(បាងកក)៖ អ្នកឆ្លើយតបភាគច្រើនលើសលប់ នៅក្នុងនីតិវិធីទទួលមតិសាធារណៈ បានគាំទ្រផែនការរបស់ប្រទេសថៃ ក្នុងការធ្វើឱ្យកាស៊ីណូមានភាពស្របច្បាប់ ដោយរដ្ឋាភិបាលថៃបង្ហាញថា ខ្លួនបើកចំហក្នុងការរួមបញ្ចូលមតិយោបល់ ដែលស្នើឱ្យមានការបន្ធូរបន្ថយរបាំង ដែលរារាំងប្រជាពលរដ្ឋក្នុងស្រុកចូលភ្នាល់នៅកាស៊ីណូ។ ទីភ្នាក់ងារព័ត៌មាន Bloomberg News បានរាយការណ៍ថា ប្រហែល ៨០% នៃអ្នកឆ្លើយតបបានយល់ស្របជាមួយនឹងខ្លឹមសាររួម នៃសេចក្តីព្រាងច្បាប់ ដែលដាក់ឱ្យកាស៊ីណូក្លាយជាអាជីវកម្មស្របច្បាប់នេះ ដើម្បីត្រួសត្រាយផ្លូវ សម្រាប់ការបើកដំណើរការកាស៊ីណូ នៅខាងក្នុងកន្លែងកម្សាន្តធំៗ។ យោងតាមសេចក្តីប្រកាសព័ត៌មាន ដែលចេញផ្សាយដោយរដ្ឋាភិបាលថៃបានឱ្យដឹងថា មនុស្សជាង ៧ពាន់នាក់នាក់ បានបញ្ជូនមតិយោបល់ និងអនុសាសន៍របស់ពួកគេ នៅក្នុងអំឡុងពេលទទួលមតិយោបល់ជាសាធារណៈ ដែលបានធ្វើឡើងចាប់ពីថ្ងៃទី២៨ ខែកុម្ភៈដល់ថ្ងៃទី១៤ ខែមីនាដោយក្រសួងហិរញ្ញវត្ថុថៃ។ ប្រទេសថៃដែលពឹងផ្អែកលើវិស័យទេសចរណ៍ មានបំណងអនុម័តច្បាប់ ស្តីពីកាស៊ីណូដ៏ចម្រូងចម្រាសនៅឆ្នាំនេះ ដើម្បីទាក់ទាញការវិនិយោគ ពីបរទេសកាន់តែច្រើន និងបង្កើនប្រាក់ចំណូលពន្ធ ស្របពេលដែលដោះស្រាយកន្លែងភ្នាល់ល្បែង ខុសច្បាប់ផងដែរ។ ប៉ុន្តែចំណាត់ការនេះត្រូវបានរិះគន់ដោយក្រុមប្រឆាំង និងក្រុមដែលកំពុងប្រយុទ្ធប្រឆាំងនឹងការញៀនល្បែង ក្នុងចំណោមប្រជាជនថៃ ដោយពួកគេនិយាយថា កាស៊ីណូនឹងផ្តល់ផលប្រយោជន៍យ៉ាងច្រើន ដល់អាជីវកម្មធំៗ និងក្រុមហ៊ុនបរទេស។ ក្រុមហ៊ុនភ្នាល់ល្បែងនៅទូទាំងពិភពលោក បានធ្វើយុទ្ធនាការអស់រយៈពេលជាយូរមកហើយ ដោយទាមទារឱ្យមានការដាក់អាជីវកម្មកាស៊ីណូ ជាអាជីវកម្មស្របច្បាប់នៅប្រទេសថៃ ដែលជាគោលដៅទេសចរណ៍កំពូលមួយ របស់ពិភពលោក។ ក្រុមហ៊ុន Galaxy Entertainment Group […]

(ភ្នំពេញ)៖ ជនសង្ស័យចំនួន២០នាក់ ជាក្រុមក្មេងទំនើងបង្កហិង្សា និងធ្វើសកម្មភាពលួច-ឆក់ ត្រូវបានកម្លាំងសមត្ថកិច្ចជំនាញរបស់ស្នងការនគរបាលរាជធានីភ្នំពេញ សហការជាមួយកម្លាំងសមត្ថកិច្ចជំនាញតាមបណ្ដាខណ្ឌនានា ធ្វេីការស្រាវជ្រាវបង្ក្រាបបានជាបន្តបន្ទាប់ក្នុងរយៈពេល៣ថ្ងៃ។ នៅព្រឹកថ្ងៃទី២៦ ខែមីនា ឆ្នាំ២០២៥នេះ កម្លាំងសមត្ថកិច្ចបានយកជនសង្ស័យទាំង២០នាក់ខាងលេីនេះ បង្ហាញមុខជាសាធារណៈនៅស្នងការដ្ឋាននគរបាលរាជធានីភ្នំពេញ ក្រោយពីធ្វេីការបង្ក្រាបបាន។ លោកឧត្តមសេនីយ៍ត្រី ប៊ុត សត្យា ស្នងការរងទទួលផែនព្រហ្មទណ្ឌ បានប្រាប់បណ្ដាញព័ត៌មាន Fresh News ឲ្យដឹងថា ដោយអនុវត្តតាមបទបញ្ជរបស់លោកឧត្ដមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យព្រហ្មទណ្ឌកម្រិតស្រាល បានសហការជាមួយសមត្ថកិច្ចនៅតាមបណ្ដាលខណ្ឌនានា ធ្វើការស្រាវជ្រាវតាមបង្ក្រាប បទល្មើសជាក់ស្តែងជាបន្តបន្ទាប់ក្នុងរយៈពេល៣ថ្ងៃមកនេះ ជាលទ្ធផលបង្ក្រាបបាន១០ករណី ដោយឃាត់ខ្លួនជនសង្ស័យបានចំនួន២០នាក់ ក្នុងនោះពាក់ព័ន្ធនឹងករណីឆក់, ករណីលួច និងករណីក្មេងទំនើងប្រើហិង្សា។ លោកឧត្តមសេនីយ៍ត្រី ប៊ុន សត្យា បានបន្តទៀតថា នៅក្នុងចំណោមជនសង្ស័យចំនួន ២០នាក់ខាងលេីនេះ នៅក្នុងនោះ កម្លាំងសមត្ថកិច្ចជំនាញរបស់ការិយាល័យនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ បង្ក្រាបបាន ១ករណី ឆក់ទូរស័ព្ទ, សមត្ថកិច្ចខណ្ឌដូនពេញ បង្ក្រាបបាន ២ករណី (ឆក់ទូស័ព្ទ ១ករណី, ករណីលួច ម៉ូតូនិងខ្សែភ្លើង១ករណី), សមត្ថកិច្ចខណ្ឌដង្កោ […]

(ព្រះសីហនុ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា ស្នេហ៍មិនឈ្នះស្និទ្ធនោះទេ ដូចនេះកុំរវល់ដេកឈឺចិត្តនឹងគេ គេថារឿងអ្វីយើងប្រឹងធ្វើរឿងនោះ ​ឱ្យចេញជាលទ្ធផលផលជាក់ស្តែង ​ឱ្យពលរដ្ឋបានឃើញ និងទទួលស្គាល់នូវអ្វីដែលយើងបានធ្វើជាក់ស្តែង។ សម្តេចមហាបវរធិបតី ហ៊ុន ម៉ាណែត បានថ្លែងដូចនេះ នៅព្រឹកថ្ងៃទី២៦ ខែមីនា ឆ្នាំ២០២៥នេះ នាឱកាសដែលសម្តេចអញ្ជើញជាអធិបតីសម្ពោធដាក់ឱ្យប្រើប្រាស់​ជាផ្លូវការនូវអគារសិក្សា អគារស្នាក់នៅរបស់គ្រូបង្រៀន និងអគារ​ទីចាត់ការនៅវិទ្យាល័យ ហ៊ុន សែន វាលរេញ។ សម្តេចមហាបវរធិបតី ហ៊ុន ម៉ាណែត បានថ្លែងថា «ការដឹកនាំប្រទេសជៀសមិនផុតពីការរិះគន់ទេនោះទេ គ្មានពីណាដែលគ្រប់គ្នាល្អឥតខ្ចោះ នឹងមានការគោរពស្រលាញ់នោះទេ ទស្សនៈវាខុសគ្នា ប៉ុន្តែអ្វីដែលសំខាន់គឺការធ្វើពិតប្រាកដ ទោះមានអ្នកថាអីក៏ថាចុះ តែអ្វីដែលយើងធ្វើ គឺធ្វើមិចឱ្យប្រជាពលរដ្ឋដែលនៅគៀកជាមួយយើងបានផលជាក់ស្តែង និងទទួលស្គាល់នូវអ្វីដែលយើងបានធ្វើ ដែលនេះហើយដែលខ្ញុំថាស្នេហ៍មិនឈ្នះស្និទ្ធនោះទេ»។ សម្តេចមហាបវរធិបតី ហ៊ុន ម៉ាណែត បានបន្ថែមថា បើចង់ផ្ចាញ់អ្នកដែលថាឱ្យយើង គឺមានតែខិតខំធ្វើជាក់ស្តែងដើម្បីឱ្យបានមនុស្សរាប់ម៉ឺននាក់ជួយធ្វើជាសាក្សីឱ្យយើងបាន តែបើយើងរវល់តែតូចចិត្ត​នឹងវាសនាតូចចិត្តនឹងគេដែលចេះតែថាឱ្យយើងនោះ គឺយើងមិនបានជោគជ័យនោះឡើយ ដូចនេះបើគេចង់និយាយអ្វីឱ្យគេនិយាយចុះ យើងមិនចាំបាច់ខ្វល់នោះទេ។ ជាមួយគ្នានោះសម្តេចមហាបវរធិបតី ហ៊ុន ម៉ាណែត ក៏បានប្រៀបធៀបអ្នកដែលចេះតែថាឱ្យសម្តេចនឹងមិនបានជួយអ្វីនោះ «ជាសំលេងរំខាន» ហើយសម្រាប់សំណើរ ក្តីកង្វល់ និងសំណូមពររបស់ប្រជាពលរដ្ឋ «ជាសំលេងពិតប្រាកដ» ដូចនេះសម្តេចមិនចាំបាច់ស្តាប់សំលេងរំខាននោះទេ គឺស្តាប់តែសំលេងពិតប្រាកដបានហើយ។ ជាមួយគ្នានោះសម្តេចមហាបវរធិបតី […]

(ភ្នំពេញ)៖ ឃ្លាំងស្តុក និងកែច្នៃជ័រស្វិត ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលជាខ្លាំងដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យចេញជួយអន្តរាគមន៍។ ហេតុការណ៍នេះបានកើតឡើងនៅវេលាម៉ោង ៧៖៤០នាទីយប់ ថ្ងៃទី១៥ ខែមីនា ឆ្នាំ២០២៥ ស្ថិតនៅភូមិកប់អំបិល សង្កាត់កំបូល ខណ្ឌកំបូល រាជធានីភ្នំពេញ។ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានប្រាប់ឲ្យបណ្តាញព័ត៌មាន Fresh News ដឹងថា ក្រោយពីទទួលបានព័ត៌មានខាងលើនេះ លោកបានបញ្ជាទៅសមត្ថកិច្ចជំនាញពន្លត់អគ្គិភ័យដែលប្រចាំការនៅគោលដៅទាំង៧ ក្នុងរាជធានីភ្នំពេញ ឲ្យបញ្ចេញរថយន្តពន្លត់អគ្គិភ័យមកកាន់ទីតាំងកើតហេតុ ដើម្បីអន្តរាគមន៍បាញ់ទឹកពន្លត់ជុំវិញរោងចក្រដែលកើតមានគ្រោះអគ្គិភ័យនេះ។ ដោយទទួលបានបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានដឹកនាំបញ្ជាផ្ទាល់ដល់កងកម្លាំងសមត្ថកិច្ចជំនាញ ឲ្យចេញជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់រោងចក្រដែលនៅក្បែរនោះ។ ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន១៧៨គ្រឿង ក្នុងនោះរួមមាន រថយន្តការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ចំនួន២០គ្រឿង ប្រេីប្រាស់ទឹកអស់ចំនួន១២០ឡាន, រថយន្តអគ្គិភ័យក្រសួងមហាផ្ទៃ ចំនួន៤គ្រឿង ប្រើប្រាស់អស់ចំនួន៨ឡាន, […]

(បាត់ដំបង)៖ អនុវត្តតាមប្រសាសន៍ដឹកនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បីជួយសម្រួលបន្ទុកចំណាយរបស់ប្រជាពលរដ្ឋជាមន្ត្រីរាជការ កងកម្លាំង ប្រដាប់អាវុធ កម្មករ កម្មការិនី សិស្ស និស្សិត ដែលនឹងធ្វើដំណើរទៅលេងស្រុកកំណើត ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះ រដ្ឋបាលខេត្តបាត់ដំបង បានសហការជាមួយរដ្ឋបាលរាជធានីភ្នំពេញ រៀបចំរថយន្តក្រុង ចំនួន ៧៥គ្រឿង សម្រាប់បម្រើសេវាដឹកជញ្ជូនសាធារណៈជូនសាធារណជនរយៈពេល ៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៥ ដោយមិនបង់ប្រាក់សម្រាប់ការធ្វើដំណើរពីបាត់ដំបង-ភ្នំពេញ និងពីភ្នំពេញ-បាត់ដំបង។ តាមរយៈសេចក្តីជូនដំណឹងរបស់រដ្ឋបាលខេត្តបាត់ដំបង ដែលបណ្តាញព័ត៌មាន Fresh News ទទួលបាននៅយប់ថ្ងៃទី២៥ ខែមីនា ឆ្នាំ២០២៥នេះ បានឱ្យដឹងថា ការធ្វើដំណើរពីបាត់ដំបង-ភ្នំពេញ និងពីភ្នំពេញ-បាត់ដំបង មានដូចខាងក្រោម៖ ទី១៖ សម្រាប់ប្រជាពលរដ្ឋដែលនឹងធ្វើដំណើរពីភ្នំពេញ-បាត់ដំបង ដោយចេញដំណើរតាមផ្លូវជាតិលេខ៥ ចាប់ពីវេលាម៉ោង ៦:៣០នាទីព្រឹក ដល់ម៉ោង ១១:៣០នាទីព្រឹក នៅចំណតស្ថានីយរថយន្តក្រុងសួនច្បារឫស្សីកែវ ខណ្ឌឫស្សីកែវ រាជធានីភ្នំពេញ។ ទី២៖ សម្រាប់ប្រជាពលរដ្ឋដែលនឹងធ្វើដំណើរពីបាត់ដំបង-ភ្នំពេញ ដោយចេញដំណើរតាមផ្លូវជាតិលេខ៥ ចាប់ពីវេលាម៉ោង ៦:៣០នាទីព្រឹក ដល់ម៉ោង […]

(បាងកក)៖ នាយករដ្ឋមន្ត្រីថៃ លោកស្រី Paetongtarn Shinawatra នៅថ្ងៃពុធ ទី២៦ ខែមីនា​ បានឆ្លងផុតការបោះឆ្នោតដកសេចក្ដីទុកចិត្តនៅក្នុងរដ្ឋសភាយ៉ាងងាយស្រួល ហើយដែលនេះក៏បាន បង្ហាញដែរពីស្ថិរភាពនៃរដ្ឋាភិបាលចម្រុះរបស់លោកស្រី។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ លោកស្រី Paetongtarn បានទទួលជ័យជម្នះដោយឆ្លងផុតការបោះឆ្នោតដកសេចក្ដីទុកចិត្តស្នើឡើងដោយគណបក្សប្រឆាំង ជាមួយសំឡេងគាំទ្រពីសមាជិករដ្ឋសភា ៣១៩ ក្នុងចំណោម ៤៨៨រូប ដែលមានវត្តមានក្នុងពេលបោះឆ្នោត។ គណបក្សប្រឆាំងបានអំពាវនាវឱ្យមានការបោះឆ្នោតដកសេចក្ដទុកចិត្តនេះឡើង ដោយចោទប្រកាន់លោកស្រី Paetongtarn ថាខ្វះចំណេះដឹងខាងសេដ្ឋកិច្ច គេចវេសបង់ពន្ធ គ្មានសមត្ថភាព ហើយធ្វើតាមការបង្គាប់បញ្ជាពីឪពុក គឺលោក Thaksin Shinawatra។ ប៉ុន្តែ លោកស្រី Paetongtarn មានអាយុ៣៨ឆ្នាំ បាននិយាយថាលោកស្រីកំពុងប្រឹងប្រែង ដឹកនាំប្រទេស ហើយថាលោកស្រីគួរតែត្រូវបានវិនិច្ឆយដោយការធ្វើការរបស់លោកស្រី មិនមែនដោយសារតែទំនាក់ទំនងគ្រួសាររបស់លោកស្រីនោះទេ។ គួរបញ្ជាក់ថា ការបោះឆ្នោតនៅថ្ងៃពុធនេះ បានបង្ហាញថាក្រុមចម្រុះរបស់លោកស្រី Paetongtarn នៅតែមានភាពរឹងមាំ និងមានស្ថិរភាព ដែលនេះអាចនិយាយបានថាក្នុងរយៈពេលខ្លី វាមានលទ្ធភាព ទាបដែលក្រុមចម្រុះអាចនឹងរង្គោះរង្គើរ ឬកើតមានវិបត្តិនយោបាយណាមួយ៕ ផ្ដល់សិទ្ធិដោយ៖ Fresh News

(ភ្នំពេញ)៖ នាយកដ្ឋាននគរបាលទេសចរណ៍ នៃអគ្គស្នងការដ្ឋាននគរបាលជាតិ បានបង្ហាញគំរូពាក្យបណ្តឹងចំនួនពីរ ជូនដល់ប្រជាពលរដ្ឋ និងភ្ញៀវទេសចរបរទេស នៅក្នុងករណីចាញ់បោកជនខិលខុចលើបណ្តាញសង្គមអនឡាញ ដែលកម្មង់ទិញឥវ៉ាន់ ប៉ុន្តែមិនទទួលបានឥវ៉ាន់ តាមការបញ្ជាទិញ។ នាយកដ្ឋាននគរបាលទេសចរណ៍ បានបញ្ជាក់ថា ករណីប្រជាពលរដ្ឋបានជួបករណីចាញ់បោកជនខិលខូចតាមអនឡាញនេះ សូម Print ពាក្យបណ្តឹងនេះដើម្បីបំពេញ រួចដាក់គ្រុបរបស់នាយកដ្ឋាន។ ជាមួយគ្នានេះ នាយកដ្ឋាននគរបាលទេសចរណ៍ ក៏ជូនដំណឹងឲ្យបងប្អូន អាចទំនាក់ទំនងមកដាក់ពាក្យបណ្តឹងបន្ថែមបាននៅការិយាល័យនីតិវិធី នៃនាយកដ្ឋាននគរបាលទេសចរណ៍ អគ្គស្នងការដ្ឋាននគរបាលជាតិ នៅរៀងរាល់ម៉ោងធ្វើការ។ បើតាមលោកឧត្តមសេនីយ៍ឯក រុន រ័ត្នវាសនា ប្រធាននាយកដ្ឋាននគរបាលទេសចរណ៍, ក្រោយព័ត៌មាននៃការចាប់ខ្លួនជនបោកប្រាស់ម្នាក់ដែលបង្កើត Page Facebook ក្លែងក្លាយ ហើយឲ្យគេកម្មង់ទំនិញបង់លុយរួច តែមិនផ្ញើទំនិញឲ្យគេវិញនោះ ស្រាប់តែមានជនរងគ្រោះជាច្រើននាក់ បានធ្វើដំណើរទៅកាន់នាយកដ្ឋានទេសចរណ៍ដោយផ្ទាល់ ដើម្បីដាក់ពាក្យបណ្តឹងករណីឆបោកទាំងនេះ។ តាមការសម្រុកទៅដាក់ពាក្យបណ្តឹងទាំងនេះ បានបង្ហាញថា មានជនរងគ្រោះជាច្រើន បានចាញ់បោកគេតាមអនឡាញ តែពលរដ្ឋខ្លះបានខកបំណង ក្រោយបានដាក់ពាក្យបណ្តឹងនៅនាយកដ្ឋានជំនាញមួយចំនួន តែមិនមានចំណាត់ការ និងអូសបន្លាយពេលវេលា ទើបពួកគាត់ស្វែងរកការដាក់ពាក្យបណ្តឹងថ្មីឡើងវិញ៕ ផ្ដល់សិទ្ធិដោយ៖ Fresh News

(ក្រចេះ)៖ មន្ទីររ៉ែ និងថាមពលខេត្តក្រចេះ សហការជាមួយកម្លាំងអធិការដ្ឋាននគរបាលស្រុកអូរគ្រៀងសែនជ័យ បង្រ្កាបទីតាំងធ្វើអាជីវកម្មរ៉ែមាសខុសច្បាប់មួយកន្លែង ឃាត់ខ្លួនអ្នកពាក់ព័ន្ធចំនួន៤នាក់ដើម្បីទៅសួរនាំ នៅថ្ងៃទី២៤ ខែមីនា ឆ្នាំ២០២៥។ ការធ្វើអាជីវកម្មរ៉ែមាសខុសច្បាប់នេះ នៅក្នុងទីតាំងចំការស្វាយចន្ទីមួយកន្លែង ស្ថិតក្នុងភូមិអូរពោ ឃុំក្បាលដំរី ស្រុកអូរគ្រៀងសែនជ័យ ខេត្តក្រចេះ។ ប្រជាពលរដ្ឋបានឲ្យដឹងថា ទីតាំងខាងលើនេះ គឺត្រូវបានអ្នកជំនាញធ្វើអាជីវកម្មរ៉ែមាស បែបអាណាធិបតេយ្យ ប្រមូលទិញអាចម៌ដីរ៉ែ ពីរណ្តៅដីនៅចំណុចត្រពាំងក្របី ស្រុកសំបូរ ទៅលក់ទៅឲ្យថៅកែជនជាតិចិនដើម្បីយកទៅ ចម្រាញ់ យកមាសដោយប្រើសារធាតុគីមី នៅក្នុងទីតាំងចំកាស្វាយចន្ទីខាងលើ។ ការធ្វើអាជីវកម្មរ៉ែមាសខុសច្បាប់នៅចំណុចទីតាំងខាងលើ ពួកគេបានប្រើប្រាស់អាងទឹកគីមី ដើម្បីចម្រាញ់យកមាស ហើយទីតាំងនោះគឺត្រូវបានព័ទ្ធរបងហ៊ុំជិត និងដាក់ប៉ារ៉ាស់បិទផ្លូវមិនឲ្យមានអ្នកចេញចូលសេរីនោះឡើយ។ ក្រោយពីមានសេចក្តីរាយការណ៍, មន្ត្រីជំនាញមន្ទីររ៉ែ បានសហការជាមួយសមត្ថកិច្ចស្រុកអូរគ្រៀងសែនជ័យ ក្រោមការសម្របសម្រួលពីស្ថាប័នអយ្យការអមសាលាដំបូងខេត្តក្រចេះ បានចុះទៅពិនិត្យមើលដល់ទីតាំងជាក់ស្ដែង និងបាននាំខ្លួនថៅកែជនជាតិចិនពីរនាក់ កម្មករម្នាក់ និងម្ចាស់ដីម្នាក់ទៀតបញ្ជូនទៅខេត្តដើម្បីបន្តការសួរនាំ។ មន្ត្រីជំនាញនៃមន្ទីរ៉ែ និងថាមពលខេត្តក្រចេះ បានឲ្យដឹងថា ករណីនេះ គឺបានឃាត់ខ្លួនមនុស្ស៤នាក់ បញ្ជូនទៅតុលាការដើម្បីធ្វើការសាកសួរ និងអនុវត្តនីតិវិធីច្បាប់ ដោយពិន័យអន្តរកាល។ ចំពោះទីតាំងធ្វើអាជីវកម្មរ៉ែនោះ មន្ត្រីជំនាញតម្រូវឲ្យម្ចាស់ទីតាំងសំអាតបរិស្ថានឡើងវិញ ដោយដាក់ថ្នាំបន្សាប ហើយកាយលុបទីតាំងនោះឲ្យត្រឡប់ដូចដើមធម្មតាវិញ៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ឃួង ស្រេង អភិបាលរាជធានីភ្នំពេញ នៅថ្ងៃទី២៥ ខែមីនា ឆ្នាំ២០២៥នេះ បានចេញសេចក្ដីណែនាំស្ដីពីការរក្សាសន្ដិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈ ក្នុងរាជធានីភ្នំពេញ នាឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនឹងប្រព្រឹត្តទៅនៅថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៥ ក៏ដូចជារក្សាបាននូវប្រពៃណីជាតិ ទំនៀមទម្លាប់ និងវប្បធម៌ដ៏ល្អផូងរង់របស់ជាតិខ្មែរ។ ខាងក្រោមនេះ ជាសេចក្ដីណែនាំទាំងស្រុងរបស់រដ្ឋបាលរាជធានីភ្នំពេញ៖ ផ្ដល់សិទ្ធិដោយ៖ Fresh News

(ភ្នំពេញ)៖ ក្រសួងសាធារណការ និងដឹកជញ្ជូន បានបញ្ជាក់ឱ្យដឹងថា យោងតាមច្បាប់ស្ដីពីប្រព័ន្ធទឹកកង្វក់ មាត្រា១០៤ បានចែងថា៖ ជនណាដែលជីកកប់ ជីកគាស់ ជីកលុង ឬចោះខួងផ្លូវថ្នល់ ដោយគ្មានការអនុញ្ញាតដូចមានចែងក្នុងមាត្រា៤៤នៃច្បាប់នេះ ត្រូវផ្តន្ទាទោសដាក់ពន្ធនាគារពី១ (មួយ)ខែ ទៅ១(មួយ)ឆ្នាំ និងពិន័យជាប្រាក់ពី៤០០ ០០០ (បួនសែន) រៀល ទៅ៤ ០០០ ០០០ (បួនលាន) រៀល។ មាត្រា៤៤. ការជីកកប់ ការជីកគាស់ ឬការជីកលុង និងការចោះខួងផ្លូវថ្នល់ ដើម្បីតភ្ជាប់ជាមួយបណ្តាញលូ នៅត្រង់ចំនុចណាមួយត្រូវស្នើសុំការអនុញ្ញាតពីសមត្ថកិច្ចគ្រប់គ្រងផ្លូវថ្នល់ និងត្រូវបំពេញលក្ខខណ្ឌខាងក្រោម៖ * ចៀសវាងប៉ះពាល់ហេដ្ឋារចនាសម្ព័ន្ធនៃប្រព័ន្ធលូ ឬហេដ្ឋារចនាសម្ព័ន្ធរូបវន្តផ្សេងទៀត* ដោះស្រាយជាបន្ទាន់ចំពោះការរំខាននានា មុននឹងបន្តអនុវត្តការងារ* តភ្ជាប់ជាមួយបណ្តាញលូឱ្យស្របតាមបទប្បញ្ញត្តិបច្ចេកទេសប្រព័ន្ធទឹកកខ្វក់និងសាកល្បងបង្ហូរ ទឹកកខ្វក់ បន្ទាប់ពីការតភ្ជាប់ជាមួយបណ្តាញលូរួចរាល់* សម្រួលសណ្តាប់ធ្នាប់ចរាចរណ៍ បង្ការឧបទ្ទវហេតុផ្សេងៗដែលអាចកើតមានឡើងជាយថាហេតុ និងគោរពតាមការណែនាំរបស់ភ្នាក់ងារមានសមត្ថកិច្ច ឬវិស្វករទទួលបន្ទុក* រៀបចំទីតាំងឱ្យមានស្ថានភាពដូចដើមវិញ ឬល្អជាងស្ថានភាពដើម៕ ផ្ដល់សិទ្ធិដោយ៖ Fresh News