(ភ្នំពេញ)៖ អគ្គិសនីកម្ពុជា បានចេញសេចក្តីជូនដំណឹងថ្មីមួយ ដោយអំពាវនាវដល់ប្រជាពលរដ្ឋ ជួយសន្សំសំចៃការប្រើប្រាស់ថាមពលអគ្គិសនី ក្នុងនៅចុងរដូវប្រាំង ដែលមានអាកាសធាតុក្តៅហួតហែងខ្លាំង។ នេះបើតាមសេចក្តីជូនដំណឹងដែលបណ្តាញព័ត៌មាន Fresh News ទទួលបាននៅថ្ងៃទី៧ ខែមេសានេះ។ អគ្គិសនីកម្ពុជា បានឱ្យដឹងថា អាកាសធាតុក្នុងរដូវប្រាំង ឆ្នាំ២០២៤នេះ ស្ថិតក្នុងបាតុភូត អែលនីញ៉ូ (El Nino) ដែលចាប់ពីដើមខែមេសានេះ សីតុណ្ហភាពកើន កំដៅជាខ្លាំង បណ្តាលឱ្យការប្រើប្រាស់អគ្គិសនី ចេញពីប្រព័ន្ធផ្គត់ផ្គង់របស់អគ្គិសនីកម្ពុជា កើនឡើងប្រមាណជា ៣០% បើប្រៀបធៀបជាមួយឆ្នាំមុន។ ដើម្បីដោះស្រាយបំពេញបង្គ្រប់តម្រូវការ ប្រើប្រាស់ថាមពលអគ្គិសនី ដែលកើនឡើងយ៉ាងគំហុកនេះ អគ្គិសនីកម្ពុជា ចាំបាច់ត្រូវផលិតអគ្គិសនី ចេញពីរោងចក្រប្រើប្រេងឥន្ធនៈ ដែលចំណាយថ្លៃដើមខ្ពស់ខ្លាំង។ ដូច្នេះ ដើម្បីជួយចូលរួមសន្សំសំចៃ កាត់បន្ថយការចំណាយ លើការប្រើប្រាស់ថាមពលអគ្គិសនី ដែលមានថ្លៃខ្ពស់ក្នុងរយៈពេលខ្លីនេះ ទុកថវិកានេះសម្រាប់បម្រើអ្វី ដែលមានប្រយោជន៍វិញ នោះអគ្គិសនីកម្ពុជាស្នើសុំអ្នកប្រើប្រាស់អគ្គិសនី ទាំងអស់ជួយចូលរួមដូចខាងក្រោម៖ ១៖ ត្រួតពិនិត្យ និងថែទាំ សម្ភារបរិក្ខារអគ្គិសនីទាំងអស់ ឱ្យបានត្រូវតាមលក្ខណបច្ចេកទេស ក្នុងនោះចំពោះបរិក្ខារត្រជាក់ ត្រូវធ្វើការលាងសម្អាត និងត្រួតពិនិត្យប្រព័ន្ធហ្គាសជាដើម ២៖ បិទ/ផ្តាច់សម្ភារបរិក្ខារអគ្គិសនី ជាពិសេសបន្ថយការប្រើប្រាស់ម៉ាស៊ីនត្រជាក់ឱ្យអស់លទ្ធភាព […]

(ភ្នំពេញ)៖ យោងតាមរបាយការណ៍ហិរញ្ញវត្ថុ ប្រចាំឆ្នាំ២០២៣ របស់ធនាគារវឌ្ឍនៈអាស៉ី ចំកាត់ ហៅកាត់ថា ធនាគារ ABA ដែលបណ្តាញព័ត៌មាន Fresh News ទទួលបាននៅថ្ងៃទី៤ ខែមេសា ឆ្នាំ២០២៤នេះ បានបញ្ជាក់ឱ្យដឹងថា នៅឆ្នាំ២០២៣ ធនាគារដែលមានមូលដ្ឋាន មកពីប្រទេសកាណាដាមួយនេះ មានប្រាក់ចំណេញសុទ្ធ (បង់ពន្ធរួច) ចំនួន ២៧៦ ៤៨១ ៦៦៨ ដុល្លារអាមេរិក កើនឡើង ៥.៤ភាគរយ បើធៀបនឹងឆ្នាំ២០២២ ដែលប្រាក់ចំណេញសុទ្ធចំនួន ២៦២ ២៧៨ ២៣៧ ដុល្លារអាមេរិក។ នៅឆ្នាំ២០២៣ ធនាគារនេះបានបង់ពន្ធជូនរដ្ឋប្រមាណ ៧០លានដុល្លារអាមេរិក។ បើតាមរបាយការណ៍ នៅឆ្នាំ២០២៣ ប្រភពចំណូលរបស់ ABA រួមមាន៖ ចំណូលបានពីការប្រាក់ ចំនួន ៥០៦ ៥៣១ ៣៧៣ ដុល្លារអាមេរិក កើនឡើង៥.៦ភាគរយ បើធៀបរយៈពេលដូចគ្នាឆ្នាំ២០២២ មានចំនួន ៤៧៩ ២៥៧ ២០៦ដុល្លារអាមេរិក, ចំណូលពីកម្រៃជើងសារចំនួន ៤២ […]

(ប៉េកាំង)៖ នៅដើមខែមេសាជារៀងរាល់ឆ្នាំ ប្រទេសចិននឹងទទួលថ្ងៃបុណ្យដ៏សំខាន់មួយគឺបុណ្យ ឆេងម៉េង ។ ជាធម្មតា ថ្ងៃចំនៃបុណ្យ ឆេងម៉េង គឺនៅស្ថិតចន្លោះពីថ្ងៃទី ៤-៦ ខែមេសា ប៉ុន្តែភាគច្រើនគឺថ្ងៃទី ៥ ខែមេសា ។ បច្ចុប្បន្ន បុណ្យ ឆេងម៉េង ត្រូវបានជនជាតិចិនចាត់ទុកជា ថ្ងៃបុណ្យប្រពៃណីដ៏ធំបំផុតមួយក្នុងចំណោមថ្ងៃបុណ្យប្រពៃណីធំទាំង ៤ ដែលថ្ងៃបុណ្យ ៣ ផ្សេងទៀតរួមមាន បុណ្យចូលឆ្នាំថ្មីប្រពៃណីចិន , បុណ្យសែននំចាំង និងបុណ្យសែនព្រះខែ ។ និយាយពីថ្ងៃបុណ្យ ឆេងម៉េង ប្រជាពលរដ្ឋកម្ពុជាមួយចំនួនបានស្គាល់ច្បាស់តាមរយៈ ការរៀបចំសកម្មភាពក្នុងថ្ងៃបុណ្យរបស់ជនជាតិចិន និងជនជាតិខ្មែរជាប់សែស្រឡាយចិន ពោលគឺនៅក្នុងថ្ងៃបុណ្យ ឆេងម៉េង ជនជាតិចិននិងជនជាតិខ្មែរជាប់សែស្រឡាយចិន តែងមានរៀបចំពិធីសែនកុងម៉ានៅផ្ទះ និងធ្វើដំណើរទៅសែនផ្នូររបស់សាច់ញាតិ ដែលបានចែកឋានទៅ ដែលបង្ហាញពីការនឹករឭក និងការបួងសួង សូមឱ្យវិញ្ញាណក្ខន្ធអ្នកចែកឋានបានទៅកាន់ឋានបរមសុខ និងជួយថែរក្សាសាច់ញាតិ ដែលនៅរស់រានមានជីវិតឱ្យមាន សេចក្តីសុខសេចក្តីចម្រើន ។ ដើមឡើយ បុណ្យ ឆេងម៉េង គ្រាន់តែជាឈ្មោះនៃរដូវកាលមួយ ក្នុងចំណោមរដូវកាលទាំង ២៤ តាមចន្ទគតិចិនប៉ុណ្ណោះ ។ […]

(ភ្នំពេញ)៖ បន្ទាប់ពីទទួលជោគជ័យដ៏មហាសាលលើបេសកកម្មដឹកនាំជាតិ ពោរពេញ​ដោយក្តីលំបាកមិន​អាចគណនារយៈពេលជាង ៤០ឆ្នាំក្នុងឋានៈជានាយករដ្ឋមន្ត្រីរបស់កម្ពុជានោះ នៅពេលនេះសម្តេច​តេ​ជោ ហ៊ុន សែន បន្តតួនាទីភារកិច្ចថ្មីជាប្រធានព្រឹទ្ធសភា ដែលជាស្ថាប័នកំពូលមួយរបស់ជាតិ។ ក្នុងសម័យប្រជុំលើកដំបូងព្រឹទ្ធសភានីតិកាលទី៥ នាព្រឹកថ្ងៃពុធ ទី៣ ខែមេសា ឆ្នាំ២០២៤ មួយថ្ងៃ​មុន​ខួប៥៤ឆ្នាំ នៃការប្រែក្លាយជីវិតជាយុទ្ធជនប្រយុទ្ធដណ្តើមអំណាច ថ្វាយសម្តេច នរោត្តម សីហនុនោះ សម្តេចតេជោ ហ៊ុន សែន ទទួលបានការបោះឆ្នោតគាំទ្រពីសមាជិកព្រឹទ្ធសភា ៦២ លើ៦២ សំឡេង ឱ្យធ្វើជាប្រធានដឹកនាំព្រឹទ្ធសភា។ សម្តេចតេជោ ហ៊ុន សែន ក្នុងវ័យ៣២ឆ្នាំ ពោលកាលពី ៤០ឆ្នាំមុន បានឡើងកាន់តំណែងនាយករដ្ឋមន្ត្រី ទទួលបានការគាំទ្រដោយគ្មានការជំទាស់ពីសមាជិកសភា ហើយពេលនេះឡើងកាន់តំណែងប្រធានព្រឹទ្ធសភាដោយគ្មានសំឡេងជំទាស់នោះដែរ ទោះមានសមាជិកព្រឹទ្ធសភា៣រូបមកពីបក្សប្រឆាំងក្តី។ ការបោះឆ្នោតផ្តល់សេចក្តីទុកចិត្តជូន សម្តេចតេជោ ដើម្បីដឹកនាំស្ថាប័នកំពូលមួយនេះ គឺពិតជាបង្ហាញ យ៉ាងជាក់ច្បាស់នូវតួនាទីដ៏ឧត្តុង្គឧត្តមរបស់សមេ្តចតេជោ ដែលប្រជារាស្ត្រខ្មែរច្រើនលើសលប់គោរព ស្រឡាញ់ដ៏ជ្រាលជ្រៅ និងតែងតែមានជំនឿចិត្តយ៉ាងមុតមាំលើគតិបណ្ឌិត និងភាពវៃឆ្លាតរបស់ សម្តេច តេជោ ក្នុងការដឹកនាំប្រទេសជាតិ ក្នុងឋានៈជា នាយករដ្ឋមន្ត្រីនៃព្រះរាជាណាចក្រកម្ពុជា នាពេលកន្លងមក។ ប្រជាជាតិខ្មែរទាំងមូល ពិតជាមានមហាភ័ព្វវាសនាខ្ពស់ក្រៃលែង ដោយមានអគ្គមគ្គុទេ្ទសក៍ដ៏ឆ្នើម […]

(កណ្ដាល)៖ អ្នកនាំពាក្យ នៃស្នងការដ្ឋាននគរបាលខេត្តកណ្ដាល នៅថ្ងៃទី០៣ ខែមេសា ឆ្នាំ២០២៤នេះ បានចេញមកបំភ្លឺ និងច្រានចោលចំពោះការចោទប្រកាន់ថា សមត្ថកិច្ចនៃស្នងការដ្ឋាននគរបាលខេត្ត ចាប់ខ្លួនជនជាតិវៀតណាមម្នាក់ដាក់ពន្ធនាគារ ដោយផ្តើមពីរឿងដឹកឈើទាលស្អុយ១ដើម ស្រង់ពីបាតទន្លេ។ សេចក្ដីបំភ្លឺនោះ បានរៀបរាប់ថា នៅថ្ងៃទី៣១ ខែមីនា ឆ្នាំ២០២៤ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្តកណ្ដាល បានសហការជាមួយក្រុមការងារខណ្ឌរដ្ឋបាលព្រៃឈើខេត្តកណ្ដាល និងកម្លាំងអធិការដ្ឋាននគរបាលស្រុកមុខកំពូល ដើម្បីបន្តនីតិវិធីពាក់ព័ន្ធករណីទូកអូសឈើគ្មានច្បាប់អនុញ្ញាត កាលពីថ្ងៃទី២០ ខែមីនា ឆ្នាំ២០២៤ វេលាម៉ោង២៣៖៣០នាទី នៅចំណុចច្រាំងទឹកទន្លេមេគង្គជិត ស្ពានព្រែកតាមាក់ ភូមិកោះរកា ឃុំព្រែកអាញ្ចាញ ស្រុកមុខកំពូល ខេត្តកណ្ដាល ដែលមានជនសង្ស័យជាម្ចាស់ឈើឈ្មោះ ង៉ូ យ៊ាំងលុង ភេទប្រុស អាយុ៥៦ឆ្នាំ ជនជាតិវៀតណាម មានទីលំនៅភូមិស្ដៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្ដាល មុខរបរនេសាទត្រី។ ពេលនោះសមត្ថកិច្ចបានសម្រេចដកហូត ដើមឈើទាលងាប់ ០១ដើម ប្រវែង១៩,៧០ ម៉ែត្រ ទំហំអង្កត់ផ្ចិតចុង០.៩៨៧ម៉ែត្រ ទំហំអង្កត់ផ្ចិតគល់១.៩៧៤ម៉ែត្រ ដែលមានមាឌសរុប៣៣,៨៩០ម៉ែត្រត្រីគុណ ដោយបានធ្វើការស្រង់ចេញពីក្នុងទឹកទន្លេ និងអូសទាញមកលើគោក នៅជាប់ច្រាំងទន្លេមេគង្គ នៅក្បែកន្លែងកើតហេតុ។ បន្ទាប់មក […]

(សៀមរាប)៖ នៅវេលាម៉ោង៧៖២០នាទី រាត្រីថ្ងៃទី០២ ខែមេសា ឆ្នាំ២០២៤ មានករណីភ្លើងឆេះស្ថានីយប្រេងឥន្ធនៈ និងកន្លែងលក់គ្រឿងទេស និងភេសជ្ជៈ ស្ថិតនៅក្នុងភូមិចំបក់ហែ ឃុំពួក ស្រុកពួក ខេត្តសៀមរាប នៅចំណុចស្ថានីយប្រេងឥន្ធនៈ ឈ្មោះ ចិនខ្មៅ ដែលមានម្ចាស់ទីតាំងឈ្មោះ ឈិន ពណ្ណារាយ ភេទស្រី អាយុ៤៤ឆ្នាំ មុខរបរអាជីវករ និងប្ដីឈ្មោះ ជាល សុខ ភេទប្រុស អាយុ៤៤ឆ្នាំ បច្ចុប្បន្នទៅធ្វើការងារ នៅប្រទេសញូហ្សែឡែន។ ក្នុងហេតុការណ៍នេះ ក៏ឃើញមានវត្តមានរបស់លោក ប្រាក់ សោភ័ណ អភិបាលខេត្តសៀមរាប និងនាយករដ្ឋបាលសាលាខេត្ត និងស្នងការរងនគរបាលខេត្ត បានចុះពិនិត្យស្ថានការណ៍ករណីភ្លើងឆេះស្ថានីយប្រេងឥន្ធនៈ និងលក់គ្រឿងទេស និងភេសជ្ជៈនេះផងដែរ។ តាមការបញ្ជាក់របស់លោក ស៊ិន ចាន់ថុល អភិបាលស្រុកពួកបានឲ្យដឹងថា នៅមុនពេលកើតហេតុ មានរថយន្តដឹកប្រេងសាំង ០១គ្រឿង ចំណុះ៣២ពាន់លីត្រ មានប្រេងសាំងចំនួន ៨ពាន់លីត្រ ចូលមកដាក់ប្រេងនៅកន្លែងកើតហេតុខាងលើ។ លុះពេលបង្ហូរប្រេងចូលក្នុងស៊ីទែនកប់ក្នុងដីបានប្រហែល១៥នាទី ស្រាប់តែមានភ្លើងឆាបឆេះ ពេលនោះតៃកុងរថយន្តដឹកប្រេងសាំង បានឡើងបើករថយន្តចេញពីចំណុចកើតហេតុ ទៅទាំងភ្លើងកំពុងឆេះទុយោរបង្ហូរសាំងគ្រវីគ្រវាត់លើផ្លូវ ហើយបន្ទាប់មកភ្លើងដែលឆេះទុយោរបង្ហូរសាំងបានរលត់ទៅវិញ។ […]

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា ការរៀបចំកិច្ចប្រជុំមិនបាច់វែងក៏បានដែរ ប៉ុន្តែសំខាន់នោះ គឺការដាក់ចេញគោលដៅ និងអនុវត្តន៍អ្វីដែលទទួលបានពីកិច្ចប្រជុំនោះ ឱ្យបានចេញជាលទ្ធផលទើបជាការប្រសើរ។ សម្តេចធិបតីបញ្ជាក់ទៀតថា បើការប្រជុំរួចហើយ តែមិនយកយោបល់ ដែលបានពីកិច្ចប្រជុំនោះទៅអនុវត្តន៍ នោះកិច្ចប្រជុំស្មើនឹងគ្មានន័យ។ ការថ្លែងរបស់សម្តេចនាយករដ្ឋមន្ត្រី ធ្វើឡើងក្នុងឱកាសអញ្ជើញបិទសន្និបាតក្រសួងអប់រំ យុវជន និងកីឡា នារសៀលថ្ងៃទី២ ខែមេសា ឆ្នាំ២០២៤។ សម្តេចធិបតី ហ៊ុន ម៉ាណែត បានថ្លែងយ៉ាងដូច្នេះថា «ខ្ញុំប្រជុំ ឯកឧត្តម លោកជំទាវ ប្រហែលជាចូលរួមប្រជុំច្រើនហើយ ប្រជុំដែលបានផលប្រយោជន៍ គឺប្រជុំមិនបាច់វែងក៏បាន តែចេញមកមានគោលដៅដែលត្រូវធ្វើបន្ត នេះដែលចាំបាច់។ បើគ្រាន់តែប្រជុំដើម្បីប្រជុំលើកយោបល់ ហើយបូកសរុបចប់ តែធ្វើដដែល អ្វីដែលបានពីកិច្ចប្រជុំ អត់ធ្វើ វាអត់ជោគជ័យ»។ ជាមួយគ្នានេះ សម្តេចបានថ្លែងនូវការកោតសរសើរ និងលើកទឹកចិត្តដល់ក្រសួងអប់រំ ដែលបានប្រមូលធាតុចូលសំខាន់ៗ ពីថ្នាក់ក្រោម ដើម្បីយកមកអភិវឌ្ឍន៍វិស័យអប់រំ។ សម្តេចក៏បានបញ្ជាក់ថា ចំពោះបញ្ហាប្រឈមនានាក្នុងវិស័យអប់រំ រាជរដ្ឋាភិបាលនឹងបន្តបំពេញចំណុចខ្វះខាតទាំងនោះ ទាំងការខ្វះខាតគ្រូ ខ្វះហេដ្ឋារចនាសម្ព័ន្ធ ដូចជាសាលារៀនជាដើម។ សម្តេចសង្កត់ធ្ងន់ថា នៅពេលដែលការខ្វះខាតទាំងនោះ […]

(តូក្យូ)៖ គ្រោះរញ្ជួយដីកម្រិតធ្ងន់ធ្ងរមួយ ៧.៤រ៉ិចទ័រ បានវាយប្រហារលើតំបន់ឆ្នេរភាគខាងកើតកោះតៃវ៉ាន់ ព្រឹកថ្ងៃពុធ ទី៣ ខែមេសានេះ ដោយជំរុញឱ្យមានការប្រកាស អាសន្នពីរលកស៊ូណាមិសម្រាប់កោះភាគខាងត្បូងនៃប្រទេសជប៉ុន រួមទាំងហ្វីលីពីន និងការណែនាំឱ្យជម្លៀសប្រជាជន ទៅកាន់ទីទួលមានសុវត្ថិភាព។ នេះបើតាម ការចេញផ្សាយដោយទីភ្នាក់ងារសារព័ត៌មាន AFP។ តាមទីភ្នាក់ងារឧតុនិយមជប៉ុន រលកស៊ូណាមិមានកម្ពស់ ៣ម៉ែត្រ ត្រូវបានរំពឹងថាអាចនឹងកើតមានភ្លាមៗនៅឯកោះដាច់ស្រយាលមួយរបស់ជប៉ុន ស្ថិតនៅក្បែរកោះតៃវ៉ាន់ ក្នុងនោះរួមមានទាំងកោះ Miyakojima ផងដែរ។ ជាមួយគ្នានោះដែរ ទូរទស្សន៍ NHK បានផ្សាយសេចក្ដីណែនាំរបស់អាជ្ញាឱ្យប្រជាជនរស់នៅក្នុងតំបន់រងផលប៉ះពាល់ ជម្លៀសខ្លួន។ «រលកស៊ូណាមិជិតមកដល់ហើយ។ សូមជម្លៀសខ្លួនជាបន្ទាន់។ កុំឈប់ និងកុំត្រឡប់ក្រោយឱ្យសោះ»។ នេះជាការអានការណែនាំពីអ្នកព័ត៌មានម្នាក់នៅលើ ទូរទស្សន៍ NHK។ ចំណែក តៃវ៉ាន់ និងហ្វីលីពីន វិញក៏បានប្រកាសអាសន្នពីរលកយក្សស៊ូណាមិ និងការណែឱ្យប្រជាជនជម្លៀសខ្លួនទៅរកកន្លែងមានសុវត្ថិភាពផងដែរ ខណៈតៃវ៉ាន់អះអាងថា នេះជាគ្រោះរញ្ជួយដីកម្រិតធ្ងន់ធ្ងរបំផុតដែលបានវាយប្រហារលើដែនកោះរបស់ខ្លួន ក្នុងរយៈពេលជាង២៥ឆ្នាំមកនេះ។ ប៉ុន្តែភ្លាមៗមិនទាន់មានសេចក្ដីរាយការណ៍ពី ជនរងគ្រោះ ឬការខូចខាតនៅឡើយទេ។ គួរបញ្ជាក់ថា បើតាមវិទ្យាស្ថានភូមិវិទ្យាអាមេរិក USGS គ្រោះរញ្ជួយដីខាងលើមានកម្រិត ៧.៤រ៉ិចទ័រ និងមានចំណុចកណ្ដាលស្ថិតនៅចម្ងាយ១៨គីឡូម៉ែត្រពីទីក្រុង Hualien នៃភាគខាងត្បូងកោះតៃវ៉ាន់ ជាមួយជម្រៅរញ្ជួយ៣៤.៨គីឡូម៉ែត្រ។ […]

(ស្ទឹងត្រែង)៖ ដោយមើលឃើញពីបរិបថ នៃសង្គមបច្ចុប្បន្នដែលប្រជាពលរដ្ឋងាយប្រឈមទៅនឹងជំងឺទឹកនោមផ្អែម ជំងឺទឹកនោមប្រៃ និងជំងឺលើសឈាមជាដើមនោះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាមន្ដ្រីជំនាញសុខភាពសាធារណៈនោះ បានក្រើនរំលឹកដល់ប្រជាពលរដ្ឋកាត់បន្ថយការទទួលទានអាហារដែលមានសារជាតិប្រៃ ខ្លាញ់ និងស្ករ ហើយមិនត្រូវជក់បារីឡើយ។ ការលើកឡើងរបស់លោកស្រីវេជ្ជបណ្ឌិត ឱ វណ្ណឌីន ធ្វើឡើងនៅរសៀលថ្ងៃទី០១ ខែមេសា ឆ្នាំ២០២៤ ក្នុងឱកាសអញ្ជើញជួបសំណេះសំណាលជាមួយមន្ដ្រីរាជការ បុគ្គលិក នៃមន្ទីរសុខាភិបាលខេត្តស្ទឹងត្រែង ដើម្បីណែនាំ និងដាក់ចេញទិសដៅការងារមួយចំនួន សំដៅពង្រឹងប្រព័ន្ធសុខាភិបាលនៅតាមមូលដ្ឋាន ឲ្យកាន់តែមានគុណភាពខ្ពស់ និងជំនឿទុកចិត្តពីប្រជាពលរដ្ឋ។ លោកស្រី ឱ វណ្ណឌីន បានលើកឡើងនូវពាក្យស្លោកយ៉ាងដូច្នេះថា «តិចអំបិល តិចខ្លាញ់ តិចស្ករ ដែលអត្ថន័យនេះ គឺចង់ឲ្យប្រជាពលរដ្ឋកាត់បន្ថយរបបអាហារ ដូចជា ស្ករ អំបិល និងខ្លាញ់ពីច្រើនមកតិច ហើយហាមការជក់បារីជាដើម»។ មន្ដ្ដ្រីជាន់ខ្ពស់ក្រសួងសុខាភិបាលរូបនេះ ក៏បានក្រើនរំលឹកទៅដល់ប្រធានមណ្ឌលទាំង២០ ដែលកំពុងប្រតិបត្តិផ្ដល់សេវាជូនប្រជាពលរដ្ឋក្នុងមូលដ្ឋានទូទាំងខេត្តស្ទឹងត្រែង ដើម្បីគ្រប់គ្រងឲ្យបាននៅអត្តសញ្ញាណអ្នកជំងឺក្នុងមូលដ្ឋានរបស់ខ្លួននីមួយៗ និងត្រូវផ្សព្វផ្សាយចងក្រងជាក្រុម ដើម្បីងាយគ្រប់គ្រងអ្នកដែលមានជំងឺក្នុងមូលដ្ឋាននោះ ឲ្យពួកគាត់ទទួលបានសេវាព្យាបាលប្រកបដោយប្រសិទ្ធភាព និងទុកចិត្តបំផុត។ លោកស្រី ឱ វណ្ណឌីន បានដាស់តឿនទៅដល់ប្រធានមណ្ឌលទាំង២០ បន្តការយកចិត្តទុកដាក់បន្ថែមទៅលើការផ្ដល់សេវាជូនប្រជាពលរដ្ឋ […]

(ភ្នំពេញ)៖ លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានលើកឡើងថា កម្ពុជាស្អាត មិនមានសំណល់ប្លាស្ទិក គឺជាយុទ្ធសាស្រ្តបន្ថែមមួយទៀតអមជាមួយយុទ្ធនាការ កាត់បន្ថយការប្រើប្រាស់ថង់ប្លាស្ទិករបស់ក្រសួងបរិស្ថាន ដែលមានការគាំទ្រ និងចូលរួមប្តេជ្ញាចិត្ត កាត់បន្ថយការប្រើប្រាស់ ប្លាស្ទិកពីសំណាក់ប្រជាពលរដ្ឋ និងសិស្សានុសិស្សប្រមាណ ៧លាន៣ពាន់នាក់។ ការលើកឡើងបែបនេះរបស់លោករដ្ឋមន្រ្តី អ៊ាង សុផល្លែត បានធ្វើឡើងនៅក្នុងជំនួបសម្តែងការគួរសម និងពិភាក្សាការងារជាមួយលោក តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា ព្រមទាំងប្រតិភូអមចំនួន ១២រូបផ្សេងទៀត ដែលសុទ្ធតែជាអ្នកវិនិយោគមកពីប្រទេសជប៉ុននៅទីស្តីការក្រសួងបរិស្ថាន នាថ្ងៃទី០១ ខែមេសា ឆ្នាំ២០២៤។ លោកបណ្ឌិត អ៊ាង សុផល្លែត បានថ្លែងថា ការវិនិយោគបៃតង គឺជាការវិនិយោគដែលមានផលចំណេញទាំងសងខាង គឺភាគីអ្នកវិនិយោគជប៉ុននឹងទទួលបានប្រាក់ចំណេញក្នុងការវិនិយោគរបស់ខ្លួន ចំណែកកម្ពុជាវិញក៏ទទួលបានផលចំណេញដល់បរិស្ថាន តាមរយៈកែច្នៃសំភារៈប្រើប្រាស់ជំនួសថង់ប្លាស្ទិក ដោយផលិតផលធម្មជាតិដែលមានស្រាប់ក្នុងតំបន់ ហើយការកែច្នៃធនធានដែលមានស្រាប់ក្នុងតំបន់នេះ នឹងជួយលើកស្ទួយជីវភាពរបស់ប្រជាជនកម្ពុជាឱ្យទទួលបានប្រាក់ចំណូលបន្ថែម ក្រៅពីចូលព្រៃបាញ់សត្វ និងកាប់ឈើ។ ជាមួយគ្នានេះ ការវិនិយោគដែលជួយឱ្យប្រជាសហគមន៍មានភាពជាម្ចាស់ ឯករាជ្យក្នុងការរស់នៅ ដោយមិនពឹងផ្អែកតែលើរបរចូលព្រៃ ហើយបែរមកដាំដុះដំណាំហូបផ្លែរួមផ្សំបន្ថែម ការដាំស្តារព្រៃឈើ ថែរក្សាការពារសត្វព្រៃសម្រាប់ទេសចរទស្សនា និងផ្តល់សេវាកម្មទេសចរណ៍តាមរមណីយដ្ឋានសហគមន៍ទេសចរណ៍ គឺជាឥរិយាបថវិជ្ជមាន […]