(ភ្នំពេញ)៖ លោក កែវ រតនៈ រដ្ឋមន្ដ្រីក្រសួងរ៉ែ និងថាមពល នៅថ្ងៃទី២១ ខែវិច្ឆិកា ឆ្នាំ២០២៤នេះ បានបញ្ជាក់ឲ្យដឹងថា នាពេលដ៏ខ្លីខាងមុខនេះ ក្រសួងមានផែនការ ស្នើសុំរាជរដ្ឋាភិបាល គាំទ្រគម្រោងវិនិយោគរោងចក្រចម្រាញ់ប្រេងកាត ក្នុងប្រទេសជំហានទី១។ ការបញ្ជាក់ឲ្យដឹងបែ​បនេះ របស់លោក កែវ រតនៈ ធ្វើឡើងក្នុងពិធីបិទសន្និបាត បូកសរុបលទ្ធផលការងារក្រសួងរ៉ែ និងថាមពល ឆ្នាំ២០២៣-២០២៤ និងទិសដៅការងារឆ្នាំ២០២៥ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋ​មន្ត្រី​កម្ពុជា នារសៀលថ្ងៃទី២១ ខែវិច្ឆិកា ឆ្នាំ២០២៤។ លោក កែវ រតនៈ បានបញ្ជាក់ថា «នាពេលដ៏ខ្លីខាងមុខនេះ ក្រសួងមានផែនការ ស្នើសុំរាជរដ្ឋាភិបាលគាំទ្រគម្រោងវិនិយោគរោងចក្រ ចម្រាញ់ប្រេងកាតក្នុងប្រទេស ជំហានទី១ ជាមួយនឹង ការកំណត់រូបរាង និងវិសាលភាពនៃការធ្វើសន្និធិប្រេងបម្រុង ជាយុទ្ធសាស្ត្រ Strategic Petroleum Reserve ទោះបីជាប្រទេសយើងមានទីផ្សារប្រេង នៅតូចក៏ដោយ»។ រដ្ឋមន្ដ្រី កែវ រតនៈ បានលើកឡើងថា អនុវត្តតាមគោលនយោបាយ របស់រាជរដ្ឋាភិបាល ក្រសួងបានដាក់ចេញជាគោលនយោបាយទូលាយមួយដែលបន្តធានា៖ […]

(បរទេស)៖ Neuralink ដែលជាក្រុមហ៊ុនផលិតឈីបសម្រាប់ដាំក្នុងខួរក្បាលមនុស្សរបស់កំពូលមហាសេដ្ឋីលោក Elon Musk បាននិយាយនៅថ្ងៃពុធសប្តាហ៍នេះថា ​ខ្លួនបានទទួលការយល់ព្រមជាលើកដំបូងពីនិយតករសុខភាពកាណាដា (Health Canada) ដើម្បីចាប់ផ្តើមការសាកល្បងព្យាបាលអ្នកជំងឺនៅក្នុងប្រទេសកាណាដា។ នេះបើយោងតាមការចេញផ្សាយដោយ CNA នៅថ្ងៃទី២១​ ខែវិច្ឆិកា ឆ្នាំ២០២៤។ Neuralink បានលើកឡើងថា ការសិក្សារបស់ប្រទេសកាណាដាមានគោលបំណងវាយតម្លៃសុវត្ថិភាព និងមុខងារដំបូងនៃការផ្សាំរបស់វា ដែលអាចអនុញ្ញាតឱ្យអ្នកជំងឺ quadriplegia ឬអ្នកជំងឺខ្វិននៃអវយវៈទាំងបួនអាចគ្រប់គ្រងឧបករណ៍ខាងក្រៅបានដោយគ្រាន់តែប្រើការគិតរបស់ពួកគេ។ ទន្ទឹមនឹងនេះ មន្ទីរពេទ្យបណ្តាញសុខភាពរបស់សាកលវិទ្យាល័យកាណាដា (UHN) បាននិយាយនៅក្នុងសេចក្តីថ្លែងការណ៍ដាច់ដោយឡែកមួយថា ទីតាំងសាកលវិទ្យាល័យ Toronto របស់ខ្លួននឹងត្រូវបានជ្រើសរើសដើម្បីអនុវត្តនីតិវិធីវះកាត់នេះ។ គួរជម្រាបថា Neuralink ត្រូវបានបង្កើតឡើងក្នុងឆ្នាំ២០១៦ ដោយលោក Elon Musk និងក្រុមវិស្វករមួយក្រុមទៀតក្នុងគោលបំណងផ្សាំឈីបចូលទៅក្នុងខួរក្បាលមនុស្សដើម្បីជួយអ្នកជំងឺដែលមានពិការភាពនូវលទ្ធភាពអាចធ្វើចលនា អាចទំនាក់ទំនង និងស្តារចក្ខុវិស័យឡើងវិញ។ គម្រោងផ្សំាបន្ទះឈីបនេះ ទទួលបានជោគជ័យចំនួនពីរលើករួចមកហើយនៅសហរដ្ឋអាមេរិក។ Neuralink គូសបញ្ជាក់ថា ឧបករណ៍នេះដំណើរការបានយ៉ាងល្អនៅក្នុងអ្នកជំងឺសាកល្បងទី២ ដែលប្រើសម្រាប់ការលេងហ្គេម និងរៀនពីរបៀបឌីហ្សាញ 3D៕ ផ្ដល់សិទ្ធិដោយ៖ Fresh News

(ភ្នំពេញ)៖ និស្សិតសាកលវិទ្យាល័យភូមិន្ទភ្នំពេញ ឈ្មោះ ហេង គឹមហុង ត្រូវបានចោរលួចម៉ូតូទៅបាត់ក្នុងពេលរូបគេ អញ្ជើញចូលរួមពិធីទទួលសញ្ញាបត្រនៅកោះពេជ្រកាលពីព្រឹកថ្ងៃទី២១ ខែវិច្ឆិកា ឆ្នាំ២០២៤។ បន្ទាប់ពីទទួលបានព័ត៌មាននេះ នៅព្រឹកថ្ងៃទី២២ ខែវិច្ឆិកា ឆ្នាំ២០២៤នេះ លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ បានជួបជាមួយនិស្សិត ហេង គឹមហុង និងក្រុមគ្រួសារ សួរនាំទៅលើបញ្ហានោះបន្ទាប់ពីសួរនាំ ឧបនាយករដ្ឋមន្ត្រី ស សុខា បានឧបត្ថម្ភម៉ូតូមួយគ្រឿងជូន ហេង គឹមហុង ដើម្បីជួយសម្របសម្រួលដល់ការធ្វើដំណើរ និងឧបត្ថម្ភថវិកាមួយចំនួនផងដែរ។ សូមបញ្ជាក់ថា ក្នុងពិធីចែកសញ្ញាបត្រនៅកោះពេជ្រកាលពីម្សិលមិញ បន្ទាប់ពីថ្នាក់ដឹកនាំអញ្ជើញចេញពីទីតាំងប្រារព្ធពិធី ឆ្លៀតពេលក្រុមគ្រួសារនិស្សិតកំពុងថតរូបអនុស្សាវរីយ៍ជុំគ្នានោះ ជនខិលខូចបានបន្លំខ្លួនលួចទូរស័ព្ទដៃ និងម៉ូតូរបស់និស្សិត ក៏ដូចជាសាច់ញាតិ៕ ផ្ដល់សិទ្ធិដោយ៖ Fresh News

(ភ្នំពេញ)​៖ លោក កែវ រតនៈ រដ្ឋមន្ត្រីនៃក្រសួងរ៉ែ និងថាមពលបានឲ្យដឹងថា ក្រសួងរ៉ែ និងថាមពល បានបន្ដឧបត្ថម្ភធនប្រមាណ ១២៥លានដុល្លារ តាមរយៈអគ្គិសនីកម្ពុជា ដើម្បីធ្វើយ៉ាងណារក្សាតម្លៃអគ្គិសនីឲ្យមានស្ថិរភាព។ ការលើកឡើងរបស់លោក កែវ រតនៈ ធ្វើឡើងក្នុងពិធីបិទសន្និបាតបូកសរុបលទ្ធផលការងារក្រសួងរ៉ែ និងថាមពល ឆ្នាំ២០២៣-២០២៤ និងទិសដៅការងារឆ្នាំ២០២៥ នៅ​ថ្ងៃទី២១ ខែវិច្ឆិកា ឆ្នាំ២០២៤នេះ ក្រោមអធិបតីភាពសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ អភិក្រមទី២៖ រក្សាថ្លៃសមរម្យស្របតាមថ្លៃ នៃធាតុចូលក្នុងការផលិត បញ្ជូន និងចែកចាយថាមពល ដែលក្រសួងនឹងបន្តអនុវត្តន៍ លោករដ្ឋមន្ត្រី កែវ រតនៈ បានលើកឡើងថា «បន្តឧបត្ថម្ភធនប្រមាណ ១២៥ លានដុល្លារ តាមរយៈអគ្គិសនីកម្ពុជា ដើម្បីឱ្យថ្លៃអគ្គិសនីនៅមាន ស្ថិរភាពខណៈប្រទេសនានា កំពុងបន្តឡើងថ្លៃអគ្គិសនី ធ្វើឱ្យអ្នកប្រើប្រាស់ពីបណ្តាញជាតិ ៩៩,៧៣% មានថ្លៃដូចគ្នាទូទាំងប្រទេស ក្នុងនោះផងដែរក្រសួងក៏បន្តរក្សាថ្លៃលក់សង្គមកិច្ច ៣៨០រៀល ៤៨០រៀល និង ៦១០រៀល សម្រាប់លំនៅឋានចំណូលទាប និងមធ្យម និង៤៨០រៀល សម្រាប់កសិកម្ម ដែលប្រើពេលយប់។ […]

(ភ្នំពេញ)៖ បន្ទាប់ពីក្លាយជាម្ចាស់មកុដបរវកញ្ញាចក្រវាលកម្ពុជា Miss Universe 2024 អ្នកនាង ប្រាសាទ ដាវីន បានតំណាងឲ្យប្រទេសកម្ពុជា ទៅចូលរួមនៅក្នុងការប្រកួតបវរកញ្ញាចក្រវាលឆ្នាំ២០២៤នេះ នៅប្រទេស ម៉ិកស៊ិកូ កាលពីថ្ងៃទី១៦ ខែវិច្ឆិកា ឆ្នាំ២០២៤។ អ្នកនាង ប្រាសាទ ដាវីន បានថ្លែងអំណរគុណយ៉ាងជ្រាលជ្រៅបំផុត ចំពោះលោកជំទាវអ្នកឧកញ៉ា ម៉ៅ ចំណាន គិត ម៉េង ប្រធានសមាគមសិល្បករខ្មែរ ក្រោយត្រឡប់មកពីប្រកួតនៅម៉ិចស៊ិកូ និងទទួលបានជោគជ័យគួរជាទីមោទនៈ។ ក្នុងស្មារតីគាំទ្រលើកទឹកចិត្ត លោកជំទាវអ្នកឧកញ៉ា ម៉ៅ ចំណាន គិត ម៉េង ប្រធានសមាគមសិល្បករខ្មែរ ក៏បានព្យាយាមត្រួសត្រាយផ្លូវគាំទ្របវរកញ្ញា ប្រាសាទ ដាវីន ជាបន្តបន្ទាប់ ពិសេសតាមរយៈការបោះឆ្នោត «Voice for Change» ចំនួន១០,០០០ Votes។ ក្រោយត្រឡប់មកដល់ទឹកដីកម្ពុជាវិញ កាលពីយប់ថ្ងៃទី២១ ខែវិច្ឆិកា ឆ្នាំ២០២៤ អ្នកនាង ប្រាសាទ ដាវីន បាននិយាយថា «ជាកិត្តិយសបំផុតដែលនាងខ្ញុំទទួលបានគាំទ្រ ជ្រោមជ្រែងពីលោកជំទាវ ម៉ៅ ចំណាន គិតម៉េង ប្រធានសមាគមសិល្បករខ្មែរ។ នាងខ្ញុំពិតជារំភើប […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី២១ ខែវិច្ឆិកា ឆ្នាំ២០២៤នេះ បានលើកឡើងថា វិស័យរ៉ែ បានផ្តល់ការងារជូនប្រជាពលរដ្ឋ និង ប្រមូលចំណូលចូលថវិកាជាតិ ជិត៩០លានដុល្លារអាមេរិក ក្នុងឆ្នាំ២០២៤។ ការលើកឡើងបែបនេះ ធ្វើឡើងក្នុងឱកាសដែល សម្តេចបវរធិបតី ហ៊ុន ម៉ាណែត អញ្ជើញជាអធិបតីដ៏ខ្ពង់ខ្ពស់ ក្នុងពិធីបិទសន្និបាតបូកសរុបលទ្ធផលការងារក្រសួងរ៉ែ និងថាមពល ឆ្នាំ២០២៣-២០២៤ និងទិសដៅការងារឆ្នាំ២០២៥ នៅសណ្ឋាគារសូហ្វីតែល ភ្នំពេញ នារសៀលថ្ងៃទី២១​ ខែវិច្ឆិកា ឆ្នាំ២០២៤។ សម្តេចមហាបវរធិបតី ហ៊ុន ម៉ាណែត បានបញ្ជាក់យ៉ាងដូច្នេះថា «វិស័យរ៉ែ បានផ្តល់ការងារជូនប្រជាពលរដ្ឋ និង ប្រមូលចំណូលចូលថវិកាជាតិ ដែលក្នុងនោះ ចំណូលរដ្ឋពីវិស័យរ៉ែ មានកំណើនពីមួយឆ្នាំទៅមួយឆ្នាំ ដោយបានចូលរួមចំណែកក្នុងថវិកាជាតិ ជិត៩០លានដុល្លារអាមេរិក ក្នុងឆ្នាំ២០២៤ ព្រមទាំងបានផ្តល់ការងារផ្ទាល់ ក្នុងវិស័យរ៉ែនេះ ជូនប្រជាពលរដ្ឋ»។ ឆ្លៀតក្នុងឱកាសនេះ សម្តេចបវរធិបតី ហ៊ុន ម៉ាណែត ក៏សូមថ្លែងអំណរគុណ ដល់ម្ចាស់អាជីវកម្មរ៉ែ ដែលបានយក​ចិត្តទុកដាក់លើសុវត្ថិភាព ជាពិសេសការលើកកម្ពស់សុខុមាលភាព និយោជិតកម្មករ ដែលបម្រើការងារនៅក្នុងការដ្ឋានរ៉ែរបស់ខ្លួន។ […]

(ឡាអេ)៖ តុលាការឧក្រិដ្ឋកម្មអន្តរជាតិ (ICC) នៅថ្ងៃព្រហស្បតិ៍នេះបានចេញដីកាចាប់ខ្លួននាយករដ្ឋមន្រ្តីអ៊ីស្រាអែល Benjamin Netanyahu និងអតីតរដ្ឋមន្រ្តីការពារជាតិ Yoav Gallant ព្រមទាំងមេបញ្ជាការយោធារបស់ក្រុមហាម៉ាស់ Mohammed Deif ពីបទឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ។ នេះបើយោងតាមការចេញផ្សាយដោយ​ ទីភ្នាក់ងារសារព័ត៌មាន Reuters។ ទាំងអ៊ីស្រាអែល និងក្រុមហាម៉ាស់ បានច្រានចោលការចោទប្រកាន់នេះ។ អ៊ីស្រាអែលក៏បានអះអាងថា លោក Mohammed Deif ត្រូវបានសម្លាប់នៅក្នុងការវាយប្រហារតាមអាកាសនៅហ្គាហ្សាកាលពីខែកក្កដា ប៉ុន្តែហាម៉ាស់មិនបានបញ្ជាក់ ឬបដិសេធព័ត៌មាននេះទេ។ ការសម្រេចចិត្តនេះ ត្រូវបានរិះគន់យ៉ាងខ្លាំងដោយអ៊ីស្រាអែល និងសហរដ្ឋអាមេរិក។​ ពួកគេចាត់ទុកថា វាជាការអាម៉ាស់និងជាអំពើអយុត្តិធម៌។ ទោះជាយ៉ាងណា អង្គជំនុំជម្រះ ICC បានបញ្ជាក់ថា ខ្លួនមានភស្តុតាងគ្រប់គ្រាន់ ដើម្បីចោទប្រកាន់មេដឹកនាំទាំងនោះ ពីបទឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងនឹងមនុស្សជាតិ រួមមានការសម្លាប់រង្គាល ឃាតកម្ម ការចាប់ចំណាប់ខ្មាំង ការចាប់រំលោភ ការធ្វើទារុណកម្ម ការវាយប្រហារដោយចេតនាលើជនស៊ីវិល និងការប្រើប្រាស់ភាពអត់ឃ្លានជាអាវុធនៃសង្រ្គាមជាដើម។ គួរបញ្ជាក់ថា ការចេញដីកាចាប់ខ្លួននេះ ធ្វើឡើងបន្ទាប់ពីរដ្ឋអាជ្ញានៃតុលាការឧក្រិដ្ឋកម្មអន្តរជាតិ (ICC) លោក Karim Khan បានប្រកាសកាលពីខែឧសភាថា លោកកំពុងស្វែងរកដីកាចាប់ខ្លួន […]

(កំពង់ធំ)៖ គ្រាប់ស្វាយចន្ទីកែច្នៃចំនួន ១៦តោនរបស់ក្រុមហ៊ុនមីរ៉ាត់អាគ្រីថិច (MIRARTH Agri Tech) ត្រូវបាននាំចេញទៅសហគមន៍អឺរ៉ុបលើកដំបូង។ នេះជាការបញ្ជាក់របស់ក្រុមហ៊ុន នារសៀលថ្ងៃទី២១ ខែវិច្ឆិកា ឆ្នាំ២០២៤ ស្ថិតនៅទីតាំងរោងចក្រភូមិត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ។ លោក តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លើកឡើងថា ខេត្តកំពង់ធំ ត្រូវបានគេស្គាល់យ៉ាងទូលំទូលាយថាជាខេត្តផលិតគ្រាប់ស្វាយចន្ទីឈានមុខគេក្នុងប្រទេសកម្ពុជា។ លើសពីនេះ គ្រាប់ស្វាយចន្ទី របស់កម្ពុជាមានទំហំធំ និងមានរសជាតិឈ្ងុយឆ្ងាញ់ ហើយក៏ទទួលបានការវាយតម្លៃខ្ពស់ពីប្រទេសនានារួមមានប្រទេសជប៉ុនផងដែរ។ លោករដ្ឋលេខាធិការបានបញ្ជាក់ថា ដោយឃើញពីសក្តានុពល នៃផលិតផលស្វាយចន្ទី សម្តេចតេជោ ហ៊ុន សែន អតីតនាយករដ្ឋមន្ត្រី បានផ្តល់ការណែនាំដល់គណៈកម្មាធិការគោលនយោបាយសេដ្ឋកិច្ចនិងហិរញ្ញវត្ថុ ឱ្យដឹកនាំរៀបចំ និងដាក់ចេញនូវវិធានការចាំបាច់នានាក្នុងការជំរុញការកែច្នៃ និងការនាំចេញផលិតផលស្វាយចន្ទីផងដែរ។ លោក សំហេង បូរ៉ា រដ្ឋលេខាធិការក្រសួងពាណិជ្ជកម្ម បានលើកឡើងថា ការនាំចេញគ្រាប់ស្វាយចន្ទីកែច្នៃទៅកាន់សហភាពអឺរ៉ុបជាលើកដំបូងរបស់ក្រុមហ៊ុន MIRARTH Agri Tech Co., Ltd. ក្នុងឱកាសនាំចេញគ្រាប់ស្វាយចន្ទីកែច្នៃទៅកាន់ សហភាពអឺរ៉ុបជាលើកដំបូង។ នេះមិនត្រឹមជាភាពជោគជ័យសម្រាប់តែក្រុមហ៊ុនទេ តែក៏ជាដំណាក់កាលដ៏សំខាន់ក្នុងដំណើរបេសកកម្មរបស់យើងក្នុងការនាំយកទំនិញ Product […]

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នារសៀលថ្ងៃទី២១ ខែវិច្ឆិកា ឆ្នាំ២០២៤នេះ បានបញ្ជាក់ថា សម្ដេចទើបសម្រេចឲ្យលុបអាជ្ញាប័ណ្ណឧស្សាហកម្មអាជីវកម្មធនធានរ៉ែថ្មកំបោរ ដើម្បីរក្សាទុកសម្រាប់វិស័យទេសចរណ៍។ សម្ដេចមហាបវរធិបតី ហ៊ុន ម៉ាណែត ធ្វើឡើងក្នុងឱកាសអញ្ជើញជាអធិបតី ពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅបន្ដរបស់ក្រសួងរ៉ែ និងថាមពល នៅរសៀលថ្ងៃទី២១ ខែវិច្ឆិកា ឆ្នាំ២០២៤នេះ បានណែនាំឲ្យកំណត់តំបន់ច្បាស់លាស់ដែលត្រូវយកថ្មបានផងដែរ។ ប្រមុខនៃរាជរដ្ឋាភិបាលកម្ពុជារូបនេះ មានប្រសាសន៍យ៉ាងដូច្នេះថា «ខ្ញុំគាំទ្រនូវគោលនយោបាយបស់ក្រសួងធនធានរ៉ែ និងថាមពល ដែលមិនអនុញ្ញាតឲ្យមានប្រតិបត្តិការធនធានរ៉ែនៅក្នុងតំបន់បេតិកភណ្ឌ តំបន់ប្រវត្តិសាស្ត្រវប្បធម៌ […] ខ្ញុំបានសម្រេចលុបចោលអាជ្ញាប័ណ្ណឧស្សាហកម្មអាជីវកម្មធនធានរ៉ែថ្មកំបោរនៅខេត្តកំពត តាមការស្នើសុំ និងពិនិត្យយោបល់បច្ចេកទេសរបស់ក្រសួងធនធានរ៉ែ និងថាមពល»។ សម្ដេចបវរធិបតី ហ៊ុន ម៉ាណែត បានគូសបញ្ជាក់ថា ធនធានរ៉ែ គឺជាធនធានដែលមិនកកើតឡើងវិញនោះទេ ប៉ុន្តែគ្រប់ប្រទេសនៅលើសកលលោកត្រូវការជាចាំបាច់ ដើម្បីទាញយក និងប្រើប្រាស់ធនធានរ៉ែសម្រាប់អភិវឌ្ឍន៍សេដ្ឋកិច្ច និងសង្គម។ សម្ដេចបន្ថែមថា អ្វីដែលជាគន្លឹះសំខាន់ គឺការទាញយកមកប្រើប្រាស់ត្រូវមានចីរភាព ពុំមានផលប៉ះពាល់ធ្ងន់ធ្ងរដល់សង្គម និងបរិស្ថាន។ បើតាមការឲ្យដឹងពីសម្ដេចមហាបវរធិបតី ហ៊ុន ម៉ាណែត, កាលពីថ្ងៃទី១៤ ខែវិច្ឆិកា ឆ្នាំ២០២៤កន្លងទៅ សម្ដេចបានបញ្ឈប់ការផ្ដល់អាជ្ញាប័ណ្ណរ៉ែថ្មី​បន្ថែមទៀត ក្នុងតំបន់អភិរក្សព្រៃឡង់ និងចារឯកភាពឲ្យបញ្ឈប់ការផ្ដល់រ៉ែ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានណែនាំឱ្យក្រសួងរ៉ែ និង ថាមពល ត្រូវពិនិត្យមើលទីតាំងដែលមានអាជ្ញាបណ្ណក្នុងតំបន់ព្រៃឡង់ដែល ពុំមានសកម្មភាព ឬពុំមានសក្តានុពលធនធានរ៉ែ ដើម្បីដកហូត ឬកាត់ឆ្កៀលចេញពីដែនអាជ្ញាបណ្ណធនធានរ៉ែ។ បន្ថែមលើនេះ សម្តេចបានបន្តហាមដាច់ខាតមិនឱ្យចេញអាជ្ញាបណ្ណធនធានរ៉ែថ្មីនៅតំបន់ព្រៃឡង់នេះ។ សម្តេចមហាបវរធិបតី ហ៊ុន ម៉ាណែត ថ្លែងបែបនេះ នៅរសៀលថ្ងៃព្រហស្បតិ៍ ទី២១ ខែវិច្ឆិកា ឆ្នាំ២០២៤ ក្នុងឱកាស អញ្ជើញជាអធិបតីដ៏ខ្ពង់ខ្ពស់ ក្នុងពិធីបិទសន្និបាតបូកសរុបលទ្ធផលការងារក្រសួងរ៉ែ និងថាមពល ឆ្នាំ២០២៣-២០២៤ និងទិសដៅការងារឆ្នាំ២០២៥ នៅសណ្ឋាគារសូហ្វីតែល ភ្នំពេញ។ សម្តេចមហាបវរធិបតី ហ៊ុន ម៉ាណែត បានបញ្ជាក់ថា «ក្រសួងរ៉ែ និង ថាមពល ត្រូវពិនិត្យមើលទីតាំងដែលមានអាជ្ញាបណ្ណក្នុងតំបន់ព្រៃឡង់ដែល ពុំមានសកម្មភាព ឬពុំមានសក្តានុពលធនធានរ៉ែ ដើម្បីដកហូត ឬកាត់ឆ្កៀលចេញពីដែនអាជ្ញាបណ្ណធនធានរ៉ែ និងបន្តហាមដាច់ខាតមិនឱ្យចេញអាជ្ញាបណ្ណធនធានរ៉ែថ្មីនៅតំបន់ព្រៃឡង់នេះ»។ សម្តេច បានបន្តថា «ដាក់មកខ្ញុំក៏ខ្ញុំអត់ស៊ីញ៉េដែរ។ តំបន់ព្រៃឡង់ អត់ឲ្យចេញអាជ្ញបណ្ណរុករករ៉ៃទៀតទេ»។ ជាមួយគ្នានេះ សម្ដេចទើបសម្រេចឲ្យលុបអាជ្ញាបណ្ណឧស្សាហកម្មអាជីវកម្មធនធានរ៉ែថ្មកំបោរ ដើម្បីរក្សាទុកសម្រាប់វិស័យទេសចរណ៍។ សម្ដេចបវរធិបតី ហ៊ុន ម៉ាណែត បានគូសបញ្ជាក់ថា ធនធានរ៉ែ […]