(ព្រះវិហារ)៖ នៅថ្ងៃទី០១ ខែធ្នូ ឆ្នាំ២០២៥កន្លងទៅនេះ ឧត្តមសេនីយ៍ឯក ស្រី ឌឹក មេ​បញ្ជា​​​ការរង​កងទ័ពជើងគោក និងជាមេបញ្ជាការកងពលធំអន្តរាគមន៍លេខ៣ បាន​បង្ហាញ​មុខជាសាធារណៈនៅក្នុងពិធីប្រគល់អំណោយដល់កងទ័ព និងគ្រួសារកងទ័ព​នៅ​ទិសខេត្តព្រះវិហារ។ ពិធីនេះត្រូវបានធ្វើឡើងក្រោមអធិបតីភាពសម្តេច ម៉ែន សំអន។ ការបង្ហាញមុខជាសាធារណៈរបស់ឧត្តមសេនីយ៍ឯក ស្រី ឌឹក គឺជាការបញ្ចប់នូវមន្ទិល និងព័ត៌មានអកុសលទាំងឡាយ ដែលសារព័ត៌មានថៃ បានផ្សាយនាពេលកន្លងទៅ។ ក្រោយបញ្ចប់សង្គ្រាម៥ថ្ងៃ (២៤-២៨ ខែកក្កដា) នៅតាមព្រំដែនកម្ពុជា-ថៃ សារព័ត៌​មាន​ថៃទាំងទូរទស្សន៍ កាសែត និងអនឡាញ បានផ្សាយយ៉ាងខ្លាំងក្លាបំផុតនូវព័ត៌​មាន​អកុ​សលថា លោកឧត្តមសេនីយ៍ឯក ស្រី ឌឹក បានទទួលមរណភាព​លើសម​រភូមិ​។ ការ​ផ្សាយទាំងនេះ បានបង្កើតនូវមន្ទិលសង្ស័យមួយចំនួនលើសាធារណជនរបស់ខ្មែរ ហើយ​រហូតក្រុមប្រឆាំងក្រៅប្រទេសខ្លះ ចោទប្រកាន់ថា កម្ពុជាលាក់បាំងព័ត៌មានម​រណ​​ភាពរបស់​ឧត្តមសេនីយ៍ឯក ស្រី ឌឹក ថែមទៀតផង។ នៅពេលនេះអ្វីៗហាក់បានបង្ហាញច្បាស់លាស់ហើយ រូបភាពលោកឧត្តមសេនីយ៍ ស្រី ឌឹក ក្នុងពិធីប្រគល់អំណោយនោះ ជារូបពិតៗ មិនមែនជាការប្រឌិត ឬច្នៃដោយ AI នោះឡើយ (បញ្ជាក់ការពិតដោយ Fresh AI) ។ ក្រោយការពិតត្រូវបានបង្ហាញបែបនេះ […]

(ឧត្តមានជ័យ)៖ នៅថ្ងៃទី១-២ ខែធ្នូ ឆ្នាំ២០២៥នេះ កម្លាំងអង្គភាព CMAC បានបោសសម្អាតតំបន់រងផលប៉ះពាល់ដោយសារសង្គ្រាម ២៤-២៨ ខែកក្កដា ឆ្នាំ២០២៥ ជាតំបន់គ្រាប់បែកចង្កោម ស្ថិតនៅភូមិតាមាន់សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ បានរុករកឃើញគ្រាប់បែកចង្កោមចំនួន២៥គ្រាប់ ប្រភេទM46 បាញ់ចេញពីគ្រាប់កាំភ្លេីងធំ១៥៥មម។ សូមបញ្ជាក់ថា ក្រៅពីអនុសញ្ញាអន្តរជាតិនៃហាមឃាត់ប្រេីប្រាស់អាវុធនុយក្លេអ៊ែរ មានអនុសញ្ញាអន្តរជាតិសំខាន់ៗចំនួន៣ទៀតត្រូវបានអន្តរជាតិរួមគ្នាហាមឃាត់និងរឹតបន្តឹងហាមប្រេីប្រាស់ក្នុងការធ្វេីសង្គ្រាមរួមមាន៖ ១. អនុសញ្ញាអន្តរជាតិហាមប្រាមការប្រេីប្រាស់អាវុធគីមី (កម្ពុជា+ថៃ) ជារដ្ឋភាគី ២. អនុសញ្ញាអន្តរជាតិហាមប្រាមការប្រេីប្រាស់គ្រាប់បែកចង្កោម (កម្ពុជា+ថៃ) មិនមែនជារដ្ឋភាគី ប៉ុន្តែកម្ពុជាមិនបានប្រេីប្រាស់ក្នុងសង្គ្រាមជាមួយថៃឡេីយ រីឯថៃបានប្រេីប្រាស់មកលេីកម្ពុជា។ ៣. អនុសញ្ញាអន្តរជាតិហាមប្រាមការប្រេីប្រាស់គ្រាប់មីនប្រឆាំងមនុស្ស (កម្ពុជា+ថៃ) ជារដ្ឋភាគី។ សូមឆ្លៀតឱកាសនេះ អំពាវនាវដល់ប្រជាពលរដ្ឋនៅតំបន់រងផលប៉ះពាល់ដោយសារសង្គ្រាមជាមួយថៃទាំង៧៧ភូមិ នៅខេត្តឧត្តរមានជ័យ និងខេត្តព្រះវិហារ មេត្តាប្រុងប្រយត្ន័ខ្ពស់បំផុតជាមួយគ្រាប់បែកចង្កោមជាសំណល់សង្គ្រាមថ្មីៗនេះ ។ សូមរំលឹកថា កាលពីថ្ងៃទី២៥ ខែតុលា កន្លងទៅនេះ មានកុមារ៉ា អាយុ១០ឆ្នាំម្នាក់ បានផ្ទុះគ្រាប់បែកចង្កោមបែបនេះស្លាប់និងឪពុករងរបួសធ្ងន់ធ្ងរ៕ ផ្ដល់សិទ្ធិដោយ៖ Fresh News

(ភ្នំពេញ)៖ ជំងឺមហារីកសួត មិនមែនកើតឡើងចំពោះតែអ្នកជក់បារីប៉ុណ្ណោះទេ ហើយបច្ចុប្បន្នបានសង្កេតឃើញថា មានប្រេវ៉ាឡង់កើតក្នុងចំណោមយុវជនក្មេងៗក៏មានបញ្ហាមហារីកសួតនេះដែរ។ នៅឆ្នាំ២០២០ មានអ្នកជំងឺមហារីកសួត ប្រហែល ២.២លាននាក់ទូទាំងសកលលោក ហើយក្នុងចំណោមនោះសឹងតែ ៩០% នៃអ្នកជំងឺមហារីកសួតមិនអាចជៀសផុតពីការស្លាប់ដោយសារជំងឺនេះ។ សម្រាប់នៅតំបន់អាស៊ីអាគ្នេយ៍ មានអ្នកកើតជំងឺមហារីកច្រើនគួរសម បើប្រៀបធៀបបណ្ដាប្រទេសផ្សេងទៀតដូចជាអាហ្វ្រិកជាដើម។ កត្តាមួយចំនួនដែលបណ្តាលឱ្យកើតជំងឺមហារីកសួត គឺបណ្ដាលមកពីការជក់បារី, អ្នកស្រូបផ្សែងបារី , ជាតិពុលដែលមាននៅក្នុងខ្យល់ ឬបរិយាកាស, ក្រុមគ្រួសារដែលមានសមាជិកកើតជំងឺមហារីកសួត ដូចជាឪពុកម្តាយ បងប្អូន ក៏អាចជាហានិភ័យឱ្យកូនចៅជំនាន់ក្រោយមានមហារីកសួតផងដែរ និងបញ្ហាវិទ្យុសកម្មផ្សេងទៀត។ បើតាមការបញ្ជាក់របស់លោកវេជ្ជបណ្ឌិត Akhil Chopra ឯកទេសជំងឺមហារីកសួតរបស់ OncoCare នៅសិង្ហបុរី បានឱ្យដឹងថា «សញ្ញាដំបូងនៃជំងឺមហារីកដែលមិនគួរមើលរំលង គឺ ក្អក ហើយការក្អកក្នុងរយៈពេលវែង ២ទៅ៣ខែ, ថប់ដង្ហើម, ទ្រូងមានសភាពខុសធម្មតា ឬខុសទ្រង់ទ្រាយពីមុន, ពិបាកដកដង្ហើម និងធ្ងន់ធ្ងរជាងគេ គឺក្អកចេញឈាម»។ សម្រាប់ការធ្វើរោគវិនិច្ឆ័យវិញ ដើម្បីរកឃើញថាមានជំងឺមហារីកសួត យើងត្រូវស្កេនតាមរយៈកាំរស្មីអិច CTស្កេន និងតាមរយៈការច្រិបកោសិកាទៅមន្ទីរពិសោធន៍ ឬធ្វើតេស្ដហ្សេនមើលមេរោគមហារីក ដើម្បីប្រើប្រាស់ថ្នាំអ្វីឱ្យមានប្រសិទ្ធភាពបំផុត។ សម្រាប់ការធ្វើតេស្ដមហារីកនេះ មិនមែនរកឃើញតែមហារីសួតទេ មហារីកផ្សេងទៀតក៏អាចរកឃើញដូចគ្នា ។នេះជាអត្ថប្រយោជន៍នៃការធ្វើតេស្ដរកជំងឺមហារីក។ មហារីកសួតនេះទៀតសោត មានបួនដំណាក់កាល […]

(ភ្នំពេញ)៖ ពាក់ព័ន្ធនឹងករណីបទល្មើសនៅប្រទេសថៃ ពីបទជួញដូរសត្វស្វាក្ដាម ក្រសួងកសិកម្ម នៅថ្ងៃទី២ ខែធ្នូ ឆ្នាំ២០២៥ បានបញ្ជាក់ថា កម្ពុជាពុំមានតម្រូវការនាំចូលស្វាក្តាមព្រៃ ពីប្រទេសដទៃឬចាប់ស្វាក្តាមពីព្រៃមកជួញដូរឡើយ ព្រោះកម្ពុជាមានកសិដ្ឋានចិញ្ចឹម និងបង្កាត់ពូជស្របច្បាប់ច្រើន ដែលមានសមត្ថភាពគ្រប់គ្រាន់ សម្រាប់ផ្គត់ផ្គង់និងបម្រើឱ្យការនាំចេញ។ នេះបើតាមការបញ្ជាក់របស់លោក ឃឹម ហ្វីណង់ អ្នកនាំំពាក្យក្រសួងកសិកម្ម រុក្ខាប្រមាញ់ និងនេសាទ។ ការបញ្ជាក់នេះ ធ្វើឡើងក្រោយកាសែត Bangkok Post របស់ប្រទេសថៃ បានផ្សាយពីការឃាត់ករណីប៉ុនប៉ងរត់ពន្ធសត្វស្វាក្ដាមពីប្រទេសថៃ ចូលមកកម្ពុជា។ ការណ៍នេះ​ ត្រូវបានក្រសួងកសិកម្ម ទាត់ចោលនូវការចោទប្រកាន់គ្មានមូលដ្ឋានបែបនេះ។ លោក​ ឃឹម ហ្វីណង់ បានបញ្ជាក់ថា រាល់កសិដ្ឋានចិញ្ចឹមស្វាក្តាមទាំងអស់នៅកម្ពុជា សុទ្ធតែមានការចុះបញ្ជីទទួលស្គាល់ច្បាស់លាស់ មានការអនុញ្ញាតនាំចេញពីអាជ្ញាធរគ្រប់គ្រងសាយតេស (CITES) កម្ពុជា និងតម្រូវឱ្យគោរពយ៉ាងខ្ជាប់ខ្ជួនតាមបទដ្ឋានអនាម័យ និងវិធីសាស្ត្រចិញ្ចឹមត្រឹមត្រូវ។ បន្ថែមពីនេះ អ្នកនាំំពាក្យដដែល បានសង្កត់ធ្ងន់ថា «ការជួញដូរសត្វព្រៃ គឺជាអំពើខុសច្បាប់ដែលមិនអាចលើកលែងបាន ដោយមិនសំខាន់ថាកើតមាននៅប្រទេសណាឬជនជាតិណាជាអ្នកប្រព្រឹត្តនោះទេ។ កម្ពុជាប្រកាន់ជំហរប្រឆាំងរាល់ការជួញដូរសត្វព្រៃខុសច្បាប់ ហើយសម្រាប់ករណីនេះ បើមានការនាំចូលដោយខុសច្បាប់មកកម្ពុជា យើងក៏មានវិធានការតាមផ្លូវច្បាប់ដើម្បីបង្ក្រាបរាល់បទល្មើសជួញដូរសត្វព្រៃឆ្លងដែនគ្រប់រូបភាព»៕ ផ្ដល់សិទ្ធិដោយ៖ Fresh News

(កណ្ដាល)៖ ក្មេងទំនើង៧នាក់ ត្រូវបានលោកស្រី ឡូញ សុខខា ចៅក្រមស៉ើបសួរ នៃសាលាដំបូងខេត្តកណ្ដាល សម្រេចឃុំខ្លួនដាក់ពន្ធនាគារ ក្រោយតំណាងអយ្យការសម្រេចចោទប្រកាន់ បន្ទាប់ពីពួកគាត់បានប្រព្រឹត្តបទល្មើស ឃាតកម្ម ដោយកាប់ជនរងគ្រោះម្នាក់បណ្ដាលឲ្យដាច់ក្បាល និងម្នាក់ទៀតរងរបួសធ្ងន់ នៅស្រុកកៀនស្វាយ កាលពីថ្ងៃទី២៧ ខែវិច្ឆិកា ឆ្នាំ២០២៥កន្លងទៅ។ ថ្លែងប្រាប់ភ្នាក់ងារ Fresh News ប្រចាំខេត្តកណ្ដាល នៅថ្ងៃទី២ ខែធ្នូ ឆ្នាំ២០២៥នេះ លោក ខា ដែនណា អ្នកនាំពាក្យអយ្យអមសាលាដំបូងខេត្តកណ្ដាល បានបញ្ជាក់ថា ក្មេងទំនើងទាំង៧នាក់នោះ ម្នាក់ជាជនដៃដល់ឈ្មោះ កុល ដារ៉ុង អាយុ១៨ឆ្នាំ ត្រូវបានចោទប្រកាន់ពីបទ «ឃាតកម្ម និងកាន់កាប់ ឬដឹកជញ្ជូនអាវុធសម្រាប់ប្រហារដោយគ្មានការអនុញ្ញាត្ត»។ ខណៈ៦នាក់ផ្សេងទៀត ត្រូវបានចោទប្រកាន់ពីបទ «សមគំនិតក្នុងអំពើឃាតកម្ម និងសមគំនិតក្នុងអំពើកាន់កាប់ ឬដឹកជញ្ជូនអាវុធសម្រាប់ប្រហារដោយគ្មានការអនុញ្ញាត្ត (កាំបិតផ្គាក់ និងដាវ)»។ សូមរំលឹកថា កាលពីថ្ងៃទី២៧ ខែវិច្ឆិកា ឆ្នាំ២០២៥កន្លងទៅ ជនរងគ្រោះម្នាក់ ត្រូវបានក្រុមក្មេងទំនើងកាប់បណ្ដាលឲ្យដាច់ក្បាលចេញពីខ្លួន និងម្នាក់ទៀតរងរបួសធ្ងន់ នៅតាមបណ្ដោយផ្លូវជាតិលេខ១ ភូមិព្រែកត្រែង២ ឃុំសំរោងធំ ស្រុកកៀនស្វាយ […]

(ព្រះវិហារ​)៖ ​គ្រួសារវីរកងទ័ពមួយគ្រួសារដែលមានជីវភាពខ្វះខាតរស់នៅភូមិចំការស្រម៉ូវ សង្កាត់ប៉ាលហាល ក្រុងព្រះវិហារ ខេត្តព្រះវិហារ បានទទួលអំណោយមនុស្សធម៌ពីកាកបាទក្រហមកម្ពុជា និងអំណោយនាយឧត្តមសេនីយ៍ ខេង សុមេធ តាមរយៈលោកឧត្តមសេនីយ៏ទោ សួស សុខដារ៉ា ស្នងការនគរបាលខេត្តព្រះវិហារ នៅថ្ងៃទី១ ខែធ្នូ ឆ្នាំ២០២៥។ សូមបញ្ជាក់ថា លោក ស៊ឹម សុខហេង ជាវីរកងទ័ពកំពុងឈរជើងនៅសមូរភូមិទិសភ្នំទ្រព្យ ខេត្តព្រះវិហារ ដែលមានគ្រួសាររស់នៅភូមិសង្កាត់ខាងលើ ត្រូវបានលោក ប៉ុក ងួន អភិបាលក្រុងព្រះវិហារ និងជាប្រធានអនុសាខាកាក បាទក្រហមកម្ពុជាក្រុង ដឹកនាំក្រុមការងារនាំអំណោយជាសម្ភារ ថវិកា យកទៅប្រគល់ជូនដល់លំនៅដ្ឋាន។ ដោយឡែកលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ និងជាអនុប្រធានគណៈបញ្ជាការនគរបាលជាតិប្រចាំទិស ភូមិភាគទី៤ នៅថ្ងៃទី១ ខែធ្នូ​ ឆ្នាំ​២០២៥​ ដោយ​អនុវត្តតាម​ការដឹកនាំ​បញ្ជា​ដ៏ខ្ពង់ខ្ពស់​ ពីលោកនាយឧត្តមសេនីយ៍​ ខេង សុមេធ អគ្គស្នងការរងនគរបាលជាតិ និងជាប្រធានគណៈបញ្ជាការនគរបាលជាតិ​ ប្រចាំទិសភូមិភាគទី៣ ទី៤ និងទី៥ បានចុះសួរសុខទុក្ខ និងនាំយក​នូវ​អំណោយ​ជូនគ្រួសារវីរកងទ័ពរូបនេះផងដែរ។ អំណោយទាំងនោះរួមមាន៖ ភេសជ្ជៈ​ ទឹកផ្លែឈើ ទឹកសុទ្ធ​ […]

(ហ្សាការតា)៖ ទីភ្នាក់ងារគ្រប់គ្រងគ្រោះមហន្តរាយនៃប្រទេសឥណ្ឌូណេស៉ី បានឱ្យដឹងថា នាថ្ងៃអង្គារនេះ តួលេខមនុស្សស្លាប់ បានបន្តកើនដល់៦៣១នាក់ ក្រោយគ្រោះទឹកជំនន់និងគ្រោះបំណាក់ដីដ៏ប្រល័យ បានវាយប្រហារទូទាំងកោះ Sumatra ហើយ​មនុស្សប្រមាណ១លាននាក់ ត្រូវបានជម្លៀសទៅកាន់ទីសុវត្ថិភាព។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអង្គារ ទី២ ខែធ្នូ ឆ្នាំ២០២៥។ ទន្ទឹមគ្នានេះ ​ក្រុមសង្រ្គោះ កំពុងបន្តការស្វែងរកមនុស្សចំនួន៤៧២នាក់ ដែលត្រូវបានរាយការណ៍ថា បាត់ខ្លួននៅឥណ្ឌូណេស៉ី។ ដោយឡែក នៅឯប្រទេសស្រីលង្កា តួលេខមនុស្សស្លាប់ ដោយសារទឹកជំនន់និងបំណាក់ដី ក៏បានកើនដល់៤១០នាក់ផងដែរ នាថ្ងៃអង្គារនេះ និង៣៣៦នាក់ទៀត នៅបន្តបាត់ខ្លួន។ បើតាមអាជ្ញាធរស្រីលង្កា មនុស្សសរុបជាង១.៥លាននាក់ បានរងផលប៉ះពាល់ ក្នុងគ្រោះធម្មជាតិដ៏អាក្រក់បំផុត គិតចាប់តាំងពីគ្រោះមហន្តរាយរលកស៊ូណាមិ ឆ្នាំ២០០៤។ បណ្តាស្ថាប័នរដ្ឋាភិបាល និងអង្គការផ្តល់ជំនួយនៅឥណ្ឌូណេស៉ី និងស្រីលង្កា កំពុងស្ទុះស្ទាព្យាយាមនាំយកជំនួយ ទៅឱ្យប្រជាជនដែលទទួលរងការប៉ះពាល់។ គួរបញ្ជាក់ថា កាលពីសប្តាហ៍មុន ប្រព័ន្ធអាកាសធាតុដាច់ដោយឡែកពីគ្នា បាននាំមកនូវការធ្លាក់ភ្លៀងយ៉ាងខ្លាំងក្លា និងជាច្រើនថ្ងៃជាប់គ្នា នៅទូទាំងប្រទេសស្រីលង្កា និងកោះ Sumatra របស់ឥណ្ឌូណេស៉ី ព្រមទាំងនៅភាគខាងត្បូងប្រទេសថៃ និងភាគខាងជើងប្រទេសម៉ាឡេស៉ី។ នៅភាគខាងត្បូងថៃ ទឹកជំនន់បានផ្តាច់ជីវិតមនុស្សយ៉ាងហោច១៧៦នាក់។ រីឯនៅម៉ាឡេស៉ី […]

(ភ្នំពេញ)៖ ក្រុមហ៊ុនធំៗរបស់អាមេរិក បានប្តេជ្ញាបន្តពង្រីក និងស្វែងរកឱកាស​វិនិយោគ​ក្នុងវិស័យដែលមានសក្តានុពលនៅកម្ពុជាបន្ថែមទៀត។ នាព្រឹកថ្ងៃទី០២ ខែធ្នូ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោក Ted Osius អនុប្រធានជាន់ខ្ពស់ និងជានាយកគ្រប់គ្រងប្រចាំតំបន់នៃក្រុមប្រឹក្សាធុរកិច្ចសហរដ្ឋអាម៉េរិក-អាស៊ាន (US-ABC) និងគណៈប្រតិភូ ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ ក្នុងឱកាសជំនួបនោះ លោក Ted Osius បានសម្ដែងនូវការអរគុណយ៉ាងជ្រាល​ជ្រៅ​ចំពោះសម្តេចមហាបវរធិបតី ដែលបានអនុញ្ញាតឱ្យរូបលោក និងគណៈប្រតិភូចូល​ជួប​សម្ដែងការគួរសម និងពិភាក្សាការងារ។ លោក ក៏បានថ្លែងអំណរគុណរាជរដ្ឋាភិបាល និងក្រសួង-ស្ថាប័ន​ ពាក់ព័ន្ធកម្ពុជាទាំងអស់ ដែលតែងតែបានផ្ដល់ការគាំទ្រ និង​ផ្តល់​កិច្ចសហការយ៉ាងជិតស្និទ្ធជាមួយ US-ABC នាពេលកន្លងមក ព្រមទាំងបាន​វាយ​តម្លៃ​​ខ្ពស់​ចំពោះ​ការប្ដេជ្ញាចិត្តរបស់ក្រសួង​-ស្ថាប័នកម្ពុជា ក្នុងការដោះស្រាយបញ្ហា និងសំណូមពរនានា របស់បណ្ដាក្រុមហ៊ុនដែលកំពុងវិនិយោគនៅកម្ពុជា ប្រកបភាពស្មោះត្រង់ និងបើកចំហ។ លោក Ted Osius ក៏បានសម្ដែងនូវសុទិដ្ឋិនិយមចំពោះភាពជាអ្នកដឹកនាំរបស់​សម្ដេច​មហាបវរធិបតី និងបានវាយតម្លៃខ្ពស់ចំពោះការរៀបចំវេទិការាជរដ្ឋា​ភិបាល-​ផ្នែក​ឯកជន (G-PSF) ដែលជាវេទិកាដ៏មានសារៈសំខាន់សម្រាប់វិនិយោគិន និង​វិស័យឯកជន។ ឆ្លៀតក្នុងឱកាសនេះ សមាជិកគណៈប្រតិភូនៃក្រុមហ៊ុនវិនិយោគរបស់សហរដ្ឋអាម៉េរិក​ជាច្រើន​ បានសម្ដែងនូវការអរគុណយ៉ាងជ្រាលជ្រៅជូនចំពោះរាជរដ្ឋាភិបាលកម្ពុជា ដែលតែងតែផ្ដល់ការគាំទ្រដល់ប្រតិបត្តិការអាជីវកម្មរបស់ក្រុមហ៊ុនឱ្យទទួលបាន​ជោគ​​ជ័យ និងបានជម្រាបជូនសម្ដេចមហាបវរធិបតី […]

(ភ្នំពេញ)៖ របាយការណ៍ផ្លូវការរបស់គ្រឹះស្ថានអង្គរ ដែលជាស្ថាប័នប្រមូលចំណូល ពីការលក់សំបុត្រចូលទស្សនារមណីដ្ឋានអង្គរ ដែលបណ្តាញព័ត៌មាន Fresh News ទទួលបាននៅថ្ងៃទី២ ខែធ្នូ ឆ្នាំ២០២៥នេះបានបញ្ជាក់ថា នៅរយៈពេល១១ខែឆ្នាំនេះ គ្រឹះស្ថានអង្គរប្រមូលចំណូលបាន ៤០លានដុល្លារ ពីការលក់សំបុត្រជូនផ្ញើចូលទស្សនារមណីដ្ឋានអង្គរ និងប្រាសាទកោះកែរ ធ្លាក់ចុះ៣.៤១% បើធៀបរយៈពេលដូចគ្នាឆ្នាំ២០២៤។ សម្រាប់ចំនួនភ្ញៀវទេសចរបរទេសចូលទស្សនារមណីយដ្ឋានអង្គរវិញ ក្នុងរយៈពេលជិត១ឆ្នាំនេះមានចំនួនជិត៨៧ម៉ឺននាក់ ធ្លាក់ចុះ៣.៤៧%។ ថវិកាដែលលក់សំបុត្របាននេះ ត្រូវបានឧបត្ថម្ភចូលមូលនិធិគន្ធបុប្ផាកម្ពុជា ចំនួនជាង១.៧លានដុល្លារផងដែរ ក្នុងរយៈពេល១១ខែនេះ៕ ផ្ដល់សិទ្ធិដោយ៖ Fresh News

(ឡាហាវ៉ាន)៖ កាលពីថ្ងៃចន្ទ ទី១ ខែធ្នូ ប្រទេសគុយបា បានបញ្ជាក់ថា មនុស្សចំនួន ៣៣នាក់បានបាត់បង់ជីវិត ដោយសារតែជំងឺឆ្លងតាមរយៈការខាំរបស់សត្វមូស នារយៈពេលប៉ុន្មានខែចុងក្រោយនៃការរាតត្បាត ក្នុងចំណោមមួយភាគបីនៃប្រជាជនសរុប។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ អនុរដ្ឋមន្រ្តីក្រសួងសុខាភិបាល លោកស្រី Carilda Peña និយាយថា មនុស្ស ១២នាក់បានស្លាប់ដោយជំងឺគ្រុនឈាម និង ២១នាក់ស្លាប់ដោយជំងឺ Chikungunya (គ្រុនក្តៅធ្ងន់ធ្ងរ) ដែលបានរាលដាលយ៉ាងទូលំទូលាយ នៅទូទាំងប្រទេសកោះ Caribbean មួយនេះ។ យ៉ាង​ហោច​ណាស់ ២១​នាក់​ក្នុង​ចំណោម​អ្នក​ស្លាប់ ​មាន​អាយុ​ក្រោម ១៨​ឆ្នាំ។ ជំងឺគ្រុនឈាម បានញាំញីប្រទេសគុយបាជាយូរណាស់មកហើយ ប៉ុន្តែកាន់តែអាក្រក់ទៅៗ ដោយសារកង្វះថវិកា និងប្រេងឥន្ធនៈ ដែលរារាំងដល់សមត្ថភាពរបស់រដ្ឋាភិបាល ទាក់ទងនឹងការដុត និងសម្អាតសំរាមតាមដងផ្លូវ រួមទាំងបញ្ហាបំពង់បង្ហូរប្រេងដែលលេចធ្លាយ។ ដោយឡែក ជំងឺ Chikungunya ដែលកម្រកើតមាន ក៏បានរីករាលដាលយ៉ាងឆាប់រហ័សផងដែរនាប៉ុន្មានខែថ្មីៗនេះ។ មិនមានការព្យាបាលជាក់លាក់ណាមួយទេ សម្រាប់ជំងឺ Chikungunya ដែលចម្លងដោយមូសខ្លា ក៏ដូចជាជំងឺគ្រុនឈាម និងជំងឺ Zika។ គួរបញ្ជាក់ថា ករណីស្លាប់ និងការរាតត្បាតខ្លាំងក្លា […]