(បាងកក)៖ នៅថ្ងៃអាទិត្យ ទី៧ ខែកញ្ញា នៅបន្ទាប់ពីទទួលបានការតែងតាំងជានាយករដ្ឋមន្ត្រីថ្មីពីព្រះមហាក្សត្រថៃ លោកនាយករដ្ឋមន្ត្រី Anutin Charnvirakul បានថ្លែងសារពាក់ព័ន្ធនឹង ស្ថានការណ៍ព្រំដែនកម្ពុជា-ថៃ។ នេះបើតាមកាសែតថៃ Khaosod នាល្ងាចថ្ងៃទី០៧ ខែកញ្ញា ឆ្នាំ២០២៥។ លោក Anutin បានគូសបញ្ជាក់ដូច្នេះថា «ចំពោះស្ថានការណ៍ព្រំដែននាពេលបច្ចុប្បន្ន រដ្ឋាភិបាលរបស់ខ្ញុំនឹងចាប់ផ្ដើមអនុវត្តវិធានការ ដើម្បីដោះស្រាយជម្លោះព្រំដែនកម្ពុជា-ថៃ តាមរយៈមធ្យោបាយដោយសន្តិវិធី ដើម្បីកាត់បន្ថយការខាតបង់ និងការឈឺចាប់នៃប្រជាជនប្រទេសទាំង២។ ព្រមពេលជាមួយគ្នា លោក Sihasak Phuangketkeow ដែលត្រូវបានរំពឹងថា នឹងកាន់តំណែងជារដ្ឋមន្ត្រីការបរទេសថៃ បានលើកឡើងក្រោយជំនួបជាមួយលោក Anutin នៅឯទីស្នាក់ការកណ្ដាលរបស់គណបក្សភូមិចៃថៃដែរថា លោកនាយករដ្ឋមន្ត្រី Anutin បានពិគ្រោះយោបល់ជាមួយរូបលោកអំពីការដោះស្រាយ បញ្ហាជម្លោះព្រំដែនដោយសន្តិវិធី ខណៈការពារអធិបតេយ្យរបស់ថៃយ៉ាងពេញលេញ។ គួរបញ្ជាក់ថា នៅថ្ងៃអាទិត្យនេះដែរ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានផ្ញើសារលិខិតអបអរសាទរជូនចំពោះលោក Anutin ដែលត្រូវបានជ្រើសរើសតាំងជា នាយករដ្ឋមន្ត្រីទី៣២របស់ថៃ។ លិខិតរបស់សម្តេចធិបតី ហ៊ុន ម៉ាណែត បានរៀបរាប់យ៉ាងដូច្នេះថា៖ «ខ្ញុំសូមសម្ដែងការអបអរសាទរយ៉ាងកក់ក្ដៅ ចំពោះឯកឧត្តមដែលត្រូវបានជ្រើសតាំង ជានាយករដ្ឋមន្ត្រីទី៣២នៃព្រះរាជាណាចក្រថៃ។ ជ័យជម្នះរបស់អ្នកគឺជាការឆ្លុះបញ្ចំាងមួយពីការជឿទុកចិត្ត […]

(បាងកក)៖ មកទល់នឹងពេលនេះ ប្រទេសថៃកំពុងបន្តប្រឈមហានិភ័យ នៃការធ្លាក់ភ្លៀងខ្លាំងនៅពាសពេញតំបន់ភាគកណ្តាល តំបន់ភាគឦសាន ព្រមទាំងតំបន់ភាគខាងត្បូង ហើយអាចនឹងបង្កឱ្យមានការជន់លិច ជាហេតុនាំឱ្យអាជ្ញាធរជំរុញប្រជាជន​ឱ្យមានការប្រុងប្រយ័ត្ន។ នេះបើតាមការចេញផ្សាយដោយ សារព័ត៌មានថៃ The Nation នាថ្ងៃសៅរ៍ ទី៦ ខែកញ្ញា ឆ្នាំ២០២៥។ នាថ្ងៃសៅរ៍នេះ នាយកដ្ឋានឧតុនិយមថៃ បានរាយការណ៍ថា តំបន់ភាគខាងជើង ភាគឦសាន ភាគកណ្តាល និងភាគនិរតី នៃប្រទេសថៃ កំពុងស្ថិតក្រោមឥទ្ធិពលនៃខ្យល់មូសុង ដូច្នេះហើយភ្លៀងធ្លាក់ខ្លាំង ត្រូវបានព្យាករថា នឹងកើតមានលើតំបន់ទាំងនោះ រួមទាំងនៅរាជធានីបាងកក និងតំបន់ជុំវិញ។ គួរបញ្ជាក់ថា ប្រជាជនថៃ ត្រូវបានណែនាំឱ្យប្រុងប្រយ័ត្នខ្ពស់ ជាពិសេសចំពោះទឹកជំនន់ និងការកើនឡើងកម្ពស់ទឹក ដែលអាចកើតមានភ្លាមៗ នៅតាមបណ្តោយផ្លូវទឹក ជើងភ្នំ និងតំបន់ទំនាបនានា៕ ផ្ដល់សិទ្ធិដោយ៖ Freshnews

(ប៉េកាំង)៖ ថ្ងៃទី៤ ខែកញ្ញា លោក Yukio Hatoyama អតីតនាយករដ្ឋមន្ត្រីជប៉ុនដែលបានអញ្ជើញចូលរួម សកម្មភាពរំលឹកខួបទី៨០ នៃថ្ងៃជ័យជម្នះនៃសង្គ្រាមប្រជាជនចិន ប្រឆាំងនឹងការឈ្លានពានរបស់ជប៉ុន និងថ្ងៃជ័យជម្នះនៃសង្គ្រាមពិភពលោក ប្រឆាំងនឹងហ្វាស៊ីសនៅប្រទេសចិន បានត្រឡប់ទៅកាន់ជប៉ុនវិញ ពេលទើបដល់ព្រលានយន្តហោះក្រុងតូក្យូ លោកក៏បានផ្តល់បទសម្ភាសន៍ផ្តាច់មុខជាមួយ អ្នកសារព័ត៌មាននៃអគ្គស្ថានីយវិទ្យុ និងទូរទស្សន៍មជ្ឈិមចិន។ លោកបានថ្លែងថា លោកធ្វើដំណើរទៅកាន់ប្រទេសចិនជាកាយវិការ ដែលគិតពិចារណាពីកំហុសរបស់ជប៉ុន ក្នុងប្រវត្តិសាស្ត្រនិងសុំខមាទោស។ អ្នកសារព័ត៌មាននៃអគ្គស្ថានីយវិទ្យុ និងទូរទស្សន៍មជ្ឈិមចិនបានសង្កេតឃើញថា ទាក់ទងនឹងសកម្មភាពរំលឹកខួបថ្ងៃជ័យជម្នះ របស់ប្រទេសចិនលើកនេះ មនុស្សមួយចំនួននៃប្រទេសជប៉ុនបានបិទស្លាក “ការប្រឆាំងនឹងជប៉ុន”។ អាចមើលឃើញថា ក្នុងសង្គមជប៉ុនបច្ចុប្បន្ន នៅតែមិនហ៊ានប្រឈមមុខនឹងប្រវត្តិសាស្ត្រនោះទេ។ ទាក់ទិននឹងដំណើរទស្សនកិច្ចនៅប្រទេសចិនរបស់លោក Yukio Hatoyama ក៏មានការរិះគន់នៅជប៉ុនដែរ។ ប៉ុន្តែ លោកយល់ឃើញថា សព្វថ្ងៃនេះ ជប៉ុនចាំបាច់ត្រូវប្រកាន់ឥរិយាបថត្រឹមត្រូវចំពោះប្រវិត្តសាស្ត្រ និងចាត់ទុកប្រវត្តិសាស្ត្រជាមេរៀន ។ មានតែហ៊ានប្រឈមមុខនឹង អតីតកាលដែលធ្លាប់បង្កការឈឺចាប់លើប្រទេសជិតខាងនៅអាស៊ី ទទួលស្គាល់កំហុស និងបង្ហាញពីសុទ្ធចិត្ត ទើបជប៉ុនអាចទទួលបានទំនុកចិត្តឡើងវិញ ពីបណ្តាប្រទេសអាស៊ីនានា រហូតដល់ពិភពលោកផងដែរ៕ ផ្ដល់សិទ្ធិដោយ៖ Freshnews

(បាងកក)៖ ភ្លៀងធ្លាក់យ៉ាងគំហុកខុសពីធម្មតា បានបង្កឲ្យមានទឹកជំនន់ភ្លាមៗនៅតាមទីតាំងជាច្រើនក្នុងទីក្រុងបាងកក។ មានសេចក្តីរាយការណ៍ថា កន្លែងរង់ចាំនៅស្ថានីយរថភ្លើងក្រោមដី (MRT) មជ្ឈមណ្ឌលវប្បធម៌ថៃ បានជន់លិចយ៉ាងខ្លាំងកាលពីល្ងាចថ្ងៃសុក្រនេះ។ នេះបើយោងតាមសេចក្តីរាយការណ៍សារព័ត៌មានក្នុងស្រុកថៃ។ រូបភាព និងវីដេអូដែលត្រូវបានចែករំលែកយ៉ាងទូលំទូលាយនៅលើបណ្តាញសង្គម បានបង្ហាញឲ្យឃើញពីស្ថានភាពទឹកជន់លិចជ្រៅនៅកន្លែងរង់ចាំរថភ្លើង MRT ដែលបង្កការរំខានយ៉ាងខ្លាំងដល់ការធ្វើដំណើររបស់អ្នកដំណើរ៕ ផ្ដល់សិទ្ធិដោយ៖ Fresh News

(បាងកក)៖ រដ្ឋសភាថៃ នៅថ្ងៃសុក្រ ទី៥ ខែកញ្ញា បានបោះឆ្នោតជ្រើសតាំងមេដឹកនាំគណបក្សភូមិចៃថៃ លោក Anutin Charnvirakul ជានាយករដ្ឋមន្ត្រីទី៣២របស់ថៃ ជំនួសលោកស្រី Paetongtarn Shinawatra ដែលត្រូវបានតុលាការធម្មនុញ្ញដកចេញពីតំណែងកាលពីសប្ដាហ៍មុន៕⁩

(បាងកក)៖ គ្រោះរញ្ជួយដីកម្រិត ៤.១រ៉ិចទ័របានកើតឡើងនៅក្បែរប្រទេសថៃ ដោយមានចំណុចកណ្ដាលលើកោះ Nicobar នៃប្រទេសឥណ្ឌា ដោយបង្កឱ្យមានរំញ័រខ្លាំងគួរសម។ នេះបើតាមការចេញផ្សាយដោយកាសែតថៃ The Nation។ តាមអាជ្ញាធរតាមគ្រោះរញ្ជួយដីថៃ គ្រោះរញ្ជួយដីខាងលើកើតឡើងនៅនៅម៉ោងប្រហែល ៧៖១៦នាទី ព្រឹក ថ្ងៃសុក្រ ទី៥ ខែកញ្ញា៕ ផ្ដល់សិទ្ធិដោយ៖ Fresh News

(បាងកក)៖ មួយយប់មុននឹងរដ្ឋសភាថៃបោះឆ្នោតជ្រើសរើសនាយករដ្ឋមន្ត្រី៣២ ដែលគេរំពឹងថាមេដឹកនាំគណបក្សភូមិចៃថៃ លោក Anutin Charnvirakul ទទួលបានការគាំទ្រ ពីគណបក្សប្រជាជនថៃ (People’s Party) នឹងត្រូវបានជ្រើសរើសតាំងជានាយករដ្ឋមន្ត្រីថ្មី អតីតនាយករដ្ឋមន្ត្រីថៃ លោក Thaksin Shinawatra បានបង្កភាពភ្ញាក់ផ្អើលនៅលើ ក្របទំព័រមុខនៃសារព័ត៌មានក្នុងប្រទេសថៃ ដោយឡើងយន្ដហោះឯកជនចាកចេញពីប្រទេស។ នេះបើតាមការចេញផ្សាយដោយកាសែតថៃ Khaosod នៅព្រឹកថ្ងៃទី០៥ ខែកញ្ញា ឆ្នាំ២០២៥។ ជាជាងស្ថិតនៅក្នុងប្រទេសដើម្បីជួយបញ្ចុះបញ្ចូលឱ្យសមាជិករដ្ឋសភាបោះឆ្នោតបេក្ខជននាយករដ្ឋមន្ត្រី មកពីគណបក្សភឿថៃ និងជំរុញការរំលាយរដ្ឋសភា លោក Thaksin បានសម្រេចចិត្តលួចចេញពីប្រទេសថៃស្ងាត់ ដោយមិនបានប្រកាសឱ្យគេដឹងជាមុននោះទេ។ ដំណើរចាកចេញពីប្រទេសរបស់លោកបានក្លាយជាប្រធានបទក្ដៅមួយ នៅពេលដែលប៉ូលិសអន្តោប្រវេសន៍ថៃ កាលពីថ្ងៃទី៤ ខែកញ្ញា បានឃាត់ខ្លួនរូបលោកនៅឯអាកាសយានដ្ឋាន Don Mueang ដើម្បីផ្ទៀងផ្ទាត់ឯកសារ មុននឹងអនុញ្ញាតឱ្យលោកចាកចេញពីប្រទេស។ ឥឡូវនេះមានមនុស្សជាច្រើននៅក្នុងប្រទេសថៃ កំពុងមានការសង្ស័យថាលោក Thaksin បានត្រៀមលក្ខណៈរួចជាស្រេចដើម្បីដកខ្លួនចេញពីនយោបាយថៃ ដោយរស់នៅនិរទេសខ្លួននៅក្រៅប្រទេសសាជាថ្មី។ កាសែត Khasosod ក៏បានចេញផ្សាយព្រឹកថ្ងៃសុក្រ ទី៥ ខែកញ្ញានេះដែរថា យន្ដហោះរបស់លោក Thaksin បានចុះចតនៅទីក្រុងឌូបៃ មិនមែនប្រទេសសិង្ហបុរីទេ។ លោក Thaksin តាមរយៈបណ្តាញសង្គម […]

(បាងកក)៖ គណបក្សភឿថៃ នៅថ្ងៃពុធ ទី៣ ខែកញ្ញា បាននិយាយថានាយករដ្ឋមន្ត្រីស្ដីទី លោក Phumtham Wechayachai បានស្នើលិខិតមួយដើម្បីស្នើឱ្យព្រះមហាក្សត្រថៃយល់ព្រមរំលាយរដ្ឋសភា បើកផ្លូវរៀបចំការបោះឆ្នោតមុនអាណត្តិ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ការប្រកាសទទួលស្គាល់របស់គណបក្សភឿថៃ ធ្វើឡើងបន្ទាប់ពីគណបក្សប្រជាជនថៃ (People’s Party) នៅថ្ងៃពុធ ទី៣ ខែកញ្ញា បានសម្រេចចិត្តគាំទ្រគណបក្សភូមិចៃថៃ ក្នុងការបង្កើតរដ្ឋាភិបាលថ្មី ដែលនេះមានន័យថាគណបក្សប្រឆាំងធំជាងគេ បំផុតរបស់ថៃមួយនេះគាំទ្រលោក Anutin Charnvirakul ជាបេក្ខភាពនាយករដ្ឋមន្ត្រី។ នៅឯសន្និសីទសារព័ត៌មានមួយនៅថ្ងៃពុធនេះ លោក Natthaphong Ruengpanyawut ជាមេដឹកនាំបក្សប្រជាជនថៃ គណបក្សរបស់លោកបានឯកភាពលើការគាំទ្រលោក Anutin ជាបេក្ខភាពនាយករដ្ឋមន្ត្រី។ ដោយបក្សប្រជាជនថៃមានអាសនៈក្នុងរដ្ឋសភា ១៤៣អាសនៈ ការគាំទ្ររបស់បក្សប្រឆាំងនេះនឹងផ្ដល់ឱ្យលោក Anutin និងគណបក្សភូមិចៃនឹងមានសំឡេងភាគច្រើននៅរដ្ឋសភា។ ការសម្រេចចិត្តរបស់បក្សភឿថៃនេះដែរ ត្រូវបានគេមើលឃើញថាជាការប៉ុនប៉ងមួយដើម្បីរារាំងកុំឱ្យលោក Anutin ក្លាយជានាយករដ្ឋមន្ត្រីថ្មីរបស់ថៃ ឬគណបក្សភូមិចៃបង្កើតរដ្ឋាភិបាលចម្រុះជាមួយគណបក្សប្រជាជន៕ ផ្ដល់សិទ្ធិដោយ៖ Fresh News

(បាងកក)៖ គណបក្សប្រជាជនថៃ (People’s Party) នៅថ្ងៃពុធ ទី៣ ខែកញ្ញា បានសម្រេចចិត្តគាំទ្រគណបក្សភូមិចៃថៃ ក្នុងការបង្កើតរដ្ឋាភិបាលថ្មី ដែលនេះមានន័យថាគណបក្សប្រឆាំងធំជាងគេ បំផុតរបស់ថៃមួយនេះគាំទ្រលោក Anutin Charnvirakul ជាបេក្ខភាពនាយករដ្ឋមន្ត្រី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ លោក Natthaphong Ruengpanyawut ជាមេដឹកនាំបក្សប្រជាជនថៃ បានប្រកាសពីការសម្រេចចិត្តខាងលើនៅចំពោះមុខក្រុមអ្នកសារព័ត៌មាន។ តាមលោក Natthaphong គណបក្សរបស់លោកបានឯកភាពលើការគាំទ្រលោក Anutin ជាបេក្ខភាពនាយករដ្ឋមន្ត្រី។ ដោយបក្សប្រជាជនថៃមានអាសនៈក្នុងរដ្ឋសភា ១៤៣អាសនៈ ការគាំទ្ររបស់បក្សប្រឆាំងនេះនឹងផ្ដល់ឱ្យលោក Anutin និងគណបក្សភូមិចៃនឹងមានសំឡេងភាគច្រើននៅរដ្ឋសភា៕ ផ្ដល់សិទ្ធិដោយ៖ Fresh News

(ភ្នំពេញ)៖​ នៅរយៈពេល ២ថ្ងៃចុងក្រោយនេះ នៅលើបណ្តាញទំនាក់ទំនងសង្គម បានផ្ទុះការវែកញែកយ៉ាងច្រើន ករណីឃាត់រថយន្តដឹកអង្ករដំណើប ដែលនាំចូលមកកម្ពុជា តាមច្រកព្រំដែនកំពង់ស្រឡៅ ក្នុងខេត្តព្រះវិហារ ហើយត្រូវបានសមត្ថកិច្ចឃាត់ ដោយសង្ស័យថាគ្មានច្បាប់អនុញ្ញាត។ ប្រជាពលរដ្ឋមួយចំនួន ហាក់មានអារម្មណ៍ភ្ញាក់ផ្អើល នៅពេលឃើញការនាំចូលអង្ករមកកម្ពុជា ព្រោះយល់ថា កម្ពុជាអាចផលិតអង្ករបានលើសតម្រូវ ហើយអាចនាំចេញបានថែមទៀត ចុះហេតុអ្វីចាំបាច់នាំចូលពីប្រទេសផ្សេង? លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា បានបញ្ជាក់ឱ្យដឹងថា បច្ចុប្បន្ននេះកម្ពុជា មានការខ្វះខាតអង្ករដំណើបមួយចំនួន ដែលចាំបាច់ត្រូវនាំចូលពីប្រទេសឡាវ វៀតណាម និងថៃ ប៉ុន្តែក្នុងចំណោមប្រទេសទាំង៣នេះ ការនាំចូលពីប្រទេសឡាវមានច្រើន ដោយសារឡាវដាំដុះអង្ករដំណើបច្រើន និងមានគុណភាពល្អជាងអង្ករដំណើបរបស់វៀតណាម ចំណែកឯថៃ វិញនាំចូលតិចតួច ព្រោះថៃក៏មានតម្រូវការអង្ករដំណើបច្រើន ដែលត្រូវនាំចូលពីប្រទេសឡាវផងដែរ។ លោកបន្ថែមថា ដោយសារតែស្រូវដំណើបមានទិន្នផលតិច មានរយៈពេលយូរ និងប្រកាន់រដូវ ដូច្នេះបងប្អូនប្រជាពលរដ្ឋមិនសូវនិយមដាំដុះច្រើនឡើយ ដូច្នេះទើបយើងខ្វះខាតអង្ករដំណើប។ បន្ថែមពីនេះ រដូវបុណ្យភ្ជុំបិណ្ឌជិតខិតចូលមកដល់ក្នុងពេលដ៏ខ្លីខាងមុខ ហើយការប្រមូលផលអង្ករដំណើប របស់កសិករយើងក៏មិនទាន់ដល់ ព្រោះជាទូទៅស្រូវដំណើបត្រូវប្រមូលផលចុះខែតុលា ឬដើមខែវិច្ឆិកា ដូច្នេះច្បាស់ណាស់ ត្រូវការនាំចូលជាចាំបាច់។ ទោះជាយ៉ាងនេះក្តីក្រសួងកសិកម្ម និងសហព័ន្ធស្រូវអង្ករកម្ពុជា បាននិងកំពុងជំរុញឱ្យមានការដាំដុះអង្ករដំណើប ឱ្យបានច្រើនជាងមុន ដោយបានផ្សព្វផ្សាយជំរុញនូវការដាំដុះស្រូវដំណើប ពូជ […]