(ភ្នំពេញ)៖ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា និងសហការី នៅថ្ងៃទី១៧ ខែតុលា ឆ្នាំ២០២៥នេះ បានទទួលជួបពិភាក្សាការងារ ជាមួយជាមួយគណៈប្រតិភូទីក្រុងអ៊ូស៊ី ខេត្តជាំងស៊ូ សាធារណរដ្ឋប្រជាមានិតចិន ដឹកនាំដោយលោក Du Xiaogang លេខាបក្សទីក្រុងអ៊ូស៊ី។ ជំនួបនេះ ដោយមានការចូលរួមពីលោក Sun Wei អភិបាលរងទីក្រុងអ៊ូស៊ី និងលោក Chen Jiangang ប្រធានក្រុមប្រឹក្សាភិបាលនៃក្រុមហ៊ុនតំបន់សេដ្ឋកិច្ចពិសេសក្រុងព្រះសីហនុ។ ជំនួបនេះ ធ្វើឡើងនាទីស្តីការក្រុមប្រឹក្សាអភិវឌ្ឍន៍កម្ពុជា។ ជាកិច្ចចាប់ផ្តើម លោកអគ្គលេខាធិការ បានមានមតិស្វាគមន៍យ៉ាងកក់ក្តៅ ជូនចំពោះគណៈប្រតិភូ និងបានសម្តែងនូវសេចក្តីសោមនស្សរីករាយ ដែលលោក Du Xiaogang លេខាបក្សទីក្រុងអ៊ូស៊ី បានដឹកនាំគណៈប្រតិភូមកទស្សនកិច្ចកម្ពុជាដោយផ្ទាល់ ក្នុងកាលៈទេសៈដ៏សមស្របបំផុត។ លោកអគ្គលេខាធិការ បានថ្លែងអំណរគុណដល់រដ្ឋាភិបាលចិន ប្រជាជនចិន និងថ្នាក់ដឹកនាំនៃទីក្រុងអ៊ូស៊ី ដែលតែងតែខិតខំជំរុញ និងគាំទ្រវិនិយោគិនចិន ពិសេសវិនិយោគិន មកពីទីក្រុងអ៊ូស៊ី ឱ្យមកបណ្តាក់ទុនវិនិយោគនៅប្រទេសកម្ពុជា និយាយជារួម និងនៅក្នុងតំបន់សេដ្ឋកិច្ចពិសេសក្រុងព្រះសីហនុ និយាយដោយឡែក។ ជាកិច្ចបន្ទាប់ អគ្គលេខាធិការ បានលើកទ្បើងពីភាពល្អប្រសើរ នៃស្ថានភាពវិនិយោគនៅកម្ពុជា […]

(សេអ៊ូល)៖ ក្រុមន្ត្រីកូរ៉េខាងត្បូង បានឱ្យដឹងនៅថ្ងៃសុក្រ ទី១៧ ខែតុលានេះថា ទណ្ឌកម្មរបស់ចិនលើក្រុមហ៊ុនសាងសង់នាវា Hanwha Ocean របស់កូរ៉េខាងត្បូង បានគំរាមកំហែងដល់ផែនការប្រកបដោយមហិច្ឆតា នៃកិច្ចសហប្រតិបត្តិការសាងសង់នាវា រវាងទីក្រុងសេអ៊ូល និងទីក្រុងវ៉ាស៉ីនតោន តាមរយៈឧបករណ៍ និងសម្ភារៈផ្គត់ផ្គង់ដែលយកមកពីចិន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ កូរ៉េខាងត្បូង បានប្តេជ្ញាធ្វើឱ្យការសាងសង់នាវារបស់អាមេរិកអស្ចារ្យម្តងទៀត ជាមួយការសន្យាវិនិយោគ ១៥០ពាន់លានដុល្លារក្នុងវិស័យនេះ ដើម្បីជួយដល់គោលដៅជំរុញរបស់ ប្រធានាធិបតីអាមេរិក លោក ដូណាល់ ត្រាំ ក្នុងការធ្វើឱ្យនាវាអាមេរិករស់រវើកឡើងវិញ តាមឱ្យទាន់ចិន។ រដ្ឋ​មន្ត្រី​ទទួលបន្ទុកកម្មវិធីលទ្ធកម្ម​នៃក្រសួងការពារ​ជាតិ​កូរ៉េ​ខាង​ត្បូង លោក Seok Jong-gun បានប្រាប់គណៈកម្មការសភាថា​ «ខ្ញុំមិនឃើញថា យើងអាចផលិតសម្ភារៈ ហើយផ្គត់ផ្គង់ដល់ក្រុមហ៊ុនសាងសង់នាវា ជាមួយអាមេរិកបាននោះទេ»។ គួរបញ្ជាក់ថា ទីក្រុងប៉េកាំង បានប្រកាសដាក់ទណ្ឌកម្មលើក្រុមហ៊ុន Hanwha Ocean កាលពីថ្ងៃអង្គារ ស្របពេលសហរដ្ឋអាមេរិក និងចិនចាប់ផ្តើមយកថ្លៃសេវាចំណតកំពង់ផែទៅវិញទៅមក៕ ផ្ដល់សិទ្ធិដោយ៖ Fresh News

(ឧត្តរមានជ័យ)៖ នៅព្រឹកថ្ងៃទី១៧ ខែតុលា ឆ្នាំ២០២៥នេះ ប្រធានក្រុមលេខាធិការដ្ឋាន នៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) នៃយោធភូមិភាគទី៤ កម្ពុជា បានជួបពិភាក្សាការងារជាមួយអនុប្រធានក្រុមលេខា នៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) កងទ័ពភូមិភាគទី២ ថៃ នៅច្រកទ្វារព្រំដែនអន្តរជាតិអូរស្មាច់។ ប្រតិភូកម្ពុជាដឹកនាំដោយ ឧត្តមសេនីយ៍ត្រី និត ណារ៉ុង នាយសេនាធិការរង យោធភូមិភាគទី៤ និងជាប្រធានក្រុមលេខានិងប្រតិភូភាគីថៃដឹកនាំដោយ វរសេនីយ៍ឯក យុត្ថាសាត សេតថាឆៃ នាយរងសេនាធិការ កងទ័ពភូមិភាគទី២ និងជាអនុប្រធានក្រុមលេខាធិការ។ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានឱ្យដឹងថា ក្នុងកិច្ចប្រជុំនេះ ភាគីទាំងពីរបានពិភាក្សាគ្នាលើរបៀបវារៈសំខាន់ៗមួយចំនួន នៅក្នុងដែនសមត្ថកិច្ចរបស់ RBC ដើម្បីរៀបចំឱ្យក្លាយទៅជាសកម្មភាពជាក់ស្តែងប្រកបដោយស្ថាបនា ស្របតាមស្មារតីនៃការប្រគល់ភារកិច្ចរបស់គណៈកម្មាធិការព្រំដែនទូទៅ (GBC) នៃប្រទេសទាំងពីរកម្ពុជា-ថៃ រួមទាំងខ្លឹមសារដែលបានឯកភាពគ្នាក្នុងកិច្ចប្រជុំវិសាមញ្ញលើកទី១ គណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) កាលពីថ្ងៃទី២៧ ខែសីហា ឆ្នាំ២០២៥ រវាងយោធភូមិភាគទី៤ នៃព្រះរាជាណាចក្រកម្ពុជា និងកងទ័ពភូមិភាគទី២ នៃព្រះរាជាណាចក្រថៃ។ ជាលទ្ធផល […]

(ភ្នំពេញ)៖ ដោយទទួលបានគោលការណ៍អនុញ្ញាតពីលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាព្រឹកថ្ងៃទី១៧ ខែតុលា ឆ្នាំ២០២៥នេះ នាយឧត្តមសេនីយ៍ ស ថេត អគ្គស្នងការនគរបាលជាតិ បានទទួលជួបសម្តែងការគួរសម និងពិភាក្សាការងារជាមួយលោក ប៉ាក ស៊ុងជូ (Park Sung Ju) អគ្គស្នងការរងនគរបាលកូរ៉េ ទទួលបន្ទុកការងារស៊ើបអង្កេត នៅទីស្តីការក្រសួងមហាផ្ទៃ។ នៅក្នុងជំនួបនេះ ភាគីទាំងពីរបានពិភាក្សាផ្លាស់ប្ដូរយោបល់ អំពីការបង្កើនទំនាក់ទំនងលើកកម្ពស់ កិច្ចសហប្រតិបត្តិការរវាងកម្លាំងនគរបាលជាតិកម្ពុជា និងទីភ្នាក់ងារនគរបាលជាតិកូរ៉េ លើវិស័យទប់ស្កាត់ និងប្រយុទ្ធប្រឆាំងបទល្មើសឆ្លងដែន រួមមាន អំពើឆបោកតាមប្រព័ន្ធអនឡាញ ដែលកំពុងតែមានកំណើននៅក្នុងតំបន់ និងសកលលោក។ ក្នុងឱកាសនោះ លោក ប៉ាក ស៊ុងជូ (Park Sung Ju) អគ្គស្នងការរងនគរបាលកូរ៉េ បានទទួលស្គាល់អំពីកិច្ចខិតខំប្រឹងប្រែង និងការប្តេជ្ញាចិត្តរបស់អគ្គស្នងការដ្ឋាននគរបាលជាតិ ក្នុងប្រយុទ្ធប្រឆាំងបទល្មើសឆបោកគ្រប់ប្រភេទ តាមរយៈការស្រាវជ្រាវ ស៊ើបអង្កេត និងស្វែងរកមុខសញ្ញារត់គេចខ្លួន និងឈានទៅដល់ការចាប់ខ្លួន បំពេញនីតិវិធីប្រគល់ជូនភាគីកូរ៉េបានជាច្រើនករណី នាពេលកន្លងមក។ នៅក្នុងជំនួបនេះ ភាគីទាំងពីរបានឯកាពគ្នា បន្តជំរុញបង្កើនទំនាក់ទំនងកិច្ចសហប្រតិបត្តិការដែលមានស្រាប់អោយកាន់តែជិតស្និទ និងស៊ីជម្រៅប្រកបដោយការជឿទុកចិត្តគ្នាទៅវិញទៅមក និងធ្វើការទប់ស្កាត់នូវរាល់ការផ្សព្វផ្សាយព័ត៌មានមិនពិត […]

(តូក្យូ)៖ នាថ្ងៃសុក្រ ទី១៧ ខែតុលា អតីតនាយករដ្ឋមន្រ្តីជប៉ុន លោក Tomiichi Murayama ដែលត្រូវគេស្គាល់យ៉ាងទូលំទូលាយ ដោយសារការចេញសេចក្តីថ្លែងការណ៍សុំទោសជាផ្លូវការ ជុំវិញសង្រ្គាមលោកលើកទី២ បានទទួលមរណភាព ក្នុងវ័យ១០១ឆ្នាំ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ លោក Murayama បានចេញសេចក្តីប្រកាសសុំទោសផ្លូវការ កាលពីឆ្នាំ១៩៩៥ នាឱកាសខួបទី៥០ នៃការចុះចាញ់សង្រ្គាមរបស់​ជប៉ុន ដោយរូបលោកបានបង្ហាញ ការសោកស្តាយយ៉ាងជ្រាលជ្រៅបំផុត ចំពោះទង្វើឃោរឃៅរបស់ប្រទេសជប៉ុន នៅក្នុងតំបន់អាស៉ី។ សេចក្តីថ្លែងការណ៍សុំទោសរបស់លោក បានក្លាយជាគំរូសម្រាប់ការសុំទោសក្រោយៗមកទៀតរបស់ទីក្រុងតូក្យូ ជុំវិញសង្រ្គាមលោកលើកទី២។ ក្នុងសេចក្តីថ្លែងការណ៍ កាលពីខែសីហា ឆ្នាំ១៩៩៥ លោក Murayama បាននិយាយយ៉ាងដូច្នេះថា «ជប៉ុន តាមរយៈការដាក់អាណានិគមនិងការឈ្លានពាន បានបង្កការខូចខាត និងទុក្ខវេទនាធំធេងមហាសាល ចំពោះប្រជាជននៅប្រទេសជាច្រើន ជាពិសេសនៅបណ្តាប្រទេសអាស៉ី។ ក្នុងក្តីសង្ឃឹមថា កំហុសបែបនេះ នឹងមិនអាចកើតឡើងទៀត នាពេលអនាគត ខ្ញុំចាត់ទុករឿងនេះ គឺជាការពិតនៃប្រវត្តិសាស្រ្តដែលមិនអាចប្រកែកបាន ហើយជាថ្មីម្តងទៀត ខ្ញុំសូមបង្ហាញនូវ​​ការសោកស្តាយយ៉ាងជ្រាលជ្រៅ និងសុំអភ័យទោសដោយស្មោះអស់ពីចិត្ត»។ គួរបញ្ជាក់ថា លោក Murayama ធ្លាប់កាន់តំណែងជានាយករដ្ឋមន្រ្តីជប៉ុន កាលពីចន្លោះឆ្នាំ១៩៩៤-១៩៩៦។ លោកត្រូវបាន​កែនឱ្យចូលបម្រើយោធាជប៉ុន […]

(ភ្នំពេញ)៖ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងបញ្ជាក់ថា គិតមកដល់ពេលនេះក្រសួងសាធារណការ និងដឹកជញ្ជូន បាននិងកំពុងធ្វើការជាមួយក្រសួងសេដ្ឋកិច្ច និងហិរញ្ញវត្ថុ លើការរៀបចំនីតិវិធី ជំរុញឱ្យក្រុមហ៊ុនធ្វើអាជីវកម្មដឹកជញ្ជូនផ្លូវគោកទាំងអស់ ត្រូវមានប័ណ្ណសន្យាធានារ៉ាប់រងជា កាតព្វកិច្ចសម្រាប់អាជីវកម្មរបស់ខ្លួន។ លោក ប៉េង ពោធិ៍នា បានថ្លែងដូចនេះ នារសៀលថ្ងៃទី១៦ ខែតុលា ឆ្នាំ២០២៥នេះ នាឱកាសដែលលោកបានអញ្ជើញជាអធិបតី ក្នុងពិធីប្រកាសដាក់ឱ្យប្រើប្រាស់ជាផ្លូវការ «ប្រព័ន្ធស្វ័យប្រវត្តិកម្មនៃការដាក់ពាក្យស្នើសុំលិខិត អនុញ្ញាតធ្វើអាជីវកម្មដឹកជញ្ជូនក្នុងប្រទេស និងឆ្លងដែនតាមផ្លូវគោក» ដោយមានការចូលរួមពីថ្នាក់ដឹកនាំក្រសួង មន្រ្តីពាក់ព័ន្ធ ភ្ញៀវកិត្តិយសជាច្រើនរូប។ លោក ប៉េង ពោធិ៍នា បានថ្លែងដូចនេះថា «ក្រសួងសាធារណការ និងដឹកជញ្ជូន បាននិងកំពុងធ្វើការជាមួយក្រសួងសេដ្ឋកិច្ច និងហិរញ្ញវត្ថុ លើការរៀបចំនីតិវិធី ជំរុញឱ្យក្រុមហ៊ុនធ្វើអាជីវកម្មដឹកជញ្ជូនផ្លូវគោកទាំងអស់ ត្រូវមានប័ណ្ណសន្យាធានារ៉ាប់រងជា កាតព្វកិច្ចសម្រាប់អាជីវកម្មរបស់ខ្លួន ដូច្នេះសូមគ្រប់ភាគីពាក់ព័ន្ធទាំងអស់ ជាពិសេសសមាគមដឹកជញ្ជូន និងក្រុមហ៊ុនដឹកជញ្ជូន ចូលរួមពិភាក្សាលើការអនុវត្តការងារ ដើម្បីស្វែងយល់អំពីអត្ថប្រយោជន៍ និងដំណោះស្រាយលើបញ្ហាដែលបានជួបប្រទះនាពេលកន្លងមក»។ បន្ថែមពីនេះជាមួយនឹងការប្រកាសដាក់ឱ្យប្រើប្រាស់ជាផ្លូវការ «ប្រព័ន្ធស្វ័យប្រវត្តិកម្មនៃការដាក់ពាក្យស្នើសុំលិខិត អនុញ្ញាតធ្វើអាជីវកម្មដឹកជញ្ជូនក្នុងប្រទេស និងឆ្លងដែនតាមផ្លូវគោក លោក ប៉េង ពោធិ៍នា ក៏បានចូលរួមជាមតិយោបល់បន្ថែមមួយចំនួន ដើម្បីគ្រប់ភាគីពាក់ព័ន្ធទាំងអស់យកទៅពិនិត្យ និងរៀបចំជាយន្តការបន្ថែមដូចជា៖ ទី១៖ សូមអំពាវនាវដល់បងប្អូនប្រតិបត្តិករអាជីវកម្មដឹកជញ្ជូន […]

(ម៉ានីល)៖ ទីភ្នាក់ងារឃ្លាំមើលគ្រោះរញ្ជួយដីអាមេរិក USGS បានឱ្យដឹងថាគ្រោះរញ្ជួយដីកម្រិត ៦.១រ៉ិចទ័របានវាយប្រហារលើភាគខាងត្បូងនៃប្រទេសហ្វីលីពីន នៅថ្ងៃសុក្រ ទី១៧ ខែតុលា មួយសប្ដាហ៍ បន្ទាប់ពីគ្រោះរញ្ជួយដីកម្រិតធ្ងន់២លើកវាយប្រហារលើប្រទេសក្នុងតំបន់អាស៊ីអាគ្នេយ៍មួយនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ភ្លាមៗមិនមានសេចក្ដីរាយការណ៍ពីជនរងគ្រោះ ឬការខូចខាតនៅឡើយទេ។ នេះជាការគូសបញ្ជាក់របស់មន្ត្រីជួយសង្រ្គោះម្នាក់ប្រាប់ AFP។ តាម USGS គ្រោះរញ្ជួយដីខាងលើបានកើតឡើងនៅក្បែរ ទីក្រុង Dapa នៃខេត្ត Surigao del Norte និងជម្រៅរញ្ជួយទៅក្នុងដី ៦៩គីឡូម៉ែត្រ។ គ្រោះរញ្ជួយដីនៅថ្ងៃសុក្រនេះដែរកើតមានឡើងមួយសប្ដាហ៍ក្រោយគ្រោះរញ្ជួយដីកម្រិត ៧.៤រ៉ិចទ័រ និង៦.៧រ៉ិចទ័រ បានវាយប្រហារលើផ្នែកខាងកើតនៃកោះ Mindanao ដោយបានផ្ដាច់ជីវិតមនុស្សយ៉ាងហោច ៨នាក់។ គ្រោះរញ្ជួយដីទាំង២លើកនេះទៀតសោត កើតឡើងតែប៉ុន្មានថ្ងៃប៉ុណ្ណោះ បន្ទាប់ពីគ្រោះរញ្ជួយដីកម្រិត ៦.៩រ៉ិចទ័រ សម្លាប់មនុស្ស ៧៦នាក់ និងបំផ្លាញ ឬបង្កការខូចខាត ៧២ ០០០ខ្នង នៅក្នុងខេត្ត Cebu នៅភាគកណ្ដាលនៃប្រទេសហ្វីលីពីន។ ហ្វីលីពីនជាប្រទេសមួយមានទីតាំងស្ថិតនៅខ្សែក្រវាត់ភ្នំភ្លើងប៉ាស៊ីហ្វិក ដែលធ្វើឱ្យប្រទេសនេះជួបប្រទះនឹងគ្រោះរញ្ជួយដី ហើយក៏តែងតែជួបប្រទះនឹងព្យុះ ជាញឹកញាប់ផងដែរ៕ ផ្ដល់សិទ្ធិដោយ៖ Fresh News

(​ឥណ្ឌូនេស៉ី)៖ លោកឧកញ៉ា វណ្ណ សុខហេង ស្ថាបនិកផ្សារផលិតផលខ្មែរ ២៥ខេត្ត-ក្រុង បានលើកឡើងថា ក្រុមរបស់លោកកំពុងតែព្យាយាមទាក់ទាញពាណិជ្ជករឥណ្ឌូនេស៉ី ដើម្បីវិនិយោគនៅក្នុងខេត្តព្រះសីហនុ។ លោកឧកញ៉ាបានថ្លែងបែបនេះ ក្នុងឱកាសលោកនិងពាណិជ្ជករកម្ពុជា ប្រមាណ ២៥នាក់ ចូលរួមពិព័រណ៍ពាណិជ្ជកម្មអន្តរជាតិឥណ្ឌូនេស៉ី លើកទី៤០ នៅទីក្រុង BSD ដែលរៀបចំពីថ្ងៃទី១៥-១៩ ខែតុលា ឆ្នាំ២០២៥ ដោយមានប្រមាណ ១៣០ប្រទេសចូលរួម។ លោកឧកញ៉ា វណ្ណ សុខហេង បានបញ្ជាក់យ៉ាងដូច្នេះ «នៅក្នុងខេត្តព្រះសីហនុ ក៏មានជនជាតិឥណ្ឌូនេស៉ីច្រើន។ អីចឹងជាឱកាសមួយ ដែលពួកខ្ញុំចូលរួមពិព័រណ៍នេះ ដើម្បីស្វែងរកការចាប់ដៃគូ ជាពិសេសគោលបំណងចង់ទាញវិនិយោគិនឥណ្ឌូនេស៉ី វិនិយោគនៅខេត្តយើង ដើម្បីបង្កើតការងារឲ្យបានច្រើន និងជំរុញការនាំចេញ»។ លោកឧកញ៉ា មានសុទិដ្ឋិនិយមថា បើកាលណាកម្ពុជាផលិតបានផលិតផលច្រើននោះ កម្ពុជាក៏អាចនាំចេញទៅប្រទេសឥណ្ឌូនេស៉ី។ ជាមួយគ្នានះ អាចបង្កើតការងារនៅក្នុងស្រុក កាត់បន្ថយពលករចំណាកស្រុក និងកាត់បន្ថយការនាំផលិតផលចូលផងដែរ។ សូមជម្រាបថា ពិព័រណ៍ពាណិជ្ជកម្មអន្តរជាតិ ឥណ្ឌូនេស៉ី លើកទី៤០ បានបើកជាផ្លូវការ នាថ្ងៃទី១៥ ខែតុលា ឆ្នាំ២០២៥។ ព្រឹត្តិការណ៍អន្តរជាតិប្រចាំឆ្នាំនេះ រៀបចំដោយក្រសួងពាណិជ្ជកម្មឥណ្ឌូនេស៉ី ក្រោមប្រធានបទ «ស្វែងយល់ពីឧត្តមភាពរបស់ឥណ្ឌូនេស៊ី៖ ពាណិជ្ជកម្មលើសពីព្រំដែន»។ […]

(ពោធិ៍សាត់)៖ យោធភូមិភាគទី៥ នៃកងយោធពលខេមរភូមិន្ទ នៅថ្ងៃទី១៧ ខែតុលា ឆ្នាំ២០២៥ បានច្រានចោលការផ្សព្វផ្សាយព័ត៌មាន និងបណ្តាញសង្គមមួយចំនួនដែលថា «ថៃបានឈូសឆាយផ្លូវរំលោភចូលដីខ្មែរ នៅឃុំថ្មដា ស្រុកវាលវែង ខេត្តពោធិ៍សាត់ គឺមិនមែនជាការពិតទេ»។ យោធភូមិភាគទី៥ បានបញ្ជាក់ថា ការឈូសផ្លូវនេះ គឺទាហានថៃធ្វើសកម្មភាពនៅក្នុងទឹកដីរបស់ពួកគេ ហើយកម្លាំងយោធារបស់កម្ពុជា កំពុងឈរការពារតំបន់នោះយ៉ាងម៉ឺងម៉ាត់ នៃដែនអធិបតេយ្យជាតិកម្ពុជា។ ផ្ដល់សិទ្ធិដោយ៖ Fresh News សូមអានខ្លឹមសារលម្អិតខាងក្រោម៖

(ភ្នំពេញ)៖ ឧបនាយករដ្ឋមន្រ្តី កើត រិទ្ធ រដ្ឋមន្រ្តីក្រសួងយុត្តិធម៌ នៅថ្ងៃទី១៦ ខែតុលា ឆ្នាំ២០២៥នេះ បានចេញអធិបញ្ជាឱ្យព្រះរាជអាជ្ញាប្តឹងឧទ្ធរណ៍ ចំពោះសាលក្រមសាលាដំបូងរាជធានីភ្នំពេញ ដែលសម្រេចផ្តន្ទាទោសលើជនជាប់ចោទឈ្មោះ ហ៊ុន ហេង ភេទប្រុស អាយុ៦១ឆ្នាំ ដាក់ពន្ធនាគារ កំណត់រយៈពេល ០៣ (បី) ឆ្នាំ ដោយទោសនេះត្រូវអនុវត្តទោស ក្នុងពន្ធនាគាររយៈពេល ១ឆ្នាំ ទោសសល់ពីនេះត្រូវព្យួរ និងពិន័យជាប្រាក់ចំនួន ៤ ០០០ ០០០ (បួនលាន) រៀលពីបទ បើកបរបង្កគ្រោះថ្នាក់ចរាចរណ៍ បណ្តាលឱ្យស្លាប់ និងរបួសអ្នកដទៃ ប្រព្រឹត្តនៅចំណុចមុខក្រសួងវប្បធម៌ និងវិចិត្រសិល្បៈ មហាវិថីព្រះនរោត្តម ភូមិ១០ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១៥ ខែឧសភា ឆ្នាំ២០២៥។ ខាងក្រោមនេះជាលិខិតរបស់ឧបនាយករដ្ឋមន្រ្តី កើត រិទ្ធ៖ ផ្ដល់សិទ្ធិដោយ៖ Fresh News