(ភ្នំពេញ)៖ នៅព្រឹកថ្ងៃពុធ ១០រោច ខែពិសាខ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែឧសភា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញសម្ពោធសមិទ្ធផលកំណែទម្រង់វិទ្យាស្ថានជាតិអប់រំ និងប្រគល់សញ្ញាបត្រជូននិស្សិត និងគរុនិស្សិត នៃវិទ្យាស្ថានជាតិអប់រំ។ វិទ្យាស្ថានជាតិអប់រំ គឺជាគ្រឹះស្ថានបណ្តុះបណ្តាលគ្រូបង្រៀន ដែលមានអាយុកាល១១១ឆ្នាំមកហើយ និងបានដើរតួនាទីជាប្រវត្តិសាស្ត្រក្នុងការ បណ្តុះបណ្តាល​គ្រូបង្រៀននៅក្នុងប្រទេសកម្ពុជា។ ស្ថិតនៅចំកណ្តាល​រាជធានីភ្នំពេញ វិទ្យាស្ថានជាតិអប់រំ គឺជាអង្គភាពមួយក្រោមឱវាទ ក្រសួងអប់រំ យុវជន និងកីឡា ដែលផ្តល់ការបណ្តុះបណ្តាលដំបូង និងការបណ្តុះបណ្តាលបន្តដល់គ្រូបង្រៀន កម្រិតមធ្យមសិក្សា និងការអភិវឌ្ឍវិជ្ជាជីវៈជាប្រចាំ សម្រាប់គ្រូបង្រៀន អ្នកដឹកនាំសាលារៀន អធិការអប់រំ និងមន្ត្រីអប់រំ នៅថ្នាក់ជាតិនិងថ្នាក់ក្រោមជាតិ។ វិទ្យាស្ថាននេះត្រូវបាន ផ្លាស់ប្ដូរឈ្មោះ និងភារកិច្ចជាបន្តបន្ទាប់ទៅ​តាមការវិវត្តនៃដំណាក់កាលសង្គម និងនយោបាយរបស់កម្ពុជា។ នៅឆ្នាំ២០០៤ រាជរដ្ឋាភិបាល បានសម្រេចប្រែក្លាយសាលា​បណ្តុះបណ្តាលគ្រូនេះទៅវិទ្យាស្ថានជាតិអប់រំមានឋានៈស្មើអគ្គនាយកដ្ឋាន និងមានបេសកកម្ម បណ្តុះបណ្តាលជាច្រើនកម្មវិធី រួមមាន៖ ១). បណ្តុះបណ្តាល គ្រូ​បង្រៀន​កម្រិតឧត្តមតាមរូបមន្ត (បរិញ្ញាបត្រ+១ និងបរិញ្ញាបត្រ+២), ២). បណ្តុះបណ្តាលគ្រូបង្រៀនកម្រិតមូលដ្ឋានភាសាបារាំងតាមរូបមន្ត (១២+២), […]

ក្នុងឱកាសនៃយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ របស់មូលនិធិគន្ធបុប្ផាកម្ពុជា លោក ម៉ាន់ វណ្ណដា តារាចម្រៀងដ៏ល្បីនៅកម្ពុជា បានបរិច្ចាគថវិកាចំនួន ១០ លានរៀល ក្នុងស្មារតី “ខ្មែរជួយខ្មែរ” ចូលរួមរក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផាដែលកំពុងមានបេសកកម្មជួយសង្រ្គោះជីវិត ទារក និងកុមារនៅកម្ពុជា រាប់លាននាក់ ដោយមិនគិតថ្លៃ។ នេះបើយោងតាមការចុះផ្សាយរបស់ផេកផ្លូវការ មូលនិធិគន្ធបុប្ផាកម្ពុជា – Cambodia Kantha Bopha Foundation នាល្ងាចថ្ងៃទី២០ ខែឧសភា ឆ្នាំ២០២៥ នេះ។ ជាមួយគ្នានេះដែរ ដើម្បីចូលរួមគាំទ្រ យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥, សូមបរិច្ចាគតាមរយៈលេខគណនីរបស់មូលនិធិនៅគ្រឹះស្ថានហិរញ្ញវត្ថុទាំង ១៦ ដែលជាដៃគូរ (ដូចមានក្នុងរូបភាពជូនភ្ជាប់) ឬតាមរយៈគណនីរបស់មូលនិធិគន្ធបុប្ផាកម្ពុជា នៅធនាគារអេស៊ីលីដា លេខ ០០០១-០៣៤១២៧៣៨១៣ សម្រាប់ប្រាក់រៀល និង ០០០១-០៣៤១២៧៣៨២៤ សម្រាប់ប្រាក់ដុល្លារអាម៉េរិក ឬតាមរយៈ QR Code ដូចមានក្នុងរូបភាពខាងក្រោម។ សម្រាប់ព័ត៌មានបន្ថែម, សូមធ្វើការទំនាក់ទំនងលេខទូរសព្ទ៖ ០៩៩ ៣៣៣ ១៣៣, […]

(កំពង់ស្ពឺ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងអំពាវនាវដល់វិនិយោគិនទាំងអស់ជ្រើសរើសយកកម្ពុជាជាគោលដៅសម្រាប់ការវិនិយោគ ដោយកម្ពុជារក្សា​បាននូវភាគលាភ​នៃសុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ច ហើយរាជរដ្ឋាភិបាលនឹងបន្តទទួលស្វាគមន៍ និងផ្តល់កិច្ចសហ​ប្រតិ​បត្តិការជានិច្ចចំពោះគម្រោងវិនិយោគ​ដែលនឹងជួយជំរុញកំណើន​សេដ្ឋកិច្ចកម្ពុជា។ សម្តេចមហាបវរធិបតី ហ៊ុន ម៉ាណែត បានថ្លែងដូចនេះនៅព្រឹកថ្ងៃទី២០ ខែឧសភា ឆ្នាំ២០២៥នេះ នាឱកាសដែលសម្តេចអញ្ជើញសម្ពោធដាក់ឱ្យដំណើរការរោងចក្រផលិតស៊ីម៉ងត៍ របស់ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក ស្ថិតនៅតំបន់ហោងសំណំ ក្នុងភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺ។ ថ្លែងនាឱកាសនោះសម្តេចមហាបវរធិបតី ហ៊ុន ម៉ាណែត បានបញ្ជាក់ថា ជាមួយនឹងអត្ថប្រយោជន៍ជាច្រើនក្នុងការវិនិយោគផលិតផលស៊ីម៉ងត៍ សូមជំរុញឱ្យក្រសួងរ៉ែ និងថាមពល និងសហគមឧស្សាហកម្ម​ស៊ីម៉ង់កម្ពុជា បន្តខិតខំស្វែងរកទីផ្សារបន្ថែមទៀតក្នុងការចេញផលិតផលស៊ីម៉ងត៍របស់កម្ពុជា ទៅកាន់ទីផ្សារអន្តរជាតិឱ្យបានច្រើន។ នាឱកាសនោះដែរដើម្បីជាការទាក់ទាញវិនិយោគិនឱ្យមកធ្វើការវិនិយោគនៅក្នុងប្រទេសកម្ពុជាឱ្យបានកាន់តែច្រើនទៀតនោះ សម្តេចមហាបវរធិបតី ហ៊ុន ម៉ាណែត បានថ្លែងដូចនេះទៀតថា «ខ្ញុំសូ​មអំពាវនាវ​ដល់វិនិយោគិន​សូមជ្រើសរើសយកកម្ពុជា ជាគោលដៅសម្រាប់ការវិនិយោគ ដោយកម្ពុជារក្សា​បាននូវភាគលាភនៃសុខសន្តិភាព, ស្ថិរភាពនយោបាយ និងម៉ាក្រូសេដ្ឋកិច្ច»។ សម្តេចមហាបវរធិបតី ហ៊ុន ម៉ាណែត ក៏បានថ្លែងទៀតថា រាជរដ្ឋាភិបាលនឹងបន្តទទួលស្វាគមន៍ និងផ្តល់កិច្ចសហ​ប្រតិ​បត្តិការជានិច្ចចំពោះគម្រោងវិនិយោគទាំងអស់ ជាពិសេសគម្រោងវិនិយោគ​ដែលនឹងជួយជំរុញកំណើន​សេដ្ឋកិច្ចកម្ពុជា ប្រកបដោយភាពធន់, […]

(ភ្នំពេញ)៖ លោកវេជ្ជបណ្ឌិត សួន សាមិត្ដ នាយកមន្ទីរពេទ្យជាតិ តេជោសន្ដិភាព បានថ្លែងប្រាប់បណ្តាញព័ត៌មាន Fresh News នៅថ្ងៃទី១៩ ខែឧសភា ឆ្នំា២០២៥នេះថា គិតត្រឹមពេលនេះមន្ទីរពេទ្យបានតៀមអគារ ចំនួន២ គ្រែជិត១ពាន់គ្រែ ដែលមានបំពាក់សម្ភារៈបរិក្ខារពេទ្យ អ៊ុកស៊ីសែន ឱសថ និងរថយន្ដគិលានសង្គ្រោះ រួមទាំងក្រុមគ្រូពេទ្យជំនាញរួចរាល់ ដើម្បីត្រៀមសង្គ្រោះ និងអន្ដរាគមន៍ជាបន្ទាន់បើមានករណីផ្ទុះរីករាលដាលនៃជំងឺកូវីដ-១៩ ថ្មី JN.1 ខណៈដែលកម្ពុជាបានរកឃើញករណីឆ្លងជំងឺកូវីដ-១៩ ប្រភេទថ្មីនេះ។ លោកបានបន្តថា «មកទល់នឹងពេលនេះ នៅកម្ពុជាយើងមិនទាន់មានអ្នកជំងឺកូវីដ១៩ មកសម្រាកព្យាបាលនៅមន្ទីរពេទ្យនៅឡើយទេ តែទោះជាយ៉ាងណា គឺយើងត្រូវត្រៀមលក្ខណៈជាស្រេចនេះ ហើយបើក្នុងករណីមានអ្នកជំងឺច្រើនយើងក៏មានគ្រែថ្មីៗរាប់ពាន់ ក៏ដូចជាសម្ភារៈគ្រប់គ្រាន់ សម្រាប់សង្គ្រោះជានិច្ច។ ការត្រៀមរៀបចំជាស្រេចនេះ បានធ្វើឡើងបន្ទាប់ពីទទួលបានអនុសាសន៍ពីលោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល»។ លោកវេជ្ជបណ្ឌិត សួន សាមិត្ដ បានបញ្ជាក់បន្ថែមថា ការត្រៀមលក្ខណៈជាស្រេចមិនមែនទើបតែរៀបចំពេលដែលកម្ពុជាបានរកឃើញករណីឆ្លងជំងឺកូវីដ-១៩ប្រភេទថ្មីនោះទេ គឺបានត្រៀមរួចរាល់ចាប់ពីមានការផ្ទុះរីករាលដាលខ្លាំងនៅតាមបណ្ដាប្រទេស​ ជាពិសេសនៅប្រទេសជិតខាងយើង។ សូមជម្រាបថា មន្ទីរពេទ្យជាតិ តេជោសន្ដិភាពនេះ បានសាងសង់ឡើងក្រោមគំនិតផ្តួចផ្តើមរបស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលមានចំណុះជិត ១ម៉ឺនគ្រែ […]

(ហាណូយ)៖ អាជ្ញាធរវៀតណាមបានឱ្យដឹងនៅថ្ងៃចន្ទ ទី១៩ ខែឧសភាថា គ្រោះរអិលបាក់ដីមួយកើតមានឡើងក្រោយទឹកជំនន់ នៅតំបន់ជួរភ្នំភាគខាងជើងប្រទេស បានផ្តាច់ជីវិតមនុស្ស៤នាក់ ហើយការព្យាករបានព្រមានថា នឹងបន្តមានភ្លៀងធ្លាក់ខ្លាំងថែមទៀត។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ គ្រោះរអិលបាក់ដីខាងលើ បានកើតឡើងកាលពីថ្ងៃអាទិត្យកន្លងទៅ នៅស្រុក Ba Be ខេត្ត Bac Kan បន្ទាប់ពីមានភ្លៀងធ្លាក់ជោគជាំ កាលពីថ្ងៃសៅរ៍។ ក្រោយហេតុការណ៍នោះ អាជ្ញាធរខេត្តបានណែនាំឱ្យប្រជាជនបង្កើនការប្រុងប្រយ័ត្នខ្ពស់ និងស្នើឱ្យពិនិត្យមើល​សុវត្ថិភាពជាបន្ទាន់ សម្រាប់សហគមន៍នៅតាមដងប្រឡាយ ទន្លេ ព្រមទាំងកន្លែងដទៃទៀត ដែលងាយរងគ្រោះបំណាក់ដី ហើយបើស្ថិត​ក្រោមហានិភ័យ ប្រជាជនចាំបាច់ត្រូវជម្លៀសទៅរកទីសុវត្ថិភាពភ្លាម។ ការព្យាករឧតុនិយមបានបង្ហាញថា ការធ្លាក់ភ្លៀងខ្លាំងនឹងបន្ត​នៅតំបន់ភាគខាងជើង និងភាគកណ្តាលប្រទេសវៀតណាម។ គួរបញ្ជាក់ថា វៀតណាមជាប្រទេសមួយ ងាយរងគ្រោះដោយសារព្យុះត្រូពិក ដែលជារឿយៗបង្កជាគ្រោះទឹកជំនន់និងបំណាក់ដី​ដ៏អាក្រក់ៗ ប៉ុន្តែពួកវាភាគច្រើនវាយប្រហារលើវៀតណាម នៅចន្លោះខែមិថុនា និងខែវិច្ឆិកា។ កាលពីឆ្នាំទៅមិញ មនុស្ស៥១៤នាក់ បានបាត់បង់ជីវិតនៅប្រទេសអាស៊ានមួយនេះ ដោយសារគ្រោះធម្មជាតិ ខណៈតួលេខនោះគឺខ្ពស់ជាងឆ្នាំ២០២៣ ដល់ទៅ៣ដង។ ហេតុផលចម្បងមួយ គឺដោយសារនៅខែកញ្ញា ឆ្នាំ២០២៤ តំបន់ភាគខាងជើងវៀតណាម បានរងការវាយប្រហារយ៉ាងធ្ងន់ធ្ងរបំផុត ដោយព្យុះទីហ្វុងឈ្មោះ Yagi ដែលបានសម្លាប់មនុស្សរហូតដល់៣៤៥នាក់ និងបង្កការខូចខាតផ្នែកសេដ្ឋកិច្ចទំហំប្រហែល […]

(កំពង់ស្ពឺ)៖ សមាគមស្វាយកែវរមៀតកំពង់ស្ពឺ បានប្រកាសទិញស្វាយ ពីប្រជាកសិករទូទាំងប្រទេសកម្ពុជា ដើម្បីជួយលើកទឹកចិត្តប្រជាកសិករ និងធ្វើឲ្យទីផ្សារស្វាយ មានស្ថេរភាព។ តម្លៃទិញត្រូវបានកំណត់ ៤០០រៀល ក្នុងមួយគីឡូក្រាម សម្រាប់ស្វាយខៀវ (ធ្វើដំណាប់)។ ថ្លែងប្រាប់បណ្ដាញព័ត៌មាន Fresh News នៅថ្ងៃទី១៩ ខែឧសភា ឆ្នាំ២០២៥នេះ លោកស្រី ឈិន ចំរើន ប្រធានសមាគមស្វាយកែវរមៀតកំពង់ស្ពឺ បានឲ្យដឹងថា ស្វាយដែលទទួលទិញ ត្រូវមានលក្ខណៈគុណភាពល្អ ដោយស្វាយចំនួន៣ផ្លែ ត្រូវស្មើនឹងមួយគីឡូក្រាម។ ប្រធានសមាគមស្វាយកែវរមៀតកំពង់ស្ពឺរូបនេះ បានបញ្ជាក់ថា ការកំណត់នេះ គឺជាចំណុចសំខាន់មួយ ដើម្បីធានាបាននូវផលិតផល ដែលអាចបំពេញតម្រូវការទីផ្សារ និងមានស្តង់ដារ ក្នុងការប្រកួតប្រជែង។ លោកស្រីបញ្ជាក់ថា រោងចក្រកែច្នៃស្វាយមានចំនួន២៧ ក្នុងនោះចំនួន២៥រោងចក្រ នៅខេត្តកំពង់ស្ពឺ, មួយរោងចក្រនៅខេត្តបាត់ដំបង និងមួយរោងចក្រទៀត នៅខេត្តប៉ៃលិន។ ដើម្បីជួយបញ្ហាផ្នែកបច្ចេកទេស សមាគមក៏បានរៀបចំក្រុមអ្នកជំនាញ ដែលអាចផ្តល់ការណែនាំទៅកាន់ប្រជាកសិករ ដែលចង់បង្កើនគុណភាពផលិតផលរបស់ខ្លួន។ កសិករអាចទាក់ទងសមាគម ដើម្បីស្នើសុំការគាំទ្រផ្នែកបច្ចេកទេស ដូចជា វិធីសាស្រ្តដាំដុះ ការថែទាំដើមស្វាយ និងការជ្រើសរើសពូជល្អ។ ឆ្លើយតបនឹងតម្រូវការផ្សេងៗរបស់កសិករ សមាគមស្វាយកែវរមៀតកំពង់ស្ពឺ ក៏បានរៀបចំការដឹកជញ្ជូនផងដែរ។ ករណីកសិករគ្មានលទ្ធភាពដឹកនាំស្វាយមកផ្ទាល់, […]

(ប៉ៃលិន)៖ នៅព្រឹកថ្ងៃទី១៩ ខែឧសភា ឆ្នាំ២០២៥ លោកស្រីបណ្ឌិត បាន ស្រីមុំ អភិបាលខេត្តប៉ៃលិន បានជួបជាមួយភាគីទាំងសងខាង ដើម្បីសម្របសម្រួលគ្នាដោះស្រាយបញ្ចប់ទំនាស់នៅក្រៅប្រព័ន្ធតុលាការ ដោយករណី គ្រោះថ្នាក់ចរាចរណ៍នេះ មន្រ្តីជំនាញចរាចរណ៍ផ្លូវគោកខេត្ត បានឱ្យភាគីទាំងសងខាងធ្វើការសម្របសម្រួលគ្នា ចំនួន ៣លើក ដោយភាគីខាងរថយន្តរងគ្រោះបានជួយចូលបច្ច័យបុណ្យសព ទៅភាគីខាងម៉ូតូបង្កចំនួន ៤លានរៀល ហើយបងប្អូនសាច់ញាតិខាងម៉ូតូបង្ក បានយល់ព្រមផ្តិតមេដៃ តែក្រោយមកក៏មិនយល់ព្រមវិញ ដោយទាមទារសំណងទឹកប្រាក់បន្ថែម ទើបយល់ព្រមបញ្ចប់រឿង ដូច្នេះដោយភាគីទាំងពីរសម្រុះសម្រួលគ្នាមិនបាន មន្រ្តីជំនាញចរាចរណ៍ផ្លូវគោកខេត្ត ក៏រៀបចំឯកសារកសាងសំណុំរឿងបម្រុងបញ្ជូនទៅអយ្យការអមសាលាដំបូងខេត្ត ដើម្បីចាត់ការបន្តតាមនីតិវិធី នៅថ្ងៃទី១៦ ខែឧសភា ឆ្នាំ២០២៥ តែមិនទាន់មានចំណាត់ការនៅឡើយ ដោយសារជាថ្ងៃចុងសប្តាហ៌។ រហូតមកដល់ថ្ងៃនេះ ក្រោមការសម្របសម្រួលពីសំណាក់អភិបាលខេត្ត ដោយអនុវត្តន៍តាមយុទ្ធសាស្រ្តសម្តេចតេជោ គឺនយោបាយឈ្នះឈ្នះទាំងអស់គ្នា ភាគីម៉ូតូ និងរថយន្ត តាក់ស៊ី បានឯកភាព និងស្រុះស្រួលគ្នា បញ្ចប់បញ្ហា ជាស្ថាពរត្រឹមនេះ ដោយមិនមានការប្តឹងផ្តល់គ្នាបន្តទៀតនោះទេ ព្រមទាំងស្រលាញ់រាប់គ្នាជាបងប្អូន ក្នុងមហាគ្រួសារខ្មែរ ក្រោមម្លប់សន្តិភាព ហើយក្នុងនោះលោកស្រីបណ្ឌិតអភិបាលខេត្ត ក៏បានឧបត្ថម្ភថវិកាដល់ភាគីម៉ូតូចំនួន ៤លានរៀល និងភាគីរថយន្តចំនួន៤លានរៀលផងដែរ។ នៅក្នុងឱកាសនោះផងដែរ លោកស្រីបណ្ឌិតអភិបាលខេត្ត បានកោតសសើរមន្រ្តីជំនាញចរាចរណ៍ផ្លូវគោកខេត្ត ដែលបានអនុវត្តន៍ការងារទៅតាមតួនាទីភារកិច្ចរបស់ខ្លួនប្រកបដោយវិជ្ជាជីវៈ […]

(ភ្នំពេញ)៖ ក្រោមការផ្តួចផ្តើមដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា, មូលនិធិនឹងរៀបចំ យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៥ រយៈពេល១ខែពេញដែលនឹងចាប់ផ្តើមពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៥ ដោយលោកជំទាវបណ្ឌិត នឹងផ្តល់កិត្តិយសអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកយុទ្ធនាការនេះ នៅព្រឹកថ្ងៃទី១ ខែមិថុនា ឆ្នាំ២០២៥ នៅរាជធានីភ្នំពេញ។ នេះបើយោងតាមសេចក្តីជូនដំណឹង ដែលបណ្តាញព័ត៌មាន Fresh News ទទួលបាន។ យុទ្ធនាការ «១ម៉ឺនរៀល ១ម៉ឺននាក់» ជាយុទ្ធនាការប្រចាំឆ្នាំដ៏សំខាន់មួយរបស់មូលនិធិគន្ធបុប្ផាកម្ពុជា រៀបចំឡើងដើម្បីចូលរួមអបអរសាទរ ទិវាកុមារអន្តរជាតិ ១មិថុនា និងបំផុសស្មារតី «ខ្មែរជួយខ្មែរ» ក៏ដូចជាការរម្លឹកឱ្យមានការចូលរួមបរិច្ចាគជូនមូលនិធិគន្ធបុប្ផាកម្ពុជា, ព្រមទាំងដើម្បីផ្សារភ្ជាប់ ក៏ដូចជាបង្កើនសកម្មភាពកាន់តែជិតស្និតជាមួយក្រសួង-ស្ថាប័ន និងរដ្ឋបាលរាជធានី-ខេត្ត ដែលបានបង្កើតគណៈកម្មការទ្រទ្រង់មូលនិធិគន្ធបុប្ផាកម្ពុជា, ក្រុមហ៊ុន-សហគ្រាសដែលបានចុះអនុស្សរណៈយោគយល់គ្នា ជាមួយមូលនិធិគន្ធបុប្ផាកម្ពុជា, ព្រមទាំងភាគីពាក់ព័ន្ធនានាក្នុងគោលបំណងនាំភាពញញឹម និងក្តីសង្ឃឹមដល់ទារក និងកុមារនៅកម្ពុជា។ តាមរយៈសេចក្តីជូនដំណឹងមូលនិធិគន្ធបុប្ផាកម្ពុជា សូមអំពាវនាវដល់សាធារណជន, សប្បុរសជន, ក្រសួង-ស្ថាប័ន, ក្រុមហ៊ុន-សហគ្រាស, គ្រឹះស្ថានហិរញ្ញវត្ថុដៃគូ, តារាសម្តែង និងបុគ្គលមានប្រជាប្រិយ ព្រមទាំងអង្គភាព សារព័ត៌មានទាំងអស់ […]

(ហ្សាការតា)៖ ទីភ្នាក់ងារតាមដានភ្នំភ្លើងរបស់ប្រទេសឥណ្ឌូណេស៊ី បានប្រកាសដំឡើងកម្រិតប្រកាសអាសន្ននៃសកម្មភាពភ្នំភ្លើង Lewotobi Laki-laki ដល់កម្រិតខ្ពស់ បន្ទាប់ពីភ្នំភ្លើងនេះ បានផ្ទុះ៨ដងកាលពីចុងសប្ដាហ៍កន្លងទៅ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ភ្នំភ្លើង Lewotobi Laki-laki មានទីតាំងស្ថិតនៅលើកោះ Flores នៃភាគខាងកើតឥណ្ឌូណេស៊ី បានផ្ទុះជះផេះឡើងទៅលើអាកាសកម្ពស់ចន្លោះពី៣គីឡូម៉ែត្រ ដល់៥គីឡូម៉ែត្រកាលពីថ្ងៃអាទិត្យ ទី១៨ ខែឧសភា។ នេះបើតាមលោក Muhammad Wafid ជាប្រធានទីភ្នាក់ងារតាមដានភ្នំភ្លើងរបស់ឥណ្ឌូណេស៊ី។ លោក Wafid បានគូសបញ្ជាក់បន្ថែមទៀតថា «ការវិភាគរបស់យើង បានបង្ហាញថាសកម្មភាពភ្នំភ្លើង Lewotobi Laki-laki នៅតែស្ថិតក្នុងកម្រិតខ្ពស់ ដូច្នេះយើងបានដំឡើងកម្រិតប្រកាសអាសន្ន ដោយចាប់ផ្ដើមពីម៉ោង៨យប់ថ្ងៃអាទិត្យ»។ គួរបញ្ជាក់ថា ភ្នំភ្លើង Lewotobi Laki-laki បានផ្ទុះសាជាថ្មីនៅព្រឹកថ្ងៃចន្ទ ទី១៩ ខែឧសភានេះ ដោយជះផេះទៅលើអាកាសខ្ពស់ ១.២គីឡូម៉ែត្រ។ ប៉ុន្តែ មិនទាន់មានការចេញបញ្ជាឱ្យជម្លៀស ប្រជាជននៅឡើយទេ រីឯជើងហោះហើរនៅតែដំណើរការធម្មតាមកទល់នឹងពេលនេះ៕ ផ្ដល់សិទ្ធិដោយ៖ Fresh News

(ភ្នំពេញ)៖ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ លោក ស៊ុន មេសា បានលើកឡើងថា ពេលណា និងកាលៈទេសៈណាក៏ដោយដែលពលករខ្មែរមានទុក្ខព្រួយ និងការលំបាក ពេលនោះមានវត្តមាន ក្រសួងការងារ និងបណ្តុះបណ្តាលវិជ្ជាជីវៈ ដែលជាសេនាធិការរាជរដ្ឋាភិបាលចេញមុខខ្នះខ្នែងជួយដោយមិនទុកឱ្យបងប្អូនរងាឡើយ។ គិតមកដល់ពេលនេះ គឺ៥០ថ្ងៃនៃហេតុការណ៍គ្រោះរញ្ជួយដីដ៏កំណាចនៅទីក្រុងបាងកក ប្រទេសថៃ កាលពីថ្ងៃទី២៨ ខែមីនា ឆ្នាំ២០២៥ បានសម្លាប់មនុស្សជាង ១០០នាក់ និងធ្វើមនុស្សរាប់សិបនាក់ផ្សេងទៀតរងរបួស។ ក្នុងនោះពលករខ្មែរស្លូតត្រង់ចំនួន ៤រូបក៏បានបាត់បង់ជីវិត និង២រូបផ្សេងទៀតរងរបួសផងដែរ។ នេះគឺជាទុក្ខសោករបស់កម្ពុជាដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈក្នុងនាមជាអាណាព្យាបាល។ តើរយៈពេល ៥០ថ្ងៃកន្លងមកនេះ ក្រសួងការងារ និងបណ្តុះបណ្តាលវិជ្ជាជីវៈបានធ្វើអ្វីខ្លះជួយបងប្អូនពលករខ្មែរនៅក្នុងគ្រោះរញ្ជួយដីនៅប្រទេសថៃ? លោក ស៊ុន មេសា បានថ្លែងថា៖ «ខ្ញុំសូមបញ្ជាក់ថា មានច្រើនណាស់ មិនតិចនោះទេ ប៉ុន្តែខ្ញុំអនុញ្ញាតសង្ខេបខ្លីៗ និងខ្លឹមៗជូនបងប្អូន។ ជាបឋមខ្ញុំសូមរំលឹកបទបញ្ជារបស់ឯកឧត្តមរដ្ឋមន្រ្តី ហេង សួរ ក្នុងនាមជាក្រសួងការងារ និងក្នុងនាមជាប្រធានក្រុមការងារយុវជន ESEA ផង និងជាសេនាធិការជូនសម្តេចប្រមុខរាជរដ្ឋាភិបាល បានដាក់បទបញ្ជាឱ្យអនុព័ន្ធការងារអមស្ថានទូតនៅប្រទេសថៃ […]