(ភ្នំពេញ)៖ អគ្គិសនីកម្ពុជា (EDC) បានចេញសេចក្តីជូនដំណឹង ស្តីពីការអនុវត្តការងារជួសជុល ផ្លាស់ប្តូរដំឡើងបរិក្ខារនានា និងរុះរើគន្លងខ្សែបណ្តាញ អគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ នៅថ្ងៃទី២៤ ខែឧសភា ឆ្នាំ២០២៤ ដល់ថ្ងៃទី២៦ ខែឧសភា ឆ្នាំ២០២៤ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។ អគ្គិសនីកម្ពុជាបានបញ្ជាក់ថា «ទោះជាមានការខិតខំថែរក្សា មិនឲ្យមានការប៉ះពាល់ ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់ខាងលើ អាចនឹងមានការរអាក់រអួលខ្លះៗ ជៀសមិនផុតដែលយើងខ្ញុំ ស្នើសុំអភ័យទោសទុកជាមុន» ៕ ផ្តល់សិទ្ធិដោយ៖ Fresh News សូមអានសេចក្តីជូនដំណឹង របស់អគ្គិសនីកម្ពុជា ដូចខាងក្រោម ៖

(ភ្នំពេញ)៖ រដ្ឋាភិបាលកម្ពុជា ឥណ្ឌា និងអង្គការសម្ព័ន្ធមិត្តសត្វព្រៃ បានប្រកាសពីយុទ្ធសាស្ត្រស្តារសត្វខ្លាធំឡើងវិញនៅកម្ពុជា។ ខណៈការប្រគល់សត្វខ្លាធំជំហានទី១ ចំនួន៤ក្បាល អាចនឹងធ្វើឡើង អំឡុងពេលខែវិច្ឆិកា ឬខែធ្នូ ឆ្នាំ២០២៤ខាងមុខ។ យ៉ាងណាមិញ សត្វខ្លាធំត្រូវបានគេប្រទះឃើញជាលើកចុងក្រោយបង្អស់តាមរយៈកាម៉េរាថតសត្វក្នុងឆ្នាំ២០០៧។ ត្រឹមឆ្នាំ២០១៦ សត្វខ្លាធំទាំងនោះត្រូវបានគេប្រកាសពីការដាច់ពូជជាផ្លូវការដោយរដ្ឋាភិបាលកម្ពុជា។ ការផុតពូជនៃប្រភេទសត្វនេះបណ្តាលមកពីការបរបាញ់ខុសច្បាប់សម្រាប់លក់ទៅទីផ្សារងងឹតអន្តរជាតិ ធ្វើជាថ្នាំ ឬឱសថព្យាបាលជំងឺ។ រាជរដ្ឋាភិបាលកម្ពុជាមានបំណងនាំ និងស្តារសត្វខ្លាធំនេះឡើងវិញនៅកម្ពុជា ហេតុនេះហើយនៅឆ្នាំ២០២២ រដ្ឋាភិបាលកម្ពុជាបានចុះហត្ថលេខាលើអនុស្សារណៈយោគយល់ជាមួយរដ្ឋាភិបាលឥណ្ឌា ដែលជាប្រទេសមានចំនួនសត្វខ្លាធំជាសកលប្រមាណ ៧០%។ ការចុះហត្ថលេខារវាងប្រទេសចំនួនពីរដែលមានតំណាងពីក្រសួងបរិស្ថាននៃប្រទេសកម្ពុជា អាជ្ញាធរជាតិឥណ្ឌាអភិរក្សបច្ចេកទេស វិទ្យាស្ថានសត្វព្រៃនៃប្រទេសឥណ្ឌា រួមនឹងអង្គការសម្ព័ន្ធមិត្តសត្វព្រៃ គឺ កំពុងតែធ្វើការរួមគ្នា ក្នុងការអនុវត្តគម្រោងការស្តារសត្វខ្លាធំឡើងវិញមួយនេះ។ សត្វខ្លាធំដែលបានចាប់រក្សាទុកនៅប្រទេសឥណ្ឌានឹងត្រូវបញ្ជូនមកប្រទេសកម្ពុជាដោយកងកម្លាំងអាកាសឥណ្ឌា និងបន្តដឹកបញ្ជូនទៅកាន់ស្ថានីយ៍ស្តារសត្វខ្លាធំឡើងវិញនៅឯខេត្តកោះកុង ដែលជាជម្រកថ្មីក្នុងព្រៃនៃតំបន់ជួរភ្នំក្រវាញ ដែលជាតំបន់ទទួលបានការថែទាំការពារយ៉ាងជោគជ័យអស់រយៈពេលពីរទសវត្សរ៍មកហើយក្រោមកិច្ចខិតខំប្រឹងប្រែងពីសំណាក់អង្គការសម្ព័ន្ធមិត្តសត្វព្រៃ និងក្រសួងបរិស្ថាន។ នៅក្នុងសន្និសីទព័ត៌មានស្តីពីការគ្រប់គ្រងសត្វព្រៃ និងយុទ្ធសាស្ត្រស្ដារសត្វខ្លាធំនៅកម្ពុជា នៅរសៀលថ្ងៃទី២៣ ខែឧសភា ឆ្នាំ២០២៤, កញ្ញាបណ្ឌិត ស៊ូវណ្ណា ហ្គោនឡេត ស្ថាបនិក និងជានាយិកាប្រតិបត្តិអង្គការសម្ព័ន្ធមិត្តសត្វព្រៃ ហៅកាត់ WA (Wildlife Alliance) បានថ្លែងថា៖ «សត្វខ្លាធំដើរតួនាទីយ៉ាងសំខាន់ក្នុងការថែរក្សាប្រព័ន្ធអេកូឡូស៊ីដ៏មានសុខភាពល្អមួយ។ សត្វខ្លាធំពេញវ័យជំទង់ ៤ក្បាល ក្នុងនោះ […]

(ភ្នំពេញ)៖ ក្រុមប្រឹក្សានាយកប្រតិបត្តិរបស់ធនាគារពិភពលោក បាន​អនុម័តឥណទានតម្លៃ ៤០លានដុល្លារអាមេរិក សម្រាប់​គម្រោង​មួយ ​ដែល​នឹង​ផ្តល់​អត្ថ​ប្រយោជន៍​ដល់​ពលរដ្ឋ​កម្ពុជា ប្រមាណ៣៣ ០០០នាក់ តាមរយៈ​ការកែលម្អ​ការ​បណ្តុះបណ្តាលជំនាញ​ និងសេវាកម្មទីផ្សារការងារ​។ នេះបើតាមសេចក្ដីប្រកាសព័ត៌មាន ដែលបណ្ដាញព័ត៌មាន Fresh News ទទួលបាននៅថ្ងៃទី២៤ ខែឧសភា ឆ្នាំ២០២៤។ ​ឥណទានពីសមាគមអភិវឌ្ឍន៍អន្តរជាតិរបស់ធនាគារពិភពលោក(IDA)នេះ សំដៅ​លើកកម្ពស់គុណភាព និងជំនាញ​ពាក់​ព័ន្ធ​ការងារ​នៅ​ក្នុងចំណោមកម្លាំងពលកម្មរបស់ប្រទេស និងជួយ​បង្កើនលក្ខណៈសម្បត្តិ​ទទួល​បាន​ការងារ និងរកប្រាក់ចំណូលបាន​របស់កម្មករ។ ឥណទាន​នេះ ​​នឹងជួយ​ទ្រទ្រង់​ដល់គម្រោង «ជំនាញសម្រាប់ទទួល​បាន​ការងារកាន់តែប្រសើរ»​ (Skills for Better Jobs) ដែលធ្វើ​ការ​ពង្រឹងការអប់រំ និងបណ្តុះបណ្តាលបច្ចេកទេស និងវិជ្ជាជីវៈ, កែលម្អការណែនាំអំពីអាជីព និងការជួយរកការងារធ្វើ, និងធ្វើ​ការ​​ពាក់​ព័ន្ធ​ជាមួយនិយោជក ឲ្យ​បាន​កាន់តែប្រសើរនៅក្នុង​ការ​រៀបចំបង្កើតកម្មវិធីបណ្តុះបណ្តាល។ សេដ្ឋកិច្ច និងការងាររបស់កម្ពុជាមាន​ការ​រីកចម្រើនយ៉ាងឆាប់រហ័សក្នុងប៉ុន្មានទសវត្សរ៍ចុងក្រោយ​នេះ ដោយសារស្ថិរភាពម៉ាក្រូសេដ្ឋកិច្ច ការបើកចំហពាណិជ្ជកម្ម និងភាពអនុគ្រោះសម្រាប់​ចូល​ទីផ្សារលោកខាងលិច ដែល​បានជួយប្រទេសនេះក្នុង​ការ​ទាក់ទាញការវិនិយោគផ្ទាល់​ពីក្រៅ។ ទោះជាយ៉ាងណាក៏ដោយ គុណភាពនៃការងារនៅ​តែមានកម្រិតទាប ក្នុង​នោះ ៩៨%​នៃការងារនៅក្នុងប្រទេសសុទ្ធ​តែ​ជា​ការងារ​មានជំនាញទាប ហើយក្នុងនោះ​ទៀត ​មួយ​ផ្នែក​ធំគឺជា​ការ​ងារ​ក្រៅ​ប្រព័ន្ធផ្លូវការ។ មាន​រយៈពេលប្រាំឆ្នាំ គម្រោង «ជំនាញសម្រាប់ទទួល​បាន​ការងារកាន់តែប្រសើរ»​ នេះ​ត្រូវ​បាន​រៀបចំឡើងដើម្បីជួយកម្ពុជា ធ្វើពិពិធកម្មសេដ្ឋកិច្ច​របស់​ខ្លួន​នៅ​តាម​វិស័យ​នានា ដែលទាមទារឲ្យមានជំនាញកម្រិត​មធ្យមថែម​ទៀត។ គម្រោង​នេះ […]

(ភ្នំពេញ)៖ លោក រ៉ុង សម្ជស្ស ជាអតីតនិស្សិតនៅដែលបានបញ្ចប់ការសិក្សា នៅវិទ្យាស្ថានពហុបច្ចេកទេសព្រះកុសមៈ (PPI) លើជំនាញវិស្វកម្មអគ្គិសនី មានដើមកំណើតមកពីខេត្តតាកែវ បានលើកទឹកចិត្តដល់យុវជនទាំងអស់ ឱ្យចាប់យកការសិក្សាជំនាញមួយច្បាស់លាស់ ដើម្បីឆ្លើយតបនឹងតម្រូវការទីផ្សារនៅក្នុងប្រទេសកម្ពុជា និងដើម្បីផ្គត់ផ្គង់ជីវភាពប្រចាំថ្ងៃផងដែរ។ បច្ចុប្បន្ន លោកជាប្រធានផ្នែករៀបចំសៀគ្វីអគ្គិសនី នៅក្រុមហ៊ុន អេ ធី អេស ខេមបូឌៀ ATS Cambodia Co,.Ltd) ដែលនេះជាជោគជ័យមួយរបស់លោក។ សូមស្ដាប់ការលើកឡើងរបស់ លោក រ៉ុង សម្ជស្ស៖

(ភ្នំពេញ)៖ យោងតាមមាត្រា ៤៤ថ្មី នៃច្បាប់ស្តីពីវិសោធនកម្មច្បាប់ស្តីពី ការបោះឆ្នោតជ្រើសរើស ក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ សកម្មភាពឃោសនាបោះឆ្នោតត្រូវបញ្ចប់២៤ម៉ោង មុនថ្ងៃបោះឆ្នោត។ គណៈកម្មាធិការជាតិរៀបចំការបោះឆ្នោត (គ.ជ.ប) សូមអំពាវនាវដល់គណបក្សនយោបាយ បេក្ខជនភ្នាក់ងារគណបក្សនយោបាយ សមាជិក និងអ្នកគាំទ្រគណបក្សនយោបាយ រួមនឹងប្រព័ន្ធផ្សព្វផ្សយព័ត៌មានគ្រប់ប្រភេទ ត្រូវរក្សាភាពស្ងប់ស្ងាត់ ចាប់ពីម៉ោង ១០:០០យប់ថ្ងៃទី២៤ ខែឧសភា រហូតដល់ម៉ោង ១២:០០យប់ ថ្ងៃទី២៦ ខែឧសភា ឆ្នាំ២០២៤។ គណបក្សនយោបាយ បេក្ខជន សមាជិក និងអ្នកគាំទ្រគណបក្សនយោបាយ រួមនឹងអ្នកគ្រប់គ្រងបណ្តាញផ្សព្វផ្សាយព័ត៌មានគ្រប់ប្រភេទ ត្រូវចូលរួមគោរពច្បាប់ បទបញ្ជា និងនីតិវិធីសម្រាប់ការបោះឆ្នោតជ្រើសរើស ក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ សេចក្តីណែនាំ រួមនឹងក្រមសីលធម៌ សម្រាប់ការបោះឆ្នោត។ អាជ្ញាធរគ្រប់លំដាប់ថ្នាក់ ដែលទទួលខុសត្រូវការងារសន្តិសុខ សណ្តាប់ធ្នាប់សាធារណៈ និងវិស័យការងារឯទៀត ត្រូវផ្តល់កិច្ចសហការដល់ គ.ជ.ប និងគណៈកម្មការរៀបចំការបោះឆ្នោតគ្រប់លំដាប់ថ្នាក់ ដើម្បីរក្សាសុវត្ថិភាព សន្តិសុខ សណ្តាប់ធ្នាប់សាធារណៈ និងរបៀបរៀបរយ […]

(ភ្នំពេញ)៖ លោកសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានរំលឹកណែនាំដល់ថ្នាក់ដឹកនាំ មន្រ្តីរាជការ និងបុគ្គលិកសុខាភិបាលទាំងអស់ ជាពិសេសថ្នាក់ដឹកនាំមន្ទីរពេទ្យគ្រប់បណ្តាថ្នាក់រាជធានី ខេត្ត ត្រូវប្រកាន់ខ្ជាប់នូវស្មារតីទទួលខុសត្រូវខ្ពស់ ជាពិសេសខិតខំផ្តោតសំខាន់លើការថែទាំ គ្រប់ការផ្តល់សេវាសុខភាពជូនដល់អ្នកជំងឺ និងប្រជាពលរដ្ឋ មកទទួលសេវាពិនិត្យទូទៅ។ ការថ្លែងបែបនេះរបស់លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ក្នុងឳកាសបានអញ្ជើញដឹកនាំកិច្ចប្រជុំប្រចាំខែឧសភា ដើម្បីពិនិត្យវឌ្ឍនភាពការងារ និងលើកទិសដៅការងារបន្ត នៅរសៀលថ្ងៃទី២៣ ខែឧសភា ឆ្នាំ២០២៤ នាទីស្តីការក្រសួង។ ទន្ទឹមនេះដែរ លោកសាស្រ្តាចារ្យរដ្ឋមន្រ្តី ស្នើដល់ថ្នាក់ដឹកនាំទទួលបន្ទុក ត្រូវរៀបចំផែនការ និងពិនិត្យសមិទ្ធផលការងារដែលបានធ្វើកន្លងមក ដើម្បីពិភាក្សា និងដោះស្រាយនូវបញ្ហាប្រឈម និងចំណុចខ្វះខាតនានា។ លោកសាស្រ្តាចារ្យរដ្ឋមន្រ្តី ក៏បានផ្តល់អនុសាសន៍ណែនាំមួយចំនួន និងបានវាយតម្លៃខ្ពស់ចំពោះការតម្រង់ទិសក្នុងការអនុវត្តការងារឱ្យបានត្រឹមត្រូវ ដោយដើរឆ្ពោះទៅមុខជានិច្ច ដើម្បីចូលរួមអនុវត្តពង្រឹងមូលដ្ឋានសុខាភិបាល ដែលជាយុទ្ធសាស្រ្តអាទិភាពមួយ ក្នុងចំណោមអាទិភាព ៣ ដែលបានដាក់ចេញដោយក្រសួងសុខាភិបាល ក្នុងការគាំទ្រកំណែទម្រង់ អនុវត្តយុទ្ធសាស្រ្តបញ្ចកោណ របស់រាជរដ្ឋាភិបាលសម្រាប់នីតិកាលទី៧ នៃរដ្ឋសភា៕ ផ្តល់សិទ្ធិដោយ៖ Fresh News

​(ភ្នំពេញ)៖ តម្លៃម្រេចដែលកាលពីឆ្នាំមុនបានធ្លាក់ចុះដល់រង្វង់ ១៣០០០រៀលក្នុងមួយគីឡូក្រាម នៅឆ្នាំនេះ​ហក់កើនឡើងដល់ប្រមាណ ២ម៉ឺនរៀលក្នុងមួយគីឡូក្រាម ​ដែលជាតម្លៃខ្ពស់មួយគួរឱ្យកត់សម្គាល់។ នេះបើតាមការឱ្យដឹងពីប្រធានសហព័ន្ធម្រេច និងគ្រឿងទេសកម្ពុជា ​និងកសិករដាំម្រេច។​ លោក ម៉ាក នី ប្រធានសហព័ន្ធម្រេច និងគ្រឿងទេសកម្ពុជា បានប្រាប់បណ្តាញព័ត៌មាន Fresh News នៅថ្ងៃទី២៣ ខែឧសភា ឆ្នាំ២០២៤នេះថា ​បើធៀបក្នុងខែឧសភាដូចគ្នាកាលពីឆ្នាំ២០២៣ ម្រេចលក់បាន​ក្នុងរង្វង់ ១៣០០រៀលក្នុងមួយគីឡូក្រាម ​ចំណែកនៅឆ្នាំ២០២៤ តម្លៃម្រេចបានហក់ឡើងដល់ ១៩ ០០០រៀលដល់ ២០ ០០០រៀល ក្នុងមួយគីឡូក្រាម។ លោកថា ការកើនឡើងនេះ ស្របពេលដែលទិន្នផលម្រេចនៅឆ្នាំបានធ្លាក់ចុះយ៉ាងខ្លាំង ពី៥០% ទៅ៦០% ខណៈកម្ពុជាទទួលបានទីផ្សារថ្មីមួយបន្ថែមទៀត គឺផ្សារចិន ដោយក្រុមហ៊ុន និងកសិកដ្ឋានមួយចំនួន កំពុងសម្រួចចាប់យកទីផ្សារថ្មីនេះផងដែរ។ ​ លោកបានឱ្យដឹងថា បន្ទាប់ពីក្រុមហ៊ុន Sela Pepper នាំចេញម្រេចខ្មៅចំនួន ៣០តោន ​​ទៅកាន់ប្រទេសចិន ជាលើកដំបូងកាលពីខែមេសា បច្ចុប្បន្ននេះមានក្រុមហ៊ុន និងកសិដ្ឋានដាំម្រេចមួយចំនួ​ន មានគម្រោងនាំចេញបន្ថែមទៀត។ លោកបានលើកឡើងថា ចិនជាទីផ្សារធំ ដែលលោករំពឹងថាម្រេចធម្មតាកម្ពុជានឹងអាចនាំចេញទៅចិនបានច្រើន […]

(ភ្នំពេញ)៖ មួយករណីទៀតហើយ! សូមបើកបរដោយបង្កើនការប្រុងប្រយ័ត្ននៅពេលឃើញមានផ្លូវដែកឆ្លងកាត់ ខណៈនៅព្រឹកថ្ងៃទី២៣ ខែឧសភា ឆ្នាំ២០២៤ មានករណីរថភ្លើង បានបុករថយន្តម៉ាកតូយ៉ូតាកាមរីឆ្លាម១គ្រឿង នៅត្រង់ចំណុចផ្លូវដែកឆ្លងកាត់ខ្សែភ្នំពេញ-បាត់ដំបង ក្នុងភូមិសាក់ប្រយុទ្ធ សង្កាត់ស្នោរ ខណ្ឌកំបូល រាជធានីភ្នំពេញ តែសំណាងពុំបណ្ដាលឲ្យអ្នកបើកបររថយន្តរងរបួសនោះទេ។ រថយន្តរងគ្រោះម៉ាកតូយ៉ូតាកាមរីឆ្លាមពណ៌ស្ករ ពាក់ស្លាកលេខបាត់ដំបង 2A-2329 បើកបរដោយបុរសម្នាក់ឈ្មោះ ឆោ ហុកស៊ីន អាយុ៤១ឆ្នាំ មុខរបរចិញ្ចឹមទា មានទីលំនៅភូមិស្វាយរលំ សង្កាត់ស្វាយរលំ ក្រុងតាខ្មៅ ខេត្តកណ្ដាល។ បុរសនេះបាននិយាយថា នៅមុនពេលកើតហេតុ គាត់បានបើកបររថយន្តធ្វើដំណើរក្នុងទិសដៅពីកើតទៅលិច ពេលទៅជិតដល់ផ្លូវដែកគាត់មិនបានឃើញរថភ្លើងនោះទេ ហើយរថភ្លើងក៏អត់មានស៊ីផ្លេរផងដែរ ទើបគាត់ពុំបានឈប់ ហើយគ្រាន់តែបើកឡើងឆ្លងផ្លូវដែកភ្លាម ក៏ស្រាប់តែរថភ្លើងបុករថយន្តគាត់ពេញទំហឹងបង្កឲ្យខូចខាតខ្ទេចតែម្ដង។ ម្ចាស់រថយន្តរូបនេះ បាននិយាយទៀតថា ក្រោយពេលកើតហេតុរថភ្លើង បានឈប់ហើយអ្នកបើកបររថភ្លើងនេះបានទៅនិយាយថា «ខ្លួនអត់បានចុចស៊ីផ្លេរ និងបានស្ដីបន្ទោសរូបគាត់ទៀតថា បើបងឯងបើកលឿនជាងនេះបន្តិច ទៅផុតបាត់ហើយ»។ បន្ទាប់មក ក៏បើករថភ្លើងបន្តដំណើរទៅបាត់ ប៉ុន្តែបានទុកតំណាងម្នាក់ឲ្យនៅកន្លែងកើតហេតុ។ ប្រជាពលរដ្ឋបាននិយាយថា នៅត្រង់ចំណុចផ្លូវដែកឆ្លងកាត់នេះមានតែស្លាកសញ្ញា «ឈប់ ឬ STOP» តែប៉ុណ្ណោះ ពុំមានដាក់បារ៉ាស់សម្រាប់ទម្លាក់បិទផ្លូវការពារចរាចរណ៍ ឬមានអ្នកប្រចាំការធ្វើចរាចរណ៍នៅពេល ដែលមានរថភ្លើង ឆ្លងកាត់នោះទេ។ […]

(សៀមរាប)៖ កាលពីថ្ងៃសុក្រទី១៧ ខែឧសភា ឆ្នាំ២០២៤ កន្លងទៅនេះ ក្រុមហ៊ុន AIQAR មានមោទនភាពក្នុងការធ្វើឱ្យរថយន្តអគ្គិសនីអាចប្រើប្រាស់បានកាន់តែច្រើននៅក្នុងទីផ្សារកម្ពុជា តាមរយៈការពង្រីកសាខាចែកចាយតាមខេត្តជាលើកដំបូងដែលមិនធ្លាប់មាននៅក្នុងទឹកដីដ៏អស្ចារ្យនៃខេត្តសៀមរាប។ ក្នុងពិធីបើកសម្ភោធនេះមានការចូលរួមពី ឯកឧត្ដម ង៉ូវ បូរីណា រដ្ឋលេខាធិការក្រសួងបរិស្ថាន ដែលបានលើកឡើងពីសារៈសំខាន់នៃការប្រើប្រាស់រថយន្តអគ្គិសនី ដើម្បីបរិស្ថានរបស់កម្ពុជាកាន់តែល្អប្រសើរ។ បន្ថែមពីលើការសម្ពោធការិយាល័យតាំងបង្ហាញ AIQAR សាខាខេត្តសៀមរាប ក៏បានបើកដំណើរការស្ថានីយសាកថ្មល្បឿនលឿនទីពីរ ដោយសហការជាមួយក្រុមហ៊ុន EV Energy Tech បន្ទាប់ពីការបើកដំណើរការដំបូងកាលពីពីរខែមុននៅការិយាល័យតាំងបង្ហាញរបស់ AIQAR ភ្នំពេញ។ ក្រុមហ៊ុន EV Energy Tech គឺជាក្រុមហ៊ុនផ្គត់ផ្គង់ឆ្នាំងសាករថយន្តអគ្គិសនីពីទីក្រុងហុងកុង ដែលបានចូលទីផ្សារកម្ពុជាកាលពីពេលថ្មីៗនេះ ដោយបង្ហាញពីវឌ្ឍនភាពយ៉ាងឆាប់រហ័ស ដោយដាក់ឱ្យដំណើរការបណ្តាញសាកថ្ម ៨ស្ថានីយ៍ ដោយស្វ័យប្រវត្តិនៅឆ្នាំនេះ។ ប្រទេសនានាជុំវិញពិភពលោកកំពុងស្វែងយល់យ៉ាងសកម្មនូវអត្ថប្រយោជន៍នៃរថយន្តអគ្គិសនី ហើយនៅឆ្នាំ២០២៤ ប្រទេសកម្ពុជាកំពុងតែសម្របខ្លួនជាមួយនិន្នាការបៃតងរបស់ពិភពលោកនេះផងដែរ។ រដ្ឋាភិបាលកំពុងអភិវឌ្ឍយ៉ាងសកម្មនូវស្តង់ដារ និងលើកទឹកចិត្តអ្នកវិនិយោគឱ្យបង្កើតរោងចក្រផលិត និងនាំចូលរថយន្តអគ្គិសនីមកកាន់ទីផ្សារ ប្រទេសកម្ពុជា។ ម៉ាករថយន្តអគ្គិសនីថ្មីរបស់ ប្រទេសចិនបានចូលមកប្រទេសកម្ពុជា គឺម៉ាករថយន្ត AIQAR ដែលឈានមុខសម្រាប់យុទ្ធសាស្ត្រដ៏ទូលំទូលាយរបស់ខ្លួនក្នុងការលើកកម្ពស់ ការបើកបរប្រកបដោយនិរន្តរភាព ស្របតាមគោលនយោបាយរបស់រដ្ឋាភិបាល ក្នុងការកាត់បន្ថយឧស្ម័នពុលក្នុងបរិយាកាស និងបង្កើនលទ្ធភាពប្រើប្រាស់យានជំនិះទំនើបៗដែលមិនប៉ះពាល់ដល់បរិស្ថាននៅគ្រប់ផ្នែកទាំងអស់នៃប្រជាជនកម្ពុជា។ AIQAR ផ្ដល់ជូនលើសពីសេវាកម្មលក់រថយន្ត […]

(ភ្នំពេញ)៖ អ្នកជំនាញក្នុងវិស័យអចលនទ្រព្យ ឧកញ៉ាបណ្ឌិត គីម ហ៊ាង បានគាំទ្រសាររបស់លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា ដែលបានក្រើនរំឮកជាថ្មីដល់គ្រឹះស្ថានធនាគារ និងហិរញ្ញវត្ថុនៅកម្ពុជា ត្រូវបន្ដបង្កើនការប្រុងប្រយ័ត្នខ្ពស់ ក្នុងការផ្តល់ឥណទានដល់វិស័យអចលនទ្រព្យ ដែលកំពុងស្ថិតក្នុងស្ថានភាពមិនទាន់ល្អប្រសើរនៅឡើយ។ លោកថា សារនេះនឹងជះឥទ្ធិពលជាវិជ្ជមានដល់អភិវឌ្ឍន៍លំនៅឋាន ក៏ដូចជាអ្នករកស៊ីពិតប្រាកដ និងច្បាស់លាស់ក្នុងវិស័យនេះ ។ ការគាំទ្រចំពោះសារក្រើនរំឮកខាងលើ ស្របពេលម្ចាស់គម្រោងបុរីវិមានសំណាងរូបនេះ បានចុះអនុស្សារណៈយោគយល់គ្នា (MOU) ជាមួយធនាគារ ស៊ិនហាន (ខេមបូឌា) ដែលជាគ្រឹះស្ថានហិរញវត្ថុដ៏ធំមានប្រភពពីសាធារណរដ្ឋកូរ៉េ នៅថ្ងៃទី២៣ ខែឧសភា ឆ្នាំ២០២៤ ដើម្បីគាំទ្រ និងសម្រួលដល់ការផ្ដល់កម្ចីនានាដល់អតិថិជនរបស់ខ្លួន ។ បណ្ឌិត គីម ហ៊ាង បានគូសបញ្ជាក់ថា សារក្រើនរំឮករបស់លោកស្រីបណ្ឌិត ជា សិរី គឺពិតជាត្រឹមត្រូវ នៅក្នុងស្ថានភាពបច្ចុប្បន្ន ដែលគ្រឹះស្ថានធនាគារ និងហិរញ្ញវត្ថុ ត្រូវរឹតបន្តឹងក្នុងការផ្ដល់ឥណទានដល់ម្ចាស់គម្រោង និងអ្នកទិញពិសេស ក្នុងវិស័យអចលនទ្រព្យ ។ បើមើលមួយជ្រុង គិតថាសារនេះ អាចប៉ះពាល់ដល់គម្រោងខ្លួន តែជាក់ស្ដែងមិនដូច្នោះទេ សារនេះបានជួយដល់គម្រោងអភិវឌ្ឍន៍លំនៅឋាន ដែលមានលក្ខណៈសម្បត្តិគ្រប់គ្រាន់ ដូចជាគម្រោងបុរីរបស់លោក […]