(គូឡាឡាំពួ)៖ នាយករដ្ឋមន្ត្រីម៉ាឡេស៊ី លោក Anwar Ibrahim បានច្រានចោលការចោទប្រកាន់អំពីការជ្រៀតជ្រែកចូលជម្លោះព្រំដែនរបស់ថៃជាមួយកម្ពុជា ដោយប្រកាន់ខ្ជាប់ថាម៉ាឡេស៊ីគឺជួយ សម្របសម្រួលឱ្យមានកិច្ចចរចារវាងប្រទេសទាំង២ តែប៉ុណ្ណោះ។ នេះបើតាមការចេញផ្សាយដោយសារព័ត៌មាន CNA។ ថ្លែងនៅឯសន្និសីទសារព័ត៌មានកាលពីថ្ងៃសៅរ៍ ទី២២ ខែវិច្ចិកា ក្នុងទីក្រុង Johannesburg ប្រទេសអាហ្វ្រិកខាងត្បូងជាទីដែលរូបលោកចូលរួមកិច្ចប្រជុំកំពូល G20 ក្នុងឆ្នាំនេះ លោក Anwar បានគូសបញ្ជាក់ដូច្នេះថា «ខ្ញុំសូមបញ្ជាក់ឱ្យច្បាស់។ ដំបូងគេបំផុតក្នុងនាមជាអ្នកជិតខាង ជាការពិតណាស់យើងមានការព្រួយបារម្ភពីជម្លោះ ប៉ុន្តែយើងមិនបានលូកដៃចូលពាក់ព័ន្ធនោះទេ»។ លោក បន្ថែមថាម៉ាឡេស៊ីបានត្រឹមជួយសម្របសម្រួលឱ្យមានកិច្ចចរចារវាងកម្ពុជា និងថៃប៉ុណ្ណោះ ដើម្បីសម្រេចឱ្យបាននូវការផ្សះផ្សា និងស្វែងរកដំណោះស្រាយសម្រាប់ជម្លោះរវាងប្រទេសទាំង២។ តាមលោក Anwar កម្ពុជា និងថៃបានចាត់ទុកម៉ាឡេស៊ីជាមិត្ត ហើយម៉ាឡេស៊ីក៏មិនបានផ្ដល់ការណែនាំ ឬវិធីសាស្ត្រពិសេសថាតើកម្ពុជា និងថៃត្រូវដោះស្រាយបញ្ហាដោយរបៀបណានោះដែរ។ គួរបញ្ជាក់ថា ការអត្ថាធិប្បាយរបស់លោក Anwar ធ្វើឡើងបន្ទាប់ពីក្រុមបាតុករថៃបានប្រមូលផ្ដុំគ្នាធ្វើបាតុកម្មតវ៉ានៅខាងមុខស្ថានទូតម៉ាឡេស៊ី ក្នុងទីក្រុងបាងកក ដោយចោទប្រកាន់រូបលោកថា បានបំពានលើតួនាទីជាប្រធានអាស៊ាន និងលូកលាន់កិច្ចការរបស់ថៃដើម្បីការពារអធិបតេយ្យរបស់ខ្លួន៕ ផ្ដល់សិទ្ធិដោយ៖ Freshnews

(វ៉ាស៊ីនតោន)៖ រដ្ឋមន្ត្រីការបរទេសអាមេរិក លោក Marco Rubio កាលពីថ្ងៃសៅរ៍ ទី២២ ខែវិច្ឆិកា បាននិយាយថាសំណើ២៨ចំណុចសម្រាប់ផែនការបិទបញ្ចប់សង្រ្គាមនៅអ៊ុយក្រែន ដែលត្រូវបានបណ្ដាប្រព័ន្ធផ្សព្វផ្សាយជាច្រើនចុះផ្សាយយ៉ាងព្រោងព្រាតនៅក្នុងសប្ដាហ៍នេះ គឺពិតជាត្រូវបានព្រាងឡើងដោយសហរដ្ឋអាមេរិកប្រាកដមែន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ នៅក្នុងការបង្ហោះមួយលើបណ្ដាញទំនាក់ទំនងសង្គម X លោក Rubio បានគូសបញ្ជាក់ថា «ផែនការនោះបានផ្ដល់នូវក្របខណ្ឌការងារដ៏រឹងមាំសម្រាប់កិច្ចចរចាដែលកំពុងធ្វើឡើង ហើយវាជាមូលដ្ឋានផ្អែកលើគំនិតពីខាងភាគីរុស្ស៉ី ប៉ុន្តែវាក៏ផ្អែកលើគំនិតកន្លងមក និងកំពុងស្ថិតក្នុងកិច្ចចរចាពីភាគីអ៊ុយក្រែនផងដែរ»។ គួរបញ្ជាក់ថា ការកត់សម្គាល់បែបនេះរបស់លោក Rubio ធ្វើឡើងបន្ទាប់ពីសមាជិកព្រឹទ្ធសភាអាមេរិក លោក Mike Rounds មកពីគណបក្សសាធាណរដ្ឋ បានប្រាប់ក្រុមអ្នកសារព័ត៌មាននៅឯសន្និសីទមួយកាលពីថ្ងៃសៅរ៍ថាលោក Rubio បានហៅទូរស័ព្ទមកកាន់រូបលោក និងសមាជិកព្រឹទ្ធសភាអាមេរិកមួយចំនួនទៀត ហើយបាននិយាយថាផែនការសន្តិភាពថ្មីជាសំណើមួយដែលសហរដ្ឋអាមេរិកទទួលបាន និងបញ្ជូនបន្តទៅកាន់អ៊ុយក្រែន។ ពោលគឺផែនការនេះមិនមែនព្រាងឡើងដោយអាមេរិក នោះទេ៕ ផ្ដល់សិទ្ធិដោយ៖ Freshnews

(ហាណូយ)៖ ក្រសួងបរិស្ថានវៀតណាម នៅថ្ងៃអាទិត្យ ទី២៣ ខែវិច្ឆិកា បានឱ្យដឹងថាចំនួនអ្នកស្លាប់ដោយសារគ្រោះទឹកជំនន់បានកើនដល់ ៩០នាក់ និង១២នាក់បានបាត់ខ្លួន បន្ទាប់ពី មានភ្លៀងធ្លាក់ខ្លាំងជាច្រើនថ្ងៃ និងគ្រោះរអិលបាក់ដី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ក្នុងសេចក្ដីថ្លែងការណ៍មួយ ក្រសួងបរិស្ថានវៀតណាមបានបញ្ជាក់ទៀតថាក្នុងចំណោមអ្នកស្លាប់ទាំងអស់ មាន ៦០នាក់ដែលបានស្លាប់ចាប់តាំងពីថ្ងៃទី១៦​ ខែវិច្ឆិកាមកត្រូវបានរាយការណ៍ នៅក្នុងខេត្ត Dak Lak ជាទីដែលផ្ទះរាប់ម៉ឺនខ្នងត្រូវបានជន់លិច។ ភ្លៀងធ្លាក់ឥតឈប់ឈរបានវាយប្រហារលើតំបន់ភាគខាងត្បូង និងភាគកណ្ដាលនៃប្រទេសវៀតណាម ចាប់តាំងពី ចុងខែតុលាមកម្ល៉េះ ហើយតំបន់គោលដៅទេសចរណ៍ជាច្រើនត្រូវបានជន់លិចដោយទឹកជំនន់។ ក្រសួងបរិស្ថានវៀតណាម ក៏បានវាយតម្លៃដែរថាការខាតបង់ផ្នែកសេដ្ឋកិច្ចអាចមាន ដល់ទៅ ៣៤៣លានដុល្លារ នៅទូទាំងខេត្តចំនួន៥ ដែលរងគ្រោះដោយសារទឹកជំនន់។ គួរបញ្ជាក់ថា បើតាមតួលេខពីរដ្ឋាភិបាលវៀតណាម គ្រោះធម្មជាតិបានធ្វើឱ្យមនុស្ស ២៧៩នាក់ បានស្លាប់ ឬបាត់ខ្លួន និងបង្កជាការខូចខាតគិតជាទឹកប្រាក់ប្រហែលជា ២ពាន់លានដុល្លារ នៅចន្លោះពីខែមករា ដល់ខែតុលា៕ ផ្ដល់សិទ្ធិដោយ៖ Freshnews

(JOHANNESBURG)៖ កិច្ចប្រជុំកំពូលបណ្តាមេដឹកនាំនៃក្រុមប្រទេស G20 នៅអាហ្រ្វិកខាងត្បូង បានអនុម័តសេចក្តីប្រកាសមួយដែលដោះស្រាយវិបត្តិអាកាសធាតុ និងបញ្ហាប្រឈមសកលផ្សេងទៀត នាថ្ងៃសៅរ៍ ទី២២ ខែវិច្ឆិកា ដោយគ្មានការចូលរួមពីសហរដ្ឋអាមេរិក។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។ បេសកជន G20 បានរៀបចំសេចក្តីព្រាងរបស់មេដឹកនាំកាលពីថ្ងៃសុក្រ ដោយគ្មា នការចូលរួមពីសហរដ្ឋអាមេរិក។សេចក្តីប្រកាសនេះ សង្កត់ធ្ងន់លើភាពធ្ងន់ធ្ងរនៃការប្រែប្រួលអាកាសធាតុ និងតម្រូវការសម្របខ្លួនឱ្យកាន់តែប្រសើរឡើង កោតសរសេីរគោលដៅប្រកបដោយមហិច្ឆិតាក្នុងការជំរុញថាមពលកកើតឡើងវិញ និងកត់សម្គាល់កម្រិតទណ្ឌកម្មនៃសេវាបំណុលដែលរងគ្រោះដោយប្រទេសក្រីក្រ។ ប្រធានាធិបតីអាហ្រ្វិកខាងត្បូង លោក Cyril Ramaphosa ដែលជាម្ចាស់ផ្ទះនៃកិច្ចប្រជុំ G20 នៅទីក្រុង Johannesburg បាននិយាយថា «មានការយល់ស្របយ៉ាងលើសលប់លេីសេចក្តីប្រកាសនៃកិច្ចប្រជុំកំពូល»។ តាមអ្នកនាំពាក្យប្រធានាធិបតីអាហ្រ្វិកខាងត្បូង «យេីងមានពេលពេញមួយឆ្នាំ សម្រាប់ធ្វេីការឆ្ពោះទៅសេចក្តីប្រកាសនេះ ហើយសប្តាហ៍កន្លងមកមានសភាពតឹងតែងតឹង»។ ដោយសេចក្តីប្រកាសរួមសរសេរថា សហរដ្ឋអាមេរិកជំទាស់ អ្នកនាំពាក្យរូបនេះបន្ថែមថា មិនអាចមានការចរចាឡេីងវិញទេ។ គួរបញ្ជាក់ថា សហរដ្ឋអាមេរិកនឹងធ្វើជាម្ចាស់ផ្ទះ G20 នាឆ្នាំ ២០២៦​ ហេីយលោក Ramaphosa បានច្រានចោលសំណើក្នុងការចាត់ឱ្យឯកអគ្គរដ្ឋទូតអាមេរិក មកទទួលតំណែងប្រធានប្តូរវេន G20៕ ផ្ដល់សិទ្ធិដោយ៖ Freshnews

(មូស្គូ)៖ កាលពីថ្ងៃសុក្រ ទី២១ ខែវិច្ឆិកា ប្រធានាធិបតីរុស្ស៉ី លោក វ៉្លាឌីមៀ ពូទីន បាននិយាយថា សំណើរបស់សហរដ្ឋអាមេរិក​សម្រាប់សន្តិភាពនៅអ៊ុយក្រែន អាចដើរតួជាមូលដ្ឋានគ្រឹះ នៃដំណោះស្រាយសម្រាប់ជម្លោះបាន ប៉ុន្តែប្រសិនបើទីក្រុងកៀវបដិសេធ នោះកងកម្លាំងរុស្ស៉ីនឹងបន្តឆ្ពោះទៅមុខកាន់តែខ្លាំង។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters។ ប្រធានាធិបតីអាមេរិក លោក ដូណាល់ ត្រាំ បានប្រាប់ឱ្យដឹងថា រូបលោកទុកពេលឱ្យអ៊ុយក្រែន ដល់ថ្ងៃព្រហស្បតិ៍សប្តាហ៍ក្រោយ ដើម្បីទទួលយកផែនការសន្តិភាពរបស់សហរដ្ឋអាមេរិក ដែលគាំទ្រលក្ខខណ្ឌទាមទារសំខាន់ៗរបស់រុស្ស៉ី ស្តីពី NATO ទឹកដី និង​កម្លាំងយោធារបស់អ៊ុយក្រែន។ លោក ពូទីន បាននិយាយថា បើតាមការយល់ឃើញរបស់លោក គឺផែនការសន្តិភាពខាងលើ អាចប្រើប្រាស់ជាមូលដ្ឋានគ្រឹះ សម្រាប់ដំណោះស្រាយដោយសន្តិវិធីចុងក្រោយមួយ។ លោកប្រធានាធិបតីរុស្ស៉ី បានបន្ថែមថា ផែនការសន្តិភាព២៨ចំណុចនេះ មិនទាន់ត្រូវបានពិភាក្សាលម្អិតជាមួយអាមេរិកនៅឡើយទេ ប៉ុន្តែទីក្រុងមូស្គូទទួលបានឯកសារចម្លងរបស់វា។ ជាចុងក្រោយ លោក ពូទីន បានសង្កត់ធ្ងន់ថា ទីក្រុងកៀវនិងក្រុមមហាអំណាចនៅអឺរ៉ុប ហាក់នៅតែមិនទាន់យល់ច្បាស់ អំពីការពិតជាក់ស្តែងដែលថា កងកម្លាំងរបស់រុស្ស៉ី កំពុងទទួលបានភាពរីកចម្រើនលើសមរភូមិនៅអ៊ុយក្រែន ហើយនឹងបន្តថែមទៀត លុះត្រាតែមានសន្តិភាព។ លោក ពូទីន បាននិយាយថា […]

(ហ្សាការតា)៖ អាជ្ញាធរឥណ្ឌូណេស៊ីបានជម្លៀសមនុស្ស៩០០នាក់ និងបានជួយសង្រ្គោះអ្នកឡើងភ្នំ១៧០នាក់ដោយសុវត្ថិភាព នៅថ្ងៃព្រហស្បតិ៍ ទី២០ ខែវិច្ឆិកា បន្ទាប់ពីភ្នំភ្លើង Semeru បានផ្ទុះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ការប្រកាសអាសន្នកម្រិតខ្ពស់នៅតែបន្តអនុវត្តដដែល បន្ទាប់ពីភ្នំភ្លើង Semeru នៅលើកោះជ្វាបានផ្ទុះ ១០ដង កាលពីថ្ងៃពុធម្សិលមិញ ដោយបញ្ចេញផេះ និងកម្អែភ្នំភ្លើងព្រមទាំងដុំថ្ម។ ភ្នំភ្លើង Semeru បានផ្ទុះលើកចុងក្រោយបំផុតកាលពីខែធ្នូ ឆ្នាំ២០២១ ហើយនៅពេលនោះមានមនុស្ស៥១នាក់បានស្លាប់ រីឯភូមិជាច្រើននៅក្បែរត្រូវបានគ្របដណ្ដប់ដោយផេះ។ Semeru ដែលមានកម្ពស់ ៣៦៧៦ម៉ែត្រ គឺជាភ្នំភ្លើងមួយស្ថិតនៅក្នុងចំណោមភ្នំភ្លើងសកម្មទាំង១៣០របស់ឥណ្ឌូណេស៊ីដែលមានទីតាំងភូមិសាស្ត្រស្ថិតនៅលើខ្សែក្រវាត់ភ្នំភ្លើងប៉ាស៊ីហ្វិក និងតែងតែជួបប្រទះបន្ទុះភ្នំភ្លើង និងគ្រោះរញ្ជួយដីជាញឹកញប់៕ ផ្ដល់សិទ្ធិដោយ៖ Fresh News

(បាងកក)៖ ប្រព័ន្ធផ្សព្វផ្សាយក្នុងស្រុកនៅប្រទេសថៃ ដូចជា Amarin TV, Siamrath, និង INN News ជាដើម បានរាយការណ៍ថា ក្រុមជាតិនិយមជ្រុលថៃ កំពុងគ្រោងរៀបចំធ្វើការបាតុកម្ម នាថ្ងៃសៅរ៍ ទី២២ ខែវិច្ឆិកា ឆ្នាំ២០២៥ នៅឯស្ថានទូតម៉ាឡេស៉ី ព្រមទាំងនៅស្ថានទូតសហរដ្ឋអាមេរិក ដើម្បីសម្តែងការតវ៉ា ចំពោះមុខបញ្ហាវិវាទ​​រវាងប្រទេសថៃ និងកម្ពុជា។ ក្រុមជាតិនិយមជ្រុលថៃ បាននិយាយថា ក្រៅពីស្ថានទូតម៉ាឡេស៉ី ពួកគេក៏គ្រោងនឹងទៅសម្តែងការតវ៉ាដូចគ្នា នៅស្ថានទូតរបស់សហរដ្ឋអាមេរិក ក្នុងទីក្រុងបាងកកផងដែរ ដើម្បីទាមទារឱ្យប្រធានាធិបតី លោក ដូណាល់ ត្រាំ បញ្ឈប់នូវអ្វីដែលពួកគេយល់ឃើញថា ជាការលូកលាន់ជ្រៀតជ្រែកកិច្ចការផ្ទៃក្នុង និងការប្រើប្រាស់ពន្ធគយជាឧបករណ៍ដាក់សម្ពាធ​លើរដ្ឋាភិបាលថៃ។ ក្រុមជាតិនិយមជ្រុលថៃ បានអំពាវនាវឱ្យពលរដ្ឋថៃទាំងអស់ ចូលរួមបង្ហាញសាមគ្គីភាព ជាមួយការធ្វើបាតុកម្មជានិមិត្តរូបនេះ តាមរយៈការបិទ និងដោតទង់ជាតិតាមយានជំនិះ និងផ្ទះរបស់ពួកគេ ដើម្បីគាំទ្រអធិបតេយ្យរបស់ប្រទេសថៃ ប្រឆាំងការជ្រៀតជ្រែក​របស់ម៉ាឡេស៉ីនិងសហរដ្ឋអាមេរិក ក្នុងបញ្ហាជម្លោះថៃ-កម្ពុជា៕ ផ្ដល់សិទ្ធិដោយ៖ Fresh News

(ភ្នំពេញ)៖ ក្រុមហ៊ុនអាកាសចរណ៍ Turkish Airline នឹងចាប់ផ្តើមបើកការហោះហើរត្រង់ពីទីក្រុង Istanbul មកកាន់រាជធានីភ្នំពេញ ចាប់ពីថ្ងៃទី១១ ខែធ្នូ ឆ្នាំ២០២៥ខាងមុខនេះ បន្ទាប់មើលឃើញពីសក្តានុពលទេសចរណ៍ដ៏ខ្លាំងក្លាដែលជាទីផ្សារទើបនឹងរះភ្លឺចែងចាំងក្រោមម្លប់សុខសន្តិភាព។ នេះបើតាមមន្រ្តីជាន់ខ្ពស់នៃអាកាសចរណ៍ស៊ីវិល។ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានឱ្យដឹងថា ការតភ្ជាប់ជើងហោះហើរថ្មីបន្ថែមមួយទៀតនេះ គឺជាសមិទ្ធផលថ្មីក្រោមការដឹកនាំតម្រង់ទិសដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងក្រោមការខិតខំប្រឹងរបស់រដ្ឋលេខាធិការដ្ឋានអាកាសចរណ៍ស៉ីវិល ក្រសួងទេសចរណ៍ និងស្ថាប័នពាក់ព័ន្ធ​​។ ​ការទាក់ទាញបាននូវជើងហោះហើរពីទីក្រុង Istanbul ​គឺក្រោយមានវត្តមានអាកាសយានដ្ឋានអន្តរជាតិតេជោដ៏ទំនើប ​ដែលជាសមិទ្ធិផលដ៏ធំធេងរបស់រាជរដ្ឋាភិបាលកម្ពុជា។ បើតាមអ្នកនាំពាក្យអាកាសចរណ៍ស៊ីវិល ការហោះហើរត្រង់នេះ បង្កឱ្យមានលក្ខណៈងាយស្រួលក្នុងការតភ្ជាប់ទៅតំបន់អឺរ៉ុប តាមរយៈទីក្រុង Istanbul ប្រទេសតួកគីយ៉េ ដែលជាមជ្ឈមណ្ឌលនៃការតភ្ជាប់ទៅកាន់បណ្តាប្រទេសនៅអឺរ៉ុប យ៉ាងងាយស្រួល។ ការសម្រេចបើកការហោះហើរត្រង់ពីទីក្រុង Istanbul នៃសាធារណរដ្ឋតួកគីយ៉េ មកកាន់អាកាសយានដ្ឋានអន្តរជាតិតេជោ​ នឹងជួយឱ្យកំណើនអ្នកដំណើរ និងភ្ញៀវទេសចរអន្តរជាតិមកកម្ពុជា កាន់តែច្រើនឡើងបន្ថែមទៀត តាមរយៈការតភ្ជាប់ជាមួយក្រុមហ៊ុនអាកាសចរណ៍ ដែលហោះហើរដល់គោលដៅជាង ៣៥០កន្លែងដល់ប្រទេសចំនួន ១៣០ប្រទេសជុំវិញពិភពលោក ហើយកម្ពុជាជាគោលដៅប្រទេសទី៧ នៅតំបន់អាស៊ីអាគ្នេយ៍ (អាស៊ាន) ​និងជាគោលដៅទី១១ នៅក្នុងតំបន់អាស៊ី ដែលក្រុបហ៊ុនបានបើកប្រតិបត្តិការភ្ជាប់ការហោះហើរជាមួយ​៕ […]

(កៀវ)៖ កាលពីថ្ងៃសៅរ៍ ទី១៥ ខែវិច្ឆិកា ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានអំពាវនាវសាជាថ្មី នូវការចង់បានប្រព័ន្ធការពារដែនអាកាសបន្ថែមទៀតពីសម្ព័ន្ធមិត្ត មួយថ្ងៃបន្ទាប់ពីការវាយប្រហារតាមផ្លូវអាកាសរបស់រុស្ស៉ី បានផ្តាច់ជីវិតមនុស្ស៧នាក់នៅរដ្ឋធានីកៀវ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ ការអំពាវនាវថ្មីចុងក្រោយនេះរបស់លោកប្រធានាធិបតីអ៊ុយក្រែន គឺក្រោយពេលមីស៉ីលនិងដ្រូនរបស់រុស្ស៉ី បានវាយប្រហារចំ​អគារស្នាក់នៅមួយចំនួន ក្នុងទីក្រុងកៀវកាលពីថ្ងៃសុក្រ។ លោក ហ្សេលេនស្គី បាននិយាយយ៉ាងដូច្នេះថា «អ៊ុយក្រែនត្រូវការការគាំទ្រ ដែលជួយសង្រ្គោះអាយុជីវិត គឺប្រព័ន្ធការពារដែនអាកាសបន្ថែម សមត្ថភាពការពារខ្លួនបន្ថែម និងការប្តេជ្ញាខ្លាំងជាងមុន ពីសំណាក់ដៃគូរបស់យើង»។ បើតាមលោក ហ្សេលេនស្គី កាលពីថ្ងៃសៅរ៍ ក៏មានមនុស្ស៤នាក់ស្លាប់ផងដែរ ក្នុងការវាយប្រហាររបស់រុស្ស៉ី លើតំបន់ភាគខាងត្បូងអ៊ុយក្រែន។ គួរបញ្ជាក់ថា ចាប់តាំងពីសង្រ្គាមផ្ទុះឡើង កាលពីខែកុម្ភៈ ឆ្នាំ២០២២ ក្រៅពីទប់ទល់ការពារខ្លួន អ៊ុយក្រែនបានចាប់ផ្តើមប្រើប្រាស់​មីស៉ីលនិងដ្រូន វាយប្រហារតបតវិញតាមផ្លូវអាកាសលើរុស្ស៉ី។ សង្រ្គាមរវាងប្រទេសទាំងពីរ បានបន្តអូសបន្លាយអស់រយៈពេលជិត ៤ឆ្នាំហើយ ខណៈកិច្ចប្រឹងប្រែងការទូត ដើម្បីបិទបញ្ចប់ជម្លោះ កំពុងជាប់គាំង៕ ផ្ដល់សិទ្ធិដោយ៖ Freshnews

(ប៉េកាំង)៖ កងឆ្មាំសមុទ្ររបស់ចិន បានឱ្យដឹងក្នុងសេចក្តីថ្លែងការណ៍មួយថា នាវាមួយក្រុមរបស់ខ្លួន បានបើកឆ្លងកាត់ដែនទឹក នៅក្បែរទីប្រជុំកោះ Senkaku គ្រប់គ្រងដោយជប៉ុន នាថ្ងៃអាទិត្យនេះ ស្របពេលដែលទីក្រុងប៉េកាំង កំពុងកើនឡើងភាពតានតឹងជាមួយទីក្រុងតូក្យូ ដោយសារតែសម្តីរបស់នាយករដ្ឋមន្រ្តីជប៉ុន អំពីតៃវ៉ាន់។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃអាទិត្យ ទី១៦ ខែវិច្ឆិកា ឆ្នាំ២០២៥។ ជម្លោះការទូតរវាងចិននិងជប៉ុន បាននិងកំពុងកើនឡើងកម្តៅ ចាប់តាំងពីនាយករដ្ឋមន្រ្តីជប៉ុន លោកស្រី Sanae Takaichi បានថ្លែងប្រាប់ទៅកាន់សភាជប៉ុនកាលពីថ្ងៃទី៧ ខែវិច្ឆិកា ថាក្នុងករណីចិនបើកការវាយប្រហារលើតៃវ៉ាន់ គឺអាចនឹងនាំឱ្យមានការឆ្លើយតបយោធា​ពីសំណាក់ប្រទេសជប៉ុន។ ការអត្ថាធិប្បាយនោះ បានបង្កឱ្យទីក្រុងប៉េកាំងមិនពេញចិត្តជាខ្លាំង ហើយចង់ឱ្យលោកស្រី Takaichi ដកសម្តីវិញ។ ចិនចាត់ទុកតៃវ៉ាន់ជាផ្នែកនៃទឹកដីរបស់ខ្លួន ហើយមិនដែលបោះបង់ជម្រើសនៃការប្រើកម្លាំង ដើម្បីគ្រប់គ្រងដែនកោះនេះឡើយ។ ដោយឡែក ពាក់ព័ន្ធទីប្រជុំកោះ Senkaku ដែលទីក្រុងប៉េកាំងហៅថា Diaoyu គឺជាកន្លែងដែលជប៉ុននិងចិន បានប្រឈមមុខ​ដាក់គ្នាជាច្រើនលើក នាពេលកន្លងមក។ គួរបញ្ជាក់ថា ចំពោះមុខការកើនឡើងភាពតានតឹង ដោយសារសម្តីលោកស្រី Takaichi ទីក្រុងប៉េកាំង ក្នុងសប្តាហ៍នេះ បានកោះហៅឯកអគ្គរាជទូតជប៉ុន ជាលើកដំបូងក្នុងរយៈពេលជាង២ឆ្នាំ ហើយក្រសួងការពារជាតិចិន បានប្រកាសថា […]