(ភ្នំពេញ)៖ ក្រសួងមហាផ្ទៃ បានបង្ហាញបញ្ជីឈ្មោះ និងលេខទំនាក់ទំនងស្នងការរងនគរបាលទទួលផែនអត្តសញ្ញាណកម្ម នាយការិយាល័យអត្តសញ្ញាណប័ណ្ណសញ្ជាតិខ្មែរ និងនាយការិយាល័យគ្រប់គ្រងការស្នាក់នៅ នៃស្នងការដ្ឋាននគរបាលរាជធានី-ខេត្ត ដើម្បីងាយស្រួលដល់ប្រជាពលរដ្ឋ ក្នុងការទំនាក់ទំនង។ នេះបើតាមបញ្ជីឈ្មោះ ដែលបណ្ដាញព័ត៌មាន Fresh News ទទួលបាននៅថ្ងៃទី១២ ខែកក្កដា ឆ្នាំ២០២៤។ ខាងក្រោមនេះ ជាបញ្ជីឈ្មោះ និងលេខទំនាក់ទំនង៖ ផ្ដល់សិទ្ធិដោយ៖ Fresh News

(ភ្នំពេញ)៖ និយ័តករអាជីវកម្មអចលនវត្ថុ និងបញ្ចាំ បានចេញសេចក្តីជូនដំណឹងថ្មីមួយ ដោយបញ្ជាក់ថា គម្រោងអភិវឌ្ឍអគារសហកម្មសិទ្ធិ (ខុនដូ) ឈ្មោះថា City Gem Condo របស់ក្រុមហ៊ុន សាំស៍ អាប់ អ៉ិនធើណេសិនណល ដែលមានទីតាំងនៅសង្កាត់ភ្នំពេញ ខណ្ឌសែនសុខ រាជធានីភ្នំពេញ ប្រកបអាជីវកម្ម មិនមានអជ្ញាបណ្ឌពីនិយ័តករនោះទេ។ និយ័តករបញ្ជាក់ថា «សូមសាធារណជនទាំងអស់កុំចូលរួមធ្វើអាជីវកម្ម ឬពាក់ព័ន្ធជាមួយនឹងក្រុមហ៊ុនខាងលើ ដែលអាចនឹងធ្វើឱ្យប៉ះពាល់ ឬខាតបង់ផលប្រយោជន៍ណាមួយជាយថាហេតុ»៕ ខាងក្រោមនេះជាសេចក្តីជូនដំណឹងរបស់ និយ័តករអាជីវកម្មអចលនវត្ថុ និងបញ្ចាំ៖

(ភ្នំពេញ)៖​ នៅព្រឹកថ្ងៃទី១១​ ខែកក្កដា​ ឆ្នាំ២០២៤នេះ​ លោក​ ធឹម​ សំអាន​ អភិបាល​ខណ្ឌព្រែកព្នៅ​ បានស្នើសុំឲ្យប្រជាពលរដ្ឋដែលតាំងទីលំនៅដ្ឋានមិនរៀបរយ​តាមបឹងតាមោកនៅសេសសល់​ ចូលមកចរចាបន្តទៀត ដើម្បីផ្លាស់ទៅរស់នៅទីតាំងថ្មី​ ដែលអាជ្ញាធរបានរៀបចំរួចរាល់​នៅផ្លូវលេខ១៥១​ ក្នុងសង្កាត់សំរោង​ ខណ្ឌព្រែកព្នៅ​។ លោក​ ធឹម​ សំអាន​ បានឲ្យដឹងថា ប្រជាពលរដ្ឋដែលតាំងលំនៅដ្ឋានមិនរៀបរយចំនួន​១០៩ខ្នងផ្ទះ នៅលើផ្លូវលេខ១៥១ ពេលនេះព្រមផ្លាស់ទៅរស់នៅទីតាំងថ្មីដោយស្ម័គ្រចិត្តចំនួន​៦២ខ្នងផ្ទះហើយ​ នៅសល់តែ​ ៤៧ខ្នងផ្ទះទៀតនោះ​ ដែលមិនទាន់ស្ម័គ្រចិត្ត​ ដោយសារតែមានមេខ្យល់នៅពីក្រោយខ្នង មិនឲ្យប្រជាពលរដ្ឋផ្លាស់ប្ដូរទៅនៅទីតាំងដែលអាជ្ញាធរបានរៀបចំទុកនោះឡើយ។

(ភ្នំពេញ)៖ គណៈកម្មការរៀបចំការប្រឡងប្រជែង ក្រសួងមុខងារសាធារណៈ បានចេញសេចក្ដីជូនដំណឹងពីការលើកពេលប្រឡងប្រជែងជ្រើសរើសគ្រូបង្រៀនកម្រិតបឋមសិក្សា។ ក្នុងសេចក្ដីជូនដំណឹងដល់បេក្ខជនដែលត្រូវចូលរួមប្រឡងប្រជែងជ្រើសរើសគ្រូបង្រៀននៅបឋមសិក្សា ដែលបណ្ដាញព័ត៌មាន Fresh News ទទួលបាននៅថ្ងៃទី១១ ខែកក្កដា ឆ្នាំ២០២៤នេះ បានឲ្យដឹងថា៖ * ចំពោះបេក្ខជនដែលត្រូវប្រឡងនាថ្ងៃសៅរ៍ ទី១៣ ខែកក្កដា ឆ្នាំ២០២៤ សម្រាប់វេនទី១ និងវេនទី២ នឹងត្រូវលើកពេលប្រឡងទៅថ្ងៃចន្ទ ទី១៥ ខែកក្កដា ឆ្នាំ២០២៤ វិញ ទៅតាមពេលវេលា និងមណ្ឌលប្រឡងដដែល។ * ចំពោះបេក្ខជនដែលត្រូវប្រឡងនាថ្ងៃទី១៤, ២០, ២១ ខែកក្កដា ឆ្នាំ២០២៤ គឺនៅរក្សាតាមពេលវេលា និងមណ្ឌលប្រឡងដដែល។ សម្រាប់ព័ត៌មានបន្ថែមសូមទាក់ទងតាមលេខទូរស័ព្ទ៖ ០៨៦ ៣២៩ ៦៧៧, ០៧៨ ៧១៧ ២៨១, ០៨៩ ៣៧៧ ១៩១, ០៨៧ ៨៨៥ ០០០, ០៩៧ ៨៩៩ ២៨៧៧, ០៩៣ ៦៨៥ ០៨៦៕ ផ្ដល់សិទ្ធិដោយ៖ Fresh News

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រ នៃកម្ពុជា បានសម្រេចចេញអនុក្រឹត្យផ្ទេរប្រធានមន្ទីរបរិស្ថានខេត្តមណ្ឌលគីរី និងខេត្តប្រធានមន្ទីរបរិស្ថានខេត្តពោធិ៍សាត់ ឱ្យមកបម្រើការងារនៅទីស្តីការក្រសួងរិស្ថាន។ បើតាមអនុក្រឹត្យដែលបណ្តាញព័ត៌មាន Fresh News ទទួលបាននៅថ្ងៃទី១២ ខែកក្កដា ឆ្នាំ២០២៤នេះ បានបញ្ជាក់ដូចខាងក្រោម៖ *ទី១៖ លោក ឆៅ ប៊ុនធឿន ប្រធានមន្ទីរបរិស្ថានខេត្តមណ្ឌលគីរី ត្រូវបានផ្ទេរឱ្យមកបម្រើការងារនៅក្រសួងបរិស្ថានវិញ។*ទី២៖ លោក គង់ ពុទ្ធីរ៉ា ប្រធានមន្ទីរបរិស្ថានពោធិ៍សាត់ ត្រូវបានផ្ទេរឱ្យមកបម្រើការងារនៅក្រសួងបរិស្ថានវិញ។ ខាងក្រោមនេះជាអនុក្រឹត្យរបស់រាជរដ្ឋាភិបាល៖ ផ្ដល់សិទ្ធិដោយ៖ Fresh News

(ស្ទឹងត្រែង)៖ អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីក្នុងពិធីប្រកាសចូលកានតំណែងអភិបាលខេត្តស្ទឹងត្រែង នាព្រឹកថ្ងៃទី១១ ខែកក្កដា ឆ្នាំ២០២៤ នៅសាលាខេត្តស្ទឹងត្រែង។ លោក សរ សុពុត្រា បានប្ដេជ្ញានឹងខិតខំយកអស់កម្លាំងកាយចិត្តស្មារតីក្នុងការដឹកនាំខេត្តស្ទឹងត្រែងឲ្យមានការអភិវឌ្ឍរីកចម្រើនបន្ថែមទៀត ចូលរួមលើកកម្ពស់គោលនយោបាយរបស់រាជរដ្ឋាភិបាល ដើម្បីសុខសន្តិភាពជូនប្រជាពលរដ្ឋ។ លោកអភិសន្តិបណ្ឌិត ស សុខា បានបញ្ជាក់ថា ដើម្បីរក្សាសន្តិសុខសណ្ដាប់ធ្នាប់ និងរក្សាបាននូវការអភិវឌ្ឍ គឺទាមទារឲ្យថ្នាក់ដឹកនាំអាជ្ញាធរខេត្ត និងអង្គភាពពាក់ព័ន្ធគ្រប់លំដាប់ថ្នាក់ ត្រូវចូលរួមពង្រឹងបង្ក្រាប ការជួញដូរចែកចាយរគ្រឿងញៀន បង្ក្រាបបទល្មើសការជួញដូរស្ត្រីនិងកុមារ បង្ក្រាបបទល្មើសឆ្លងដែនខុសច្បាប់ រក្សាសន្តិសុខសណ្ដាប់ធ្នាប់ឲ្យបានល្អជូនប្រជាពលរដ្ឋ រឹតបន្តឹងច្បាប់ចរាចរណ៍ផ្លូវគោក បង្កើនរក្សាសន្តិសុខភូមិឃុំសង្កាត់មានសុវត្ថិភាព និងជំរុញផ្ដល់សេវាសាធារណៈជូនប្រជាពលរដ្ឋឲ្យកាន់តែល្អប្រសើរ ដើម្បីទទួលសេវាមានភាពងាយស្រួលលឿនទៅតាមតម្រូវការ ជាពិសេសការធ្វើអត្តសញ្ញាណប័ណ្ណឱ្យបានទាន់ពេល។ ឧបនាយករដ្ឋមន្ត្រី ស សុខា បានបន្តណែនាំឱ្យអភិបាលខេត្តថ្មីត្រូវយកចិត្តទុកដាក់ខ្ពស់បន្ថែមទៀតក្រុមក្មេងទំនើង អនុវត្តច្បាប់ឲ្យតឹងរឹង សំដៅឲ្យពួកគេគោរពច្បាប់ ខ្លាចច្បាប់ បង្ក្រាបក្រុមល្បែងស៊ីសង។ ហាមដាច់ខាតការស្នើសុំលើកប៉ាណូផ្សព្វផ្សាយពាណិជ្ជកម្ម គ្រឿងស្រវឹង និងល្បែងស៊ីសងគ្រប់ប្រភេទ ដែលនាំឱ្យក្រុមយុវជន ជាសិស្សសាលា ភ្លេចការរៀនសូត្រ និងបំផ្លាញទ្រព្យសម្បត្តិក្រុមគ្រួសារ ដែលធ្វើឲ្យប៉ះពាល់ដល់កិត្តិយសបុគ្គល ក្រុមគ្រួសារ និងសង្គមជាតិផងដែរ។ អភិបាលខេត្តទើបកាន់តំណែងថ្មី ត្រូវបន្តការដឹកនាំប្រកបដោយការអភិវឌ្ឍ និងធ្វើយ៉ាងណាឱ្យពលរដ្ឋ […]

(ព្រៃវែង)៖ លោក អ៊ុក សំណាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង បានឱ្យដឹងថា មានកត្តាជាច្រើនដែលបង្កឲ្យមានសត្វល្អិតបំផ្លាញដំណាំស្រូវ គឺមកពីការព្រោះស្រូវដែលក្រាស់ពេក ដែលធ្វើឲ្យពន្លឺព្រះអាទិត្យមិនអាចជ្រាបចូលដល់គល់ស្រូវ ដែលទាំងអស់នេះហើយជាកត្តាមួយសម្រាប់ជាជម្រកដ៏ត្រជាក់សម្រាប់សត្វល្អិតក្នុងការពួនសម្ងំស៊ីបំផ្លាញស្រូវរបស់កសិករ។ ថ្លែងប្រាប់បណ្តាញព័ត៌មាន Fresh News នាថ្ងៃទី១១ ខែកក្កដា ឆ្នាំ២០២៤នេះ លោក អ៊ុក សំណាង បានបញ្ជាក់ទៀតថា ការប្រើប្រាស់ពូជស្រូវនៅក្នុងស្រុក គឺមានគុណភាពល្អ ជាងពូជស្រូវក្រៅស្រុក ព្រោះកសិករអាចព្រោះស្រូវក្នុងពេលតែមួយ ធ្វើដីជាប់គ្នា ម្ចាស់តែមួយមិនមានសត្វល្អិតស៊ីបំផ្លាញ ដូចជា រុយ ស និងដង្កូវមូលស្លឹកនោះទេ។ ជាមួយគ្នានេះ លោក ឌី សំអាង ដែលជាអនុប្រធាននាយកដ្ឋានការពារដំណាំអនាម័យ និងភូតាគាមអនាម័យ នៃអគ្គនាយកដ្ឋានកសិកម្ម បានឱ្យដឹងដែរថា កត្តាដែលបង្កឲ្យមានសត្វល្អិតស៊ីបំផ្លាញដំណាំស្រូវរបស់ប្រជាកសិករ គឺមកពីប្រជាកសិករគាត់ ព្រោះស្រូវនៅលើដីស្រែរបស់គាត់មានសភាពក្រាស់ខ្លាំងពេក។ លោក ឌី សំអាង បានបន្ថែមទៀតថា ប្រជាកសិករធ្វើស្រែពេញមួយឆ្នាំតែម្ដងដោយមិនមានទុកចន្លោះខែណាមួយសម្រាប់ហាលដីឲ្យងាប់មេរោគ ដូចជា សត្វល្អិតនោះទេ ហើយក្នុងនោះដែរលោកក៏សំណូមពរឲ្យប្រជាពលរដ្ឋប្រជាកសិករធ្វើស្រែពីរដងបានហើយក្នុងមួយឆ្នាំ ឬក៏ផ្លាស់ប្ដូរ ពីការដាំដំណាំស្រូវ មកដាំ ដំណាំអ្វីផ្សេងពីស្រូវវិញខ្លះ ធ្វើយ៉ាងណាដើម្បីកុំឲ្យសត្វល្អិតនោះមានឱកាសក្នុងការស៊ី […]

(ភ្នំពេញ)៖ លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈបញ្ជាការដឹកនាំយុទ្ធនាការ កាលពីថ្ងៃទី១០ ខែកក្កដា ឆ្នាំ២០២៤ បានដឹកនាំកិច្ចប្រជុំបូកសរុបលទ្ធផលការងារក្នុងការអនុវត្តយុទ្ធនាការរយៈពេល ៦ខែ។ កិច្ចប្រជុំនេះ មានការចូលរួមពីសំណាក់ថ្នាក់ដឹកនាំនៃសាលាជម្រះក្តី និងអង្គការអយ្យការអមសាលាជម្រះក្តីទូទាំងប្រទេសផងដែរ។ បើតាម លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានឱ្យដឹងថា នៅក្នុងកិច្ចប្រជុំនេះ គណៈបញ្ជាការដឹកនាំយុទ្ធនាការបានពិនិត្យ និងវាយតម្លៃឃើញថា ពាក្យថា «បុកគេស្លាប់ បង់លុយ ហើយរួចខ្លួន» លែងមានទៀតហើយ។ គណៈបញ្ជាការដឹកនាំយុទ្ធនាការ បន្តលើកទឹកចិត្តដល់ប្រជាពលរដ្ឋដែលយល់ឃើញថា ចំណាត់ការរបស់តុលាការលើសំណុំរឿងរបស់ខ្លួនមានភាពយឺតយ៉ាវ ឬមានភាពមិនប្រក្រតី សូមដាក់ពាក្យបណ្តឹងមកយន្តការផ្លូវការនៃយុទ្ធនាការទាំង ២ របស់ក្រសួងយុត្តិធម៌ តាមរយៈលេខទូរស័ព្ទ 099 444 181៕

(ភ្នំពេញ)៖ សមាគមកាយឫទ្ធិនារីកម្ពុជា មានរៀបចំយុទ្ធនាការ «ចាស់អ្នក ថ្មីខ្ញុំ» ដើម្បីទទួលយករបស់របរមានដូចជា សំលៀកបំពាក់ ឬសម្ភារសិក្សា ដែលលោកអ្នកឈប់ប្រើប្រាស់ តែនៅមានគុណភាពល្អ យកទៅកែច្នៃឱ្យក្លាយជារបស់របរថ្មី មានប្រយោជន៍សម្រាប់អ្នកដែលត្រូវការ។ អាស្រ័យហេតុនេះ សូមជនរួមជាតិទាំងអស់ មេត្តាចូលរួមបរិច្ចាគទៅកាន់ទីតាំង ផ្ទះលេខ ៥អេ ផ្លូវលេខ ១៣៤ សង្កាត់មិត្តភាព ខណ្ឌ៧មករា រាជធានីភ្នំពេញ។  លេខទំនាក់ទំនាក់ទំនង៖ 096 646 4574 / 093 858 893 ផ្ដល់សិទ្ធិដោយ៖ Fresh News

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវដល់អ្នកស្នេហាវិស័យក្បាច់គុនសូមដាក់ពាក្យចូលរួមប្រកួត និងបង្ហាញសមត្ថភាព ដោយនៅខែតុលារៀងរាល់ឆ្នាំ ចាប់ពីឆ្នាំនេះទៅ កម្ពុជានឹងរៀបចំការប្រកួតក្បាច់គុនបុរាណខ្មែរគ្រប់ទម្រង់ទាំងអស់។ ការអំពាវនាវនេះធ្វើឡើងក្នុងពិធីបើកផ្លូវការ «ការប្រកួតយុទ្ធគុនចម្រុះជ្រើសរើសជើងឯកអាស៊ីលើកទី២» នៅពហុកីឡដ្ឋានជាតិអូឡាំពិក នាល្ងាចថ្ងៃទី១១ ខែកក្កដា ឆ្នាំ២០២៤។ សម្ដេចធិបតីបានលើកឡើងថា ប្រជាជាតិកម្ពុជាគឺមានយុទ្ធគុនខ្មែរបុរាណច្រើនប្រភេទ គ្រប់ទម្រង់ និងច្រើនមេគុន ដែលបន្សល់ដោយដូនតាបុព្វបុរសខ្មែរតាំងពីបុរាណកាលមក។ សម្ដេចបានថ្លែងយ៉ាងដូច្នេះថា «ខ្ញុំបានបានផ្ដល់ជាគោលការណ៍ឱ្យមានការរៀបចំព្រឹត្តិការណ៍ប្រកួតកីឡាយុទ្ធគុនចម្រុះខ្មែរបុរាណ ក្នុងខែតុលាជារៀងរាល់ឆ្នាំ ចាប់ណីឆ្នាំ២០២៤នេះតទៅ ដើម្បីបើកចំហទូលាយដល់អ្នកហាត់គុនខ្មែរបុរាណគ្រប់ប្រភេទ គ្រប់ទម្រង់ គ្រប់ទិសទី អាចចូលរួមប្រកួតទាំងមហាជន ទាំងមន្ត្រីរាជការ កងកម្លាំងប្រដាប់អាវុធគ្រប់ប្រភេទ ទោះបីសញ្ជាតិខ្មែរ ឬបរទេស ក៏អាចចូលរួមប្រកួតយុទ្ធគុនចម្រុះខ្មែរបុរាណបានទាំងអស់គ្នា»។ សម្ដេចធិបតីនាយករដ្ឋមន្ត្រីបានអំពាវនាវដល់កីឡាករ អ្នកចេះក្បាច់គុនបុរាណខ្មែរ យុវជន អ្នកចូលរួមទស្សនា ប្រជាពលរដ្ឋទូទៅចូលរួមហាត់ក្បាច់គុនខ្មែរបុរាណ ដើម្បីចូលរួមប្រកួត ឬបង្ហាញសមត្ថភាពក្នុងការប្រកួតនាពេលខាងមុខនោះ។ ចំពោះជនបរទេសក៏ស្វាគមន៍ដែរ តែត្រូវចេះក្បាច់គុនខ្មែរ ដូច្នេះអាចរៀនក្បាច់គុនខ្មែរបាន មុនចូលប្រកួតនៅខែតុលា ឆ្នាំ២០២៤ខាងមុខ។ សម្ដេចធិបតី ហ៊ុន ម៉ាណែត បានបញ្ជាក់ថា ការរៀបចំបែបនេះគឺដើម្បីបង្កឱកាសឱ្យអ្នកចេះក្បាច់គុនខ្មែរបុរាណគ្រប់ទម្រង់មកសម្ដែង មកប្រកួតក្នុងពេលជាមួយគ្នា បង្ហាញទៅកាន់ប្រជាជន យុវជន និងមជ្ឈដ្ឋានអន្តរជាតិថា កម្ពុជាពិតជាមានក្បាច់គុនច្រើនណាស់ និងបង្កឱកាសឱ្យមានការស្រាវជ្រាវ ចងក្រងឡើងវិញផងដែរ។ ដូច្នេះហើយសម្ដេចធិបតីក៏បានណែនាំឱ្យរៀបចំបង្កើតក្រុមជំនុំជម្រះ […]