(ភ្នំពេញ)៖ ក្រសួងការពារជាតិ បានឱ្យដឹងថា សកម្មភាពឈ្លានពានដោយប្រដាប់អាវុធរបស់ថៃ បានបង្កឱ្យមានការខូចខាតយ៉ាងធ្ងន់ធ្ងរ ដោយគិតត្រឹមថ្ងៃទី១០ ខែធ្នូ ឆ្នាំ២០២៥ មានជនស៊ីវិលបានបាត់បង់ជីវិតកើនឡើងរហូតដល់១០នាក់ ក្នុងនោះក៏មានទារក១នាក់ផងដែរ និងរងរបួសជនស្លូតត្រង់ចំនួន៦០ នាក់។ ពាក់ព័ន្ធនឹងបញ្ហានេះ កម្ពុជាបានអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភបំពានសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងសកម្មភាពឧក្រិដ្ឋកម្មសង្គ្រាមខុសច្បាប់របស់ថៃម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដោយដកកម្លាំងចេញពីដែនអធិបតេយ្យរបស់កម្ពុជា និងចៀសវាងសកម្មភាពឈ្លានពានដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនឹងនេះ កម្ពុជាអំពាវនាវឱ្យភាគីថៃ ងាកមកគោរពកិច្ចព្រមព្រៀមបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ៕ ផ្ដល់សិទ្ធិដោយ៖ Fresh News

(ភ្នំពេញ)៖ បន្ទាប់ពីទទួលរងការបាញ់បំផ្លាញយ៉ាងធ្ងន់ធ្ងរពីសំណាក់យោធាថៃ កាលពីថ្ងៃទី៩ ខែធ្នូ ឆ្នាំ២០២៥ ប្រាសាទតាក្របី ជាទីសក្ការៈរបស់កម្ពុជា បន្តទទួលរងការបាញ់កម្ទេចជាថ្មី បណ្តាលឱ្យរូបរាង និងរចនាសម្ព័ន្ធប្រាសាទត្រូវបានបំផ្លាញទាំងស្រុង នាថ្ងៃទី១០ ខែធ្នូ ឆ្នាំ២០២៥ ទោះជាក្រសួងវប្បធម៌ និងវិចិត្រសិល្បៈបានអំពាវនាវរួចហើយក៏ដោយ។

(ព្រំដែន)៖ នៅវេលាម៉ោងប្រមាណជិត ១១ព្រឹក ថ្ងៃទី១១ ខែធ្នូ ឆ្នាំ២០២៥នេះ កងកម្លាំងកម្ពុជា បានធ្វើការបាញ់តបត និងឈរជើងយ៉ាងរឹងមាំនៅសមរភូមិបឹងត្រកួន ក្រោយយោធាថៃព្យាយាមរុលចូលមកតាំងពីម្សិលមិញ។ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ៕ ផ្ដល់សិទ្ធិដោយ៖ Fresh News

(ព្រំដែន)៖ នៅវលេាម៉ោងប្រមាណ១០៖៣០នាទីព្រឹក ថ្ងៃទី១១ ខែធ្នូ ឆ្នាំ២០២៥នេះ យោធាថៃ បានបន្ដបាញ់កាំភ្លើងផ្លោងធន់ធ្ងន់ ចូលមកមូលដ្ឋានស្រុកសំៅលូន ខេត្តបាត់ដំបង។ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ៕ ផ្ដល់សិទ្ធិដោយ៖ Fresh News

(ព្រំដែន)៖ នៅវលេាម៉ោងប្រមាណ១០៖០៦នាទីព្រឹក ថ្ងៃទី១១ ខែធ្នូ ឆ្នាំ២០២៥នេះ យោធាថៃកំពុងប្រើប្រាស់ដ្រូនទម្លាក់គ្រាប់បែក និងកម្លាំងថ្នើរជើងបាញ់សង្គ្រប់នៅទិសអូរភ្លុកដំរី និងថ្មដា ខេត្តពោធិ៍សាត់ ប៉ុន្ដែកម្លាំងកងទ័ពរបស់កម្ពុជា បានធ្វើការតបតទៅវិញធ្វើឲ្យយោធាថៃដកថយ។ ប៉ុន្ដែថៃនៅបន្ដប្រើប្រាស់ដ្រូនដដែល ដើម្បីសង្គ្រប់លើមូលដ្ឋានកងទ័ពកម្ពុជា។ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ ដោយការធ្វើការតបតយ៉ាងចាស់ដៃផងដែរ៕ ផ្ដល់សិទ្ធិដោយ៖ Fresh News

(ព្រំដែន)៖ នៅវលេាម៉ោងប្រមាណ១០ព្រឹក ថ្ងៃទី១១ ខែធ្នូ ឆ្នាំ២០២៥នេះ យោធាថៃបន្ដប្រើប្រាស់ផ្សែងពុល នៅទល់មុខសមរភូមិប្រាសាទព្រះវិហារ និងប្រើប្រាស់កាំភ្លើងបាញ់ផ្លោងសម្រុកខ្លាំង នៅតំបន់អានសេះ និងតំបន់ជាំតែខ្លាំង។ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ ដោយការធ្វើការតបតយ៉ាងចាស់ដៃផងដែរ៕ ផ្ដល់សិទ្ធិដោយ៖ Fresh News

(វ៉ាទីកង់)៖ សម្តេចប៉ាប លីអូ ទី១៤ (Pope Leo XIV) នៅថ្ងៃពុធនេះ បានអំពាវនាវឱ្យបញ្ចប់អរិភាពជាបន្ទាន់ នៅតាមបណ្តោយព្រំដែនកម្ពុជា-ថៃ ជាទីដែលការប៉ះទង្គិចគ្នាថ្មីៗនេះ បានបណ្តាលឱ្យមានអ្នករងគ្រោះ រួមទាំងជនស៊ីវិល និងបង្ខំឱ្យមនុស្សរាប់ពាន់នាក់ភៀសខ្លួនចេញពីផ្ទះសម្បែង។ នេះបើតាមការចេញផ្សាយ ដោយសារព័ត៌មានវ៉ាទីកង់។ ថ្លែងទៅកាន់អ្នកស្មោះស្ម័គ្រនៅក្នុងសវនាការទូទៅ នៅថ្ងៃពុធនេះ សម្តេចប៉ាបបានសម្តែងនូវ «ទុក្ខសោកដ៏ក្រៀមក្រំ» ចំពោះសេចក្តីរាយការណ៍ពីតំបន់នោះ ដោយទ្រង់បានស្នើឱ្យភាគីទាំងពីរ «បញ្ឈប់ការបាញ់គ្នាជាបន្ទាន់ និងចាប់ផ្តើមការសន្ទនាឡើងវិញ»៕ ផ្ដល់សិទ្ធិដោយ៖ Fresh News

(ព្រំដែន)៖ នៅវេលាម៉ោង៩៖៥០នាទី ព្រឹកថ្ងៃទី១១ ខែធ្នូ ឆ្នាំ២០២៥នេះ កងកម្លាំងរបស់កម្ពុជា បានឆ្លើយតបទៅការឈ្លានពានរបស់យោធាថៃ ជាមួយ BM21 នៅសមរភូមិបឹងត្រកួន ទីដែលពួកយោធាថៃរុលសម្រុកចូលមក ចំគោលដៅល្អណាស់។ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ ដោយការធ្វើការតបតយ៉ាងចាស់ដៃផងដែរ៕ ផ្ដល់សិទ្ធិដោយ៖ ផ្ដល់សិទ្ធិដោយ៖ Fresh News

(យូនីស្កូ)៖ អង្គការ UNESCO បានបង្ហាញការព្រួយបារម្ភខ្លាំងជុំវិញការផ្ទុះឡើងជាថ្មីនូវភាពតានតឹងរវាងកម្ពុជា និងថៃ ក្នុងនោះរួមមានទាំងជម្លោះនៅក្បែរតំបន់ប្រាសាទព្រះវិហាររបស់កម្ពុជា ដែលជាសម្បត្តិ​បេតិកភណ្ឌ​ពិភពលោកមួយរបស់អង្គការ UNESCO។ UNESCO អំពាវនាវឱ្យមានការការពារជាបន្ទាន់សម្បត្តិវប្បធម៌ក្នុងតំបន់នៅគ្រប់ទម្រង់ទាំងអស់។ UNESCO សូមរំឮកដល់គ្រប់ភាគីទាំងអស់អំពីកាតព្វកិច្ចរបស់ពួកគេ និងការប្ដេជ្ញាចិត្តគោរពច្បាប់អន្តរជាតិ ជាពិសេសគឺអនុសញ្ញាទីក្រុងឡាអេឆ្នាំ១៩៥៤ ស្ដីពីការការពារសម្បត្តិវប្បធម៌ ក្នុងគ្រាមានជម្លោះផ្ទុះប្រដាប់អាវុធ និងអនុសញ្ញាឆ្នាំ១៩៧២ ពាក់ព័ន្ធនឹងការការពារវប្បធម៌បេតិភណ្ឌពិភពលោក និងធម្មជាតិ។ អង្គការ UNESCO នឹងបន្តតាមដានស្ថានភាពនៃតំបន់សម្បត្តិ​បេតិកភណ្ឌវប្បធម៌ នៅក្នុងតំបន់ ជាមួយការធានានូវកិច្ចគាំពារ របស់ខ្លួន។ ដូច្នេះ UNESCO បានជូនដំណឹងទៅដល់ភាគីពាក់ព័ន្ធទាំងអស់អំពីកូអរដោណេភូមិសាស្ត្រនៃទីតាំងដែលមានក្នុងបញ្ជីសម្បត្តិបេតិភណ្ឌពិភពលោក ព្រមទាំងទីតាំងសំខាន់ៗរបស់ជាតិ ក្នុងគោលបំណងបញ្ចៀសរាល់ការខូចខាត។ UNESCO ត្រៀមខ្លួនជាស្រេចដើម្បីផ្ដល់ជំនួយបច្ចេកទេសចាំបាច់នានា សំដៅធានាការការពារទ្រព្យសម្បត្តិវប្បធម៌ និងអនុវត្តរាល់វិធានការចាំបាច់នានាដើម្បីថែរក្សាការពារឱ្យបានឆាប់តាមដែលអាចធ្វើទៅបាន៕ ផ្ដល់សិទ្ធិដោយ៖

(ភ្នំពេញ)៖ ក្រសួងការពារជាតិ សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីយោធាថៃបានបើកការបាញ់ ប្រហារមកលើប្រជាពលរដ្ឋស៊ីវិលកម្ពុជា នៅក្នុងភូមិសាស្រ្តយោធភូមិភាគទី៥។ នៅថ្ងៃទី១០ ខែធ្នូ ឆ្នាំ២០២៥ វេលាម៉ោង ១៥:៤៥នាទី យោធាថៃផ្លោងគ្រាប់កាំភ្លើង១៥៥មម ចំនួន ២គ្រាប់ចូលបឋមសិក្សាខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ។ ក្រសួងការពារជាតិ បានចាត់ទុកសកម្មភាពដ៏កំរោលរបស់យោធាថៃនេះ ជាការបើកការបាញ់ប្រហារ ដោយមិនរើសគោលដៅបាញ់ចូលទីប្រជុំជនដែលមានប្រជាពលរដ្ឋស៊ីវិលរស់នៅ ពិសេសជាសាលារៀនរបស់កុមារ។ ក្រសួងការពារជាតិ នៃព្រះរាជាណាចក្រកម្ពុជា សូមប្រកាសថ្កោលទោសយ៉ាងដាច់អហង្ការចំពោះទង្វើ អមនុស្សធម៌ដ៏សាហាវឃោរឃៅនេះ ហើយនេះបង្ហាញយ៉ាងច្បាស់ការណ៍ដែលភាគីថៃបានរំលោភ បំពានលើបទឈប់បាញ់ និងសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា និងថៃ ដែលភាគី ទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខាដោយនាយករដ្ឋ