(បរទេស)៖ កំពូលមហាសេដ្ឋីបច្ចេកវិទ្យា និងជានាយកប្រតិបត្តិក្រុមហ៊ុនបណ្តាញផ្សព្វផ្សាយសង្គម Twitter លោក Elon Musk កំពុងប្រឈមមុខនឹងការពិន័យសាច់ប្រាក់ជាច្រើននៅក្នុងប្រទេសតួកគី។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៧ ខែមីនា ឆ្នាំ២០២៣។ នៅថ្ងៃចន្ទសប្តាហ៍នេះ ក្រុមប្រឹក្សាប្រកួតប្រជែងរបស់ប្រទេសតួកគីបាននិយាយថា ខ្លួនបានសម្រេចពិន័យមហាសេដ្ឋី Elon Musk ចំនួន ០.១ភាគរយ នៃប្រាក់ចំណូលសរុបរបស់ Twitter នៅក្នុងប្រទេសតួកគីក្នុងឆ្នាំ២០២២។ ខណៈដើមហេតុនោះគឺដោយសារការកាន់កាប់នៅ Twitter របស់ Musk កើតឡើងដោយគ្មានការអនុញ្ញាតពីក្រុមប្រឹក្សាភិបាល។ ក្រុមប្រឹក្សាភិបាលបានបន្ថែមទៀតថា សេចក្តីសម្រេចនេះនឹងបើកចំហរចំពោះបញ្ហាប្រឈមផ្លូវច្បាប់។ គួរបញ្ជាក់ដែរថា ចាប់តាំងពីការឈានជើងមកដល់ Twitter របស់ Musk រចនាសម្ព័ន្ធជាច្រើននៅ Twitter ត្រូវបានផ្លាស់ប្តូរ ខណៈដែលចំណូលពីការផ្សាយពាណិជ្ជកម្មវិញខាតបង់ស្ទើតែរាល់ថ្ងៃ ទាំងនេះក៏ដោយសារតែការមិនពេញចិត្តពីវិនិយោគិនចំពោះការគ្រប់គ្រងរបស់ Musk នឹងបាននាំគ្នាបញ្ឈប់ការផ្សាយពាណិជ្ជកម្មជាបន្តបន្ទាប់៕ ផ្តល់សិទ្ធិដោយ៖ FRESH NEWS

អាមេរិក៖ រដ្ឋាភិបាលអាមេរិកកំពុងធ្វើការពិចារណាក្នុងការចាក់វ៉ាក់សាំងទៅកាន់សត្វមាន់ ក្រោយជំងឺផ្តាសាយបក្សីហាក់កំពុងតែរាតត្បាតយ៉ាងខ្លាំងនៅទូទាំងអាមេរិក នេះបើយោងតាមការចុះផ្សាយរបស់បណ្តាញសារព័ត៌ The Strait Time នៅព្រឹកថ្ងៃអង្គារ ទី៧ ខែកុម្ភៈនេះ។ គិតត្រឹមពេលនេះមានសត្វមាន់រាប់សិបលានក្បាលត្រូវបានងាប់ព្រោះតែជំងឺផ្តាសាយបក្សី ហើយកត្តានេះក៏កំពុងតែជម្រុញឲ្យតម្លៃស៊ុតមាន់នៅលើទីផ្សារអាមេរិកកំពុងឡើងថ្លៃផងដែរ។ បើតាមអាជ្ញាធរអាមេរិកបានបញ្ជាក់ថា គិតត្រឹមពេលនេះជំងឺផ្តាសាយបក្សីបានកំពុងតែបង្កការរាតត្បាតនៅក្នុងកសិដ្ឋានចិញ្ចឹមសត្វមាន់ចំនួន ៥៨លានកន្លែង ដែលស្ថិតនៅក្នុងរដ្ឋចំនួន ៤៧ផ្សេងគ្នា ខណៈការរាតត្បាតនេះត្រូវបានគេកត់សម្គាល់ថាគឺជាការរាតត្បាតជំងឺផ្តាសាយបក្សីទ្រង់ទ្រាយធំបំផុតដែលមិនធ្លាប់កើតមាននៅក្នុងប្រវត្តិសាស្រ្តរបស់អាមេរិកនោះទេ។ យ៉ាងណាក្តី អាជ្ញាធរអាមេរិកមិនបានបញ្ជាក់ពីផលប៉ះពាល់នៃជំងឺកាចសាហាវមួយនេះចំពោះពលរដ្ឋទូទៅនោះទេ តែអាជ្ញាធរអាមេរិកបានបញ្ជាក់ថា​ ជំងឺនេះបានសាយភាយទៅកាន់ថនិកសត្វមួយចំនួនដូចជាសត្វសំពោច កញ្ជ្រោង និងសត្វខ្លាឃ្មុំជាដើម៕ ផ្តល់សិទ្ធិដោយ៖ ខ្មែរណូត  

(ឡាហាវ៉ាន់)៖ យន្តហោះដឹកអ្នកដំណើរមួយគ្រឿងរបស់អាកាសចរណ៍អាមេរិក ដែលហោះចេញពីប្រទេសគុយបា បានជួបបញ្ហាផ្នែកម៉ាស៉ីន បន្ទាប់ពីបុកហ្វូង​សត្វបក្សី ហើយក៏បកក្បាលត្រឡប់មករដ្ឋធានីឡាហាវ៉ាន់របស់គុយបាវិញ ដើម្បីធ្វើការចុះចតបន្ទាន់កាលពីថ្ងៃអាទិត្យកន្លងទៅនេះ (ពេលវេលាក្នុងតំបន់)។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី៦ ខែមីនា ឆ្នាំ២០២៣។ ក្រុមហ៊ុនអាកាសចរណ៍អាមេរិក Southwest Airlines ហើយនិងអាជ្ញាធរអាកាសចរណ៍ស៉ីវិលគុយបា បានឱ្យដឹងថា ផ្សែងបានហុយជ្រាបចូលក្នុងកាប៊ីនរបស់​យន្តហោះ ប៉ុន្តែពុំមាននរណាម្នាក់រងគ្រោះថ្នាក់ឡើយ នៅក្នុងឧប្បត្តិហេតុមួយដែលពាក់ព័ន្ធជាមួយ ជើងហោះហើរលេខ៣៩២៣ ដែលមានគោលដៅឆ្ពោះ​ទៅកាន់ទីក្រុង ហ្វត ឡោដឺឌែល (Fort Lauderdale) នៃរដ្ឋផ្លូរីដា (Florida)​ របស់សហរដ្ឋអាមេរិក។ គួរបញ្ជាក់ថា យន្តហោះខាងលើប្រភេទ Boeing 737 មានផ្ទុកអ្នកដំណើរសរុប១៤៧នាក់ និងសហសេវិកយន្តហោះ៦នាក់។ សត្វបក្សីមួយហ្វូងបានបុកចំ ម៉ាស៉ីនមួយគ្រឿងរបស់យន្តហោះ ក្រោយវាធ្វើដំណើរចេញពីអាកាសយានដ្ឋាន ក្នុងទីក្រុងឡាហាវ៉ាន់បានតែបន្តិចប៉ុណ្ណោះ។ ក្រុមពីឡុតបាននាំយកយន្តហោះនោះ ត្រឡប់ទៅចុះចតនៅទីតាំងដើមវិញដោយសុវត្ថិភាព ហើយអ្នកដំណើរត្រូវបានជម្លៀសចេញពីយន្តហោះ តាមពោងខ្យល់រំអិល ដោយសារតែផ្សែង៕ ផ្តល់សិទ្ធិដោយ៖ FRESH NEWS

អារ៉ាប៊ីសាអូឌីត៖ ក្មេងប្រុសម្នាក់ដែលមានសំណាងអាចនៅរស់មានជីវិតក្រោយជួបប្រទះនឹងគ្រោះរញ្ជួយដីដ៏អាក្រក់បំផុតនៅក្នុងប្រទេសស៊ីរីកាលពីពេលថ្មីៗនេះ ពេលនេះរូបគេទទួលបានសំណាងមួយបន្ថែមទៀត ដោយមានឱកាសបានជួបផ្ទាល់ជាមួយ Idol របស់គេ គឺកំពូលកីឡាករបាល់ទាត់ Cristiano Ronaldo។ យោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា ក្មេងប្រុសរូបនេះមានឈ្មោះថា Nabil Saeed ដែលជាក្មេងប្រុសម្នាក់មានចំណូលចិត្តលើបាល់ទាត់យ៉ាងខ្លាំង។ គួររម្លឹកជូនថា ក្រោយកើតមានហេតុការណ៍រញ្ជួយដីកម្រិត ៧,៨​ រ៉ិចទ័រនៅក្នុងប្រទេសតួកគីនិងស៊ីរីអស់រយៈពេលជាច្រើនថ្ងៃមក ក្រុមអ្នកជួយសង្គ្រោះបានប្រទះឃើញកុមារា Nabil Saeed នៅក្នុងគំនរបាក់បែកមួយ ខណៈដែលរូបគេស្ទើរតែដាច់ដង្ហើមស្លាប់បាត់ទៅហើយព្រោះតែត្រូវអត់អាហារជាច្រើនថ្ងៃ។ ដោយមើលឃើញកុមារា Nabil Saeed គឺជាជនរងគ្រោះម្នាក់ដែលអាចនៅរស់យ៉ាងកម្របំផុតនោះ ក្រុមអ្នកកាសែតបានសួរគេថា តើរូបគេមានក្តីសុបិន្តអ្វីក្រោយបានរួចផុតពីការស្លាប់ទាំងមិនគួរឲ្យជឿដូចនេះ? ភ្លាមនោះរូបគេបានឆ្លើយថា ចង់ជួបផ្ទាល់ជាមួយកីឡាករ Cristiano Ronaldo។ គួរបញ្ជាក់ជូនថា ជំនួបរវាងកុមារា Nabil Saeed និងកីឡាករ Cristiano Ronaldo ត្រូវបានរៀបចំឡើងនៅក្នុងកីឡដ្ឋានបាល់ទាត់ Al Nassr ប្រទេសអារ៉ាប៊ីសាអូឌីតកាលពីចុងសប្តាហ៍កន្លងទៅនេះ ពោលគឺបន្ទាប់ពីក្រុម Al Nassr បានប្រកួតឈ្នះក្រុម Riyadh ក្នុងលទ្ធផល ៣ ទល់នឹង ១៕ ផ្តល់សិទ្ធិដោយ៖ ខ្មែរណូត […]

រដ្ឋមន្រ្តីក្រសួងយុត្តិធម៌ថៃ លោក Somsak Thepsuthin បានដាក់សំណើ ឱ្យជួយផ្សព្វផ្សាយពី ការជល់មាន់ និងជល់ត្រី ដែលជាការប្រកួតបែបប្រពៃណី ដើម្បីទាក់ទាញភ្ញៀវទេសចរបរទេស។ ជាមួយគ្នានេះ លោក Worachit Paengpairee ម្ចាស់ទីតាំងជល់មាន់នៅក្នុងស្រុក Muang ខេត្តភាគឦសានប្រទេសថៃ បានយល់ស្របជាមួយនឹងសំណើនេះ។ លោក Worachit បានលើកឡើងថា ប្រសិន​បើ​ការ​ប្រកួត​ត្រូវ​បាន​ផ្សព្វផ្សាយ​ជា​ព្រឹត្តិការណ៍​ប្រពៃណី​របស់​ប្រទេស​ថៃ​នោះ ប្រជាប្រិយភាព​របស់​ការជល់មាន់​នឹង​កើន​ឡើង ហើយការ​បង្កាត់​ពូជ ការ​ចិញ្ចឹម និង​ការ​ជួញ​ដូរ​មាន់​ជល់​ក៏​នឹង​កើន​ឡើង​ដែរ ខណៈបើទោះបីជាការជល់មាន់ត្រូវបានគ្រប់គ្រងយ៉ាងតឹងរ៉ឹងក៏ដោយ ក៏មាន់ជល់អាចលក់បានរហូតដល់មួយលានបាតដែរ។ លោកបានបន្តទៀតថា ជាងនេះទៅទៀត បើសិនបើកបង្ហាញប្រវត្តិនៃការជល់សត្វ (មាន់ និងត្រី) នៅក្នុងប្រទេសថៃ នោះទេសចរបរទេសអាចនឹងចង់ដឹង ហើយចង់ទស្សនាការជល់សត្វទាំងនោះ។ ទោះជាយ៉ាងណាក្ដី ម្ចាស់ទីតាំងជល់មាន់រូបនេះ ស្នើឱ្យមានការត្រួតពិនិត្យឱ្យបានហ្មត់ចត់ និងលើកកម្ពស់សម្រាប់តែនៅទីលាន និងសង្វៀនណាដែលមានអាជ្ញាប័ណ្ណ អនុញ្ញាតឱ្យអ្នកទស្សនាភ្នាល់លើការប្រកួតតែប៉ុណ្ណោះ ព្រោះថា ការជល់មាន់នេះជាប់ទាក់ទងនឹងល្បែងស៊ីសង៕ ផ្តល់សិទ្ធិដោយ៖ ខ្មែរណូត

(តូក្យូ)​៖ មន្ត្រីជំនិតម្នាក់របស់លោកនាយករដ្ឋមន្ត្រី ហ្វូមីអុ គីស៉ីដា បាននិយាយថាជប៉ុនអាចនឹង «ផុតពូជ» ពីពិភពលោក ប្រសិនបើមិនអាចទប់ស្កាត់ការធ្លាក់ចុះនៃអត្រាកំណើតនាពេល សព្វថ្ងៃបានទេនោះ ដែលកំពុងគំរាមកំហែងយ៉ាងខ្លាំងដល់សេដ្ឋកិច្ចនៃប្រទេសជាតិ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP​ នៅថ្ងៃចន្ទ ទី៦ ខែមីនា ឆ្នាំ២០២៣។ លោកស្រី ម៉ាសាកូ ម៉ូរី (Masako Mori) ដែលជាមន្ត្រីជំនិតម្នាក់របស់លោក គីស៉ីដា ធ្វើការកត់សម្គាល់ខាងលើ នៅក្នុងបទសម្ភាសន៍មួយនៅឯទីក្រុងតូក្យូ។ លោកស្រី ម៉ូរី បានគូសបញ្ជាក់ដូច្នេះថា «ប្រសិនបើយើងបន្តទៅមុខជាមួយនិន្នាការបែបនេះ (អត្រាកំណើតធ្លាក់ចុះ) ប្រទេសមួយនេះ (ជប៉ុន) នឹងរលាយផុតពូជ»។ លោកស្រីបន្ថែមថា ប្រជាជនជប៉ុនដែលកំពុងរស់នៅត្រូវឆ្លងកាត់ដំណើរការនៃការផុតពូជនេះ នឹងត្រូវប្រឈមមុខនឹងការបំផ្លិចបំផ្លាញយ៉ាងសម្បើម ហើយវាក៏នឹងបង្កការឈឺចាប់ដល់កុមារផងដែរ។ គួរបញ្ជាក់ថា កាលពីថ្ងៃទី២៨ ខែកុម្ភៈកន្លងទៅ ជប៉ុនបានប្រកាសថាចំនួនទារកចាប់កំណើតកាលពីឆ្នាំ២០២២ បានស្ថិតនៅក្នុងអត្រាដ៏ទាបជាប់កំណត់ត្រាថ្មីមួយ។ កាលពីឆ្នាំ២០២២ នៅក្នុងប្រទេសជប៉ុន ចំនួនអ្នកស្លាប់មានច្រើនជាងចំនួនទារកចាប់កំណើតដល់ទៅ២ដង ដោយអត្រាចាប់កំណើតមានជាង ៨០០,០០០នាក់ រីឯអ្នកស្លាប់មានចំនួនដល់ទៅ ១.៥៨លាននាក់៕ ផ្តល់សិទ្ធិដោយ៖ freshnews

អាមេរិក៖ ទីក្រុងវ៉ាស៊ីនតោនបានប្រកាសផ្តល់ជំនួយដែលមានតម្លៃចំនួន ៤០០លានដុល្លារបន្ថែមទៀតទៅកាន់ប្រទេសអ៊ុយក្រែន នេះបើយោងទៅតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃសៅរ៍ ទី៤ ខែមីនានេះ។ នៅក្នុងកញ្ចប់ជំនួយដែលមានតម្លៃ ៤០០លានដុល្លារនេះនឹងមានបញ្ចូលទាំងអាវុធ រំសេវ ហើយអ្វីដែលជាជំនួយគួរឲ្យកត់សម្គាល់នោះគឺស្ពានយុទ្ធសាស្រ្តចំនួនមួយខែ្ស។ ប្រភពខាងលើបានបន្តថា ស្ពានយុទ្ធសាស្រ្តគឺជាជំនួយថ្មីមួយដែលអាមេរិកមិនធ្លាប់បានផ្តល់ជូនអ៊ុយក្រែននោះទេចាប់តាំងពីសង្គ្រាមបានផ្ទុះឡើងអស់រយៈពេលជាង ១ឆ្នាំមក។ ការសម្រេចផ្តល់ជំនួយសម្រាប់សាងសង់ស្ពានយុទ្ធសាស្រ្តនៅពេលនេះគឺត្រូវបានធ្វើឡើងដោយផ្អែកទៅតាមស្ថានជាក់ស្តែងនៅក្នុងសមរភូមិក្នុងប្រទេសអ៊ុយក្រែន ដោយស្ពានយុទ្ធសាស្រ្តមួយនេះនឹងក្លាយជាចរន្តផ្លូវដ៏សំខាន់មួយដែលជួយឲ្យកងទ័ពអ៊ុយក្រែនអាចធ្វើការចល័តរថគ្រោះ និងរថពាសដែកបានយ៉ាងឆាប់រហ័ស៕ ផ្តល់សិទ្ធិដោយ៖ ខ្មែរណូត

ថៃ៖ ពលរដ្ឋថៃមួយចំនួនបានសម្តែងការមិនពេញចិត្តយ៉ាងខ្លាំងចំពោះលោក Dominic Williams ដែលជាឯកអគ្គរាជទូតនៃប្រទេសអង់គ្លេសប្រចាំនៅក្នុងប្រទេសកម្ពុជា ក្រោយរូបលោកបានបង្ហោះរូបភាពនំបង្អែមខ្មែរមួយសន្លឹកនៅលើប​ណ្តាញសង្គម Facebook ផ្លូវការរបស់គាត់។ យោងតាមការចុះផ្សាយរបស់បណ្តាញសារព័ត៌មាន The Thaiger បានឲ្យដឹងថា ប្រតិកម្មរបស់ពលរដ្ឋថៃបានផ្ទុះឡើងជាច្រើនថ្ងៃមកហើយ​ ខណៈពួកគេបានប្រើប្រាស់បណ្តាញសង្គមសម្រាប់ធ្វើជាវេទិកាបញ្ចេញមតិផ្ទាល់ខ្លួនរបស់ពួកគេម្នាក់ៗ។ ប្រភពខាងលើបានបន្តថា កំហឹងរបស់ពលរដ្ឋថៃបានកើតឡើងក្រោមហេតុផលថា ពួកគេគិតថានំបង្អែមដែលលោក Dominic Williams បានយកទៅបង្ហោះជាសាធារណៈនោះគឺជានំបង្អែមរបស់ថៃដែលមានតាំងពីសម័យអយុធ្យាមកម្ល៉េះ ខណៈដែលលោកឯកអគ្គរាជទូតអង់គ្លេសបានយកនំបង្អែមទាំងនោះទៅបង្ហោះដោយបញ្ជាក់ថា ជាបង្អែមរបស់ខ្មែរ។ សូមបញ្ជាក់ជូនថា នំបង្អែមដែលជាប្រធានបទចម្បងធ្វើឲ្យពលរដ្ឋថៃមិនសប្បាយចិត្តនោះមានដូចជា បាយដំណើបខ្នុរ ត្រាវកូរ ត្រាវខ្ទិះ សង់ខ្យាល្ពៅ សង់ខ្យាកាត់ អាកោខ្ទិះ  នំច័ក្កច័ន នំផ្លែអាយ​ នំទ្រាបតើយ នំសរសៃមាស និងនំជាច្រើមុខផ្សេងទៀត ដែលសុទ្ធតែជានំបុរាណរបស់ខ្មែរ និងមានវត្តមាននៅកម្ពុជាមុនសម័យអាយុធ្យារបស់ថៃទៅទៀត៕ ផ្តល់សិទ្ធិដោយ៖ ខ្មែរណូត​

(ឡូសអេនជឺលេស)៖ ចៅក្រមនៅទីក្រុងឡូសអេនជឺលេសកាលពីថ្ងៃពុធបានប្រកាសថា បុរសម្នាក់ដែលត្រូវបានជាប់ពន្ធនគារជាង ៣៨ឆ្នាំពីបទឃាតកម្ម ដែលគាត់មិនបានប្រព្រឹត្តក្នុងឆ្នាំ១៩៨៣ ត្រូវបានចៅក្រមទីក្រុង Los Angeles ប្រកាស​ថា​ គ្មាន​កំហុស​ទេ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី០២ ខែកុម្ភៈ ឆ្នាំ២០២៣។ លោក Maurice Hastings ត្រូវ​បាន​ដោះលែង​ពី​ពន្ធនាគារ​កាល​ពី​ឆ្នាំ​មុន​ បន្ទាប់​ពី​ភស្តុតាង DNA បាន​ចង្អុល​ទៅ​លើ​ជន​សង្ស័យ​ផ្សេង​ទៀត។ កាលពីខែតុលាកន្លងទៅ ចៅក្រមបានលុបចោលការផ្តន្ទាទោសលើ លោក Hastings តាមសំណើរបស់រដ្ឋអាជ្ញាមកពីការិយាល័យមេធាវីខោនធី Los Angeles និងមេធាវីសម្រាប់គម្រោង Los Angeles Innocence ។ រដ្ឋអាជ្ញា និងមេធាវីរបស់ លោក Hastings បានត្រឡប់ទៅតុលាការវិញ ដោយសុំឱ្យចៅក្រម លោក William C. Ryan ចាត់វិធានការបន្ថែម ក្នុងការប្រកាសថា គាត់មិនពាក់ព័ន្ធនឹងការសម្លាប់កាលពី ៤០ឆ្នាំមុនទេ។ ចៅក្រមនេះកាលពីថ្ងៃពុធសប្តាហ៍នេះបានប្រកាសថា លោក Hastings ពិតជាគ្មានកំហុស ដែលមានន័យថា […]

(អាថែន)៖ រដ្ឋមន្ត្រីក្រសួងហេដ្ឋារចនាសម្ព័ន្ធ និងដឹកជញ្ជូនប្រទេសក្រិក លោក កូសតាស់ ការ៉ាម៉ាន់លីស (Kostas Karamanlis) បានចុះចេញពីតំណែង បន្ទាប់ពីហេតុការណ៍រថភ្លើងបុកគ្នា កាលពីយប់ថ្ងៃអង្គារសប្ដាហ៍នេះ ដែលបានធ្វើឲ្យមនុស្សយ៉ាងហោច ៤៣នាក់បានស្លាប់ និងមនុស្សជាច្រើនទៀតត្រូវរបួស។ នេះបើតាមការចេញផ្សាយដោយសារព័ត៏មានចិន Chinadaily នៅថ្ងៃព្រហស្បតិ៍ ទី២ ខែមីនា ឆ្នាំ២០២៣។ ជុំវិញសោកនាដកម្មនេះដែរ ប៉ូលិសក្រិក ក៏បានចាប់ខ្លួនអ្នកគ្រប់គ្រងស្ថានីយរថភ្លើង នៅទីក្រុង ឡារីសា នឹងបានចោទប្រកាន់ពីបទឃាតកម្ម បន្ទាប់ពីការប៉ះទង្គិចរវាងរថភ្លើងដឹកភ្ញៀវដែលបានចេញដំណើរពីទីក្រុង អាថែន (Athens) ឆ្ពោះទៅកាន់ទីក្រុងថេសសាឡូនីគី (Thessaloniki) និងរថភ្លើងដឹកទំនិញដែលកំពុងបរនៅតាមផ្លូវតែមួយនៅជិតទីក្រុង ថេមប៉េ (Tempe) ស្ថិតនៅចម្ងាយប្រហែល ៣៨០គីឡូពីភាគខាងជើង នៃទីក្រុងអាថែន។ មកទល់នឹងពេលនេះ មូលហេតុដែលធ្វើឱ្យរថភ្លើងទាំង២ខាងលើបុកគ្នា កំពុងស្ថិតនៅក្រោមការស៊ើបអង្កេតនៅឡើយ ខណៈរដ្ឋាភិបាលក្រិក បានប្រកាសកាន់ទុក្ខរយៈពេល៣ថ្ងៃ នៅទូទាំងប្រទេស៕ ផ្តល់សិទ្ធិដោយ៖ FRESH NEWS