(ភ្នំពេញ)៖ កម្មវិធីកម្សាន្ត ល្បែងរបាំប្រជាប្រិយ ទស្សនីយភាពចម្រុះ ពិព័រណ៍ទេពកោសល្យ និងស្នាដៃនិស្សិត បាននិងកំពុងប្រព្រឹត្តទៅយ៉ាងអធិកអធម នៅសាកលវិទ្យាល័យភូមិន្ទវិចិត្រសិល្បៈ ចាប់ពីថ្ងៃទី១ ដល់ថ្ងៃទី៣ ខែមេសា ឆ្នាំ២០២៤ ។ ពិព័រណ៍ទេពកោសល្យនិងស្នាដៃនិស្សិតនៃសាកលវិទ្យាល័យភូមិន្ទវិចិត្រសិល្បៈ ត្រូវបានប្រារព្ធបើកសម្ពោធក្រោមអធិបតីភាពលោកស្រីបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ព្រមទាំងថ្នាក់ដឹកនាំតំណាងអង្គភាពពាក់ព័ន្ធ សិស្ស និស្សិត និងមហាជនចូលរួមជាច្រើននាក់ ក្រោមប្រធានបទ «មរតកទាំង៥ ឆ្នាំ២០២៤»។ ព្រឹត្តិការណ៍នេះ ក៏ដើម្បីអបអរសាទរពិធីចូលឆ្នាំថ្មីប្រពៃណីជាតិខ្មែរ និងជាការបង្ហាញពីស្នាដៃរបស់និស្សិត ថ្នាក់ឆ្នាំសិក្សាមូលដ្ឋាននិងនិស្សិតទាំង៥ មហាវិទ្យាល័យនៃសាកលវិទ្យាល័យភូមិន្ទវិចិត្រសិល្បៈ ហើយក៏ដើម្បីឱ្យមហាជនទូទៅបានឃើញ នូវស្នាដៃទាក់ទងជាមួយនឹងសិល្បៈខ្មែរគ្រប់ទម្រង់ទាំងអស់។ នាឱកាសនេះ លោកស្រីបណ្ឌិតសភាចារ្យរដ្ឋមន្រ្តី ក៏បានផ្តល់កិត្តិយសជាអធិបតីក្នុងកម្មវិធីសម្តែងសិល្បៈទស្សនីយភាពចម្រុះ និងផ្តល់មតិសំណេះសំណាល ដោយថ្លែងកោតសរសើរនូវការខិតខំប្រឹងប្រែងរបស់ប្អូនៗនិស្សិតទាំង៥ មហាវិទ្យាល័យដែលសម្រេចបាននូវសមិទ្ធផលខាងលើនេះ ព្រមទាំងធ្វើការវាយតម្លៃខ្ពស់ចំពោះដំណើរការនៃការគ្រប់គ្រង បណ្តុះបណ្តាលរបស់ថ្នាក់ដឹកនាំគ្រប់ជាន់ថ្នាក់ និងលោក លោកស្រីសាស្ត្រាចារ្យទាំងអស់នៃសាកលវិទ្យាល័យភូមិន្ទវិចិត្រសិល្បៈ ដែលបានខិតខំប្រឹងប្រែងបំពេញតួនាទីរបស់ខ្លួនប្រកបដោយស្មារតីទទួលខុសត្រូវខ្ពស់នាពេលកន្លងមក។ ពាក់ព័ន្ធនឹងការបង្ហាញពីស្នាដៃរបស់និស្សិត ថ្នាក់ឆ្នាំសិក្សាមូលដ្ឋាននិងនិស្សិតទាំង ៥មហាវិទ្យាល័យនៃសាកលវិទ្យាល័យភូមិន្ទវិចិត្រសិល្បៈ គឺដើម្បីបង្ហាញឱ្យមហាជនទូទៅ ពិសេសប្រជាពលរដ្ឋខ្មែរបានឃើញនូវស្នាដៃទាក់ទងជាមួយនឹងសិល្បៈខ្មែរគ្រប់ទម្រង់ទាំងអស់ ហើយក៏ដើម្បីឱ្យមានការយល់ដឹងច្បាស់ពីសិល្បៈវប្បធម៌ខ្មែរ ក៏ដូចជាយល់ដឹងពីរបៀបនៃការដំឡើង របៀបនៃការធ្វើ របៀបនៃការរៀបចំរបស់យុវជន មានលំដាប់លំដោយបែបណាខ្លះ។ ព្រឹត្តិការណ៍នេះ […]

(ភ្នំពេញ)៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី០១ ខែមេសា ឆ្នាំ២០២៤នេះ ស្នងការដ្ឋាននគរបាលរាជធានីភ្នំពេញ បានធ្វើការព្រមានជាសាធារណៈ និងណែនាំឲ្យបញ្ឈប់ជាបន្ទាន់រាល់សកម្មភាពលេងប៉ាតម្សៅ គប់ទឹក និងបាញ់ទឹករបស់ក្មេងសិស្សសាលាបង្កភាពអនាធិបតេយ្យនៅតាមផ្លូវសាធារណៈ ដែលនាំឲ្យប៉ះពាល់សណ្តាប់ធ្នាប់ សុវត្ថិភាពសាធារណៈ និងនាំឲ្យរងការរិះគន់ពីប្រជាពលរដ្ឋ។ ដោយថ្មីនេះៗ សង្កេតឃើញថា នៅវិទ្យាល័យវិទ្យាល័យជា ស៊ីម សាមគ្គី ក្នុងខណ្ឌទួលគោក រាជធានីភ្នំពេញ កាលពីថ្ងៃទី៣០-៣១ ខែមីនា ឆ្នាំ២០២៤ បានរៀបចំសង្រ្កានឆ្នាំថ្មី ដែលមានសិស្សនៅវិទ្យាល័យ ជា ស៊ីម សាមគ្គី និងសិស្សតាមបណ្តាសាលាមួយចំនួនទៀត បានចូលរួមលេងសប្បាយរីករាយនៅក្នុងសាលា ហើយក៏នាំគ្នាមកលេងប៉ាតម្សៅ គប់ទឹក បាញ់ទឹក នៅក្រៅបរិវេណសាលា និងបានជិះម៉ូតូជាក្រុមៗ ចេញក្រៅបង្កភាព អនាធិបតេយ្យនៅតាមផ្លូវសាធារណៈ ដែលនាំឲ្យបង្កការរំខាន និងប៉ះពាល់អារម្មណ៍ប្រជាពលរដ្ឋធ្វើដំណើរ។ ស្នងការដ្ឋាននគរបាលរាជធានីភ្នំពេញ បានដាក់បទបញ្ជាឲ្យអធិការដ្ឋាននគរបាលខណ្ឌទាំង១៤ ត្រូវយកចិត្តទុកដាក់ពង្រឹងសន្តិសុខ រក្សាសណ្តាប់ធ្នាប់ តាមបណ្តាសាលារៀន និងនៅតាមផ្លូវសាធារណៈ ទប់ស្កាត់ និងនាំយកមកអប់រំ រាល់សកម្មភាពក្មេងសិស្សសាលាដែលជិះម៉ូតូឈូឈរជាក្រុមៗ បង្កភាពរញ៉េរញ៉ៃតាមផ្លូវសាធារណៈ និងពិនិត្យសកម្មភាពក្រុមក្មេងទាំងនោះ។ បើសិនជាធ្វើសកម្មភាពដែលប្រព្រឹត្តបទល្មើសខុសច្បាប់ […]

(ព្រះវិហារ)៖ បុរសម្នាក់ត្រូវរន្ទះបាញ់បណ្ដាលឲ្យស្លាប់ភ្លាមៗ ខណៈកំពុងឈរនៅក្រោមផ្ទះ ពេលមេឃកំពុងភ្លៀងលាយឡំដោយផ្គររន្ទះ ហេតុការណ៍នេះបានកើតនៅរសៀលថ្ងៃទី២៩ ខែមីនា ឆ្នាំ២០២៤ ស្ថិតក្នុងភូមិតាកឹង ឃុំថ្មី ស្រុកគូលែនខេត្តព្រះវិហារ។ លោកវរសេនីយ៍ឯក ឱ សេង អធិការនគរបាលស្រុកគូលែន ខេត្តព្រះវិហារ បានថ្លែងប្រាប់ឱ្យដឹងនៅព្រឹកថ្ងៃទី៣០ ខែមីនា ឆ្នាំ២០២៤នេះថា ជនរងគ្រោះដែលស្លាប់ដោយសាររន្ទះបាញ់មានឈ្មោះ លីហេង ប៉េងងន ភេទប្រុសអាយុ៤២ ឆ្នាំមុខរបរកសិករ រស់នៅភូមិតាកឹង(ថ្នល់បែក) ឃុំថ្មី ស្រុកគូលែន ខេត្តព្រះវិហារ។ លោកអធិការស្រុកគូលែនថ្លែងបញ្ជាក់ប្រាប់ទៀតថា យោងតាមការបំភ្លឺរបស់ស្តី្រឈ្មោះ សាន រ៉ន អាយុ៤៤ឆ្នាំ ត្រូវជាប្រពន្ធរបស់ជនរងគ្រោះបាននិយាយរៀបរាប់ឲ្យសមត្ថកិច្ចយើងដឹងថាមុនពេលកើតហេតុមេឃកំពុងភ្លៀង ហើយនិងលាយឡំដោយផ្គររន្ទះ ពេលនោះប្ដីរបស់គាត់កំពុងតែឈរនៅក្រោមផ្ទះ ពេលនោះក៏ឃើញមានផ្លេកបន្ទោល និងរន្ទះបាញ់ ហើយក៏ឃើញប្ដីរបស់គាត់ដួលផ្កាប់មុខទៅលើដីដែលកំពុងតែឈរនៅក្រោមផ្ទះបណ្ដាលឲ្យស្លាប់បាត់បង់ជីវិតតែម្ដង។ លោក ឱ សេង ថ្លែងបញ្ជាក់ទៀតថា ក្រោយទទួលបានព័ត៍មាននេះភ្លាម កម្លាំងជំនាញក៏ចុះទៅពិនិត្យដល់កន្លែងកើតហេតុបរិវេណជុំវិញក្រោមផ្ទះ ពុំមានឃើញអ្វីគួរឱ្យកត់សម្គាល់ទេ ដោយឃើញខ្សែរភ្លើងក្រោមផ្ទះដាច់ សង្ស័យថា រន្ទះបាញ់ឆ្លងតាមចរន្តអគ្គិសនី ចំណែកនៅលើដងខ្លួនសាកសព ពិនិត្យពុំឃើញមានស្លាកស្នាមអ្វីទេ។ ក្រោយពីពិនិត្យរួចសមត្ថកិច្ចបានប្រគល់សាកសពជូនក្រុមគ្រួសារ ដើម្បីចាត់ចែងធ្វើបុណ្យតាមប្រពៃណី៕ ផ្តល់សិទ្ធិដោយ៖ Fresh News

(ភ្នំពេញ)៖ អ្នកបើកបរយានយន្តលើផ្លូវល្បឿនលឿន ត្រូវបើកបរដោយរក្សាចន្លោះសុវត្ថិភាពពីយានយន្ត ដូចជា ទោចក្រយានយន្ត និងរថយន្តមានប្រវែងបណ្តោយមិនលើសពី ៦ម៉ែត្រ ចន្លោះសុវត្ថិភាព យ៉ាងតិច ២វិនាទី ល្បឿន ១០០គ.ម/ម៉ោង ចន្លោះសុវត្ថិភាព យ៉ាងតិច ៦០ម៉ែត្រ ល្បឿន ១២០គ.ម/ម៉ ចន្លោះសុវត្ថិភាព យ៉ាងតិច ៧២ម៉ែត្រ។ * រថយន្តមានប្រវែងបណ្តោយរថយន្ត លើសពី ៦ម៉ែត្រ ទៅ ៩ម៉ែត្រ ចន្លោះសុវត្ថិភាព យ៉ាងតិច ៣ វិនាទី ល្បឿន ១០០គ.ម/ម៉ ចន្លោះសុវត្ថិភាព យ៉ាងតិច ៩០ម៉ែត្រ * រងយន្តមានប្រវែងបណ្តោយរថយន្ត លើសពី ៩ម៉ែត្រ ទៅ ១២ម៉ែត្រ ចន្លោះសុវត្ថិភាព យ៉ាងតិច ៤ វិនាទី ល្បឿន ១០០គ.ម/ម៉ ចន្លោះសុវត្ថិភាព យ៉ាងតិច ១២០ម៉ែត្រ * រថយន្តសណ្តោងស៊ីមីរ៉ឺម៉ក ចន្លោះសុវត្ថិភាព យ៉ាងតិច ៥ […]

(បរទេស)៖ យោងតាមរបាយការណ៍ពី Bloomberg News បានរាយការណ៍មកថា iPad Pro ថ្មីរបស់ Apple នឹងចេញលក់នៅដើមខែឧសភាខាងមុខនេះ ខណៈគេសង្កេតឃើញថា ក្រុមហ៊ុនផ្គត់ផ្គង់ការផលិតរបស់ Apple នៅក្រៅប្រទេស កំពុងតែដុតដៃដុតជើង មមាញញឹកខ្លាំងក្នុងការបង្កើនល្បឿនផលិត iPad ថ្មីដែលមានគោលបំណងដាក់លក់ជាងមួយខែទៀតនេះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី២៩ ខែមីនា ឆ្នាំ២០២៤។ យោងតាមការបង្ហើបឱ្យដឹង ម៉ូដែល iPad Pro ជំនាន់ថ្មីនេះ នឹងបំពាក់ដោយបន្ទះឈីប M3 ជំនាន់ចុងក្រោយបំផុតរបស់ក្រុមហ៊ុន Apple ហើយនឹងចេញមកជាមួយនឹងកំណែ redesigned ថ្មីនៃក្តាចុច Magic និង Apple Pencil ផងដែរ។ លើសពីនេះ iPad Air ត្រូវបានគេរំពឹងថា នឹងទទួលបាន processor ថ្មី និងទំហំអេក្រង់រហូតដល់ទៅ ១២.៩អ៊ីញឯណោះ។ ការធ្វើបច្ចុប្បន្នភាពនេះ គឺជាការផ្លាស់ប្តូរដ៏សំខាន់ជាលើកដំបូងរបស់ក្រុមហ៊ុនបច្ចេកវិទ្យាយក្ស Apple ចំពោះត្រកូល iPad ចាប់តាំងពីចេញលក់ដំបូងក្នុងឆ្នាំ២០១៨ […]

(ភ្នំពេញ)៖ ឆ្លើយតបតាមសំណូមពររបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា, រាជរដ្ឋាភិបាលថៃ តាមរយៈប្រកាសរបស់ក្រសួងមហាផ្ទៃថៃ បានអនុញ្ញាតលើកលែងតម្លៃសេវាការអនុញ្ញាតចេញ-ចូល (Re-Entry Permit) សម្រាប់បងប្អូនពលករកម្ពុជាដែលធ្វើ ដំណើរចេញ-ចូលប្រទេសថៃ ចាប់ពីថ្ងៃទី១ ខែមេសា ដល់ថ្ងៃទី១៥ ខែឧសភា ឆ្នាំ២០២៤។ នេះបើតាមការប្រកាសរបស់ក្រសួងការងារ និងបណ្តុះបណ្តាលវិជ្ជាជីវៈ។ ការលើកលែងតម្លៃសេវានេះ គឺសម្រាប់ពលករកម្ពុជាដែលមានលិខិតឆ្លងដែន/លិខិតធ្វើដំណើរពលករ កម្ពុជាទៅធ្វើការនៅបរទេស (TD) និងមានទិដ្ឋាការការងារ (Non-Immigration L-A Visa) ដែលមានសុពលភាព ក្រោយថ្ងៃទី១៥ ខែឧសភា ឆ្នាំ២០២៤ រួមទាំងកូនមានអាយុក្រោម ១៨ឆ្នាំ ដែលទទួលបានការវាយត្រាប្រភេទ អ្នកក្នុងបន្ទុក និងអនុញ្ញាតឱ្យស្នាក់នៅក្នុងប្រទេសថៃមានសុពលភាពក្រោយថ្ងៃទី១៥ ខែឧសភា ឆ្នាំ២០២៤។ ដើម្បីឱ្យការធ្វើដំណើរចេញ-ចូលប្រទេសថៃដោយរលូន សូមបងប្អូនពលករកម្ពុជាអនុវត្តតាមចំណុចក្នុងសេចក្តីប្រកាសដូចខាងក្រោម៖ ផ្តល់សិទ្ធដោយ៖ Fresh News

(ភ្នំពេញ)៖ លោក កើត ឆែ អភិបាលរងរាជធានីភ្នំពេញ បានផ្តាំផ្ញើឲ្យមន្ត្រីរាជការទាំងអស់ ត្រូវយកចិត្តទុកដាក់ចូលរួមឲ្យបានពេញលេញ និងខិតខំត្រង់ត្រាប់ទទួលនូវចំណេះដឹង និងបទពិសោធន៍នានា ដើម្បីបំប៉នសមត្ថភាពឲ្យបានខ្លាំង ពិសេសគ្រប់គ្រងព័ត៌មានឲ្យបាន។ ការលើកឡើងនេះ ក្នុងឱកាសអញ្ជើញជាតំណាងលោក ឃួង ស្រេង អភិបាលរាជធានីភ្នំពេញ ក្នុងពិធីបើក «វគ្គបណ្តុះបណ្តាលស្តីពីប្រព័ន្ធផ្សព្វផ្សាយ និងការយល់ដឹងអំពីព័ត៌មាន» នៅថ្ងៃទី២ នាថ្ងៃទី២៩ ខែមីនា ឆ្នាំ២០២៤ នៅសាលារាជធានីភ្នំពេញ។ លោក កើត ឆែ បានលើកឡើងថា ថ្ងៃនេះជាថ្ងៃទី២ ដែលលោកបានចូលរួមជាអធិបតីក្នុងនាមលោក ឃួង ស្រេង​ ក្នុងពិធីបើក «វគ្គបណ្តុះបណ្តាលស្តីពីប្រព័ន្ធផ្សព្វផ្សាយ និងការយល់ដឹងអំពីព័ត៌មាន» ជាមួយលោកបណ្ឌិត ឆាយ សុផល រដ្ឋលេខាធិការក្រសួងព័ត៌មាន និងជាគ្រូឧទេ្ទស នៃវគ្គបណ្តុះបណ្តាល។ លោកបានលើកឡើងអំពីសារៈសំខាន់ នៃព័ត៌មាន នៅក្នុងជីវភាពរស់នៅប្រចាំថ្ងៃ, ប្រភេទ នៃព័ត៌មានផ្សេងៗ, និងការបែងចែករវាងព័ត៌មានពិត និងព័ត៌មានក្លែងក្លាយ។ នាឱកាសនេះ លោកក៏បានផ្តាំផ្ញើដល់អ្នកចូលរួមទាំងអស់ត្រូវយកចិត្តទុកដាក់ចូលរួមឲ្យបានពេញលេញ និងខិតខំត្រង់ត្រាប់ទទួលនូវចំណេះដឹង និងបទពិសោធន៍នានា តាមរយៈការធ្វើបទបង្ហាញរបស់លោកវាគ្មិន ហើយត្រូវចោទជាសំណួរដែលពាក់ព័ន្ធនឹងប្រធានបទ ក្នុងករណីដែលមានចម្ងល់ […]

(ភ្នំពេញ)៖ លោក ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានបង្ហាញអំពីភាពជោគជ័យ នៃយុទ្ធនាការដោះស្រាយការកកស្ទះសំណុំរឿងនៅក្នុងប្រព័ន្ធតុលាការ ដែលដាក់ចេញដោយក្រសួងយុត្តិធម៌ កាលពី៣ឆ្នាំមុន។ លោកបានអះអាងថា រហូតមកដល់ពេលនេះ សំណុំរឿងព្រហ្មទណ្ឌ ដែលកប់នៅតុលាការ ៤-៥ឆ្នាំ លែងមានតទៅទៀតហើយ។ អ្នកនាំពាក្យក្រសួងយុត្តិធម៌ បានបញ្ជាក់បែបនេះ នៅក្នុងសន្និសីទសារព័ត៌មាន នៅរសៀលថ្ងៃទី២៩ ខែមីនា ឆ្នាំ២០២៤ ស្តីអំពីលទ្ធផលនៃមហាសន្និបាតបូកសរុបលទ្ធផល ការងារវិស័យយុត្តិធម៌ទូទាំងប្រទេស ឆ្នាំ២០២៣ និងលើកទិសដៅអាទិភាព ឆ្នាំ២០២៤ រយៈពេល៣ថ្ងៃ។ លោក ជិន ម៉ាលីន បានបញ្ជាក់ដូច្នេះថា៖ «រឿងព្រហ្មទណ្ឌនេះ គឺយើងដោះស្រាយបានច្រើន កន្លងទៅយើងបានដាក់ចេញយុទ្ធនាការដោះស្រាយការកកស្ទះសំណុំរឿងព្រហ្មទណ្ឌកាលពីឆ្នាំ២០២០-២០២១កន្លងទៅ ហើយយើងទទួលបានជោគជ័យណាស់ គឺដោះស្រាយបានជាង៩៥ភាគរយ»។ លោកបានបន្តថា៖ អញ្ចឹងសំណុំរឿង៤-៥ឆ្នាំ ឬលើសពី៤-៥ឆ្នាំ គឺលែងមានទៀតហើយ ព្រោះយើងបានដាក់ចេញយុទ្ធនាការមួយប្រាវទៅគឺបានដោះស្រាយសំណុំរឿងដែលកកស្ទះ ប៉ុន្តែសំណុំរឿងរដ្ឋប្បវេណីអាចនឹងមានសល់ច្រើន»។ បើតាម​មន្រ្តីជាន់ខ្ពស់ក្រសួងយុត្តិធម៌រូបនេះ នៅក្នុងឆ្នាំ២០២៣កន្លងទៅ មានសំណុំរឿងរដ្ឋប្បវេណីចំនួន ៦១៨៥៦ សំណុំរឿង ក្នុងនោះមាន៦៨ភាគរយត្រូវបានដោះស្រាយរួចរាល់ ហើយសំណុំរឿងដែលសេសសល់ នឹងបន្តដោះស្រាយនៅឆ្នាំ២០២៤បន្តទៀត ខណៈដែលសំណុំរឿងព្រហ្មទណ្ឌ ក៏ត្រូវបានដោះស្រាយបានច្រើនផងដែរ៕ផ្តល់សិទ្ធិដោយ៖ Fresh News

(បាងកក)៖ នាយករដ្ឋមន្រ្តីថៃ លោក Srettha Thavisin បាននិយាយនៅថ្ងៃសុក្រនេះថា រដ្ឋាភិបាលថៃកំពុងពិចារណា លើសេចក្តីព្រាងច្បាប់ស្តីពីកាស៉ីណូ ហើយប្រសិនបើទទួលបានការអនុម័តពីសភា វានឹងអាចបង្កើតការងារថ្មីៗ ព្រមទាំងប្រាក់ចំណូលរដ្ឋបន្ថែម ហើយបើកផ្លូវសម្រាប់គម្រោងវិស័យកម្សាន្តដ៏ធំមួយ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃសុក្រ ទី២៩ ខែមីនា ឆ្នាំ ២០២៤។ កាស៉ីណូទាំងអស់ក្នុងប្រទេសថៃគឺមិនស្របច្បាប់នោះទេ និងមានតែល្បែងប្រណាំងសេះ ឆ្នោត គ្រប់គ្រងដោយរដ្ឋប៉ុណ្ណោះ ដែលត្រូវបានអនុញ្ញាត ទោះបីជាការលេងល្បែងស៉ីសងខុសច្បាប់ ដូចជាកាស៉ីណូក្រោមដី និងការភ្នាល់បាល់ទាត់ សម្បូរវត្តមានក៏ដោយ។ បើតាមសិក្សាមួយរបស់សភាថៃ ប្រទេសដែលមានសេដ្ឋកិច្ចធំលំដាប់ទី ២នៅអាស៉ីមួយនេះ កំពុងពិចារណាធ្វើឱ្យអាជីវកម្មកាស៉ីណូ ក្លាយជាមធ្យោបាយមួយផ្សេងទៀត ដើម្បីទាញការវិនិយោគ និងទេសចរណ៍។ លោក Srettha បានបង្ហោះសារនៅលើបណ្តាញសង្គម X ថា «យើងអាចគ្រប់គ្រងសេដ្ឋកិច្ចពណ៌ប្រផេះ និងប្រមូលពន្ធបាន។ យើងមិនចង់លើកកម្ពស់ការលេងល្បែងស៉ីសងទេ ប៉ុន្តែយើងនឹងគ្រប់គ្រងវាឱ្យបាន ហើយប្រើប្រាស់ការវិនិយោគទៅលើវា ដើម្បីបង្កើតការងារ»។ គួរបញ្ជាក់ថា មនុស្សជាច្រើនក្នុងឧស្សាហកម្មនេះ ជឿជាក់ថាទីផ្សារកាស៉ីណូស្របច្បាប់ក្នុងប្រទេសថៃ នឹងទទួលបានជោគជ័យធំធេង ក្នុងការទាក់ទាញភ្ញៀវទេសចរ ហើយអាចនឹងប្រកួតប្រជែងជាមួយទីក្រុងម៉ាកាវ ដែលជាមជ្ឈមណ្ឌលល្បែងស៉ីសងដ៏ធំបំផុត របស់ពិភពលោក៕ […]

(ភ្នំពេញ)៖ រយៈពេល ២ខែដើមឆ្នាំ២០២៤នេះ កម្ពុជានាំចេញផលិតផលមិនមែនវាយយនភណ្ឌមានទំហំ ២ ០៩០ លានដុល្លារ កើនឡើង២៣% ខណៈការនាំចេញផលិតផលវាយនភណ្ឌកាត់ដេរមានទំហំ ១ ៨៩៦ លានដុល្លារកើន២២.៣% បើធៀបនឹងរយៈពេលដូចគ្នា កាលពីឆ្នាំ២០២៣។ នេះបើយោងតាមរបាយការណ៍និន្នាការសេដ្ឋកិច្ច-សង្គមប្រចាំខែកុម្ភៈ​ ឆ្នាំ២០២៤ របស់ក្រសួងសេដ្ឋកិច្ច។ របាយការណ៍ដដែលបានបញ្ជាក់ថា ក្នុងរយៈពេល២ខែដើមឆ្នាំនេះ ការនាំចេញផលិតផលវាយនភណ្ឌកាត់ដេរមានទំហំ១ ៨៩៦ លានដុល្លារ កើន២២.៣%, ផលិតផលមិនមែនវាយយនភណ្ឌមានទំហំ ២ ០៩០ លានដុល្លារ កើនឡើង២៣% ក្នុងនោះការនាំចេញស្រូវមានទំហំ ៣៦៨លានដុល្លារកើនឡើង ៥៤%, គ្រឿងសង្ហារិម មានទំហំ ១១៤លានដុល្លារ កើនឡើង៥៣.៧%​ ខណៈដែលផលិតផលកសិកម្មមានទំហំ ៦៣៤លានដុល្លារ ធ្លាក់ចុះ១១.៩% និងសូឡា មានទំហំ១៩៣​លានដុល្លារ ធ្លាក់ចុះ៣៤.៧%។ តាមរបាយការណ៍នេះ​ ​​សម្រាប់ការនាំចេញទំនិញ (ដកមាស) ក្នុងខែកុម្ភៈ ឆ្នាំ២០២៤ នៅតែបន្តសម្រេចបានកំណើនល្អ បើធៀបនឹងកាលពីខែមករា។ ជាក់ស្តែងការនាំចេញក្នុងខែកុម្ភៈ ឆ្នាំ២០២៤ សម្រេចបាន២ ០១៨ លានដុល្លារ កើនឡើង២.៦%។ ក្រសួងសេដ្ឋកិច្ចបានបញ្ជាក់ថា […]