(ភ្នំពេញ)៖ ក្រសួងយុត្តិធម៌ តាមរយៈរបាយការណ៍របស់សាលាដំបូង និងអយ្យការអមសាលាដំបូងរាជធានី-ខេត្ត បានរកឃើញថា ខេត្តស្ទឹងត្រែងជាខេត្តមួយ ដែលគ្មានករណីក្មេងទំនើង ក្នុងចំណោមរាជធានី-ខេត្តទាំង២៥។ តាមរយៈសន្និសីទសារព័ត៌មាន ស្ដីពី «ករណីក្មេងទំនើង» នារសៀលថ្ងៃ២៥ ខែធ្នូ ឆ្នាំ២០២៤នេះ លោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ បានឲ្យដឹងថា ក្រៅពីខេត្តស្ទឹងត្រែង ដែលគ្មានករណីក្មេងទំនើងមានខេត្តមួយចំនួនទៀតដែលមានករណីក្មេងទំនើងតិចតួច រួមមាន៖ ខេត្តកែប ខេត្តប៉ៃលិន និងខេត្តព្រះវិហារ។ ដោយឡែកសម្រាប់ភូមិសាស្រ្ត ដែលប្រឈមនឹងករណីក្មេងទំនើងច្រើនជាងគេត្រូវបានលោក កេង សុម៉ារិទ្ធ គូសបញ្ជាក់ថា រាជធានីភ្នំពេញ ខេត្តកំពង់ស្ពឺ ខេត្តតាកែវ ខេត្តបន្ទាយមានជ័យ និងខេត្តសៀមរាប។ លោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ មានប្រសាសន៍យ៉ាងដូច្នេះថា៖ «បើនិយាយអំពីខេត្តដែលមានសំណុំរឿងតិចជាងគេវិញ ខ្ញុំរាប់តែ៤ខេត្តចុងក្រោយគេទេ ក្នុងនោះខេត្តដែលមានសំណុំរឿងក្មេងទំនើងតិចបំផុតជាងគេគឺ ខេត្តស្ទឹងត្រែងគឺ០ករណី »។ លោកបន្តថា ខេត្តស្ទឹងត្រែងគឺជាខេត្តគម្រូដែលមិនមានករណីក្មេងទំនើងកើតឡើងទេ ដូច្នេះខេត្តផ្សេងអាចយកលំនាំធ្វើជាគម្រូបាន។ រដ្ឋលេខាធិការរូបនេះ បានបន្ដទៀតថា តាមរយៈការតាមដានស្រង់យកទិន្នន័យជារៀងរាល់សប្ដាហ៍ រហូតមកដល់រយៈពេល ២១២ថ្ងៃឬជាង៧ខែនេះ ជាលទ្ធផលសម្រេចបាន៖ *ទី១៖ សំណុំរឿងព្រហ្មទណ្ឌពាក់ព័ន្ធក្មេងទំនើង ៧២០រឿង ដែលចាត់ការបាន៧១៥រឿង។ *ទី២៖ សំណុំរឿងដែលស្ថិតក្នុងចៅក្រមស៊ើបសួរមាន៧៩៦ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បាន​ណែនាំដល់ក្រសួងយុត្តិធម៌ ធ្វើវិសោធនកម្មច្បាប់ ដើម្បីដាក់ទោសឱ្យធ្ងន់ទៅលើក្រុមក្មេងទំនើង ដែលតែងតែបង្ករឿងកាប់ចាក់គ្នា។ សម្តេចមហាបវរធិបតី ហ៊ុន ម៉ាណែត ណែនាំបែបនេះ ធ្វើឡើងក្នុងឱកាសដែលសម្តេចអញ្ជើញចែកសញ្ញាបត្រ​ជូននិស្សិតសាកលវិទ្យាល័យធនធានមនុស្សជាង១ពាន់នាក់ នាព្រឹកថ្ងៃទី២៦ ខែធ្នូ ឆ្នាំ២០២៤។ សម្តេចមហាបវរធិបតី មានប្រសាសន៍ថា ការអនុវត្តច្បាប់តឹងរ៉ឹង នឹងអាចបង្ការបាននូវករណីក្មេងទំនើបដែលកាប់ចាក់គ្នា ដែលនឹងជួយទៅដល់ទៅឪពុកម្តាយ និងក្មេងទាំងនោះ​ ព្រមទាំងប្រជាពលរដ្ឋផងដែរ។ ហេតុដូច្នេះហើយក្រសួងយុត្តិធម៌ គួរតែពិនិត្យមើលច្បាប់ឡើងវិញ ជាពិសេសករណីក្មេងទំនើងដែលដាក់ដាវសាម៉ូរៃនៅតាមខ្លួន និងអួត​ដាក់គ្នានៅលើបណ្តាញសង្គមហ្វេសប៊ុកជាដើម កុំចាំទាល់តែមានករណីកាប់គ្នាហើយបានប្រមូល និងចុះចាប់។ ​សម្តេចធិបតីបានគូសបញ្ជាក់យ៉ាងដូច្នេះថា «ខ្ញុំឱ្យមើលច្បាប់ឱ្យមែនទែន ខ្លះទាញមកអួត កន្លែងខ្លះបបួលគ្នាកាប់គេ តើអាហ្នឹងស្មើនឹងគម្រាមប្រមាថជីវិតដែរឬទេ។ អ៊ឺចឹងឱ្យពិនិត្យមើលច្បាប់ បើច្បាប់នៅស្រាលពេក សូមឱ្យធ្វើវិសោធនកម្ម ដើម្បីដាក់មុខព្រួញនេះកាន់តែខ្លាំងតែម្តង ​។ បើយើងត្រឹមតែអប់រំគាត់ យើងអាណិតគាត់ម្នាក់ឯង ប៉ុន្តែយើងមិនបានអាណិតឪពុកម្តាយគាត់ ដែលកូនមិនរៀន កូនចេញទៅកាន់តែអឿលើសដើម»។ សម្តេចមានប្រសាសន៍ថា បើមិនដាក់វិធានការច្បាប់ធ្ងន់ធ្ងរនោះទេ នឹងធ្វើឱ្យក្មេងខូចអនាគត ព្រោះប្រសិនបើអប់រំរដ្ឋបាល ពេលចេញទៅវិញ ពួកគេនឹងប្រព្រឹត្តិអំពើដដែល ហើយករណីនេះ ក៏នឹងធ្វើឱ្យអ្នកផ្សេងទៀតមិនខ្លាចញញើតដែរ។ ជាក់ស្តែង ករណីក្មេងទំនើងដែលកាប់គ្នាយ៉ាងសាហាវនៅខេត្តតាកែវនាពេលថ្មីៗ​ គឺត្រូវតែមានការចាត់វិធានការខ្លាំង ដោយមិនឱ្យរួចខ្លួននោះទេ។ […]

(ភ្នំពេញ)៖ ពីលើវេទិកាសាធារណៈនៅព្រឹកថ្ងៃទី២៦ ខែធ្នូ ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានដាក់ចេញនូវបទបញ្ជាជាថ្មីម្ដងទៀត ឲ្យបន្ដចាត់វិធានការច្បាប់ម៉ឺងម៉ាត់ដោយគ្មានការលើកលែង ចំពោះករណីក្មេងទំនើងដែលបង្កហិង្សាដាក់គ្នាទៅវិញទៅមក។ ក្នុងឱកាសអញ្ជើញជាអធិបតី ពិធីចែកសញ្ញាបត្រ​ជូននិស្សិតសាកលវិទ្យាល័យធនធានមនុស្សជាង១ពាន់នាក់, សម្ដេចមហាបវរធិបតី ហ៊ុន ម៉ាណែត បានណែនាំក្រសួងយុត្តិធម៌ សិក្សាធ្វើវិសោធន៍កម្មដាក់ទោសឲ្យធ្ងន់លើក្រុមក្មេងទំនើងដែលបង្កអំពើហិង្សាដាក់គ្នា ក្រោយសម្ដេចយល់ថា បើសិនទោសបច្ចុប្បន្ននៅកម្រិតមួយស្រាល។ សម្ដេចមហាបវរធិបតី ហ៊ុន ម៉ាណែត បានមានប្រសាសន៍យ៉ាងដូច្នេះថា «ទស្សនៈរបស់ផ្ទាល់ខ្លួនរបស់ខ្ញុំ ប្រសិនបើយើងមិនដាក់ខ្លាំងនោះ ទើបខូចអនាគតក្មេងម្នាក់បើត្រឹមតែហៅមកអប់រំរដ្ឋបាល ចេញទៅវិញកាប់គេដដែរ ហើយអ្នកផ្សេងទៀតអត់ខ្លាចទៀត ចឹងការអនុវត្ត២០០០នាក់ជាង នៅបន្តហើយបញ្ជូនសារទៅឲ្យអ្នកផ្សេងទៀត ចៀសវាងរឿងបែបនេះ»។ បន្ថែមពីនេះ សម្ដេចមហាបវរធិបតី នាយករដ្ឋមន្ដ្រីនៃកម្ពុជា បានណែនាំក្រសួងយុត្តិធម៌ពិនិត្យក្នុងការធ្វើវិសោធន៍កម្មច្បាប់ពាក់ព័ន្ធជាមួយទោសទណ្ឌនេះ ដោយត្រូវធ្វើយ៉ាងកម្រិតនៃការដាក់ទោសឲ្យកាន់តែខ្លាំង ដើម្បីឲ្យមានការរៀងចាលបញ្ឈប់សកម្មភាព។ សម្ដេចមហាបវរធិបតី ហ៊ុន ម៉ាណែត បានសង្កត់ធ្ងន់ឲ្យពិនិត្យបន្ថែមទៀត តាំងពីសកម្មភាពនៃការជិះម៉ូតូ ព្រោះកន្លងទៅមានការយកតាមខ្លួននូវកាំបិត ដាវសាម៉ូរ៉ៃ ព្រមទាំងការបង្ហោះសំញែញបង្អួតគ្នាតាមបណ្ដាញសង្គមផងដែរ។ ក្នុងន័យនេះ សម្ដេចបញ្ជាក់ថា ការដាក់កាំបិទ ឬដាវតាមខ្លួនស្មើនឹងការកាន់កាប់អាវុធដោយខុសច្បាប់។ សូមជម្រាបថា នៅក្នុងនីតិកាលទី៧ នៃរដ្ឋសភា រាជរដ្ឋាភិបាលក្រោមការដឹកនាំដោយសម្តេចមហាបវរធិបតី ហ៊ុន ម៉ាណែត បានកំណត់យកការងារសន្តិសុខ […]

(ភ្នំពេញ)៖ លោក ឃួង ស្រេង អភិបាលរាជធានីភ្នំពេញ បានលើកឡើងថា នៅចុងខែមករា ២០២៥ខាងមុខ ត្រូវតែដាក់ឲ្យដំណើរការផ្លូវថ្មើរជើង (Walk street) តាមបណ្តោយមាត់ទន្លេ ចាប់មុខប្រៃសណីយ៌កម្ពុជា រហូតដល់មុខព្រះបរមរាជវាំង។ សំខាន់ គឺចេញដំណើរសិន ហើយយ៉ាងយូរដាច់ខែមករា ឆ្នាំ២០២៥ ការងារផ្សេងៗទៀត ចាំដោះស្រាយបន្ត ហើយត្រូវបង្កើតក្រុមការងារអន្តរក្រសួងមួយ ដើម្បីចេញដំណើរ។ រដ្ឋបាលរាជធានីភ្នំពេញ បានបើកកិច្ចប្រជុំជាថ្មី ដើម្បីពិនិត្យវឌ្ឍនភាព នៃការរៀបចំផ្លូវថ្មើរជើង (Walkstreet) តាមបណ្តោយមាត់ទន្លេចតុមុខ ចាប់ពីមុខប្រៃសណីយ៏កម្ពុជារហូតដល់មុខព្រះបរមរាជវាំង ក្រោមអធិបតីភាពលោក ឃួង ស្រេង អភិបាលរាជធានីភ្នំពេញ ដោយមានការចូលរួមពីតំណាងក្រសួងទេសចរណ៍ និងប្រៃសណីយ៍ អគ្គិសនីកម្ពុជា នារសៀលថ្ងៃទី២៥ ខែធ្នូ ឆ្នាំ២០២៤ នៅសាលារាជធានីភ្នំពេញ។ លោក ឃួង ស្រេង បានបន្ដថា ផ្លូវថ្មើជើងនេះមានគម្រោងយូរមកហើយ តែអាស្រ័យដោយស្ថានភាពជួបការលំបាក ដូចជាជំងឺកូវីដ១៩ និងបញ្ហាលំបាកពីបញ្ហាថវិកាជាដើម។ តែទោះបីយ៉ាងណា រាជរដ្ឋាភិបាលបានណែនាំឲ្យខិតខំអនុវត្តឲ្យសម្រេចបានគំរោង ផ្លូវថ្មើរជើងនេះ ក្នុងគោលដៅទាក់ទាញភ្ញៀវទេសចរ សម្រួលការកកស្ទះចរាចរណ៍ ក៏ដូចលើកកម្ពស់សោភណ្ឌភាពរាជធានីភ្នំពេញផងដែរ។ លោក ឃួង […]

(អាស្តាណា)៖ ក្រុមមន្ត្រីនៅក្នុងប្រទេសកាហ្សាក់ស្ថាន បានឱ្យដឹងថាមនុស្ស៣៨នាក់ បានស្លាប់នៅក្នុងហេតុការណ៍ធ្លាក់យន្ដហោះដឹកអ្នកដំណើរមួយគ្រឿងធុន Embraer នៅ ក្បែរទីក្រុង Aktau កាលពីថ្ងៃពុធ ទី២៥ ខែធ្នូ បន្ទាប់ពីបង្វែរទិសដៅហោះហើរចេញពីតំបន់មួយរបស់រុស្ស៉ី ដែលមូស្គូកាលពីពេលថ្មីៗនេះទប់ទល់នឹងការវាយប្រហារដោយដ្រូន ពីសំណាក់អ៊ុយក្រែន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ យន្តហោះខាងលើ ធ្វើប្រតិបត្តិការដោយក្រុមហ៊ុនអាកាសចរណ៍ Azerbaijan Airlines។ ដោយឡែក បើតាមសេចក្តីថ្លែងការណ៍របស់អាកាសចរណ៍អាស៊ែបៃហ្សង់ យន្តហោះ Embracer 190 ជើងហោះហើរ​លេខ J2-8243 មានគោលដៅធ្វើដំណើរចេញពីរដ្ឋធានី Baku ឆ្ពោះទៅកាន់ទីក្រុង Grozny ដែលជា​រដ្ឋធានីនៃតំបន់ Chechnya របស់ប្រទេស រុស្ស៉ី ប៉ុន្តែវាត្រូវបានបង្ខំឱ្យធ្វើការចុះចតបន្ទាន់ នៅចម្ងាយប្រហែល៣គីឡូម៉ែត្រ ពីទីក្រុង Aktau របស់កាហ្សាក់ស្ថាន។ គួរបញ្ជាក់ថា យន្ដហោះខាងលើ​ផ្ទុកអ្នកដំណើរ ៦៧នាក់ និងក្រុមការងារយន្តហោះផ្ទាល់ ចំនួន៥នាក់ ហើយបើតាមក្រុមមន្ត្រីកាហ្សាក់ស្ថាន អ្នកដំណើរ ២៩នាក់ នៅរស់រានមាន ជីវិត និងកំពុងសម្រាកព្យាបាលនៅមន្ទីរពេទ្យ។ ចំណែកឯមូលហេតុបណ្ដាលឱ្យយន្ដហោះនេះធ្លាក់កំពុងស្ថិតក្រោមការស៊ើបអង្កេត៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក សេង ឌីណា រដ្ឋលេខាធិការ និងជាអ្នកនាំពាក្យក្រសួងយុត្តិធម៌ នៅថ្ងៃទី២៥ ខែធ្នូ ឆ្នាំ២០២៤ បានលើកឡើងអំពីករណីក្មេងទំនើង ដែលបានធ្វើសកម្មភាពហិង្សា កាលពីថ្ងៃទី០៦ ខែកុម្ភៈ ឆ្នាំ២០២៤ ដោយបានបញ្ជាក់ថា ការផ្ដន្ទាទោសអនុវត្តទៅតាមច្បាប់ជាធរមាន ហើយគ្មានក្មេងទំនើងណាម្នាក់ ដែលត្រូវបានរត់គេចខ្លួនពីសំណាញ់ច្បាប់ឡើយ។ ការលើកឡើងរបស់លោកបែបនេះ បានធ្វើឡើងក្នុងសន្និសីទសារព័ត៌មានស្ដីពី «ករណីក្រុមក្មេងទំនើង» ដែលបានប្រព្រឹត្តទៅនៅទីស្ដីការក្រសួងយុត្តិធម៌ ក្រោមការដឹកនាំរបស់ លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌។ លោក សេង ឌីណា បានលើកឡើងនូវករណីក្មេងទំនើងមួយក្រុម បានធ្វើសកម្មភាពប្រហារទៅលើជនរងគ្រោះម្នាក់បណ្ដាឱ្យដាច់ដៃម្ខាង ហើយតុលាការបានសម្រេចផ្តន្ទាទោសដាក់ពន្ធនាគារ ជនសង្ស័យម្នាក់៧ឆ្នាំ និងជនសង្ស័យម្នាក់ទៀត ៤ឆ្នាំ។ ជាមួយគ្នានេះ លោក បានបញ្ជាក់ថា «អ្វីដែលតុលាការបានសម្រេច គឺសម្រេចតាមច្បាប់ជាធរមាន បើសិនជាច្បាប់ចែងឱ្យដាក់ទោសធ្ងន់៧ឆ្នាំ គឺដាក់៧ឆ្នាំ បើចែងទោសធ្ងន់៤ឆ្នាំ គឺដាក់៤ឆ្នាំ ថ្វីដ្បិតតែទោសខុសគ្នាក៏ពិតមែន ប៉ុន្តែបើឱ្យអត់ឱន ធ្វើធូររលុង ឱ្យរួចខ្លួន គឺគ្មានទេ»។ សូមជម្រាបថា សម្តេចបវរធិបតី ហ៊ុន​ ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី២៣ ខែឧសភា ឆ្នាំ២០២៤ […]

(ភ្នំពេញ)៖ រដ្ឋបាលរាជធានីភ្នំពេញ បានជម្រាបជូនដល់បងប្អូនប្រជាពលរដ្ឋឱ្យបានជ្រាបថា នៅថ្ងៃទី២៩ ខែធ្នូ ឆ្នាំ២០២៤ ខាងមុននេះនឹងមានការរៀបចំប្រារព្ធ «ទិវាសន្តិភាពនៅកម្ពុជា» នៅវិមានឈ្នះឈ្នះ វេលាម៉ោង ០៧:៣០នាទី និងព្រឹត្តិការណ៍បាល់ទាត់មិត្តភាព នៅពហុកីឡដ្ឋានជាតិមរតកតេជោ វេលាម៉ោង ១៤:០០នាទី ដែលស្ថិតនៅភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ ដូច្នេះ រដ្ឋបាលរាជធានីភ្នំពេញ បានបញ្ចៀសចរាចរយានយន្តធុនធ្ងន់គ្រប់ប្រភេទជាបណ្តោះអាសន្ន ការប្រារព្ធ «ទិវាសន្តិភាពនៅកម្ពុជា» នៅវិមានឈ្នះឈ្នះ និងព្រឹត្តិការណ៍បាល់ទាត់មិត្តភាព នៅពហុកីឡដ្ឋានជាតិមរតកតេជោ។ ពិធីនេះធ្វើឡើងក្រោមអធិបតីភាព ដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។ ដើម្បីឱ្យព្រឹត្តិការណ៍ខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ អាជ្ញាធរមានសមត្ថកិច្ចនឹងធ្វើការបញ្ចៀសចរាចរជាបណ្តោះអាសន្នជុំវិញទីតាំងប្រារព្ធពិធី ដោយមិនអនុញ្ញាតឱ្យយានយន្តធុនធ្ងន់គ្រប់ប្រភេទឆ្លងកាត់កំណាត់មហាវិថីឈ្នះឈ្នះ ចាប់ពីគល់ស្ពានព្រែកព្នៅ រហូតដល់ផ្លូវជាតិលេខ៦ នៅថ្ងៃទី២៩ ខែធ្នូ ឆ្នាំ២០២៤ ចាប់ពីម៉ោង ០៥:០០នាទី រហូតដល់បញ្ចប់កម្មវិធី។ អាស្រ័យហេតុនេះ សូមបងប្អូនប្រជាពលរដ្ឋដែលធ្វើដំណើរឆ្លងកាត់មហាវិថីខាងលើមេត្តាជ្រាប និងស្នើសុំយោគយល់ អធ្យាស្រ័យ និងបញ្ចៀសការធ្វើដំណើរឆ្លងកាត់ទីតាំងប្រារព្ធពិធីតាមកាលបរិច្ឆេទដូចបានជម្រាបជូនខាងលើដោយក្ដីអនុគ្រោះ។ […]

(ភ្នំពេញ)៖ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោក UENO Atsushi ឯកអគ្គរាជទូតជប៉ុនប្រចាំកម្ពុជា នឹងចុះហត្ថលេខាលើលិខិតប្តូរសារ និងឯកសារពាក់ព័ន្ធ ស្តីពីការផ្តល់ហិរញ្ញប្បទានឥតសំណង របស់ជប៉ុន ដែលមានទឹកប្រាក់ចំនួន ១,០០២ លានយ៉េន (ប្រមាណ៧.២លានដុល្លារអាមេរិក) សម្រាប់អនុវត្តគម្រោង «កម្មវិធីអភិវឌ្ឍន៍សេដ្ឋកិច្ច និងសង្គម» (គម្រោងលើវិស័យនគរូបនីយកម្ម) នៅថ្ងៃទី២៦ ខែធ្នូ ឆ្នាំ២០២៤។ ហិរញ្ញប្បទានឥតសំណងនេះ គូសបញ្ជាក់ពីការគាំទ្រឥតងាករេរបស់ជប៉ុន ចំពោះកិច្ចខិតខំ ប្រឹងប្រែងរបស់រាជរដ្ឋាភិបាលកម្ពុជា ដើម្បីលើកកម្ពស់ការអភិវឌ្ឍសេដ្ឋកិច្ច-សង្គម។ ជំនួយនេះក៏ នឹងរួមចំណែកក្នុងការពង្រឹង និងធ្វើឱ្យកាន់តែស៊ីជម្រៅបន្ថែមទៀត នូវភាពជាដៃគូយុទ្ធសាស្ត្រគ្រប់ ជ្រុងជ្រោយរវាងប្រទេសទាំងពីរ៕ ផ្ដល់សិទ្ធិដោយ៖ Fresh News

(កណ្តាល)៖ លោក គួច ចំរើន អភិបាលខេត្តកណ្ដាល បានជំរុញមន្ត្រីពាក់ព័ន្ធទាំងអស់ និងសមាគមអ្នកចម្លាក់ប្រាក់-ស្ពាន់ ត្រូវចុះដៃធ្វើការជាមួយគ្នាឲ្យកាន់តែច្រើនឡើង សំដៅដល់ការធ្វើទីផ្សារលើផលិតផលវប្បធម៌ខ្មែរមួយនេះ បោះលើទីផ្សារ ឲ្យកាន់តែល្បីល្បាញឡើង ពិសេសសំដៅលើភ្ញៀវទេសចរណ៍អន្តរជាតិ ដែលឧស្សាហ៍មកទស្សនកិច្ចនៅតំបន់ស្រុកពញាឮនេះ ឲ្យតែល្បីឈ្មោះឡើងលើឆាកអន្តរជាតិ។ អភិបាលខេត្តសង្កត់ធ្ងន់ថា «នេះជាវប្បធម៌ដ៏ចំណាស់របស់យើង អរគុណអ្នកស្រុកពញាឮ ដែលខិតខំរក្សានូវកេរ្តិ៍ដូនតាមក ហើយខិតខំតស៊ូណាស់លើការងារចម្លាក់នេះ ដ្បិតថា មិនមែនគ្រប់គ្នាអាចស៊ូធ្វើការលើក្បាច់ចម្លាក់ប្រាក់-ស្ពាន់នេះឡើយ ទាល់តែមុតចត់ណាស់ ស៊ូក្រាញននៀលណាស់ ព្រោះក្បូរក្បាច់រចនារបស់ខ្មែរ មិនមែនឆ្លាក់ឲ្យរួចពីដៃទេ ពោលគឺត្រូវផ្ចិតផ្ចង់គ្រប់ក្បូរក្បាច់រចនាទាំងអស់ ទម្រាំតែអាចសម្រេចចេញជាសមិទ្ធផលនេះបាន»។ លោក គួច ចំរើន បានថ្លែងបែបនេះនៅគ្រាដែលលោក បានចុះពិនិត្យ និងស្វែងយល់អំពីសិប្បកម្មចម្លាក់ប្រាក់-ស្ពាន់តាមខ្នងផ្ទះ និងសំណេះសំណាលជាមួយប្រជាពលរដ្ឋ ប្រកបរបរចម្លាក់ប្រាក់ស្ពាន់ជាង២០០នាក់ នៅក្នុងភូមិកោះចិន ឃុំកោះចិន ស្រុកពញាឮ កាលពីល្ងាចថ្ងៃទី២៤ ខែធ្នូ ឆ្នាំ២០២៤។ វត្តមានចូលរួមផងដែរពីសំណាក់លោក ថន សុវណ្ណា អភិបាលស្រុកពញាឮ និងមន្ត្រីពាក់ព័ន្ធជាច្រើននាក់ផ្សេងទៀត។ ថ្លែងទៅកាន់បងប្អូនប្រជាពលរដ្ឋ ដែលប្រកបមុខរបរចម្លាក់ប្រាក់ស្ពាន់លោក គួច ចំរើន បានបញ្ចាក់ថា ការចុះមកពិនិត្យដល់ទីតាំងផលិតចម្លាក់ប្រាក់-ស្ពាន់នាពេលនេះ គឺដើម្បីស្វែងយល់អំពីសុខទុក្ខជីវភាពរស់នូវការលំបាក និងបញ្ហាប្រឈមនានា របស់បងប្អូនប្រជាពលរដ្ឋដែលកំពុងប្រកបរបរផលិតចម្លាក់ប្រាក់ស្ពាន់ សំដៅជួយលើកស្ទួយវិស័យចម្លាក់ប្រាក់ស្ពាន់របស់ខេត្តឲ្យកាន់តែរីកចម្រើន មានទីផ្សារ […]

(កណ្ដាល)៖ លោក គួច ចំរើន អភិបាលខេត្តកណ្ដាល បានអំពាវនាវឱ្យបងប្អូនប្រជាពលរដ្ឋ រាយការណ៍ទៅអាជ្ញាធរមូលដ្ឋាន ឬរាយការណ៍ជូនលោកផ្ទាល់ ក្នុងករណីមានការផ្ដល់កម្ចីអនឡាញណាមួយពីជនបរទេស។ អភិបាលខេត្តថ្លែងបែបនេះ ក្រោយនគរបាលខេត្តកណ្ដាល បានចាប់ខ្លួនជនជាតិឥណ្ឌា៣៧នាក់ ពាក់ព័ន្ធការផ្ដល់កម្ចីខុសច្បាប់នេះ។ អភិបាលខេត្ត បានអំពាវនាវបែបនេះ ក្នុងឱកាសដែលលោកអញ្ជើញជាអធិបតីភាព ក្នុងទិវាជាតិប្រយុទ្ធប្រឆាំងអំពើជួញដូរមនុស្ស ១២ ធ្នូ លើកទី១៨ ក្រោមប្រធានបទ «កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល» កាលពីថ្ងៃទី២៤ ខែធ្នូ ឆ្នាំ២០២៤ នៅសាលាស្រុកស្អាង។ អភិបាលខេត្តកណ្ដាល បន្តថា កម្ចីអនឡាញនេះ គឺពិតជាគ្រោះថ្នាក់ណាស់សម្រាប់បងប្អូនប្រជាពលរដ្ឋ ព្រោះថាកម្ចីអនឡាញនេះ មានការខ្ចីពីមួយទៅមួយបន្តគ្នា ហើយចំនួននៃការជំពាក់មានការកើនឡើងទ្វេដង ដូច្នេះប្រសិនបើប្រជាពលរដ្ឋណា មានការជំពាក់កម្ចីអនឡាញរបស់ជនបរទេស សូមធ្វើការរាយការណ៍មកអាជ្ញាធរមូលដ្ឋាន ឬរាយការណ៍មកលោកផ្ទាល់ ដើម្បីឱ្យអាជ្ញាធរមានមូលដ្ឋានក្នុងការពិនិត្យ និងសម្របសម្រួលចៀសវាងបំណុលអនឡាញមានការកើនឡើងឥតឈប់ឈរ ដែលធ្វើឱ្យបងប្អូនប្រជាពលរដ្ឋ ប្រឈមនឹងការគិតខ្លី ឬអាចឈានដល់ការបញ្ចប់ជីវិតជាដើម។ អភិបាលខេត្តកណ្ដាល បានលើកឡើងថា ទិវាជាតិប្រយុទ្ធប្រឆាំងអំពើជួញដូរមនុស្ស ១២ ធ្នូ គឺជាយុទ្ធនាការដ៏ធំមួយ ដែលត្រូវបានប្រារព្ធធ្វើឡើង ដើម្បីផ្សព្វផ្សាយការយល់ដឹង អំពីអំពើជួញដូរមនុស្ស ដែលបាន និងកំពុងតែរីកដុះដាលពីតំបន់មួយ ទៅ តំបន់មួយ ហើយបាននិងកំពុងតែបំផ្លាញយ៉ាងធ្ងន់ធ្ងរនូវកម្លាំងពលកម្ម និងបញ្ញាញាណដ៏មានសក្តានុពល […]