(បាងកក)៖ នាយករដ្ឋមន្ត្រីថៃ លោកស្រី Paetongtarn Shinawatra នៅថ្ងៃព្រហស្បតិ៍ ទី១៩ ខែមិថុនា បានធ្វើដំណើរទៅដល់ការិយាល័យរដ្ឋាភិបាល ដើម្បីជួបជាមួយក្រុមរដ្ឋមន្ត្រីរបស់ លោកស្រី និងមេដឹកនាំយោធា ខណៈកំពុងរងសម្ពាធឱ្យចុះចេញពីតំណែង ក្រោយការបែកធ្លាយកិច្ចសន្ទនាតាមទូរស័ព្ទជាមួយប្រធានព្រឹទ្ធសភាកម្ពុជា សម្ដេចតេជោ ហ៊ុន សែន និងបាតុកម្មតវ៉ា។ នេះបើតាមកាសែតថៃ The Nation៕ ផ្ដល់សិទ្ធិដោយ៖ Fresh News

(បាងកក)៖ ផ្លូវជាច្រើននៅក្បែរអគាររដ្ឋាភិបាលថៃ ត្រូវបានបិទនៅថ្ងៃព្រហស្បតិ៍ ទី១៩ ខែមិថុនា ដោយសារតែបាតុកម្មតវ៉ាប្រឆាំងនឹងនាយករដ្ឋមន្ត្រីថៃ លោកស្រី Paetongtarn Shinawatra។ នេះបើតាមកាសែតថៃ The Nation៕ ផ្ដល់សិទ្ធិដោយ៖ Fresh News

(វៀងច​ន្ទន៍)៖ នាយករដ្ឋមន្ត្រីថៃ លោកស្រី Paetongtarn Shinawatra កំពុងប្រឈមមុខនឹងសម្ពាធពីសាធារណៈជនថៃ ដែលទាមទារឱ្យលោកស្រីលាលែងចេញពីតំណែង បន្ទាប់ពីការបែកធ្លាយកិច្ចសន្ទនាតាមទូរស័ព្ទ ជាមួយប្រធានព្រឹទ្ធសភាកម្ពុជា សម្តេចតេជោ ហ៊ុន សែន នៅថ្ងៃពុធ ទី១៨ ខែមិថុនា ដែលបានក្លាយជាប្រធានដ៏បទក្តៅគគុក និងកំពុងបង្កជាព្យុះភ្លៀងនយោបាយនៅក្នុងប្រទេសថៃ នៅចំពោះមុខការសង្ស័យចំពោះវិធីសាស្រ្តដោះស្រាយបញ្ហាវិវាទព្រំដែនថៃ-កម្ពុជារបស់លោកស្រី។ នេះបើតាមការចេញផ្សាយដោយសារព័ត៌មាន Laotian Times។ សំឡេងសន្ទនានេះ ដែលសម្តេចតេជោហ៊ុន សែន បញ្ជាក់ថាជាការពិត ត្រូវបានថតទុកអំឡុងកិច្ចសន្ទនាតាមទូរស័ព្ទរយៈពេល១៧នាទី កាលពីថ្ងៃទី១៥ ខែមិថុនា។ សម្ដេចតេជោ បានឲ្យដឹងថា ការថតសំឡេងនេះធ្វើឡើងដើម្បីតម្លាភាព»។ សំឡេងនៃកិច្ចសន្ទនានេះត្រូវបានផ្ញើទៅឲ្យក្រុមមន្ត្រីជាន់ខ្ពស់របស់កម្ពុជាប្រហែល៨០នាក់ មុននឹងបែកធ្លាយជាសាធារណៈ តាមរយៈការបង្ហោះនៅលើ Facebook Page របស់សម្តេចតេជោ នៅពីថ្ងៃទី១៨ ខែមិថុនា។ ក្នុងសន្ទនានោះ លោកស្រី Paetongtarn ហាក់បានបង្ហាញជំហរចង់ផ្ដល់សម្បទាន ជាមួយការសម្ដែងពីឆន្ទៈអនុវត្តតាមសំណើរបស់សម្ដេច ដើម្បីបន្ធូរបន្ថយភាពតានតឹង ពាក់ព័ន្ធនឹងការបិទច្រកព្រំដែនថៃ-កម្ពុជា។ លោកស្រីក៏បានរិះគន់មេបញ្ជាការភូមិភាគ២ ឧត្តមសេនីយ៍ លោក Boonsin Padklang ផងដែរ ដោយនិយាយថាមេបញ្ជាការរូបនេះជាក្រុមបក្សប្រឆាំង និងចង់ធ្វើឱ្យគេមើលឃើញថាខ្លួនឡូយ។ ប៉ុន្តែ ក្រោយផ្ទុះការរិះគន់នៅក្នុងចំណោមប្រជាជនថៃ […]

(បាងកក)៖ គណបក្ស Bhumjaithai នៅថ្ងៃពុធ ទី១៨ ខែមិថុនា បានប្រកាសពីការដើរចេញពីរដ្ឋាភិបាលចម្រុះដឹកនាំដោយគណបក្ស Pheu Thai ភ្ជាប់ជាមួយការអំពាវនាវឱ្យនាយករដ្ឋមន្ត្រី លោកស្រី Paetongtarn Shinawatra ទទួលខុសត្រូវលើកិច្ចសន្ទនាតាមទូរស័ព្ទជាមួយប្រធានព្រឹទ្ធសភាកម្ពុជា សម្ដេចតេជោ ហ៊ុន សែន ដែលបានបែកធ្លាយ។ នេះបើតាមការចេញផ្សាយដោយកាសែតថៃ The Nation។ នៅក្នុងសេចក្ដីថ្លែងការណ៍របស់ខ្លួន គណបក្ស Bhumjaithai បានលើកឡើងថាកិច្ចសន្ទនាតាមទូរស័ព្ទរវាងលោកស្រី Paetongtarn និងសម្ដេចតេជោ ហ៊ុន សែន បានបង្កផលប៉ះពាល់ដល់អធិបតេយ្យ បូរណភាពទឹកដីរបស់ថៃ និងយោធាថៃ។ សេចក្ដីថ្លែងការណ៍ដដែល បានឱ្យដឹងទៀតថា គណៈកម្មាធិការប្រតិបត្តិរបស់បក្សបានកោះប្រជុំជជែកពិភាក្សាពីបញ្ហា និងបានសម្រេចចិត្តដកខ្លួនចេញពីរដ្ឋាភិបាលចម្រុះ ដោយរដ្ឋមន្ត្រីរបស់ខ្លួនទាំងអស់ ៨នាក់បានដាក់លិខិតលាលែងចេញពីតំណែងជូននាយករដ្ឋមន្ត្រី ដែលនឹងចូលជាធរមាននៅថ្ងៃទី១៩ ខែមិថុនា ឆ្នាំ២០២៥។ គួរបញ្ជាក់ថា ភាពតានតឹងនៃទំនាក់ទំនងនយោបាយរវាងគណបក្ស Pheu Thai និង Bhumjaithai បានឡើងកម្ដៅដល់កំពូល ខណៈគណបក្សទាំង២ កំពុងតតាំងគ្នាដើម្បីគ្រប់គ្រង ក្រសួងមហាផ្ទៃ បន្ទាប់ពីអតីតនាយករដ្ឋមន្ត្រី លោក Thaksin Shinawatra បាននិយាយថាគណបក្ស […]

(បរទេស)៖ ទូរទស្សន៍​រដ្ឋ​អ៉ីរ៉ង់​ថ្មីៗនេះ បាន​ជំរុញ​ប្រជាពលរដ្ឋ​របស់​ខ្លួន​ឱ្យ​លុប​កម្មវិធី​ផ្ញើសារ WhatsApp ចេញពី​ឧបករណ៍​របស់​ពួកគេ ដោយ​អះអាង​ថា ​កម្មវិធី​នេះ​ប្រមូល​ព័ត៌មាន​អ្នកប្រើប្រាស់​ដើម្បី​ផ្ញើ​ទៅ​ឱ្យ​អ៉ីស្រាអែល ប៉ុន្តែការអះអាងនេះមិនមានផ្តល់ភស្តុតាងនោះទេ។ ការណែនាំ​នេះ​កើតឡើង​ចំ​ពេល​មាន​របាយការណ៍​អំពី​សកម្មភាព​សង្គ្រាម​បច្ចេកវិទ្យា​រវាង​អ៉ីរ៉ង់ និង​អ៉ីស្រាអែល​ដែល​កំពុង​កើនឡើង។ នេះបើយោងតាមការចេញផ្សាយរបស់​សារព័ត៌មាន AP នៅថ្ងៃទី១៨ ខែមិថុនា​ ឆ្នាំ២០២៥។ WhatsApp ដែល​ជា​កម្មសិទ្ធិ​របស់ Meta Platforms បាន​បដិសេធ​ការ​ចោទប្រកាន់​ទាំងនេះ ដោយ​បញ្ជាក់​ថា​ពួកគេ​មិន​តាមដាន​ទីតាំង​ជាក់លាក់​របស់​អ្នកប្រើប្រាស់ មិន​រក្សា​កំណត់ត្រា​អ្នក​ផ្ញើសារ​ទៅ​អ្នកណា​នោះទេ ហើយ​ក៏​មិន​តាមដាន​សារ​ផ្ទាល់ខ្លួន​ដែរ។ ក្រុមហ៊ុន​បាន​សង្កត់ធ្ងន់​លើ​ការ​ប្រើប្រាស់​ការ​អ៊ិនគ្រីប​ end-to-end encryption ដែលវា​ជាបច្ចេកវិទ្យាមួយ​ត្រូវ​បាន​បង្កើត​ឡើង​ដើម្បី​ការពារ​មិន​ឱ្យ​អាន​សារ​បាន​ឡើយ សូម្បីតែអ្នកផ្ដល់សេវាកម្មក៏មិនអាចចូលអានបានផងដែរ។ នេះ​មិនមែន​ជា​លើក​ទីមួយ​ទេ​ដែល​អ៉ីរ៉ង់​កំណត់​គោលដៅ​លើ WhatsApp។ កម្មវិធី​នេះ​ធ្លាប់​ត្រូវ​បាន​ហាមឃាត់​កាលពី​ឆ្នាំ ២០២២ ក្នុង​អំឡុង​ពេល​មាន​បាតុកម្ម​ទ្រង់ទ្រាយ​ធំ ហើយ​ការ​ហាមឃាត់​នោះ​ត្រូវ​បាន​ដកចេញ​នៅ​ចុងឆ្នាំ​២០២៤។ អ៉ីរ៉ង់​មាន​ប្រវត្តិ​នៃ​ការ​ទប់ស្កាត់​បណ្ដាញ​សង្គម​ផ្សេងៗ និង​រឹតត្បិត​ការ​ចូល​ប្រើប្រាស់​អ៉ីនធឺណិត ជាញឹកញាប់​ដើម្បី​ឆ្លើយតប​នឹង​បាតុកម្ម ឬ​ដើម្បី​គ្រប់គ្រង​លំហូរ​ព័ត៌មាន។ ប្រជាជន​អ៉ីរ៉ង់​ជាច្រើន​ពឹងផ្អែក​លើ​ប្រូកស៊ី និង VPN ដើម្បី​ឆ្លងកាត់​ការ​រឹតបន្តឹង​ទាំងនេះ។ ការ​អំពាវនាវ​ឱ្យ​លុប WhatsApp នៅពេលនេះ​ ហាក់​ដូចជា​ផ្នែក​មួយ​នៃ​កិច្ចខិតខំ​ប្រឹងប្រែង​ដ៏​ទូលំទូលាយ​របស់​អាជ្ញាធរ​អ៉ីរ៉ង់​ដើម្បី​គ្រប់គ្រង​វិសាលភាព​ឌីជីថល ជាពិសេស​ក្នុង​បរិបទ​នៃ​ភាព​តានតឹង​ដែល​កំពុង​កើនឡើង និង​ការ​ចោទប្រកាន់​ពី​ការ​វាយប្រហារ​តាម​ប្រព័ន្ធ​អ៉ីនធឺណិត។ អ៉ីរ៉ង់​ក៏​ត្រូវ​បាន​គេ​រាយការណ៍​ថា​កំពុង​រឹតត្បិត​ការ​ចូល​ប្រើប្រាស់​អ៉ីនធឺណិត​ ដោយ​អ្នក​តាមដាន​អ៉ីនធឺណិត​សកល​មួយចំនួន​បាន​កត់សម្គាល់​ពី​ការ​ធ្លាក់ចុះ​យ៉ាង​ខ្លាំង​នៃ​ចរាចរណ៍។ សកម្មភាព​ទាំងនេះ​ជាញឹកញាប់​ត្រូវ​បាន​រដ្ឋាភិបាល​អ៉ីរ៉ង់​បង្ហាញ​អំពី​ភាព​ត្រឹមត្រូវ​ថា ​ជា​វិធានការ​ដើម្បី​ទប់ទល់​នឹង​ការ​គំរាមកំហែង​ពី​ខាងក្រៅ និង​រក្សា​សន្តិសុខ​ជាតិ៕ ផ្ដល់សិទ្ធិដោយ៖ Fresh News

(ហ្ស៊េរុយសាឡិម)៖ ប្រធានាធិបតីអាមេរិក លោក ដូណាល់ ត្រាំ បានប្រាប់ឱ្យអ៉ីរ៉ង់សុំចុះចាញ់ដោយគ្មានលក្ខខណ្ឌ ជាមួយការព្រមានថាការអត់ធ្មត់របស់សហរដ្ឋអាមេរិក កំពុងថយចុះជាលំដាប់ ខណៈសង្រ្គាមផ្លូវអាកាសរវាងអ៉ីស្រាអែល និងអ៉ីរ៉ង់នៅតែបន្តពុះកញ្រ្ជោល។ នេះបើតាមការចេញផ្សាយដោយទីភ្នាក់ងារសារព័ត៌មាន​ Reuters។ ការអត្ថាធិប្បាយរបស់លោក ដូណាល់ ត្រាំ ធ្វើឡើងក្នុងការបង្ហោះមួយលើបណ្ដាញទំនាក់ទំនងសង្គមកាលពីថ្ងៃអង្គារ ទី១៧ ខែមិថុនា បានបង្កឱ្យមានការសង្ស័យថាអាមេរិក អាចនឹងចាត់វិធានការក្ដៅប្រឆាំងអ៉ីរ៉ង់ ស្របពេលលោក ត្រាំ កំពុងពិចារណាថាត្រូវចូលរួមដោយផ្ទាល់ក្នុងប្រតិបត្តិការយោធារបស់អ៉ីស្រាអែលដើម្បីកម្ទេចកម្មវិធីនុយក្លេអ៊ែរ របស់អ៉ីរ៉ង់ ឬក៏យ៉ាងណា។ លោក ត្រាំ បានគូសបញ្ជាក់ថា «យើងបានដឹងយ៉ាងច្បាស់ថាតើមេដឹកនាំកំពូលអ៉ីរ៉ង់កំពុងសម្ងំលាក់ខ្លួននៅទីណា ហើយបើយើងចង់សម្លាប់គាត់ ជារឿងងាយស្រួលបំផុត។ តែក្នុងពេលនេះ យើងនឹងមិនសម្លាប់គាត់នោះទេ។ ការអត់ធ្មត់របស់យើងកំពុងថយចុះ»។ ៣នាទីក្រោយការបង្ហោះសារនេះ លោក ត្រាំ បានបង្ហោះ សារមួយថ្មីទៀតដោយប្រាប់ឱ្យអ៉ីរ៉ង់ចុះចាញ់ដោយគ្មានលក្ខខណ្ឌ។ គួរបញ្ជាក់ថា លោក ត្រាំ កាលពីថ្ងៃចន្ទដើមសប្ដាហ៍កន្លងទៅនេះ បានព្យាករថាអ៉ីស្រាអែលនឹងមិនបន្ធូរដៃក្នុងការវាយប្រហារលើអ៉ីរ៉ង់នោះទេ។ ប៉ុន្តែ លោកក៏បានលើកឡើង ដែរថាលោកអាចនឹងបញ្ជូនបេសកជនអាមេរិកទទួលបន្ទុកកិច្ចការមជ្ឈិមបូព៌ា លោក Steve Witkoff ឬក៏អនុប្រធានាធិបតីអាមេរិក លោក JD Vance ទៅជួបក្រុមមន្ត្រីអ៉ីរ៉ង់។ ព្រមពេលជាមួយគ្នា មន្ត្រីអាមេរិក៣នាក់បានប្រាប់ […]

(​Kananaskis, កាណាដា)៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃចន្ទ ទី១៦ ខែមិថុនា បានជំរុញឱ្យអ្នករស់នៅក្នុងរដ្ឋធានីតេហេរ៉ង់ទាំងអស់ជម្លៀសខ្លួនចេញជាបន្ទាន់ ជាការគាំទ្រដល់ការព្រមានរបស់នាយករដ្ឋមន្ត្រីអ៉ីស្រាអែល លោក Benjamin Netanyahu ដែលបាន និងកំពុងបើកការវាយប្រហារទ្រង់ទ្រាយធំលើអ៉ីរ៉ង់។ នេះបើតាមការចេញផ្សាយ ដោយទីភ្នាក់ងារសារព័ត៌មាន AFP។ លោក ដូណាល់ ត្រាំ បានគូសបញ្ជាក់ក្នុងការបង្ហោះមួយលើបណ្ដាញទំនាក់ទំនងសង្គម Truth Social ដូច្នេះថា «មនុស្សទាំងអស់គួរតែចាកចេញជាបន្ទាន់ពីរដ្ឋធានីតេហេរ៉ង់។ អ៉ីរ៉ង់ មិនអាចមានអាវុធនុយក្លេអ៊ែរដាច់ខាត»។ លោក ត្រាំ មិនបានបញ្ជាក់អ្វីលម្អិតទេ ខណៈមានប្រជាជនជិត ១០លាននាក់កំពុងរស់នៅក្នុងរដ្ឋធានីតេហេរ៉ង់។ ការព្រមានរបស់លោក ត្រាំ ធ្វើឡើងក្រោយយោធាអ៉ីស្រាអែលបានព្រមានឱ្យប្រជាជនអ៉ីរ៉ង់នៅក្នុងតំបន់មួយក្បែរដ្ឋធានីតេហេរ៉ង់ ជម្លៀសខ្លួនចេញជាបន្ទាន់ មុននឹងអ៉ីស្រាអែលបើក ការវាយប្រហារតាមផ្លូវអាកាស។ លោក ត្រាំ បានបដិសេធម្ដងហើយម្ដងទៀតដោយមិននិយាយថាតើសហរដ្ឋអាមេរិកនឹងចូលរួមក្នុងសកម្មភាពយោធារបស់អ៉ីស្រាអែលប្រឆាំងនឹងអ៉ីរ៉ង់ ដែរឬក៏យ៉ាងណានោះទេ បើទោះជាលោកបញ្ជាក់ថាសហរដ្ឋអាមេរិកមិនបានចូលរួមក្នុងការវាយប្រហាររបស់អ៉ីស្រាអែលលើអ៉ីរ៉ង់កាលពីថ្ងៃសុក្រសប្ដាហ៍មុនឡើយ។ ការវាយប្រយុទ្ធគ្នារវាងអ៉ីស្រាអែល និងអ៉ីរ៉ង់បានឈានចូលដល់ថ្ងៃទី៥ ហើយមិនទាន់មានសញ្ញាពីភាពធូរស្រាលនៅឡើយទេ៕ ផ្ដល់សិទ្ធិដោយ៖ Fresh News

(វ៉ាស៊ីនតោន)៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានឱ្យដឹងថា កាលពីថ្ងៃសៅរ៍លោកបានសន្ទនាតាមទូរស័ព្ទជាមួយសមភាគីរុស្ស៊ី លោក វ្ល៉ាឌីមៀ ពូទីន ដើម្បីពិភាក្សាស្តីពីភាពតានតឹងនៅមជ្ឈិមបូព៌ា និងកិច្ចចរចាសន្តិភាពរុស្ស៊ី-អ៊ុយក្រែន ហើយមេដឹកនាំទាំងពីរបានឯកភាពគ្នាថា «សង្គ្រាមរវាងអ៊ីស្រាអែល និងអ៊ីរ៉ង់នេះ គួរតែបញ្ចប់»។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Xinhua នៅថ្ងៃអាទិត្យ ទី១៥ ខែមិថុនា ឆ្នាំ២០២៥។ លោក ត្រាំ បានសរសេរនៅលើបណ្តាញសង្គម Truth Social របស់លោកយ៉ាងដូច្នេះថា​​ «គាត់ (លោក ពូទីន) មានអារម្មណ៍ដូចខ្ញុំដែរថា សង្គ្រាមរវាងអ៊ីស្រាអែល និងអ៊ីរ៉ង់នេះ គួរតែបញ្ចប់» ដោយបន្ថែមថា លោក ពូទីន ស្គាល់អ៊ីរ៉ង់ «ច្បាស់ណាស់»។​ ប្រធានាធិបតីអាមេរិករូបនេះបានបន្តថា លោកក៏បានពន្យល់ប្រធានាធិបតីរុស្ស៊ីផងដែរថា ជម្លោះរុស្ស៊ី-អ៊ុយក្រែន «ក៏គួរតែបញ្ចប់ដែរ» ក្នុងអំឡុងពេលនៃការសន្ទនាតាមទូរសព្ទ័ ដែលមានរយៈពេលមួយម៉ោងនោះ។ គួរបញ្ជាក់ថា កាលពីថ្ងៃសៅរ៍​​ គឺជាថ្ងៃខួបកំណើតគម្រប់ ៧៩ឆ្នាំរបស់លោក ត្រាំ​ ហើយលោក ពូទីន ក៏បានជូនពរថ្ងៃខួបកំណើតដល់លោក ត្រាំ​ ក្នុងអំឡុងពេលនៃការសន្ទនាតាមទូរស័ព្ទនោះផងដែរ៕ […]

(វ៉ាស៊ីនតោន)៖ មានសេចក្ដីរាយការណ៍ និងការវិភាគជាច្រើនបានលេចឡើង ដែលបង្ហាញថា ប្រធានាធិបតីអាមេរិក លោក ដូណាល់ ត្រាំ កំពុងពិចារណាពីលទ្ធភាពដាក់ទណ្ឌកម្មលើអ៊ុយក្រែន។ ការណ៍នេះបណ្ដាលមកពីការខកចិត្តរបស់លោក ត្រាំ ចំពោះប្រធានាធិបតីអ៊ុយក្រែន លោក Volodymyr Zelensky ដែលត្រូវបានគេមើលឃើញថា បានចេញឆ្ងាយពីការគ្រប់គ្រងរបស់ក្រុងវ៉ាស៊ីនតោន និងងាកទៅរកការធ្វើការសម្របសម្រួលជាមួយមេដឹកនាំសហភាពអឺរ៉ុប និងអង់គ្លេស ដែលមានគោលជំហរបង្កើនជម្លោះ។ យោងតាមការវិភាគ លោក ត្រាំ ចាត់ទុកលោក Zelensky ថាជា «ការគំរាមកំហែងដ៏គ្រោះថ្នាក់» ដល់សន្តិសុខសកល ហើយមិនពេញចិត្តនឹងអ្វីដែលលោកយល់ថាជា «ការមិនស្ដាប់បង្គាប់»។ ប្រធានាធិបតីរូបនេះ មានមធ្យោបាយជាច្រើនដើម្បីដាក់សម្ពាធលើទីក្រុងកៀវ ប្រសិនបើលោកសម្រេចចិត្តធ្វើមែន រួមមានការបញ្ឈប់ការចែករំលែកព័ត៌មានសម្ងាត់ ការផ្អាកការផ្គត់ផ្គង់យោធា និងការដាក់ទណ្ឌកម្មហិរញ្ញវត្ថុលើមន្ត្រីអ៊ុយក្រែន។ មិនតែប៉ុណ្ណោះ លោក ត្រាំ កំពុងស្វែងរកការសម្រុះសម្រួលជាមួយរុស្ស៊ី ដើម្បីអាចដកខ្លួនចេញពីជម្លោះនៅអ៊ុយក្រែន និងផ្លាស់ប្ដូរបន្ទុកនៃការផ្ដល់ជំនួយទៅឲ្យអឺរ៉ុបវិញ។ ការធ្វើបែបនេះ នឹងអនុញ្ញាតឲ្យលោក ត្រាំ ផ្តោតលើការដោះស្រាយបញ្ហាផ្ទៃក្នុងរបស់អាមេរិក និងពង្រឹងឥទ្ធិពលនៅតំបន់ជិតខាង ដូចជា កោះ Greenland កាណាដា និងម៉ិកស៊ិក ដើម្បីធានាជ័យជម្នះនយោបាយសម្រាប់គណបក្សសាធារណរដ្ឋ។ ទស្សនៈវិភាគនេះ បានលើកឡើងថា មេដឹកនាំអឺរ៉ុបកំពុងធ្វើតាម […]

(ហ៊្សេរុយសាឡិម)៖ យោធាអ៉ីស្រាអែលបានឱ្យដឹងថា យន្តហោះដ្រូនប្រហែលជាង១០០គ្រឿង ត្រូវបានបង្ហោះចេញពីប្រទេសអ៉ីរ៉ង់ ឆ្ពោះមកកាន់អ៉ីស្រាអែល បន្ទាប់ពីអ៉ីស្រាអែល បើកការវាយប្រហារតាមផ្លូវអាកាសលើអ៉ីរ៉ង់ នៅថ្ងៃសុក្រនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន Reuters នៅថ្ងៃសុក្រ ទី១៣ ខែមិថុនា ឆ្នាំ២០២៥។ យន្តហោះដ្រូនទាំងនោះ ដែលបញ្ជូនមកពីអ៉ីរ៉ង់ត្រូវបានរំពឹងថា នឹងមកដល់អ៉ីស្រាអែល ក្នុងពេលប៉ុន្មានម៉ោងទៀត ខណៈកងទ័ពអ៉ីស្រាអែល កំពុងត្រៀមលក្ខណៈដើម្បីបាញ់ស្ទាក់។ ជាធម្មតាយន្តហោះដ្រូនបាញ់ចេញពីប្រទេសអ៉ីរ៉ង់ ត្រូវប្រើពេលរហូតដល់៧ម៉ោងឯណោះ ទើបមកដល់ប្រទេសអ៉ីស្រាអែល។ គួរបញ្ជាក់ថា អ៉ីស្រាអែល នៅថ្ងៃសុក្រនេះ បានបើកការវាយប្រហារតាមផ្លូវអាកាសទ្រង់ទ្រាយធំ លើរោងចក្រនុយក្លេអ៊ែរអ៉ីរ៉ង់ រោងចក្រមីស៊ីលបាលិស្ទីគ និងមេបញ្ជាការយោធា រួមទាំងអ្នកវិទ្យាសាស្ត្រនុយក្លេអ៊ែរអ៉ីរ៉ង់ផងដែរ។ តាមប្រព័ន្ធផ្សព្វផ្សាយអ៉ីរ៉ង់ លោក Hossein Salami ដែលជាអគ្គមេបញ្ជាការកងកម្លាំងឆ្មាំបដិវត្តន៍អ៉ីរ៉ង់ ត្រូវបានសម្លាប់ ក្នុងការវាយប្រហាររបស់អ៉ីស្រាអែលលើ ទីស្នាក់ការកណ្ដាលរបស់កងកម្លាំងឆ្មាំបដិវត្តន៍អ៉ីរ៉ង់ ក្នុងរដ្ឋធានីតេហេរ៉ង់ ខណៈជនស៊ីវិលជាច្រើននាក់ ក្នុងនោះរួមមានទាំងកុមារ ត្រូវបានសម្លាប់ក្នុងការវាយប្រហារលើតំបន់ទីប្រជុំមួយក្នុងរដ្ឋធានីតេហេរ៉ង់។ យ៉ាងណាមិញ មេដឹកនាំកំពូលអ៉ីរ៉ង់ លោក Ayatollah Ali Khamenei មានសុវត្ថិភាពធម្មតា ហើយបានគំរាមថា អ៉ីស្រាអែលនឹងត្រូវទទួលរងផលវិបាកធ្ងន់ធ្ងរ សម្រាប់ការវាយប្រហារលើអ៉ីរ៉ង់៕ ផ្ដល់សិទ្ធិដោយ៖ Fresh […]