(ភ្នំពេញ)៖ លោកបណ្ឌិត ហេង សុផាន់ណារិទ្ធ អគ្គនាយករងបេឡាជាតិរបបសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា បញ្ហាមួយចំនួនដែលធ្លាប់កើតឡើងដំបូងៗពាក់ព័ន្ធនឹងសេវា ប.ស.ស ត្រូវបានដោះស្រាយហើយ។ លោកអះអាងថា កាលពីដំបូង នៅពេលចាប់ផ្ដើមរបស់ ប.ស.ស គឺមានការត្អូញត្អែរពីសំណាក់ប្រជាពលរដ្ឋមួយចំនួនលើការផ្ដល់សេវា នៅតាមមូលដ្ឋានសុខាភិបាល ដែលជាដៃគូរបស់ ប.ស.ស។ ប៉ុន្តែក្រោយពីបានទទួលដំណឹងនេះ ក្រុមការងារ ប.ស.ស បានចុះទៅពន្យល់នៅតាមមូលដ្ឋានសុខាភិបាល និងអញ្ជើញតំណាងសុខាភិបាល ដើម្បីប្រជុំពិភាក្សាអំពីបញ្ហានេះ និងដោះស្រាយរួចរាល់ហើយ។ ការលើកឡើងយ៉ាងដូច្នេះ ក្នុងកិច្ចសម្ភាសជាមួយបណ្ដាញព័ត៌មាន Fresh News បង្ហាញពីវឌ្ឍនភាពការងារ ប.ស.ស នៃរយៈពេល៧ ខែចុងក្រោយនេះ។ បើតាមលោកបណ្ឌិត ហេង សុផាន់ណារិទ្ធ, ក្រុមការងារ ប.ស.ស បានធ្វើការផ្សព្វផ្សាយទៅដល់សមាជិក ប.ស.ស ទាំងអស់ឲ្យបានជ្រាបថា ការផ្ដល់សេវា ប.ស.ស នៅតាមមូលដ្ឋានទទួលបានអទិភាពដូចប្រជាពលរដ្ឋដែលបង់ថ្លៃសេវាទូទៅដែរ ដែលតម្រូវឲ្យមានការរង់ចាំតាមលេខរៀង។ លោកបណ្ឌិត ហេង សុផាន់ណារិទ្ធ បានគូសបញ្ជាក់ថា ចំពោះករណីសង្គ្រោះបន្ទាន់ និងករណីធ្ងន់ធ្ងរ គឺខាងក្រុមការងារនឹងអនុវត្តឲ្យមានការសង្រ្គោះភ្លាមៗមុនតែម្ដង។ បច្ចុប្បន្នក្រុមការងារ ប.ស.ស បានបន្តអនុវត្តយ៉ាងយកចិត្តទុកដាក់ទៅលើប្រជាពលរដ្ឋខ្មែរទាំងអស់ […]

(ភ្នំពេញ)៖​ ប្រាសាទអង្គរវត្ត ដែលជាបេះដូងនៃប្រទេសកម្ពុជា បានជាប់ចំណាត់ថ្នាក់លេខ៧ ជាទីកន្លែង ដែលមានការភ្ជាប់សម្គាល់ទីតាំង (Tag) ច្រើនបំផុត របស់អ្នកបង្ហោះសារ នៅលើតិកតុក (TikTok) និងអ៉ីនស្តាក្រាម (Instagram)។ នេះបើតាមការផ្សាយដោយ SEA Infographics នៅថ្ងៃទី៨ ខែសីហា ឆ្នាំ២០២៤​ ដោយស្រង់ប្រភពពី Titan Travel។ ប្រភពព័ត៌មាននោះ បានបញ្ជាក់ថា ប្រាសាទអង្គរវត្ត របស់កម្ពុជា និងសួន the Bay របស់សិង្ហបុរី បានលេចចេញជាទីតាំងដ៏ល្បីល្បាញលើបណ្តាញសង្គម ដោយប្រាសាទអង្គរវត្តជាប់ចំណាត់ថ្នាក់ទី៧ ដោយមាន Tag ចំនួន ១.៧៥៥.០៥៣ដង នៅលើ TikTok និង Instagram ខណៈសួន the Bay ជាប់ចំណាត់ថ្នាក់ទី១០ ដែលមាន Tag ចំនួន ១.២៧០.០៩០ដង។ នេះគឺជាតារាងចំណាត់ថ្នាក់ តំបន់ចំនួន១០ ដែលមានការ Tag ច្រើនបំផុតលើពិភពលោក។ ក្នុងនោះ ឧទ្យានជាតិ Central […]

(ភ្នំពេញ)៖ ក្នុងរយៈពេល៦ខែ ឆ្នាំ២០២៤នេះ អាកាយានដ្ឋានអន្តរជាតិទាំង ៣របស់កម្ពុជា ទទួលបានអ្នកដំណើរចេញ-ចូល ជាង៣លាននាក់ ខណៈចំនួនជើងហោះហើរ មានជិត៣ម៉ឺនជើង។ នេះបើយោងតាម លោក ស៊ីន ចាន់សេរីវុត្ថា រដ្ឋលេខធិការ និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលកម្ពុជា ប្រាប់បណ្តាញព័ត៌មាន Fresh News នៅថ្ងៃទី៩ ខែសីហា ឆ្នាំ២០២៤នេះ។ លោកបានបញ្ជាក់ថា ក្នុងរយៈពេល៦ខែ ឆ្នាំ២០២៤នេះ អាកាយានដ្ឋានអន្តរជាតិទាំង ៣ របស់កម្ពុជា (ភ្នំពេញ -សៀមរាប – ព្រះសីហនុ) មានអ្នកដំណើរចេញ-ចូល ប្រមាណ ៣,០៣៦,៩៤៤នាក់ ក្នុងនោះអ្នកដំណើរអន្តរជាតិមានចំនួន ២,៨៨៤,៧៤៦នាក់ (ទ្វេទិស) និងអ្នកដំណើរក្នុងស្រុកមានចំនួន ១៥២,១៩៨នាក់ (ទ្វេទិស)។ ចំណែកចំនួនជើងហោះហើរ ចេញ-ចូល (ទ្វេទិស)វិញ អាកាសយានដ្ឋានអន្តរជាតិអន្តរជាតិទាំង៣ ទទួលបានជើងហោះហើរប្រមាណ ២៨,៧២៥ជើង។ ក្នុងនោះជើងហោះហើរអន្តរជាតិមានចំនួន ២៥,៩១៧ ជើង(ទ្វេទិស)។ ចំណែកជើងហោះក្នុងស្រុកមានចំនួន ២,៨០៨ ជើង (ទ្វេទិស) មិនរាប់បញ្ជូលការហោះហើររំលង និងការហោះហើរផ្សេងៗ។ លោកបានឱ្យដឹងផងដែរថា […]

(កំពត)៖ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានថ្លែងប្រាប់បណ្តាញព័ត៌មាន Fresh News នាថ្ងៃទី១០ ខែសីហា ឆ្នាំ២០២៤នេះថា កំណាត់ផ្លូវជាតិលេខ៣ (វាលរេញ-ត្រពាំងរពៅ) ដែលរងការខូចខាតនៅតែបន្តមានការយកចិត្តទុកដាក់ខ្ពស់ក្នុងការថែទាំ ជួសជុលប្រចាំ ក្រោមការទទួលបន្ទុករបស់មន្ទីរសាធារណការ និងដឹកជញ្ជូន ខេត្តព្រះសីហនុ ដោយមន្ទីរតែងចេញគ្រឿងចក្របន្តថែទាំ ជួសជុលប្រចាំ ដើម្បីធានាការធ្វើចរាចរាចរណ៍របស់ប្រជាពលរដ្ឋ។ លោក ផន រឹម ក៏បានអំពាវនាវឱ្យប្រជាពលរដ្ឋធ្វើដំណើរប្រកដោយសុខសុវត្ថិភាព និងសូមមេត្តាយោគយល់អធ្យាស្រ័យ ករណីមានការរំខានក្នុងអំឡុងពេលជួសជុល និងស្ថានភាពដ៏លំបាកផងដែរ។ គួរបញ្ជាក់ថា កំណាត់ផ្លូវជាតិលេខ៣ (វាលរេញ-ត្រពាំងរពៅ) ត្រូវបានជួលជុល កែលម្អ ភ្ជួរ កៀរ កិន បង្ហាប់ តួផ្លូវ ដែលមានការខូចខាតប្រវែង២០,៦២គម ត្រង់ចំណុច (PK 181+100 – PK 201+720) ដើម្បីធានាការចរាចរណ៍របស់បងប្អូនប្រជាពលរដ្ឋដោយល្បឿនមធ្យម និងប្រើប្រាស់ថេរវេលាក្រោមមួយម៉ោងដើម្បីឆ្លងកាត់កំណាត់ផ្លូវដ៏លំបាកនេះ ទំរាំឈានទៅដល់ការអនុវត្តការងារសាងសង់ជាក់ស្តែងឲ្យស្របទៅតាមបទដ្ឋានបច្ចេកទេសខ្ពស់នាពេលខាងមុខ៕ ផ្ដល់សិទ្ធិដោយ៖ Fresh News

(ភ្នំពេញ)៖ កន្លងមកបុគ្គលមួយចំនួនបានធ្វើការផ្សព្វផ្សាយសារ និងមាតិកាខុសច្បាប់ពាក់ព័ន្ធនឹងល្បែងស៊ីសងអនឡាញ រូបភាពនិងវីដេអូអាសអាភាសកុមារ ព័ត៌មានមិនពិត ក្លែងបន្លំ និងបោកបញ្ឆោត ដែលបង្កឲ្យមានផលប៉ះពាល់យ៉ាងធ្ងន់ធ្ងរដល់សន្ដិសុខ សណ្ដាប់ធ្នាប់សង្គម និងអ្នកប្រើប្រាស់សេវាទូរគមនាគមន៍។ ដោយទទួលបានការសហការយ៉ាងជិតស្និទពីក្រសួង ស្ថាប័នមានសមត្ថកិច្ចពាក់ព័ន្ធ ក៏ដូចជាពីសាធារណជន និយ័តករទូរគមនាគមន៍កម្ពុជា (ន.ទ.ក.) បានសហការជាមួយប្រតិបត្តិករទូរគមនាគមន៍ ធ្វើការបិទខ្ទប់ការចូលមើល គេហទំព័រ និងអាសយដ្ឋានអាយភី (IP Address) ពាក់ព័ន្ធនឹងសារនិងមាតិកាខុសច្បាប់ដូចបានជម្រាបជូនខាងលើជាបន្តបន្ទាប់ សរុបចំនួន ៧,៣២៣គេហទំព័រ /អាសយដ្ឋានអាយភី នាពេលកន្លងមក។ ដោយឡែកថ្មីៗនេះ ន.ទ.ក. ក៏បានចាត់វិធានការបិទខ្ទប់គេហទំព័រខុសច្បាប់ចំនួន ១,៩៦៥ នៅថ្ងៃទី៦ ខែសីហាឆ្នាំ២០២៤ និងចំនួន៤៨៩ផ្សេងទៀត នៅថ្ងៃទី៩ ខែសីហា ឆ្នាំ២០២៤។ ន.ទ.ក. សូមអំពាវនាវដល់សាធារណជន មេត្តាចូលរួមជាមួយ ន.ទ.ក. ក្នុងការលើកកម្ពស់សន្តិសុខ សណ្តាប់ធ្នាប់សង្គម និងបង្ការខ្លួនពីផលប៉ះពាល់ដោយសារអំពើដូចបានរៀបរាប់ខាងលើ តាមរយៈរាយការណ៍មកន.ទ.ក. តាមរយៈលេខទូរស័ព្ទ ៦៧៨៩ រៀងរាល់ម៉ោងធ្វើការ ឬផ្ញើសារមកកាន់អ៊ីម៉ែល info@trc.gov.kh ប្រសិនបើសាធារណជនទទួលបានការផ្សព្វផ្សាយសារនិងមាតិកាខុសច្បាប់ ឬដឹងអំពីករណី នៃការផ្សព្វផ្សាយនេះដោយ ន.ទ.ក. នឹងរក្សាការសម្ងាត់ជូន៕ ផ្ដល់សិទ្ធិដោយ៖ Fresh News

(ភ្នំពេញ)៖ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានចាត់ទុកប្រព័ន្ធអេឡិចត្រូនិកសលាកបត្រចូលកម្ពុជា ឬ Cambodia e-Arrival ដែលរៀបចំឡើងដោយអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ ក្រោមកិច្ចសហការជាមួយក្រសួង ស្ថាប័នពាក់ព័ន្ធ ថាជាសមិទ្ធផលរួមមួយរបស់រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃ និងទស្សនវិស័យជឿនលឿន របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ដើម្បីរួមចំណែកទាក់ទាញភ្ញៀវទេសចរ វិនិយោគិន និងពង្រឹងសន្តិសុខ ក្នុងបរិបទឌីជីថល ដូចបានកំណត់ក្នុងយុទ្ធសាស្រ្តបញ្ចកោណ និងស្របតាមបរិបទនៃពិភពលោកដែលកំពុងមានភាពរីកចម្រើនផ្នែកបច្ចេកវិទ្យា។ ការថ្លែងរបស់លោកអភិសន្តិបណ្ឌិត ស សុខា បានធ្វើឡើងក្នុងសិក្ខាសាលាផ្សព្វផ្សាយ អំពី ការប្រើប្រាស់ប្រព័ន្ធអេឡិចត្រូនិកសលាកបត្រចូលកម្ពុជា Cambodia e-Arrival រៀបចំនៅទីស្ដីការក្រសួងមហាផ្ទៃ នារសៀលថ្ងៃទី៩ ខែសីហា ឆ្នាំ២០២៤នេះ។ ក្នុងនោះ ក៏មានការចូលរួមពីលោក សុខ សុកេន រដ្ឋមន្រ្តីក្រសួងទេសចរណ៍ តំណាងក្រសួងសុខាភិបាល ក្រសួងសេដ្ឋកិច្ច និងហិរញ្ញវត្ថុ ក្រសួង ស្ថាប័នពាក់ព័ន្ធរបស់រាជរដ្ឋាភិបាល តំណាងស្ថានទូតបរទេសនានាប្រចាំនៅកម្ពុជា ក្រុមហ៊ុនគ្រប់គ្រងអាកាសយានដ្ឋាន បណ្ដាទីភ្នាក់ងារទេសចរណ៍ ព្រមទាំងថ្នាក់ដឹកនាំនិងមន្រ្តីតាមបណ្ដាច្រកទ្វារព្រំដែនគោក និងអាកាសជាច្រើនរូប។ លោក […]

(កំពង់ធំ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីម្ពុជា បានសម្រេចជាគោលការណ៍ ធ្វើការសាងសង់ស្ពានថ្មមួយកន្លែង ប្រវែង១៣០ម៉ែត្រ ឆ្លងកាត់ស្ទឹងសែន ជូនប្រជាពលរដ្ឋឃុំឈូក និងស្រើង ក្នុងស្រុកប្រាសាទសំបូរ ខេត្តកំពង់ធំ សម្រាប់ប្រើប្រាស់ដឹកជញ្ជួនសកិផល ពិសេសឲ្យក្មួយៗសិស្សានុសិស្សងាយស្រួលឆ្លងទៅមក ដើម្បីទៅសិក្សារៀនសូត្រ។ ស្ពានថ្មថ្មីដែលជាអំណោយដ៏ថ្លៃថ្លា របស់សម្តេចធិបតី ហ៊ុន ម៉ាណែត, បណ្ឌិត ជា សិរី ទេសាភិបាលធនាគារជាតិនៃកម្ពុជា ប្រកាសឲ្យដឹងជាផ្លូវការ ក្នុងពិធីចែកអំណោយជូនប្រជាពលរដ្ឋ ខ្វះខាតនិងចាស់ជរាចំនួន៣០០ គ្រួសាររស់នៅក្នុងស្រុកប្រាសាទសំបូរ នាថ្ងៃទី៩ ខែសីហា ឆ្នាំ២០២៤ ប្រារព្ធធ្វើឡើងក្នុងបរិវរណសាលាស្រុកប្រាសាទសំបូរ ។ លោកស្រីបណ្ឌិត បណ្ឌិត ជា សិរី បានបញ្ជាក់ដែរថាស្ពានដែលសម្តេចបវរធិបតី ហ៊ុន ម៉ាណែត ផ្ដល់ជូននេះមានតម្លៃធំធេង និងផ្ដល់ផលប្រយោជន៍មិនអាចកាត់ថ្លៃបានឡើយ សម្រាប់ប្រជាពលរដ្ឋក្នុងតំបន់នេះ ព្រោះបានបង្កនូវភាពងាយស្រួល ក្នុងការដឹកជញ្ជួនកសិផលទៅកាន់ទីផ្សារ ពិសេសទៀតនោះស្ពាននេះ លែងឲ្យសិស្សានុសិស្ស លំបាកត្រូវជិះទូកឆ្លងទៅរៀនដូចមុនទៀតដែរ។ លោកស្រីបណ្ឌិត បានអំពាវនាវដល់ប្រជាពលរដ្ឋ ក៏ដូចអាជ្ញាធរដែនដីឲ្យបង្កើនការប្រុងប្រយ័ត្នខ្ពស់ ចំពោះស្ថានភាពទឹកជំនន់ ព្រោះរដូវវស្សានាឆ្នាំនេះទឹកធំជាងបណ្ដាឆ្នាំមុនៗ ដើម្បីបញ្ជៀសឲ្យបានទាន់ពេលវេលា ចំពោះហានិភ័យដែលអាចកើតមានជាយថាហេតុពិសេសសុវត្ថិភាពប្រជាពលរដ្ឋ និងកុមារតូចៗ។ […]

(ភ្នំពេញ)៖ ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យដាក់ពិន័យដោយបណ្ដេញចេញពីក្របខណ្ឌព្រះរាជអាជ្ញា ចំពោះលោក គឹម សំលេង ព្រះរាជអាជ្ញារងនៃអយ្យការអមសាលាដំបូងខេត្តព្រះវិហារ៕ ខាងក្រោមនេះជាព្រះរាជក្រឹត្យរបស់ព្រះមហាក្សត្រ៖ ផ្ដល់សិទ្ធិដោយ៖ Fresh News

(ភ្នំពេញ)៖ ក្រុមហ៊ុន Chery Holding ដែលជាក្រុមហ៊ុនផលិតរថយន្តរបស់ចិន បង្ហាញការចាប់អារម្មណ៍វិនិយោគនៅកម្ពុជា។ បំណងនេះត្រូវបានបញ្ជាក់ដោយលោក Xu Hui អគ្គនាយករងក្រុមហ៊ុន Chery Holding Group Co., Ltd. ក្នុងពេលចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា​ នៅព្រឹក​ថ្ងៃសុក្រ ទី៩ ខែសីហា ឆ្នាំ២០២៤នេះ។ ក្នុងជំនួបនេះ លោក Xu Hui បានជម្រាបសម្តេចធិបតីថា ក្រុមហ៊ុន Chery Holding Group មាន​អាជីវ​កម្មលើវិស័យឧស្សាហកម្មផលិតរថយន្ត គ្រឿងបន្លាស់រថយន្ត ផលិតកប៉ាល់ និងសាង​សង់កំពង់​ផែ។ លោក Xu Hui ក៏បានជម្រាបសម្តេចធិបតី ពីបំណងវិនិយោគលើវិស័យឧស្សាហកម្មផលិតរថយន្ត និងគ្រឿងបន្លាស់រថយន្តនៅកម្ពុជា ដើម្បីផ្គត់ផ្គង់ទីផ្សារក្នុងស្រុក ទីផ្សារតំបន់ និងអន្តរជាតិ។ ក្រុមហ៊ុនក៏កំពុងសិក្សាគម្រោងផ្សេងៗមួយចំនួនទៀត រួមទាំងការបណ្តុះបណ្តាលវិជ្ជាជីវៈផងដែរ។ សម្តេចធិបតី ហ៊ុន ម៉ាណែត បានស្វាគមន៍ចំពោះបំណងរបស់ក្រុមហ៊ុន ក្នុងការស្វែងរកឱកាសវិនិយោគ​នៅកម្ពុជា។ សម្តេចធិបតីនាយករដ្ឋមន្ត្រី បានគូសបញ្ជាក់ថា រាជរដ្ឋាភិបាលកម្ពុជាចាត់ទុកវិស័យផលិត​រថយន្ត និងគ្រឿងបន្លាស់រថយន្ត […]

(ពោធិ៍សាត់)៖ កំណាត់ផ្លូវដែកភាគខាងជើងចំណុចPK-123+350 ស្ថិតក្នុងភូមិកប៉ាស់ ឃុំឈើតុំ ស្រុកក្រគរ ខេត្តពោធិ៍សាត់ ដែលរងការខូចខាត ត្រូវបានជួសជុលភ្លាមៗ នឹងបានដាក់ឱ្យដំណើរការជាប្រក្រតីឡើងវិញហើយ នៅថ្ងៃទី០៩ ខែសីហា ឆ្នាំ២០២៤ បន្ទាប់ពីផ្លូវដែកនេះរងការខូចខាតប្រវែង១០០ម៉ែត្រ និងស្រុតមួយចំហៀងដោយសារទឹកហូរច្រោះ បន្ទាប់ពីភ្លៀងធ្លាក់ជាបន្តបន្ទាប់នារយៈពេលប៉ុន្មានថ្ងៃជាប់ៗគ្នា។ ក្រុមការងារបច្ចេកទេសនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន និងក្រុមហ៊ុន Royal Railway Cambodia បានពង្រឹងទីតាំង ដែលមានទឹកដក់បន្ទាប់ពីភ្លៀងធ្លាក់ជាប់ៗគ្នា ដោយពង្រឹងគ្រឹះ ចាក់ថ្ម និងធ្វើប្រព័ន្ធលូដើម្បីបញ្ចៀសទឹកបណ្តាលឱ្យប៉ះពាល់ដល់តួផ្លូវ។ គួរបញ្ជាក់ថា កាលពីវេលាម៉ោង៤ និង៣០នាទីព្រឹកថ្ងៃទី៤ ខែសីហា ឆ្នាំ២០២៤ រថភ្លើងមួយខ្សែចេញដំណើរពីបាត់ដំបងឆ្ពោះទៅកាន់រាជធានីភ្នំពេញ បានជួបឧប្បត្តិហេតុធ្លាក់ទូដឹកប្រេងឥន្ធនៈចេញពីដែករ៉ៃ លើផ្លូវដែកភាគខាងជើងចំណុចPK-123+350 ស្ថិតក្នុងភូមិកប៉ាស់ ឃុំឈើតុំ ស្រុកក្រគរ ខេត្តពោធិ៍សាត់ ចំនួន៦ទូ(ទូទទេ)មិនបណ្តាលឲ្យរងគ្រោះថ្នាក់ដល់អ្នកបើកបរ អ្នកធ្វើដំណើរ និងប្រជាពលរដ្ឋរស់នៅតាមដងផ្លូវដែកឡើយ៕ ផ្ដល់សិទ្ធិដោយ៖ Fresh News