(ភ្នំពេញ)៖ សពអាកាសយានិក២រូប ដែលបានស្លាប់ក្នុងឧបទ្ទវហេតុធ្លាក់ឧទ្ធម្ភាគចក្រ នៅចំណុចភ្នំយ៉ាវយ៉ៃ ក្នុងស្រុកវាលវែង ខេត្តពោធិ៍សាត់ ត្រូវបានបូជាហើយ នៅព្រឹកថ្ងៃទី០១ ខែសីហា ឆ្នាំ២០២៤នេះ នៅក្បែរទីតាំងធ្លាក់ឧទ្ធម្ភាគចក្រ ដើម្បីយកធាតុមកធ្វើបុណ្យតាមប្រពៃណី នៅរាជធានីភ្នំពេញ។ នេះបើតាមការបញ្ជាក់របស់ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ ដែលដឹកនាំប្រតិបត្តិការរុករកដោយផ្ទាល់។ ការបូជាសពនៅក្បែរទីតាំងកើតហេតុនោះ គឺមានការឯកភាពពីក្រុមគ្រួសារ ដោយសារតែស្ថានភាពសភាពសពរបស់ អាកាសយានិកទាំងពីររូបមានការលំបាក ក្នុងការរៀបចំដឹកជូនមករាជធានីភ្នំពេញ។ នាយឧត្តមសេនីយ៍ ឥត សារ៉ាត់ បានអះអាងថា ដោយសារការដឹកជញ្ជូនសពមានការលំបាក ដោយសារបញ្ហាភ្លៀងធ្លាក់ច្រើន ហើយភូមិសាស្ត្រដែលត្រូវឆ្លងកាត់ គឺមានជ្រោះជ្រៅចោទ ដូច្នេះពេលវេលា ដែលដឹកជញ្ជូននេះ ប្រើប្រាស់ពេលរហូតដល់៧-៨ថ្ងៃ បន្ថែមពីនេះ កម្លាំងដែលដឹកជញ្ជូនមានការទ្រុឌទ្រោមជាខ្លាំង។ ដូច្នេះផ្អែកតាមស្ថានភាពនេះ ដោយមានការឯកភាពពីក្រុមគ្រួសារផង គណៈបញ្ជាការរុករកក៏បានរៀបចំបូជានៅក្បែរកន្លែងកើតហេតុនោះ ហើយនឹងដឹកជញ្ជូនធាតុមកដល់រាជធានីភ្នំពេញ នៅក្នុងថ្ងៃនេះ។ បើតាម នាយឧត្តមសេនីយ៍ ឥត សារ៉ាត់, ការបូជាសពអាកាសយានិកទាំងពីររូបនៅក្បែរកន្លែងកើតហេតុ ក៏មានអាចារ្យ និងការរៀបចំពិធីផ្សេងៗ តាមប្រពៃណីព្រះពុទ្ធសាសនាផងដែរ។ សូមបញ្ជាក់ថា នាយទាហានទាំង២រូប ដែលជាអាកាសយានិក បានបាត់ខ្លួនជាមួយនឹងឧទ្ធម្ភាគចក្រយោធា […]

(ភ្នំពេញ)៖ និយ័តករទូរគមនាគមន៍កម្ពុជា (ន.ទ.ក.) បានចេញសេចក្តីជូនដំណឹង ស្តីពី ការកាត់ផ្ដាច់ដំណើរការ និងការដាក់លក់ជាថ្មី នៃលេខទូរស័ព្ទចល័តរបស់អ្នកប្រើប្រាស់ និងការកាត់ទឹកប្រាក់ពីគណនី នៃលេខទូរស័ព្ទចល័ត ខុសពីច្បាប់ និងបទប្បញ្ញត្តិជាធរមាន។ នេះបើតាមសេចក្ដីជូនដំណឹង ដែលបណ្ដាញព័ត៌មាន Fresh News ទទួលបាននៅថ្ងៃទី៣១ ខែកក្កដា ឆ្នាំ២០២៤។ សេចក្ដីជូនដំណឹង បានឲ្យដឹងថា ក្នុងពេលថ្មីៗនេះ និយ័តករទូរគមនាគមន៍កម្ពុជា បានរកឃើញភាពមិនប្រក្រតី និងបានធ្វើការផាកពិន័យប្រតិបត្តិករទូរស័ព្ទចល័តមួយចំនួនពាក់ព័ន្ធនឹង៖១៖ ការកាត់ផ្ដាច់ដំណើរការលេខទូរស័ព្ទចល័តរបស់អ្នកប្រើប្រាស់ដែលកំពុងនៅមានសុពលភាពប្រើប្រាស់ ហើយដាក់លក់លេខទូរស័ព្ទទាំងនោះជាថ្មី និង ២៖ ការកាត់ទឹកប្រាក់ពីគណនីរបស់អតិថិជនខុសពីតារាងតម្លៃ និងលក្ខខណ្ឌនៃសេវារ៉ូមីងដែលបានផ្សព្វផ្សាយពាណិជ្ជកម្ម។ ដើម្បីជំរុញការប្រកួតប្រជែងស្របច្បាប់ និងស្មោះត្រង់ និងការការពារផលប្រយោជន៍អ្នកប្រើប្រាស់ និយ័តករទូរគមនាគមន៍កម្ពុជា សូមអំពាវនាវដល់អ្នកប្រើប្រាស់សេវាទូរស័ព្ទចល័តទាំងអស់ រាយការណ៍មក និយ័តករទូរគមនាគមន៍កម្ពុជា តាមរយៈលេខទូរស័ព្ទ ៦៧៨៩ រៀងរាល់ម៉ោងធ្វើការ ឬផ្ញើសារមកកាន់អ៊ីម៉ែល info@trc.gov.kh ក្នុងករណីដូចខាងក្រោម៖ * លេខទូរស័ព្ទចល័តរបស់ខ្លួន ត្រូវបានកាត់ផ្ដាច់ដំណើរការ ឬត្រូវបានដាក់លក់ជាថ្មី ដោយមិនបានគោរពតាមរយៈពេល បន្ទាប់ពីផុតសុពលភាពនៃទឹកប្រាក់ក្នុងគណនី ដូចមានកំណត់ក្នុងសេចក្តីណែនាំ លេខ៨០២១ ន.ទ.ក. ចុះថ្ងៃទី១៤ ខែសីហា ឆ្នាំ២០២៣។* ទឹកប្រាក់ក្នុងគណនី នៃលេខទូរស័ព្ទចល័តត្រូវបានកាត់ […]

(ភ្នំពេញ)៖ អគ្គិសនីកម្ពុជា (EDC) បានចេញសេចក្តីជូនដំណឹងស្តីពីការអនុវត្តការងារជួសជុល ផ្លាស់ប្តូរដំឡើងបរិក្ខារនានា និងរុះរើគន្លងខ្សែបណ្តាញ អគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ នៅថ្ងៃទី០១ ខែសីហា ឆ្នាំ២០២៤ ដល់ថ្ងៃទី០៤ ខែសីហា ឆ្នាំ២០២៤ នៅតំបន់មួយចំនួនទៅតាមពេលវេលា និងទីកន្លែងដូចសេចក្តីជូនដំណឹងលម្អិតខាងក្រោម។ អគ្គិសនីកម្ពុជាបានបញ្ជាក់ថា «ទោះជាមានការខិតខំថែរក្សា មិនឲ្យមានការប៉ះពាល់ ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់ខាងលើ អាចនឹងមានការរអាក់រអួលខ្លះៗ ជៀសមិនផុតដែលយើងខ្ញុំ ស្នើសុំអភ័យទោសទុកជាមុន» ៕ ផ្ដល់សិទ្ធិដោយ៖ Fresh News សូមអានសេចក្តីជូនដំណឹង របស់អគ្គិសនីកម្ពុជា ដូចខាងក្រោម ៖

(ភ្នំពេញ)៖ រាជរដ្ឋាភិបាលបានចំណាយថវិកាអស់ ១៣៥៩លានដុល្លារ លើការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ប្រមាណ ៧០ម៉ឺនគ្រួសារ ស្មើនឹង ២.៨លាននាក់។ ការអនុវត្តកម្មវិធីឧបត្ថម្ភសាច់ប្រាក់នេះ មានរយៈរយៈពេល៤៦ខែ ដែលក្នុងនោះការអនុវត្តពេញលេញរយៈពេល ៤៣ខែ (ខែមិថុនា ឆ្នាំ២០២០ ដល់ខែធ្នូ ឆ្នាំ២០២៣) និងការអនុវត្តយុទ្ធសាស្រ្ត​ចាកចេញពី កម្មវិធីមានរយៈពេល ៣ខែ (ខែមករា ដល់ខែមីនា ឆ្នាំ២០២៤) ដោយបានផ្តល់សាច់ប្រាក់ឧបត្ថម្ភប្រចាំខែ ដល់គ្រួសារក្រីក្រ និងងាយរងគ្រោះចំនួនប្រមាណ ៧០ម៉ឺនគ្រួសារ ស្មើនឹង ២.៨លាននាក់ ដោយបានចំណាយថវិការដ្ឋសរុបចំនួន ៥ ៤៣៨ ៤៨៦ ៤១៩ ០០០ រៀល ឬស្មើនឹង ១ ៣៥៩,៦២លានដុល្លារអាម៉េរិក។ នេះបើយោងតាមសេចក្ដីប្រកាសព័ត៌មាន ស្ដីពីលទ្ធផលនៃកិច្ចប្រជុំក្រុមប្រឹក្សាជាតិគាំពារសង្គម លើកទី១២ ដែលបានធ្វើឡើងនៅព្រឹកថ្ងៃទី៣០ ខែកក្កដា ឆ្នាំ២០២៤ ក្រោមអធិបតីភាពអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម។ របាយការណ៍បិទបញ្ចប់កម្មវិធីឧបត្ថម្ភសាច់ប្រាក់ ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ-១៩ និងវឌ្ឍនភាពនៃការអនុវត្តកម្មវិធីជាតិ […]

(ភ្នំពេញ)៖ នាយកដ្ឋានប្រឆាំងបទល្មើសបច្ចេកវិទ្យា បានកោះហៅបុគ្គលឈ្មោះ ជឿន ចក់ ហៅជីងចក់ ជាម្ចាស់ទំព័រហ្វេសប៊ុកឈ្មោះ «Choeun Chork» ទៅបំភ្លឺនៅនាយកដ្ឋាន ពាក់ព័ន្ធករណីប្រមាថ និងញុះញង់ ឲ្យមានការរើសអើង ធ្វើឲ្យមហាជន ដែលប្រើប្រាស់បណ្ដាញសង្គម មានការស្អប់ខ្ពើម យល់ច្រលំ មកលើកងកម្លាំងប្រដាប់អាវុធ ជាពិសេសអគ្គស្នងការដ្ឋាននគរបាលជាតិ។ ការកោះហៅ ត្រូវបានធ្វើឡើងនៅថ្ងៃទី៣០ ខែកក្កដា ឆ្នាំ២០២៤ វេលាម៉ោង ២រសៀល ដោយមានបញ្ជាផ្ទាល់ពី ឧត្ដមសេនីយ៍ឯក ជា ពៅ អគ្គស្នងការរងនគរបាលជាតិ ទទួលការងារប្រឆាំងបទល្មើសបច្ចេកវិទ្យា។ ចំពោះមុខសមត្ថកិច្ចឈ្មោះ ជឿន ចក់ បានទទួលស្គាល់នូវកំហុសរបស់ខ្លួន នៅពេលផ្សាយផ្ទាល់លើទំព័រហ្វេសបុករបស់ខ្លួន ដោយបាននិយាយលើសលួសប៉ះពាល់ដល់ស្ថាប័នកងកម្លាំង ជាពិសេស គឺអគ្គស្នងការដ្ឋាននគរបាលជាតិ និងបានលុបវិដេអូ ក្រោយការផ្សាយចប់រយៈពេល ២ម៉ោងក្រោយ ប៉ុន្ដែមានទំព័រហ្វេសប៊ុកមួយចំនួនបានទាញយក វីដេអូនេះទៅកាត់យកចំណុចដែលខ្លួនបាននិយាយប្រមាថដោយអចេតនាទាំងនោះ ទៅផ្សាយបន្ដ និងមានការចែករំលែកជាច្រើនទៀត។ ដោយឃើញមានការផ្ទុះនូវព័ត៌មាននេះ តាមបណ្តាញទំនាក់ទំនងសង្គមខ្លាំង ទើបបុគ្គលឈ្មោះ ជឿន ចក់ ក៏បានចេញវីដេអូសុំទោសដល់ស្ថាប័នកងកម្លាំង ជាពិសេសអគ្គស្នងការដ្ឋាននគរបាលជាតិ។ ក្រោយពីទទួលបានការអប់រំ ណែនាំ និងធ្វើកិច្ចសន្យា […]

(ភ្នំពេញ)៖ កម្លាំងកងរាជអាវុធហត្ថខេត្តស្ទឹងត្រែង បានបើកប្រតិបត្តិការបង្ក្រាបក្រុមចោរកាច់កម៉ូតូយ៉ាងសកម្ម និងទទួលផលចោរកម្ម និងរក្សាទុកប្រើប្រាស់ដោយខុសច្បាប់ នូវសារធាតុញៀន។ លោក សរ សុពុត្រា អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តស្ទឹងត្រែង បានអំពាវនាវប្រជាពលរដ្ឋរស់នៅ ក្នុងខេត្តស្ទឹងត្រែង ដែលធ្លាប់បាត់ម៉ូតូ សូមមកកាន់បញ្ជាការដ្ឋានកងរាជអាវុធហត្ថខេត្តស្ទឹងត្រែង ដើម្បីពិនិត្យម៉ូតូដោយភ្ជាប់មកជាមួយនូវឯកសារផ្លូវការ និងច្បាស់លាស់។ លោក សរ សុពុត្រា ក៏បានថ្លែងអំណរគុណយ៉ាងជ្រាលជ្រៅជាទីបំផុតជូន ចំពោះព្រះរាជអាជ្ញា នៃអយ្យការអមសាលាដំបូងខេត្ត និងសូមថ្លែងនូវការកោតសរសើរអស់ពីដួងចិត្ត ជូនចំពោះមេបញ្ជាការ មេបញ្ជាការរង នាយទាហាន នាយទាហានរង នៃបញ្ជាការដ្ឋានកងរាជអាវុធហត្ថខេត្ត។ លោកអភិបាលខេត្តស្ទឹងត្រែង បានរៀបរាប់យ៉ាងដូច្នេះថា៖ «ករណីបំបែកសម្បុកក្រុមចោរលួចកាច់ករម៉ូតូ (សកម្ម) ទីតាំងទទួលផលចោរកម្ម និងរក្សាទុក ប្រើប្រាស់ដោយខុសច្បាប់នូវសារធាតុញៀន ក្នុងភូមិសាស្ត្រខេត្តស្ទឹងត្រែង។ ក្រោយពីទទួលបាននូវពាក្យបណ្តឹងរបស់ប្រជាពលរដ្ឋ ខ្ញុំបានដាក់បទបញ្ជាទៅមេបញ្ជាការកងរាជអាវុធហត្ថខេត្តស្ទឹងត្រែង ក្រោមការសម្របសម្រួលនីតិវិធីពីព្រះរាជអាជ្ញា នៃអយ្យការអមសាលាដំបូងខេត្តស្ទឹងត្រែង បានធ្វើការអង្កេតស្រាវជ្រាវ ឈានដល់ការឃាត់ខ្លួនជាបន្តបន្ទាប់នូវជនសង្ស័យមួយចំនួន ហើយបានពន្លាត និងតាមប្រមាញ់យកមុខសញ្ញា វត្ថុតាងមួយចំនួន ព្រមទាំងបន្តតាមឃាត់ខ្លួនមុខសញ្ញាល្មើស តាមដីកាបញ្ជារបស់ព្រះរាជអាជ្ញា។ បច្ចុប្បន្ន ជនល្មើសដែលឃាត់ខ្លួនបាន ត្រូវបញ្ជូនទៅកាន់ពន្ធនាគារខេត្តស្ទឹងត្រែង ស្របតាមនីតិវិធីច្បាប់។ ក្នុងនាមប្រធានគណៈបញ្ជាការឯកភាពរដ្ឋបាលខេត្តស្ទឹងត្រែង ខ្ញុំសូមថ្លែងអំណរគុណយ៉ាងជ្រាលជ្រៅជាទីបំផុតជូនចំពោះ ឯកឧត្តមព្រះរាជអាជ្ញា នៃអយ្យការអមសាលាដំបូងខេត្ត […]

(ភ្នំពេញ)៖ ដោយអនុវត្តតាមបទបញ្ជាដ៏ខ្ពង់ខ្ពស់របស់ប្រមុខរាជរដ្ឋាភិបាល ក្រសួងមហាផ្ទៃ និងអគ្គស្នងការដ្ឋាននគរបាលជាតិ ស្នងការដ្ឋាននគរបាលរាជធានីភ្នំពេញ បានយកចិត្តទុកដាក់ពង្រាយកម្លាំងអន្តាគមន៍ អនុវត្តវិធានការជំនាញ ចុះល្បាតត្រួតពិនិត្យមុខសញ្ញាសង្ស័យ តាមភូមិសាស្រ្តទូទាំងរាជធានីភ្នំពេញ ដោយឃាត់ខ្លួនក្មេងទំនើង ២៧នាក់ ដកហូតម៉ូតចំនួន ២០គ្រឿង និងវត្ថុតាងមួយចំនួន។ យោងតាមរបាយការណ៍ ស្តីពីការបង្ការទប់ស្កាត់-បង្ក្រាបក្មេងទំនើង ក្នុងរាជធានីភ្នំពេញ សម្រាប់ថ្ងៃទី៣០ ខែកក្កដា ឆ្នាំ២០២៤ ដែលបណ្តាញព័ត៌មាន Fresh News ទទួលបាននៅថ្ងៃទី៣១ ខែកក្កដា ឆ្នាំ២០២៤នេះ មានដូចខាងក្រោម៖ * បានធ្វើការបង្ក្រាបមុខសញ្ញាក្មេងទំនើង (រក្សាទុកអាវុធខុសច្បាប់) ១ករណី នៅខណ្ឌជ្រោយចង្វារ សង្កាត់ព្រែកតាសេក នៅវេលាម៉ោង ១៨:៣០នាទី ឃាត់ ០៥នាក់ ពាក់ព័ន្ធករណីរក្សាទុកអាវុធខុសច្បាប់ (កាំបិតប៉័ងតោ ០១ដើម)។ បច្ចុប្បន្នសមត្ថកិច្ចកំពុងធ្វើការសាកសួរ និងកសាងសំណុំរឿងតាមនីតិវិធី។ * បានធ្វើការបង្ក្រាបមុខសញ្ញាក្មេងទំនើង (បង្ហោះម៉ូតូ) ០២ករណី (ម៉ូតូ ០៣គ្រឿង) នៅខណ្ឌមានជ័យ (ផ្លូវ 60ម៉ែត្រ) ឃាត់ ០២នាក់ ម៉ូតូ ០១គ្រឿង ពាក់ព័ន្ធករណីបង្ហោះម៉ូតូ។ […]

(តាកែវ)៖ រដ្ឋបាលជលផល និងសាកលវិទ្យាល័យសាគរសាស្រ្តសៀងហៃ នឹងសហការគ្នារៀបចំវគ្គបណ្តុះបណ្តាល ស្តីពីបច្ចេកទេសបំប៉នកូនបង្កងបែបទំនើប ដល់កសិករនៅខេត្តតាកែវ ដើម្បីជំរុញឱ្យការចិញ្ចឹមបង្កងក្នុងស្រែ ឱ្យទទួលបានអត្រារស់ខ្ពស់ និងមានទីផ្សារល្អជាងមុន ខណៈពីមួយឆ្នាំទៅមួយឆ្នាំ ចំនួនកសិករចិញ្ចឹមបង្កងក្នុងស្រែនៅខេត្តតាកែវ មានការកើនឡើងជាបន្តបន្ទាប់។ បណ្ឌិត ហាវ វិសិដ្ឋ អនុប្រធានរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានប្រាប់បណ្តាញព័ត៌មាន Fresh News ថា វគ្គបណ្តុះបណ្តាលនេះនឹងរៀបចំនៅថ្ងៃទី១ ខែសីហា ឆ្នាំ២០២៤ នៅកសិដ្ឋានចិញ្ចឹមបង្កង ស្ថិតនៅភូមិឃុំសំបួរ ស្រុកទ្រាំង ខេត្តតាកែវ ដែលនឹងផ្តល់ការបណ្តុះបណ្តាល ដល់កសិករប្រមាណពី១៥ ទៅ២០នាក់។ លោកបានគូសបញ្ជាក់ថា វគ្គបណ្តុះបណ្តាលនេះ នឹងជួយឱ្យកសិករទទួលបានចំណេះដឹងថ្មីៗបន្ថែម លើបច្ចេកទេសបំប៉នកូនបង្កងទឹកសាប តាមបែបប្រពលវប្បកម្ម ការគ្រប់គ្រងទីផ្សារ ដោយប្រើប្រាស់បច្ចេកទេសទេសវារីវប្បកម្មទំនើប ដូចជាការប្រើប្រាស់ប្រព័ន្ធតាមដាន និងគ្រប់គ្រងគុណភាពទឹក ជាប្រចាំថ្ងៃ ការប្រើប្រាស់ប្រព័ន្ធបញ្ជាទិញ លក់បង្កង និងផលវារីវប្បកម្មផ្សេងៗ។ លោកបន្ថែមថា «តាមរយៈវគ្គបណ្តុះបណ្តាល និងការអនុវត្តគម្រោងបំប៉នកូនបង្កងទឹកសាប ដោយប្រើប្រាស់បច្ចេកទេសទំនើប នឹងជួយអោយកសិករអាចចិញ្ចឹមបង្កងទទួលបានអត្រារស់ខ្ពស់ ងាយស្រួលតាមដាន និងការគ្រប់គ្រងគុណភាពទឹក និងមានភាពងាយស្រួល ក្នុងការគ្រប់គ្រងការបញ្ជារទិញ លក់ផលវារីវប្បកម្មផងដែរ»។ […]

(ភ្នំពេញ)៖ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា បានបង្ហាញនូវ អត្ថបទមួយនិពន្ធដោយលោក រីយ៉ាន ពៀហ្វេស៍ (Rianne Pieffers) ចុះផ្សាយដោយគេហទំព័រ Medium ដែលបានចុះផ្សាយកាលពីថ្ងៃទី១៣ ខែកុម្ភៈ ឆ្នាំ២០២៤ បានបង្ហាញថា «មនុស្សពី ៧០ទៅ៨០ភាគរយ អានតែចំណងជើងអត្ថបទព័ត៌មានតែប៉ុណ្ណោះ ពួកគេមិនបានអានខ្លឹមសារពេញលេញនៃអត្ថបទនោះទេ»។ លោកបណ្ឌិត បានលើកឡើងអំពីការសិក្សាមួយទៀតនៅសហរដ្ឋអាម៉េរិក ចុះផ្សាយដោយ Yahoo កាលពីថ្ងៃទី១៣ ខែវិច្ឆិកា ឆ្នាំ២០២២ បានបង្ហាញថា មនុស្សជាង៧០ភាគរយ បានចែករំលែកអត្ថបទព័ត៌មាននៅលើគណនីហ្វេសប៊ុករបស់ខ្លួន ទាំងដែលពួកគេបានអានតែ២-៣បន្ទាត់ ឬមិនអានសោះតែម្តង។ ការសិក្សាដដែលនេះបានរកឃើញថា ការចែករំលែកអត្ថបទព័ត៌មាននៅលើប្រព័ន្ធផ្សព្វផ្សាយសង្គម មិនថាពួកគេពិតជាបានអានវា ឬ អត់ទេ នាំឱ្យពួកគេជឿថា ពួកគេយល់ដឹងច្រើនអំពីប្រធានបទមួយនោះជាងចំណេះដឹងជាក់ស្តែងដែលពួកគេមានអំពីប្រធានបទនោះទៅទៀត។ មិនមានការសិក្សាណាមួយអំពីនិន្នាការនេះក្នុងចំណោមអ្នកប្រើប្រាស់ប្រព័ន្ធផ្សព្វផ្សាយសង្គមនៅក្នុងប្រទេសកម្ពុជាយើងទេ។ លោកបណ្ឌិត គិន ភា បានអះអាងថា៖ «តាមរយៈការសង្កេតផ្ទាល់របស់ខ្ញុំទៅលើអត្ថបទ ដែលខ្ញុំសរសេរកន្លងមក និងជាពិសេសប៉ុន្មានថ្ងៃចុងក្រោយនេះនៅលើគណនីហ្វេសប៊ុកផ្ទាល់ខ្លួនរបស់ខ្ញុំ និងត្រូវបានសារព័ត៌មានយកទៅផ្សាយបន្តដោយរំលេចចំណងជើងតាមបែបរចនាបថរបស់អ្នកកាសែត ហើយបងប្អូនមួយចំនួនបានចូលទៅបញ្ចេញយោបល់និងចែករំលែកជាមួយនឹងចំណងជើងនិងការអត្ថាធិប្បាយខ្លះៗ ខ្ញុំអាចទាញការសន្និដ្ឋានបឋមថា បងប្អូនមួយចំនួនដែលបញ្ចេញយោបល់និងចែករំលែកទាំងនោះ «ប្រហែលជា» មិនបានអានអត្ថបទរបស់ខ្ញុំរហូតដល់ចប់ទេ ឬប្រហែលបានអានតែចំណងជើងអត្ថបទដែលរចនាដោយអ្នកកាសែតតែប៉ុណ្ណោះ រួចក៏បញ្ចេញយោបល់និងអត្ថាធិប្បាយតាមមនោគតិរៀងៗខ្លួន»។ លោកបណ្ឌិត […]

(ប៉ារីស)៖ ជាលទ្ធផលកីឡាករហែលទឹកកម្ពុជា កូសុងដឺឡាប៉ារ៉ង់ អង់ត្វ័ន ម៉ាតាំងក្លូដ ហែលក្នុងវិញ្ញាសា ១០០ម៉ែត្រ ធ្វើបានថេរៈវេលា ៥២.៩៥វិនាទី ទទួលបានចំណាត់លេខ៣ ក្នុង (heat) ហើយមានចំណាត់ថ្នាក់រួមទី៦៧ ក្នុងចំណោមកីឡា ៧៩នាក់ តែមិនអាចបន្តទៅវគ្គពាក់កណ្តាលផ្តាច់ព្រ័ត្រនោះទេ ក្នុងព្រឹត្តិការណ៍កីឡាចម្រុះអូឡាំពិក Paris Olympics Games 2024 ។ សូមជម្រាបផងថា សម្រាប់ការចូលរួមប្រកួតព្រឹត្តិការណ៍កីឡាចម្រុះអូឡាំពិក Paris Olympics Games 2024 បន្ទាប់ពីបញ្ចប់ការប្រកួតរបស់អត្តពិលហែលទឹកផ្នែកបុរស ១០០ម៉ែត្ររបស់កីឡាករ កូសុងដឺឡាប៉ារ៉ង់ អង់ត្វ័ន ម៉ាតាំងក្លូដ គឺកម្ពុជា នៅមានអត្តពលិក ២រូបទៀត ដោយមានកីឡាការិនីហែលទឹក សាក់ប៊ុន អប្សរាកាតារីណា នឹងប្រកួតលើវិញ្ញសារហែលសេរីនារី ចម្ងាយ ៥០ម៉ែត្រ នាថ្ងៃទី៣ ខែសីហា។ ពេលដែលកីឡាកររត់ប្រណាំង ឈុន ប៊ុនថន នឹងប្រកួតលើវិញ្ញាសាររត់ប្រណាំង ៨០០ម៉ែត្រ នាថ្ងៃទី៧ ខែសីហា ៕ ផ្ដល់សិទ្ធិដោយ៖ Fresh News