(កណ្តាល)៖ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយថ្នាក់ដឹកនាំ មន្ត្រីជំនាញក្រសួង អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា និងមន្ទីរធនធានទឹក និងឧតុនិយមខេត្តកណ្តាល រួមជាមួយលោក គួច ចំរើន អភិបាលខេត្តកណ្តាល និងអាជ្ញាធរមូលដ្ឋានគ្រប់លំដាប់ថ្នាក់ នៅព្រឹកថ្ងៃសៅរ៍ ទី៣១ ខែសីហា ឆ្នាំ២០២៤ បានចុះពិនិត្យវឌ្ឍនភាពគម្រោងការពារច្រាំងទន្លេបាសាក់ប្រវែង ១២០០ម៉ែត្រក្នុងភូមិសាស្ត្រសង្កាត់ព្រែកជ្រៃ ក្រុងសំពៅពូន ខេត្តកណ្តាល។ សូមជម្រាបថា ការប្រែប្រួលនៃចរន្តទឹក និងជម្រាបទឹកពីក្រោមដីបានបណ្តាលឱ្យមានការបាក់ស្រុតច្រាំងទន្លេជាបន្តបន្ទាប់។ នៅអំឡុងខែសីហា ឆ្នាំ២០១៩ ច្រាំងទន្លេបាសាក់នៅបរិវេណបង្គោលព្រំដែនលេខ២៤៥/៤(១)ត្រូវបានចរន្តទឹកហូរច្រោះបណ្តាលឱ្យបាក់ស្រុតខ្លាំង។ ក្នុងគោលបំណង ដើម្បីការពារបង្គោលព្រំដែន និងហេដ្ឋារចនាសម្ព័ន្ធនានានៅក្នុងតំបន់ ក្រសួងធនធានទឹក និងឧតុនិយមបានអនុវត្ដវិធានការបន្ទាន់ដោះស្រាយបញ្ហាទៅតាមផែនការកាត់បន្ថយការបាក់ច្រាំងទន្លេឱ្យបានជាអតិបរមា ដើម្បីការពារច្រាំងទន្លេ។ លោករដ្ឋមន្ត្រីបានបញ្ជាក់ឱ្យដឹងថា ក្រសួងធនធានទឹក និងឧតុនិយម ដោយមានការឯកភាពពីគណៈកម្មាធិការចម្រុះកិច្ចការព្រំដែន បានអនុវត្តការងារការពារច្រាំងទន្លេបាសាក់បរិវេណព្រំដែនលេខ២៤៥/៤(១) ប្រវែង ១២០០ ម៉ែត្រ ជាពីរដំណាក់កាលគឺ៖ ដំណាក់កាលទី១ នៅខែសីហា ឆ្នាំ២០១៩ រៀបបាវខ្សាច់ការពារផ្នែកខាងក្រោមនៃច្រាំងទន្លេ ដែលជាការការពារបណ្ដោះអាសន្នក្នុងប្រវែង ១៥០ម៉ែត្រ និងដំណាក់កាលទី២ នៅខែមេសា ឆ្នាំ២០២៣ ធ្វើការសាងសង់សំណង់ច្រាំងទន្លេបាសាក់ […]

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចេញអនុក្រឹត្យ ស្តីពី ការបង្កើតគណៈកម្មាធិការគ្រប់គ្រងធនធានខ្សាច់។ នេះបើតាមអនុក្រឹត្យដែលបណ្តាញព័ត៌មាន Fresh News ទទួលបាននៅថ្ងៃទី៣១ ខែសីហានេះ៕ ខាងក្រោមនេះជាអនុក្រឹត្យរបស់សម្តេចធិបតី ហ៊ុន ម៉ាណែត៖ ផ្ដល់សិទ្ធិដោយ៖ Fresh News

(កៀវ)៖ កាលពីថ្ងៃសុក្រសប្តាហ៍នេះ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានបណ្តេញប្រមុខកងទ័ពអាកាសអ៊ុយក្រែន មួយថ្ងៃបន្ទាប់ពីទីក្រុងកៀវបាននិយាយថា យន្តហោះចម្បាំងផលិតដោយអាមេរិក F-16 ១គ្រឿង បានធ្លាក់អំឡុងពេលបំពេញបេសកកម្មប្រយុទ្ធ ហើយបណ្តាលឱ្យអាកាសយានិក បាត់បង់ជីវិត។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃសៅរ៍ ទី៣១ ខែសីហា ឆ្នាំ២០២៤។ លោក ហ្សេលេនស្គី បាននិយាយថា រូបលោកបានសម្រេចចិត្តផ្លាស់ប្តូរ មេបញ្ជាការកងទ័ពអាកាស ដើម្បីពង្រឹងថ្នាក់ដឹកនាំយោធារបស់​អ៊ុយក្រែន បន្ទាប់ពីការិយាល័យរបស់លោក បានចេញផ្សាយក្រឹតប្រធានាធិបតីមួយ ដែលដកហូតតំណែងជាផ្លូវការ ពីលោក Mykola Oleshchuk។ យោធាអ៊ុយក្រែនបានឱ្យដឹងថា យន្តហោះចម្បាំង F-16 ខាងលើ បានធ្លាក់ក្នុងសប្តាហ៍នេះ អំឡុងបេសកកម្មបាញ់ស្កាត់មីស៉ីលរបស់រុស្ស៉ី។ វាជាការបាត់បង់ F-16 លើកដំបូង បន្ទាប់ពីអ៊ុយក្រែន បានប្រកាសថា ខ្លួនចាប់ផ្តើមទទួលបានយន្តហោះចម្បាំងនេះ កាលពីប៉ុន្មានសប្តាហ៍កន្លងទៅ។ សមាជិកសភាអ៊ុយក្រែនម្នាក់ នៅក្នុងគណៈកម្មាធិការទទួលបន្ទុកការពារជាតិ សន្តិសុខ និងស៉ើបការណ៍សម្ងាត់ បានអះអាងថា យន្តហោះ F-16 នោះ ត្រូវបានច្រឡំបាញ់ទម្លាក់ ដោយប្រព័ន្ធការពារដែនអាកាសអ៊ុយក្រែនផ្ទាល់។ […]

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានថ្វាយសារលិខិតថ្លែងអំណរព្រះគុណ ព្រះមហាក្សត្រី នរោត្តម មុនីនាថ សីហនុ ដែលទ្រង់ប្រោសព្រះរាជទានថវិកាចំនួន ៣ម៉ឺនដុល្លារដល់ «មូលនិធិកសាង ហេដ្ឋារចនាសម្ព័ន្ធតាមបណ្ដោយព្រំដែន»។ តាមរយៈសារលិខិតទូលថ្វាយព្រះមហាក្សត្រី ដែលបណ្ដាញព័ត៌មាន Fresh News ទទួលបាននៅថ្ងៃទី៣០ ខែសីហា ឆ្នាំ២០២៤នេះ សម្ដេចធិបតី ហ៊ុន ម៉ាណែត បានបញ្ជាក់យ៉ាងដូច្នេះថា៖ «តាងនាមរាជរដ្ឋាភិបាល និងក្នុងនាមទូលព្រះបង្គំជាខ្ញុំ សូមព្រះបរមរាជានុញ្ញាត សម្តែងនូ ព្រះរាជអំណរគុណថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីសក្ការៈដ៏ខ្ពង់ខ្ពស់ ដោយព្រះអង្គទ្រង់សព្វព្រះរាជហឫទ័យ ប្រោសព្រះរាជទាន នូវព្រះរាជថវិកា ព្រះអង្គផ្ទាល់ចំនួន៣០,០០០ដុល្លារ (សាមសិបពាន់ដុល្លារអាមេរិក) ចំពោះ «មូលនិធិកសាងហេដ្ឋរចនាសម្ព័ន្ធតាមបណ្ដោយព្រំដែន» ដោយផ្តោតលើការកសាងផ្លូវក្រវាត់ព្រំដែន។ នាឱកាសដ៏មហានក្ខត្តឫក្សវិសេសវិសាលនេះ ទូលព្រះបង្គំជាខ្ញុំ សូមព្រះបរមរាជានុញ្ញាត លើកហត្ថប្រណមបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធិបារមីខ្លាំងក្លា វត្ថុស័ក្តិសិទ្ធទាំងឡាយក្នុងលោក ទេវតា និងបុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត ព្រះមហាក្សត្រីយានីខ្មែរ គ្រប់ព្រះអង្គ ជាពិសេសព្រះករុណាព្រះបាទសម្តេចព្រះ នរោត្ដម សីហនុ ព្រះមហាវីរក្សត្រ […]

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានថ្វាយសារលិខិតថ្លែងអំណរព្រះគុណ ព្រះករុណា ព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា ដែលព្រះអង្គប្រោសព្រះរាជទានថវិការ ចំនួន៣ម៉ឺនដុល្លារដល់ «មូលនិធិកសាង ហេដ្ឋារចនាសម្ព័ន្ធតាមបណ្ដោយព្រំដែន»។ តាមរយៈសារលិខិតទូលថ្វាយព្រះមហាក្សត្រ ដែលបណ្ដាញព័ត៌មាន Fresh News ទទួលបាននៅថ្ងៃទី៣០ ខែសីហា ឆ្នាំ២០២៤នេះ សម្ដេចធិបតី ហ៊ុន ម៉ាណែត បានបញ្ជាក់យ៉ាងដូច្នេះថា៖ «តាងនាមរាជរដ្ឋាភិបាល និងក្នុងនាមទូលព្រះបង្គំជាខ្ញុំ សូមព្រះបរមរាជានុញ្ញាតក្រាបថ្វាយ នូវសេចក្ដីថ្លែងអំណរព្រះគុណដ៏ខ្ពង់ខ្ពស់បំផុតថ្វាយ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គសព្វេះ ព្រះរាជហឫទ័យប្រោសព្រះរាជប្រទាននូវ ថវិកាព្រះអង្គផ្ទាល់ចំនួន ៣០,០០០ដុល្លារ (សាមសិបពាន់ដុល្លារអាមេរិក) ដល់ «មូលនិធិកសាងហេដ្ឋារចនាសម្ព័ន្ធតាមបណ្ដោយព្រំដែន» ដោយផ្ដោតលើការកសាងផ្លូវក្រវាត់ព្រំដែន។ នាឱកាសដ៏មហានក្ខត្តឫក្សវិសេសវិសាលនេះ ទូលព្រះបង្គំជាខ្ញុំ សូមព្រះបរមរាជានុញ្ញាត លើកហត្ថប្រណមបួងសួងដល់គុណបុណ្យព្រះរតនត្រ័យ គុណកែវទាំងបី ឫទិ្ធបារមីខ្លាំងក្លា វត្ថុស័ក្តិសិទ្ធទាំងឡាយក្នុងលោក ទេវតា និងបុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរ គ្រប់ព្រះអង្គ ជាពិសេសព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ […]

ទីភ្នាក់ងារជាតិ និងមុខរបរ នៃក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី៣០ ខែសីហា ឆ្នាំ២០២៤ នេះ បានបង្ហាញពីឱកាសការងារ ៤០៨៨កន្លែង នៅខេត្តរតនគិរី។ តាមរយៈផេកផ្លូវការ ទីភ្នាក់ងារជាតិ និងមុខរបរ បានបញ្ជាក់ថា ឱកាសការងារ ៤០៨៨កន្លែង នៅខេត្តរតនគិរី ខាងលើនេះ គឺជ្រើសរើសសម្រាប់មុខតំណែង កម្មករចម្ការដំណាំ។ ដូច្នេះសម្រាប់ យុវជន និងអ្នកដែលកំពុងស្វែងរកការងារ ដែលចាប់អារម្មណ៍ចង់ដាក់ពាក្យធ្វើការនៅខេត្តរតនគិរី សូមទាក់ទងមក NEA តាមរយៈលេខ ០១០ ៧៤៦ ៦៥៥/ ០១២ ៩០៦ ៦៦៤ និងតេលេក្រាម ០៧៧ ២៣២ ៣៧៨ ឬ គេហទំព័រ www.nea.gov.kh និងទំព័រ Facebook (neakhmer)៕ អត្ថបទ៖ លីនី

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានចេញអនុក្រឹត្យតែងតាំង លោកស្រី ស្រ៊ុន ស្រីនាង វរមន្ដ្រីថ្នាក់លេខ១ ឲ្យកាន់តំណែងជាអភិបាលរងខេត្តកណ្ដាល។ នេះបើតាមអនុក្រឹត្យដែលបណ្ដាញព័ត៌មាន Fresh News ទទួលបាននៅថ្ងៃទី៣០ ខែសីហា ឆ្នាំ២០២៤។ ខាងក្រោមនេះ ជាអនុក្រឹត្យរបស់សម្ដេចធិបតី ហ៊ុន ម៉ាណែត៖ ផ្ដល់សិទ្ធិដោយ៖ Fresh News

(ភ្នំពេញ)៖ រាជរដ្ឋាភិបាលកំពុងរៀបចំផែនទីបង្ហាញផ្លូវផែនទីបង្ហាញផ្លូវបឋម ស្ដីពីការអភិវឌ្ឍស្ថានីយបញ្ចូលថាមពលយានយន្តអគ្គិសនីនៅកម្ពុជា ហើយជ្រុង១ក្នុងផែនទីបង្ហាញផ្លូវនេះ គឺផ្ដោតទៅលើការដាក់ពង្រាយស្ថានីយសាកអាគុយឱ្យបានច្រើន មានភ្លើងសាកគ្រប់គ្រាន់ ថ្លៃប្រើប្រាស់នឹងថោកជាងបច្ចុប្បន្ន ដើម្បីបង្កភាពងាយស្រួលដល់អ្នកប្រើប្រាស់រថយន្តអគ្គិសនី និងជំរុញការប្រើប្រាស់រថយន្តអគ្គិសនីឱ្យកាន់តែច្រើន។ ពាក់ព័ន្ធនឹងកិច្ចការខាងលើនេះ លោក កែវ រតនៈ រដ្ឋមន្ត្រីក្រសួងរ៉ែនិងថាមពល បានដឹកនាំកិច្ចប្រជុំពិភាក្សាលើសេចក្ដីព្រាងផែនទីបង្ហាញផ្លូវផែនទីបង្ហាញផ្លូវបឋម ស្ដីពីការអភិវឌ្ឍស្ថានីយបញ្ចូលថាមពលយានយន្តអគ្គិសនីនៅកម្ពុជា នាថ្ងៃទី២៩ ខែសីហា ឆ្នាំ២០២៤ នៅសណ្ឋាគារសូហ្វីតែលភ្នំពេញភូកេត្រា។ ថ្លែងប្រាប់អ្នកសារព័ត៌មាន លោករដ្ឋមន្ត្រី កែវ រតនៈ បានឱ្យដឹងថា បច្ចុប្បន្នកម្ពុជាមានភ្លើងអគ្គិសនីប្រើប្រាសនៅទូទាំងប្រទេសហើយ ដែលភ្លើងអគ្គិសនីទាំងនោះគឺផលិតចេញពីប្រភពថាមពលស្អាត ថាមពលបៃតង ថាមពលដែលកកើតឡើងវិញ ថាមពលពន្លឺព្រះអាទិត្យ និងប្រភពផ្សេងៗទៀតដែលមានលក្ខណៈគិតគូរដល់បរិស្ថាន។ ជំហានបន្តនេះ គឺរាជរដ្ឋាភិបាលចង់ឱ្យវិស័យអគ្គិសនីអាចផ្ដល់ជាប្រយោជន៍ដល់វិស័យផ្សេងៗទៀត មិនត្រឹមតែក្នុងវិស័យឧស្សាហកម្មទេ នៅមានវិស័យកសិកម្ម វិស័យដឹកជញ្ជូនជាដើម។ ការដឹកជញ្ជូនបច្ចុប្បន្ន គឺប្រើប្រាស់រថយន្តដែលប្រើប្រាស់ថាមពលប្រេងឥន្ទនៈ ហ្កាសជាដើម ដែលការប្រើប្រាស់ថាមពលទាំងនេះប៉ះពាល់ដល់បរិស្ថានច្រើនជាងការប្រើប្រាស់អគ្គិសនី។ លោករដ្ឋមន្ត្រីបន្តថា គោលបំណងដែលរាជរដ្ឋាភិបាលជំរុញឱ្យមានការប្រើប្រាស់រថយន្តអគ្គិសនីឱ្យបានច្រើន គឺដើម្បីជួយកាត់បន្ថយផលប៉ះពាល់ដល់បរិស្ថាន អាទិភាពចម្បង ហើយក៏កាត់បន្ថយការចំណាយរបស់អ្នកប្រើប្រាស់ផងដែរ ពីព្រោះការប្រើប្រាស់រថយន្តអគ្គិសនីចំណាយថោកជាងការប្រើប្រាស់រថយន្តដែលប្រើប្រេងឥន្ទនៈ។ លោកថ្លែងយ៉ាងដូច្នេះថា «ចង់ឱ្យការប្រើប្រាស់រថយន្តអគ្គិសនីមានការប្រើប្រាស់ឱ្យបានច្រើនទូលាយ មានតម្លៃថោកជាងបច្ចុប្បន្ន និងងាយស្រួលជាងបច្ចុប្បន្ន»។ លោករដ្ឋមន្ត្រី កែវ រតនៈ បានបន្តទៀតថា ក្នុងក្របខណ្ឌផែនទីបង្ហាញផ្លូវបឋមស្ដីពីការអភិវឌ្ឍស្ថានីយបញ្ចូលថាមពលយានយន្តអគ្គិសនីនៅកម្ពុជា ដែលត្រូវបានរៀបចំឡើងនៅថ្ងៃនេះ គឺយកតែ១ជ្រុងនៃផែនទីបង្ហាញផ្លូវនេះសិនប៉ុណ្ណោះ […]

(ភ្នំពេញ)៖ សហគ្រាសគ្រប់គ្រងសំរាម សំណល់រឹងទីប្រជុំជនរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់នៅភ្នំពេញថា សហគ្រាស បានទទួលសំណួរ និងមតិយោបល់ជាច្រើនពាក់ព័ន្ធតម្លៃសេវាប្រមូលសំរាម នៅរាជធានីភ្នំពេញថា មានការតម្លើងថ្លៃមួយគុណនឹងពីរ។ សហគ្រាស សូមបញ្ជាក់ថា ចំពោះថ្លៃសេវាប្រមូលសំរាម សំណល់រឹង សម្រាប់ខែសីហា ឆ្នាំ២០២៤ ពុំមានការដំឡើងថ្លៃមួយគុណនឹងពីរ ដូចដែលបងប្អូនមួយចំនួនបានភាន់ច្រឡំនោះទេ ជាការពិតនោះ តម្លៃ គឺនៅរក្សាដដែលទៅតាមតារាងតម្លៃ ដែលបានផ្សព្វផ្សាយជូនរួចហើយ។ ថ្លៃសេវាសំរាម ដែលបងប្អូនបានឃើញនៅក្នុងប្រព័ន្ធទូទាត់អេឡិចត្រូនិក (តាមទូរស័ព្ទដៃ) គឺជា៖ *ថ្លៃសេវាសំរាម ខែកក្កដា ឆ្នាំ២០២៤ ដែលមិនទាន់បានបង់*ថ្លៃសេវាសំរាម ខែសីហា ឆ្នាំ២០២៤ ដែលត្រូវបង់ចន្លោះពីថ្ងៃទី០១ ដល់ថ្ងៃទី១៥ ៥ នៃខែបន្ទាប់ ឧទាហរណ៍៖ ផ្ទះលេខ ៥៩០ ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ ជាប្រភេទផ្ទះល្វែងជាន់ ផ្ទាល់ដី (មិនប្រកបអាជីវកម្ម) ដែលមានតម្លៃសេវាសំរាម១ខែ ២.៥ដុល្លារ។ តម្លៃសេវាក្នុងប្រព័ន្ធនឹងបង្ហាញសរុប៥ដុល្លារ (៥ដុល្លារនេះ គឺជាតម្លៃប្រចាំខែកក្កដា ដែលមិនទាន់បានបង់២.៥ ដុល្លារ បូកនឹងខែសីហា ២.៥ដុល្លារ)។ បើបងប្អូនបង់ថ្លៃប្រមូលសំរាមចន្លោះពីថ្ងៃទី០១ ដល់ថ្ងៃទី១៥ នៃខែបន្ទាប់ […]

(ភ្នំពេញ)៖ អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ នៅព្រឹកថ្ងៃទី៣០ សីហា ឆ្នាំ២០២៤នេះ បានអញ្ជើញដឹកនាំប្រតិភូក្រសួងមហាផ្ទៃ គោរពវិញ្ញាណក្ខន្ធសពលោកអនុសេនីយ៍ត្រី សៅ រក្សា មន្ត្រីប៉ុស្តិ៍នគរបាលរដ្ឋបាលបឹងកេងកងទី២ អធិការដ្ឋាននគរបាលខណ្ឌបឹងកេងកង នៃស្នងការដ្ឋាននគរបាលរាជធានីភ្នំពេញ ដែលបានទទួលមរណភាពកាលពីថ្ងៃទី២៩ ខែសីហា ឆ្នាំ២០២៤ ក្នុងពេលប្រតិបត្តិការបង្ក្រាបបទល្មើសហិង្សា និងគ្រឿងញៀន។ ឧបនាយករដ្ឋមន្ដ្រី ស សុខា បានចាត់ទុកមរណភាព លោកអនុសេនីយ៍ត្រី សៅ រក្សា គឺជាការបាត់បង់នូវកូនជាទីស្រលាញ់ ប្រកបដោយព្រហ្មវិហារធម៌ ជាសសរទ្រូងនៃគ្រួសារ ក៏ដូចជាការបាត់បង់នូវមន្ត្រីនគរបាលជាតិ ដ៏សកម្មចំពោះការងារ ដែលជានិច្ចកាលបានលះបង់កម្លាំងកាយចិត្ត ពេលវេលា និងសេចក្តីសុខផ្ទាល់ខ្លួន រហូតអវសាននៃជីវិតដើម្បី ចូលរួមបុព្វហេតុថែរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ យើងខ្ញុំសូមសម្ដែងនូវសមានចិត្តក្រៀមក្រំ ចូលរួមរំលែកមរណទុក្ខដោយក្ដីសោកស្តាយ និងសូមបួងសួងឧទ្ទិសដល់គុណបុណ្យ ព្រះរតនត្រ័យជួយដល់ដួងវិញ្ញាណក្ខន្ធរបស់ លោកអនុសេនីយ៍ត្រី សៅ រក្សា សូមឆាប់បានយោនយកកំណើត ចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ៕ ផ្ដល់សិទ្ធិដោយ៖ Fresh News