(ភ្នំពេញ)៖ ក្នុងពិធីបិទសន្និបាតបូកសរុបលទ្ធផលការងារ ឆ្នាំ២០២៤ និងលើកទិសដៅការងារ ឆ្នាំ២០២៥ របស់ក្រសួងទេសចរណ៍ នៅរសៀលថ្ងៃទី២៧ ខែកុម្ភៈ ឆ្នាំ២០២៥ លោក ហួត ហាក់ រដ្ឋមន្ដ្រីក្រសួងទេសចរណ៍ បានលើកឡើងពីកង្វល់មួយចំនួន ដែលទាមទារយកចិត្ដទុកដាក់ដោះស្រាយ ដើម្បីជំរុញកំណើនភ្ញៀវទេសចរ។ បញ្ហាប្រឈម និងក្តីកង្វល់ទាំងនោះរួមមាន ចំណុចខ្វះខាតលើការបដិសណ្ឋាកិច្ច និងការទារកម្រៃក្រៅផ្លូវការ នៅតាមច្រកទ្វារអន្តរជាតិ តម្លៃសំបុត្រយន្តហោះ តម្លៃចំណតរថយន្តនៅតាមព្រលានយន្តហោះជាដើម។ លោក ហួត ហាក់ បានបញ្ជាក់ថា កន្លងមករាជរដ្ឋាភិបាល បានដាក់ចេញនូវវិធានការជាកញ្ចប់ក្នុងការកែលម្អ និងសម្រួលនីតិវិធីក្នុងការផ្តល់ទិដ្ឋាការតាមប្រព័ន្ធ e-Visa និងប្រព័ន្ធ e-Arrival ឱ្យមកនៅក្នុង ប្រព័ន្ធអេកូឡូស៊ីតែមួយរបស់រាជរដ្ឋាភិបាល និងបានបញ្ចុះថ្លៃទិដ្ឋាការអេឡិចត្រូនិច (e-Visa) ប្រភេទទេសចរ (T) និងប្រភេទធម្មតា (E)។ ពិសេសថ្មីៗនេះ រាជរដ្ឋាភិបាលបានដាក់ចេញ វិធានការ ក្នុងការបោះពុម្ពទិន្នន័យ និង QR Code សម្រាប់បិទលើសន្លឹកលិខិតឆ្លងដែនជនបរទេស ជំនួសឱ្យការប្រើប្រាស់សន្លឹក ទិដ្ឋាការស្ថិត និង/ឬការប្រថាប់ត្រា ជំនាញអន្តោប្រវេសន៍។ លោកបានលើកឡើងទៀតថា អង្គសន្និបាត ក៏បានលើកឡើងពីភាពចំណុចខ្វះខាតមួយចំនួន […]

(ភ្នំពេញ)៖ លោក ប៉ែន បូណា រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានអង្គភាពអ្នកនាំពាក្យរាជរដ្ឋាភិបាល បានឲ្យដឹងថា រាជរដ្ឋាភិបាលកម្ពុជា ក្នុងឆ្នាំ២០២៥នេះ បានទម្លាក់ថវិកាពិសេសប្រមាណ ២០លានដុល្លារសហរដ្ឋអាមេរិក ដើម្បីទិញថ្នាំព្យាបាលជំងឺទឹកនោមផ្អែម និងលើសឈាមជូនប្រជាពលរដ្ឋដោយមិនគិតថ្លៃ។ ការប្រកាសនេះ បានធ្វើឡើងក្នុងឱកាសអង្គភាពអ្នកនាំពាក្យរាជរដ្ឋាភិបាល រៀបចំវេទិកាសារព័ត៌មានលើកទី៦ ស្ដីពី «រាជរដ្ឋាភិបាលនីតិកាលទី៧ នៃរដ្ឋសភាជាក្ដីសង្ឃឹមរបស់ប្រជាពលរដ្ឋខ្មែរ» នាថ្ងៃទី២៧ ខែកុម្ភៈ ឆ្នាំ២០២៥ នៅទីស្ដីការគណៈរដ្ឋមន្រ្តី។ ប្រធានអង្គភាពអ្នកនាំពាក្យរាជរដ្ឋាភិបាល លើកឡើងយ៉ាងដូច្នេះថា «រាជរដ្ឋាភិបាលតាមរយៈ ក្រសួងសុខាភិបាល បានធ្វើកំណែទម្រង់ ដើម្បីធ្វើឲ្យវិស័យសុខាភិបាលយើងមានគុណភាព ប្រសិទ្ធភាព […] ទម្លាក់ថវិកាពិសេសបន្ថែមជិត ២០លានដុល្លារសហរដ្ឋអាមេរិក នៅឆ្នាំ២០២៥ និងឆ្នាំបន្ទាប់ដូចគ្នា ដើម្បីទិញថ្នាំសម្រាប់ព្យាបាលជំងឺទឹកនោមផ្អែម និងជំងឺលើសឈាម ដែលជាជំងឺពេញនិយម កើតឡើងក្នុងប្រទេសកម្ពុជាយើង»។ អ្នកនាំពាក្យរាជរដ្ឋាភិបាលបន្តថា មូលហេតុដែលរដ្ឋាភិបាលធ្វើដូច្នេះគឺ ដើម្បីបើកថ្នាំជូនប្រជាពលរដ្ឋ ដោយពីមុនអាចផ្តល់ថ្នាំជូនប្រជាពលរដ្ឋថ្នាំសម្រាប់លេបរយៈពេលត្រឹម ១សប្តាហ៍ រហូតដល់ពេលបច្ចុប្បន្នអាចផ្ដល់ថ្នាំជូនសម្រាប់លេបរហូតដល់រយៈពេល ១ខែ នៅកន្លែងខ្លះ នេះជាការកាត់បន្ថយការចំណាយ និងពេលវេលាសម្រាប់ប្រជាពលរដ្ឋ។ លោកគូសបញ្ជាក់ទៀតថា​ រាជរដ្ឋាភិបាលសម្រេចផ្ដល់ថវិកាជិត ២០លានដុល្លារអាមេរិក ក្នុងឆ្នាំ២០២៥នេះ ដើម្បីពង្រឹងសមត្ថភាពវះកាត់ និងសង្គ្រោះបន្ទាន់ (ICU) នៅមន្ទីរពេទ្យបង្អែកស្រុកកម្រិត២ […]

ក្រសួងវប្បធម៌ និងវិចិត្រសិល្បៈ នារសៀលថ្ងៃទី២៧ ខែកុម្ភៈ ឆ្នាំ២០២៥ នេះ បានស្នើឱ្យសមត្ថកិច្ច ចាត់វិធានការស្វែងរកអត្តសញ្ញាណម្ចាស់ទំព័រហ្វេសប៊ុកមួយ ដែលបានបង្ហោះបទចម្រៀងដែលមានខ្លឹមសារគ្រោតគ្រាត អសុរោះ គ្មានសីលធម៌ ប៉ះពាល់យ៉ាងខ្លាំងដល់វប្បធម៌ប្រពៃណី ទំនៀមទំលាប់ សេចក្តីថ្លៃថ្នូរសង្គម និងតម្លៃស្រ្តីខ្មែរ។ តាមរយៈផេកផ្លូវការ ក្រសួងវប្បធម៌ និងវិចិត្រសិល្បៈ បានធ្វើការបង្ហោះជាមួយខ្លឹមសារដូច្នេះថា៖ «ក្រសួងវប្បធម៌ និងវិចិត្រសិល្បៈ សូមជូនដំណឹងដល់សាធារណជនបានជ្រាបថា ក្រសួងបានពិនិត្យឃើញ ទំព័រហ្វេសប៊ុកមួយ ឈ្មោះ ALL from me បានធ្វើការបង្ហោះផ្សព្វផ្សាយបទចម្រៀងក្រោមចំណងជើងថា ក្តឹងរួយ ដែលមានខ្លឹមសារគ្រោតគ្រាត អសុរោះ គ្មានសីលធម៌ ប៉ះពាល់យ៉ាងខ្លាំងដល់វប្បធម៌ប្រពៃណី ទំនៀមទំលាប់ សេចក្តីថ្លៃថ្នូរសង្គម និងតម្លៃស្រ្តីខ្មែរ។ បើទោះបីជាបទចម្រៀងដែលផលិតដោយបច្ចេកវិជ្ជាបញ្ញាសប្បនិម្មិត (AI) នេះ ត្រូវបានលុបចេញពីទំព័រហ្វេសប៊ុកមួយ ឈ្មោះ ALL from me ក្តី តែបុគ្គលដែលជាអុ្នកគ្រប់គ្រងទំព័រហ្វេសប៊ុក ALL from me ត្រូវធ្វើការទទួលខុសត្រូវចំពោះទង្វើរបស់ខ្លួន។ ក្រសួងសូមអំពាវនាវដល់អាជ្ញាធរមានសមត្ថកិច្ច សូមចាត់វិធានការស្វែងរកអត្តសញ្ញាណបុគ្គលរូបនេះ ដើម្បីទទួលខុសត្រូវចំពោះសកម្មភាពនេះ និងស្នើសុំដល់សាធារណជនដែលប្រើប្រាស់បណ្តាញសង្គម […]

(ភ្នំពេញ)៖ អ្នកនាំពាក្យអគ្គស្នងការដ្ឋាននគរបាលជាតិ នៅថ្ងៃទី២៧ ខែកុម្ភៈ ឆ្នាំ២០២៥នេះ បានចេញសេចក្ដីបំភ្លឺតាមទិដ្ឋភាពច្បាប់ ពាក់ព័ន្ធការបង្ហោះព័ត៌មានតាមបណ្ដាញសង្គម ចំពោះការផាកពិន័យអ្នកបើកបរល្មើសល្បឿន កំណត់តាមដងផ្លូវ ដែលកំណត់ដោយច្បាប់ស្ដីពីចរាចរណ៍ផ្លូវគោក ដោយបានធ្វើឲ្យសាធារណមតិមួយចំនួនតាមបណ្ដាញសង្គម មានការយល់ច្រឡំមកលើសកម្មភាពរបស់មន្ដ្រីនគរបាលចរាចរណ៍ ក្នុងការរឹតបន្ដឹងច្បាប់។ ក្រៅពីបង្ហាញអ្វីដែលកំណត់ដោយច្បាប់ចំពោះការផាកពិន័យអ្នកល្មើសល្បឿនកំណត់ហើយនោះ អគ្គស្នងការដ្ឋាននគរបាលជាតិ ក៏បានទទួលយករាល់មតិរិះគន់ទាំងឡាយណា ពាក់ព័ន្ធដល់ភាពអសកម្មរបស់មន្ត្រី នគរបាលចរាចរណ៍មួយចំនួន ដែលមានអាកប្បកិរិយាមិនសមរម្យ ល្មើសវិន័យ កងកម្លាំង ពុំមានក្រមសីលធម៌វិជ្ជាជីវៈក្នុងពេលបំពេញភារកិច្ច។ លើសពីនេះ បានប្ដេជ្ញាចិត្តថា នឹងធ្វើការត្រួតពិនិត្យឲ្យបានហ្មត់ចត់ ដើម្បីអនុវត្តវិន័យកងកម្លាំង និងមានវិធានការច្បាប់តាមកម្រិតនៃអំពើខុសឆ្គងរបស់មន្ដ្រីទាំងនោះ។ អគ្គស្នងការដ្ឋាននគរបាលជារិ ស្នើឲ្យប្រជាពលរដ្ឋ សហការផ្ដល់ព័ត៌មានរាល់សកម្មភាពខុសឆ្គងទាំងឡាយណាដែលប្រព្រឹត្តដោយមន្ដ្រីនគរបាលចរាចរណ៍ផ្លូវគោក តាមរយៈលេខទូរស័ព្ទទាន់ហេតុការណ៍របស់អគ្គស្នងការដ្ឋាន នគរបាលជាតិ លេខ ១១៧ និង/ឬទំនាក់ទំនងមកក្រុមការងារប្រតិកម្មរហ័ស នៃនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ តាមរយៈលេខទូរស័ព្ទ ០១២ ៩៩១ ៥៥១ និងលេខ ០៧៦ ៧៧៧ ៧៧៣២។ អគ្គស្នងការដ្ឋាននគរបាលជាតិ ក៏សូមអំពាវនាវ និងសំណូមពរដល់ប្រជាពលរដ្ឋ ក៏ដូចជាសាធារណជន និងអ្នកប្រើប្រាស់បណ្តាញទំនាក់ទំនងសង្គមនៅទូទាំងប្រទេស សូមចូលរួមអនុវត្តច្បាប់ស្ដីពីចរាចរណ៍ផ្លូវគោក ដើម្បីការពារអាយុជីវិតរបស់យើង គ្រួសារយើង ក៏ដូចជាអាយុជីវិតជនគ្រប់រូប ក្នុងសង្គម ព្រមទាំងរួមចំណែករក្សាសន្តិសុខ […]

(សៀមរាប)៖ លោក ថ្នម តូច ជាប្រជាពលរដ្ឋនៅភូមិកន្តួត ឃុំកន្តួត ស្រុកស្វាយលើ ខេត្តសៀមរាប បានយកចម្លាក់កញ្ចាំងធ្វើពីថ្មភក់ចំនួន១ មកប្រគល់ជូនអាជ្ញាធរជាតិអប្សរាកាលពីថ្មីៗនេះ បន្ទាប់ពីលោកបានប្រទះឃើញនៅក្នុងដីស្រែ ហើយបានយកមករក្សាទុកមួយរយៈ។ ការប្រគល់ទទួលចម្លាក់កញ្ចាំងនេះ គឺមានការចូលរួមពីក្រុមអ្នកចុះបញ្ជីសារពើភណ្ឌរបស់នាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា សហការជាមួយមន្ត្រីមន្ទីរវប្បធម៌ខេត្ត និងនគរបាលការពារបេតិកភណ្ឌខេត្តសៀមរាប លោកឧត្តមសេនីយ៍ទោ ខេង រ៉ា មេបញ្ជាការនគរបាលជាតិប្រចាំទិសប្រាសាទព្រះវិហារ ព្រមទាំងអាជ្ញាធរដែនដីផង។ លោក ឈូក សុម៉ាឡា មន្ត្រីចុះបញ្ជីវត្ថុបុរាណនៃអាជ្ញាធរជាតិអប្សរា បានឱ្យដឹងថា ចម្លាក់កញ្ចាំងធ្វើពីថ្មភក់ ដែលមានបណ្តោយ៤០សង់ទីម៉ែត្រ និងទទឹង៤៥សង់ទីម៉ែត្រ គឺជាសម្ភារលម្អសំណង់ប្រាសាទបុរាណ ដែលបុព្វបុរសខ្មែរ តែងដាក់បន្តុបនៅតាមថ្នាក់ៗជាផ្នែកនៃកំពូលប្រាសាទ។ ចម្លាក់កញ្ចាំងនេះ ធ្វើពីថ្មតែមួយដុំ ដោយឆ្លាក់ជារាងដូចសាជី ហើយស្រួចនៅផ្នែកខាងលើ និងផ្នែកខាងក្រោមមានបាតបួន។ ចម្លាក់កញ្ចាំងនេះ មានឆ្លាក់ជានាគក្បាល៥ ដែលក្បាលកណ្តាលធំ និងខ្ពស់ជាងគេ ហើយនៅចំកណ្តាលនៃអង្កត់ទ្រូង គឺពុះចែកផ្ទៃនៃកញ្ចាំងនោះអាចធ្វើឱ្យមើលឃើញក្បាលនាគទាំង៣ជ្រុងផ្សេងៗគ្នា។ តាមការសង្កេតលើចម្លាក់ និងក្បូរក្បាច់ដែលឆ្លាក់លើកញ្ចាំងនាគក្បាល៥នោះ អាចនៅក្នុងអំឡុងសតវត្យរ៍ទី១២នៃគ្រិស្តសករាជ។ ការប្រគល់ចម្លាក់មកអាជ្ញាធរជាតិអប្សរា ដែលជាស្ថាប័នជំនាញនេះ គឺមានន័យថា ប្រជាពលរដ្ឋមានការយល់ដឹងនិងបានចូលរួមថែរក្សាមរតកដូនតា ដោយអភិរក្សស្របតាមបច្ចេកទេស និងចុះបញ្ជីកំណត់អត្តសញ្ញាណវត្ថុ ដោយរក្សាទុកនៅទីតាំងមានសុវត្ថិភាព ព្រមទាំងអាចតាំងបង្ហាញនៅសារមន្ទីរដើម្បីឱ្យមហាជនបានទស្សនាផង៕ ផ្ដល់សិទ្ធិដោយ៖ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចដំឡើងរយៈពេលកុងត្រាសម្រាប់គ្រូជាប់កិច្ចសន្យា ពី១ឆ្នាំ ទៅ ២ឆ្នាំ ខណៈពីមុនការធ្វើកុងត្រាម្ដង គឺមានសុពលភាពត្រឹម ១ឆ្នាំតែប៉ុណ្ណោះ ការធ្វើបែបនេះដើម្បីរក្សានិរន្តរភាពប្រាក់បៀវត្សគ្រូបង្រៀន។ ការសម្រេចចិត្តបែបនេះរបស់សម្ដេចបវរធិបតី ហ៊ុន ម៉ាណែត បានធ្វើឡើងនៅក្នុងឱកាសដែលសម្តេចបានអញ្ជើញជាអធិបតី ពិធីបិទសន្និបាតបូកសរុបការងារអប់រំ យុវជន និងកីឡា ឆ្នាំសិក្សា២០២៣-២០២៤ និងទិសដៅឆ្នាំសិក្សា២០២៤-២០២៥ នារសៀលថ្ងៃទី២៦ ខែកុម្ភៈ ឆ្នាំ២០២៥ នៅវិទ្យាស្ថានបច្ចេកវិទ្យាកម្ពុជា រាជធានីភ្នំពរញ។
សម្តេចបវរធិបតី ហ៊ុន ម៉ាណែត បានលើកឡើងថា សម្រាប់រាជរដ្ឋាភិបាលការជ្រើសរើសគ្រូ គឺត្រូវគិតទាំងបរិមាណ និងគុណភាពពោលគឺគ្រូត្រូវតែមានគុណវុឌ្ឍច្បាស់លាស់ ហើយស្របតាមនិយាម ដែលកំណត់ដោយក្រសួងអប់រំ។ បើរើសគ្រូ មិនមានគុណវុឌ្ឍិគ្រប់គ្រាន់ទេនោះនឹងមិនអាចបណ្តុះបណ្តាលមូលដ្ឋានគ្រឹះដល់សិស្សានុសិស្ស នៅកម្រិតបឋម ឱ្យមានគុណភាព និងមូលដ្ឋានគ្រឹះចំណេះដឹងរឹងមាំដែរ។ សម្តេចបវរធិបតី ហ៊ុន ម៉ាណែត បានថ្លែងថា ចប្ចុប្បន្ននេះ នៅតាមសាលារៀនមួយចំនួន គឺមានការខ្វះខាតគ្រូបង្រៀន ជាពិសេសនៅតាមតំបន់ដាច់ស្រយាល ហើយការរកគ្រូបង្រៀនថ្នាក់បឋមសិក្សាគឺមានភាពងាយស្រួលជាងគ្រូបង្រៀនកម្រិតអនុវិទ្យាល័យ និងវិទ្យាល័យ ពីព្រោះមានមុខវិជ្ជាច្រើន។ ដូច្នេះ ហើយទើបក្រសួងអប់រំអនុវត្តតាមរយៈការបំពេញបន្ថែមគ្រូជាប់កិច្ចសន្យា។ សម្តេចបវរធិបតី ហ៊ុន ម៉ាណែត […]

(ភ្នំពេញ)៖ កងទ័ពជើងគោក បានចេញសេចក្ដីជូនដំណឹង ស្ដីពីការទប់ស្ដាត់ភាពមិនប្រក្រតី ក្នុងដំណើរការជ្រើសរើសយុវជនស្ម័គ្រចិត្ដ ចូលបម្រើកងយោធពលខេមរភូមិន្ទ បំពេញក្របខ័ណ្ឌឲ្យកងទ័ពជើងគោក។ នេះបើតាមសេចក្ដីជូនដំណឹង ដែលបណ្ដាញព័ត៌មាន Fresh News ទទួលបាននៅថ្ងៃទី២៦ ខែកុម្ភៈ ឆ្នាំ២០២៥។ សេចក្ដីជូនដំណឹង បានឲ្យដឹងថា ដើម្បីផ្តល់ឱកាសប្រកប ដោយតម្លាភាព និងយុត្តិធម៌ ដល់យុវជនទូទៅក្នុងការដាក់ពាក្យ ចូលបម្រើកងរយោចពលខេមរភូមិន្ទ ជាពិសេសចូលរួមទប់ស្កាត់ ក្នុងករណីមានបុគ្គលមួយចំនួនឆ្លៀតឱកាសកេងចំណេញតាមរយៈការ ធ្វើសកម្មភាពសូកប៉ាន់ផ្សេងៗ ប្រាសចាកគោលការណ៍កំណត់របស់រាជរដ្ឋាភិបាពរ និងក្រសួងការពារជាតិ។គណៈកម្មការសូមអំពាវនាវ ដល់សាធារណៈជន អាណាព្យាបាល និងរបេក្ខជនទាំងអស់ សហការផ្តល់ព័ត៌មានជាបន្ទាន់ ក្នុងករណីមានបុគ្គលណាទារលុយ ឬតម្រូវឱ្យបង់ប្រាក់ជាថ្នូរ និងការចែកពាក្យ ទទួលពាក្យ ដើម្បីទទួលបានក្របខ័ណ្ឌ។ គណៈកម្មការ សូមធ្វើការបញ្ជាក់ជាថ្មីម្តងទៀតថា ពល់បុគ្គលដែលប្រព្រឹត្តខុស និងគោលការណ៍ ខាងលើនេះត្រូវទទួលខុសត្រូវ ចំពោះមុខច្បាប់ជាធរមាន។ ករណីមានបុគ្គលឆ្លៀតឱកាសដូចជម្រាបជូនខាងលើ សូមសាធារណៈជន អាណាព្យាបាល និងបេក្ខជនទាំងអស់សហការផ្តល់ព័ត៌មាន មកក្រុមការងារដោយផ្ទាល់តាមទូរស័ព្ទលេខ ០១២ ៣៥២ ០២០/ ០៧៦ ២១៧ ៥០ ៩៥/ ០៩៦ ៨១១ ១២ […]

(ភ្នំពេញ)៖ កម្ពុជារំពឹងទទួលបានទេសចរអន្តរជាតិយ៉ាងហោចឱ្យបានចាប់ពី៧.២លាននាក់ទៅ៧.៥លាននាក់ នៅឆ្នាំ២០២៥នេះ។ នេះបើតាមលោក ហួត ហាក់ រដ្ឋមន្ត្រីក្រសួងទេសចរណ៍ ដែលបានថ្លែងក្នុងពិធីបើកសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងទេសចរណ៍ នាថ្ងៃទី២៦ ខែកុម្ភៈ ឆ្នាំ២០២៥។ លោករដ្ឋមន្ត្រីបានរំឭកថា នៅឆ្នាំ២០២៤ កម្ពុជាទទួលបានភ្ញៀវទេសចរអន្តរជាតិសរុប៦.៧លាននាក់ កើនឡើង ២៣% ធៀបនឹងឆ្នាំ២០២៣ ជាមួយទេសចរជាតិប្រមាណ២២.៥២លាននាក់ កើនឡើង ២០.១% ធៀបនឹងឆ្នាំ២០២៣។ លោករដ្ឋមន្ត្រី ហួត ហាក់ បានបន្តថា «យោងតាមនិន្នាការខាងលើ និងការបន្តដាក់ចេញវិធានការគន្លឹះនានាជាបន្តបន្ទាប់របស់រាជរដ្ឋាភិបាល ក៏ដូចជាការជំរុញការអនុវត្តផែនការយុទ្ធសាស្ត្រនានារបស់ក្រសួងទេសចរណ៍ យើងរំពឹងចំនួនភ្ញៀវទេសចរអន្តរជាតិនឹងកើនឡើងពី៧.២លាននាក់ទៅ៧.៥លាននាក់ នៅឆ្នាំ២០២៥នេះ»។ លោករដ្ឋមន្ត្រីបានបន្តទៀតថា យោងតាមអភិក្រមនៃជវភាពប្រព័ន្ធតួអង្គតែមួយ ភាពជោគជ័យនេះ កើតចេញពីសសរស្តម្ភនៃកិច្ចសហប្រតិបត្តិការចំនួន៦ ដែលត្រូវការចូលរួមពីគ្រប់ភាគីពាក់ព័ន្ធទាំងអស់ រួមមាន៖១. កិច្ចសហប្រតិបត្តិការនៅថ្នាក់ជាតិ ជាមួយអន្តរក្រសួង ស្ថាប័ន២. កិច្ចសហប្រតិបត្តិការជាមួយរដ្ឋបាលថ្នាក់ក្រោមជាតិ ពិសេសគណៈអភិបាលរាជធានី-ខេត្តទាំង២៥៣. កិច្ចសហប្រតិបត្តិការជាមួយវិស័យឯកជនទាំងក្នុងស្រុក និងក្រៅស្រុក៤. កិច្ចសហប្រតិបត្តិការជាមួយស្ថានឯកអគ្គរដ្ឋទូត ស្ថានឯកអគ្គរាជទូតបរទេសប្រចាំនៅកម្ពុជា ដៃគូអភិវឌ្ឍ ស្ថានឯកអគ្គរាជទូតកម្ពុជា/ស្ថានកុងស៊ុលកម្ពុជានៅបរទេស កិច្ចសហប្រតិបត្តិការអន្តរជាតិកម្រិតទ្វេភាគី ពហុភាគី អនុតំបន់ តំបន់ (អាស៊ាន) និងពិភពលោក៥. កិច្ចសហប្រតិបត្តិការជាមួយបណ្តាញសារព័ត៌មាន […]

(ក្រចេះ)៖ កូនផ្សោតទើបកើតថ្មីមួយក្បាល មានអាយុប្រមាណ២ថ្ងៃ ត្រូវបានប្រទះឃើញដោយក្រុមការងារស្រាវជ្រាវនៃរដ្ឋបាល ជលផលនិងអង្គការ WWF វេលាម៉ោង១០:៣០នាទីរសៀល នាថ្ងៃទី២៥ ខែកុម្ភៈ ឆ្នាំ២០២៥ នៅចន្លោះអន្លង់កាំពី-ជ្រោយបន្ទាយ ភូមិសំបុក ឃុំសំបុក ស្រុកចិត្របុរី ខេត្តក្រចេះ។ កូនផ្សោតនេះស្ថិតនៅក្នុងក្រុមសត្វផ្សោតពេញវ័យចំនួន៧ក្បាល ផ្សេងទៀត។ គួរបញ្ជាក់ថា នេះគឺជាកូនផ្សោតទី៤ហើយ ដែលបានកើតនៅដើមឆ្នាំ២០២៥នេះ។ ក្រសួងកសិកម្ម រុក្ខាប្រមាញ់ និងនេសាទ សូមអរគុណចំពោះបងប្អូនឆ្មាំទន្លេ អាជ្ញាធរមូលដ្ឋាន និងប្រជាពលរដ្ឋដែលបានចូលរួមថែរក្សានិងការពារធនធានជលផលដ៏មានតម្លៃ។ ទន្ទឹមនេះ ប្រសិនបងប្អូនប្រជានេសាទ បានប្រទះឃើញសត្វផ្សោត ពិសេសកូនផ្សោត សូមផ្តល់ព័ត៌មានមកសមត្ថកិច្ចជលផល ដែលមានលេខទូរស័ព្ទ ០១២ ៨៩៧ ៩៤៣ ០១១ ៣៥៥ ៨៨៣ ០៩៩ ៧៩១ ៩១៩ ០៩២ ៩១៨ ១៤៤ និង ០១៧ ៨១៨ ៣៨២៕ ផ្ដល់សិទ្ធិដោយ៖ Fresh News

(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៦ ខែកុម្ភៈ ឆ្នាំ២០២៥ បានថ្លែងថាចំពោះលោកគ្រូអ្នកគ្រូដែលចូលនិវត្តន៍ ផ្ដល់កុងត្រាឱ្យមកបង្រៀននៅសាលារដ្ឋ ដោយផ្តល់ប្រាក់ខែបូកនឹងប្រាក់ចូលនិវត្តន៍ មិនមែនទទួលបានប្រាក់ខែឌុបនោះទេ។ ការថ្លែងបែបនេះរបស់សម្ដេច បានធ្វើឡើងនាឱកាសដែលសម្តេចអញ្ជើញបិទសន្និបាតបូកសរុបការងារឆ្នាំសិក្សាចាស់ និងលើកទិសដៅការងារឆ្នាំសិក្សាថ្មីរបស់ក្រសួងអប់រំ នៅវិទ្យាស្ថានជាតិកម្ពុជា (តិចណូ)។ នាឱកាសនោះ សម្តេចនាយករដ្ឋមន្ត្រី​ បានថ្លែងថាចំពោះលោកគ្រូអ្នកគ្រូដែលចូលនិវត្តន៍ អាចឱ្យពួកគាត់មកបំពេញបន្ថែមកន្លែងចន្លោះ ព្រោះប្រសិនជាមិនឱ្យពួកគាត់មកបង្រៀននៅសាលារដ្ឋ ពួកគាត់នឹងទៅបង្រៀននៅសាលាឯកជនដែលនាំឱ្យបាត់ធនធានមនុស្សនៅសាលារដ្ឋ។ បន្ថែមពីនេះ សម្តេច បានថ្លែងបន្តថា សូមបងប្អូនកុំមានការយល់ច្រឡំថាការកុងត្រាឱ្យលោកគ្រូអ្នកគ្រូដែលចូលនិវត្តន៍ ជាការបើកប្រាក់ខែឌុបឱ្យពួកគាត់ គឺមិនមែននោះទេ ព្រោះប្រសិនជាគាត់មិនចូលបង្រៀនសាលារដ្ឋ ហើយទៅបង្រៀនសាលាឯកជន ក៏គាត់ទទួលបានប្រាក់ខែ២ដងដែរ ប៉ុន្តែរដ្ឋាភិបាលមិនចង់ឱ្យបាត់ធនធានទៅសាលាឯកជនច្រើននោះទេ។ ជាមួយគ្នានេះ សម្តេចបវរធិបតី ហ៊ុន​ ម៉ាណែត បានណែនាំឱ្យក្រសួងមុខងារសាធារណៈ និងក្រសួងអប់រំ ក្ដាប់ឱ្យបានទិន្នន័យរបស់គ្រូបង្រៀនតាំងពីលើរហូតដល់ក្រោម ដើម្បីអាចដឹងបានថាក្នុងចំណោមសាលាជាង១ម៉ឺនទីតាំង តើទីតាំងណាដែលមានការខ្វះខាតគ្រូបង្រៀន៕ ផ្ដល់សិទ្ធិដោយ៖ Fresh News