(អ៊ីតាលី)៖ លោក Masato Kanda អ្នកការទូតរូបិយប័ណ្ណកំពូលរបស់ជប៉ុន បាននិយាយកាលពីថ្ងៃសុក្រថា ប្រទេសជប៉ុនបានត្រៀមខ្លួនរួចជាស្រេច ដើម្បីចាត់វិធានការសមស្របនៅក្នុងទីផ្សារ «នៅពេលណាក៏បាន» ដើម្បីប្រឆាំងនឹងការប្រែប្រួលលើសលប់ របស់ប្រាក់យ៉េន។ នេះបើយោងតាមទីភ្នាក់ងារព័ត៌មានរ៉យទ័រ។ លោក Kanda ក៏បាននិយាយដែរថា លោកកំពុងមានទាក់ទងយ៉ាងជិតស្និទ្ធជាមួយសមភាគីបរទេស ជាពិសេសនៅសហរដ្ឋអាមេរិកអំពីបញ្ហានានា រួមទាំងទីផ្សារហិរញ្ញវត្ថុផងដែរ។ លោក Kanda ត្រូវបានដកស្រង់សម្ដីដោយទីភ្នាក់ងារព័ត៌មានរ៉យទ័រ ខណៈថ្លែងប្រាប់ក្រុមអ្នកសារព័ត៌មានថា៖ «ស្ថិតក្រោមរបបអត្រាប្តូរប្រាក់ ដែលមានភាពបត់បែនបាន យើងនឹងមិនចាំបាច់ធ្វើអន្តរាគមន៍ទេ ប្រសិនបើការប្រែប្រួលតម្លៃរូបិយប័ណ្ណមានស្ថិរភាព។ ប៉ុន្តែប្រសិនបើមានការប្រែប្រួលខ្លាំងពេក ដែលជះឥទ្ធិពលអាក្រក់ដល់សេដ្ឋកិច្ច យើងត្រូវចាត់វិធានការ ហើយការធ្វើដូច្នេះនឹងសមហេតុផល»។ បន្ទាប់ពីអមដំណើររដ្ឋមន្ត្រីក្រសួងហិរញ្ញវត្ថុជប៉ុន លោក Shunichi Suzuki សម្រាប់ថ្ងៃដំបូងនៃកិច្ចប្រជុំមេដឹកនាំហិរញ្ញវត្ថុ G7 នៅទីក្រុងស្រ្តេសា ភាគខាងជើងប្រទេសអ៊ីតាលី លោកបានថ្លែងថា៖ «យើងត្រៀមខ្លួនរួចរាល់ ដើម្បីធ្វើសកម្មភាពនៅពេលណាក៏បានតាមតម្រូវការ ទៅលើការប្រែប្រួលតម្លៃប្រាក់យ៉េន»។ លោក Kanda បានលើកឡើងដូច្នេះមួយថ្ងៃ បន្ទាប់ពីរដ្ឋមន្ត្រីក្រសួងរតនាគារសហរដ្ឋអាមេរិក គឺលោក Janet Yellen បាននិយាយថា អន្តរាគមន៍លើរូបិយប័ណ្ណគួរតែត្រូវធ្វើឡើងដោយកម្រ និងក្នុងរបៀបដែលមានការក្រប់គ្រងល្អ។ ប្រាក់យ៉េនបានធ្លាក់ចុះថ្លៃ ១១ភាគរយធៀបនឹងប្រាក់ដុល្លារនៅឆ្នាំនេះ។ កាលពីថ្ងៃសុក្រ […]

(បរទេស)៖ កម្មវិធី WhatsApp ដែលជាវេទិកាផ្ញើសារដ៏ពេញនិយម និងមានអ្នកប្រើប្រាស់រាប់ពាន់លាននាក់នៅទូទាំងពិភពលោក កំពុងធ្វើការលើការនាំយកមុខងារថ្មីមួយ ដែលអនុញ្ញាតឱ្យអ្នកប្រើប្រាស់អាចកំណត់រូបភាពតាមរយៈ AI-generate image នៅលើ Profile របស់ពួកគេ។ នេះបើយោងតាមការចេញផ្សាយដោយ Abp Live នៅថ្ងៃទី២៤ ខែឧសភា ឆ្នាំ២០២៤។ មុខងារថ្មីនេះ ត្រូវបានគេឱ្យដឹងថាជាមុខងារ AI-forward ដែលត្រូវបានគាំទ្រដោយបញ្ញាសិប្បនិម្មិត AI ដូចទៅនឹងការប្រើប្រាស់នៅលើកម្មវិធី AI ផ្ទាល់អ៊ីចឹង។ របាយការណ៍ពី WABetaInfo បានបង្ហាញថា មុខងារនេះនឹងមាននៅលើកំណែ 2.24.11.17 ដែលជាកំណែចុងក្រោយរបស់ WhatsApp និងមានសម្រាប់តែប្រព័ន្ធប្រតិបត្តិការ Android តែប៉ុណ្ណោះ។ ដោយឡែកចំពោះកំណែ iOS មិនត្រូវបានប្រភពបង្ហាញនោះទេ។ គួរជម្រាបថា មុខងារនាពេលខាងមុខនេះ គឺ WhatsApp ត្រៀមនឹងផ្តល់ជូនសម្រាប់អ្នកប្រើប្រាស់កំណត់នៅលើ Profile ផ្ទាល់ខ្លួន ដោយគូសបញ្ជាក់ថា ជាការពង្រឹងវិធានការឯកជនភាពអ្នកប្រើប្រាស់នៅក្នុងវេទិការបស់ខ្លួន៕ ផ្តល់សិទ្ធិដោយ៖ Fresh News

(ហាណូយ)៖ ក្រសួងការបរទេសវៀតណាម បានប្រកាសនៅថ្ងៃព្រហស្បតិ៍ សប្តាហ៍នេះ​ថា រដ្ឋាភិបាលវៀតណាម មិនគាំទ្រឡើយ ចំពោះការបញ្ចេញមតិ​លក្ខណៈញុះញង់ និង​បង្កការបែកបាក់ពីសំណាក់ជនជាតិវៀតណាមមួយចំនួន លើគណនីបណ្តាញ​សង្គម​ផ្លូវ​ការរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។ តាមរយៈការផ្សាយរបស់បណ្តាញសារព័ត៌មានវៀតណាម VN Express នៅថ្ងៃទី២៤ ខែឧសភា ឆ្នាំ២០២៤នេះ ​អ្នកនាំពាក្យក្រសួង​ការបរទេស​វៀតណាម លោកស្រី Pham Thu Hang បានទទួលស្គាល់ថា មានពលរដ្ឋវៀតណាម បានចូលបញ្ចេញមតិលើបណ្តាញសង្គមរបស់សម្តេចតេជោ ហ៊ុន សែន។ ប៉ុន្តែមតិយោបល់ទាំងនោះមិនតំណាងឱ្យជំហររបស់រដ្ឋាភិបាល និងប្រជាជនវៀតណាមទាំងអស់នោះទេ។ លោកស្រី Pham Thu Hang បានគូសបញ្ជាក់ដូច្នេះ «យើងមិនយល់ស្របឡើយ​ជាមួយនឹងគំនិត ឬការបញ្ចេញមតិដែលបង្កការញុះញង់ និងប៉ះពាល់ដល់ទំនាក់​ទំនង​រវាងប្រជាជនវៀតណាម និងកម្ពុជា ហើយអាចធ្វើឱ្យមេដឹកនាំ នៃប្រទេសទាំងពីរ មានការអាក់អន់ចិត្តនឹងគ្នាផងដែរ។ យើងជឿជាក់ថា វៀតណាម-កម្ពុជានឹងបន្តកិច្ច​សហការ​ជិតស្និទ្ធ លើការងារចែករំលែកព័ត៌មានជុំវិញបញ្ហានេះ រួមទាំងគម្រោងព្រែកជីក​ហ្វូណនតេជោ ក៏ដូចជាការសិក្សាអំពីផលប៉ះពាល់ឆ្លងដែននៃគម្រោងនេះ»។ កាលពីថ្ងៃទី១៩ ខែឧសភា ឆ្នាំ២០២៤កន្លងទៅនេះ សម្តេចតេជោ ហ៊ុន សែន បានប្រតិ​កម្ម​ជាខ្លាំងទៅលើការបញ្ចេញមតិមួយចំនួនជាភាសាវៀតណាម ដែលមានអត្ថន័យ […]

(សិង្ហបុរី)៖ សេចក្តីសម្រេចរបស់ចៅក្រមនៅតុលាការកំពូលនៃប្រទេសសិង្ហបុរី ដែលចេញផ្សាយនាថ្ងៃសុក្រនេះ បានបង្ហាញថា បងប្អូនប្រុសរបស់ អតីតនាយករដ្ឋមន្រ្តីសិង្ហបុរី លោក Lee Hsien Loong ត្រូវបានតុលាការបង្គាប់ឱ្យបង់ប្រាក់ចំនួន ៤០០,០០០ដុល្លារសិង្ហបុរី ឬស្មើនឹង២៩៦,០០០ដុល្លារអាមេរិក ឱ្យទៅរដ្ឋមន្រ្តីរដ្ឋាភិបាលចំនួន២រូប ក្នុងសំណុំរឿងបរិហាកេរ្តិ៍។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃសុក្រ​ ទី២៤ ខែឧសភា ឆ្នាំ២០២៤។ លោក Goh Yihan ចៅក្រមនៅតុលាការកំពូលសិង្ហបុរី បានលើកឡើងថា លោក Lee Hsien Yang ដែលជាប្អូនប្រុសរបស់លោក Lee Hsien Loong បានធ្វើការចោទប្រកាន់បែបបរិហាកេរ្តិ៍ ប្រឆាំងនឹងរដ្ឋមន្រ្តីសិង្ហបុរី២រូប ដែលបានជះផលប៉ះពាល់អវិជ្ជមានយ៉ាងធ្ងន់ធ្ងរចំពោះ ភាពសុចរិតទៀងត្រង់ កេរ្តិ៍ឈ្មោះវិជ្ជាជីវៈ ក៏ដូចជាកិត្តិយសរបស់ពួកគេ។ កាលពីខែកក្កដា ឆ្នាំ២០២៣ លោក Lee Hsien Yang ធ្លាប់ត្រូវបាន​រដ្ឋាភិបាលសិង្ហបុរី ផ្តល់ឱកាសឱ្យកែតម្រូវការបង្ហោះសារមួយលើ Facebook ដែលក្រសួងយុត្តិធម៌អះអាងថា មានខ្លឹមសារមិនពិតស្តីពី​រឿងអាស្រូវ ជុំវិញការណ៍ដែលរដ្ឋមន្រ្តីទាំង២រូបនោះ ជួលទ្រព្យសម្បត្តិរដ្ឋ។ បើតាមចៅក្រម […]

(វ៉ាស៊ីនតោន)៖ សហរដ្ឋអាមេរិក កំពុងត្រៀមប្រកាសផ្ដល់ជំនួយយោធា ២៧៥លានដុល្លារ សម្រាប់អ៊ុយក្រែន ដែលនឹងរួមមានបញ្ចូលទាំងកាំភ្លើងធំ ១៥៥មីលីម៉ែត្រ គ្រាប់បែកឆ្លាតវៃ យានយន្ដយោធាជាដើម។ នេះបើតាមមន្ត្រីអាមេរិក៣នាក់ ដែលបានប្រាប់ទីភ្នាក់ងារសារព័ត៌មាន Reuters កាលពីថ្ងៃព្រហស្បតិ៍ ទី២៣ ខែឧសភា។ ក្រុមមន្ត្រីអាមេរិកខាងលើក្នុងលក្ខខណ្ឌមិនបញ្ចេញឈ្មោះ បានប្រាប់ Reuters​ ទៀតថាកញ្ចប់ជំនួយអាវុធថ្មីនេះដែលអាចនឹងត្រូវបានប្រកាសនៅថ្ងៃសុក្រសប្ដាហ៍នេះ (ម៉ោងនៅវ៉ាស៊ីនតោន) គឺនឹងត្រូវប្រគល់ទៅឱ្យអ៊ុយក្រែន ក្រោមក្របខណ្ឌនៃការប្រើប្រាស់សិទ្ធិអំណាចរបស់ប្រធានាធិបតីអាមេរិក Presidential Drawdown Authority ដែលអនុញ្ញាតឱ្យលោកប្រធានាធិបតី ចូ បៃដិន ផ្ដល់អាវុធឱ្យអ៊ុយក្រែន ក្នុងស្ថានភាពបន្ទាន់ដោយមិនចាំបាច់មានការអនុញ្ញាតពីសភាទាំង២របស់សហរដ្ឋអាមេរិក។ គួរបញ្ជាក់ថា កាលពីពេលថ្មីៗនេះ សភាទាំង២របស់សហរដ្ឋអាមេរិកបានអនុម័តកញ្ចប់ថវិកា ៩៥ពាន់លានដុល្លារ ហើយក្នុងនោះមាន ៦១ពាន់លានដុល្លារជាជំនួយយោធា សម្រាប់អ៊ុយក្រែន ហើយក្នុងនោះទៀតសោតមានកញ្ចប់ថវិកា ៨ពាន់លានដុល្លារសម្រាប់ប្រធានាធិបតី ប្រើប្រាស់នៅក្រោមសិទ្ធិអំណាចប្រធានាធិបតី Presidential Drawdown Authority៕ ផ្តល់សិទ្ធិដោយ៖ Fresh News

(អូស្លូ)៖ ក្រសួងយុត្តិធម៌ន័រវែស បានប្រកាសនៅថ្ងៃព្រហស្បតិ៍នេះថា ន័រវែស នឹងបង្កើនការរឹតត្បិតសម្រាប់អ្នកទេសចររុស្ស៉ី ដោយសារតែសង្រ្គាមកំពុងបន្តនៅអ៊ុយក្រែន តាមរយៈការហាមឃាត់ទាំងស្រុង។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី២៣ ខែឧសភា ឆ្នាំ ២០២៤។ ពលរដ្ឋរុស្ស៉ីដែលមានគោលបំណងទេសចរណ៍ និងការធ្វើដំណើរមិនសំខាន់ផ្សេងទៀត នឹងត្រូវបដិសេធនៅពេលមកដល់ព្រំដែន លើកលែងតែក្នុងករណី ដូចជាការទៅសួរសុខទុក្ខគ្រួសារជិតស្និទ្ធ ដែលកំពុងរស់នៅក្នុងប្រទេសន័រវែស។ គោលនយោបាយថ្មីនេះ នឹងចូលជាធរមានចាប់ពីថ្ងៃទី២៩ ខែឧសភាតទៅ។ រដ្ឋមន្រ្តីយុត្តិធម៌ លោកស្រី Emilie Enger បញ្ជាក់ថា «ការសម្រេចចិត្តរឹតបន្តឹង ច្បាប់ចូលមកក្នុងប្រទេស គឺស្របតាមវិធីសាស្រ្តរបស់ន័រវែស ក្នុងការរួបរួមជាមួយសម្ព័ន្ធមិត្ត និងដៃគូ ក្នុងប្រតិកម្មចំពោះសង្គ្រាមឈ្លានពាន របស់រុស្ស៉ីលើអ៊ុយក្រែន»។ គួរបញ្ជាក់ថា ន័រវែស ដែលជាសមាជិករបស់អង្គការណាតូ (NATO) និងមានព្រំដែនជាប់ជាមួយរុស្ស៉ីក្នុងតំបន់អាក់ទិកប្រវែង ២០០គីឡូម៉ែត្រ ជាប្រទេសដំបូងគេដែលបានដាក់កំហិតលើទិដ្ឋាការទេសចរណ៍រុស្ស៉ី ចាប់តាំងពីឆ្នាំ ២០២២មក៕ ផ្តល់សិទ្ធិដោយ៖ Fresh News

(បាងកក)៖ នៅថ្ងៃព្រហស្បតិ៍នេះ តុលាការធម្មនុញ្ញនៃប្រទេសថៃ បានសម្រេចទទួលយកញត្តិតវ៉ាមួយ ដែលមានគោលដៅស្វែងរក ការដកហូតតំណែងនាយករដ្ឋមន្រ្តី របស់លោក សេដ្ឋា ថាវីស៉ីន ជុំវិញរឿងតែងតាំងអតីតមេធាវីដែលធ្លាប់ជាប់ទោសម្នាក់ ឱ្យកាន់តួនាទីជា​រដ្ឋមន្រ្តី។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នាថ្ងៃព្រហស្បតិ៍ ទី២៣ ខែឧសភា ឆ្នាំ២០២៤។ នាពេលថ្មីៗនេះ សមាជិកព្រឹទ្ធសភាថៃមួយក្រុម ដែលបានដាក់ញត្តិតវ៉ាទៅកាន់តុលាការធម្មនុញ្ញថៃ ដើម្បីឱ្យតុលាការពិចារណាដកហូត​តំណែងលោក សេដ្ឋា ហើយទន្ទឹមគ្នានោះ ឱ្យព្យួរតំណែងរបស់លោក ជាបណ្តោះអាសន្នសិន ដោយពួកគេបានចោទប្រកាន់ថា ការតែងតាំង​លោក Pichit Chuenban កាលពីខែមេសាកន្លងទៅ ឱ្យក្លាយជាសមាជិកនៃគណៈរដ្ឋមន្រ្តីរបស់លោក គឺជាទង្វើរំលោភរដ្ឋធម្មនុញ្ញ។ ទោះបី​នៅថ្ងៃព្រហស្បតិ៍នេះ តុលាការធម្មនុញ្ញ បានទទួលយកសំណើនោះក៏ដោយ លោក សេដ្ឋា មិនត្រូវបានព្យួរតួនាទីជានាយករដ្ឋមន្រ្តីឡើយ ដោយនៅរង់ចាំការសម្រេចចិត្ត នាពេលក្រោយទៀតរបស់តុលាការ ក្នុងសំណុំរឿងនេះ។ លោក Pichit បានលាលែងពីតួនាទី ជារដ្ឋមន្រ្តីនៅការិយាល័យនាយករដ្ឋមន្រ្តីថៃវិញ កាលពីថ្ងៃអង្គារសប្តាហ៍នេះ ក្នុងគោលបំណងដើម្បី​ចង់ជួយឱ្យលោក សេដ្ឋា បានលួចផុតពីសំណុំរឿងខាងលើ។ សរុបមក ក្នុងរយៈពេលប៉ុន្មានសប្តាហ៍ចុងក្រោយ រដ្ឋាភិបាលលោក សេដ្ឋា បានមើលឃើញ […]

(បរទេស)៖ ខណៈស្មានហ្វូនជំនាន់ថ្មីរបស់ក្រុមហ៊ុន Apple គឺត្រកូល iPhone 16 ត្រៀមបញ្ចេញនាពេលឆាប់ៗខាងមុខ ថ្មីៗនេះមានរបាយការណ៍មួយបន្ថែមទៀតបានបង្ហាញថា iPhone 16 Pro និង iPhone 16 Pro Max នឹងទទួលបានការអាប់ដេតកាមេរ៉ាគួរឱ្យកត់សម្គាល់នៅឆ្នាំនេះ។ ពោលគឺ Apple នឹងដំឡើងទំហំកាមេរ៉ាគោលនៅលើ iPhone ទំនើបទាំងពីរនេះរហូតដល់ 48-Megapixel ជាលើកដំបូង។ នេះបើយោងតាមការចេញផ្សាយដោយ gadgets360 នៅថ្ងៃទី២៣ ខែឧសភា ឆ្នាំ២០២៤។ ប្រភពព័ត៌មានមួយបានបង្ហោះនៅលើបណ្ដាញវេទិកាសង្គមចិន Weibo ថា iPhone 16 Pro Max នឹងបំពាក់ដោយកាមេរ៉ា Sony IMX903 កម្រិតខ្ពស់ទំហំ 48-Megapixel ចំណែកឯ iPhone 16 Pro ត្រូវបានគេនិយាយថា នឹងប្រើប្រាស់កាកាមេរ៉ា Sony IMX803 ទំហំ 48-Megapixel។ ខណៈកាមេរ៉ាដែលប្រើនៅលើ iPhone 16 Pro […]

(អាល្លឺម៉ង់)៖ នាឱកាសអញ្ជើញចូលរួមក្នុងកិច្ចប្រជុំកំពូលប្រចាំឆ្នាំ២០២៤ នៃវេទិកាដឹកជញ្ជូនអន្តរជាតិ ដែលប្រព្រឹត្តទៅចាប់ពីថ្ងៃទី២២-២៤ ខែឧសភា ​ឆ្នាំ២០២៤ នៅទីក្រុងឡែបហ្សិក ប្រទេសអាល្លឺម៉ង់ លោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានជួបពិភាក្សាការងារទ្វេភាគីជាមួយលោក យ៉ាង លី អនុរដ្ឋមន្រ្តីក្រសួងដឹកជញ្ជូន នៃសាធារណរដ្ឋប្រជាមានិតចិន។ ក្នុងជំនួនាព្រឹកថ្ងៃទី២២ ខែឧសភា ឆ្នាំ២០២៤ លោក ប៉េង ពោធិ៍នា បានថ្លែងអំណរគុណ និងវាយតម្លៃខ្ពស់ ចំពោះកិច្ចសហការដ៏ល្អរបស់សាធារណរដ្ឋប្រជាមានិតចិន ដែលជានិច្ចកាលតែងតែ​គាំទ្រ​ និង​រួម​ចំណែក​ក្នុងការ​អភិវឌ្ឍ​សេដ្ឋកិច្ច-សង្គម​របស់​កម្ពុជា និយាយជារួម និងនិយាយដោយឡែកលើវិស័យសាធារណការ និងដឹកជញ្ជូន ដែលកម្ពុជាសង្ឃឹមយ៉ាងមុតមាំថា ទំនាក់ទំនង និងកិច្ចសហប្រតិបត្តិការ រវាងក្រសួងទទួលបន្ទុកផ្នែកដឹកជញ្ជូននៃប្រទេសទាំងពីរ នឹងត្រូវបានពង្រឹងជាបន្តបន្ទាប់។ ឆ្លើយតបទៅនឹងការលើកឡើងរបស់លោក ប៉េង ពោធិ៍នា លោក យ៉ាង លី បានថ្លែងអំណរគុណយ៉ាងជ្រាលជ្រៅដល់រាជរដ្ឋាភិបាលកម្ពុជា ពិសេសក្រសួងសាធារណការ និងដឹកជញ្ជូន ដែលតែងតែផ្តល់ទំនុកចិត្តដល់រដ្ឋាភិបាលចិន និង​ផ្តល់ឱកាសដល់ក្រុមហ៊ុនចិន ក្នុងការវិនិយោគលើវិស័យសាធារណការ និងដឹកជញ្ជូននៅកម្ពុជា ព្រមទាំងជួយសម្របសម្រួល ដល់អ្នកជំនាញការរបស់ចិន ដែលបំពេញការងារនៅកម្ពុជា។ លោក យ៉ាង លី […]

(បរទេស)៖ Apple បានប្ដឹងជំទាស់កាន់តុលាការកំពូលទីពីររបស់អឺរ៉ុប ចំពោះករណីផាកពិន័យចំនួន ១.៨៤ពាន់លានអឺរ៉ូ (ប្រហែល ២ពាន់លានដុល្លារ) ដែលចេញដោយនិយតករប្រឆាំងការទុកចិត្តរបស់សហភាពអឺរ៉ុប សម្រាប់ការរារាំងកម្មវិធី Spotify និងគូប្រជែងការផ្សាយផ្សេងទៀត តាមរយៈការរឹតបន្តឹង និងប្រកួតប្រជែងដោយមិនស្មោះត្រង់។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៣ ខែឧសភា ឆ្នាំ២០២៤។ ក្រុមហ៊ុន Apple បាននិយាយរួចហើយថាខ្លួននឹងប្តឹងឧទ្ធរណ៍បន្ទាប់ពីគណៈកម្មការអឺរ៉ុបបានប្រគល់ការផាកពិន័យកាលពីខែមីនា ដែលជាការពិន័យជាលើកទីមួយដែលមិនធ្លាប់មានសម្រាប់ការរំលោភបំពានច្បាប់ប្រឆាំងការទុកចិត្តរបស់សហភាពអឺរ៉ុប និងការពិន័យដ៏ធំបំផុតទីបីចំពោះក្រុមហ៊ុនសម្រាប់អាកប្បកិរិយាប្រឆាំងនឹងការប្រកួតប្រជែង។ សេចក្តីសម្រេចរបស់តុលាការដែលមានមូលដ្ឋាននៅប្រទេសលុចសំបួ អាចចំណាយពេលជាច្រើនឆ្នាំ ខណៈដែលបណ្តឹងឧទ្ធរណ៍ប្រឆាំងនឹងសាលក្រមនេះ បានដាក់ទៅកាន់តុលាការយុត្តិធម៌នៃសហភាពអឺរ៉ុប ដែលជាតុលាការកំពូលរបស់អឺរ៉ុប អាចអូសទាញវិវាទនេះ ឲ្យចំណាយពេលពីរបីឆ្នាំទៀត៕ ផ្តល់សិទ្ធិដោយ៖ Fresh News