(កូឡុំបូ)៖ ប្រភពចំនួនពីរបានឱ្យដឹងនៅថ្ងៃពុធនេះថា ប្រទេសស្រីលង្កា និងមូលនិធិរូបិយវត្ថុអន្តរជាតិ (IMF) បានឈានដល់កិច្ចព្រមព្រៀងបឋមកម្រិតបុគ្គលិកមួយស្តីពីប្រាក់កម្ចីសង្គ្រោះបន្ទាន់ដល់ប្រទេសដែលរងគ្រោះដោយវិបត្តិនេះ។ ប្រភពពីរដែលបានដឹងអំពីកិច្ចពិភាក្សានេះបានប្រាប់ទីភ្នាក់ងារព័ត៌មានរ៉យទ័រថា ការប្រកាសជាផ្លូវការទំនងជាអាចធ្វើឡើងនៅថ្ងៃព្រហស្បតិ៍។ ប្រទេសដីកោះដែលកំពុងជួបនឹងវិបត្តិសេដ្ឋកិច្ចដ៏អាក្រក់បំផុតនេះ បានស្វះស្វែងរកប្រាក់សង្គ្រោះរហូតដល់ទៅ ៣ប៊ីលានដុល្លារពីមូលនិធិ IMF។ អ្នកនាំពាក្យរបស់មូលនិធិ IMF និងរដ្ឋាភិបាលស្រីលង្កាមិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់រ៉យទ័របានទេ។ កាលពីសប្តាហ៍មុនក្រុមការងាររបស់មូលនិធិរូបិយវត្ថុអន្តរជាតិ (IMF) បានជួបជាមួយប្រធានាធិបតីស្រីលង្កាដើម្បីពិភាក្សាអំពីថវិកាសង្គ្រោះ រួមទាំងការរៀបចំបំណុលឡើងដែលមានប្រហែល ២៩ប៊ីលានដុល្លារក្នុងគ្រាដែលប្រទេសនេះមានវិបត្តិហិរញ្ញវត្ថុដ៏អាក្រក់បំផុតក្នុងរយៈពេលជាង ៧ទសវត្សរ៍។ ដំណើរទស្សនកិច្ចលើកទីពីររបស់មូលនិធិ IMF ក្នុងរយៈពេលបីខែនេះកើតមានឡើងនៅពេលដែលប្រទេសដីកោះនៅមហាសមុទ្រឥណ្ឌាមួយនេះព្យាយាមសម្រេចបានកិច្ចព្រមព្រៀងកម្រិតបុគ្គលិករបស់ IMF សម្រាប់កម្មវិធីដែលអាចមានតម្លៃ ៣ប៊ីលានដុល្លារនេះ។ នេះបើយោងតាមទីភ្នាក់ងារព័ត៌មានរ៉យទ័រ៕ ផ្តល់សិទ្ធិដោយ៖ freshnews

អង់គ្លេស៖ វិបត្តិនៃការកើនឡើងតម្លៃថាមពលសកលកំពុងគំរាមគំរាមវិស័យសុខាភិបាលនៅក្នុងចក្រភពអង់គ្លេសយ៉ាងខ្លាំង​ នេះបើយោងតាមការចុះផ្សាយារបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី១ ខែសីហានេះ។ ក្រុមមន្ទីរពេទ្យជាច្រើននៅចក្រភពអង់គ្លេសបាននិយាយដូចគ្នាថា ពួកគេចង់ដំឡើងតម្លៃសេវាសម្រាប់ថែទាំអ្នកជំងឺយ៉ាង​ហោចណាស់ទ្វេដង ទើបអាចទប់ទល់នឹងតម្លៃថាមអគ្គិសនីនិងវិបត្តិអតិផរណានៅក្នុងពេលបច្ចុប្បន្ននេះបាន។ តែយ៉ាងណាក្តី គិតត្រឹមពេលនេះគ្រប់មន្ទីរពេទ្យទាំងអស់នៅចក្រភពអង់គ្លេសមិនទាន់ធ្វើការដំឡើងថ្លៃសេវាព្យាបាលនិងមើលថែអ្នកជំងឺក្នុងកម្រិតណាមួយនៅឡើយទេ។ មន្ទីរពេទ្យមួយចំនួនប្រាប់ឲ្យដឹងផងដែរថា នៅចំពោះមុខការកើនឡើងតម្លៃថាមពលអគ្គីសនីនិងវិបត្តិអតិផរណានេះ ពួកគេបានសម្រេចកាត់បន្ថយបុគ្គលិកសម្រាប់មើលថែអ្នកជំងឺដោយតម្រូវឲ្យពួកគេធ្វើការឆ្លាស់វេនគ្មា ហើយចំណាត់ការនេះក៏បានធ្វើឲ្យគុណភាពនៃការមើលថែទាំអ្នកជំងឺត្រូវធ្លាក់ចុះផងដែរ ដូចជាត្រូវរង់ចាំយូរហើយការមើលថែមិនបានដិតដល់ដូចពេលធម្មតានោះទេ។ សូមបញ្ជាក់ជូនថា នាពេលបច្ចុប្បន្ននេះកម្រិតអតិផរណនៅអង់គ្លេសបានកើនឡើង​ ១០,១ % ដែលជាកម្រិតខ្ពស់បំផុតមិនធ្លាប់មាននោះទេក្នុងរយៈពេល ៤០ឆ្នាំចុងក្រោយនេះ ខណៈគេបានព្យាករណ៍ថា នៅឆ្នាំក្រោយកម្រិតអតិផរណាអាចនឹងកើនរហូតដល់ ១៨%ទៀតផង។ ដោយឡែកតម្លៃហ្គាសនិងតម្លៃថាមពលអគ្គិសនីសម្រាប់ប្រើប្រាស់នៅតាមផ្ទះវិញក៏មានការកើនឡើងយ៉ាងខ្ពស់ដែរដោយចាប់ពីខែតុលាខាងមុននេះគឺតម្លៃហ្គាសនិងតម្លៃថាមពលអគ្គិសនីអាចនឹងកើនឡើងរហូតដល់ ៨០% បើធៀបទៅនឹងរយៈពេលមុនសង្គ្រាមរុស្ស៊ីនិងអ៊ុយក្រែនបានផ្ទុះឡើង៕ ផ្តល់សិទ្ធិដោយ៖ ខ្មែរណូត

(ឥណ្ឌា)៖ លោក Gautam Adani ទើបតែបានវ៉ាដាច់មហាសេដ្ឋីបារាំងលោក Bernard Arnault ដោយឈរក្នុងកំពូលតារាង មហាសេដ្ឋី​កំពូល​ទាំង​៣​ក្នុង​ពិភពលោក។ ដោយលោក​ក៏​ជា​មហាសេដ្ឋី​ជនជាតិអាស៊ី​ដំបូង​គេដែលឈរក្នុង​ចំណោម​មហាសេដ្ឋី​កំពូល​ទាំង​៣​ក្នុង​ពិភពលោក។ នេះបើយោងតាមការចុះផ្សាយរបស់សារព័ត៌មាន Bloomberg បានចុះផ្សាយនៅថ្ងៃទី៣០ ខែសីហា ឆ្នាំ២០២២។ នេះជាលើកទីមួយហើយដែលមហាសេដ្ឋីអាស៊ីបានចូលក្នុងចំណាត់ថ្នាក់កំពូលទាំង៣ នៅក្នុងសន្ទស្សន៍មហាសេដ្ឋី Bloomberg ដែលជាចំណាត់ថ្នាក់មហាសេដ្ឋីពិភពលោក។ ជាមួយនឹងទ្រព្យសម្បត្តិសុទ្ធ ១៣៧.៤ពាន់លានដុល្លារ លោក Adani បានវ៉ាដាច់មហាសេដ្ឋីបារាំង Bernard Arnault។ លោកស្ថិតនៅលំដាប់ទីពីរបន្ទាប់ពីនាយកប្រតិបត្តិ Tesla លោក Elon Musk និងស្ថាបនិក Amazon លោក Jeff Bezos ។ ក្នុងរយៈពេលប៉ុន្មានឆ្នាំកន្លងមកនេះ លោក Adani បានពង្រីកអាណាចក្ររបស់គាត់យ៉ាងខ្លាំងក្លាពីធ្យូងថ្ម កំពង់ផែ ស៊ីម៉ងត៍ អាលុយមីណា ទៅកាន់មជ្ឈមណ្ឌលទិន្នន័យ និងប្រព័ន្ធផ្សព្វផ្សាយ៕ ផ្តល់សិទ្ធិដោយ៖ ខ្មែរណូត

(បរទេស)៖ កិច្ចព្រមព្រៀងទិញលក់តម្លៃ ៤៤ពាន់លានដុល្លារអាមេរិករវាងលោក Elon Musk និងក្រុមហ៊ុន Twitter ទំនងជាជិតឈានដល់ផ្លូវទាល់ហើយ បន្ទាប់ពីកំពូលមហាសេដ្ឋីរូបនេះបានរកឃើញឯកសារមួយចំនួនទាក់ទងទិន្នន័យ Spam និងគណនីក្លែងក្លាយ។ នេះបើយោងតាមការចេញផ្សាយរបស់សារព័ត៌មាន Reuter នៅថ្ងៃទី៣១ ខែសីហា ឆ្នាំ២០២២។ យោងតាមដីការបស់តុលាកានៅថ្ងៃចន្ទបានឱ្យដឹងថា លោក Musk ទើបតែទទួលបានព័ត៌មានមួយចំនួនពីអតីតប្រធានសន្តិសុខរបស់ Twitter លោក Peiter Zatko ដែលបានឱ្យដឹងអំពីវិធីដែលគេហទំព័រ microblogging បានធ្វើការវាស់ស្ទង់ទៅលើគណនី Spam។ បន្ទាប់ពីទទួលបានព័ត៌មានទាំងនោះលោក Musk ក៏បានផ្ញើលិខិតបន្ថែមនៃការបញ្ចប់កិច្ចព្រមព្រៀងទៅកាន់ Twitter Inc ភ្លាមៗតែម្តង។ លោក Zatko ត្រូវបានគេស្គាល់ថាជា «Mudge» គឺជាអ្នកជំនាញផ្នែកសុវត្ថិភាព Network អ្នកសរសេរកូដ ហើយក៏ជា Hacker មួយរូបផងដែរ ពាក់ព័ន្ធទៅនឹងបញ្ហានេះលោកបាននិយាយនៅក្នុងពាក្យបណ្តឹងដែលមានខ្លឹមសារថា «Twitter បានទទួលស្គាល់ និងអះអាងថាខ្លួនមានផែនការបង្កើនសុវត្ថិភាពដ៏រឹងមាំ ហើយបានផ្តល់អាទិភាពដល់កំណើនអ្នកប្រើប្រាស់ ជុំវិញការបង្កើតគណីក្លែងក្លាយ»។ យ៉ាងណាមិញបន្ទាប់ពីការលាតត្រដាងនេះ ក្រុមអ្នកច្បាប់របស់ Musk បាននិយាយថា ការចោទប្រកាន់លើអង្គហេតុមួយចំនួនទៅកាន់ […]

នាយកដ្ឋានស៊ើបអង្កេតពិសេសថៃ (DSI) បានរឹបអូសទំនិញក្លែងក្លាយចំនួន ៣៦០,០០០ នៅក្នុងខេត្ត Nakhon Nayok និងស្រុក Bang Bon នៃទីក្រុងបាងកក។ លោក Pol Lt Col Phayao Thongsen អគ្គនាយករង (DSI) បាននិយាយកាលពីម្សិលមិញថា ប្រតិបត្តិការបង្រ្កាបបានធ្វើឡើងនៅទីតាំងចំនួន ១២នៅក្នុងផ្សារក្នុងខេត្ត Nakhon Nayok និងឃ្លាំងមួយនៅស្រុក Bang Bon។ ក្នុងនោះ (DSI) បានរឹបអូសទំនិញក្លែងក្លាយចំនួន​ ៣០០,០០០ គ្រឿងដែលសុទ្ធសឹងតែជាម៉ាកយីហោថ្លៃៗនិងល្បីៗដូចជា Louis Vuitton, Chanel និង Coach ពីផ្សាររ៉ុងក្លឿ និង the coin markets នៅខេត្ត Nakhon Nayok។ ជាមួយគ្នានេះ នៅទីក្រុងបាងកក (DSI) ក៏បានរកឃើញ និងរឹបអូសខោខូវប៊យម៉ាកយីហោក្លែងក្លាយជាង ៦០,០០០ នៅក្នុងឃ្លាំងមួយក្នុងតំបន់ Bang Bon។ គួរបញ្ជាក់ផងដែរថា […]

នាយកដ្ឋានស៊ើបអង្កេតពិសេសថៃ (DSI) បានរឹបអូសទំនិញក្លែងក្លាយចំនួន ៣៦០,០០០ នៅក្នុងខេត្ត Nakhon Nayok និងស្រុក Bang Bon នៃទីក្រុងបាងកក។ លោក Pol Lt Col Phayao Thongsen អគ្គនាយករង (DSI) បាននិយាយកាលពីម្សិលមិញថា ប្រតិបត្តិការបង្រ្កាបបានធ្វើឡើងនៅទីតាំងចំនួន ១២នៅក្នុងផ្សារក្នុងខេត្ត Nakhon Nayok និងឃ្លាំងមួយនៅស្រុក Bang Bon។ ក្នុងនោះ (DSI) បានរឹបអូសទំនិញក្លែងក្លាយចំនួន​ ៣០០,០០០ គ្រឿងដែលសុទ្ធសឹងតែជាម៉ាកយីហោថ្លៃៗនិងល្បីៗដូចជា Louis Vuitton, Chanel និង Coach ពីផ្សាររ៉ុងក្លឿ និង the coin markets នៅខេត្ត Nakhon Nayok។ ជាមួយគ្នានេះ នៅទីក្រុងបាងកក (DSI) ក៏បានរកឃើញ និងរឹបអូសខោខូវប៊យម៉ាកយីហោក្លែងក្លាយជាង ៦០,០០០ នៅក្នុងឃ្លាំងមួយក្នុងតំបន់ Bang Bon។ គួរបញ្ជាក់ផងដែរថា […]

ស្ថានីយទូរទស្សន៍ NHK បានទទួលសេចក្តីព្រាងច្បាប់របស់រដ្ឋាភិបាល ពាក់ព័ន្ធនឹងពិធីបុណ្យសពថ្នាក់រដ្ឋរបស់អតីតនាយករដ្ឋមន្ត្រីលោក អាបេ ស៊ីនហ្សូ ដែលនឹងប្រារព្ធឡើងនៅឯកីឡដ្ឋាន Nippon Budokan ក្នុងទីក្រុងតូក្យូ នៅថ្ងៃទី២៧ ខែកញ្ញា ខាងមុខនេះ, ចាប់ពីម៉ោង ២ រសៀលតទៅ។ ភ្ញៀវប្រហែល ៦,០០០ នាក់ ត្រូវបានគេរំពឹងថា នឹងត្រូវបានអញ្ជើញឱ្យចូលរួមជាដំណាក់កាល ដែលនឹងចាប់ផ្ដើមនៅដើមខែកញ្ញានេះផ្ទាល់។ ភ្ញៀវ​ទាំង​នោះ​រួម​បញ្ចូល​ទាំង​ប្រធាន​សភា​ និង​ថ្នាក់​ដឹកនាំ​របស់ជប៉ុន ប្រធាន​តុលាការ​កំពូល សមាជិកព្រឹទ្ធសភា Diet និង​តំណាង​រដ្ឋាភិបាល​ក្នុង​តំបន់។ ឥស្សរជនបរទេសជាច្រើនផ្សេងទៀតក៏នឹងត្រូវបានអញ្ជើញ រួមជាមួយនឹងអ្នកដឹកនាំអាជីវកម្ម និងវិស័យផ្សេងៗទៀតផងដែរ។ ជាមួយគ្នានេះដែរ សាធារណជននឹងត្រូវបានអញ្ជើញឱ្យដាក់ផ្កានៅអាសនៈមួយ នៅខាងក្រៅកីឡដ្ឋាន Nippon Budokan ចាប់ពីម៉ោង ១០ព្រឹក ដល់ម៉ោង ៤ រសៀល នៅកំឡុងពេលពិធីបុណ្យមរណៈទុក្ខនេះ។ រដ្ឋាភិបាល​​នឹងធ្វើសេចក្ដីសម្រេចជា​ផ្លូវការ​ បន្ទាប់​ពី​ការ​ពិភាក្សា​នៅ​លេខាធិការដ្ឋាន ​ដោយ​មានការចូលរួមពី​មន្ត្រី​ជាន់​ខ្ពស់​នៃ​ក្រសួង​ស្ថាប័ន​ពាក់ព័ន្ធ។ រំលឹកឡើងវិញដែរថា អតីតនាយករដ្ឋមន្ត្រីលោក អាបេ ស៊ីនហ្សូ ត្រូវ​បាន​គេ​បាញ់​សម្លាប់ ខណៈ​កំពុង​ថ្លែង​សុន្ទរកថា​ ក្នុងយុទ្ធនាការ​សម្រាប់​បេក្ខភាពបោះឆ្នោត​សភា​ជាន់​ខ្ពស់ ​របស់​គណបក្ស​របស់លោក ​នៅ​ភាគ​ខាង​លិច​ប្រទេស​ជប៉ុន​ក្នុង​ខែ​កក្កដា។ ពិធី​បុណ្យ​សព​ថ្នាក់រដ្ឋរបស់លោក […]

ទីភ្នាក់ងារសារព័ត៌មានយ៉ុនហាប់ បានរាយការណ៍នៅថ្ងៃពុធនេះថា ប្រទេសកូរ៉េខាងត្បូងនឹងបញ្ចប់ច្បាប់ធ្វើតេស្ត COVID-19 មុនចេញដំណើរ សម្រាប់អ្នកធ្វើដំណើរទៅកាន់ប្រទេសនេះ ដែលចាប់ផ្តើមនៅថ្ងៃសៅរ៍ ទី០៣ ខែកញ្ញា តទៅ នេះបើតាមការចុះផ្សាយរបស់សារព័ត៌មាន Channel News Asia។ ប្រទេសកូរ៉េខាងត្បូងបានដកការរឹតបន្តឹងទាក់ទងនឹងជំងឺរាតត្បាតរបស់ខ្លួនភាគច្រើននៅក្នុងខែឧសភា ប៉ុន្តែបានរក្សាវិធានការព្រំដែនដ៏តឹងរ៉ឹងមួយចំនួន ដូចប្រទេសសេដ្ឋកិច្ចធំៗផ្សេងទៀត ដោយតម្រូវឱ្យអ្នកធ្វើដំណើរក្នុងប្រទេសបង្ហាញលទ្ធផលតេស្តអវិជ្ជមាន នៅមុនពេលពួកគេចេញដំណើរ។ ការឆ្លងជំងឺ COVID-19 ប្រចាំថ្ងៃនៅក្នុងប្រទេស ក៏បាននិងកំពុងកើនឡើងក្នុងរង្វង់ ១០០,០០០ ករណី ក្នុងប៉ុន្មានសប្តាហ៍ថ្មីៗនេះ បន្ទាប់ពីកើនឡើងដល់ជាង ១៨០,០០០ ករណី នៅពាក់កណ្តាលខែសីហា៕ ផ្តល់សិទ្ធិដោយ៖ ខ្មែរណូត

ឧបនាយករដ្ឋមន្ត្រី និងជានាយករដ្ឋមន្ត្រីស្ដីទីរបស់ប្រទេសថៃ គឺលោក ប្រាវីត វង្សសុវណ្ណ (Prawit Wongsuwon) បានធ្វើជាប្រធានកិច្ចប្រជុំគណៈរដ្ឋមន្ត្រីប្រចាំសប្តាហ៍ ជាលើកដំបូងរបស់គាត់នៅថ្ងៃអង្គារនេះ ប៉ុន្តែគាត់មិនបានអង្គុយលើកៅអីនាយករដ្ឋមន្ត្រីនោះទេ ដើម្បីជាកិត្តិយសដល់លោក ប្រាយុទ្ធ ចាន់អូចា ដែលកំពុងត្រូវបានផ្អាកពីតួនាទី។ ឧត្តមសេនីយលោក ប្រាវីត បានញញឹម និងស្វាគមន៍អ្នកសារព័ត៌មាន នៅពេលដែលលោកដើរចូលទៅក្នុងវិមានរដ្ឋាភិបាលនៅថ្ងៃនេះ ដើម្បីធ្វើជាប្រធានកិច្ចប្រជុំជាលើកដំបូងក្នុងតួនាទីជានាយករដ្ឋមន្ត្រីស្ដីទី បន្ទាប់ពីសេចក្តីសម្រេចរបស់តុលាការធម្មនុញ្ញ ដែលបានព្យួរតំណែងលោកឧត្តមសេនីយ៍ ប្រាយុទ្ធ ពីតំណែងជានាយករដ្ឋមន្ត្រី។ ឧត្តមសេនីយ ប្រាវីត វង្សសុវណ្ណ បាននិយាយថា លោកនៅបន្ដអង្គុយកៅអីរបស់ឧបនាយករដ្ឋមន្ត្រីដដែល និងមានបំណងទុកកៅអីនាយករដ្ឋមន្ត្រីឱ្យនៅទំនេរ ដើម្បីគោរពដល់ឧត្តមសេនីយលោក ប្រាយុទ្ធ ចាន់អូចា ដែលនៅតែជានាយករដ្ឋមន្ត្រីរបស់ប្រទេស បើទោះបីជាគាត់ត្រូវបានគេព្យួរពីតួនាទីបណ្ដោះអាសន្នក៏ដោយ។ ចំណែកលោក ប្រាយុទ្ធ ចាន់អូចា ក៏បានចូលរួមកិច្ចប្រជុំនេះដូចគ្នា ប៉ុន្តែមិនបានអញ្ចើញទៅដោយផ្ទាល់នោះទេ ដោយបានចូលរួមតាមរយៈកម្មវិធី Zoom ពីការិយាល័យរបស់គាត់នៅក្រសួងការពារជាតិ ក្នុងនាមជារដ្ឋមន្ត្រីការពារជាតិ។ គួររំលឹកដែរថា តុលាការធម្មនុញ្ញបាន​បញ្ជា​ឱ្យ​ផ្អាក​តួនាទីជានាយករដ្ឋមន្ត្រីរបស់​ឧត្តមសេនីយ៍លោក ប្រាយុទ្ធ ចាន់អូចា កាលពីពេលថ្មីៗនេះ បន្ទាប់ពី​ខ្លួន​បាន​សម្រេច​ទទួលយក​​ញត្តិ​មួយ​ ដែល​ស្នើ​ឱ្យ​មាន​ការ​សម្រេច​លើ​ការ​កាន់​តំណែង​ជា​នាយករដ្ឋមន្ត្រី​អស់រយៈពេល​ ៨ ​ឆ្នាំ​របស់​លោក ប្រាយុទ្ធ ចាន់អូចា រាប់ចាប់តាំងពីពេលធ្វើរដ្ឋប្រហារក្នុងឆ្នាំ២០១៤ ដោយសារតាមច្បាប់រដ្ឋធម្មនុញ្ញ គឺគាត់មិនអាចឈរជើងជានាយករដ្ឋមន្ត្រីលើសពីនេះទេ៕ […]

ការសិក្សាមួយបានបង្ហាញថា ផ្ទាំងទឹកកកជាច្រើននៅតំបន់ហ្គ្រីនឡែនបានបាក់បែកជាបន្តបន្ទាប់ និងកំពុងហូរចូលទៅក្នុងសមុទ្រយ៉ាងឆាប់រហ័ស ហើយកត្តាអាចនឹងធ្វើឲ្យកម្រិតទឹកសមុទ្រនៅលើពិភពត្រូវកើនឡើងយ៉ាងខ្ពស់ក្នុងពេលដ៏ខ្លីខាងមុខនេះផងដែរ។ ការសិក្សាដែលត្រូវបានចេញផ្សាយក្នុងទិនានុប្បវត្តិ Nature Climate Chang និងត្រូវបានចុះផ្សាយបន្តដោយបណ្តាញសារព័ត៌មាន CNN នៅព្រឹកថ្ងៃអង្គារ ទី៣០ ខែសីហានេះបានឲ្យដឹងទៀតថា ក្រុមអ្នកជំនាញនៅមិនទាន់អាចរកឃើញវិធីបញ្ឈប់ការបាក់បែកដុំទឹកកកនេះបាននៅឡើយទេ បើទោះជាពិភពលោកកំពុងព្យាយាមកាត់បន្ថយការបំភាញកំដៅនៅលើភពផែនដីនេះក៏ដោយ។ បើតាមក្រុមអ្នកអ្នកស្រាវជ្រាវភូគព្ភសាស្ត្ររបស់ប្រទេសដាណឺម៉ាកនិងប្រទេសហ្គ្រីនឡែនបានឲ្យដឹង​ថា ដុំទឹកដែលអាចរលាយចេញពីតំបន់ទឹកកកហ្គ្រីនឡែននៅពេលនេះគឺមានទម្ងន់ប្រហែលជា​ ១១០ លានលានតោន និងមានទំហំត្រឹមតែ ៣,៣%ប៉ុណ្ណោះនៃទំហំផ្ទាំងទឹកកកសរុបនៅតំបន់ទឹកកហ្រ្គីនឡែន។ ការលាយនៃដុំទឹកកកដ៏ច្រើននេះអាចនឹងធ្វើឲ្យកម្រិតទឹកសមុទ្រកើនឡើង ១០អ៊ីញ (២៥,៤ សង់ទីម៉ែត្រ) ហើយកំណើននេះគឺស្មើនឹងកម្រិតកំណើតទឹកសមុទ្រក្នុងរយៈពេលមួយសតវត្សចុងក្រោយនេះផងដែរ។ គួររម្លឹកជូនថា កាលពីដើមឆ្នាំនេះមានការសិក្សាមួយនៅអាមេរិកបានបង្ហាញថា ក្នុងរយៈពេល ៣០ឆ្នាំខាងមុខទៀតកម្រិតទឹកសមុទ្រពិភពលោកអាចនឹងកើនឡើងក្នុងចន្លោះពី ១០-១២អ៊ីញ (២៥,៤-៣០,៤៨ សង់ទីម៉ែត្រ) ហើយពេលនោះពិភពលោកនឹងត្រូវប្រឈមជាមួយគ្រោះធម្មជាតិដូចជា ទឹកជំនន់និងខ្យល់ព្យុះដែលមានគ្រោះថ្នាក់ខ្លាំងបំផុតផងដែរ៕ ផ្តល់សិទ្ធិដោយ៖ ខ្មែរណូត