(ភ្នំពេញ)៖ រដ្ឋបាលរាជធានីភ្នំពេញ នៅថ្ងៃទី៣ ខែធ្នូ ឆ្នាំ២០២៤នេះ បានចេញសេចក្ដីជូនស្ដីពីការកែសម្រួលម៉ោងចេញ-ចូលរាជធានីភ្នំពេញ សម្រាប់រថយន្ដដឹកទំនិញគ្រប់ប្រភេទ និងភូមិសាស្ដ្រដែលត្រូវហាមឃាត់ ដើម្បីរក្សាសណ្ដាប់ធ្នាប់ របៀបរៀបរយ និងកាត់បន្ថយការកកស្ទះចរាចរណ៍។ ក្នុងសេចក្ដីជូនដំណឹងដែលបណ្ដាញព័ត៌មាន Fresh News ទទួលបានរដ្ឋបាលរាជធានីភ្នំពេញ បានអះអាងថា ការកែសម្រួលម៉ោងសម្រាប់រថយន្ដដឹកទំនិញចេញ-ចូលរាជធានីភ្នំពេញ ដោយសារចំនួនប្រជាពលរដ្ឋ ក៏ដូចជាបរិមាណយានយន្ដក្នុងភូមិសាស្ដ្ររាជធានីភ្នំពេញ មានការកើនឡើងគួរឲ្យកត់សម្គាល់ ចរាចរណ៍មានការកកស្ទះ និងកើតមាននូវគ្រោះថ្នាក់ចរាចរណ៍ជាញឹកញាប់ ដែលភាគច្រើនបង្កដោយរថយន្ដធុនធ្ងន់។ ខាងក្រោមនេះ ជាតម្រាយផ្លូវដែលហាមឃាត់ និងម៉ោងសម្រាប់រថយន្ដធុនធ្ងន់ចេញ-ចូល រាជធានីភ្នំពេញ៖ ផ្ដល់សិទ្ធិដោយ៖ Fresh News

(ភ្នំពេញ)៖ នៅថ្ងៃទី០២ ខែធ្នូ ឆ្នាំ២០២៤ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំពិភាក្សាជាមួយក្រុមការងារ UNIDO លើការងាររៀបចំមន្ទីរពិសោធន៍ជាតិកសិកម្ម នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ ក្នុងកិច្ចប្រជុំនេះ រដ្ឋមន្ត្រីក្រសួងកសិកម្ម បានសម្តែងក្តីសោមនស្សរីករាយចំពោះក្រុមការងារ UNIDO ចំពោះការចូលរួមពិនិត្យលទ្ធភាពរៀបចំមន្ទីរពិសោធន៍ជាតិកសិកម្មឱ្យមានភាពបន្ស៊ីគ្នា និងជំរុញការកសាងមន្ទីរពិសោធន៍នេះឱ្យមានលក្ខណ:ស្តង់ដា ISO សម្រាប់វិស័យកសិកម្មកម្ពុជា។ លើសពីនេះ លោករដ្ឋមន្ដ្រី បានផ្តល់អនុសាសន៍ដល់ក្រុមការងារ ត្រូវសិក្សាអំពីសម្ភារៈពិសោធ និងស្តង់ដានៃការជួសជុលថែទាំឱ្យមានគុណភាពល្អ និងមានស្តង់ដាតែមួយ។ ក្នុងការងារនេះ លោកបានសង្កត់ធ្ងន់ថា «មន្ទីរពិសោធន៍ជាតិមានសារៈសំខាន់ខ្លាំងណាស់ ក្នុងការបម្រើដល់ការធ្វើពាណិជ្ជកម្មនាំចេញកសិផលកម្ពុជា ដោយពិនិត្យលើអនាម័យ ភូតគាមអនាម័យ និងការគ្រប់គ្រងជំងឺផ្សេងៗ។ ម្ល៉ោះហើយ ការងារនេះត្រូវធ្វើឱ្យទាន់ពេលវេលា និងមានសម្ភារៈគ្រប់គ្រាន់ ដោយក្រសួងកសិកម្មបានត្រៀមខ្លួនរួចជាស្រេច ជាពិសេសផ្នែកធនធានមនុស្សដើម្បីបំពេញការងារនេះប្រកបដោយគុណភាព និងប្រសិទ្ធភាពខ្ពស់»។ ជាថ្មីម្តងទៀត លោក ឌិត ទីណា បានលើកទឹកចិត្តដល់ក្រុមការងារ ត្រូវជំរុញការងារនេះបន្ថែមទៀត ធ្វើយ៉ាងណាឱ្យមានលទ្ធផលផ្លែផ្កា និងជាសក្ខីភាពមួយបង្ហាញពីកិច្ចសហប្រតិបត្តិការនៃការរួមគ្នា ជួយគាំទ្រដល់ការងារមន្ទីរពិសោធន៍ជាតិកសិកម្មកម្ពុជា ឱ្យលេចចេញជារូបរាងពិតប្រាកដ៕ ផ្ដល់សិទ្ធិដោយ៖ Fresh News

(វៀងចន្ទន៍)៖ ក្រុមបាល់ទាត់ជម្រើសជាតិនារីកម្ពុជា ត្រូវប៉ះក្រុមនារីឥណ្ឌូនេស៊ី បន្តទៀតក្នុងវគ្គផ្តាច់ព្រ័ត្រដណ្តើមពានរង្វាន់ AFF Women’s Cup 2024 ដែលធ្វើឡើងនៅថ្ងៃទី០៥ ខែធ្នូ ឆ្នាំ២០២៤ នៅទីក្រុងវៀងចន្ធន៍ ប្រទេសឡាវ ដ្បិតជាក្រុមលេងមិនចាញ់ដូចគ្នាពីវគ្គជម្រុះចេញពីពូល B ខណៈកីឡាការិនីគោព្រៃកម្ពុជា ពឿន គន្ធា ជាអ្នករកបាន ៣គ្រាប់ច្រើនជាងគេក្នុងប្រកួតនេះ ។ មុនឈានមកដល់វគ្គផ្តាច់ព្រ័ត្រនេះ ក្រុមនារីកម្ពុជា បានយកឈ្នះលើក្រុមទីម័រខាងកើតយ៉ាងចាស់ដៃ ៣-០ ខណៈក្រុមនារីឥណ្ឌូនេស៊ី ក៏យកបានលទ្ធផលដូចគ្នានេះលើក្រុមសិង្ហបុរី ពីវគ្គពាក់កណ្តាល់ផ្តាច់ព្រ័ត្រ ។ ដ្បិតក្រុមនារីកម្ពុជា និងក្រុមឥណ្ឌូនេស៊ី ធ្លាប់ប៉ះគ្នាក្នុងពូលបានត្រឹមស្មើគ្នាដោយគ្មានគ្រាប់ស៊ុតបញ្ចូលទីនោះទេ ។ ស្ថិតក្នុងប្រកួតនេះដែរ ឃើញថាក្រុមនារីកម្ពុជា មានដល់ទៅ ៣នាក់ដែលអាចរកបានគ្រាប់ស៊ុតបញ្ចូលទីក្នុងនោះ កីឡាការិនី ពឿន គន្ធា ស៊ុតបាន ៣គ្រាប់, កីឡាការិនី សឿន វីផា និងកីឡាការិនី ឈិត សាភឿន រកបានម្នាក់ ១គ្រាប់ដូចគ្នា ដែលស្ថិតក្រោមការដឹកនាំដោយលោក ឃួន ឡាបូរ៉ាវីត អតីតកីឡាករឆ្នើមរបស់ជម្រើសជាតិកម្ពុជា ។ ហើយក្រុមដណ្តើមលេខ៣ […]

(កណ្ដាល)៖ សាលាដំបូងខេត្តកណ្ដាល នៅយប់ថ្ងៃទី២ ខែធ្នូ ឆ្នាំ២០២៤ បានចេញសេចក្ដីប្រកាសព័ត៌មានស្ដីពីចំណាត់ការលើសំណុំរឿងពាក់ព័ន្ធនឹងករណីប៉ុនប៉ងក្នុងអំពើលក់-ដូរមនុស្ស សម្រាប់នាំឆ្លងដែន និង ករណីបទសមគំនិតពាក់ព័ន្ធនឹងអំពើលក់ដូរ-មនុស្ស សម្រាប់នាំឆ្លងដែន កើតឡើងនៅភូមិក្រោម ឃុំព្រែកអញ្ចាញ ស្រុកមុខកំពូល ខេត្តកណ្ដាល។ សូមអានសេចក្ដីប្រកាសព័ត៌មានទាំងស្រុងដូចខាងក្រោម៖ ផ្ដល់សិទ្ធិដោយ៖ Fresh News

(ភ្នំពេញ)៖ សម្តេចតេជោ ហ៊ុន សែន ថ្លែងឆ្លើយតបថា​សម្តេចមិនដែលភ្លេចគុណអ្នកណាទេ។ សម្តេចបានថ្លែងបញ្ជាក់ទៅលោក អឹម នី ថា មិនមានអ្នកណាជួយសម្តេចឲ្យរត់នោះដែរនៅពេលសម័យនោះ កិច្ចការសម្តេចជាអ្នកសម្រេចទាំងអស់ ព្រោះសម្តេចពេលនោះជាមេបញ្ជាការកងពល ដែលអាចបញ្ជាកងទ័ព និងសម្រេចកិច្ចការផ្សេងៗដោយខ្លួនឯង។ សម្ដេចតេជោ ហ៊ុន សែន បានមានប្រសាសន៍ថា៖ «ខ្ញុំសូមផ្ញើជូនចំពោះលោក អ៊ឹមនី អ្នកសារព័ត៌មាន ក៏ដូចជាបងប្អូនទាំងអស់ដែលបានចូលមើលតេឡេក្រាមនេះ។ តាមការរៀបរាប់របស់លោក អ៊ឹមនី ដែលខ្ញុំហៅថាប្អូន ឬក៏បង តែតាមមើលប្រហែលជាអាយុមិនច្រើនជាងខ្ញុំទេ ខ្ញុំសូមបញ្ជាក់ថាទី១ ខ្ញុំគ្មានប្រវត្តិច្រើនទេ ខ្ញុំមានប្រវត្តិតែ១គត់ គឺប្រវត្តិដែលបានថតជាខ្សែភាពតយន្ត រឿងកូនប្រុសក្រោមពន្លឺព្រះច័ន្ទពេញបូរមី រួចមកហើយនេះគឺជាប្រវត្តិពិតរបស់ខ្ញុំ ហើយខ្ញុំក៏បានធ្វើបាឋកថាថ្ងៃមុនអស់រយៈពេល២ម៉ោង ខ្ញុំបាននិយាយច្រើនហើយ ហើយរឿងរបៀបនេះកើតឡើងមិនតិចជាង៥០ដងទេ។ ចាប់តាំងពីឆ្នាំ១៩៧៩ រហូតមកដល់បច្ចុប្បន្ន អ្នកនេះអះអាងថាជួយខ្ញុំបែបនេះ ជួយខ្ញុំបែបនោះ មិនមែនជារឿងត្រឹមត្រូវទេ គ្មាននរណាជួយខ្ញុំទេ មានតែខ្ញុំជួយអ្នកដទៃ អាហ្នឹងខ្ញុំសូមបញ្ជាក់។ ខ្ញុំមិនដឹងថាខ្ញុំរកពាក្យពេជន៍បែបមិច សារព័ត៌មានយកមកចុះផ្សាយបែបនេះ ហើយខ្ញុំសូមបញ្ជាក់ថា ខ្ញុំមិនដែលើភ្លេចគុណនរណាទេ ក៏ប៉ុន្តែសូមឱ្យអ្នកដទៃគោរពគោលការណ៍ និយាយត្រង់ និយាយពិត ព្រោះមិនអាចយកភាពលកាឡៃ ហើយរឿងដែលមិនដែលស្គាល់គ្នាប្អូនប្រុសនៅខេត្តពោធិ៍សាត់ ហើយខេត្តពោធិ៍សាត់ ពេលនោះនៅភូមិភាគពាយព្យនៅឆ្ងាយណាស់ ជាមួយជ្រុងម្ខាងនៃភូមិភាគបូព៌ាទិស […]

(បរទេស)៖ ម្ចាស់កម្មវិធី Instagram និង Facebook គឺ Meta Platforms បានប្រកាសនៅថ្ងៃចន្ទដើមសប្តាហ៍នេះថា ខ្លួនបានដាក់ចេញនូវច្បាប់តឹងរ៉ឹង សម្រាប់អ្នកផ្សាយពាណិជ្ជកម្មផលិតផល ដើម្បីទប់ស្កាត់ការបោកប្រាស់ផ្នែកហិរញ្ញវត្ថុ ដែលសំដៅលើប្រជាជនអូស្ត្រាលី។ នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី០២ ខែធ្នូ ឆ្នាំ២០២៤។ ការដាក់ចេញច្បាប់ខាងលើ បានកើតឡើងបន្ទាប់ពីក្រុមហ៊ុន Meta កាលពីខែតុលាបានប្រកាសថា ខ្លួនបានដកការផ្សាយពាណិជ្ជកម្ម ៨,០០០ ដែលគេហៅថា «celeb bait» ជាផ្នែកមួយនៃកិច្ចខិតខំប្រឹងប្រែងជាមួយធនាគារអូស្ត្រាលី ដើម្បីទប់ស្កាត់ការបោកប្រាស់ដែលប្រើរូបភាពរបស់មនុស្សល្បីៗ ដើម្បីបញ្ឆោតអ្នកប្រើប្រាស់ឱ្យផ្តល់ប្រាក់ដល់គម្រោងវិនិយោគក្លែងក្លាយ។ Meta បានប្រកាសថា ឥឡូវនេះអ្នកផ្សាយពាណិជ្ជកម្មនឹងត្រូវបានតម្រូវឱ្យផ្ទៀងផ្ទាត់អ្នកទទួលផល និងអ្នកបង់ប្រាក់របស់ពួកគេ រួមទាំងលេខអាជ្ញាប័ណ្ណសេវាកម្មហិរញ្ញវត្ថុអូស្ត្រាលីរបស់ពួកគេ មុនពេលពួកគេអាចដំណើរការការផ្សាយពាណិជ្ជកម្មសេវាកម្មហិរញ្ញវត្ថុ។ លោក Will Easton នាយកគ្រប់គ្រងក្រុមហ៊ុន Meta ANZ បាននិយាយនៅក្នុងសេចក្តីថ្លែងការណ៍មួយថា «ការណែនាំនៃការផ្ទៀងផ្ទាត់អ្នកផ្សាយពាណិជ្ជកម្មហិរញ្ញវត្ថុ គឺជាជំហានបន្ថែមដ៏សំខាន់មួយឆ្ពោះទៅរកការការពារប្រជាជនក្នុងប្រទេសអូស្ត្រាលី ពីអ្នកបោកប្រាស់ក្នុងសម័យដ៏ទំនើបនេះ»។ គួរជម្រាបថា កាល​ពី​ខែមុន រដ្ឋាភិបាល​​​អូស្ត្រាលី​បាន​ទម្លាក់​ផែនការ​ពិន័យក្រុមហ៊ុន​ប្រព័ន្ធផ្សព្វផ្សាយតាម​អ៊ីនធឺណិត​រហូត​ដល់ ៥% នៃ​ប្រាក់​ចំណូល​សកល​របស់​ពួកគេ ដោយសារ​ការ​ខកខាន​ក្នុង​ការ​ការពារ​ការ​ផ្សព្វផ្សាយ​ព័ត៌មាន​មិន​ពិត​តាម​អ៊ីនធឺណិត៕ ផ្ដល់សិទ្ធិដោយ៖ Fresh News

(ភ្នំពេញ)៖ កម្លាំងនាយកដ្ឋាននគរបាលព្រហ្មទណ្ឌ បានបើកប្រតិបត្តិការស្រាវជ្រាវ និងឈានដល់ការបង្ក្រាបករណីចាប់បង្ខាំងមនុស្សខុសច្បាប់ ដើម្បីជំរិតទារប្រាក់ពីជនជាតិចិន ដោយក្លែងបន្លំប្រើប្រាស់ឯកសណ្ឋាននគរបាលជាតិ។ ប្រតិបត្តិការនេះ ធ្វើឡើងដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ។ របាយការណ៍របស់នាយកដ្ឋាននគរបាលព្រហ្មទណ្ឌ បានឲ្យដឹងនៅថ្ងៃទី២ ខែវិច្ឆិកា ឆ្នាំ២០២៤នេះថា ហេតុការណ៍នេះកើតឡើងនៅថ្ងៃទី១៩ ខែវិច្ឆិកា ឆ្នាំ២០២៤ វេលាម៉ោងប្រហែល១១យប់ នៅចំណុចអតីតសណ្ឋាគារមីង គួយ មានទីតាំងស្ថិតនៅផ្លូវលេខ១៧៤ សង្កាត់ផ្សារថ្មីទី៣ ខណ្ឌដូនពេញ មានជនជាតិចិនមានគ្នាចំនួន៤-៥នាក់ ជិះរថយន្ត១គ្រឿង ម៉ាក Alpard ពណ៌ស (មិនស្គាល់ផ្លាកលេខ) បានធ្វើសកម្មភាពចាប់ជនរងគ្រោះម្នាក់ឈ្មោះ LU WEI ភេទប្រុស ជនជាតិចិន ដាក់ចូលក្នុងរថយន្ត រួចជិះគេចចេញពីទីតាំងខាងលើ។ ក្រោយទទួលព័ត៌មានកម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ទោ ជាវ វិបុល, លោកឧត្តមសេនីយ៍ត្រី ហ៊ុន មុន្នីរ័ត្ន, លោកវរសេនីយ៍ឯក ហែម បូណា និងលោកវរសេនីយ៍ឯក ឆាន់ គឹមលី អនុប្រធាននាយកដ្ឋាន […]

(កំពង់ឆ្នាំង)៖ រដ្ឋក្នុងស្រុករលាប្អៀរ ខេត្តកំពង់ឆ្នាំង បានចាប់ផ្ដើមរៀបចំទុកក្អមឆ្នាំង ដាក់លើរថយន្តកែ ច្នៃ គោយន្ត និងរ៉ឺម៉ក ចេញដំណើរលក់ដូរវិញហើយ ក្រោយពីពួកគាត់បានប្រមូលផលស្រូវស្រាលទុកដាក់រួចរាល់ និងបន្ទាប់ពីមានការអាក់ខានក្នុងការបង្កបង្កើនផលស្រូវពេញមួយរដូវវស្សាកន្លងមកនេះ។ ជាក់ស្ដែងនៅព្រឹកថ្ងៃទី២ ខែធ្នូ ឆ្នាំ២០២៤ ពលរដ្ឋក្នុងឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ដែលមានមុខរបររកស៊ីដឹកក្អមឆ្នាំងលក់ ពួកគាត់បានចាប់ផ្ដើមរៀបចំក្អមឆ្នាំង ចង្ក្រាន និងសម្ភារប្រើប្រាស់ធ្វើពីដីឆ្នាំងមួយចំនួនទៀត ចងរៀបចំដាក់លើរថយន្តកែច្នៃ គោយន្តកន្ត្រៃ រទេះគោ រ៉ឺម៉កម៉ូតូ និងមធ្យោបាយផ្សេងៗទៀត ចេញដំណើររកទទួលទានឡើងវិញ បន្ទាប់ពីខកខានអស់រយៈពេលមួយរដូវវស្សាកន្លងមកនេះ ដោយសារតែពួកគាត់ជាប់រវល់ ក្នុងការបង្កបង្កើនផលស្រូវ និងប្រមូលផលស្រូវស្រាលទុកដាក់ក្នុងជង្រុកផងដែរ។ បុរសម្នាក់ឈ្មោះ ជា ថុនា មានទីលំនៅក្នុងភូមិឃ្លៃ ឃុំជ្រៃបាក់ ស្រុករលាប្អៀរ ដែលបានដឹកក្អមឆ្នាំង និងសម្ភារប្រើប្រាស់ផ្សេងៗធ្វើអំពីដីឆ្នាំងតាមរម៉កម៉ូតូ ត្រៀមចេញដំណើរដើរលក់ដូរតាមបណ្ដាខេត្តផ្សេងៗ បានប្រាប់ឲ្យដឹងថា រូបគាត់បានប្រកបមុខរបរដឹកក្អមឆ្នាំង និងសម្ភារប្រើប្រាស់ធ្វើអំពីដីឆ្នាំង ដើរលក់មានរយៈពេលជាច្រើនឆ្នាំមកហើយ បន្ទាប់ពីឪពុករបស់គាត់បានស្លាប់ទៅរូបគាត់ក៏បានចាប់យកមុខរបរនេះជំនួសឪពុករហូតមកដល់សព្វថ្ងៃ។ លោកបានបញ្ជាក់ទៀតថា កាលពីរូបគាត់នៅតូចៗ គាត់បានដើរលក់ក្អមឆ្នាំងជាមួយឪពុក កាលណោះមិនទាន់មានរថយន្តកែច្នៃ គោយន្ត ឬរ៉ឺម៉កម៉ូតូ ដឹកដូចសម័យឥឡូវនោះទេ គឺកាលណោះមានតែរទេះគោកង់ឈើ ដោយបររទេះដើរលក់នៅតាមបណ្ដាខេត្តឆ្ងាយៗ។ ពេលចេញលក់ក្នុងមួយជើងៗទាំងទៅទាំងមក គឺចំណាយពេលរាប់ខែឯណោះទើបត្រឡប់មកដល់ផ្ទះវិញ […]

(ភ្នំពេញ)៖ កីឡាករ-កីឡាការិនីកម្ពុជា ៣រូប បានទទួលឱកាសចេញទៅហ្វឹកហាត់រយៈពេល ២សប្ដាហ៍ នៅសាធារណរដ្ឋកូរ៉េ ក្រោមជំនួយរបស់ម្ចាស់ផ្ទះ ដើម្បីអភិវឌ្ឍន៍សមត្ថភាពត្រៀមការប្រកួតអន្ដរជាតិ នាពេលខាងមុខ។ បេសកកម្មនេះ ដឹកនាំដោយលោក ម៉ក់ ចាន់តារា ថ្នាក់ដឹកនាំប្រតិភូក្រុមកីឡារំអិលលើទឹកកកម្ពុជា។ ថ្លែងប្រាប់អ្នកសារព័ត៌មាន មុនចាកចេញពីមាតុភូមិកាលពីចុងសប្ដាហ៍កន្លងទៅ លោក ម៉ក់ ចាន់តារា បានឲ្យដឹងថា នេះជាលើកដំបូងហើយ ដែលកម្ពុជាបានបញ្ជូនអត្តពលិកទៅហ្វឹកហាត់កីឡារំអិលលើទឹកកក ក្រោយទទួលបានការគាំទ្រពីរាជរដ្ឋាភិបាល ក៏ដូចជាគណៈកម្មាធិការជាតិអូឡាំពិកកម្ពុជា (NOCC) និងមានការសម្របសម្រួលពីស្ថានទូតសាធារណរដ្ឋកូរ៉េប្រចាំនៅកម្ពុជា ក្រោមជំនួយរបស់សហព័ន្ធកីឡារំអិលលើទឹកកកកូរ៉េ។ ជុំវិញការទទួលបានឱកាសនេះដែរ ដោយសារភាគីកូរ៉េ ចង់ឲ្យបណ្ដាប្រទេសក្នុងតំបន់អាស៊ី បានហ្វឹកហាត់ និងអភិវឌ្ឍន៍សមត្ថភាពអត្តពលិក លើប្រភេទកីឡារំអិលលើទឹកក ហើយបានចូលរួមព្រឹត្តិការណ៍អន្ដរជាតិធំៗ ដូចជាការប្រកួតកម្រិតអូឡាំពិកនាថ្ងៃអនាគត។ ការណ៍នេះ កូរ៉េបានផ្ដល់ជំនួយដល់ប្រទេសចំនួន៥ ក្នុងការបញ្ជូនអត្តពលិកទៅហ្វឹកហាត់នៅទីនោះរួមមានកម្ពុជា វៀតណាម ហ្វីលីពីន នេប៉ាល់ និងម៉ុងហ្គោលីជាដើម។ តាមរយៈនេះលោក ម៉ក់ ចាន់តារា បានជំរុញ និងលើកទឹកចិត្តដល់អត្តពលិកវ័យក្មេងកម្ពុជា ត្រូវចាប់យកឱកាសមាសនេះ ក្នុងការយកចិត្តទុកដាក់ និងខិតខំប្រឹងប្រែងហ្វឹកហាត់ ដើម្បីអភិវឌ្ឍន៍សមត្ថភាព និងបច្ចេកទេសរបស់ខ្លួនឲ្យបានល្អប្រសើរ ទី១-ដើម្បីអនាគតខ្លួនផង និងក្លាយជាអត្តពលិកតំណាងជាតិចូលរួមការប្រកួតអន្ដរជាតិនានាផង ទី២-ក៏ដើម្បីទទួលបានជំនួយបច្ចេកទេសបន្ថែមពីភាគីកូរ៉េ ក្នុងការផ្ដល់ឱកាសហ្វឹកហាត់បន្ដទៀតផងដែរ។ […]

(ភ្នំពេញ)៖ កងរាជអាវុធហត្ថផ្ទៃលើប្រទេស បានចាប់ខ្លួនបុរសម្នាក់ ពាក់ព័ន្ធនឹងករណីចេញសែកស្អុយ ៥២ម៉ឺនដុល្លាអាមេរិក កាលពីល្ងាចថ្ងៃទី២៩ ខែវិច្ឆិកា ឆ្នាំ២០២៤ តាមដីកាបង្គាប់ឱ្យចាប់ និងឃុំខ្លួនលេខ ១៦៣៨ “អ” ដ.ច.ន ចុះថ្ងៃទី៣១ ខែតុលា ឆ្នាំ២០២៤ របស់ចៅក្រមជំនុំជម្រះ សាលាដំបូងរាជធានីភ្នំពេញ។ ឈ្មោះ កែវ វិសាធសុទ្ធា ជាឈ្មោះក្នុងអត្តសញ្ញាណប័ណ្ណ ហើយបុគ្គលនេះប្រើឈ្មោះ កែវ សុធា ក្នុងក្របខណ្ឌមន្ត្រីរាជការ។ តាមអំណាចសាលក្រមព្រហ្មទណ្ឌលេខ ៤៤១៨ “អ” ចុះថ្ងៃទី៣១ ខែតុលា ឆ្នាំ២០២៤ របស់សាលាដំបូងរាជធានីភ្នំពេញ បានសម្រេចផ្ដន្ទាទោសឈ្មោះ កែវ វិសាធសុទ្ធា (ហៅ កែវ សុធា) ភេទប្រុស កើតថ្ងៃទី២១ ខែកក្កដា ឆ្នាំ១៩៦៩ ជនជាតិខ្មែរ ដាក់ពន្ធនាគារកំណត់រយៈពេល ០២ (ពីរ) ឆ្នាំ ដោយគ្មានការព្យួរទោស ពីបទ មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីថ្ងៃទី២៥ ខែធ្នូ ឆ្នាំ២០២១។ បទល្មើសដែលមានបញ្ញត្តិឱ្យផ្ដន្ទាទោសតាមមាត្រា […]