(ភ្នំពេញ)៖ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានបញ្ជាក់ឱ្យដឹងថា នៅវេលាម៉ោងជាង ១១ព្រឹក ថ្ងៃទី១៦ ខែសីហា ឆ្នាំ២០២៥នេះ មានករណីរថភ្លើងខ្សែប្រេងតេលា បានធ្លាក់ចេញពីខ្សែផ្លូវដែកទិសខាងជើង (ខ្សែរថភ្លើងខ្សែប្រេងទិសដៅភ្នំពេញទៅបឹងព្រីង ខេត្តបាត់ដំបង ចំណុចកើតហេតុ PK274 ស្ថិតភូមិទួលតាឯក សង្កាត់ទួលតាឯក នៅក្រុងបាត់ដំបង ខេត្តបាត់ដំបង។ ថ្លែងប្រាប់បណ្តាញព័ត៌មាន Fresh News ថ្ងៃទី១៦ ខែសីហា ឆ្នាំ២០២៥នេះ លោក ផន រឹម បានបញ្ជាក់ទៀតថា ករណីគ្រោះថ្នាក់នេះ កើតឡើងដោយសារកត្តាផ្លូវស្រុតដោយបណ្តាលឱ្យធ្លាក់ចំនួន ៤ទូ ក្នុងនោះក្រឡាប់ចេញប្រេងចំនួន ៣ទូ និងផ្លូវដែកខូចខាត ៧០ម៉ែត្រ ដែលករណីនេះ មិនមានរងគ្រោះដល់មនុស្សទេ។ នៅចំពោះមុខ សមត្ថកិច្ច និងអាជ្ញាធរបានដល់កន្លែងកើតហេតុភ្លាមៗ ដើម្បីជួយអន្តរាគមន៍បន្ទាន់។ លោក ផន រឹម បានបន្ថែមថា ក្រុមហ៊ុនរ៉ូយ៉ាល់ បានបញ្ចូនគ្រឿងចក្រស្ទួចចំនួន ២គ្រឿង រថយន្តដឹកប្រេងក្រុមហ៊ុនតេឡាជាច្រើនគ្រឿង ដើម្បីបូមប្រេងចេញ និងត្រៀមរថយន្តអគ្គិភ័យ ដើម្បីបង្ការហានិភ័យកើតឡើងជាយថាហេតុ។ […]

(ព្រះវិហារ)៖ រថយន្តប្រភេទសាំយ៉ុងចំនួន៤គ្រឿង ដឹកទំនិញមកពីប្រទេសថៃ ដោយធ្វើការនាំចូលតាមប្រទេសឡាវ ឆ្លងកាត់ច្រកព្រំដែនកំពង់ស្រឡៅ ត្រូវបានគណៈបញ្ជាការឯកភាពស្រុកឆែប សហការជាមួយកម្លាំងយោធា ឃាត់ទុក និងបញ្ជូនមករដ្ឋបាលស្រុកឆែប ដើម្បីឱ្យមន្ត្រីជំនាញធ្វើការត្រួតពិនិត្យជាក់ស្តែង។ លោក ឃិត សុធារ៉ា អភិបាលស្រុកឆែប និងជាប្រធានគណៈបញ្ជាការឯកភាពស្រុក បានថ្លែងប្រាប់ឱ្យដឹង នៅព្រឹកថ្ងៃទី១៦ ខែសីហា ឆ្នាំ២០២៥ថា ដោយអនុវត្តតាមបទបញ្ជា និងការណែនាំពីលោក គីម រិទ្ធី អភិបាលខេត្តព្រះវិហារ និងជាប្រធានគណៈបញ្ជាការឯកភាពខេត្ត នៅយប់ថ្ងៃទី១៦ ខែសីហា លោកបានសហការជាមួយកម្លាំងយោធា ធ្វើការឃាត់រថយន្តដឹកទំនិញមកពីប្រទេសថៃទាំង៤គ្រឿង ដែលកំពុងលើកទំនិញដាក់រថយន្តនៅច្រកពំដែនកំពង់ស្រឡៅ។ អភិបាលស្រុក បានថ្លែងបញ្ជាក់ថា ការឃាត់រថយន្តដឹកទំនិញមកពីប្រទេសថៃនេះ ដោយសង្ស័យថា ទំនិញមួយចំនួនគឺជាប្រភេទទំនិញដែលច្បាប់បានហាមឃាត់។ រថយន្តទាំងនេះត្រូវបានបញ្ជូនមករដ្ឋបាលស្រុកឆែប ដើម្បីឱ្យមន្ត្រីជំនាញ ធ្វើការពិនិត្យជាក់ស្តែង៕ ផ្ដល់សិទ្ធិដោយ៖ Fresh News

(ម៉ាឡេស៉ី)៖ លោក Datuk Patinggi Tan Sri (Dr) Abang Haji Abdul Rahman Zohari អភិបាលរដ្ឋ (Premier) សហព័ន្ធសារ៉ាវ៉ាក់ បានបញ្ជាក់ជូនលោកទេសរដ្ឋមន្ត្រី អូស្មាន ហាស្សាន់ ថា នឹងឲ្យលោក Datuk Dr. Haji Abdul Rahman Bin Haji Junaidi, អនុរដ្ឋមន្ត្រីទីស្តីការ Premier និងជាអនុរដ្ឋមន្ត្រីទទួលបន្ទុកកិច្ចការសាសនា ដើម្បីរៀបចំបញ្ជូនក្រុមការងារបច្ចេកទេសមកកម្ពុជា សិក្សាពីឱកាសវិនិយោគ ក្នុងការបង្កើតម៉ាស៊ីនកិនស្រូវ ឬទិញស្រូវទៅសារ៉ាវ៉ាក់ ដែលរដ្ឋសារ៉ាវ៉ាក់នាំចូលអង្ករប្រមាណ២០ម៉ឺនតោនក្នុង១ឆ្នាំៗ ដើម្បីបំពេញតម្រូវការ។ ក្រៅពីវិស័យកសិកម្មខាងលើ ក៏នឹងសិក្សាវិនិយោគលើ វិស័យហេដ្ឋារចនាសម្ព័ន្ធ ការហោះហើរត្រង់ពីសារ៉ាវ៉ាក់មកភ្នំពេញ នៅដើមឆ្នាំ២០២៦ ដែលបច្ចុប្បន្នការធ្វើដំណើរពីសារ៉ាវ៉ាក់មកភ្នំពេញ ត្រូវចំណាយពេលជិត១០ម៉ោង តែបើមានការហោះហើរត្រង់គឺត្រូវចំណាយពេលត្រឹមតែ២ម៉ោង១៥នាទីប៉ុណ្ណោះ និងឲ្យធនាគារមកពិនិត្យបើកសាខាធនាគារនៅកម្ពុជាផងដែរ ដើម្បីផ្តល់ឥណទានស្របតាមសារីអះឥស្លាម ក្នុងការគាំទ្រអភិវឌ្ឍវិស័យឧស្សាហកម្មហាឡាល និងពិនិត្យការផ្គត់ផ្គង់ប្រេង និងឧស្ម័ន នាពេលខាងមុខ។ លោកអភិបាលរដ្ឋសហព័ន្ធសារ៉ាវ៉ាក់ បានបញ្ជាក់យ៉ាងដូច្នេះ ក្រោយមានការស្នើសុំពីលោកបណ្ឌិត អូស្មាន ហាស្សាន់ […]

(កណ្ដាល)៖ អ្នកលក់ឡេដ៏ល្បីឈ្មោះ និងមានងារជាឧកញ៉ា ឆេង ស្រីរ័ត្ន ហៅ Love Riya ត្រូវបានកម្លាំងស្នងការដ្ឋាននគរបាលខេត្តកណ្ដាល បញ្ជូនទៅកាន់សាលាដំបូងខេត្តកណ្ដាល នៅរសៀលថ្ងៃទី១៥ ខែសីហា ឆ្នាំ២០២៥នេះ បន្ទាប់ពីបញ្ចប់ការសួរនាំនៅកន្លែងនគរបាល។ អ្នកនាង Love Riya ត្រូវបានកម្លាំងនគរបាលចាប់ខ្លួននៅព្រឹកថ្ងៃទី១៤ ខែសីហា ឆ្នាំ២០២៥នេះ ក្រោមការសម្របសម្រួលពីតំណាងអយ្យការអមសាលាដំបូងខេត្ត និងលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល។ ការចាប់ខ្លួននេះ ធ្វើឡើងបន្ទាប់ពីអ្នកលក់ឡេល្បីឈ្មោះរូបនេះ ប្រើប្រាស់ពាក្យសម្ដីនៅលើបណ្ដាញសង្គមដែលមានលក្ខណៈញុះញង់៕ ផ្ដល់សិទ្ធិដោយ​៖ Fresh News

(ព្រះវិហារ)៖ នៅថ្ងៃទី១៥ ខែសីហា ឆ្នាំ២០២៥នេះ ក្រុមអ្នកសង្កេតការណ៍អន្តរកាល (IOT) ចំនួន០៧ប្រទេស ដែលដឹកនាំដោយលោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ី ប្រចាំព្រះរាជាណាចក្រកម្ពុជា និងអនុព័ន្ធយោធា ប្រទេសផ្សេងៗទៀតដែលមាននិវេសនដ្ឋានក្នុង និងក្រៅប្រទេសកម្ពុជា រួមមាន (ម៉ាឡេស៊ី ប្រ៊ុយណេ ឥណ្ឌូនេស៊ី ឡាវ មីយ៉ាន់ម៉ា ហ្វីលីពីន និងវៀតណាម) បានអញ្ជើញចុះសង្កេតការណ៍នៅច្រកព្រំដែនអានសេះ ខេត្តព្រះវិហារ ដែលយោធាថៃ បាននឹងកំពុងរាយលួសបន្លា ព្រមទាំងបន្ថែមកម្លាំងទ័ព ក្រោយបទឈប់បាញ់ និងសេចក្តីថ្លែងការណ៍រួម នៃកិច្ចប្រជុំវិសាមញ្ញន គណៈកម្មាធិការព្រំដែនទូទៅ កម្ពុជា-ថៃ (Extraordinary GBC Meeting) កាលពីថ្ងៃទី៧ ខែសីហា ឆ្នាំ២០២៥ នៅប្រទេសម៉ាឡេស៊ី។ នៅក្នុងឱកាសចុះពិនិត្យដោយផ្ទាល់នៅច្រកព្រំដែនអានសេះ និងរូបសំណាក់លោកតាអ៊ុំ ដែលត្រូវកងទ័ពថៃ ទម្លាក់គ្រាប់បែបពីលើយន្តហោះកម្ទេចចោល លោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ បានជម្រាបជូនប្រតិភូអនុព័ន្ធយោធាទាំង៧ប្រទេស អំពីបច្ចុប្បន្នភាពស្ថានភាពព្រំដែនកម្ពុជា-ថៃ ព្រមទាំងការឈ្លានពានរបស់ថៃ មកលើអធិបតេយ្យភាពកម្ពុជា។ បន្ទាប់ពីបញ្ចប់បេសកកម្មនៅច្រកព្រំដែនអានសេះ ក្រុមអ្នកសង្កេតការណ៍អន្តរកាល […]

(ភ្នំពេញ)៖ នៅរសៀលថ្ងៃទី១៥ ខែសីហា ឆ្នាំ២០២៥ ក្រសួងការបរទេស និងសហប្រតិបត្តិការអន្តរជាតិកម្ពុជា បានបើកកិច្ចប្រជុំជាមួយបណ្ដាស្ថានទូតនានាប្រចាំកម្ពុជា និងតំណាងទីភ្នាក់ងារអង្គការសហប្រជាជាតិ ដើម្បីពន្យល់អំពីការវិវត្តចុងក្រោយ នៃសភាពការណ៍ព្រំដែនកម្ពុជា-ថៃ ។ កិច្ចប្រជុំនេះ មានការចូលរួមពីតំណាង២៨ស្ថានទូតប្រចាំនៅកម្ពុជា និង១១ តំណាងទីភ្នាក់ងារអង្គការសហប្រជាជាតិ ក្នុងនោះក៏មានតំណាងស្ថានទូតថៃផងដែរ ដោយកិច្ចប្រជុំបានធ្វើឡើងនៅក្រសួងការបរទេស និងដឹកនាំដោយ លោកស្រី អ៊ាត សោភា រដ្ឋមន្ត្រីស្តីទីក្រសួងការបរទេស និងសហប្រតិបត្តិការអន្តរជាតិ តំណាង ឧបនាយករដ្ឋមន្ត្រី ប្រាក់សុខុន រដ្ឋមន្ត្រីក្រសួងការបរទេស និងសហប្រិត្តិការអន្តរជាតិ។ កិច្ចប្រជុំ បានធ្វើឡើងបន្ទាប់ពីសភាពការណ៍តាមបណ្តោយព្រំដែនកម្ពុជា-ថៃ មានការវិវត្តថ្មី ជាពិសេសគឺការរំលោភបំពានកាន់តែខ្លាំងឡើងពីសំណាក់យោធាថៃ មកលើដែនអធិបតេយ្យ និងបូរណភាពទឹកដីកម្ពុជា។ កម្ពុជា-ថៃ បានចុះកិច្ចព្រមព្រៀងលើបទឈប់បាញ់ នៅថ្ងៃទី២៨ ខែកក្កដា ឆ្នាំ២០២៥ បន្ទាប់ពីផ្ទុះអាវុធរយៈពេល៥ថ្ងៃ ដែលបណ្តាលមកពីការឈ្លានពានរបស់យោធាថៃមកលើដែនអធិបតេយ្យកម្ពុជា។ ភាគីទាំងពីរក៏បានបន្តចុះកិច្ចព្រមព្រៀង១៣ចំណុច ក្នុងកិច្ចប្រជុំពិសេស GBC កាលពីថ្ងៃទី០៧ ខែសីហា ឆ្នាំ២០២៥។ បន្ទាប់ពីមានបទឈប់បាញ់ និងកិច្ចព្រមព្រៀង១៣ចំណុច ភាគីកម្ពុជាបានអនុវត្តយ៉ាងខ្ជាប់ខ្ជួន ដោយមិនបានបំពានម្តងណាឡើយ ប៉ុន្តែភាគីថៃ ជាពិសេសក្រុមយោធា នៅតែបន្តរំលោភបំពានបន្តបន្ទាប់ មកលើដែនអធិបតេយ្យ និងបូរណភាពទឹកដីកម្ពុជា […]

(កណ្ដាល)៖ អាកាសយានដ្ឋានអន្តរជាតិតេជោ ប្រភេទ 4F នៅថ្ងៃទី១៥ ខែសីហា ឆ្នាំ២០២៥នេះ បានបើកការហោះហើរសាកល្បង ប្រភេទយន្ដហោះពាណិជ្ជកម្ម Airbus-320 បានសម្រេចប្រកបដោយជោគជ័យ ទាំងដំណើរការបច្ចេកទេស និងការហោះហើរ ទៅតាមផែនការដែលបានកំណត់។ ការបើកការហោះហើរសាកល្បងនេះ មានការអញ្ជើញចូលរួមពីលោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងក្រុមការងារបច្ចេកទេសនៃរដ្ឋលេខាធិការដ្ឋានអាកាសចរណ៍ស៊ីវិល ព្រមទាំងមន្ត្រីបច្ចេកទេស និងផ្នែកពាក់ព័ន្ធផ្សេងៗជាច្រើនទៀត។ ថ្លែងប្រាប់បណ្ដាញព័ត៌មាន Fresh News នៅរសៀលថ្ងៃទី១៥ ខែសីហា ឆ្នាំ២០២៥នេះ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានបញ្ជាក់ឲ្យដឹងថា ការហោះហើរសាកល្បង នាព្រឹកថ្ងៃទី១៥ ខែសីហានេះ យន្តហោះ Airbus-320 របស់ក្រុមហ៊ុនអាកាសចរណ៍ជាតិ Air Cambodia បានហោះហើរពីអាកាសយានដ្ឋានអន្ដរជាតិភ្នំពេញ មកកាន់អាកាសយានដ្ឋានអន្ដរជាតិតេជោ ក្រុងតាខ្មៅ។ លោក ស៊ីន ចាន់សិរីវុត្ថា បានបន្ថែមទៀតថា ការហោះហើរនេះ ប្រកបដោយជោគជ័យ ទៅតាមប្រព័ន្ធបច្ចេកទេសនៃការហោះហើរ ហើយក្នុងនោះ ក៏មានការតេស្ដសាកល្បងចំនួនអ្នកដំណើរ១០០នាក់ លើការ Check […]

(ភ្នំពេញ)៖ ក្រសួងទេសចរណ៍ នៅថ្ងៃទី១៥ ខែសីហា ឆ្នាំ២០២៥នេះ បានចេញសេចក្ដីអំពាវនាវ ចំពោះប្រតិបត្តិករទេសចរណ៍ ដើម្បីសម្របសម្រួល និងបង្កលក្ខណៈងាយស្រួល ដល់អនុរក្ស និងសិស្សានុសិស្ស ក្នុងអំឡុងពេលប្រឡង សញ្ញាបត្រមធ្យមសិក្សាទុតិយភូមិ ឆ្នាំ២០២៥ ដែលនឹងប្រព្រឹត្តទៅ នៅថ្ងៃទី២៨-២៩ ខែសីហា ឆ្នាំ២០២៥ ខាងមុខនេះ។ យោងតាមសេចក្ដីអំពាវនាវ បានឲ្យដឹងថា ក្រសួងទេសចរណ៍ សូមជម្រាបជូន ប្រតិបត្តិករទេសចរណ៍ដែលជាម្ចាស់ ឬអ្នកគ្រប់គ្រងអាជីវកម្ម សេវាកម្មទេសចរណ៍ទាំងអស់ នៅតាមរាជធានី-ខេត្ត មេត្តាជ្រាបថា នៅថ្ងៃព្រហស្បតិ៍-សុក្រ ៥-៦កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨-២៩ ខែសីហា ឆ្នាំ២០២៥ ខាងមុខនេះ ក្រសួងអប់រំ យុវជន និងកីឡា នឹងរៀបចំការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅ ទូទាំងប្រទេស។ អនុរក្ស និងសិស្សានុសិស្សអាចចាំបាច់ត្រូវបន្លាស់ទីមកទីរួមខេត្ត ឬតាមទីតាំងមណ្ឌលប្រឡង ផ្សេងៗដែលនៅឆ្ងាយពីទីលំនៅបច្ចុប្បន្ន ដើម្បីចូលរួមការប្រឡង។ ក្រសួងទេសចរណ៍ សូមធ្វើការអំពាវនាវដល់ ប្រតិបត្តិករទេសចរណ៍ដែលជាម្ចាស់ ឬអ្នកគ្រប់គ្រងអាជីវកម្មសេវាកម្មទេសចរណ៍ ទាំងអស់ ជាពិសេសអាជីវកម្មសេវាកម្មស្នាក់នៅទេសចរណ៍ […]

(ភ្នំពេញ)៖ ក្រសួងការពារជាតិ នៅថ្ងៃទី១៥ ខែសីហា ឆ្នាំ២០២៥នេះ បានអំពាវនាវដល់អ្នកប្រើប្រាស់បណ្ដាញសង្គមហ្វេសប៊ុកនិងទិកតុកទាំងអស់ សូមកុំបង្កើតគណនីហ្វេសប៊ុកនិងទិកតុកដោយប្រើប្រាស់ឈ្មោះ និងឡូហ្គូ(Logo) ដូចគណនីផ្លូវការរបស់ក្រសួងការពារជាតិ ដើម្បីបញ្ចៀសការភាន់ច្រឡំពីសាធារណជន(ទទួលព័ត៌មានមិនត្រឹមត្រូវ និងគ្មានប្រភពច្បាស់លាស់)។ ក្រសួងការពារជាតិ សូមអំពាវនាវដល់បងប្អូនប្រជាពលរដ្ឋ និងសាធារណជន ត្រូវត្រួតពិនិត្យប្រភពព័ត៌មានពិតប្រាកដពីគណនីផ្លូវការ របស់ក្រសួងការពារជាតិ។ ការអំពាវនាវបែបនេះ បានធ្វើឡើងបន្ទាប់ពីក្រសួងបានរកឃើញថា មានអ្នកប្រើប្រាស់បណ្តាញសង្គមមួយចំនួន​បានបង្កើតទំព័រហ្វេសប៊ុក ឬគណនី TikTok ដោយប្រើប្រាស់ឈ្មោះ និង logo ក្រសួងការពារជាតិ៕ ផ្តល់សិទ្ធិដោយ៖Fresh News

(ភ្នំពេញ)៖ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ លោក ជុំ សុន្ទរី បានថ្លែងថា ក្រសួងការបរទេសកម្ពុជាតវ៉ា ចំពោះការចូលលុកលុយរបស់កងកម្លាំងថៃចូលមកដែនអធិបតេយ្យរបស់កម្ពុជា។ ក្នុងសន្និសីទសារព័ត៌មាន នៅថ្ងៃទី១៥ ខែសីហា ឆ្នាំ២០២៥ អ្នកនាំពាក្យរូបនេះ បានបន្តថា សកម្មភាពរបស់ថៃ បានពង្រីកដែនជម្លោះមកដល់ប្រជាពលរដ្ឋស៊ីវិល ដែលក្នុងនោះមាននៅក្នុងភូមិជោគជ័យ និងព្រៃចាន់ ដែលបង្ខំឱ្យពលរដ្ឋត្រូវផ្លាស់ប្តូរទីលំនៅ។ លោកក៏បានចាត់ទុកថា ទង្វើនេះជាការរំលោភយ៉ាងធ្ងន់ធ្ងរដល់សិទ្ធិជាមូលដ្ឋានរបស់ប្រជាពលរដ្ឋ។ កម្ពុជាអំពាវនាវឱ្យថៃឈប់លុកលុយ និងកាន់កាប់ដោយខុសច្បាប់ ហើយដកកងទ័ពទៅទីតាំងដោយសមស្រប ហើយដែលកំណត់ដោយច្បាប់។ លោកបានបញ្ជាក់យ៉ាងដូច្នេះ «ការអំពាវនាវរបស់កម្ពុជា ចំពោះប្រទេសថៃ។ បញ្ឈប់នូវការលុកលុយ និងការកាន់កាប់ដោយខុសច្បាប់។ ដករាល់កម្លាំងយោធា និងរាល់សម្ភារៈរបស់ខ្លួន ទៅកាន់ទីតាំងដែលសមស្រប ទៅនឹងព្រំប្រទល់ដែលបានកំណត់ដោយច្បាប់»។ កម្ពុជា និងថៃ បានឯកភាពគ្នាចំនួន១៣ចំណុច តាមរយៈកិច្ចប្រជុំវិសាមញ្ញនៃគណៈកម្មាធិការព្រំដែនទូទៅ កម្ពុជា-ថៃ GBC ដោយមានការចូលរួមសង្កេតការណ៍ពី តំណាងរបស់ម៉ាឡេស៊ី សហរដ្ឋអាមេរិក និងសាធារណរដ្ឋប្រជាមានិតចិន នាថ្ងៃទី៧ ខែសីហា ឆ្នាំ២០២៥ នៅឯទីក្រុងគូឡាឡាំពួរ ប្រទេសម៉ាឡេស៊ី។ ក្នុងចំណុចទី២ គឺភាគីទាំងពីរ ព្រមព្រៀងរក្សាទុកស្ថានភាពទាហានឲ្យនៅទីតាំងបច្ចុប្បន្នដដែល ដោយមិនធ្វើសកម្មភាពបន្ថែមទៀត ដូចដែលបទឈប់បាញ់បានចូលជាធរមាន នៅម៉ោង ២៤៖០០នាទី […]