(បរទេស)៖ ដូចដែរប្រិយមិត្តបានដឹងរួចមកហើយថា កាលពីពេលថ្មីៗនេះ OpenAI បានបង្ហាញបានបង្ហាញសមិទ្ធផលថ្មីមួយដែលមានឈ្មោះថា Sora ដែលជា AI ថ្មីរបស់ខ្លួន វាមានសមត្ថភាពអាចបង្កើតវីដេអូបាន ដោយគ្រាន់តែបញ្ចូលអត្ថបទ និងសាច់រឿងដែលយើងចង់បង្កើតបណ្ណោះ។ ខណៈបច្ចេកវិទ្យា AI ថ្មីនេះ ត្រូវបានគេរាយការណ៍មកថា OpenAI ជិតបញ្ចប់ការផលិតនោះហើយ ដោយពេលនេះកំពុងស្ថិតក្នុងការធ្វើតេស្តសាកល្បងពីអ្នកជំនាញ និងវាយតម្លៃគំរូសម្រាប់ហានិភ័យណាមួយដែលអាចកើតមាន ហើយអាចនឹងរួចរាល់បញ្ចេញជាសាធារណៈនៅចុងឆ្នាំនេះ។ នេះបើយោងតាមការចេញផ្សាយដោយ GSMArena នៅថ្ងៃទី១៣ ខែមីនា ឆ្នាំ២០២៤។ តាមរយៈបទសម្ភាសន៍មួយដោយប្រធានផ្នែកបច្ចេកវិទ្យារបស់ OpenAI គឺលោកស្រី Mira Murati បានបង្ហើបឱ្យដឹងថា «វានៅសល់តែប៉ុន្មានខែទៀតប៉ុណ្ណោះ- Sora នឹងត្រូវបានចេញផ្សាយនៅចុងឆ្នាំនេះ។ តាមពិតទៅដំណើរការផលិត Sora វាជិតរួចរាល់ហើយ បើតាមការរំពឹងទុកអាច «ក្នុងរយៈពេលពីរទៅខែទៀតប៉ុណ្ណោះ» ពោលគឺវាអាចនឹងចេញមកលឿនជាងការរំពឹងទុក ត្រឹមពាក់កណ្តាលឆ្នាំនេះក៏ថាបាន»។ ជាការពិតណាស់ OpenAI បានបញ្ជាក់ថា Sora ជំនាន់ដំបូងនេះវាមានសមត្ថភាពអាចបង្កើតវីដេអូបាន តាមរយៈការ Generate ពី អត្ថបទ ទៅជាវីដេអូ ដោយកំណត់រយៈពេលយូរបំផុតត្រឹម ១នាទី។ ជាងនេះទៅទៀតវាមានសមត្ថភាពអាចបង្កើតឈុតឆាកស្មុគ្រស្មាញ […]

(បាងកក)៖ អតីតនាយករដ្ឋមន្រ្តីថៃ លោក ថាក់ស៉ីន ស៉ីណាវ៉ាត់ បានទៅទស្សនា Bangkok temple នៅថ្ងៃព្រហស្បតិ៍នេះ ដែលជាការបង្ហាញខ្លួនជាសាធារណៈលើកដំបូង ចាប់តាំងពីលោកត្រូវបានដោះលែងពីការជាប់ឃុំ ជុំវិញបទប្រព្រឹត្តអំពើពុករលួយ និងការរំលោភអំណាច។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃព្រហស្បតិ៍ ទី១៤ ខែមីនា ឆ្នាំ ២០២៤។ បណ្តាប្រព័ន្ធផ្សព្វផ្សាយនៅខាងមុខទីសក្ការបូជានេះ បានផ្តិតយករូបភាពរបស់ លោក ថាក់ស៉ីន ពាក់អាវយឺតពណ៌ខៀវ និងទៅធ្វើការបន់ស្រន់ចាប់តាំងពីម៉ោង ៥ព្រឹក។ បន្ទាប់មកនៅថ្ងៃដដែលនេះ លោក ថាក់ស៉ីន នឹងធ្វើដំណើរទៅកាន់ស្រុកកំណើត ក្នុងទីក្រុងឈៀងម៉ៃ ដើម្បីជួបក្រុមគ្រួសារសាច់ញាតិ និងអ្នកគាំទ្ររបស់លោក។ លោក ថាក់ស៉ីន ត្រូវបានអមដំណើរដោយកូនស្រីពៅរបស់លោក គឺអ្នកនាង Paetongtarn ដែលបច្ចុប្បន្នជាប្រធានគណបក្សភឿថៃ រួមទាំងស្វាមី។ គួរបញ្ជាក់ថា អ្នកនយោបាយវ័យ ៧៤ឆ្នាំរូបនេះ បានវិលត្រឡប់ចូលប្រទេសថៃវិញ កាលពីខែសីហា ឆ្នាំ២០២៣ បន្ទាប់ពីនិរទេសខ្លួនឯងអស់រយៈពេល ១៥ឆ្នាំ ហើយភ្លាមៗត្រូវបានកាត់ទោសឱ្យជាប់ពន្ធនាគាររយៈពេល ៨ឆ្នាំ ក្រោមបទចោទប្រកាន់តាំងពីសម័យលោកកាន់អំណាច។ ក្រោយមក ការកាត់ទោសលើលោក ថាក់ស៉ីន […]

(បរទេស)៖ អតីតប្រធានាធិបតីអាមេរិកលោក Donald Trump បាននិយាយនៅថ្ងៃចន្ទថា លោកនៅតែជឿថា TikTok បង្កហានិភ័យសន្តិសុខជាតិ ប៉ុន្តែលោកបានជំទាស់ទៅនឹងការហាមឃាត់កម្មវិធីដ៏ពេញនិយមនេះ ដោយមានការលើកឡើងថា វាអាចធ្វើឱ្យប៉ះពាល់ដល់ក្មេងៗជាច្រើននៅអាមេរិក ហើយការធ្វើដូច្នេះដូចធ្វើឱ្យ Facebook យកឈ្នះតែម្នាក់ឯងដោយមិនចាំបាច់ប្រកួតប្រជែងអ៊ីចឹង។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី១២ ខែមីនា ឆ្នាំ២០២៤។ Trump នៅក្នុងកិច្ចសម្ភាសន៍តាមរយៈទូរស័ព្ទជាមួយ «Squawk Box» ពីស្ថាប័នព័ត៌មាន CNBC ត្រូវបានសួរអំពីការអត្ថាធិប្បាយរបស់គាត់កាលពីសប្តាហ៍មុនដែលហាក់ដូចជាការប្រឆាំងទៅនឹងសេចក្តីព្រាងច្បាប់ដែលត្រូវបានអនុម័តដោយសភាដែលនឹងហាមឃាត់ទៅលើកម្មវិធីកម្សាន្ត TikTok និងកម្មវិធី ByteDance ផ្សេងៗទៀតនៅក្នុង Apple និង Google Store ក៏ដូចជាសេវាកម្មបង្ហោះនៅលើគេហទំព័ររបស់សហរដ្ឋអាមេរិក។ លោក Trump បាននិយាយនៅក្នុងកិច្ចសម្ភាសន៍នោះថា «និយាយដោយត្រង់ទៅ មានមនុស្សជាច្រើននៅលើ TikTok ដែលចូលចិត្តវា។ មានក្មេងៗជាច្រើននៅលើ TikTok ដែលនឹងឆ្កួតដោយគ្មានវា» ។ «មានរឿងល្អច្រើន និងមានរឿងអាក្រក់ច្រើនជាមួយ TikTok ប៉ុន្តែអ្វីដែលខ្ញុំមិនគាំទ្រនោះគឺថា បើគ្មាន TikTok នោះនឹងធ្វើឱ្យ Facebook កាន់តែធំ […]

(សិង្ហបុរី)៖ ក្រុមសេដ្ឋវិទូបានដំឡើងការព្យាករកំណើនសេដ្ឋកិច្ច ប្រចាំត្រីមាសទីមួយ របស់ប្រទេសសិង្ហបុរី ដោយសេដ្ឋវិទូមួយចំនួនបានបង្ហាញថា កំណើនមួយផ្នែកនឹងទទួលបានការជំរុញពីការប្រគុំតន្ត្រី ៦លើករបស់តារាចម្រៀង Taylor Swift ដែលធ្វើឡើងក្នុងប្រទេសនេះ។ កាសែត Channel News Asia បានរាយការណ៍ថា យោងតាមការស្ទង់មតិជាមធ្យមរបស់ទីភ្នាក់ងារព័ត៌មាន Bloomberg ផលិតផលក្នុងស្រុកសរុបត្រូវបានព្យាករថា នឹងកើនឡើង ២,៩ភាគរយក្នុងរយៈពេលបីខែដំបូង ក្នុងឆ្នាំ២០២៤នេះ ដែលជាកម្រិតលឿនបំផុតក្នុងរយៈពេល ៦ត្រីមាស។ ក្រុមសេដ្ឋវិទូក៏បានដំឡើងការព្យាករកំណើនសេដ្ឋកិច្ច ប្រចាំឆ្នាំដល់ ២,៥ភាគរយផងដែរ ធៀបនឹងការព្យាករមុនដែលមានតែ ២,៣ភាគរយផងដែរ។ ការព្យាករនេះកំពុងខិតជិត ទៅរកអត្រាកម្រិតខ្ពស់បំផុតនៃការព្យាកររបស់រដ្ឋាភិបាលសិង្ហបុរី ដែលថានឹងកើនឡើងពី ១ ទៅ ៣ភាគរយសម្រាប់ឆ្នាំ២០២៤។ សម្រាប់ត្រីមាសចុងក្រោយនៃឆ្នាំ២០២៣ តួលេខផ្លូវការបានបង្ហាញថា ផលិតផលក្នុងស្រុកសរុបរបស់ប្រទេសសិង្ហបុរីបានកើនឡើង ២,២ភាគរយធៀបនឹងរយៈពេលដូចគ្នា កាលពីឆ្នាំ២០២២ ពោលគឺទាបជាងការព្យាករដែលមាន ២,៩ភាគរយ ប៉ុន្តែកើនឡើងពីកំណើន ១ភាគរយនៅក្នុងត្រីមាសទីបីឆ្នាំ២០២៣។ សម្រាប់រយៈពេលពេញមួយឆ្នាំ២០២៣ សេដ្ឋកិច្ចបានកើនឡើង ១,១ភាគរយ ដែលជាកម្រិតទាបជាងការប៉ាន់ស្មាន របស់រដ្ឋាភិបាលកន្លងមកដែលមាន ១,២ភាគរយ។ ប្រទេសសិង្ហបុរី គឺជាទីសំចតតែមួយគត់ នៅតំបន់អាស៊ីអាគ្នេយ៍សម្រាប់ការប្រគុំតន្រ្តីទេសចរណ៍ Swift’s Eras Tour […]

(អាមេរិក)៖ នាយករដ្ឋមន្រ្តីហៃទី លោក Ariel Henry ដែលកំពុងស្ថិតនៅដែនដីអាមេរិក Puerto Rico ស្របពេលប្រទេសលោក កំពុងធ្លាក់ក្នុងភាពចលាចលនោះ បានសម្រេចលាលែងពីតំណែងហើយ ដើម្បីព្យាយាមបន្ធូរបន្ថយវិបត្តិ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នាថ្ងៃអង្គារ ទី១២ ខែមីនា ឆ្នាំ២០២៤។ ការលាលែងពីតំណែងរបស់លោក Henry ធ្វើឡើង ស្របពេលមេដឹកនាំក្នុងតំបន់ កំពុងបើកកិច្ចប្រជុំបន្ទាន់មួយ នៅប្រទេសហ្សាម៉ាអ៉ីក ដើម្បីពិភាក្សាអំពីវិបត្តិនៅហៃទី។ កាលពីចុងខែកុម្ភៈ លោកនាយករដ្ឋមន្រ្តីហៃទី បានធ្វើដំណើរទៅកាន់ប្រទេសកេនយ៉ា ជាទីដែលលោកសម្រេចបានកិច្ចព្រមព្រៀងមួយ ឱ្យក្រុមប្រទេសតំបន់អាហ្រ្វិកខាងកើត បញ្ជូនកងកម្លាំងសន្តិសុខទៅកាន់ហៃទី ដើម្បីជួយស្តារសណ្តាប់ធ្នាប់ឡើងវិញ នៅប្រទេសរបស់លោក។ គួរបញ្ជាក់ថា ខណៈរូបលោកស្ថិតនៅក្រៅប្រទេស ហៃទីបានធ្លាក់ទៅក្នុងភាពចលាចល ដោយក្រុមជនអន្ធពាលប្រដាប់អាវុធ ធ្វើសកម្មភាពអុកឡុកពាសពេញប្រទេស ហើយព្រលានយន្តហោះត្រូវបិទទ្វារ ខណៈមន្ទីរពេទ្យ ផ្សារទំនើប ហាងទំនិញ និងទីតាំងហេដ្ឋារចនាសម្ព័ន្ធធំៗ ត្រូវបានគេគាស់ចូលលួចរបស់របរខ្ទេចខ្ទីគ្មានសល់។ ដោយសារមេដឹកនាំក្រុមជនអន្ធពាល ប្រកាសទាមទារ​ឱ្យរូបលោកចុះចេញពីតំណែង ហើយប្រទេសជិតខាងគឺសាធារណរដ្ឋដូមីនីក ប្រកាសមិនស្វាគមន៍ថែមទៀតនោះ លោក Henry ត្រូវបានអនុញ្ញាតឱ្យចុះចតនៅតំបន់ Puerto Rico ដែលជាដែនដីរបស់សហរដ្ឋអាមេរិក។ […]

(បរទេស)៖ ក្រុមហ៊ុនបច្ចេកវិទ្យាយក្ស Apple បានប្រកាសថា ខ្លួនគ្រោងនឹងបើកដំណើរការហាងលក់រាយ (retail store) ទី៨របស់ខ្លួនដែលមានឈ្មោះថា Apple Jing’an ក្នុងពេលឆាប់ៗខាងមុខនេះដែលមានទីតាំងនៅចំកណ្តាលទីក្រុសៀងហៃ ប្រទេសចិន។ នេះបើយោងតាមការចេញផ្សាយដោយសារព័ត៌មាន Apple Insider។ ហាងថ្មីនេះ គឺជាផ្នែកមួយនៃគម្រោងរបស់ Apple ក្នុងការបន្ថែម ឬកែលម្អហាងចំនួន ៥០នៅទូទាំងពិភពលោកត្រឹមឆ្នាំ២០២៧ ហើយវានឹងមានទីតាំងនៅផ្លូវ Nanjing West ក្នុងសង្កាត់ Jing’an។ Apple Jing’an នឹងក្លាយជាហាងទី៥៧ របស់ Apple នៅក្នុងប្រទេសចិនដីគោក។ ប៉ុន្តែបើតាមការបញ្ជាក់ពីប្រភព Apple Insider បានបង្ហាញថា វាគឺជាហាងលក់រាយដ៏ធំទី៨ របស់ Apple គិតចាប់តាំងពីការបើកដំណើរការជាលើកដំបូងក្នុងឆ្នាំ២០១០។ ប្រភពបានបន្ថែមទៀតថា Apple បានរៀបចំហាងថ្មីនោះរួចរាល់ហើយ ដោយខាងមុខហាងត្រូវបានតុបតែងដោយរចនាប័ទ្មផ្កា ហើយមានផ្ទាំងរូបភាពពិសេសសម្រាប់ឧបករណ៍ Apple ត្រូវបានបង្កើតឡើងដើម្បីអបអរសាទរការបើកដំណើរការ។ ដោយឡែកចំពោះកាលបរិច្ឆេទបើកពិតប្រាកដមិនត្រូវបានបង្ហាញនោះទេ ប៉ុន្តែបើតាមប្រភពពីរបាយការណ៍ក្នុងស្រុកបានបង្ហាញថា ហាងនឹងស្វាគមន៍អតិថិជននៅចុងខែនេះ៕ ផ្តល់សិទ្ធិដោយ៖ freshnews

(បរទេស)៖ Bitcoin ត្រូវបានគេស្គាល់ថា ជារូបិយប័ណ្ណឌីជីថល ឬគ្រីបតូធំបំផុតរបស់ពិភពលោក ខណៈនៅថ្ងៃចន្ទដើមសប្តាហ៍នេះ បានហក់ឡើងថ្លៃខ្ពស់រហូតដល់ទៅ៧០,៤០០ដុល្លារ ក្នុងមួយកាក់ ដែលតម្លៃនេះ គឺបានបំបែកកំណត់ត្រាចាស់ជាប្រវត្តិសាស្ត្ររបស់ខ្លួន ដែលបានហក់ឡើងថ្លៃរហូតដល់៦ម៉ឺន៩ពាន់ដុល្លារ ក្នុងមួយកាក់ Bitcoin កាលពីខែវិច្ឆកា ឆ្នាំ២០២១។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី១១ ខែមីនា ឆ្នាំ២០២៤។ យោងតាមទិន្នន័យរបស់ក្រុមហ៊ុនមូលបត្រ និងហិញ្ញវត្ថុរបស់អង់គ្លេស London Stock Exchange Group (LSEG) បានបង្ហាញថា តម្លៃ Bitcoin បានកើនឡើងដល់៧០,៤៨៨.៥០ដុល្លារ នៅក្នុងការជួញដូរនៅអឺរ៉ុបនៅថ្ងៃចន្ទដើមសប្តាហ៍នេះ។ រូបិយប័ណ្ណឌីជីថល Bitcoin បានហក់ឡើងថ្លៃខ្លាំង នៅក្នុងឆ្នាំ២០២៤ នេះ ហើយកត្តាសំខាន់បំផុតដែលនាំឱ្យវាហក់ឡើងថ្លៃខ្លាំងបែបនេះ គឺដោយសារសន្ទុះកំណើននៃរំហូរវិនិយោគលើមូលនិធិជួញដូររូបិយប័ណ្ណឌីជីថល Bitcoin ETF ដែលបានចុះបញ្ជីនៅសហរដ្ឋអាមេរិក។ គួរជម្រាបថា និយ័តករមូលបត្រអាមេរិក បានអនុម័តទទួលស្គាល់មូលនិធិជួញដូររូបិយប័ណ្ណឌីជីថល Bitcoin ETF អំឡុងខែមករា ដើមឆ្នាំ២០២៤ នេះ។ ការអនុម័តនេះហើយ ជាកត្តាសំខាន់បំផុត ដែលបានបើកផ្លូវសម្រាប់អ្នកវិនិយោគធំៗថ្មីៗចាប់ផ្ដើមសម្រុកវិនិយោគលើ Bitcoin ដែលជំរុញឱ្យវាហក់ឡើងថ្លៃស្រឺតៗ […]

(ហ្សាការតា)៖ ក្រុមមន្ត្រីក្នុងប្រទេសឥណ្ឌូណេស៊ី បានឱ្យដឹងនៅថ្ងៃអាទិត្យ ទី១០ ខែមីនានេះថាភ្លៀងធ្លាក់ប៉ុន្មានថ្ងៃជាប់ៗគ្នាមកនេះបានបង្កឱ្យមានគ្រោះទឹកជំនន់ និងគ្រោះរអិលបាក់ដី ក្នុងខេត្តស៊ូម៉ាត្រាខាងលិច (West Sumatra) សម្លាប់មនុស្ស១៩នាក់ ខណៈមនុស្សជាង ៧០ ០០០នាក់ត្រូវបានជម្លៀសទៅកាន់កន្លែង មានសុវត្ថិភាព។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ភ្លៀងធ្លាក់ខ្លាំងបានធ្លាក់តាំងតែថ្ងៃព្រហស្បតិ៍សប្ដាហ៍នេះមកម្ល៉េះ ក្នុងទីក្រុង ប៉ាដាំង (Padang) នៃខេត្ត ស៊ូម៉ាត្រាខាងលិច ព្រមទាំងក្នុងតំបន់ ៨ផ្សេងទៀតដោយ បានបង្កការខូចខាតដល់ផ្ទះជិត ៧០០ខ្នង ស្ពានមួយចំនួន និងសាលារៀងជាខ្នង ស្របពេលផ្ទៃដីដាំដុះ១១៣ហិកតាត្រូវបានទឹកជន់លិច។ តាមក្រុមមន្ត្រីឥណ្ឌូណេស៊ី ក្រុមអ្នកជួយសង្រ្គោះក៏កំពុងបន្តប្រតិបត្តិការស្វែងរកមនុស្ស ៧នាក់បានបាត់ខ្លួនផងដែរ។ គួរបញ្ជាក់ថា តំបន់ភាគច្រើននៃទីក្រុងប៉ាដាំង នៅតែបន្តជន់លិចនៅឡើយ ហើយភ្លៀងបន្ថែមត្រូវបានគេព្យាករថាអាចនឹងបន្តធ្លាក់នៅប៉ុន្មានថ្ងៃខាងមុខនេះ៕ ផ្ដល់សិទ្ធិដោយ៖ Freshnews

(បរទេស)៖ ប្រធានាធិបតិយ្យអាមេរិក លោក Joe Biden បាននិយាយនៅថ្ងៃសុក្រសប្តាហ៍នេះថា លោកនឹងចុងហត្ថលេខាលើច្បាប់ ដែលផ្តល់ឱ្យក្រុមហ៊ុន ByteDance មេធំកម្មវិធី TikTok មានពេលប្រហែលប្រាំមួយខែ ដើម្បីបោះបង់ការគ្រប់គ្រងរបស់ខ្លួននៅអាមេរិក ខណៈដែលគូប្រជែងផ្នែកនយោបាយរបស់លោក Donald Trump បានលើកឡើងពីការព្រួយបារម្ភអំពីការហាមឃាត់សេវាកម្ម ដែលប្រើប្រាស់ដោយជនជាតិអាមេរិកចំនួន ១៧០លាននាក់។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី០៩ ខែមីនា ឆ្នាំ២០២៤។ សភាតំណាងរាស្រ្តអាមេរិកគ្រោងនឹងបោះឆ្នោតនៅថ្ងៃអង្គារ ឬថ្ងៃពុធសប្តាហ៍ក្រោយ លើសេចក្តីព្រាងច្បាប់ ហាមឃាតិ TikTok បន្ទាប់ពីគណៈកម្មាធិការមួយ កាលពីថ្ងៃព្រហស្បតិ៍កន្លងទៅនេះ បានអនុម័តជាឯកច្ឆ័ន្ទហើយលើវិធានការនេះ។ លោក Biden បានប្រាប់អ្នកយកព័ត៌មានថា «ប្រសិនច្បាប់នោះឆ្លងការសភាដោយជោគជ័យ នៅខ្ញុំនឹងចុះហត្ថលេខាលើវា» ។ ទោះបីជាយ៉ាងណាក៏ដោយ សេចក្តីព្រាងច្បាប់នេះ ប្រឈមនឹងលទ្ធផលមិនច្បាស់លាស់នៅក្នុងព្រឹទ្ធសភា ព្រោះសមាជិកសភាខ្លះនិយាយថាពួកគេចង់ផ្លាស់ប្តូរច្បាប់។ Trump ដែលមកពីគណបក្សសាធារណរដ្ឋ កំពុងស្វែងរកការគាំទ្រសម្រាប់វិលត្រឡប់ទៅកាន់សេតវិមានក្នុងការបោះឆ្នោតខែវិច្ឆិកាខាងមុខ បានសម្តែងការជំទាស់ចំពោះការហាមឃាត់ TikTok ដោយនិយាយនៅលើប្រព័ន្ធផ្សព្វផ្សាយសង្គមថា «ប្រសិនបើអ្នកកម្ចាត់ TikTok ឬក៏ Facebook … នឹងធ្វើឱ្យអាជីវកម្មរបស់ពួកគេកើនឡើងទ្វេដង…»។ គួរជម្រាបថា […]

(បរទេស)៖ អតីតវិស្វករផ្នែក Software ម្នាក់របស់ក្រុមហ៊ុនយក្ស Google ត្រូវបានចោទប្រកាន់ ពីបទ លួចអាថ៌កំបាំងពាណិជ្ជកម្មក្រុមហ៊ុន អំពីបញ្ញាសិប្បនិមិត្ត (AI) និងសំងំធ្វើការដោយសម្ងាត់ឱ្យក្រុមហ៊ុនចិនចំនួនពីរ។ នេះបើតាមការចេញផ្សាយដោយសារព័ត៌មាន BBC។ អតីតបុគ្គលិករូបនោះមានឈ្មោះថា Linwei Ding ដែលត្រូវបានគេស្គាល់ជាទូទៅថា Leon Ding ត្រូវបានចោទប្រកាន់នៅរដ្ឋកាលីហ្វ័រញ៉ា ក្រោមបទចោទប្រកាន់ចំនួនបួនករណី ហើយត្រូវបានចាប់ខ្លួនកាលពីថ្ងៃពុធកន្លងទៅនេះ។ បុរសជនជាតិចិនរូបនេះ ត្រូវបានចោទប្រកាន់ថាបានលួចឯកសារសម្ងាត់ជាង ៥០០ ច្បាប់។ ប្រសិនបើ រូបគេត្រូវបានកាត់ទោស គឹអាចប្រឈមនឹងការជាប់ពន្ធនាគាររហូតដល់ ១០ឆ្នាំ និងពិន័យជាប្រាក់ ២៥០,០០០ដុល្លារ។ តាមរបាយការណ៍ក្នុងពាក្យបណ្តឹងបានចោទប្រកាន់ លោក Leon Ding ថាបានលួចឯកសារនានាទាក់ទងទៅនឹងហេដ្ឋារចនាសម្ព័ន្ធនៃមជ្ឈមណ្ឌលទិន្នន័យទំនើបរបស់ Google ដែលត្រូវបានប្រើដើម្បីរៀបចំ និងបណ្តុះបណ្តាលគំរូ AI ធំៗ។ ទន្ទឹមនឹងនេះដែរ លោកត្រូវបានគេរកឃើញថា ចំណាយពេលជាច្រើនខែនៅក្នុងប្រទេសចិន ដើម្បីធ្វើការឱ្យក្រុមហ៊ុន Beijing Rongshu Lianzhi Technology ដែលជាក្រុមហ៊ុនបច្ចេកវិទ្យា។ ការចោទប្រកាន់នេះបានសង្កត់ធ្ងន់ថា លោក Ding ត្រូវបានផ្តល់ជូននូវទឹកប្រាក់ […]