យោងតាមការចុះផ្សាយរបស់សារព័ត៌មាន vnexpress បានឱ្យដឹងថា ប្រទេសវៀតណាមនឹងមានសិទ្ធិក្នុងការលក់ iPhone 14 លឿនជាងម៉ូឌែលមុនៗពីក្រុមហ៊ុន ចាប់តាំងពី Apple បានលើកប្រទេសវៀតណាមក្នុងទីផ្សារអាទិភាពរបស់ខ្លួន។ អ្នកតំណាងប្រព័ន្ធផ្សព្វផ្សាយនៃបណ្តាញលក់រាយមួយបានប្រាប់ VnExpress ថា “iPhone 14 នឹងត្រូវបានលក់ជាផ្លូវការនៅក្នុងប្រទេសវៀតណាមក្នុងរយៈពេលបីសប្តាហ៍ បន្ទាប់ពីស្មាតហ្វូនស៊េរីថ្មីនេះត្រូវបានដាក់លក់នៅក្នុងទីផ្សារសំខាន់ៗដូចជា សហរដ្ឋអាមេរិក សិង្ហបុរី ហុងកុង និងប្រទេសជប៉ុន”។ ប្រភពដដែលបានបន្ថែមថា Apple បានផ្លាស់ប្តូរប្រទេសវៀតណាមពីកម្រិតអាទិភាពទី៤ មកទី៣ វិញ ហើយអាចធ្វើឱ្យប្រទេសនេះក្លាយជាទី២ ឬទី១ ក្នុងរយៈពេលពីរ ឬបីឆ្នាំទៀត។ រម្លឹកផងដែរថា នាយកប្រតិបត្តិក្រុមហ៊ុន Apple លោក Tim Cook បាននិយាយនាពេលថ្មីៗនេះថា ប្រទេសវៀតណាមគឺជាទីផ្សារមួយក្នុងចំណោមទីផ្សារដែលកំពុងរីកចម្រើនចំនួនបួន ដែលបានរួមចំណែកដល់ភាពជោគជ័យរបស់ក្រុមហ៊ុននៅក្នុងត្រីមាសទីពីរនៃឆ្នាំ២០២២។ ជាមួយគ្នានេះកាល​ពី​ឆ្នាំ​មុន iPhone 13 ត្រូវ​បាន​លក់​ក្នុង​ប្រទេស​វៀតណាម ក្នុងរយៈពេលបួន​សប្តាហ៍​បន្ទាប់​ពី​ទីផ្សារ​ធំៗចេញលក់រួច។ ប៉ុន្តែម៉ូឌែល iPhone 14 ដែលគ្រោង​នឹង​ចេញ​លក់​ចាប់​ពី​ថ្ងៃ​ទី១៦ ខែ​កញ្ញា នៅ​តាម​ទីផ្សារ​ធំៗ នាពេលខាងមុខនេះ នឹងមានលក់នៅប្រទេសវៀតណាមក្នុងរយៈពេលលឿនជាងម៉ូឌែលមុនៗ៕ ផ្តល់សិទ្ធិដោយ៖ ខ្មែរណូត

វៀតណាម៖ អាជ្ញាធរវៀតណាមបានសម្រេចធ្វើការពិន័យគណៈកម្មាធិការរៀបចំកម្មវិធី Miss Universe Vietnam 2022 ជាទឹកប្រាក់ចំនួន ៧០លានដុង (២,៩៩០ ដុល្លារអាមេរិក) ក្រោយអ្នករៀបចំកម្មវិធីលំដាប់ថ្នាក់ជាតិមួយនេះអនុញ្ញាតឲ្យស្រ្តីជាគណៈកម្មកាម្នាក់ស្លៀកសំលៀកបំពាក់ដំណាងឲ្យប្រពៃណីវៀតណាម ដែលមានការកែច្នៃខុសពីទម្រង់ដើម ពោលគឺសិចស៊ីជ្រុលហួសហេតុ។ បើយោងតាមការចុះផ្សាយរបស់បណ្តាញសារព័ត៌មាន VN Express កាលពីថ្ងៃចន្ទ ទី២២ ខែសីហានេះបានឲ្យដឹងថា ស្រ្តីជាគណៈកម្មការដែលបានស្លៀកសំលៀកបំពាក់មិនសមរម្យបង្ហាញខ្លួនលើកម្រាលព្រំក្រហមក្នុងកម្មវិធីលំដាប់ថ្នាក់ជាតិនេះមានឈ្មោះថា Vu Nguyen Ha Anh ជាអតីតបេក្ខជនប្រលងកម្មវិធី Miss Universe Vietnam 2008 បច្ចុប្បន្នមានអាយុ ៤០ឆ្នាំ​ និងជាតារាម៉ូដែលម្នាក់ផងដែរ។ អ្នកនាង  Vu Nguyen Ha Anh ប្រភពខាងលើបានបន្តថា ក្នុងពេលបង្ហាញខ្លួនក្នុងនាមជាគណៈកម្មការរបស់កម្មវិធី Miss Universe Vietnam 2022 អ្នកនាង  Vu Nguyen Ha Anh បានស្លៀកសំលៀកបំពាក់ប្រពៃណីដំណាងឲ្យប្រទេសវៀតណាមមួយប្រភេទឈ្មោះ Ao Dai ធ្វើពីក្រណាត់ដ៏ស្តើងដែលគេអាចមើលធ្លុះដល់សុដន់របស់គាត់។ បើតាមគណៈកម្មាធិការប្រជាជនទីក្រុងហូជីមិញបានបញ្ជាក់ថា ឥរិយាបថរបស់អ្នកនាង Vu […]

អ៊ុយក្រែននឹងប្រារព្ធទិវាឯករាជ្យជាតិ ក្រោយការផ្ដាច់ខ្លួនពីសហភាពសូវៀតរបស់ខ្លួននៅថ្ងៃពុធស្អែកនេះ ដែលត្រូវជាថ្ងៃតែមួយ នៃខួបគម្រប់ ៦ខែ ចាប់តាំងពីសង្រ្គាមរុស្ស៊ី និងអ៊ុយក្រែនបានចាប់ផ្ដើម។ ប៉ុន្តែ​យ៉ាងណាក៏ដោយ អាជ្ញាធរ​បាន​ហាមប្រាម​ពួកគេ​មិន​ឱ្យមានសកម្មភាពអ្វីទេ ដោយសារខ្លាចមាន​ហានិភ័យ​នៃ​ការ​វាយប្រហារពីភាគីរុស្ស៊ី។ ចំណែករុស្ស៊ី​ឯណោះវិញ ក៏បាន​ប្រារព្ធទិវាទង់ជាតិ (National Flag Day) ​របស់​ពួកគេ​កាលពី​ថ្ងៃ​ចន្ទ ដែលជាការរំលឹកដល់ការលើកទង់ជាតិដែលមានពណ៌ ៣ឆ្នូត មួយនេះក្នុងឆ្នាំ១៩៩១ បន្ទាប់ពីការប៉ុនប៉ងធ្វើរដ្ឋប្រហារ។ គួរឱ្យដឹងដែរថា ទាហាន​អ៊ុយក្រែន​កំពុង​ព្យាយាម​ដណ្តើម​យកដែន​ដី​នៅ​ភាគ​ខាង​កើត និង​ខាង​ត្បូងមកវិញ ខណៈកម្លាំង​រុស្ស៊ី​ក៏មាន​ការ​ភ្ញាក់​ផ្អើល​ចំពោះ​ការទប់ទល់របស់អ៊ុយក្រែន។ អ្នកស្រុកខ្លះនៅតំបន់ Kherson បានវាយប្រហារស្ពានមួយ ដែលកងកម្លាំងរុស្ស៊ីបានប្រើប្រាស់ ដើម្បីនាំយកការផ្គត់ផ្គង់ផ្សេងៗ។ អ៊ុយក្រែនក៏ចង់យកមកវិញនូវទឹកដីគ្រីមៀ ដែលខ្លួនបាត់បង់កាលពីក្នុងឆ្នាំ២០១៤ ផងដែរ ដោយពួកគេនិយាយថា ដោយពួកគេនិយាយថា តំបន់គ្រីមៀគឺជាផ្នែកមួយរបស់អ៊ុយក្រែន។ នៅថ្ងៃ​អង្គារនេះ មេដឹកនាំ​អ៊ុយក្រែន​ក៏នឹងធ្វើ​កិច្ច​ប្រជុំ​កំពូល​អន្តរជាតិ​មួយ​ ពាក់ព័ន្ធនឹងឧបទ្វីប​គ្រីមៀតាម​អ៉ីនធឺណិតផងដែរ៕ ផ្តល់សិទ្ធិដោយ៖ ខ្មែរណូត

យោងតាមចុះផ្សាយរបស់សារព័ត៌មាន The Nation ការសិក្សាមួយបានរកឃើញថា ប្រទេសថៃនៅតែពេញនិយមសម្រាប់ភ្ញៀវទេសចរចិន។ របាយការណ៍ចុងក្រោយបង្អស់របស់ Global Times បង្ហាញថា ប្រទេសថៃ គឺជាទិសដៅពេញនិយមបំផុតទី៤ ក្នុងចំណោមអ្នកធ្វើដំណើរចិន។ ផ្អែកលើទិន្នន័យដែលប្រមូលបានពី Variflight របាយការណ៍ Global Times បាននិយាយថា ជើងហោះហើរអ្នកដំណើរអន្តរជាតិទៅក្រៅប្រទេសពីប្រទេសចិនទំនងជានឹងកើនឡើងជាង ២០០%ពីមួយខែទៅមួយខែនៅក្នុងខែសីហា ដោយសារប្រទេសចិនបានចាប់ផ្តើមបន្ធូរបន្ថយការរឹតបន្តឹងការធ្វើដំណើរ។ ក្នុងនោះជើងហោះហើរសរុបចំនួន ២,៨៤៥ គ្រោងនឹងហោះហើរចេញពីប្រទេសចិនក្នុងខែនេះ ដែលកើនឡើងពីចំនួន ៩០៤នៅក្នុងខែកក្កដា ហើយនឹងឆ្ពោះទៅគោលដៅកំពូលទាំងប្រាំ គឺកូរ៉េខាងត្បូង ជប៉ុន សហរដ្ឋអាមេរិក ថៃ និងបារាំង។ អ្នកនាំពាក្យរដ្ឋាភិបាលលោក Thanakorn Wangboonkongchana បាននិយាយថា រដ្ឋាភិបាលប៉ាន់ប្រមាណថានៅក្នុងឆមាសទីពីរនៃឆ្នាំនេះ ប្រទេសថៃនឹងមានការកើនឡើងនៃការមកដល់របស់ជនបរទេស ដោយសារស្ថានភាព កូវីដ-១៩ ប្រសើរឡើង និងការដកការរឹតបន្តឹងការធ្វើដំណើរដោយប្រទេសមួយចំនួន រួមទាំងប្រទេសចិនផងដែរ។ មិនតែប៉ុណ្ណោះលោកបានបន្តថា វាជាសញ្ញាល្អដែលភ្ញៀវទេសចរចិននៅតែចង់ទៅលេងប្រទេសថៃដូចដែលពួកគេបានធ្វើមុនមានពេលជំងឺរាតត្បាត។ គួរបញ្ជាក់ផងដែរថា នៅឆ្នាំ២០១៩ ភ្ញៀវទេសចរចិនមានចំនួន ១ ភាគ ៤ នៃចំនួនភ្ញៀវបរទេសសរុប ឬជិត ១១ លាននាក់៕ […]

(ម៉ានីល)៖ ប្រធានាធិបតីហ្វីលីពីន លោក ហ្វឺឌីណាន់ ម៉ាកូស ចេអរ (Ferdinand Marcos Jr) នាថ្ងៃចន្ទនេះ បានស្នើទៅកាន់សភា ដើម្បីសុំកញ្ចប់ថវិកាទំហំច្រើនមិនធ្លាប់មានគឺ ៥.២៩ទ្រីលានប៉េសូ ឬស្មើនឹង៩៤.៤០ពាន់លានដុល្លារអាមេរិក សម្រាប់រដ្ឋាភិបាល នៅឆ្នាំ២០២៣ ដើម្បីគាំទ្រដល់របៀបវារៈគោលនយោបាយផ្សេងៗ ដែលសំដៅជំរុញកំណើនសេដ្ឋកិច្ច និងលើកកម្ពស់ប្រជាជនរាប់លាននាក់ ឱ្យងើបចេញពីភាពក្រីក្រ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃចន្ទ ទី២២ ខែសីហា ឆ្នាំ២០២២។ បើធៀបជាមួយសំណើកញ្ចប់ថវិការបស់ អតីតប្រធានាធិបតី លោក រ៉ូឌ្រីហ្គោ ឌូតឺតេ សម្រាប់ឆ្នាំ២០២២ សំណើកញ្ចប់ថវិការបស់លោក ម៉ាកូស មានទំហំច្រើនជាងជិត៥ភាគរយ។ លោក ម៉ាកូស កំពុងមានគោលដៅពង្រីកសេដ្ឋកិច្ចហ្វីលីពីនឱ្យបាន ៨ភាគរយ អំលុងអាណត្តិកាន់អំណាច រយៈពេល៦ឆ្នាំរបស់លោក ដើម្បីឱ្យហ្វីលីពីននៅរក្សាចំណាត់ថ្នាក់ ក្នុងចំណោមក្រុមប្រទេសអាស៉ី ដែលមានការរីកចម្រើនឆាប់រហ័សបំផុត ព្រមទាំងកាត់បន្ថយអត្រាភាពក្រីក្រឱ្យបានពាក់កណ្តាល ខណៈកាលពីឆ្នាំ២០២១ អត្រានេះគឺ១៨.១ភាគរយ។ វិស័យដែលទទួលបានអាទិភាពចម្បងៗជាងគេ នៅក្នុងកញ្ចប់ថវិកាជាតិសម្រាប់ឆ្នាំ២០២៣ រួមមានវិស័យអប់រំ, សាធារណការ, សន្តិសុខស្បៀង, សុខាភិបាល និងថាមពលស្អាត។ […]

មនុស្សរាប់សិបនាក់បានតម្រង់ជួរចាំទិញប្រេងឆា ដែលរដ្ឋលក់ក្នុងតម្លៃខាត នៅក្នុងមជ្ឈមណ្ឌលពាណិជ្ជកម្មទីក្រុងយ៉ាំងហ្គោនរបស់ប្រទេសមីយ៉ាន់ម៉ា ខណៈដែលវិបត្តិសេដ្ឋកិច្ចបានវាយប្រហារយ៉ាងខ្លាំងលើទីក្រុងនេះ។ សេដ្ឋកិច្ចរបស់មីយ៉ាន់ម៉ា បានធ្លាក់ចុះបន្ទាប់ពីការធ្វើរដ្ឋប្រហារដោយយោធាកាលពីឆ្នាំមុន ហើយក៏ត្រូវបានរង្គោះរង្គើបន្ថែមទៀត ដោយការប៉ុនប៉ងរបស់របបយោធាក្នុងការរឹបអូសយករូបិយប័ណ្ណបរទេស ក៏ដូចជាច្បាប់ដែលមិនប្រក្រតីគ្រប់គ្រងលើអាជីវកម្ម និងការនាំចូល។ កម្រិតជីវភាពរបស់ប្រជាជនកំពុងត្រូវបានរារាំង ដោយការកើនឡើងនៃតម្លៃទំនិញសកល ដែលបង្កឡើងដោយការលុកលុយរបស់រុស្ស៊ីលើអ៊ុយក្រែន ដែលបណ្តាលឱ្យមនុស្សជាច្រើនមានការពិបាកតស៊ូនឹងជីវភាព និងពឹងផ្អែកលើការឧបត្ថម្ភធន ឬសប្បុរសធម៌ដើម្បីដាក់អាហារនៅលើតុ។ បើតាមសម្ដីរបស់ពលរដ្ឋម្នាក់ឈ្មោះថា Khin Khin Than អាយុ ៥៥ឆ្នាំ បាននិយាយថា៖«ប្រជាជនមិនអាចចំណាយប្រាក់ច្រើនលើម្ហូបអាហារទេ ដោយសារតម្លៃទំនិញឡើងថ្លៃពេក» ខណៈគាត់ត្រូវទិញប្រេងឆាក្នុងតម្លៃថោក ដែលលក់ដោយសមាគមក្នុងស្រុកមួយ។ គាត់បន្ត​ថា តម្លៃ​ទីផ្សារ​សម្រាប់​ប្រេងឆា​ប្រហែល ១.៦ គីឡូក្រាម​ បាន​ឡើង​ថ្លៃ​រហូតដល់ប្រមាណ ៤.២៥ ដុល្លារ ដែលឡើងពីតម្លៃ ២.៣៧ ដុល្លារ។ គាត់បាននិយាយថា ប្រសិនបើក្នុងផ្ទះមួយមានមនុស្សតែម្នាក់ធ្វើការ នោះពួកគេនឹងមិនអាចមានអ្វីហូបនោះឡើយ។ គួររំលឹកដែរថា កាល​ពី​ខែ​កក្កដា ធនាគារ​ពិភពលោក​បាន​ឱ្យដឹងថា ប្រជាជន​របស់ប្រទេសនេះប្រហែល ៤០% គឺ​កំពុង​រស់​នៅ​ក្រោម​បន្ទាត់​ភាព​ក្រីក្រ​។ ចំណែកតម្លៃអង្ករបានឡើងថ្លៃផងដែរ ដោយសារការកើនឡើងថ្លៃដឹកជញ្ជូន និងដោយសារយោធា និងយុទ្ធជនប្រឆាំងរបបយោធា ប្រែក្លាយប្រទេសទាំងមូលទៅជាសមរភូមិ។ សូម្បីតែកាសែត Global New Light of […]

(តូក្យូ)៖ រដ្ឋាភិបាលជប៉ុន នៅថ្ងៃអាទិត្យនេះ បានប្រកាសឱ្យដឹងថា នាយករដ្ឋមន្រ្តីជប៉ុន លោក គីស៉ីដា ហ្វូមីអុ (Kishida Fumio) បានធ្វើតេស្តចេញលទ្ធផលវិជ្ជមាន ចំពោះជំងឺកូវីដ១៩។ នេះបើតាមការចេញផ្សាយដោយ សារព័ត៌មាន NHK នៅថ្ងៃអាទិត្យ ទី២១ ខែសីហា ឆ្នាំ២០២២។ ខណៈនេះលោក គីស៉ីដា មានរោគសញ្ញាមួយចំនួន ដូចជាគ្រុនក្តៅតិចៗ និងក្អក ហើយលោកកំពុងតែសម្រាកព្យាបាលជំងឺ នៅការិយាល័យនាយករដ្ឋមន្រ្តី ដែលបម្រើជា កន្លែងស្នាក់នៅផ្លូវការរបស់លោក។ ការធ្វើតេស្តរកកូវីដ១៩នេះ កើតមានឡើង បន្ទាប់ពីលោកនាយករដ្ឋមន្រ្តីជប៉ុន ទើបតែចំណាយពេល១សប្តាហ៍ សម្រាប់វិស្សមកាល ហើយប្រុងនឹងចាប់ផ្តើមចូលបំពេញការងារវិញ នៅថ្ងៃចន្ទសប្តាហ៍ក្រោយនេះ។ គួរបញ្ជាក់ថា ចាប់ពីចុងខែកក្កដា រហូតមកទល់ពេលនេះ ប្រទេសជប៉ុនបានប្រឈមនឹង ការរាតត្បាតខ្លាំងសាជាថ្មី នៃជំងឺកូវីដ១៩ ដោយករណីឆ្លងប្រចាំថ្ងៃ បានលោតដល់កម្រិតខ្ពស់មិនធ្លាប់មាន គឺចន្លោះ១សែន-ជាង២សែនករណីក្នុង១ថ្ងៃ ប៉ុន្តែករណីអ្នកស្លាប់ប្រចាំថ្ងៃ បានបន្តនៅទាបនៅឡើយ ហើយការបង្កភាពរាំងស្ទះ ក៏មានកម្រិតស្រាលផងដែរ បើធៀបនៅតាមប្រទេសសេដ្ឋកិច្ចជឿនលឿន មួយចំនួនផ្សេងទៀត៕ ផ្តល់សិទ្ធិដោយ៖ freshnews

ថៃ៖ កាលពីថ្ងៃទី ២០ សីហា វេលាម៉ោង ១៨:៤៥ នាទី សារព័ត៌មានថៃបានរាយការណ៍ថា ជណ្តើរយន្តនៅ BTS Surasak មានបញ្ហារអាក់រអួល បណ្តាលអោយ រអិលមកក្រោយវិញដោយខ្លួនឯង បណ្តាលអោយមនុស្សជាច្រើននាក់ដែលនៅលើជណ្តើរយន្ត ​ធ្លាក់​ព្រោងព្រៀត ក្នុងនោះដែរមានអ្នករងរបួស​ ១៥​នាក់​ ហើយត្រូវ​បានសមត្ថកិច្ច​បញ្ជូន​ទៅ​សង្គ្រោះ​នៅ​មន្ទីរពេទ្យ ។ គួរបញ្ជាក់អោយដឹងផងដែរថា ខណៈពេលនេះដែរពុំមានសេចក្តីរាយការណ៍ដែលបានបង្ហាញអំពីមូលហេតុ ដែលនាំអោយជណ្តើរយន្តរអាក់រអួលនោះទេ ដោយសារតែជណ្តើរនេះកំពុងតែស្ថិតនៅក្រោមការត្រួតពិនិត្យនៅឡើយ។ ចំពោះហេតុការណ៍ខាងលើនេះដែរបានបណ្តាលអោយប្រជាជននៅម្តុំនោះភ្ញាក់ផ្អើលយ៉ាងខ្លាំង ក៏ដូចជានៅបរិវេណកន្លែងកើតហេតុនោះមានចរាចរណ៍កកស្ទះជាច្រើន ដោយសារតែរថយន្តសង្គ្រោះបន្ទាន់ត្រូវប្រញាប់ប្រញាល់ទៅយកអ្នករបួសជាច្រើននាក់ទៅកាន់មន្ទីរពេទ្យដែលនៅក្បែរនោះ រួមមានមន្ទីរពេទ្យ Charoenkrung មន្ទីរពេទ្យ Taksin និងមន្ទីរពេទ្យ Chulalongkorn ជាដើម៕ ផ្តល់សិទ្ធិដោយ៖ Khmernote

នាយករដ្ឋមន្ត្រីលោក ប្រាយុទ្ធ ចាន់អូចា កាលពីថ្ងៃសុក្រ ទី១៩ ខែសីហា ឆ្នាំ២០២២ បានអនុម័តលើការលុបចោលក្រឹត្យគ្រាអាសន្ន និងការរំលាយមជ្ឈមណ្ឌលសម្រាប់ការគ្រប់គ្រងស្ថានភាព COVID-19 (CCSA) នៅថ្ងៃទី០១ ខែតុលា ខាងមុខនេះ។ លោកវេជ្ជបណ្ឌិត Udom Kachintorn (ក្នុងរូបភាព) ដែលជាទីប្រឹក្សា CCSA បាននិយាយថា វិធានការនេះគឺស្របតាមការសម្រេចចិត្តរបស់រដ្ឋាភិបាល ក្នុងការទម្លាក់ចំណាត់ថ្នាក់ជំងឺ COVID-19 ពីជំងឺឆ្លងដ៏គ្រោះថ្នាក់ ទៅជា «ជំងឺឆ្លងក្រោមការឃ្លាំមើល»។ លោកបានមានប្រសាសន៍ថា បន្ទាប់ពីថ្ងៃទី០១ ខែតុលា ច្បាប់ស្តីពីជំងឺឆ្លងឆ្នាំ២០១៥ (2015 Communicable Disease Act) នឹងក្លាយជាច្បាប់គ្រប់គ្រងជំងឺឆ្លង ដើម្បីដោះស្រាយការផ្ទុះឡើងនៃ COVID-19 ជំនួសឱ្យក្រឹត្យគ្រាអាសន្នស្តីពីការគ្រប់គ្រងសាធារណៈក្នុងស្ថានភាពអាសន្ន ដែលបានអនុវត្តចាប់តាំងពីថ្ងៃទី២៤ ខែមីនា ឆ្នាំ២០២០ តរៀងមក។ លោក Udom បានបន្ថែមថា បច្ចុប្បន្ននេះប្រទេសថៃមានអ្នកជំងឺ COVID-19 ប្រមាណ ៧០,០០០នាក់ ដែលបានបញ្ជាក់ទាំងនៅក្នុងមន្ទីរពេទ្យ ឬនៅដាច់ដោយឡែក ហើយពួកគេភាគច្រើនមានរោគសញ្ញាតិចតួច ឬគ្មានសោះ៕ ផ្តល់សិទ្ធិដោយ៖ ខ្មែរណូត

រដ្ឋាភិបាល​សហរដ្ឋ​អាមេរិក ​បាន​ប្រកាស​ផ្តល់​ជំនួយ​យោធា​បន្ថែម​សម្រាប់​អ៊ុយក្រែន ​ដែល​មាន​តម្លៃ​រហូត​ដល់​ទៅ ៧៧៥ លាន​ដុល្លារ ហើយកញ្ចប់នោះនឹងរួមមាន៖ គ្រាប់ផ្ទុះសម្រាប់ប្រព័ន្ធកាំភ្លើងធំចល័តទំនើប HIMAR, រថក្រោះកាំភ្លើងធំ Howitzer ចំនួន ១៦គ្រឿង រួមជាមួយគ្រាប់ ៣៦,០០០ ដុំ សម្រាប់រថក្រោះ និងមីស៊ីលប្រឆាំងវិទ្យុសកម្ម មានល្បឿនលឿន ដែលកំណត់គោលដៅលើប្រព័ន្ធរ៉ាដា។ រដ្ឋមន្ត្រីការបរទេសអាមេរិក លោក Antony Blinken បាននិយាយថា៖«ភាពក្លាហាន និងភាពរឹងមាំ នៃយោធារបស់អ៊ុយក្រែន និងប្រជាជនរបស់ពួកគេ គឺអស្ចារ្យមិនធម្មតា ហើយសហរដ្ឋអាមេរិកនឹងបន្តផ្តល់ប្រព័ន្ធ និងសមត្ថភាពបន្ថែមសម្រាប់អ៊ុយក្រែន»។ ប្រធានាធិបតីអ៊ុយក្រែនលោក Volodymyr Zelenskyy ក៏បានសរសេរនៅលើ Twitter កាលពីថ្ងៃសុក្រ ដើម្បីថ្លែងអំណរគុណដល់ប្រធានាធិបតីអាមេរិកលោក ចូ បៃដិន សម្រាប់ការសម្រេចចិត្តនេះ។ គាត់បាននិយាយថា៖«យើងបានបោះជំហានសំខាន់មួយទៀត ដើម្បីកម្ចាត់ពួកឈ្លានពាន» ដោយបន្ថែមថា អ៊ុយក្រែននឹងមានសេរីភាព។ ចំណែកឯរោងចក្រថាមពលនុយក្លេអ៊ែរ Zaporizhzhia នៅភាគអាគ្នេយ៍អ៊ុយក្រែន ដែលស្ថិតក្រោមការគ្រប់គ្រងរបស់រុស្ស៊ី ក៏នៅតែស្ថិតក្រោមការបាញ់ផ្លោងម្តងហើយម្តងទៀត ចាប់តាំងពីដើមខែសីហា ខណៈអ៊ុយក្រែន និងរុស្ស៊ី បានចោទប្រកាន់គ្នាទៅវិញទៅមក ចំពោះការវាយប្រហារទាំងនោះ៕ ផ្តល់សិទ្ធិដោយ៖ […]