(ភ្នំពេញ)៖ អាជ្ញាធររាជធានីភ្នំពេញ បានត្រៀមរួចរាល់ហើយ សម្រាប់ពិធីអបអរសាទរ ថ្ងៃបើកការដ្ឋានគម្រោងព្រែកជីកហ្វូណន-តេជោ ជាមួយនឹងការតៀមលក្ខណៈការពារសន្តិសុខ សុវត្ថិភាព ក្នុងពិធីយ៉ាងម៉ត់ចត់បំផុត នៅមជ្ឈមណ្ឌលសន្និបាត និងពិព័រណ៍កោះពេជ្រ នារសៀល និងរាត្រីថ្ងៃទី៥ ខែសីហា ឆ្នាំ២០២៤ ខណៈដែលការតំឡើងឆាកប្រគុំតន្ត្រី បាននិងកំពុងរៀបចំយ៉ាងញាប់ដៃញាប់ជើង។ នេះជាការបង្ហាញឲ្យដឹងក្នុងកិច្ចប្រជុំត្រួតពិនិត្យការងារសន្តិសុខ សុវត្ថិភាព និងសណ្តាប់ធ្នាប់សាធារណៈនៅរាជធានីភ្នំពេញ ក្នុងឱកាសអបអរសាទរការបើកការដ្ឋានសាងសង់ «ព្រែកជីកហ្វូណនតេជោ» កាលពីព្រឹកថ្ងៃទី០២ ខែសីហា ឆ្នាំ២០២៤ ខណៈលោក ឃួង ស្រេង អភិបាលរាជធានីភ្នំពេញ ដឹកនាំកិច្ចប្រជុំ និងចុះពិនិត្យទីតាំងប្រារព្វពិធី នៅមជ្ឈមណ្ឌលសន្និបាត និងពិព័រណ៍កោះពេជ្រ ខណ្ឌចំការមន។ អង្គប្រជុំបានលើកឡើងថា សម្រាប់ការពារសន្តិសុខ សុវត្ថិភាពក្នុងពិធីនេះ កម្លាំងមានសមត្ថកិច្ចទាំងអស់ ទាំងកម្លាំងរបស់គណៈបញ្ជាការឯកភាពរាជធានីភ្នំពេញ និងកម្លាំងសហការ របស់នាយកដ្ឋានអង្គរក្សបានរៀបចំផែនការ យ៉ាងម៉ត់ចត់បំផុត ដោយបានត្រៀមបង្ការ ទប់ស្កាត់បាតុភាពផ្សេងៗ ដែលបង្កឡើងពីក្រុមជ្រុលនិយម បង្ការទប់ស្កាត់គ្រោះអគ្គីភ័យ, ត្រៀមកម្លាំង និងរថយន្តសង្គ្រោះ ពេលមានបញ្ហាគ្រោះថ្នាក់ផ្សេងៗ។ បន្ថែមពីនេះ អាជ្ញាធររាជធានីភ្នំពេញ បានបែងចែកកម្លាំង ដើម្បីគ្រប់គ្រងចំនួន២តំបន់ធំៗនោះ គឺតំបន់A និងតំបន់B សំដៅធ្វើយ៉ាងណាអោយពិធីអបអរសាទរ ថ្ងៃបើកការដ្ឋានគម្រោងព្រែកជីកហ្វូណន-តេជោ […]

(ភ្នំពេញ)៖ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានបកស្រាយចម្ងល់របស់សាធារណជនដែលថា «​​តើប្រាក់រៀល របស់កម្ពុជា អាចទិញទំនិញពីក្រៅប្រទេសបានទេ ប្រសិនកម្ពុជា ឈានទៅដល់ការចាយប្រាក់រៀលទាំងស្រុង ដោយមិនប្រើប្រាស់ក្រដាសប្រាក់ដុល្លារទៀត ខណៈលោកជំរុញលើកទឹកចិត្តដល់ប្រជាពលរដ្ឋកម្ពុជា ចាប់ផ្តើមទូទាត់លុយរៀល គ្រប់ការទិញទំនិញទាំងអស់ទាំងរាយ និងដុំ?»។ លោកបានពន្យល់ថា នៅថ្ងៃខាងមុខ ប្រសិនកម្ពុជា​ឈានទៅដល់ការចាយប្រាក់រៀលទាំងស្រុង នោះកម្ពុជានៅតែអាចទូទាត់ថ្លៃទំនិញជាមួយប្រទេសនានា ​ដែលនាំចូលមកបាន ព្រោះធនាគារជាតិនៃកម្ពុជា នឹងដើរតួជាតួអង្គកណ្តាល ក្នុងការដោះដូររូបិយប័ណ្ណជាតិ ទៅរូបិយប័ណ្ណអន្តរជាតិ ដូចជាប្រាក់ដុល្លារ ប្រាក់យ័ន ឬប្រាក់អឺរ៉ូជាដើម។ ជាក់ស្តែងកាលពីសម័យសង្គមរាស្រ្តនិយម កម្ពុជាក៏ចាយតែ​ប្រភេទប្រាក់រៀលសុទ្ធ ប៉ុន្តែកម្ពុជានៅតែអាចធ្វើការដោះដូរទំនិញជាមួយទីផ្សារអន្តរជាតិបាន ដោយសារធនាគារជាតិនៃកម្ពុជា គឺជាអាជ្ញាកណ្តាលសម្រាប់ការទូទាត់ជាមួយប្រទេសណាមួយ។ អ្នកឧកញ៉ា លឹម ហេង លើកឡើងបែបនេះ ធ្វើឡើងនៅក្នុងកម្មវិធី FRESH BUSINESS ​ពិភាក្សាលើប្រធានបទ៖ «ការសម្រួលលក្ខខ័ណ្ឌចាយប្រាក់ដុល្លារចាស់ ប្រឡាក់ នៅសៀមរាប និងយន្តការលើកកម្ពស់ប្រាក់រៀល»។ ​ ​ទន្ទឹមគ្នានេះ លោកបានគូសបញ្ជាក់ថា នៅថ្ងៃអនាគត ការប្រើប្រាស់ឌីជីថល នឹងកាន់តែរីកចម្រើន ​ដូច្នេះហើយការដោះដូររវាងកម្ពុជា និងទីផ្សារអន្តរជាតិ នឹងទូទាត់ប្រាក់ពីប្រាក់រៀលទៅប្រាក់ដុល្លារ ឬពីប្រាក់រៀលទៅប្រាក់យ័នរបស់ចិន ​តាមរយៈ QR […]

(កណ្ដាល)៖ រដ្ឋបាលខេត្តកណ្ដាល បានចេញសេចក្ដីជូនដំណឹងពីការបិទចរាចរណ៍រថយន្តដឹកទំនិញធុនធ្ងន់នៅលើកំណាត់ផ្លូវជាតិលេខ១ជាបណ្ដោះអាសន្ន ចាប់ពីម៉ោង០០៖០០នាទី កណ្ដាលអធ្រាត្រ ដល់ម៉ោង១៖០០នាទីរសៀល ថ្ងៃទី៥ ខែសីហា ឆ្នាំ២០២៤ ដើម្បីសម្រួលដល់ការប្រារព្ធពិធីបើកការដ្ឋានសាងសង់ព្រែកជីកហ្វូណនតេជោ ក្រោមអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវ ពេជ ចន្ទមុន្នី។ ខាងក្រោមនេះជាសេចក្ដីជូនដំណឹងរបស់រដ្ឋបាលខេត្តកណ្ដាល៖ ផ្ដល់សិទ្ធិដោយ៖ Fresh News

(ភ្នំពេញ)៖ កម្ពុជាកំពុងពិចារណាក្នុងការសិក្សា ក្នុងការដាក់ «ស្ថានីយល្អាងស្ពាន» មួយទៀត ទៅក្នុងបញ្ជីបេតិកភណ្ឌពិភពលោក។ នេះជាការបញ្ជាក់របស់ លោកបណ្ឌិត ឈុំ ម៉េងហុង អគ្គលេខាធិការស្តីទី នៃគណៈកម្មការជាតិយូណេស្កូកម្ពុជា និងជាប្រធានស្តីទីគណៈកម្មាធិការបេតិកភណ្ឌពិភពលោកកម្ពុជា ក្នុងសន្និសីទសារព័ត៌មានស្តីពី «លទ្ធផលលើកទី៤៦ របស់គណកម្មការបេតិកភណ្ឌពិភពលោកនៅប្រទេសឥណ្ឌា» នាព្រឹកថ្ងៃទី០១ ខែសីហា ឆ្នាំ២០២៤ នៅក្រសួងវប្បធម៌ និងវិចិត្រសិល្បៈ។ ស្ថានីយបុរេប្រវត្តិសាស្ត្រល្អាងស្ពាន ជាឈ្មោះរូងភ្នំថ្មកំបោរមួយ ដែលមានទីតាំងស្ថិតនៅក្នុងភ្នំទាក់ទ្រាំង ភូមិគីឡូម៉ែត្រ៣៨ ឃុំត្រែង ស្រុករតនមណ្ឌល ខេត្តបាត់ដំបង មានចម្ងាយប្រមាណ ៤០គីឡូម៉ែត្រ ពីទីរូមខេត្តបាត់ដំបង តាមបណ្តោយផ្លូវលេខ៥៧ ឆ្ពោះទៅខេត្តប៉ៃលិន។ លោកបណ្ឌិត ឈុំ ម៉េងហុង អគ្គលេខាធិការស្តីទី នៃគណៈកម្មការជាតិយូណេស្កូកម្ពុជា និងជាប្រធានស្តីទីគណៈកម្មាធិការបេតិកភណ្ឌពិភពលោកកម្ពុជា បានបញ្ជាក់យ៉ាងដូច្នេះថា៖ «ឥឡូវនេះ នៅក្នុងបញ្ជើត្រៀមស្ថានីយសំខាន់ៗចំនួន៧ រួមមាន៖ សារមន្ទីរទួលស្លែង អង្គរបុរី ប្រាសាទបន្ទាយឆ្មារ ឧដុង្គ ភ្នំគូលែន ប្រាសាទព្រះខ័ន​កំពង់ស្វាយ និងប្រាសាទបេងមាលា ហើយបញ្ជីនេះ មានតាំងពីឆ្នាំ១៩៩៣មក ហើយមានការកែសម្រួលក្នុងឆ្នាំ២០២០ នាពេលអនាគតក្រសួងវប្បធម៌ និងពិចារណាម្ដងទៀត តើយើងគួរតែរកស្ថានីយណាដែលសំខាន់ៗ […]

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២ ខែសីហា ឆ្នាំ២០២៤នេះ បានថ្លែងអំណរគុណដល់បណ្តាធនាគារ អាជីវករ អ្នកប្ដូរប្រាក់ និងប្រជាពលរដ្ឋនៅក្នុងខេត្តសៀមរាប ដែលបានចូលរួមអនុវត្តនូវគោលការណ៍ថ្មី របស់ធនាគារជាតិនៃកម្ពុជា ពាក់ព័ន្ធនឹងការប្រើប្រាស់ក្រដាស់ប្រាក់ដុល្លារដែលមានសភាពចាស់ ឬរហែក។ ជាមួយគ្នានេះ សម្តេចក៏បានឆ្លើយតប ចំពោះចម្ងល់របស់បងប្អូនដែលនិយាយថា ហេតុអ្វីបានជាមិនដាក់ឲ្យអនុវត្តនៅទូទាំងប្រទេសតែម្ដង? សម្តេចបញ្ជាក់ថា អនុវត្តនូវគោលការណ៍ថ្មីនេះ ត្រូវធ្វើទៅដោយប្រុងប្រយ័ត្ន និងជាជំហាន ព្រោះតែការទទួលយកក្រដាសប្រាក់ដុល្លាររហែក ឬចាស់ ដែលមិនអាចប្រើប្រាស់បាន ត្រូវយកទៅដូរយកក្រដាសប្រាក់ថ្មី ពីធនាគារកណ្តាលសហរដ្ឋអាមេរិក ដែលត្រូវការចំណាយថវិកាច្រើន។ ជាមួយវីដេអូដែលលើកឡើងពីអារម្មណ៍របស់បណ្តាធនាគារ អាជីវករ អ្នកប្ដូរប្រាក់ និងប្រជាពលរដ្ឋ, សម្តេចធិបតី បានបង្ហោះខ្លឹមសារទាំងស្រុងដូច្នេះថា «សូមអរគុណចំពោះបណ្តាធនាគារ អាជីវករ អ្នកប្ដូរប្រាក់ ក៏ដូចជាប្រជាពលរដ្ឋនៅក្នុងខេត្តសៀមរាប ដែលបានចូលរួមអនុវត្តនូវគោលការណ៍ថ្មីរបស់ធនាគារជាតិនៃកម្ពុជា ពាក់ព័ន្ធនឹងការប្រើប្រាស់ក្រដាស់ប្រាក់ដុល្លារដែលមានសភាពចាស់ ឬរហែក។ មានបងប្អូនជាច្រើនបានចោទសួរថា ហេតុអ្វីបានជាធនាគារជាតិមិនដាក់ឲ្យអនុវត្តនៅទូទាំងប្រទេសតែម្ដង?ដោយសារការទទួលយកក្រដាសប្រាក់ដុល្លារហែក ឬចាស់ដែលមិនអាចប្រើប្រាស់បាន ដើម្បីយកទៅដូរយកក្រដាសប្រាក់ថ្មីពីធនាគារកណ្តាលសហរដ្ឋអាមេរិក ជាកាតព្វកិច្ចរបស់ធនាគារជាតិ ដែលត្រូវការចំណាយថវិកាច្រើន ការដាក់អោយអនុវត្តនូវគោលការណ៍ថ្មីនេះត្រូវធ្វើទៅដោយប្រុងប្រយ័ត្ន និងជាជំហាន។ ហេតុដូច្នេះការដាក់អោយអនុវត្តន៍នៅខេត្តសៀមរាបនេះ ជាជំសាកល្បង (pilot) ដើម្បីធនាគារជាតិ អាចធ្វើការវាយតម្លៃ […]

(សៀមរាប)៖ បងប្អូនក្រុមអាជីវករលក់ដូរ តាមបណ្តាផ្សារនានាក្នុងខេត្តសៀមរាប ព្រមទាំងបងប្អូនប្រកបរបរក្នុងសេដ្ឋកិច្ចក្រៅ​ប្រព័ន្ធ ដូចជា អ្នករត់ម៉ូតូរ៉ឺម៉កកង់បីជាដើម បានបង្ហាញនូវក្តីរីករាយ និងភាពងាយស្រួល ក្នុងការចាយវាយប្រាក់ដុល្លារ បើទោះបីមានសភាព រហែក ទក់ ប្រឡាក់ក៏ដោយ ក៏ពួកគាត់ទទួលយកពីភ្ញៀវទេសចរផងដែរ ក្រោយធនាគារជាតិនៃកម្ពុជា សម្រេចកែសម្រួលលក្ខខណ្ឌ ក្នុងការប្រើប្រាស់ប្រាក់ដុល្លារនៅខេត្តសៀមរាប តាមសំណើរបស់សម្តេចធិបិតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ ក្រុមអាជីវករនិយាយថា «ពួកអាជីវករយើងខ្ញុំសប្បាយចិត្តមែនទែន និងសូមអរគុណដល់សម្តេចធិបតី ហ៊ុន ម៉ាណែត ដែលបានប្រកាសពីការប្រើប្រាស់លុយដុល្លារដែលរហែក ប្រឡាក់ ចាស់ ដូរជាមួយធនាគារមិនកាត់ទឹក។ ការធ្វើបែបនេះ គឺយើងជួយលើកកម្ពស់វិស័យទេសចរណ៍ក្នុងខេត្ត ដើម្បីកុំឱ្យភ្ញៀវមានអារម្មណ៍ធុញធប់។ ឥឡូវភ្ញៀវសប្បាយចិត្តច្រើន»។ ជាមួយគ្នានេះ បណ្តាធនាគារនៅខេត្តសៀមរាប បានស្នើឱ្យបណ្តាអាជីវករ ព្រមទទួលយកនូវប្រាក់ដុល្លារដែលមានទក់ រហែក ប្រឡាក់ ពីភ្ញៀវទេសចរដោយកុំបារម្ភអ្វី ព្រោះធនាគារព្រមទទួលយកប្រាក់ដុល្លារទាំងនោះ ដោយគ្មានការកាត់សេវា ពីបងប្អូនអាជីវករនោះឡើយ៕ ផ្ដល់សិទ្ធិដោយ៖ Fresh News

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី០១ ខែសីហា ឆ្នាំ២០២៤ បានចុះពិនិត្យមើលទីតាំងសម្រាប់សាងសង់ទារកដ្ឋាន និងពិនិត្យសង្វាក់ផលិតកម្មដ៏ទំនើបក្នុងតំបន់រោងចក្រម៉ាវ៉ល ហ្កាមិន ដែលស្ថិតក្នុងតំបន់សេដ្ឋកិច្ចពិសេសភ្នំពេញ ខណ្ឌកំបូល រាជធានីភ្នំពេញ។ ក្នុងឱកាសនោះ លោករដ្ឋមន្ត្រីបានត្រួតពិនិត្យដោយផ្ទាល់នៅទីតាំងសាងសង់ជាទារកដ្ឋាននៅក្នុងតំបន់រោងចក្រនេះ សម្រាប់ការមើលថែទាំកូនៗរបស់កម្មករនិយោជិត ដែលមានអាយុចាប់ពីទារកក្រោយពេលកើតរហូតដល់អាយុ ៣ឆ្នាំ។ លោករដ្ឋមន្ត្រី បានណែនាំឱ្យមន្រ្តីជំជំនាញរបស់ក្រសួងបន្តធ្វើការសហការជាមួយភាគីរោងចក្រដើម្បីឈានដល់ការសាងសង់ក្នុងពេលឆាប់ៗខាងមុខ រហូតដល់បញ្ចប់ដំណើរការសាងសង់ឲ្យបានរលូន ដើម្បីជួយសម្រួលដល់បងប្អូនកម្មករនិយោជិតក្នុងរោងចក្រអាចយកកូនៗមកផ្ញើក្នុងទារកដ្ឋាន ដើម្បីទទួលបានការមើលថែទាំសុខភាព និងទទួលបានអាហារូបត្ថម្ភគ្រប់គ្រាន់សម្រាប់ទារក ដែលជាមូលធនមនុស្សកម្ពុជាចាប់ពីតូចទៅតែម្តង។ លោករដ្ឋមន្ត្រី បានគូសបញ្ជាក់ថានេះជាការយកចិត្តទុកដាក់ពីសំណាក់រាជរដ្ឋាភិបាលកម្ពុជាក្នុងអាណត្តិទី៧នេះ ដឹកនាំដោយសម្តេចមហាបវរធិបតី ហ៊ុន ម៉ាណែត ដោយមានក្រសួងការងារ និងបណ្ដុះបណ្ដាលវិជ្ជាជីវៈជាសេនាធិការក្នុងការអនុវត្តកិច្ចការងារដ៏សំខាន់នេះចាប់ពីឆ្នាំ២០២៤នេះតទៅ ដើម្បីបម្រើជាប្រយោជន៍ដល់កម្មករនិយោជិត ក៏ដូចជាធនធានមនុស្សជំនាន់ក្រោយ។ នៅក្នុងឱកាសនោះដែរ លោករដ្ឋមន្ត្រី ក៏បានពិនិត្យមើលសង្វាក់ផលិតកម្មក្នុងរោងចក្រកាត់ដេរ ម៉ាវ៉ល ដែលបំពាក់ដោយគ្រឿងបរិក្ខារទំនើបពាក់កណ្តាលស្វ័យប្រវត្តិ និងមានកន្លែងធ្វើការប្រកបដោយផាសុកភាព និងមានលក្ខណៈស្តង់ដាខ្ពស់ និងស្របតាមបទដ្ឋានបច្ចេកទេសស្តង់ដាការងារថែមទៀតផង៕ ផ្ដល់សិទ្ធិដោយ៖ Fresh News

(ភ្នំពេញ)៖ នៅវេលាម៉ោង ២៣៖៤៥នាទីទាបភ្លឺ ថ្ងៃទី០១ ខែសីហា ឆ្នាំ២០២៤ មានយុវជនទំនើង ០៦នាក់ ម៉ូតូ០៤គ្រឿង បានចេញពីជួបជុំគ្នាផឹកទឹកត្នោតជូរ រួចក៏បបួលគ្នាជិះម៉ូតូទៅម្ដុំបឹងកក់ដើម្បីថតរូបលេង ប៉ុន្តែពេលទៅដល់បឹងកក់ ឃើញថាស្ងាត់ល្អក៏នាំគ្នាធ្វើសកម្មភាពបង្ហោះម៉ូតូយ៉ាងអនាធិបតេយ្យ តែចៃដន្យអី បានមួយសន្ទុះក្រោយមក ស្រាប់តែមានសមត្ថកិច្ចកងរាជអាវុធហត្ថខណ្ឌដូនពេញ ចុះធ្វើការឃាត់សួរនាំពីបញ្ហាបង្ហោះម៉ូតូ និងនាំយកទៅកាន់ទីបញ្ជាការកងរាជអាវុធហត្ថរាជធានីភ្នំពេញ ដើម្បីធ្វើការអប់រំនិងធ្វើកិច្ចសន្យាបញ្ឈប់ទង្វើទំនើងទៅថ្ងៃក្រោយទៀត។ យុវជនទាំង០៦នាក់នេះ ជាអ្នកធ្វើការរោងចក្រនៅភ្នំពេញជាមួយគ្នា ដោយ ០៣នាក់មកពីខេត្តកំពង់ចាម និង០៣នាក់ទៀតជាអ្នកមកពីខេត្តព្រៃវែង។ យោងតាមបទបញ្ជាដ៏ម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឲ្យបានតឹងរឹងបំផុត ទាំងវិធានការរដ្ឋបាល និងវិធានការច្បាប់ ដោយឡែកចំពោះក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សារទុករយៈពេលបីខែចំពោះការប្រព្រឹត្តលើកទីមួយ និងប្រាំមួយខែប្រសិនបើមិនរាងចាល នៅតែប្រព្រឹត្តលើកទីពីរបន្តទៀត៕ ផ្ដល់សិទ្ធិដោយ៖ Fresh News

(ភ្នំពេញ)៖ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានណែនាំឱ្យបណ្តារដ្ឋបាលខេត្ត បន្តពង្រឹងយកចិត្តទុកដាក់គ្រប់គ្រង តាមព្រំដែនកម្ពុជាជាមួយប្រទេសជិតខាង ដើម្បីទប់ស្កាត់អំពើជួញដូរមនុស្ស គ្រឿងញៀន និងអាវុធជាតិផ្ទុះ។ លោកអភិសន្តិបណ្ឌិត ថ្លែងបែបនេះ ពិធីផ្សព្វផ្សាយប្រកាសដាក់ឲ្យប្រើប្រាស់ជាផ្លូវការ «ផែនការយុទ្ធសាស្រ្តជាតិ ស្តីពីការប្រយុទ្ធប្រឆាំងអំពើជួញដូរមនុស្ស០៥ឆ្នាំ (២០២៤-២០២៨)» លើកទី៤ នាព្រឹកថ្ងៃទី០១ ខែសីហា ឆ្នាំ២០២៤នេះ នៅក្រសួងមហាផ្ទៃ។ ឧបនាយករដ្ឋមន្ត្រី ស សុខា លើកឡើងយ៉ាងដូច្នេះថា «កម្ពុជាខ្លួនឯងផ្ទាល់ត្រូវតែពង្រឹងការគ្រប់គ្រងច្រកព្រំដែន ហើយជាពិសេស ម្សិលមិញខ្ញុំសូមផ្ដាំផ្ញើទៅដល់រដ្ឋបាលរាជធានី-ខេត្ត និងខេត្តនៅជាប់ព្រំប្រទល់ កម្ពុជា-វៀតណាម កម្ពុជា-ឡាវ កម្ពុជា-ថៃ បន្តក្នុងការទំនាក់ទំនងល្អ ផ្លាស់ប្ដូរ ហើយជាពិសេសពាក់ព័ន្ធទៅនឹងរឿង៣ធំៗ ការជួញដូរមនុស្ស គ្រឿងញៀន អាវុធជាតិផ្ទុះ»។ លោកអភិសន្តិបណ្ឌិត បានសង្កត់ធ្ងន់ថា ក្នុងចំណោមព្រំដែនទាំង៣ គឺព្រំដែនកម្ពុជា-ឡាវ ជាពិសេសនោះគឺខេត្តស្ទឹងត្រែងតែម្ដង ដែលមានទាំង៣ចំនុចគឺ ការជួញដូរមនុស្ស គ្រឿងញៀន និងអាវុធជាតិផ្ទុះ។ ជាមួយគ្នានេះ ឧបនាយករដ្ឋមន្ត្រី ស សុខា បានបន្តថា ណែនាំដល់ស្ថាប័នពាក់ព័ន្ធ សូមកុំជះទឹកដាក់គ្នា និងកុំចាត់ទុកកិច្ចការទាំងអស់នេះ […]

(បរទេស)៖ អាចនិយាយបានថា ជារឿងមួយដ៏អស្ចារ្យសម្រាប់អ្នកនិយមប្រើប្រាស់រថយន្តម៉ាក់ Tesla របស់កំពូលមហាសេដ្ឋី Elon Musk ត្បិតនាពេលថ្មីៗនេះ Tesla Model 3 Performance ឆ្នាំ២០២៤ថ្មី បានបំបែកកំណត់ត្រានៅឯទីលានប្រណាំងរថយន្ត «Rockingham Dragway» ដោយបើកបានចម្ងាយរហូតដល់ ២០៦គីឡូម៉ែត្រ ប្រើពេលត្រឹមតែ ១០.៦៥វិនាទី ដែលនេះគឺបង្ហាញពីការខិតខំប្រឹងប្រែងឥតឈប់ឈររបស់ក្រុមហ៊ុន Tesla ក្នុងការបង្កើនប្រសិទ្ធភាពរថយន្តអគ្គិសនីរបស់ខ្លួន។ នេះបើតាមការចេញផ្សាយដោយគេហទំព័រព័ត៌មាន Vehicle Suggest។ ដោយដកកៅអីអ្នកដំណើរទាំងអស់មានទម្ងន់ជាង៤៥គីឡូចេញពីលើរថយន្ត, អ្នកបើកបរឈ្មោះ Travis Wills បានអ្នកបើកបរចាប់ផ្តើមបើករថយន្ត Tesla របស់ខ្លួនក្នុងសន្ទុះមួយយ៉ាងលឿនរហ័ស រហូតបំបែកកំណត់ត្រឹមដោយប្រើរយៈពេល ១០.៦៥វិនាទី​ បើកបានចម្ងាយរហូតដល់ជាង ២០៦គីឡូម៉ែត្រ និងបានចម្ងាយ ៩៦គីឡូម៉ែត្រ ក្នុងរយៈពេល ២.៧៨វិនាទី។ លោក Wills បានកត់សម្គាល់ឃើញថា រថយន្តនេះមានភាពរហ័សខ្លាំង បើប្រៀបធៀបទៅនឹងម៉ូដែល 3 Performance ឆ្នាំ២០២២ ដោយសារការបន្ថយទម្ងន់ និងការប្រើប្រាស់សំបកកង់ ដែលមានប្រសិទ្ធភាព។ គួរជម្រាបថា តាមរយៈកំណត់កំណត់ត្រានេះ មិនត្រឹមតែបង្ហាញពីសក្ដានុពលនៃវិស្វកម្មរបស់ក្រុមហ៊ុន Tesla ប៉ុណ្ណោះទេ ប៉ុន្តែថែមទាំងជាផ្នែកមួយនៃគំរូសម្រាប់អ្នកដែលចូលចិត្តរថយន្តបែបប្រណាំងផងដែរ។ […]