(កំពត)៖ អភិបាលក្រុងកំពត បានចេញសេចកជូនដំណឹងដល់ប្រជាពលរដ្ឋ និងសាធារណៈជនទាំងអស់ដែលមានសំណង់របងបញ្ចុះ ដែលមានសំណង់ របង កញ្ចុះ និងសំណង់ផ្សេងទៀត ដែលបានសង់ចូលលើដីចំណីព្រែកកំពង់បាយត្រើយខាងលិច មានទីតាំងចាប់ពីចំណុចខាងជើងគល់ស្ពានឥន្ធនូ (ស្ពានចាស់) រហូតមកដល់ចំណុចគល់ស្ពានថ្មី (ស្ពានផ្លូវជាតិលេខ៣) ស្ថិតនៅភូមិទ្វីខាងជើង សង្កាត់អណ្ដូងខ្មែរ ក្រុងកំពត ខេត្តកំពត ជូនជ្រាបថា នាពេលដ៏ខ្លីខាងមុខនេះ រដ្ឋបាលខេត្តនឹងចាប់ផ្ដើមអនុវត្តគម្រោងកែលម្អសោភ័ណភាពទីក្រុង ដោយធ្វើការតាមដានផ្លូវ និងរៀបចំច្រាំងព្រែកកំពង់បាយត្រើយខាងលិច ចាប់ពីចំណុចខាងជើងគល់ស្ពានឥន្ធនូ (ស្ពានចាស់) រហូតមកដល់ចំណុចគល់ស្ពានថ្មី (ស្ពានផ្លូវជាតិលេខ៣)។ ដូច្នេះសូមប្រជាពលរដ្ឋ និងសាធារណជនជាម្ចាស់សំណង់ទាំងអស់រុះរើសំណង់របស់ខ្លួនចេញពីលើដីចំណីព្រែកដោយខ្លួនឯង ឱ្យបានរួចរាល់ក្នុងរយៈពេល៧ថ្ងៃ គិតចាប់ពីថ្ងៃជូនដំណឹងនេះទៅ។ ករណីម្ចាស់សំណង់ មិនអនុវត្តតាមសេចក្តីជូនដំណឹងនេះ រដ្ឋបាលក្រុងកំពតនឹងអនុវត្តតាមនីតិវិធីច្បាប់ ព្រមទាំងចុះធ្វើការរុះរើ ដោយមិនទទួលខុសត្រូវលើការខូចខាតទ្រព្យសម្បត្តិរបស់អស់លោក លោកស្រីនោះឡើយ។ រីឯកាចំណាយផ្សេងៗលើការរុះរើ ជាបន្ទុក របស់ម្ចាស់សំណង់។ តាមសេចក្តីជូនដំណឹងខាងលើ ដោយយោង៖១- ព្រះរាជក្រមលេខ: នស/រកម/០៥០៨/០១៧ ចុះថ្ងៃទី២២ ខែឧសភា ឆ្នាំ២០០៨ ដែលប្រកាសឲ្យប្រើច្បាប់ស្ដីពី ការគ្រប់គ្រងរដ្ឋបាលរាជធានី-ខេត្ត ក្រុង ស្រុក ខណ្ឌ២- ព្រះរាជក្រមលេខ នស/រកម/០៨០១/០១៤ ចុះថ្ងៃទី៣០ ខែឧសីហា ឆ្នាំ២០០១ ស្ដីពីច្បាប់ភូមិបាល។៣- អនុក្រឹត្យលេខ: ៩៨ […]

(ហុងកុង)៖ សម្រាប់ឆ្នាំ២០២៥ខាងមុខ ក្រុមហ៊ុនទេសចរណ៍ចិនដ៏ធំមួយប្រចាំទីក្រុងហុងកុង គឺក្រុមហ៊ុន China Tourism Group Corporation Limited (CTG) នឹងរៀបចំកញ្ចប់ទស្សនកិច្ចនាំទេសចរបរទេសមកទស្សនាកម្សាន្តនៅប្រទេសកម្ពុជា ព្រមទាំងមានកិច្ចសហការក្នុងវិស័យទេសចរណ៍ជាច្រើនទៀតជាមួយក្រសួងទេសចរណ៍កម្ពុជា។ ការណ៍នេះបានឱ្យដឹងតាមរយៈបេសកកម្មរបស់លោក ហួត ហាក់ រដ្ឋមន្រ្តីក្រសួងទេសចរណ៍ ដែលបានជួបពិភាក្សាការងារជាមួយលោក វ័ង ហាយមីង (Wang Haimin) ប្រធានក្រុមប្រឹក្សាភិបាលក្រុមហ៊ុន China Tourism Group (CTG) និងសហការីជាអគ្គនាយក/អគ្គនាយករងក្រុមហ៊ុនបុត្រសម្ព័ន្ធផ្នែកទីភា្នក់ងារទេសចរណ៍ និងផ្សារទំនើប China Duty Free Shop នាថ្ងៃទី២១ ខែធ្នូ ឆ្នាំ២០២៤នេះ ដើម្បីផ្លាស់ប្តូរទស្សនៈ និងយុទ្ធសាស្រ្តសម្រាប់ពង្រឹងកិច្ចសហប្រតិបត្តិការរៀបចំកញ្ចប់ទស្សនកិច្ច និងជំរុញរំហូរភ្ញៀវទេចររវាងប្រទេសទាំងពីរ កម្ពុជា-ចិន ជាពិសេសប្រជាពលរដ្ឋពីតំបន់រដ្ឋបាលពិសេសហុងកុង តំបន់រដ្ឋបាលពិសេសម៉ាកាវ និងតំបន់ជុំវិញ។ បើតាមក្រសួងទេសចរណ៍ តាមរយៈជំនួបពិភាក្សាកម្រិតខ្ពស់នេះ កិច្ចសហប្រតិបត្តិការទេសចរណ៍ថ្មីៗ និងសំខាន់ៗ ត្រូវបានឯកភាពផ្តួចផ្តើម រួមមាន៖ ការបង្កើតក្រុមការងារអនុវត្តអនុស្សរណៈនៃការយោគយល់គ្នាដែលបានចុះកន្លងមក ការរៀបចំជំនួបផ្គូរផ្គង និងទស្សនកិច្ចសិក្សា (FAM Trip) ការនាំភ្ញៀវមកតាមជើងហោះហើរជួល (Charter Flight) […]

(ភ្នំពេញ)៖ រដ្ឋបាលរាជធានីភ្នំពេញ បានចេញសេចក្ដីដំណឹងបញ្ជាក់ថា សហភាពសហព័ន្ធយុវជនកម្ពុជា (ស.ស.យ.ក) នឹងរៀបចំព្រឹត្តិការណ៍ «សាទរកម្ពុជា» ដែលនឹងប្រព្រឹត្តទៅ នៅថ្ងៃទី៣១ ខែធ្នូ ឆ្នាំ២០២៤ មានអ្នកចូលរួមប្រមាណ ៣០០០នាក់ នៅមុខព្រះបរមរាជវាំង ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។ ដោយឡែកនៅថ្ងៃទី២៧ ខែធ្នូ ឆ្នាំ២០២៤ នៅវេលាម៉ោង ១៣៖០០នាទី សហភាពសហព័ន្ធយុវជនកម្ពុជា (ស.ស.យ.ក) នឹងរៀបចំធ្វើការដង្ហែក្បួនថ្មើរជើងសាកល្បង ដោយអនុញ្ញាតឱ្យបងប្អូនប្រជាពលរដ្ឋទាំងអស់អាចចូលរួមដោយសេរី ដើម្បីត្រៀមលក្ខណៈឱ្យព្រឹត្តិការណ៍ «សាទរកម្ពុជា» ដំណើរការទៅទទួលបានលទ្ធផលល្អប្រសើរតាមការគ្រោងទុក។ ដើម្បីឲ្យព្រឹត្តិការណ៍ «សាទរកម្ពុជា» ខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ដំណើរការនៃការរៀបចំនឹងប្រព្រឹត្តទៅដូចខាងក្រោម៖ ចំពោះការដង្ហែក្បួនថ្មើរជើងសាកល្បង នឹងរៀបចំប្រព្រឹត្តទៅនៅថ្ងៃទី២៧ ខែធ្នូ ឆ្នាំ២០២៤ នៅលើកំណាត់តីរវិថីព្រះស៊ីសុវត្ថិ (ចាប់ពីកែងវិថីបក្សីចាំក្រុង រហូតដល់សាលមហោស្រពចតុមុខ) ចាប់ពីវេលាម៉ោង ១៣:០០នាទី រហូតដល់បញ្ចប់កម្មវិធី។ ចំពោះការដង្ហែក្បួនថ្មើរជើងសម្រាប់ព្រឹត្តិការណ៍ «សាទរកម្ពុជា» នឹងរៀបចំប្រព្រឹត្តទៅនៅថ្ងៃទី៣១ ខែធ្នូ ឆ្នាំ២០២៤ នៅលើកំណាត់តីរវិថីព្រះស៊ីសុវត្ថិ (ចាប់ពីកែងវិថីបក្សីចាំក្រុង រហូតដល់សាល មហោស្រពចតុមុខ) […]

(ភ្នំពេញ)៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា បានយាងដល់មាតុភូមិវិញប្រកបដោយសុវត្ថិភាព នារសៀលថ្ងៃទី២១ ខែធ្នូ ឆ្នាំ២០២៤ ក្រោយបញ្ចប់ព្រះរាជទស្សនកិច្ច នៅប្រទេសចិន។ ផ្ដល់សិទ្ធិដោយ៖ Fresh News

(កំពង់ចាម)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអំពាវនាវឱ្យបញ្ចប់វប្បធម៌ធ្វើជាតំណាងប្រជាពលរដ្ឋរឿងដីធ្លី ហើយរត់ការរំលងយន្តការមូលដ្ឋាន ទៅដល់ក្រសួងស្ថាប័ន។ សម្តេចបានចាត់ទុកថា វប្បធម៌នេះនឹងធ្វើឱ្យវិវាទដីធ្លី នៅក្នុងប្រទេសកម្ពុជា នៅតែបន្តកើតមាន មិនអាចបញ្ចប់បាន។ ការអំពាវនាវរបស់ សម្តេចបវរធិបតី ហ៊ុន ម៉ាណែត បានធ្វើឡើង ពិធីប្រកាស​ខេត្ត​កំពង់ចាម បញ្ចប់ការវាស់វែងដីធ្លីមានលក្ខណៈជាប្រព័ន្ធ និង​ចែក​បណ្ណ​កម្មសិទ្ធិដីធ្លីជូនប្រជាពលរដ្ឋ នាព្រឹកថ្ងៃទី២១ ខែធ្នូ ឆ្នាំ២០២៤នេះ។ មុននឹងលើកឡើងដល់ចំណុចនេះ សម្តេចបានបង្ហាញអំពីករណីរត់ការមួយចំនួន ដែលបានរំលងយន្តការថ្នាក់ខេត្ត ហើយទៅដល់ក្រសួងមួយ។ សម្តេចបានបញ្ជាក់ដូច្នេះថា៖ «លុបកុំឱ្យមានបែបហ្នឹង យន្តការដែលត្រូវប្រើគឺស្របច្បាប់ យន្តការផ្លូវការ យន្តការរដ្ឋបាលថ្នាក់ក្រោមជាតិ ដើម្បីយើងងាយដោះស្រាយ ហើយខេត្តមួយដែលមានដីសម្បទានសង្គមកិច្ច ​ត្រូវមើលនីតិវិធីផង កុំឱ្យមាននរណារត់ការមក»។ បើតាមសម្តេចមហាបវរធិបតី នាយករដ្ឋមន្រ្តី, រដ្ឋាភិបាល តែងផ្តល់ដីជូនប្រជាពលរដ្ឋ ដែលគ្មានដីពិតប្រាកដ ដែលកន្លងទៅ រដ្ឋាភិបាលបានផ្តល់រាប់ម៉ឺនរាប់សែនគ្រួសារផងដែរ។ សម្តេចបានបញ្ជាក់បន្តថា ក្នុងករណីប្រជាពលរដ្ឋ មិនមានដីពិតប្រាកដ គឺអាចដាក់ស្នើតាមរយៈយន្តការថ្នាក់មូលដ្ឋានបាន។ «ខ្ញុំសូមឱ្យប្រជាពលរដ្ឋដែលអត់មានដីពិតប្រាកដ បើត្រូវការសូមឱ្យចុះឈ្មោះតាមយន្តការរបស់យើងនៅមូលដ្ឋាន ដើម្បីយើងផ្តល់ជូន ហើយសូមកុំចាញ់ឃោសនារបស់ក្រុមមេខ្យល់ នាំប្រជាពលរដ្ឋទៅកាប់កន្លែងនេះឬកន្លែងនោះជាថ្នូរ កន្លែងខ្លះថ្នូរជាមួយលុយ»។ នេះបើតាមការបញ្ជាក់បន្ថែមរបស់សម្តេចធិបតី។ សម្តេចបានរំលឹកថា កន្លងទៅករណីរត់ការរំលងមូលដ្ឋាន […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានថ្លែងឲ្យដឹងថា នៅថ្ងៃខាងមុខនេះរាជរដ្ឋាភិបាល នឹងរៀបចំចងភ្ជាប់ប្រព័ន្ធទិន្នន័យ របស់ស្ថាប័នរដ្ឋជាមួយគ្នា ដើម្បីបង្កភាពងាយស្រួលក្នុងការទាញយកព័ត៌មានគ្រប់ជ្រុងជ្រោយ។ ការលើកឡើងរបស់សម្ដេចមហាបវរធិបតី ហ៊ុន ម៉ាណែត ធ្វើឡើងក្នុងឱកាសសម្ដេច អញ្ជើញប្រកាស​ខេត្ត​កំពង់​ចាម បញ្ចប់ការវាស់វែងដីធ្លីមានលក្ខណៈជាប្រព័ន្ធ និងពិធីចែក​បណ្ណកម្មសិទ្ធិដីធ្លីជូនប្រជាពលរដ្ឋ នាព្រឹកថ្ងៃទី២១ ខែធ្នូ ឆ្នាំ២០២៤។ សម្តេចមហាបវរធិបតី ហ៊ុន ម៉ាណែត បានថ្លែងថា ចំពោះប្រព័ន្ធឌីជីថលនេះពេលតម្លើង ដាច់ខាតត្រូវមានការរៀបចំតម្លើងប្រព័ន្ធការពារ ព្រោះនៅពេលប្រេីប្រាស់ត្រូវការពារឲ្យបាន ព្រោះទិន្នន័យឥឡូវនេះលែងដាក់ក្នុងទូទៀតហើយ ប៉ុន្ដែដាក់លើអាកាស ដូច្នេះត្រូវតែច្បាស់លាស់ បើមិនច្បាស់នោះទេ នឹងបង្កការលំបាកនៅថ្ងៃក្រោយ។ សម្តេចមហាបវរធិបតី ហ៊ុន ម៉ាណែត បានបញ្ជាក់ថា «ទៅថ្ងៃក្រោយយើងនឹងមានទិន្នន័យជារួមព្រោះថា បច្ចុប្បន្នទិន្នន័យយើងមានច្រើន ក្រសួងនីមួយៗមានទិន្នន័យខុសៗគ្នា។ រដ្ឋាភិបាលនឹងរៀបចំការ ផ្គុំទិន្នន័យ ចែករំលែកព័ត៌មានពី ស្ថាប័នមួយទៅស្ថាប័នមួយ»។ សម្តេចមហាបវរធិបតី ហ៊ុន ម៉ាណែត បានបន្ដថា កាលពីដើមអាណ្ណត្តិយើងបានដាក់ជំរុញ ប្រព័ន្ធខេមឌីអេតរួចរាល់មកហើយ ហើយម្សិលមិនេះយើងបានជួបប្រជុំជាមួយ CDC លើកការដាក់ព័ត៌មានទាក់ទងនឹងការវិនិយោគនានា ទៅភ្ជាប់ជាមួយក្រសួងមហាផ្ទៃ, ក្រសួងដែនដីជាដើម ដើម្បីបន្ថែមភាពងាយស្រួលដល់អ្នកប្រើប្រាស់ ដូច្នេះនៅពេលដែលវិនិយោគិន ចង់ដឹងអំពីព័ត៌មានវិនិយោគ […]

(ភ្នំពេញ)៖ ក្រុមអត្តពលិកកីឡាវ៉ូវីណាមកម្ពុជា ដណ្ដើមបានមេដាយចំនួន ១៣គ្រឿងបន្ថែមទៀតហើយ សម្រាប់យុទ្ធនាការថ្ងៃទី២ របស់ខ្លួន នៅក្នុងព្រឹត្តិការណ៍ប្រកួតកីឡាវ៉ូវីណាមជើងឯកអាស៊ី លើកទី៥ (AVF Asian Vovinam Championships) ឆ្នាំ២០២៤ នៅកោះបាលី ប្រទេសឥណ្ឌូនេស៊ី កាលពីថ្ងៃទី២០ ខែធ្នូ រួមមានមេដាយមាស ៣ និងប្រាក់ ៩គ្រឿង។ សម្រាប់មេដាយមាស ៣គ្រឿងដណ្តើមបានលើវិញ្ញាសាជាក្រុម និងកត្តជន៖១. កីឡាករ ម៉េត សុភ័ក្ដ្រា និង ម៉េត សារី ឈ្នះមេដាយមាស លើវិញ្ញាសាមេគុនដាវក្រុម។២. កីឡាការិនី ប៉ាល់ ឆរស៊ី្ម ឈ្នះមេដាយមាស លើវិញ្ញាសាមេគុនកាំបិតភ្លោះនារីឯកត្តជន។៣. កីឡាការិនី ឯម ចាន់កនិកា ឈ្នះមេដាយមាស លើវិញ្ញាសាមេគុនដាវនារីឯកត្ដជន។ ចំពោះមេដាយប្រាក់ ៩គ្រឿង ក៏ដណ្ដើមបានលើវិញ្ញាសាជាក្រុម និងឯកត្តជន៖១. កីឡាករ ម៉េត សុភ័ក្ដ្រា, ជិន ពិសិដ្ឋ, ម៉ែន សុខវិច្ឆិការ និង ម៉េត សារី […]

(ភ្នំពេញ)៖​ នាយកដ្ឋានសិល្បៈទស្សនីយភាព សហការជាមួយ មន្ទីរវប្បធម៌និងវិចិត្រសិល្បៈខេត្តត្បូងឃ្មុំ និង មន្ទីរវប្បធម៌និងវិចិត្រសិល្បៈខេត្តកំពង់ចាម បានចុះសិក្សាស្រាវជ្រាវ ស៉ើបសួរពីប្រវត្តិល្ខោនអាប៉េស្ទៀង ដែលបានបាត់បង់ជាង ៣០ឆ្នាំមកហើយ។ ការស្រាវជ្រាវ បានធ្វើឡើងនៅថ្ងៃទី១៩ ខែធ្នូ ឆ្នាំ២០២៤។ បើតាមការផ្សាយរបស់នាយកដ្ឋានសិល្បៈទស្សនីយភាព នៅថ្ងៃទី២០ ខែធ្នូ ឆ្នាំ២០២៤ បច្ចុប្បន្ននេះ អតីតក្រុមល្ខោនអាប៉េស្ទៀង ភាគច្រើនរស់នៅក្នុងស្រុកមេមត់ ខេត្តត្បូងឃ្មុំ។ កិច្ចសិក្សាស្រាវជ្រាវ មានគោលបំណងដើម្បីប្រមូលព័ត៌មាន និងគ្រោងចងក្រងទុកជាវីដេអូឯកសារ នូវល្ខោនដ៏កម្រមួយនេះសម្រាប់ទុកជាកិច្ចការស្រាវជ្រាវបន្ត។ ពិសេស នាយកដ្ឋានសិល្ប និងមន្ទីរវប្បធម៌ទាំង២ នឹងស្វែងរកយន្តការដើម្បីធ្វើយ៉ាងណាឲ្យល្ខោនអាប៉េស្ទៀង រស់ឡើងវិញ៕ ផ្ដល់សិទ្ធិដោយ៖ Fresh News

(កំពង់ចាម)៖​ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងរាជរដ្ឋាភិបាលកម្ពុជាមិនមែនស្រឡាញ់ទឹកដីតែលើហ្វេសប៊ុកនោះទេ រាជរដ្ឋាភិបាលស្រឡាញ់ពិត ហើយមិនមែនត្រឹមស្រឡាញ់នោះទេ ព្រមទាំងប្រឹងប្រែងលើកតម្កើងលើឆាកអន្តរជាតិថែមទៀតផង។ ការថ្លែងបែបនេះរបស់សម្ដេច បានធ្វើឡើងនាឱកាសដែលសម្ដេច បានអញ្ជើញជាអធិបតីក្នុងពិធីប្រកាស​ខេត្ត​កំពង់ចាម បញ្ចប់ការវាស់វែងដីធ្លីមានលក្ខណៈជាប្រព័ន្ធ និង​ចែកបណ្ណកម្មសិទ្ធិដីធ្លីជូនប្រជាពលរដ្ឋ។ ជានិច្ចកាល ក្រុមប្រឆាំងតែងតែលើកយកប្រធានបទពាក់ព័ន្ធនឹងព្រំដែនរវាងកម្ពុជា​ និងប្រទេសជិតខាងមកបំផុសបំផុល ធ្វើឱ្យប្រជាពលរដ្ឋខ្មែរនៅក្នុងប្រទេស មានការខឹងសម្បារជាមួយរាជរដ្ឋាភិបាលកម្ពុជា ដែលបានខិតខំព្យាយាមបំពេញកាតព្វកិច្ចយ៉ាងយកចិត្តទុកដាក់បំផុតជូនប្រជាពលរដ្ឋ។ តួយ៉ាង ដូចកាលរឿងកិច្ចសហប្រតិបត្តិការអភិវឌ្ឍតំបន់ត្រីកោណ កម្ពុជា-ឡាវ-វៀតណាម (CLV-DTA) ដែលក្រុមនេះបានបញ្ឆេះកំហឹងប្រជាជនកម្ពុជា នឹងបានរៀបចំព្រឹត្តិការណ៍ ១៨ សីហា ២០២៤ ដើម្បីផ្ដួលរំលំរដ្ឋាភិបាលស្របច្បាប់បន្ថែមទៀត តែត្រូវបានបរាជ័យក្រោមការទប់ស្កាត់ទាន់ពេលវេលារបស់រដ្ឋាភិបាលកម្ពុជា។ ក្រោយពីបញ្ចប់រឿង CLV-DTA ក្រុមនេះបានបង្វែរការចាប់អារម្មណ៍ទៅរក កោះគុត ដែលជាតំបន់ត្រួតស៊ីគ្នារវាងកម្ពុជា​ និងថៃ បង្កឱ្យប្រជាពលរដ្ឋផ្ទុះកំហឹងសារជាថ្មីជាមួយនឹងរាជរដ្ឋាភិបាលកម្ពុជាទៀត ខណៈដែលរដ្ឋាភិបាលទាំងពីរប្រទេស កំពុងធ្វើការចរចាជាមួយគ្នានៅឡើយ។ ថ្លែងក្នុងពិធីខាងលើនេះ, សម្ដេចបវរធិបតី ហ៊ុន ម៉ាណែត បានសង្កត់ធ្ងន់យ៉ាងដូច្នេះថា៖ «គណៈកម្មការព្រំដែន មន្ត្រីព្រំដែនរបស់យើង សួរថាពួកគាត់ក្បត់ជាតិខ្លួនឯងឬអី? អត់ទេ! គាត់ស្រឡាញ់ជាតិ គាត់ខំសិក្សាស្រាវជ្រាវដើម្បីចរចាមួយចំអាមៗទុកឱ្យ។ សួរថាស្រឡាញ់ជាតិតែអស់លោកនៅក្រៅប្រទេសទេឬ? ហើយអ្នកក្នុងស្រុកហ្នឹងអត់ស្រឡាញ់ជាតិទេអី? ស្រឡាញ់ដូចតែគ្នាទេ ហើយយើងមិនស្រឡាញ់តែតាមហ្វេកប៊ុកទេ គឺយើងស្រឡាញ់ពិត ការពារពិត […]

(ភ្នំពេញ)៖ ក្រសួងពាណិជ្ជកម្ម នៅថ្ងៃទី២១ ខែធ្នូ ឆ្នាំ២០២៤នេះ បានចេញសេចក្តីជូនដំណឹង ប្រកាសពីតម្លៃលក់រាយប្រេងឥន្ធនៈ នៅតាមស្ថានីយនានាដោយចាប់ពីថ្ងៃនេះ ដល់ថ្ងៃទី៣១ ខែធ្នូ ឆ្នាំ២០២៤ ត្រូវលក់សាំងធម្មតាតម្លៃ ៣,៩៥០រៀល និងម៉ាស៊ូតត្រូវលក់ ៣,៨០០រៀល ក្នុង១លីត្រ៕ ផ្ដល់សិទ្ធិដោយ៖ Fresh News