(កូប៉ិនហាក)៖ ព្រះមហាក្សត្រិយ៍នៃប្រទេសដាណឺម៉ាក Margrethe ទី២ ដែលជាស្ដេចសោយរាជ្យយូរជាងគេបំផុតនៅក្នុងតំបន់អឺរ៉ុប បានប្រកាសថាព្រះអង្គនឹង ដាក់រាជ្យ នៅថ្ងៃទី១៤ ខែមករា ឆ្នាំ២០២៤ ក្រោយសោយរាជ្យអស់ ៥២ឆ្នាំ​ ហើយព្រះបុត្រាចម្បងរបស់ទ្រង់ គឺព្រះអង្គម្ចាស់រជ្ជទាយាទ Frederik នឹងត្រូវឡើង គ្រងរាជ្យបន្ត។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី១ ខែមករា ឆ្នាំ២០២៤។ ព្រះមហាក្សត្រិយ៍ Margrethe ទី២ ដែលសព្វថ្ងៃមានព្រះជន្ម ៨៣ព្រះវស្សាបានប្រកាសពីព្រះរាជបំណងដាក់រាជ្យដ៏ភ្ញាក់ផ្អើលមួយ ផ្សាយផ្ទាល់តាមកញ្ចក់ទូរទស្សន៍ កាលពីថ្ងៃអាទិត្យចុងសប្ដាហ៍កន្លងទៅនេះ អំឡុងព្រះរាជ្យសុន្ទរកថាអបអរថ្ងៃចូលឆ្នាំថ្មី។ ព្រះមហាក្សត្រិយ៍ Margrethe ទី២ បានមានបន្ទូលដូច្នេះថា «ខ្ញុំបានសម្រេចថាពេលនេះគឺជាពេលវេលាដ៏ល្អ។ នៅថ្ងៃទី១៤ ខែមករា ឆ្នាំ២០២៤ ពោលគឺ៥២ឆ្នាំ បន្ទាប់ពីខ្ញុំបានឡើងគ្រងរាជ្យបន្តពីព្រះបិតាជាទីស្រឡាញ់ ខ្ញុំនឹងដាក់រាជ្យ ហើយខ្ញុំនឹងប្រគល់រាជបល្ល័ង្កឱ្យបុត្រាច្បងរបស់ខ្ញុំគឺ ព្រះម្ចាស់រជ្ជទាយាទ Frederik»។ គួរបញ្ជាក់ថា ព្រះមហាក្សត្រិយ៍នៃប្រទេសដាណឺម៉ាក Margrethe ទី២ បានក្លាយជាស្ដេចសោយរាជ្យយូរជាងគេបំផុតនៅក្នុងតំបន់អឺរ៉ុប បន្ទាប់ពីព្រះមហាក្សត្រិយ៍ អង់គ្លេស Elizabeth ទី២ សោយទិវង្គតកាលពីខែកញ្ញា […]

(បរទេស)៖ ក្រុមហ៊ុន Samsung ត្រៀមប្រកាសបង្ហាញកំពូលស្មាតហ្វូន Galaxy S24 របស់ខ្លួនជាផ្លូវការនៅក្នុងព្រឹត្តិការណ៍ Galaxy Unpacked នៅថ្ងៃទី១៧ ខែមករា ឆ្នាំ២០២៤ ខាងមុខនេះ ជាមួយនឹងបច្ចេកវិទ្យា AI ជាពិសេស។ ដោយឡែកពេលវេលាប្រកាសចេញកាន់តែខិតជិត ថ្មីៗនេះក៏ទទួលបានរូបភាពបែកធ្លាយអំពីតម្លៃ Galaxy S24 គ្រប់ម៉ូដែលនៅអឺរ៉ុបផងដែរ។ យោងតាមរូបភាពបែកធ្លាយ ដែលបង្ហោះនៅលើវេបសាយផ្លូវការរបស់ Samsung បានបង្ហាញអំពីតម្លៃ Galaxy S24 និង Galaxy S24+ ដែលមានតម្លៃទាបជាង Galaxy S23 បន្តិចនៅក្នុងទីផ្សារអឺរ៉ុប។ ស្របពេលដែល Galaxy S23 ដាក់លក់នៅក្នុងទីផ្សារអឺរ៉ុបមានតម្លៃ ១,១១៧ដុល្លារ , Galaxy S23+ មានតម្លៃចន្លោះពី ១,៣២៧ដុល្លារ និង Galaxy S23 Ultra មានតម្លៃចន្លោះពី ១,៥៤៩ដុល្លារ។ ដោយឡែកតាមរយៈរបាយការណ៍លេចធ្លាយនេះ Galaxy S24 ត្រូវបានគេរំពឹងថានឹងដាក់លក់ក្នុងតម្លៃ ១,០៦១ដុល្លារក្នុងទីផ្សារអឺរ៉ុប […]

(តូក្យូ)៖ ប្រព័ន្ធផ្សព្វផ្សាយជប៉ុន NHK បានរាយការណ៍ថាចំនួនអ្នកបាត់បង់ជីវិតបានកើនដល់ ៨នាក់ នៅក្នុងខេត្ត Ishikawa ប្រទេសជប៉ុន ក្រោយគ្រោះរញ្ជួយដី កម្រិតធ្ងន់ ៧.៦រ៉ិចទ័រវាយប្រហារភាគកណ្ដាលនៃប្រទេស កាលពីថ្ងៃចន្ទ ទី១ ខែមករា ម្សិលមិញនេះ។ នេះបើតាមការដកស្រង់ចេញផ្សាយដោយទីភ្នាក់ងារ សារព័ត៌មាន AFP នៅថ្ងៃអង្គារ ទី២ ខែមករា ឆ្នាំ២០២៤។ តាម NHK ក្នុងចំណោមជនរងគ្រោះទាំង៨ខាងលើ មានបុរសចំណាស់ម្នាក់ត្រូវបានបញ្ជាក់ថាបានបាត់បង់ជីវិត បន្ទាប់ពីត្រូវបានជួយសង្រ្គោះចេញពីផ្ទះមួយខ្នងដែល បានបាក់រលំ ដោយសារគ្រោះរញ្ជួយដី។ ចំណែក មនុស្សរាប់សិបនាក់ផ្សេងទៀតដែលបានរងរបួស ត្រូវបានរាយការណ៍នៅក្នុងខេត្ត shikawa, Niigata, Fukui, Toyama និងខេត្ត Gifu ខណៈក្នុងទីក្រុង Wajima នៃខេត្ត Ishikawa មានអគារជាងផ្ទះ និងហាងទំនិញជាង១០០ឆ្នាំត្រូវបានភ្លើងឆេះ បន្ទាប់ពីមាន ហេតុការណ៍គ្រោះរញ្ជួយដីកើតឡើង។ ទីក្រុង Wajima រងគ្រោះធ្ងន់ធ្ងរជាងគេពីគ្រោះរញ្ជួយដីនេះ។ គួរបញ្ជាក់ថា បើតាមទីភ្នាក់ងារឧតុនិយមជប៉ុន ការរំញ័រប្រហែលជា៩០ដងបានកើតឡើង ក្រោយគ្រោះរញ្ជួយដីកាលពីថ្ងៃចន្ទ និងបង្ខំឱ្យអាជ្ញាធរប្រកាសអាសន្ន ពីរលកស៊ូណាមិ […]

កូរ៉េខាងត្បូង៖ ប្រទេសកូរ៉េខាងត្បូងនឹងចាប់ផ្តើមដាក់ឲ្យប្រើប្រាស់ទិដ្ឋការពិសេសមួយចាប់ពីថ្ងៃទី១ ខែមករា ឆ្នាំ២០២៤នេះតទៅ ដោយទិដ្ឋការថ្មីនេះមានឈ្មោះថា “Digital Nomad” ដែលអនុញ្ញាតឲ្យជនបរទេសអាចមកស្នាក់នៅក្នុងប្រទេសកូរ៉េខាងត្បូងក្នុងរយៈពេលរហូតដល់ ២ឆ្នាំ។ គោលបំណងនៃការដាក់ឲ្យប្រើប្រាស់ទិដ្ឋការនេះគឺដើម្បីផ្តល់ភាពងាយស្រួលដល់ក្រុមជនបរទេស ដែលមានបំណងចង់មកកម្សាន្តរយៈពេលវែងឬស្នាក់នៅក្នុងប្រទេសកូរ៉េខាងត្បូងក្នុងអំឡុងពេលដែលពួកគេកំពុងបំពេញការ Online ជាមួយក្រុមហ៊ុនដែលមានមូលដ្ឋាននៅក្នុងប្រទេសកំណើត ឬនៅក្នុងប្រទេសណាមួយផ្សេងទៀត។ គួរបញ្ជាក់ថា នាពេលបច្ចុប្បន្ននេះជនបរទេសទូទៅអាចមានសិទ្ធស្នើសុំទិដ្ឋការមកស្នាក់នៅក្នុងប្រទេសកូរ៉េខាងត្បូងយូរបំផុតត្រឹម ៩០ថ្ងៃប៉ុណ្ណោះ ខណៈទិដ្ឋការនេះមិនរួមបញ្ចូលទិដ្ឋការប្រើប្រាស់ក្នុងលក្ខខណ្ឌពិសេសមួយចំនួន ដូចជាទិដ្ឋការការទូត ទិដ្ឋការទៅសិក្សា ឬទៅបំពេញការងារផ្សេងៗនៅក្នុងប្រទេសកូរ៉េខាងត្បូងនោះទេ។ បើតាមអាជ្ញាធរកូរ៉េខាងត្បូងបានបញ្ជាក់ថា ដើម្បីអាចស្នើសុំទិដ្ឋការ “Digital Nomad” បានគឺក្រុមជនបរទេសទាំងអស់ត្រូវមានលក្ខខណ្ឌដូចខាងក្រោមនេះ៖ -មានអាយុលើសពី ១៨ឆ្នាំ និងមានការងារធ្វើច្បាស់លាស់យ៉ាងតិចមួយឆ្នាំ -មានប្រាក់ចំណូលប្រចាំឆ្នាំជាមធ្យម ៨៤,៩៦លានវ៉ុន (៣,៨៣១ដុល្លារអាមេរិក) -មានប័ណ្ណធានារ៉ាប់រងសុខភាពជាលក្ខណៈឯកជនដែលមានតម្លៃយ៉ាងតិចណាស់ ១០០លានវ៉ុន (៧៧,២៤៨ដុល្លារអាមេរិក) -មិនធ្លាប់ប្រព្រឹត្តបទល្មើសផ្សេងៗ -ធ្លាប់មានបទពិសោធធ្វើដំណើរមកប្រទេសកូរ៉េខាងត្បូងក្នុងរយៈពេលខ្លីណាមួយនាពេលកន្លងមក -ទិដ្ឋការនឹងមានសុពលភាពក្នុងរយៈពេល ១ឆ្នាំ ហើយបន្ទាប់ពី១ឆ្នាំទើបអាចមានសិទ្ធស្នើសុំបន្ត ១ឆ្នាំបន្ថែមទៀតបាន -ក្រោយទទួលបានទិដ្ឋការនេះហើយ ជនបរទេសក៏អាចនាំយកប្រពន្ធ ប្តី ឬកូនដែលមានអាយុលើសពី ១៨ឆ្នាំមកកាន់ប្រទេសកូរ៉េខាងត្បូងបានផងដែរ -ទិដ្ឋការនេះមិនត្រូវបានប្រើប្រាស់សម្រាប់ជនបរទេសដែលត្រូវមកបំពេញការងារនៅក្នុងប្រទេសកូរ៉េខាងត្បូងនោះទេ៕ ផ្តល់សិទ្ធិដោយ៖ ខ្មែរណូត

(វ៉ាស៊ីនតោន)៖ យោងតាមតួលេខដែលចេញផ្សាយ ដោយការិយាល័យជំរឿនសហរដ្ឋអាមេរិកកាលពីថ្ងៃព្រហស្បតិ៍សប្តាហ៍នេះបានឱ្យដឹងថា ប្រជាជនពិភពលោកបានកើនឡើងចំនួន ៧៥ លាននាក់ក្នុងរយៈពេលមួយឆ្នាំកន្លងទៅ ហើយត្រូវបានគេរំពឹងថា ចំនួនសរុបនឹងកើនឡើងដល់ជាង ៨ ពាន់លាននាក់នៅថ្ងៃចូលឆ្នាំសកល ២០២៤។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃទី២៩ ខែធ្នូ​ ឆ្នាំ២០២៣។ កំណើន​ចំនួនប្រជាជនសកល​កាលពី​ឆ្នាំ​មុន​មាន​ត្រឹម​តែ​ក្រោម ១% ប៉ុណ្ណោះ។ នៅដើមឆ្នាំ ២០២៤ ខាងមុខនេះ មនុស្ស ៤.៣ នាក់ត្រូវបានគេរំពឹងថានឹងកើត ហើយមនុស្ស ២ នាក់នឹងស្លាប់រៀងរាល់វិនាទីនៅទូទាំងពិភពលោក នេះបើយោងតាមការិយាល័យជំរឿនដដែល។ ចំនួនប្រជាជនសហរដ្ឋអាមេរិកបានកើនឡើង ០.៥៣% កាលពីឆ្នាំមុន ប្រហែលពាក់កណ្តាលនៃអត្រាពិភពលោក។ សហរដ្ឋអាមេរិកបានបន្ថែមប្រជាជន ១.៧ លាននាក់ ដែលនាំឱ្យចំនួនប្រជាជនសរុបកើនដល់ ៣៣៥.៨ លាននាក់នៅថ្ងៃចូលឆ្នាំថ្មី។ អ្នកប្រជាសាស្រ្តនៅស្ថាប័ន Brookings លោក William Frey និយាយថា ប្រសិនបើអត្រាបច្ចុប្បន្នបន្តរហូតដល់ចុងសតវត្សន៍ នោះទស្សវត្សរ៍ឆ្នាំ ២០២០ អាចជាទស្សវត្សរ៍ដែលមានលូតលាស់យឺតបំផុតក្នុងប្រវត្តិសាស្ត្រសហរដ្ឋអាមេរិក ជាមួយនឹងកំណើនទាបជាង ៤% ក្នុងរយៈពេល ១០ ឆ្នាំចាប់ពីឆ្នាំ […]

(ឡុងដ៏)៖ មេដឹកនៃប្រទេស G7 គ្រោងពិភាក្សាគ្នាអំពីទ្រឹស្ដីផ្នែកច្បាប់ថ្មីមួយ ដែលអាចបើកឲ្យមានការរឹបអូសទ្រព្យសម្បត្តិរុស្ស៉ីចំនួន ៣០០ពាន់លានដុល្លារ នៅពេលពួកគេជួបគ្នា ក្នុងខែកុម្ភៈ ឆ្នាំក្រោយ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី២៩ ខែធ្នូ ឆ្នាំ២០២៣។ ក្រុមមន្រ្តីសហរដ្ឋអាមេរិក និងអង់គ្លេសខិតខំធ្វើការរួមគ្នាក្នុងរយៈពេលប៉ុន្មានខែមកនេះ ដើម្បីរឹបអូសទ្រព្យសម្បត្តិរបស់រុស្ស៉ី ដែលត្រូវបានបង្កកនៅក្នុងប្រទេសបែលហ្ស៉ិក និងទីក្រុងនានានៅអឺរ៉ុប ហើយរំពឹងថាបណ្តាមេដឹកនាំ G7 អាចព្រមព្រៀងគ្នា ចេញសេចក្តីថ្លែងការណ៍រួម។ ទ្រឹស្តីផ្នែកច្បាប់នេះនឹងអនុញ្ញាតឲ្យមាន ការរឹបអូសទ្រព្យសម្បត្តិនៅក្នុង «កាលៈទេសៈជាក់លាក់» ចំពោះប្រទេសដែលធ្វើសកម្មភាពឈ្លានពាន។ យ៉ាងនេះក្តី សហរដ្ឋអាមេរិក គាំទ្រដោយចក្រភពអង់គ្លេស ជប៉ុន និងកាណាដា បានស្នើឲ្យក្រុមការងារ G7 បង្កើតលក្ខខណ្ឌសម្រាប់មេដឹកនាំ G7 ប៉ុន្តែបានព្រមានប្រឆាំងនឹងការប្រកាសបែបផ្លូវការ អំពីការរឹបអូសទ្រព្យសម្បត្តិនោះ។ គួរបញ្ជាក់ថា ផែនការពិភាក្សាគ្នានេះ ធ្វើឡើងចំពេលដែលប្រធានាធិបតីសហរដ្ឋអាមេរិក លោក ចូ បៃដិន កំពុងប្រឈមនឹងការជំទាស់ ពីគណបក្សសាធារណរដ្ឋជុំវិញសំណើសុំកញ្ចប់ជំនួយ ៦១ពាន់លានដុល្លារបន្ថែមទៀត ទៅឲ្យអ៊ុយក្រែន ដោយក្រុមមន្ត្រីអាមេរិក ក៏បានព្រមានអំពីផលវិបាកធ្ងន់ធ្ងរ សម្រាប់កិច្ចខិតខំប្រឹងប្រែងក្នុងសង្គ្រាមនៅអ៊ុយក្រែន៕ ផ្តល់សិទ្ធិដោយ៖ freshnews

(បរទេស)៖ Alibaba ដែលជាក្រុមហ៊ុន e-commerce យក្សរបស់ប្រទេសចិន កំពុងប្រឈមមុខនឹងការប្តឹងផ្តល់នៅសហរដ្ឋអាមេរិក ពីបទលក់របស់ក្មេងលេងដ៏ពេញនិយម Squishmallows ដែលជាផលិតផលក្លែងក្លាយ។ ក្នុងករណីនេះ Alibaba បានរងការចោទប្រកាន់យ៉ាងចាស់ដៃថា បានផ្សំគំនិតដាក់លក់ឥវ៉ាន់ក្លែងក្លាយ និងរំលោភលើកម្មសិទ្ធបញ្ញារបស់ម្ចាស់ក្រុមហ៊ុន Jazwares។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៩ ខែធ្នូ ឆ្នាំ២០២៣។ Jazwares គឺជាក្រុមហ៊ុនផលិតប្រដាប់ប្រដាក្មេងលេងរបស់អាមេរិក និងឈានមុខគេនៅលើពិភពលោក។ ជុំវិញពាក្យបណ្តឹងថ្មីៗនេះ Jazwares បានចោទប្រកាន់ Alibaba ថាបានអនុញ្ញាតឱ្យលក់ Squishmallows ដោយគ្មានម៉ាកយីហោត្រឹមត្រូវ ជាផលិតផលក្លែងក្លាយ និងបានរំលោភលើកម្មសិទ្ធបញ្ញា (Copyrights and Trademarks) របស់ខ្លួន។ នេះមិនមែនជាលើកដំបូងនោះទេ ដែល Alibaba ទទួលរងការព្រមានអំពីការលក់ផលិតផលក្លែងក្លាយនៅលើភ្លេតហ្វមលក់ទំនិញអនឡាញរបស់ខ្លួន។ ទាក់ទិននឹងបញ្ហានេះ គឺធ្លាប់មានក្រុមហ៊ុនធំៗច្រើនបានដាក់ពាក្យប្តឹង Alibaba រួចមកហើយ ប៉ុន្តែពាក្យបណ្តឹងទាំងនោះ ហាក់មិនបានផល ហើយ Alibaba នៅតែបន្តអនុញ្ញាតឱ្យលក់ផលិតក្លែងក្លាយ (Fake) ជាបន្តបន្ទាប់។ យ៉ាងណាមិញចំពោះពាក្យបណ្តឹងចុងក្រោយពី ក្រុមហ៊ុនអាមេរិក Jazwares ត្រូវបានគេលើកឡើងថា […]

(វ៉ាស៉ីនតោន)៖ ទីភ្នាក់ងារអវកាសរុស្ស៉ី Roscosmos បានឱ្យដឹងកាលពីថ្ងៃព្រហស្បតិ៍នេះថា ខ្លួនបានឯកភាពជាមួយទីភ្នាក់ងារអវកាស NASA របស់សហរដ្ឋអាមេរិក ដើម្បីបន្តធ្វើការជាមួយគ្នា ក្នុងការនាំក្រុមអវកាសយានិក ឡើងទៅកាន់ស្ថានីយអវកាសអន្តរជាតិ ISS រហូតដល់យ៉ាងហោចឆ្នាំ២០២៥។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃសុក្រ ទី២៩ ខែធ្នូ ឆ្នាំ២០២៣។ ក្រុមហ៊ុន Roscosmos បាននិយាយក្នុងសេចក្តីប្រកាសព័ត៌មានថា កិច្ចព្រមព្រៀងត្រូវសម្រេចបានជាមួយ NASA ដើម្បីបន្តការងារ​នាំយកក្រុមអវកាសយានិក ឡើងទៅកាន់ស្ថានីយ ISS រួមគ្នារហូតឆ្នាំ២០២៥។ យោងតាម Roscosmos ការសម្រេចចិត្តយ៉ាងដូច្នេះ គឺដើម្បីរក្សាភាពគួរឱ្យជឿជាក់បាននៃស្ថានីយ ISS ជារួម។ ស្ថានីយអវកាសអន្តរជាតិនេះ ត្រូវបានចាប់ផ្តើមសាងសង់ នៅឆ្នាំ១៩៩៨ ជាពេលដែលកិច្ចសហប្រតិបត្តិការអាមេរិក-រុស្ស៉ី មានការកើនឡើង ក្រោយការរត់ប្រណាំងវិស័យអវកាស អំលុងសម័យសង្រ្គាមត្រជាក់។ គួរបញ្ជាក់ថា សម្រាប់ពេលនេះ បណ្តាដៃគូនៃកម្មវិធី ISS រួមមានសហរដ្ឋអាមេរិក រុស្ស៉ី អឺរ៉ុប កាណាដា និងជប៉ុន គឺប្តេជ្ញាធ្វើប្រតិបត្តិការ​ស្ថានីយអវកាសនេះ ដល់ឆ្នាំ២០២៤ប៉ុណ្ណោះ ប៉ុន្តែក្រុមមន្រ្តីអាមេរិកធ្លាប់បានអះអាងថា ពួកគេចង់បន្តរហូតដល់ឆ្នាំ២០៣០។ កាលពីមេសា […]

(បរទេស)៖ ក្រុមហ៊ុនផលិតកុន Lucasfilm ដែលជាបុត្រសម្ព័ន្ធរបស់ Disney បានដាក់ពាក្យប្តឹងកន្លែងលាងរថយន្តមួយក្នុងប្រទេសឈីលី ពីបទលួចចម្លងកម្មសិទ្ធិបញ្ញាពាក់ព័ន្ធភាពយន្ត និងរឿងភាគទូរទស្សន៍តម្លៃរាប់ពាន់លានដុល្លាររបស់ខ្លួនគឺរឿង «Star Wars»។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី២៩ ខែធ្នូ ឆ្នាំ២០២៣។ កន្លែងលាងរថយន្តឈ្មោះ «Star Wash» (ស្តា វ៉ស) នៅជាយរដ្ឋធានីសាន់ត្យាហ្គោ (Santiago) ប្រទេសឈីលី បានចែករំលែកវីដេអូផ្សព្វផ្សាយរបស់ខ្លួន ដោយមានមនុស្សស្លៀកពាក់ដូចតួអង្គក្នុងរឿង «Star Wars» ដើរចូលនិងធ្វើកាយវិការដូចជាបុគ្គលិកចាំទទួលភ្ញៀវចូលលាងរថយន្ត។ ទន្ទឹមគ្នានេះ ក្រុមហ៊ុនច្បាប់តំណាងឱ្យកន្លែងលាងរថយន្តមួយនេះ បានឲ្យដឹងថា ម្ចាស់កន្លែងលាងរថយន្តនេះគឺលោក Matias Jara (ម៉ាទាស ចារ៉ា) កំពុងដំណើរការចុះបញ្ជីម៉ាកសញ្ញារបស់ខ្លួនជាមួយអាជ្ញាធរប៉ាតង់ឈីលី ហើយស្របពេលជាមួយគ្នានេះ លោកក៏បានទទួលពាក្យបណ្តឹងពី Lucasfilm ដែលជាម្ចាស់កម្មសិទ្ធិ Franchise ភាពយន្ត «Star Wars»។ មេធាវីរូបនេះបានបន្ថែមថា ក្រុមហ៊ុនផលិតភាពយន្ដអាមេរិក Locasfilm ចង់បញ្ឈប់ការចុះបញ្ជីឈ្មោះ «Star Wash» ដោយអះអាងថា ឈ្មោះនេះអាចច្រឡំថាមានទំនាក់ទំនងជាមួយភាពយន្តរបស់ខ្លួន។ គួរជម្រាបថា ពាក់ព័ន្ធនឹងរឿងនេះ […]

(បរទេស)៖ ពេលនេះក្រុមហ៊ុន Apple អាចបន្តលក់ Apple Watch របស់ខ្លួនទាំងពីរម៉ូដែលនៅសហរដ្ឋអាមេរិកបានវិញហើយ បន្ទាប់តុលាការអាមេរិកសម្រេចពន្យាពេលហាមឃាត់ និងអាចលក់បន្តបានរហូតដល់ថ្ងៃទី១២ ខែមករា ឆ្នាំ២០២៤ មុនពេលការសម្រេចចិត្តចុងក្រោយពី អាជ្ញាធរគយ និងការពារព្រំដែនសហរដ្ឋអាមេរិក។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៨ ខែធ្នូ ឆ្នាំ២០២៣។ នាឡិកាឆ្លាតវៃ ទាំងពីរម៉ូដែលរបស់ Apple រួមមាន Apple Watch Series 9 និង Ultra 2 អាចលក់បាន ឬមួយក៏អត់នៅលើទឹកដីអាមេរិក នឹងសម្រេចចុងក្រោយនៅថ្ងៃទី១២ ខែមករា ឆ្នាំ២០២៤នេះ។ ខណៈករណីនេះអាជ្ញាធរគយ និងការពារព្រំដែនសហរដ្ឋអាមេរិក នឹងចាប់ផ្តើមធ្វើការស៊ើបអង្កេតបន្ត ប្រសិនបើកំណត់បានថា Apple ពិតជាបានលួចប៉ាតង់របស់ Masimo ពិតមែននោះ Apple Watch ទាំងពីរម៉ូដែលនេះ អាចនឹងលែងមានវត្តមាននៅទីផ្សារសហរដ្ឋអាមេរិកតែម្តង។ ខណៈការពន្យាពេលហាមឃាត់នេះ កើតឡើងបន្ទាប់ពី Apple បានព្យាយាមអង្វករ នឹងដាក់សំណើរបន្ទាន់មួយ ដោយស្នើសុំឱ្យតុលាការឧទ្ធរណ៍សហរដ្ឋអាមេរិក (Federal Circuit) […]