(កំពង់ធំ)៖ លោកស្រីបណ្ឌិត ជា​ សិរី អគ្គទេសាភិបាល ធនាគារជាតិនៃកម្ពុជា បានធ្វើការក្រើនរំលឹក ដល់សិស្សានុសិស្ស ​ដែលទើបប្រឡងជាប់ជាស្ថាពរ សញ្ញាបត្រមធ្យមសិក្សាទុតិយភូមិ​សិក្សា ២០២៣-២០២៤ទាំងអស់ កុំជ្រើសរើសជំនាញ ឬទៅរៀនសូត្រនៅមហាវិទ្យាល័យ តាមមិត្តភក្តិត្រូវចេះសម្រេចចិត្តជ្រើសរើសជំនាញណា ដែលខ្លួនស្រលាញ់ និងតាមទេពកោសល្យរបស់ខ្លួន ស្របតាមការការរីកចំរើន របស់ប្រទេសជាតិ និងតម្រូវការទីផ្សារការងារ។ ការលើកឡើងអំពាវនាវរបស់លោកស្រីបណ្ឌិត ជា​ សិរី ធ្វើឡើងក្នុងឱកាសដែលលោកស្រី អញ្ជើញជួបសំណេះសំណាល ជាមួយសិស្សថ្នាក់ទី១២ ដែលប្រឡងជាប់ជាស្ថាពរសញ្ញាបត្រមធ្យមសិក្សាទុតិយភូមិឆ្នាំសិក្សា ២០២៣-២០២៤ ក្នុងស្រុកប្រាសាទសំបូរ និងស្រុកសន្ទុកខេត្តកំពង់ធំ នៅថ្ងៃទី១២ ខែវិច្ឆិកា ឆ្នាំ២០២៤។ លោកស្រីបណ្ឌិតបានបញ្ជាក់ថា «បើយើងសម្រេចជ្រើសរើសជំនាញ ដែលខ្លួនស្រលាញ់បានហើយ យើងត្រូវតែមានស្មារតីប្តេជ្ញាចិត្តប្រឹងប្រែងឲ្យអស់លទ្ធភាព បើចេះអីមួយ ត្រូវចេះឲ្យច្បាស់ និងប្រាកដ ទើបអាចរកការងារបានល្អដូច សម្តេចបវរធិបតី ហ៊ុន ម៉ាណែត ធ្លាប់មានប្រសាសន៍ថា រៀនឲ្យចប់ រៀនឲ្យចេះ និងឲ្យមានការងារធ្វើ ហើយក៏មិនខុសនឹងពាក្យចាស់តែង ពោលថា ចេះអ្វីចេះឲ្យប្រាកដ ប្រាក់រត់តាមហៅ នោះដែរ»។ ទន្ទឹមនឹងការចូលរួមអបអរសាទរ ដល់សិស្សានុសិស្ស​ដែលបានប្រឡងជាប់ជាស្ថាពរសញ្ញាបត្រមធ្យមសិក្សាទុតិយភូមិ​សិក្សា២០២៣-២០២៤ លោកស្រីបណ្ឌិត ជា […]

(កំពង់ធំ)៖ ប្រទះឃើញគ្រាប់យុទ្ធភណ្ឌមិនទាន់ផ្ទុះ ៦០មីលីម៉ែត្រនៅជាប់ព្រំរបងតាមផ្លូវធ្វើដំណើររបស់ប្រជាពលរដ្ឋក្នុងភូមិប្រាសាទអណ្ដែត ឃុំសណ្ដាន់ ស្រុកសណ្ដាន់ ខេត្តកំពង់ធំ, លោក ស៊ិន វណ្ណវុឌ្ឍ អភិបាលស្រុកសណ្ដាន់ បានអំពាវនាវឱ្យបងប្អូនប្រជាពលរដ្ឋបង្កើនការប្រុងប្រយ័ត្នចំពោះអាវុធយុទ្ធភ័ណ្ឌមិនទាន់ផ្ទុះ និងត្រូវរាយការណ៍ទៅអាជ្ញាធរពេលប្រទះឃើញគ្រាប់ទាំងនេះ។ ថ្លែងប្រាប់ភ្នាក់ងារសារព័ត៌មាន Fresh News ប្រចាំខេត្តកំពង់ធំ នៅថ្ងៃទី១២ ខែវិច្ឆិកា ឆ្នាំ២០២៤នេះ លោក ស៊ិន វណ្ណវុឌ្ឍ បានឱ្យដឹងថា គ្រាប់យុទ្ធភណ្ឌមិនទាន់ផ្ទុះ ៦០មីលីម៉ែត្រនេះ ត្រូវបានប្រជាពលរដ្ឋ​ប្រទះឃើញ​នៅជាប់ព្រំរបងតាមផ្លូវធ្វើដំណើរក្នុងភូមិប្រាសាទអណ្ដែត ឃុំសណ្ដាន់ ស្រុកសណ្ដាន់ ខេត្តកំពង់ធំ។ ក្រោយពីទទួលព័ត៌មានភ្លាមរូបលោក និងក្រុមការងារបានចុះទៅពិនិត្យដល់ទីតាំង ឃើញមានស្ថានភាពច្រេះ តែខាងក្រៅ តែអាចមានឥទ្ធិពលបង្កហានិភ័យគ្រោះថ្នាក់បានប្រសិនបើវាមានការប៉ះទង្គិច។ ជាមួយគ្នានេះលោកបានចាត់កម្លាំងបានរៀបចំហ៊ុំព័ទ្ធទីកន្លែងដាក់សញ្ញាគ្រោះថ្នាក់ ដើម្បីរាយការណ៍ទៅភ្នាក់ងារបោសសំអាតយុទ្ធភណ្ឌមិនទាន់ផ្ទុះមកទទួលយក ។ លោកបានបន្តទៀតថា បើសិនជាបងប្អូនប្រទះឃើញយុទ្ធភ័ណ្ឌដែលមិនទាន់ផ្ទុះផ្សេងទៀត សូមរាយការណ៍មកអាជ្ញាធរជាបន្ទាន់ដើម្បីឲ្យអាជ្ញាធរបានទទួលព័ត៌មាន និងរាយការណ៍ទៅចាត់ការបន្ត៕ ផ្ដល់សិទ្ធិដោយ៖ Fresh News

(កំពង់ធំ)៖ មន្ត្រីមន្ទីរបរិស្ថានខេត្តកំពង់ធំ ដឹកនាំដោយលោក តុប កក្កដា ប្រធានមន្ទីរបរិស្ថានខេត្តកំពង់ធំ នាល្ងាចថ្ងៃទី១១ ខែវិច្ឆិកា ឆ្នាំ២០២៤ បានសហការជាមួយកម្លាំងស្នាក់ការអូរងាវ នៃដែនជម្រកសត្វព្រៃ ព្រៃឡង់ ចុះបង្ក្រាបបទល្មើសធនធានធម្មជាតិ (ដឹកជញ្ជូនផលអនុផលព្រៃឈើដោយគ្មានលិខិតអនុញ្ញាត) នៅចំណុចអូរងាវ ស្ថិតក្នុងភូមិស្រែវាលកើត ឃុំដងកាំបិត ស្រុកសណ្ដាន់ ខេត្តកំពង់ធំ។ តាមការបញ្ជាក់ពីលោក តុប កក្កដា បានឱ្យដឹងថា កម្លាំងមន្ទីរបរិស្ថានបានឃាត់រថយន្តមួយគ្រឿងម៉ាក MAZDA ពណ៌ស ស្លាកលេខភ្នំពេញ 2BB-2412 ដែលដឹកឈើប្រភេទសុក្រំចំនួន ១២ដុំ ស្មើ ០.៩៤៨ ម៉ែត្រគូប នៅម៉ោង ៨:០៧ នាទីយប់។ បន្ទាប់មកកម្លាំងបានបន្តប្រតិបត្តិការបង្ក្រាប និងឃាត់រថយន្តមួយគ្រឿងទៀតម៉ាក LEXUS ពណ៌ស្ករ ស្លាកលេខភ្នំពេញ 2AN-1660 នៅចំណុចទួលសេវា ដែលដឹកឈើប្រភេទសុក្រមចំនួន ១៨ ដុំ ស្មើ ០.៧៩២ ម៉ែត្រគូប។ លោកបន្តថា ការនេះឃាត់បានរថយន្តចំនួន ០២គ្រឿង និងឈើចំនួន ៣០ ដុំ ស្មើ […]

(ភ្នំពេញ)៖ លោក ឃួង ស្រេង អភិបាលរាជធានីភ្នំពេញ បានស្នើសុំឱ្យកីឡាករ កីឡាការិនី អុំទូក និងប្រជាពលរដ្ឋ ចូលរួមថែរក្សាបរិស្ថានទាំងអស់គ្នា និងសុំឱ្យអាជីវករលក់ដូរទាំងអស់ កុំតម្លើងថ្លៃម្ហូបអាហារ ក្នុងឱកាស ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ដែលនឹងប្រព្រឹត្តទៅនាប៉ុន្មានថ្ងៃខាងមុខនេះ។ ការស្នើសុំបែបនេះរបស់លោក ឃួង ស្រេង បានធ្វើឡើងនាព្រឹកថ្ងៃទី១២ ខែវិច្ឆិកា ឆ្នាំ២០២៤នេះ នៅរមណីដ្ឋានវប្បធម៌ប្រវត្តិសាស្ត្រវត្តភ្នំ ខណៈលោក និងលោកស្រី អញ្ជើញជាអធិបតីភាពក្នុងពិធីក្រុងពាលី សម្រាប់ការប្រណាំង ទូកថ្នាក់រាជធានីភ្នំពេញ នៅរសៀលថ្ងៃទី១២ វិច្ឆិកា ឆ្នាំ២០២៤ និងបួងសួងសុំសេចក្តីសុខជូនប្រជាពលរដ្ឋទាំងអស់ ក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក នាពេលខាងមុខផង ក្នុងនាមរាជធានីភ្នំពេញ ជាម្ចាស់ផ្ទះជាកន្លែងប្រារពព្រះរាជពិធី។ ការប្រារព្ធពិធីបែបសាសនានេះ មានគោលបំណងសុំម្ចាស់ទឹកម្ចាស់ដីបារមីលោកយាយដូនពេញ សូមជួយតាមបីបាច់ថែរក្សាចំណុះទូក និងសុំឱ្យដំណើរការប្រារព្វព្រះរាជពិធីបុណ្យអុំទូកប្រព្រឹតទៅដោយរលូន និងជោគជ័យប្រកប ដោយសុខសុវត្ថិភាព និងប្រកបដោយភាពរីករាយស្និតស្នាល រក្សាបានប្រពៃណីទំនៀមទំលាប់ជាតិ និងសាមគ្គីភាព មិត្តភាព។ អភិបាលរាជធានីភ្នំពេញ បានថ្លែងក្នុងពិធីក្រុងពាលីថា សម្រាប់ការប្រណាំងទូកថ្នាក់រាជធានីភ្នំពេញថា ព្រះរាជពិធីបុណ្យអុំទូក បណ្តែតប្រទីប […]

(ភ្នំពេញ)៖ កម្លាំងសមត្ថកិច្ចចម្រុះប្រមាណជាង១ម៉ឺន៦ពាន់នាក់ នឹងត្រូវដាក់ពង្រាយដើម្បីការពារសន្ដិសុខ សណ្ដាប់ធ្នាប់ និងសុវត្ថិភាព ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៤នេះ នៅក្នុងរាជធានីភ្នំពេញ។ នេះបើតាមការបញ្ជាក់នៅក្នុងកិច្ចប្រជុំត្រួតពិនិត្យផែនការការពារព្រះរាជពិធីបុណ្យអុំទូក ដែលបានធ្វើឡើងនៅព្រឹកថ្ងៃទី១២ ខែវិច្ឆិកា ឆ្នាំ២០២៤នេះ ដឹកនាំដោយនាយឧត្តមសេនីយ៍ ហ៊ុយ ពិសិដ្ឋ រដ្ឋលេខាធិការក្រសួងការពារជាតិ និងនាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានអនុគណៈកម្មការការពាររក្សាសន្ដិសុខ របៀបរៀបរយ សណ្ដាប់ធ្នាប់សង្គម ចរាចរណ៍ សង្គ្រោះទូកលិច និងអ្នកជំងឺ។ ថ្លែងក្នុងឱកាសនោះ នាយឧត្តមសេនីយ៍ ស ថេត បានអះអាងថា ផែនការការពារសន្ដិសុខ សណ្ដាប់ធ្នាប់ សុវត្ថិភាព និងសង្គ្រោះក្នុងព្រះរាជពិធីនេះ ត្រូវបានរៀបចំយ៉ាងមត់ចត់ ដោយមានការចូលរួមសហការពីអាជ្ញាធរមូលដ្ឋាន និងក្រសួង ស្ថាប័នដែលមានការពាក់ព័ន្ធ ដើម្បីធានាថា ព្រះរាជពិធីបុណ្យទូក នឹងត្រូវបានប្រព្រឹត្តទៅដោយរលូន មិនមានបញ្ហាណាមួយកើតឡើងនោះឡើយ។ នាយឧត្តមសេនីយ៍ ស ថេត បានឲ្យដឹងថា ព្រះរាជពិធីបុណ្យអុំទូក នៅឆ្នាំ២០២៤នេះ មានទូលចូលរួមប្រណាំងចំនួន៣៤៦គ្រឿង, […]

(ភ្នំពេញ)៖ អង្គភាពប្រឆាំងអំពើពុករលួយ (ACU) បានសម្រេចឃាត់ខ្លួនលោក កន សុខកាយ អតីតអភិបាលស្រុកល្វាឯម ខេត្តកណ្តាល ក្រោយយកលុយរត់ការចង់បានតំណែងជាមួយលោក លី សាម៉េត ហៅគ្រូមា និងលោក ឡាច សំរោង។ សេចក្តីរាយការណ៍ដែលបណ្តាញព័ត៌មាន Fresh News ទទួលបាននៅថ្ងៃទី១២ ខែវិច្ឆិកា ឆ្នាំ២០២៤នេះ បានបញ្ជាក់ថា លោក កន​ សុខកាយ បានសូកប៉ាន់លុយចំនួន ៣០ម៉ឺនដុល្លារ ចង់បានតំណែងតាមរយៈលោក លី សាម៉េត និងលោក ឡាច សំរោង។ ក្រោយបញ្ចប់ការសួរនាំ, អង្គភាពប្រឆាំងអំពើពុករលួយ បានបញ្ជូនលោក ឡាយ វិសិដ្ឋ ទៅតុលាការ នារសៀលថ្ងៃទី១២ ខែវិច្ឆិកា ឆ្នាំ២០២៤នេះ។ សូមបញ្ជាក់ថា ពាក់ព័ន្ធនឹងការសូកប៉ាន់រត់ការចង់បានតំណែងនេះ អង្គភាពប្រឆាំងអំពើពុករលួយ ក៏បានសម្រេចឃាត់ខ្លួនលោក មួង ឃីម និងលោកឧកញ៉ា អ៊ុត ធី ផងដែរ ហើយត្រូវបានតំណាងអយ្យការសម្រេចចោទប្រកាន់ជាផ្លូវការកាលពីម្សិលមិញ។ កាលពីថ្ងៃទី៨ ខែតុលា ឆ្នាំ២០២៤ […]

(ភ្នំពេញ)៖ អង្គភាពប្រឆាំងអំពើពុករលួយ (ACU) បានសម្រេចឃាត់ខ្លួនលោក ឡាយ វិសិដ្ឋ អភិបាលរងខេត្តពោធិ៍សាត់ ក្រោយយកលុយរត់ការចង់បានតំណែងជាមួយលោក លី សាម៉េត ហៅគ្រូមា និងលោក ឡាច សំរោង។ សេចក្តីរាយការណ៍ដែលបណ្តាញព័ត៌មាន Fresh News ទទួលបាននៅថ្ងៃទី១២ ខែវិច្ឆិកា ឆ្នាំ២០២៤នេះ បានបញ្ជាក់ថា លោក ឡាយ វិសិដ្ឋ បានសូកប៉ាន់លុយចំនួន៥៧ម៉ឺនដុល្លារ ចង់បានតំណែង តាមរយៈលោក លី សាម៉េត និងលោក ឡាច សំរោង។ ក្រោយបញ្ចប់ការសួរនាំ, អង្គភាពប្រឆាំងអំពើពុករលួយ បានបញ្ជូនលោក ឡាយ វិសិដ្ឋ ទៅតុលាការ នាព្រឹកថ្ងៃទី១២ ខែវិច្ឆិកា ឆ្នាំ២០២៤នេះ។ សូមបញ្ជាក់ថា ពាក់ព័ន្ធនឹងការសូកប៉ាន់រត់ការចង់បានតំណែងនេះ អង្គភាពប្រឆាំងអំពើពុករលួយ ក៏បានសម្រេចឃាត់ខ្លួនលោក មួង ឃីម និងលោកឧកញ៉ា អ៊ុត ធី ផងដែរ ហើយត្រូវបានតំណាងអយ្យការសម្រេចចោទប្រកាន់ជាផ្លូវការកាលពីម្សិលមិញ៕ ផ្ដល់សិទ្ធិដោយ៖ Fresh News

(ស្ទឹងត្រែង)៖ សមត្ថកិច្ចបានចាប់ខ្លួនបុរសជនជាតិឡាវម្នាក់ រឹបអូសគ្រឿងញៀនបានជាង ១លានគ្រាប់ បន្ទាប់ពីកម្លាំងនគរបាលអន្តោប្រវេសន៍ ឃាត់រថយន្ត ១គ្រឿងធ្វើការត្រួតពិនិត្យ នាវេលាម៉ោងជាង ៨ព្រឹក ថ្ងៃទី៩ ខែវិច្ឆិកា ឆ្នាំ២០២៤ នៅច្រកទ្វារអន្តរជាតិត្រពាំងក្រៀល ខេត្តស្ទឹងត្រែង កម្ពុជា – ណងណុកខៀន ខេត្តចំប៉ាសាក់-ឡាវ ។ ស្នងការរងទទួលផែនប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង លោកឧត្តមសេនីយ៍ត្រី ផៃ រស្មី បានប្រាប់អ្នកសារព័ត៌មានឱ្យដឹងថា ជនសង្ស័យដែលត្រូវបានសមត្ថកិច្ចឃាត់ខ្លួននៅពេលនោះ ឈ្មោះ វូ យ៉េង (VUE YENG) ភេទប្រុស ជនជាតិឡាវ ទីកន្លែងបច្ចុប្បន្ន ប្រទេសឡាវ ប្រើលិខិឆ្លងដែនលេខ P 1859439 រួមនឹងគ្រឿងញៀនប្រភេទមេតំហ្វេតាមីន (WY) ចំនួន ១៦៧ដុំ ទម្ងន់សុទ្ធ ៩៣គីឡូក្រាម និង០៩៧.២៥ក្រាម គិតជាគ្រាប់ប្រហែលចំនួន ១,០៣៤,៤១៣គ្រាប់ រថយន្ត១គ្រឿងម៉ាក FORTUNER ពណ៌ស ពាក់ស្លាកលេខ ប្រទេសឡាវ ១១១៥ និងទូរសព្ទចំនួន ៣គ្រឿងផងដែរ។ ក្រោយការត្រួតពិនិត្យរកឃើញគ្រឿងញៀននោះភ្លាម […]

(ភ្នំពេញ)៖ តំណាងអយ្យការអមសាលាដំបូងរាជធានីភ្នំពេញ នៅថ្ងៃទី១១ ខែវិច្ឆិកា ឆ្នាំ២០២៤នេះ បានសម្រេចចោទប្រកាន់បុគ្គល៤រូប ដែលក្នុងនោះរួមមាន លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី ពាក់ព័ន្ធនឹងករណីជំនួញឥទ្ធិពលសកម្ម។ បើតាមលោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញ, តំណាងអយ្យការ សម្រេចបេីកការស៊េីបសួរលេីជនសង្ស័យដូចខាងក្រោម ៖ * ឈ្មោះ អ៊ុត ធី ត្រូវបានចោទប្រកាន់ពីបទ៖ ជំនួញឥទ្ធិពលសកម្ម តាមបញ្ញត្តិ មាត្រា ៦០៦ នៃក្រមព្រហ្មទណ្ឌ និងមាត្រា ៣២ នៃច្បាប់ស្តីពីការប្រឆាំងអំពើពុករលួយ។ * ឈ្មោះ មួង ឃីម និងឈ្មោះ ដួង តារា ត្រូវបានចោទប្រកាន់ពីបទ៖ ជំនួញឥទ្ធិពលអកម្ម តាមបញ្ញត្តិ មាត្រា ៥៩៥ មាត្រា ៥៩៦ នៃក្រមព្រហ្មទណ្ឌ និងមាត្រា ៣២ នៃច្បាប់ស្តីពីការប្រឆាំងអំពើពុករលួយ។ * ឈ្មោះ […]

(សៀមរាប)៖ នៅព្រឹកថ្ងៃទី១០ ខែវិច្ឆិកា ឆ្នាំ២០២៤ កសិដ្ឋានសូត្រសិប្បករអង្គរ ក្នុងស្រុកពួក ខេត្តសៀមរាប បានរៀបចំពិធីបើកដំណើរការឡើងវិញ ក្រោមអធិបតីភាពលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បន្ទាប់ពីបិទទ្វារអស់ជាច្រើនឆ្នាំ ដោយសារវិបត្តិកូវីដ-១៩។ មានប្រសាសន៍ក្នុងឱកាសនេះ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានចាត់ទុកការបើកដណើរសិប្បកម្មសូត្រអង្គរឡើងវិញនេះ ដូចជាការបន្តជីវិតសិប្បកម្ម ប្រពៃណី ដូនតាដូច្នោះដែរ។ មិនតែប៉ុណ្ណោះ  ក៏បានប្រមូលផ្តុំបុគ្គលិកចាស់ ដែលធ្លាប់បម្រើការងាររនៅទីនេះឱ្យមានការងារធ្វើឡើងវិញផងដែរ។ លោកជំទាវបន្តថា កសិដ្ឋានសូត្រសិប្បករអង្គរ ជាកសិដ្ឋានផលិតសូត្រធំមួយក្នុងស្រុកពួក ដើម្បីប្រើប្រាស់ក្នុងសិប្បកម្មតម្បាញ តាំងពីឆ្នាំ១៩៩៤មកម្ល៉េះ។ លោកជំទាវបណ្ឌិត តែងតែបានធ្វើការកោតសសើរ អំពីសំលៀកបំពាក់ខ្មែរ ដែលផលិតពីសូត្រខ្មែរទៅប្រាប់ជនបរទេស នៅពេលអញ្ជើញទៅទស្សនកិច្ចនៅក្រៅប្រទេសម្តងៗ និងតែងតែផ្តល់កាដូអនុស្សាវរីយ៍ ដែលផលិតពីសូត្រខ្មែរ ទៅថ្នាក់ដឹកនាំធំៗ ដើម្បីជាការផ្សព្វផ្សាយ ផលិតផលខ្មែរទៅលើឆាកអន្តរជាតិ។ លោកជំទាវបានលើកទឹកចិត្ត និងជំរុញឱ្យមានការផលិតឱ្យបានច្រើន ឱ្យបានល្អ លើសពីនោះកសិដ្ឋានត្រូវតែជំរុញសកម្មភាពផលិតសូត្រឡើងវិញរាប់ចាប់ពីការដាំមន, ចិញ្ចឹមដង្កូវនាង, ស្រាវសូត្រ, តម្បាញ និងកាត់ដេរជាដើម។  លោក កាយ ឡូត ប្រធានក្រុមប្រឹក្សាភិបាល និងជាអគ្គនាយកនៃក្រុមហ៊ុនសិប្បករអង្គរ បានឱ្យដឹងថា […]