាន សម្បត្តិ ភេទប្រុស អាយុ ៣១ឆ្នាំ ជនជាតិខ្មែរ មុខរបរ មេការអារថ្ម រស់នៅភូមិសំរ៉ង ឃុំឃ្សឹម ស្រុកស្នួល ខេត្ដក្រចេះ, ២) ឈ្មោះ ព្រំ ហ្រ្វីវិចារ ភេទប្រុស អាយុ២៧ឆ្នាំ ជនជាតិខ្មែរ មុខរបរ កម្មករ រស់នៅភូមិសំរ៉ង ឃុំឃ្សឹម ស្រុកស្នួល ខេត្ដក្រចេះ។ ក្រោយពីការពិនិត្យសាកសព និងប្រមូលព័ត៌មានជុំវិញកន្លែងកើតហេតុ សមត្ថកិច្ច បានបញ្ជាក់ថា ជនរងគ្រោះទាំងពីរ ពិតជាស្លាប់ដោយសារថ្មបាក់សង្កត់។ ក្រោយការពិនិត្យ សពត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី។ ដោយឡែកពាក់ព័ន្ធការដោះស្រាយ ឬទូទាត់សំណងយ៉ាងណា តាមច្បាប់ទម្លាប់ការងារមិនទាន់មានការបញ្ជាក់នៅឡើយទេ។ សូមបញ្ជាក់ថា ក្រុមហ៊ុន សំបូរ […]

(ភ្នំពេញ)៖ ទិន្នន័យដែលបណ្តាញព័ត៌មាន Fresh News ទទួលបានពីរដ្ឋលេខាធិការដ្ឋានអាកាសចរស៉ីវិល បានបញ្ជាក់ថា នៅពាក់កណ្តាលឆ្នាំ២០២៥នេះ មានអ្នកដំណើរតាមផ្លូវអាកាស (ទ្វេទិស) មានប្រមាណ ៣.៤២ លាននាក់ ធ្វើដំណើរតាមអាកាសយានដ្ឋានអន្តរជាតិទាំង ៣របស់កម្ពុជា មានកំណើន១៦% បើធៀបនឹងរយៈពេលដូចគ្នានៃឆ្នាំ ២០២៤។ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរស៊ីវិល លើកឡើងពីកត្តាធំៗចំនួន៣​ ដែលជំរុញឱ្យមានកំណើនភ្ញៀវទេសចរធ្វើដំណើរតាមផ្លូវអាកាសកម្ពុជា ជួយជំរុញការងើបឡើងវិញនៃកំណើនសេដ្ឋកិច្ច។ កត្តាទាំងបីនោះរួមមាន៖ ទី១-ការងើបឡើងវិញយ៉ាងខ្លាំង នៃចំនួនអ្នកទេសចររបស់ប្រទេសចិន ដែលធ្វើដំណើរចេញក្រៅប្រទេស។ ទី២-និរន្តរភាពតម្រូវការធ្វើដំណើរតាមផ្លូវអាកាស ក្នុងតំបន់ជាអាទិ៍ពីប្រទេសថៃ វៀតណាម កូរ៉េ និងជប៉ុន។ល។ និងទី៣- ការបន្ធូរបន្ថយការរឹតបន្តឹងក្នុងការធ្វើដំណើរ និងការស្តារ និងពង្រឹងសមត្ថភាពក្រុមហ៊ុនអាកាសចរណ៍ឡើងវិញ។ បើតាមអ្នកនាំពាក្យដដែលរូបនេះ ប្រទេសដែលរួមចំណែកច្រើនជាងគេ នៃចំនួនអ្នកធ្វើដំណើរតាមផ្លូវអាកាសមកកម្ពុជា​ រួមមាន៖ ចិន ថៃ វៀតណាម កូរ៉េ ជប៉ុន សហរដ្ឋអាមេរិក និងអឺរ៉ុប។ ដោយឡែកសម្រាប់អ្នកដំណើរតាមផ្លូវអាកាសក្នុងស្រុកវិញ ក្នុងរយៈពេល៦ ខែដើមឆ្នាំ២០២៥នេះ មានអ្នកចំនួន ៦៨ម៉ឺននាក់។ គួររំលឹកថា នៅឆ្នាំ២០២៤ […]

(ភ្នំពេញ)៖ ក្រសួងវប្បធម៌ និងវិចិត្រសិល្បៈ ចេញសេចក្តីប្រកាសព័ត៌មានដោយបដិសេធទាំងស្រុងចំពោះការលើកឡើងរបស់លោកជំទាវ Paetongtarn Shinawatra រដ្ឋមន្ត្រីក្រសួងវប្បធម៌នៃព្រះរាជាណាចក្រថៃ កាលពីថ្ងៃទី០៤ ខែកក្កដា ឆ្នាំ២០២៥ ដែលបានអះអាងថាក្រុមប្រាសាទតាមាន់ ស្ថិតនៅក្នុងអំណាចអធិបតេយ្យរបស់ថៃ ដោយបានប្រកាសចុះបញ្ជីជាវិមានបុរាណ នាពុទ្ធសករាជ២៥០៥។ ក្រសួងវប្បធម៌ និងវិចិត្រសិល្បៈ សូមបញ្ជាក់ថា ការអះអាងរបស់ភាគីថៃដែលថា ក្រុមប្រាសាទតាមាន់ ស្ថិតនៅក្នុងអំណាចអធិបតេយ្យរបស់ថៃតាមរយៈការប្រើប្រាស់ផែនទី ដែលគូសជាឯកតោភាគី គឺពុំមានតម្លៃគតិយុត្តអ្វីទាំងអស់ ជាពិសេសផ្ទុយទៅនឹងខ្លឹមសារនៃអនុស្សរណៈនៃការយោគយល់គ្នា (MoU) ឆ្នាំ២០០០ ដែលភាគីទាំងពីរបានឯកភាពគ្នាគោរពនិងប្រើប្រាស់ផែនទីមាត្រដ្ឋាន ១/២០០.០០០ ស្របតាមស្មារតីនៃអនុសញ្ញា បារាំង-សៀម ឆ្នាំ១៩០៤ និងសន្ធិសញ្ញាបារាំង-សៀម ឆ្នាំ១៩០៧ ដែលកំពុងស្ថិតនៅជាធរមាន៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក មៀវ សុខទ្រី ប្រធានសមាគម​អ្នក​ផលិត​ចំណីអាហារកម្ពុជា បានលើកឡើងថា បិទការនាំចូលផលិតផលពីថៃ កាន់តែយូរកាន់តែល្អ និងធានាចំពោះការផ្គត់ផ្គង់ ផលិតផលចាំបាច់ប្រចាំថ្ងៃ ដែលមានគុណភាព ​មិនឱ្យខ្វះ និងលើសតម្រូវការ។ ការគូសបញ្ជាក់បែបនេះ ធ្វើឡើងក្នុងឱកាសដែល លោក មៀវ សុខទ្រី អញ្ជើញចូលរួម ក្នុងកិច្ចពិភាក្សាលើប្រធានបទ៖ «មូលដ្ឋាន​ធានា​សន្តិសុខ​ស្បៀងកម្ពុជា ក្នុង​ស្ថានការណ៍​ជំនួសទំនិញនាំចូល» ក្នុងកម្មវិធី FRESH BUSINESS។ លោក មៀវ សុខទ្រី បានបញ្ជាក់យ៉ាងដូច្នេះថា «បើខាងចំណីអាហារខ្ញុំ បិទកាន់តែយូរ កាន់តែសប្បាយចិត្ដ អត់បញ្ហានោះទេ ព្រោះហ៊ានធានា ជូនដល់ប្រជាពលរដ្ឋ ជូនដល់រដ្ឋាភិបាលថា ចំពោះផលិតផលចាំបាច់ប្រចាំថ្ងៃ ដែលយើងអាចហូបបាន ប្រើប្រាស់បានគឺគ្រប់គ្រាន់ ហើយនិងលើសតម្រូវការ»។ បន្ថែមពីនោះទៀត លោក មៀវ សុខទ្រី បានបញ្ជាក់ឲ្យដឹងថា បច្ចុប្បន្ន សមាគម​អ្នក​ផលិត​ចំណីអាហារកម្ពុជា មានការនាំចេញ របស់ហូប​ប្រចាំថ្ងៃមួយចំនួន ទៅកាន់អូស្ដ្រាលី, អាមេរិក, កូរ៉េខាងត្បូង ព្រមទាំងវៀតណាម និងថៃ ផងដែរ។ លោក មៀវ សុខទ្រី បានលើកឡើងថា […]

(កណ្ដាល)៖ ចៅក្រមស៉ើបសួរ នៃសាលាដំបូងខេត្តកណ្ដាល លោក ម៉ាង ណុល បានសម្រេចឃុំខ្លួនក្រុមចោរប្លន់ប្រដាប់អាវុធ ចំនួន៥នាក់ ដែលប្រើល្បិតរាយខ្សែលួសកាត់ទទឹងថ្នល់ ដើម្បីស្ទាក់ប្លន់យកម៉ូតូពីជនរងគ្រោះ នៅស្រុកស្អាង ខេត្តកណ្ដាល បន្ទាប់ពីលោក ខា ដែនណា តំណាងអយ្យការអមសាលាដំបូងខេត្ត សម្រេចចោទប្រកាន់។ នេះបើតាមការឲ្យដឹងលោក ខា ដែនណា អ្នកនាំពាក្យអយ្យការអមសាលាដំបូងខេត្តកណ្ដាល និងលោក សូ សារិន អ្នកនាំពាក្យសាលាដំបូងខេត្តកណ្ដាល ប្រាប់ភ្នាក់ងារ Fresh News ប្រចាំខេត្តកណ្ដាល នាថ្ងៃទី៤ ខែកក្កដា ឆ្នាំ២០២៥។ ក្រុមចោរប្លន់ទាំងនេះមានគ្នា៥នាក់ តែចាប់បាន៤នាក់ ក្រោយសមត្ថកិច្ចស្រុកស្អាងស្រាវជ្រាវអស់៩ថ្ងៃ ទើបប្រមូលបាន។ សមត្ថកិច្ចបានរៀបរាប់ថា ជនរងគ្រោះឈ្មោះ ឌឿន គឹមសែ ភេទប្រុស អាយុ២១ឆ្នាំ មុខរបរជាងជួសជុលទូរស័ព្ទ មានទីលំនៅភូមិព្រែករុន ឃុំព្រែកគយ ស្រុកស្អាង ខេត្តកណ្ដាល បាត់បង់ម៉ូតូចំនួន១គ្រឿង ម៉ាក Honda Dream C125 ពណ៌ខ្មៅ ពាក់ស្លាកលេខកណ្តាល1AG-4220។ ពួកចោរប្លន់នេះ បានរាយខ្សែលួសកាត់ទទឹងថ្នល់ […]

(ភ្នំពេញ)៖ កម្លាំងនាយកដ្ឋាននគរបាលព្រហ្មទណ្ឌ បានបើកប្រតិបត្តិការបង្ក្រាបករណីចាប់ជំរិតបង្កដោយជនជាតិចិន ក្រោមរូបភាពណាត់នារីរងគ្រោះដើម្បីទៅជួបថៅកែ ឬដើម្បីញាំបាយ ហើយចាប់បង្ខាំងជំរិតទារប្រាក់១លានយ័ន្ដ។ ការបង្ក្រាបនេះបានធ្វើឡើងនៅថ្ងៃទី៣ ខែកក្កដា ឆ្នាំ២០២៥កន្លងទៅ នៅក្រុងព្រះសីហនុ ខេត្តព្រះសីហនុ បន្ទាប់ពីក្រុងបាវិត ខេត្តស្វាយរៀង។ កាលពីថ្ងៃទី២៥ ខែមិថុនា ឆ្នាំ២០២៥ នាយកដ្ឋាននគរបាលព្រហ្មទណ្ឌ បានទទួលពាក្យបណ្តឹងរបស់ឈ្មោះ JIANG QINGQING ភេទស្រី អាយុ២៨ឆ្នាំ ជនជាតិចិន និងឈ្មោះ XU XIAODAN ភេទស្រី អាយុ៣០ឆ្នាំ ជនជាតិចិន ដោយកាលពីថ្ងៃទី២១ ខែមិថុនា ឆ្នាំ២០២៥ ឈ្មោះ MU PENGFEI ភេទប្រុស អាយុ២៣ឆ្នាំ ជនជាតិចិន និងបក្ខពួកបានធ្វើសកម្មភាពចាប់បង្ខាំង និងជំរិតទារប្រាក់ ចំនួន១,០០០,០០០យ័ន្ត ទៅលើពួកខ្លួននៅចំណុចក្នុងក្រុងបាវិត ខេត្តស្វាយរៀង។ ក្រោយពីទទួលបានពាក្យបណ្តឹងខាងលើ ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, លោកឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ […]

(ព្រះវិហារ)៖ ក្រោយស្ថានភាពនៅក្រុងបាងកក រៀងស្រាលបន្តិច ស្រាប់តែទាហានថៃ នៅតាមសមរភូមិជួរមុខ ចាប់ផ្តើមបង្កើនភាពតានតឹងឡើងវិញជាមួយកងទ័ពកម្ពុជា។ ជាក់ស្តែងនៅព្រឹកថ្ងៃទី៤ ខែកក្កដា ឆ្នាំ២០២៥នេះ ទាហានសៀមឈុតខ្មៅមួយក្រុម ចេះតែចង់បង្កបញ្ហាជាមួយទាហានកម្ពុជារបស់យើង នៅសមរភូមិជួរមុខភ្នំខ្មោច។ តាមការវាយតម្លៃរបស់ទាហានកម្ពុជានៅជួរមុខ បានឲ្យដឹងថា ទាហានសៀមឈ្លានពាន ចេះតែចង់រុលចូលដីខ្មែរ និងដើរល្បាតខុសតម្រាយផ្លូវចាស់ ព្រោះតែចង់ឲ្យទាហានដ៏អង់អាចរបស់ខ្មែរខឹង និងអត់ធ្មត់មិនបាន ហើយឈានដល់ការផ្ទុះអាវុធ។ ក្នុងនោះ ទាហានជួរមុខម្នាក់ ស្ទើរតែអត់ធ្មត់បម្រុងផ្ទុះអាវុធទៅក្រុមទាហានឈ្លានពានថៃ ប៉ុន្ដែត្រូវបានមិត្តរួមអាវុធឃាត់ឲ្យស្ងប់ចិត្ត បញ្ចៀសការផ្ទុះអាវុធ។ លោកព្រិន្ទបាលឯក អ៊ុក គា មេបញ្ជាការរងកងអនុសេនាតូចទី១ កងអនុសេនាធំទី៣ វរសេនាតូចលេខ៣៧១ កងពលតូចអន្ដរាគមន៍លេខ៧ កងពលធំអន្តរាគមន៍លេខ៣ ដែលស្ពានអាវុធធន់ធ្ងន់ប្រភេទ B40 បានស្រែកគំរាមចង់ផ្ទុះអាវុធ សំដៅក្រុមទាហានថៃ ដោយសារខឹងជាមួយចរិកប្រហើន ចង់ឈ្លានពានរបស់កម្ពុជាមិនឈប់មិនឈរ។ សម្រាប់កងទ័ពនៅជួរមុខរបស់កម្ពុជា ដែលមានវិន័យយ៉ាងម៉ឺងម៉ាត់ និងស្តាប់បទបញ្ជាត្រឹមត្រូវ គឺមិនអាចចូលការបញ្ឆោតរបស់ទាហានសៀមនោះឡើយ តែបើសិនសត្រូវឈ្លានពានទាំងនេះ នៅតែចូលឈ្លានពាន ហើយបាញ់ប្រហារមកលើកងទ័ពយើងនោះ គឺដាច់ការឆ្លើយតប និងវាយលុកត្រូវតែធ្វើភ្លាមៗតែម្តង មិនទុកនោះឡើយ។ កាលពីប៉ុន្មានថ្ងៃមុននៅសមរភូមិមុំ៣ ដែលទាហានទាំង២ ត្រូវជួបគ្នា៣ដង ក្នុងមួយសប្តាហ៍ ប៉ុន្តែពួកគេចង់បង្ករឿង ស្រាប់តែល្បាតខុសផ្លូវ ហើយត្រូវទាហានកម្ពុជា […]

(ភ្នំពេញ)៖ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា និងសហការី នៅថ្ងៃទី០៤ ខែកក្កដា ឆ្នាំ២០២៥នេះ បានទទួលជួបពិភាក្សាការងារ ជាមួយលោក លាវ គួយស៊ី (Liu Guixi) ប្រធានក្រុមហ៊ុន Shijiazhuang Hongray Group Co., Ltd.។ ជំនួបនេះ ធ្វើឡើងនៅក្រុមប្រឹក្សាអភិវឌ្ឍន៍កម្ពុជា។ លោកអគ្គលេខាធិការ បានស្វាគមន៍យ៉ាងកក់ក្តៅ ជូនចំពោះគណៈប្រតិភូ និងបានសម្តែងនូវសេចក្តីសោមនស្សរីករាយ ដែលលោក លាវ គួយស៊ី បានដឹកនាំគណៈប្រតិភូមកទស្សនកិច្ច នៅកម្ពុជា ក្នុងពេលវេលាមួយដ៏សមស្របបំផុត និងបានថ្លែងអំណរគុណដល់ក្រុមហ៊ុន Shijiazhuang Hongray Group Co., Ltd. ដែលបានសហការជាមួយក្រុមហ៊ុន Medtecs MSEZ Corp.,Ltd បណ្តាក់ទុនវិនិយោគបង្កើតរោងចក្រផលិតស្រោមដៃពេទ្យ នៅក្នុងតំបន់សេដ្ឋកិច្ចពិសេស មេហាតធេន ស្ថិតនៅខេត្តស្វាយរៀង។ លោកអគ្គលេខាធិការ ក៏បានជម្រាបជូនគណៈប្រតិភូពីស្ថានភាពដ៏ល្អប្រសើរនៃវិនិយោគនៅកម្ពុជា, របបលើកទឹកចិត្តប្រកបដោយភាពទាក់ទាញ ក្រោមច្បាប់ស្តីពីវិនិយោគ ដែលបើកចំហ មានតម្លាភាព និងអាចប៉ាន់ប្រមាណទុកជាមុនបាន និងសក្តានុពលវិនិយោគ […]

(តូក្យូ)៖ រដ្ឋមន្រ្តីការបរទេសសហរដ្ឋអាមេរិក លោក Marco Rubio បានសម្រេចចិត្តលុបចោលគម្រោងទស្សនកិច្ចជាលើកដំបូង មកកាន់ប្រទេសជប៉ុននិងកូរ៉េខាងត្បូង នៅសប្តាហ៍ក្រោយ ដើម្បីផ្តោតលើបញ្ហានៅមជ្ឈិមបូព៌ា។ នេះបើតាមការចេញផ្សាយដោយ សារព័ត៌មានជប៉ុន Nikkei នាថ្ងៃសុក្រ ទី៤ ខែកក្កដា ឆ្នាំ២០២៥។ Nikkei បានរាយការណ៍ថា ដំបូងឡើយ លោក Rubio ត្រូវបានរំពឹងថា នឹងធ្វើដំណើរមកដល់ទីក្រុងតូក្យូ នៅថ្ងៃចន្ទសប្តាហ៍ខាងមុខនេះ ប៉ុន្តែលោកបានជូនដំណឹងដល់រដ្ឋាភិបាលជប៉ុន និងរដ្ឋាភិបាលកូរ៉េខាងត្បូងវិញថា គម្រោងទស្សនកិច្ចលើកដំបូងរបស់លោកមកកាន់ប្រទេសទាំងពីរ នឹងត្រូវលើកពេល។ កាលពីសប្តាហ៍មុន សារព័ត៌មានជប៉ុន Kyodo ដោយស្រង់សម្តីមន្រ្តីរដ្ឋាភិបាលជប៉ុនមួយរូប បានរាយការណ៍ថា លោក Rubio បានគ្រោងបំពេញទស្សនកិច្ចមកកាន់ជប៉ុនជាលើកទីមួយ នៅអំឡុងដើមខែកក្កដានេះ ហើយបន្ទាប់ពីជប៉ុន លោកនឹងបន្តដំណើរទៅ​កូរ៉េខាងត្បូង មុនចូលរួមកិច្ចប្រជុំរដ្ឋមន្រ្តីការបរទេសនៃក្រុមប្រទេសអាស៊ាន នៅឯម៉ាឡេស៉ី។ គួរបញ្ជាក់ថា យោងតាម Nikkei ជំនួសមកវិញ លោក Rubio នឹងត្រូវចូលរួមកិច្ចប្រជុំមួយនៅទីក្រុងវ៉ាស៉ីនតោន រវាងប្រធានាធិបតីអាមេរិក លោក ដូណាល់ ត្រាំ ហើយនិងនាយករដ្ឋមន្រ្តីអ៉ីស្រាអែល លោក Benjamin Netanyahu៕ […]