(បាងកក)៖ ក្រោយដំណាក់កាលជជែកដេញដោលមតិបានបិទបញ្ចប់ទៅ ទីបំផុតសភាថៃបានចាប់ផ្តើមដំណើរការបោះឆ្នោតដើម្បីជ្រើសរើស នាយករដ្ឋមន្រ្តីថ្មីហើយ ស្របពេលដែលមេដឹកនាំគណបក្ស Move Forward គឺលោក Pita Limjaroenrat ជាបេក្ខជនតែម្នាក់គត់។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃព្រហស្បតិ៍ ទី១៣ ខែកក្កដា ឆ្នាំ២០២៣។ សមាជិករដ្ឋសភាជាប់ឆ្នោតថ្មីៗទាំង៥០០រូប និងសមាជិកព្រឹទ្ធសភា២៥០រូប ត្រូវបោះឆ្នោតរួមគ្នាដើម្បីជ្រើសរើសនាយករដ្ឋមន្ត្រីថ្មី។ វានឹង​ត្រូវធ្វើឡើងក្នុងលក្ខណៈបើកចំហ ដែលមានន័យថាតំណាងរាស្ត្រទាំង៧៥០រូប ត្រូវផ្តល់ចម្លើយត្រង់ៗតែម្តង។ ដើម្បីអាចក្លាយជានាយករដ្ឋមន្ត្រី បេក្ខជនត្រូវតែប្រមូលឱ្យបានសំឡេងគាំទ្រចំនួន៣៧៦ ពីសមាជិកនៃសភាទាំង២។ តែក្នុងករណី បេក្ខជនមិនអាចទទួលបានសំឡេងគាំទ្រគ្រប់គ្រាន់នេះទេ នោះការបោះឆ្នោតនឹងត្រូវរៀបចំសាជាថ្មី ហើយបេក្ខជនដដែលនោះ នៅតែអាចឈរឈ្មោះជាថ្មី ឬក៏បេក្ខជនផ្សេងទៀតត្រូវបានតែងតាំងឱ្យចូលរួមប្រកួតប្រជែង។ នីតិវិធីបែបនេះនឹងត្រូវធ្វើឡើង រហូតទាល់តែមានបេក្ខជនទទួលបានសំឡេងគាំទ្រ ៣៧៦ ដោយមិនមានកំណត់ពីចំនួនបោះឆ្នោត ឬកាលបរិច្ឆេទផុតកំណត់នោះទេ។ គួរបញ្ជាក់ថា គណបក្ស Move Forward គឺជាបក្សដែលទទួលបានជ័យជម្នះ ក្នុងការបោះឆ្នោតសកលថៃ កាលពីខែឧសភាកន្លងទៅ។ លោក Pita បានប្រមែប្រមូលគណបក្សនយោបាយ៧ផ្សេងទៀត ហើយមានអាសនៈសរុបក្នុងដៃស្រាប់ចំនួន៣១២ នៅរដ្ឋសភា។ ដូច្នេះលោក នៅត្រូវការសំឡែងគាំទ្រ៦៤ទៀត ពីគណបក្សដទៃនៅក្រៅក្រុមចម្រុះ ឬក៏ពីសមាជិកព្រឹទ្ធសភា។ ប៉ុន្តែ […]

ការ​សិក្សាផ្អែកលើ​​បណ្ដាញសង្គម​មួយបាន​រក​ឃើញ​ថា មហាជនអ្នក​លេង​បណ្ដាញ​សង្គម​ថៃ​ភាគ​ច្រើន​ចង់​ឃើញ​មេ​ដឹក​នាំ​គណបក្សឆ្ពោះទៅមុខលោក Pita Limjaroenrat ជាប់​ឆ្នោត​ជា​នាយក​រដ្ឋមន្ត្រី​ទី៣០ របស់​ប្រទេស​ថៃ។ ទិន្នន័យពី DXT:360 ចាប់ពីថ្ងៃទី០៥ ដល់ថ្ងៃទី១២ ខែកក្កដា បានឱ្យដឹងថា អ្នក​លេង​បណ្ដាញ​សង្គម​ថៃមានការពិភាក្សាគ្នាច្រើន ជុំវិញការបោះឆ្នោតជ្រើសរើស​នាយករដ្ឋមន្ត្រី​ថ្មី ខណៈដែលលោក Pita គឺជាបេក្ខភាពនាយករដ្ឋមន្ត្រីតែម្នាក់គត់។ DXT:360 គឺជាវេទិការបស់ Dataxet Co Ltd ដែលជាក្រុមហ៊ុនផ្តល់ការត្រួតពិនិត្យតាមប្រព័ន្ធផ្សព្វផ្សាយ និងការស្តាប់មតិ ទៅកាន់ទីផ្សារ និងអតិថិជន។ Dataxet បាននិយាយថា ការសិក្សានេះផ្តោតលើក្តីសង្ឃឹមរបស់អ្នកប្រើប្រាស់បណ្តាញសង្គមថៃ មុនពេលការបោះឆ្នោតរបស់សមាជិកសភាទាំង ២ ដើម្បីជ្រើសរើសនាយករដ្ឋមន្ត្រីទី៣០ ហើយការសិក្សានេះបានផ្តល់លទ្ធផលចំនួន ៦ ដូចជា៖ ៦៥.៧% ចង់ឃើញគណបក្សចម្រុះទាំង ៨ បង្កើតរដ្ឋាភិបាលថ្មីដោយជោគជ័យ ដោយមានលោក Pita ធ្វើជានាយករដ្ឋមន្ត្រី។ ២២.៤% កំពុងអំពាវនាវឱ្យសមាជិកព្រឹទ្ធសភាគោរពការចង់បានរបស់ប្រជាជន និងបំពេញកាតព្វកិច្ចដោយសេចក្តីថ្លៃថ្នូរ មុនពេលពួកគេត្រូវចាកចេញពីតំណែងក្នុងរយៈពេល ១ឆ្នាំ។ ៦.៩% ចង់ឱ្យសមាជិកសភាទាំងអស់ក្រៅពីក្រុមចម្រុះរបស់គណបក្សឆ្ពោះទៅមុខ បោះឆ្នោតឱ្យលោក Pita ដើម្បីឱ្យលទ្ធិប្រជាធិបតេយ្យអាចបន្តទៅមុខបាន។ ៣% ចង់ឱ្យគណបក្សឆ្ពោះទៅមុខដើរថយក្រោយមួយជំហាន នៅត្រង់ចំណុចដែលគណបក្សនេះបានសន្យាកែប្រែមាត្រា ១១២ នៃក្រមព្រហ្មទណ្ឌ […]

សមាជិកសភា និងព្រឹទ្ធសភាថៃ នឹងធ្វើការកោះប្រជុំនៅថ្ងៃព្រហស្បតិ៍ ទី១៣ ខែកក្កដា ដើម្បីបោះឆ្នោតជ្រើសរើសនាយករដ្ឋមន្ត្រីថ្មី ក្រោយរយៈពេលជិត ២ខែ បន្ទាប់ពីការបោះឆ្នោតទូទៅរបស់ប្រទេសនេះ។ ការអង្គុយរួមគ្នានឹងកំណត់ថា តើលោក Pita Limjaroenrat ដែលមានអាយុ ៤២ឆ្នាំ អាចឈ្នះតំណែងនាយករដ្ឋមន្ត្រី និងក្លាយជានាយករដ្ឋមន្ត្រីទី៣០ របស់ប្រទេសថៃដែរ ឬទេ។ គណបក្សឆ្ពោះទៅមុខរបស់លោក Pita បានទទួលជ័យជម្នះក្នុងការបោះឆ្នោតដ៏គួរឱ្យភ្ញាក់ផ្អើលមួយ នៅថ្ងៃទី១៤ ខែឧសភា ហើយក៏បានបង្កើតក្រុមចម្រុះជាមួយសម្ព័ន្ធមិត្តចំនួន ៧ ផ្សេងទៀត ដែលធ្វើឱ្យពួកគេមាន ៣១២ សំឡេង នៅក្នុងសភាតំណាងរាស្រ្ត។ យ៉ាងណាមិញ ដើម្បីឱ្យលោក Pita Limjaroenrat ក្លាយជានាយករដ្ឋមន្ត្រីទៅបាន លោកត្រូវការការយល់ព្រម និងសំឡេងគាំទ្រពីជាងពាក់កណ្តាលនៃសភាទាំង ២ ដោយរួមមានព្រឹទ្ធសភា ដែលមានសមាជិកចំនួន ២៥០ រូប និងសភាតំណាងរាស្រ្ត ដែលមានសមាជិកចំនួន ៥០០ រូប។ នេះមានន័យថា គាត់ត្រូវតែទទួលបានសំឡេងយ៉ាងតិច ៣៧៦ ពីសភាទាំង ២ ឬយ៉ាងហោចណាស់អាចទាញការគាំទ្រពីសភាតំណាងរាស្ត្រឱ្យគ្រប់ ៣៧៦ សំឡេង ដើម្បីឈ្នះតំណែងនាយករដ្ឋមន្ត្រី និងបង្កើតរដ្ឋាភិបាលថ្មីបាន។ […]

(បាងកក)៖ នៅថ្ងៃពុធនេះ គណៈកម្មការរៀបចំការបោះឆ្នោតនៃប្រទេសថៃ បានផ្តល់អនុសាសន៍ទៅកាន់ក្រុមប្រឹក្សាធម្មនុញ្ញថៃ ឱ្យផ្អាកសមាជិកភាពសភារបស់ មេដឹកនាំគណបក្ស Move Forward គឺលោក Pita Limjaroenrat ជាបណ្តោះអាសន្នសិន ជុំវិញការចោទប្រកាន់ថា រូបលោកបានបំពានគោលការណ៍ឃោសនាបោះឆ្នោត។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃពុធ ទី១២ ខែកក្កដា ឆ្នាំ២០២៣។ គណបក្ស Move Forward បានទទួលជ័យជម្នះក្នុងការបោះឆ្នោតសកលថ្មី កាលពីខែឧសភាកន្លងទៅ ប៉ុន្តែលោក ភីថា បានប្រឈម​នឹងឧបសគ្គមួយចំនួន។ កាលពីខែមិថុនា គណៈកម្មការរៀបចំការបោះឆ្នោតថៃ (EC) បានបង្កើតគណៈកម្មាធិការពិសេសមួយ ដើម្បីបើក​ការស៉ើបអង្កេតថាតើ រូបលោកមានលក្ខណៈសម្បត្តិគ្រប់គ្រាន់ ដើម្បីធ្វើជាសមាជិកសភា និងឈរឈ្មោះជានាយករដ្ឋមន្រ្តី ដែរឬយ៉ាងណា។ នៅថ្ងៃពុធនេះ គណៈកម្មការបោះឆ្នោតថៃ បានចេញសេចក្តីថ្លែងការណ៍យ៉ាងដូច្នេះថា «EC នឹងបញ្ជូនសំណុំរឿងរបស់លោក ភីថា ទៅកាន់​តុលាការធម្មនុញ្ញ ដើម្បីស្នើសុំការសម្រេចផ្លូវការ»។ លោក អ៉ីតតាផ័ន ប៊ូនប្រាកង (Ittiporn Boonprakong) ដែលជាប្រធាន EC បានបញ្ជាក់ប្រាប់ទីភ្នាក់ងារព័ត៌មាន AFP […]

(បរទេស)៖ កំពូលតារាសម្ដែងអាមេរិកលោក Tom Cruise ត្រូវបានទស្សនិជន ជាពិសេសបណ្តាអ្នកគាំទ្របានដឹងថា លោកប្រើពេល ៤៣ឆ្នាំហើយ ជាមួយនឹងអាជីពជាតារាសម្ដែង ដោយចាប់ផ្ដើមដំបូងៗ លោកត្រឹមតែជាតួបន្ទាប់បន្សំប៉ុណ្ណោះ ឥឡូវនេះលោកបានជាតួឯកគ្រប់រឿងតែម្តង។ នាពេលថ្មីៗនេះ លោកបានទម្លាយថា លោកនឹងថតរឿង «Mission Impossible» ដល់អាយុជាង៨០ឆ្នាំ ទើបឈប់។ តាមការចុះផ្សាយពីគេហទំព័រព័ត៌មាន NME បានឲ្យដឹងថា តារាសម្តែងវ័យ ៦១ឆ្នាំ Tom Cruise មិនទាន់មានគម្រោងឈប់ពីការថតរឿងនៅឡើយទេ។ លោកថាចង់សម្ដែងដល់អាយុជាង៨០ឆ្នាំ ជាពិសេសជាមួយខ្សែស្រឡាយរឿង «Mission Impossible» ខណៈកំលាំងចិត្តក្នុងវិស័យភាពយន្តនេះ គឺត្រូវបានរុញច្រានដោយតារាជើងចាស់ Harrison Ford តួល្បីជំនាន់ទសវត្សរ៍៨០ នៅតែសម្ដែងបានយ៉ាងល្អដល់សព្វថ្ងៃ (លោកតា Harrison Ford យើងស្គាល់គាត់ជាតួ Indiana Jones, តួ Han Solo ក្នុង Star Wars និងឆាប់ៗ Red Hulk ក្នុង Captain America […]

(សេអ៊ូល)៖ យោធាកូរ៉េខាងត្បូង​ បានឱ្យដឹងថាកូរ៉េខាងជើងនៅថ្ងៃពុធ ទី១២ ខែកក្កដានេះ បានបាញ់សាកល្បងមីស៊ីលបាលិស្ទីគមួយគ្រាប់ ចូលក្នុងសមុទ្រខាងកើត តែប៉ុន្មាន ថ្ងៃប៉ុណ្ណោះ បន្ទាប់ពីទីក្រុងព្យុងយ៉ាងគំរាមបាញ់ទម្លាក់យន្ដហោះស៊ើបការណ៍អាមេរិក ដែលហ៊ានបំពានចូលដែនអាកាសរបស់ខ្លួន។ នេះបើតាមការចេញផ្សាយដោយទីភ្នាក់ងារ សារព័ត៌មាន AFP។ នៅក្នុងសេចក្ដីថ្លែងការណ៍ខ្លីមួយ នាយសេនាធិការចម្រុះកងទ័ពកូរ៉េខាងត្បូង បានគូសបញ្ជាក់ដូច្នេះថា «កូរ៉េខាងជើងបានបាញ់សាកល្បងមីស៊ីលបាលិស្ទីគមិនស្គាល់ម៉ាក មួយគ្រាប់ចូលក្នុងសមុទ្រខាងកើត ឬសមុទ្រជប៉ុន»។ គួរបញ្ជាក់ថា នេះជាការបាញ់សាកល្បងមីស៊ីលលើកដំបូងបំផុតរបស់កូរ៉េខាងជើង គិតចាប់តាំងពីថ្ងៃទី១៥ ខែមិថុនាមក ជាពេលដែលទីក្រុងព្យុងយ៉ាងបាញ់សាកល្បងមីស៊ីល បាលិស្ទីគចំនួន២គ្រាប់ ចេញពីតំបន់ក្បែររដ្ឋធានីព្យុងយ៉ាង។ ការធ្វើតេស្ដមីស៊ីលនៅថ្ងៃពុធនេះទៀតសោត កើតមានឡើងចំពេលដែលសហរដ្ឋអាមេរិក និងកូរ៉េខាងជើង មាន ភាពតានតឹងនឹងគ្នាសាជាថ្មី ក្រោយទីក្រុងព្យុងយ៉ាង ចោទថាយន្ដហោះស៊ើបការណ៍អាមេរិកបានបំពានចូលដែនអាកាសរបស់ខ្លួន៕ ផ្តល់សិទ្ធិដោយ៖ freshnews

(បាងកក)៖ នាយករដ្ឋមន្រ្តីចាំផ្ទះនៃប្រទេសថៃ គឺលោក ប្រាយុទ្ធ ចាន់អូចា នៅថ្ងៃព្រហស្បតិ៍នេះ បានប្រកាសពីការសម្រេចចិត្តចូលនិវត្តន៍​ពីនយោបាយ ពោលគឺរយៈពេល៩ឆ្នាំ បន្ទាប់ពីលោកបានឡើងកាន់អំណាចដំបូង តាមរយៈរដ្ឋប្រហារយោធាក្នុងនាមជាប្រមុខរដ្ឋាភិបាលសឹក។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃអង្គារ ទី១១ ខែកក្កដា ឆ្នាំ២០២៣។ លោក ប្រាយុទ្ធ បាននិយាយក្នុងសេចក្តីថ្លែងការណ៍របស់គណបក្សលោកដូច្នេះថា «ចាប់ពីពេលនេះតទៅ ខ្ញុំចង់លាឈប់ពីនយោបាយ និង​លាលែងពីសមាជិកនៃគណបក្ស United Thai Nation Party»។ យ៉ាងណាមិញ លោកនឹងបន្តនៅជានាយករដ្ឋមន្រ្តីចាំផ្ទះ រហូតដល់ពេលរដ្ឋាភិបាលថ្មី ត្រូវបានបង្កើតឡើងរួចរាល់។ លោក ប្រាយុទ្ធ បានក្លាយជាមេដឹកនាំនៃប្រទេសថៃជាលើកដំបូង កាលពីឆ្នាំ២០១៤ បន្ទាប់ពីធ្វើរដ្ឋប្រហារយោធា ផ្តួលរំលំរដ្ឋាភិបាលស៉ីវិលរបស់លោកស្រី យីងឡាក់ ស៉ីណាវ៉ាត់។ ក្រោយមក លោកក៏បានក្លាយជាប្រមុខរដ្ឋាភិបាលស៉ីវិល ក្រោយការ​បោះឆ្នោតសកលថៃឆ្នាំ២០១៩ ដែលជាលើកដំបូងគិតចាប់តាំងពីរដ្ឋប្រហារយោធា។ យ៉ាងណាមិញ គណបក្សរបស់លោក ប្រយុទ្ធ បានទទួល​បរាជ័យក្នុងការបោះឆ្នោតសកលអាណត្តិថ្មី កាលពីខែឧសភាកន្លងទៅ។ គួរបញ្ជាក់ថា នៅថ្ងៃពុធសប្តាហ៍នេះ សភាថៃនឹងត្រូវរៀបចំការបោះឆ្នោតមួយ ដើម្បីជ្រើសរើសនាយករដ្ឋមន្រ្តីថ្មី។ មេដឹកនាំគណបក្ស Move Forward […]

(តូក្យូ)៖ ភ្លៀងធ្លាក់ខ្លាំងបាននិងកំពុងវាយលុកលើភាគនិរតីនៃប្រទេសជប៉ុន ហើយបានបង្កឱ្យគ្រោះទឹកជំនន់និងគ្រោះរអិលបាក់ដី ដែលបាន​ផ្តាច់ជីវិតមនុស្សយ៉ាងហោចម្នាក់ និងបង្កឱ្យ៦នាក់ផ្សេងទៀតបាត់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី១០ ខែកក្កដា ឆ្នាំ២០២៣។ ទីភ្នាក់ងារឧតុនិយមជប៉ុន នាថ្ងៃចន្ទនេះ បានចេញសេចក្តីប្រកាសអាសន្នបន្ទាន់មួយ សម្រាប់ខេត្តហ្វូគូអូកា (Fukuoka) និងអូអ៉ីតា (Oita) ដែលស្ថិត​នៅផ្នែកភាគខាងត្បូង នៃកោះគ្យូស៊ុ (Kyushu) ដោយបានព្រមានពីការធ្លាក់ភ្លៀង ក្នុងកម្រិតខ្លាំងក្លាបំផុតមិនធ្លាប់មាននៅក្នុង​តំបន់ ហើយបានទទូចឱ្យ​ប្រជាជនទាំងអស់ ដែលរស់នៅតាមមាត់ទន្លេ និងជម្រាលភ្នំ ចាត់វិធានការបង្ការជាអតិបរមា។ ប្រជាជនជប៉ុនសរុបច្រើនជាង៤២០,០០០នាក់ នៅខេត្ត Fukuoka និង Oita ត្រូវស្ថិតក្រោមកម្រិតខ្ពស់បំផុត នៃសេចក្តីណែនាំឱ្យជម្លៀសខ្លួន។ ភ្លៀងបានបន្តធ្លាក់នៅតំបន់ Kyushu និងតំបន់ជូហ្គោគុ (Chugoku) ចាប់តាំងតែពីចុងសប្តាហ៍កន្លងទៅ ហើយបានបង្កឱ្យមានបំណាក់ដី និងការជន់លិច នៅតាមបណ្តោយដងទន្លេខ្លះ ព្រមទាំងឈានដល់ការបិទផ្លូវធ្វើដំណើរ បង្អាក់ប្រតិបត្តិការរថភ្លើង និងកាត់ផ្តាច់ការផ្គត់ផ្គង់ទឹក នៅតាមតំបន់មួយចំនួន។ គួរបញ្ជាក់ថា ប្រទេសជប៉ុនកំពុងតែស្ថិតក្រោមរដូវភ្លៀងប្រចាំឆ្នាំ ដែលជារឿយៗនាំមកនូវការធ្លាក់ភ្លៀងជោគជាំ ហើយពេលខ្លះបណ្តាលឱ្យ​មានការជន់លិចខ្លាំង រួមជាមួយគ្រោះរអិលបាក់ដី ព្រមទាំងមនុស្សបាត់បង់ជីវិត។ ក្រុមអ្នកវិទ្យាសាស្រ្តបាននិយាយថា បញ្ហាប្រែប្រួលធាតុអាកាស […]

(បរទេស)៖ ទស្សនិកជនដែលតាមដានភាពយន្តល្បី «JOHN WICK 4» ប្រាកដជាបានជ្រាប់ច្បាស់ហើយថា នៅចុងបញ្ចប់នៃរឿង តួអង្គ John Wick បានបាត់បង់ជីវិត បន្ទាប់ពីបានបំពេញការងារចប់សព្វគ្រប់ជាមួយក្រុម High Table។ តែយ៉ាងណា ទស្សនិកជនបានឃើញតែផ្នូរ John Wick ប៉ុណ្ណោះ និងមិនទាន់បានឃើញសាកសពឡើយ ដូច្នេះធ្វើឲ្យទស្សនិកជនមិនអស់ចិត្តថា តើតួអង្គនេះនៅរស់ឬស្លាប់ឲ្យប្រាកដ? បើតាមកចុះផ្សាយដោយសារព័ត៌មាន Yahoo បានឲ្យដឹងថា អ្នកដឹកនាំរឿង Chad Stahelski នៅកិច្ចសម្ភាសន៍ថ្មីជាមួយទស្សនាវដ្តី Empire បានបង្ហាញជាលើកដំបូងថា ការបញ្ចប់ដោយដោយឲ្យ John Wick នៅរស់នេះ គេបានចាក់ឲ្យទស្សនិកជនទស្សនាសាកល្បងរួចហើយ តែពួកគេមិនពេញចិត្ត ទើបខាងផលិតកម្ម Lionsgate យក Ending ឲ្យ John ស្លាប់ដូចក្នុងរឿងបច្ចុប្បន្ននេះ។ តែយ៉ាងណានៅចុងរឿងគេមិនបានបង្ហាញសពរបស់ John Wick ឃើញតែផ្នូរ ហើយឥឡូវអ្នកដឹកនាំដូចបង្ហាញតម្រុយថា John នៅរស់ទៀត។ ប្រាកដណាស់ Lionsgate មិនចង់និយាយលាទៅកាន់តួអង្គ Reeves […]

(វ៉ាស៊ីនតោន)៖ ភ្លៀងធ្លាក់ខ្លាំងបានបង្កឱ្យមានគ្រោះទឹកជំនន់នៅតាមផ្នែកខ្លះនៃរដ្ឋ New York និងរដ្ឋ Pennsylvania កាលពីថ្ងៃអាទិត្យចុងសប្ដាហ៍កន្លងទៅ ហើយ ក្រុមអ្នកជួយសង្រ្គោះបានសង្រ្គោះមនុស្សដែលជាប់នៅក្នុងរថយន្ដមួយចំនួន នៅតាមបណ្ដោយផ្លូវដែលបានជន់លិច ខណៈអាកាសធាតុអាក្រក់នឹងបន្តកើតមាន ក្នុងតំបន់ភាគឦសានសហរដ្ឋអាមេរិក។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី១០ ខែកក្កដា ឆ្នាំ២០២៣។ លោក Mike Lawler ជាសមាជិកសភាតំណាងរាស្ត្រមកពីតំបន់ Hudson Valley នៃរដ្ឋ New York ស្ថិតនៅភាគខាងជើងទីក្រុង New York បានបង្ហោះវីដេអូ និងរូបភាពជាច្រើនសន្លឹក នៅលើបណ្ដាញ Twitter ដោយបង្ហាញពីទឹកជំនន់ក្នុងទីក្រុង Stony Point ជាទីក្រុងតូចមួយស្ថិតនៅតាមបណ្ដោយទន្លេ Hudson River ចម្ងាយប្រហែល ៦៤គីឡូម៉ែត្រ ពីសង្កាត់ Manhattan។ លោក Mike Lawler បានគូសបញ្ជាក់ដូច្នេះថា «ទឹកជំនន់យ៉ាងខ្លាំងក្នុងទីក្រុង Stony Point លិចទាំងផ្ទះ និងរថយន្ដ ហើយមនុស្សជាច្រើនត្រូវបានជម្លៀស»។ គ្រោះទឹកជំនន់ដូចគ្នានេះក៏បានកើតឡើងក្នុងរដ្ឋ […]