(ភ្នំពេញ)៖ លោកបណ្ឌិត គុណ ញឹម រដ្ឋមន្ដ្រីប្រតិភូអមនាយករដ្ឋមន្ដ្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានលើកឡើងថា ដើម្បីរក្សាទីផ្សារសហរដ្ឋអាមេរិក ដែលស្រូបយកប្រមាណជា៤០% នៃការនាំចេញសរុបរបស់កម្ពុជា គឺការអនុវត្តវិធានការបង្ការ និងទប់ស្កាត់បទល្មើសបន្លំដើមកំណើតទំនិញ ជាការងារចាំបាច់បំផុត។ ការលើកឡើងបែបនេះ ធ្វើឡើងក្នុងឱកាសដែល លោកបណ្ឌិត គុណ ញឹម អញ្ជើញចូលរួមក្នុងវេទិកាស្ដីពី «ការវិនិយោគ និងការធ្វើពាណិជ្ជកម្ម ជាមួយសហរដ្ឋអាម៉េរិក» នៅសាលាជាតិគយ នាថ្ងៃទី០២ ខែតុលា ឆ្នាំ២០២៥។ វេទិកានេះ ធ្វើឡើងដើម្បីផ្សព្វផ្សាយអំពីច្បាប់ និងបទប្បញ្ញត្ដិជាធរមាន ដល់វិនិយោគិនក្នុងវិស័យឧស្សាហកម្មកែច្នៃនាំចេញផលិតផល ទៅទីកាន់ទីផ្សារសហរដ្ឋអាម៉េរិក និងផ្សព្វផ្សាយសក្ដានុពលទីផ្សារសហរដ្ឋអាមេរិក និងការពង្រឹងអនុលោមភាមភាព ជាពិសេសលើវិធានដើមកំណើតទំនិញ នាំចេញទៅកាន់ទីផ្សារសហរដ្ឋអាម៉េរិក។ លោកបណ្ឌិត គុណ ញឹម បានបញ្ជាក់យ៉ាងដូច្នេះថា «ដើម្បីរក្សាទីផ្សារសហរដ្ឋអាមេរិក ដែលស្រូបយកប្រមាណជា ៤០% នៃការនាំចេញសរុបរបស់កម្ពុជា ការអនុវត្តវិធានការបង្ការ និងទប់ស្កាត់បទល្មើសបន្លំដើមកំណើតទំនិញ ដែលជាកង្វល់និងបញ្ហាដែលបានលើកឡើងដោយសហរដ្ឋអាម៉េរិក គឺជាការងារសំខាន់ និងចាំបាច់បំផុត»។ បន្ថែមពីនោះទៀត លោកបណ្ឌិត គុណ ញឹម បានឲ្យដឹងថា ថ្មីៗនេះ ក្រសួងសេដ្ឋកិច្ច […]

(កំពង់ស្ពឺ)៖ នៅរសៀលថ្ងៃសុក្រ ទី៣ ខែតុលា ឆ្នាំ២០២៥ នេះ ករណីការប្រមូលផ្ដុំតវ៉ារបស់កម្មកររោងចក្រតារាលបានឈានដល់ការព្រមព្រៀងសះជាក្រោមការសម្របសម្រួលដ៏លឿនរហ័សប្រកបដោយការយកចិត្តទុកដាក់ខ្ពស់របស់ក្រសួងការងារ និងអាជ្ញាធរមូលដ្ឋានដោយកម្មករនឹងចូលធ្វើការជាធម្មតាវិញនៅថ្ងៃស្អែកនេះ។ នេះជាការបញ្ជាក់ពី លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ។ អ្នកនាំពាក្យដដែលរូបនេះបានឱ្យដឹងថា ក្រោយការប្រមូលផ្ដុំតវ៉ាបិទផ្លូវពីសំណាក់កម្មករនិយោជិតនៃក្រុមហ៊ុនតារាលនៅខេត្តកំពង់ស្ពឺ នៅព្រឹកថ្ងៃទី៣ ខែតុលានេះភ្លាម ឯកឧត្តម ទុយ ស៊ីផាន់ រដ្ឋលេខាធិការនៃក្រសួងការងារ និងបណ្ដុះបណ្ដាលវិជ្ជាជីវៈបានដឹកនាំមន្ត្រីជំនាញសហការជាមួយអាជ្ញាធរមូលដ្ឋានចុះសម្របសម្រួល និងស្ដាប់ពីសំណូមពររបស់កម្មករនិយោជិត និងបានសម្របសម្រួលជាមួយនឹងនិយោជកដោយផ្អែកទៅលើកត្តាច្បាប់រហូតឈានដល់ការព្រមព្រៀងសះជាភ្លាមៗដែលបានទាមទារចំនួន ១៦ ចំណុច។ ចំណុចទាំងនោះរួមមានការស្នើសុំលុយថ្លៃបាយថ្ងៃត្រង់ ការរក្សាលុយធ្វើការទៀងទាត់(លុយព្រីម) ក្នុងករណីមកយឺតក្រោម១៥ នាទីក្នុងមួយខែ និងការអនុញ្ញាតច្បាប់ដោយមានជំងឺ ដោយមានវេជ្ជបញ្ជាពីគ្រូពេទ្យ ជាដើម។ លោក ស៊ុន មេសា បញ្ជាក់ថា៖ «ក្រោយការសម្របសម្រួល ការយកចិត្តទុកដាក់ និងការដោះស្រាយប្រកបដោយភាពលឿនរហ័ស និងប្រកបដោយទំនុកចិត្តរបស់មន្ត្រីជំនាញនៃក្រសួងការងារបងប្អូនកម្មករកម្មការិនី និងភាគីរោងចក្របានឈានដល់ការព្រមព្រៀងគ្នានៅថ្ងៃដដែល ហើយកម្មករនឹងវិលចូលធ្វើការវិញនៅថ្ងៃស្អែកតាមការព្រមព្រៀងគ្នា»។ លទ្ធផលសះជាដ៏លឿនរហ័សនេះគឺកើតចេញពីការយកចិត្តទុកដាក់របស់មន្ត្រីក្រសួងការងារ និងបណ្ដុះបណ្តាលវិជ្ជាជីវៈរួមទាំងអាជ្ញាធរមូលដ្ឋាននៃរាជរដ្ឋាភិបាលកម្ពុជា។ នេះបើតាមការបញ្ជាក់ពីលោក ស៊ុន មេសា ដដែល៕ ផ្ដល់សិទ្ធិដោយ៖ Fresh News

(កណ្ដាល)៖ ម្ចាស់ស្ថានីយ៍ប្រេងមួយកន្លែង នៅក្រុងតាខ្មៅ ខេត្តកណ្ដាល បានយកកាំភ្លើងខ្លីវាយឡានមន្រ្តីយោធាម្នាក់បណ្ដាលឲ្យបែកកញ្ចក់ និងស្ដុបទាំងសងខាង ព្រោះខឹងចតមុខផ្ទះពិបាកចេញចូល។ ហេតុការណ៍នេះ បានកើតឡើងនៅយប់ថ្ងៃទី២ ខែតុលា ឆ្នាំ២០២៥ នៅមុខដេប៉ូប្រេងតេលាឈ្មោះ ហែម ឡុងសុភ័ក្ដ្រ ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្ដាល។ ដើមបណ្តឹងឈ្មោះ ប៉ូ ផានិត អាយុ៣១ឆ្នាំ មានទីលំនៅភូមិស្នោ ឃុំជៃកំពត ស្រុកព្រះស្តេច ខេត្តព្រែវែង ខណៈម្ចាស់ដេប៉ូប្រេងដែលរងការចោទប្រកាន់ឈ្មោះ ហែម ឡុងសុភ័ក្ដ្រ អាយុ៤៦ឆ្នាំ មានទីលំនៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល។ មុនពេលកើតហេតុ ឈ្មោះ ប៉ូ ផានិត បានបើករថយន្តរបស់ខ្លួនចេញពីកន្លែងជួសជុលរថយន្តមួយកន្លែង ក្នុងគោលបំណងមកលេងផ្ទះបងប្អូនរស់នៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល។ នៅពេលមកដល់ ផ្ទះបងប្អូន ជនរងគ្រោះបានចតរថយន្តនៅខាងមុខការ៉ាស់សាំងរបស់ឈ្មោះ ហែម ឡុងសុភ័ក្ដ្រ។ ចំណែកជនរងគ្រោះ ក្រោយចតរថយន្តហើយ ក៏បានដើរចូលទៅហូបបាយក្នុងផ្ទះបងប្អូនបាត់ទៅ។ លុះបានប្រហែលកន្លះម៉ោងក្រោយមក ជនរងគ្រោះក៏បានដើរមកមើលរថយន្តរបស់ខ្លួនវិញ ក៏ឃើញមានស្នាមបែកកញ្ចក់ បែកស្តុបសងខាង និងកំពិតទ្វារខាងក្រោយ […]

(ភ្នំពេញ)៖ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរស៊ីវិល បានថ្លែងឲ្យដឹងថា ដើម្បីចៀសវាងការពិបាកសម្រាប់អ្នកធ្វើដំណើរតាមយន្តហោះលើកដំបូង ឬចាស់ៗដែលពិបាកក្នុងការនិយាយភាសាបរទេស គួរស្នើសុំជំនួយពី ក្រុមហ៊ុនអាកាសចរណ៍ដែលខ្លួនទិញសំបុត្រ ដើម្បីជួយសម្រួលតាំង​ពីកន្លែង Check in ទៅដល់ពេលឡើងយន្តហោះ។ លោក ស៊ីន ចាន់សិរីវុត្ថា បានថ្លែងឲ្យដឹងថា ជាការពិតណាស់ថា ប្រជាពលរដ្ឋធ្វើដំណើរតាមព្រលានថ្មីនេះអាចនឹងប្រឈមបញ្ហាខ្លះៗ ព្រោះនេះជាព្រលានថ្មី ដូច្នេះអាចនឹងមានចម្ងល់ផ្សេងៗ ដែលតម្រូវឲ្យប្រជាពលរដ្ឋស្វែងយល់ព័ត៌មាន បន្ថែមពីប្រព័ន្ធព័ត៌មានសាធារណៈ ហើយប្រសិនបើអតិថិជនមានការលំបាកបន្ទាប់ពីការទិញសំបុត្រយន្ដហោះរួចរាល់ និងត្រូវការជំនួយពីក្រុមហ៊ុនអាកាសចរណ៍ទាំងនោះ គួរគម្បីសរសេរពីតម្រូវការរបស់ខ្លួនទៅកាន់ក្រុមហ៊ុន ព្រោះថាបន្ទាប់ពីអតិថិជនសរសេរពីតម្រូវការនេះ ក្រុមការងារនឹងផ្ញើបន្ដទៅកាន់កន្លែងផ្សេងៗទៀត ដើម្បីមានជំនួយដល់ពួកគាត់។ លោកបានបញ្ជាក់ថា នៅពេលដែលអតិថិជនប្រាប់អំពីតម្រូវការ ពួកគាត់នឹងជួយសម្រួលភ្លាមៗដល់អតិថិជន។ លោក ស៊ីន ចាន់សិរីវុត្ថា បានបន្ដថា ទោះជាយ៉ាងនេះក្ដីក៏សូមបញ្ជាក់ថា គ្រប់ព្រលានយន្ដហោះតែងតែមានកន្លែងសម្រាប់ដាក់ពាក្យរិះគន់ កែតម្រូវ ដូច្នេះប្រសិនបើអតិថិជនមានបញ្ហាណាមួយចង់កែតម្រូវ គឺអាចសរសេរដាក់គ្រប់កន្លែងដាក់ពាក្យទាំងនោះបាន នោះក្រុមការងារ គណៈកម្មាការរបស់ព្រលានយន្ដហោះ ព្រមទាំងភាគីពាក់ព័ន្ធទាំងអស់នឹងយកមកមើលព្រមទាំងកែរតម្រូវបន្ថែម៕ ផ្ដល់សិទ្ធិដោយ៖ Fresh News

(កោះកុង)៖ ទូកដឹកទំនិញមួយគ្រឿងចេញមកពីប្រទេសថៃ ចូលមកប្រទេសកម្ពុជាតាមផ្លូវសមុទ្រ ត្រូវបានកម្លាំងអាវុធហត្ថខេត្តកោះកុង សហការជាមួយកម្លាំងគយចល័តបង្ក្រាប និងរកឃើញកញ្ឆាក្រៀមជាង៦១គីឡូក្រាម និងសារធាតុផ្សំផ្សេងទៀតជាង៥០០គីឡូក្រាម នៅចំណុចមុខព្រែកប៉ាក់ខ្លង ភូមិ១ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។ របាយការណ៍របស់មេបញ្ជាការអាវុធហត្ថខេត្តកោះកុង ដែលបណ្ដាញព័ត៌មាន Fresh News ទទួលបាននៅថ្ងៃទី៣ ខែតុលា ឆ្នាំ២០២៥ បានបញ្ជាក់ថា ការឃាត់ទូកឈើដឹកទំនិញចំនួន ១គ្រឿង ពេលកំពុងដឹកទំនិញចេញ ពីប្រទេសថៃ តាមផ្លូវទឹក (តាមសមុទ្រ) ចូលមកប្រទេសកម្ពុជា ដោយមានសង្ស័យទើបនៅថ្ងៃទី២៩ ខែកញ្ញា ឆ្នាំ២០២៥ វេលាម៉ោង១៣៖០០នាទី កម្លាំងឆែកឆេរត្រួតពិនិត្យរាល់ឥវ៉ាន់ដែលមាននៅលើទូក។ តាមរបាយការណ៍ដដែលបានបញ្ជាក់ថា ដោយបានពិនិត្យឃើញជាក់ស្តែងរួមមាន៖ ទី១៖ សង្ស័យជាកញ្ឆាក្រៀម ចំនួន១២៤កញ្ចប់ (ធំ១២២កញ្ចប់, តូច២កញ្ចប់) ស្មើនឹង៦១.២០គីឡូក្រាមទី២៖ ម្ស៉ៅក្រាមពណ៌ស ចំនួន៤១០កញ្ចប់ធំ ស្មើនឹង៤១០គីឡូក្រាមទី៣៖ ម្ស៉ៅក្រាមពណ៌លឿង ចំនួន៤៤៩កញ្ចប់ (កញ្ចប់ធំ ៤២កញ្ចប់តូច ៤០៧) ស្មើនឹង៦០.៣០គីឡូក្រាមទី៤៖ ម្ស៉ៅក្រាមពណ៌ឈូក ចំនួន២២កញ្ចប់ធំ ស្មើនឹង២២គីឡូក្រាមទី៥៖ ម្ស៉ៅក្រាមពណ៌បៃតងស្រាល ចំនួន៦កញ្ចប់ធំ ស្មើនឹង៦គីឡូក្រាមទី៦៖ ម្ស៉ៅក្រាមពណ៌ត្រាវ […]

(ភ្នំពេញ)៖ គេនៅចាំបានកុមារាម្នាក់កាលអំឡុងឆ្នាំ២០២៣ ដែលកើតមានដៃ៤ និងជើង៤ ហើយមិនមានរន្ធគូថនៅស្រុកសំពៅលូន ខេត្តបាត់ដំបងនោះ រហូតមកទល់ពេលនេះ បានឆ្លងកាត់ការវះកាត់៤ដំណាក់កាល ដោយជោគជ័យ នៅមន្ទីរពេទ្យជ័យវរ្ម័នទី៧ (គន្ធបុប្ផា) ដែលប្រៀបបីដូចជាការទទួលបានជីវិតថ្មីម្ដងទៀត ក្រោយការជួយសង្គ្រោះយ៉ាងយកចិត្តទុកដាក់ពីសំណាក់ក្រុមគ្រូពេទ្យ។ កុមារាអាយុ២ឆ្នាំ និង៣ខែ ចូលសំរាកពេទ្យតាំងពីអាយុ២ថ្ងៃ (ថ្ងៃទី១៧ ខែកក្កដា ឆ្នាំ២០២៣) មកពីស្រុកសំពៅលូន ខេត្តបាត់ដំបង ប្រសូត្រតាមផ្លូវធម្មជាតិ ដោយមានមកពីកំណើតនូវអវៈយវៈលើ៤ (ដៃ) អវៈយវៈក្រោម៤ (ជើង) (Parasitic twin or Conjoined twin) form heteropagus, acephalus and acardius) និងមានរន្ធគូទត្បៀតជិត (Anal imperforation) បានចូលសំរាកព្យាបាលនៅផ្នែកសង្គ្រោះទារក (NICU) ហើយត្រូវបានវះកាត់ដោយ គ្រូពេទ្យឯកទេសវះកាត់ នៃមន្ទីរពេទ្យកុមារជ័យវរ្ម័នទី៧ (គន្ធបុប្ផា) ដែលដឹកនាំវះកាត់ដោយលោកសាស្ត្រាចារ្យ កែវ សុខា។ ទារករូបនេះ បានឆ្លងការវះកាត់៤លើក ដោយជោគជ័យ៖ * ការវះកាត់លើកទី១ គឺការវះកាត់យកអវៈយវៈលើ១គូ (ដៃ) ចេញ* […]

(បន្ទាយមានជ័យ)៖ នៅព្រឹកថ្ងៃសុក្រ ទី៣ ខែតុលា ឆ្នាំ២០២៥នេះ ក្រសួងការពារជាតិកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) អញ្ជើញចុះពិនិត្យទីតាំងជាក់ស្តែង នៅភូមិចក់ពួក ឃុំស្លក្រាម ស្រុកស្វាយចេក ខេត្តបន្ទាយមានជ័យ ដើម្បីសង្កេតការណ៍ ផ្ទៀងផ្ទាត់ និងរាយការណ៍ នៅស្ថានភាពព្រំដែន ក្រោយបទឈប់បាញ់ចូលជាធរមាន។ នេះបើតាមការបញ្ជាក់របស់ លោកស្រី ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា នៅព្រឹកនេះ៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរស៊ីវិល បានស្នើសុំអ្នកដំណើរប្រើប្រាស់ចំណត នៅអាកាសយានដ្ឋានអន្ដរជាតិតេជោ សូមប្រើប្រាស់​ឱ្យបានត្រឹមត្រូវ និងចតតាមការណែនាំ ចៀសវាងការចំណាយខ្ពស់ ខណៈប្រតិបត្តិករព្រលាន នឹងដាក់កម្លាំងជួយសម្រួលចរាចរណ៍បន្ថែមទៀត។ ការស្នើសូមបែបនេះ ធ្វើឡើងក្នុងឱកាសដែល លោក ស៊ីន ចាន់សិរីវុត្ថា អញ្ជើញចូលរួម ក្នុងកិច្ចពិភាក្សាលើប្រធានបទ៖ «យន្តការគ្រប់គ្រងអាកាសយានដ្ឋានកម្ពុជា ប្រកបដោយប្រសិទ្ធភាព» ក្នុងកម្មវិធី FRESH BUSINESS។ លោក ស៊ីន ចាន់សិរីវុត្ថា បានបញ្ជាក់យ៉ាងដូច្នេះថា «តម្លៃចំណតនៅអាកាសយានថ្មីនេះ មានតម្លៃខ្ពស់ជាង នៅអាកាសយានដ្ឋានចាស់បន្តិច អីចឹងយើងត្រូវប្រយ័ត្នប្រយែង ក្នុងការប្រើ​ប្រាស់ បើសិនយើងប្រើប្រាស់ខុសពីការណែនាំ គឺត្រូវបង់ថ្លៃ»។ សូមជម្រាបថា ចំណតយានយន្តគ្រប់ប្រភេទ (កង់ ម៉ូតូ ឡាន) នៅអាកាសយានដ្ឋានអន្តរជាតិតេជោ ត្រូវគិតប្រាក់ទៅតាមម៉ោងកំណត់ រួមមាន៖ ទី១៖ ផ្លូវដាក់អ្នកដំណើរ (Drop‑off lane):  * សម្រាប់រថយន្តប្រភេទសណ្ដោងរ៉ឺម៉ក, TukTuk និងរថយន្ដប្រភេទ SUV និង MPV អាចឈប់ឡានបាន១០នាទី ដោយមិនគិតថ្លៃ។  * […]

(បាងកក)៖ ខ្យល់បក់ខ្លាំង លាយឡំជាមួយភ្លៀងផងនោះបានធ្វើឱ្យដើមឈើធំជាច្រើនដួលរលំក្នុងទីក្រុងបាងកក និងតំបន់ជុំវិញរាជធានីនៃប្រទេសថៃ នៅព្រឹកថ្ងៃសុក្រ ទី៣ ខែតុលា ដោយបង្កការខូចខាតដល់រថយន្ដ និងផ្ទះសម្បែងមួយចំនួន។ នេះបើតាមការចេញផ្សាយដោយកាសែតថៃ Khaosod។ នៅម៉ោង ៥៖៣០នាទីព្រឹក ថ្ងៃទី៣ ខែតុលា ដើមឈើធំមួយដើមបានរលំសង្កត់ផ្ទះ និងរថយន្ដមួយចំនួន នៅក្នុងស្រុក Chatuchak ហើយបង្កការរំខានដល់ការធ្វើចរាចរណ៍។ ដោយឡែក នៅស្រុក Soi Ramkhamhaeng Hua Mak និង Bang Kapi មានដើមឈើ៣ដើមបានបាក់រលំសង្កត់រថយន្ដជាច្រើនគ្រឿង។ តែមិនមានសេចក្ដីរាយការណ៍ពីជនរងគ្រោះណាម្នាក់ នោះទេ ខណៈអាជ្ញាធរកំពុងដោះស្រាយនៅកន្លែងកើតហេតុ។ ចំណែក នៅស្រុក Pak Kret ខេត្ត Nonthaburi ដើមឈើដ៏ធំមួយដើមក៏បានរលំសង្កត់យានយន្ដជាច្រើនគ្រឿងផងដែរ បន្ទាប់ពីមានព្យុះភ្លៀងលាយឡំជាមួយខ្យល់បកយ៉ាងខ្លាំង៕ ផ្ដល់សិទ្ធិដោយ៖ Fresh News

(ក្រុងប៉ោយប៉ែត)៖ នៅវេលាម៉ោង០០ និង៤១នាទីរំលងអធ្រាតឈានចូល ថ្ងៃទី០៣ ខែតុលា ឆ្នាំ២០២៥ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត សហការណ៍ជាមួយក្រុមល្បាតព្រំដែន ចុះល្បាតតាមព្រំដែនក្នុងភូមិសាស្ត្រក្រុងប៉ោយប៉ែត ដល់ចំណុចដីវាលមុខបុរីស្តារហ្គោល ស្ថិតក្នុងភូមិព្រៃព្រិច សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ក៏បានប្រទះឃើញករណីបាញ់បោះសេរី និងប្រើប្រាស់អាវុធដោយខុសច្បាប់ប្រព្រឹត្តដោយជនសង្ស័យចំនួន០២នាក់ ភ្លាមនោះកម្លាំងបានធ្វើការឃាត់ខ្លួនជនសង្ស័យទាំង២នាក់ ដែលជាជនជាតិថៃ រួមទាំងអាវុធខ្លី ដែលជាវត្ថុតាង និងនាំទៅកាន់មូលដ្ឋានកងរាជអាវុធហត្ថក្រុងប៉ោយប៉ែត ដើម្បីធ្វើការសួរនាំ។ កងរាជអាវុធហត្ថបានឱ្យដឹងថា ជនសង្ស័យមានឈ្មោះ ផាចារាក់ ខៅផូ ( PATCHARA KHAOPHO ) ភេទប្រុស អាយុ២៧ឆ្នាំ ជាជនជាតិថៃ ជាម្ចាស់អាវុធ។ ឈ្មោះ ឡាំភុម រ៉ាត់តាណាក់កែវមន្នី (RAMPUM RATTANAKAEWMANEE) ភេទប្រុស អាយុ២២ឆ្នាំ ជាជនជាតិថៃ ពួកគេទាំង២ស្នាក់នៅម្ដុំវត្តជាយដែន ស្ថិតក្នុងភូមិព្រៃព្រិច សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ ពេលឃាត់ខ្លួនកងរាជអាវុធហត្ថបានរកឃើញ និងដកហូតវត្ថុតាងជាអាវុធខ្លីម៉ាក ស៉ិចសាយអឺ (SIG SAUER) ពណ៌ខ្មៅ លេខតួ 66A986594 ចំនួន១ដើម […]