(ភ្នំពេញ)៖ អគ្គនាយកដ្ឋានគយ និងរដ្ឋាករកម្ពុជា នៅថ្ងៃទី៧ ខែកក្កដា ឆ្នាំ២០២៣ បានចេញសេចក្ដីប្រកាសព័ត៌មាន បញ្ជាក់ឱ្យដឹងថា អគ្គនាយកដ្ឋានគយ បាននិងកំពុងអនុវត្តយ៉ាងសកម្មនូវបទបញ្ជាលេខ ០១ បប ចុះថ្ងៃទី០៧ ខែមិថុនា ឆ្នាំ២០២២ របស់រាជរដ្ឋាភិបាល ស្តីពីវិធានការបង្កើនប្រសិទ្ធភាព ក្នុងការទប់ស្កាត់ និងបង្ក្រាបអំពើរត់គេចពន្ធ។ កិច្ចការនេះ មានសារសំខាន់សំដៅបង្កើនបរិយាកាស ឲ្យមានការប្រកួតប្រជែង ដោយស្មើភាពក្នុងអាជីវកម្ម ការកៀរគរចំណូលចូលថវិកាជាតិ និងការពារសង្គម (បង្ក្រាបការរត់ពន្ធគ្រឿងញៀននិងទំនិញខូចគុណភាព…) ជាដើម។ ជាក់ស្ដែង កាលពីដើមសប្តាហ៍ទី១នៃខែកក្កដា អង្គភាពគ្រប់គ្រងហានិភ័យ និងសវនកម្មគយ សហការជាមួយក្រុមអន្តរាគមន៍ពិសេសបានចុះប្រតិបត្តិការបង្ក្រាបទំនិញរត់គេចពន្ធនៅតាមគោលដៅមួយចំនួន ដោយបង្ក្រាបបានរថយន្តដឹកទំនិញគេចពន្ធចំនួន ១១ គ្រឿងដែលមានទម្ងន់សរុប ៦៩,៥២០.០០គីឡូក្រាម និងមានប្រាក់ពន្ធ និងអាករប៉ាន់ស្មាន រួមទាំងពិន័យបទល្មើស នឹងច្បាប់ស្តីពីតយ មានប្រមាណជាង៤០០ លានរៀល។ នាយប់ថ្ងៃទី០១ ខែកក្កដា ឆ្នាំ២០២៣ នៅភូមិសាស្ត្រស្រុកទ្រាំង ខេត្តតាកែវ ក្នុងកិច្ចប្រតិបត្តិ ការបង្ក្រាបនេះ មានឧបទ្ទវហេតុប្រឈមមួយ ដោយមានជនប្រដាប់អាវុធមួយក្រុមប្រើប្រាស់រថយន្តចំនួន៣ គ្រឿង មករារាំង និងបានផ្ទុះអាវុធចំនួន ៥ […]

(បរទេស)៖ តាមការចុះផ្សាយនៅលើគេហទំព័រផ្លូវការរបស់ Juinnes World Records បានឲ្យដឹងថា YouTuber ល្បីឈ្មោះរបស់អាមេរិក MrBeast បានបង្កើតប្រវត្តិសាស្ត្រថ្មីមួយសម្រាប់ខ្លួនឯង ដោយបានក្លាយជាមនុស្សដំបូងគេ ទទួលបាន Follower រហូតដល់១លាននាក់ នៅលើបណ្តាញសង្គមថ្មី Threads ខណៈលោក Mark Zuckerberg ដែលជាម្ចាស់បណ្តាញសង្គមមួយនេះ ឈរនៅលើលេខរៀងទី២។ បណ្តាញសង្គម Threads របស់លោក Mark Zuckerberg ត្រូវបានគេដឹងថា ជាកម្មវិធីមួយដែលបង្កើតឡើងឡើង ដើម្បីប្រកួតប្រជែងជាមួយបណ្តាញសង្គម Twitter របស់លោក Elon Musk។ ជាមួយគ្នានេះ ត្រឹមតែរយៈពេលប៉ុន្មានម៉ោងប៉ុណ្ណោះ ក្រោយការបង្កើតគណនី Threads គឺបានធ្វើឡើងលោក Jimmy Donaldson មានឈ្មោះក្រៅថា MrBeast ទទួលបានការចាប់អារម្មណ៍យ៉ាងខ្លាំង និងកើនចំនួនអ្នកតាមដានយ៉ាងលឿន រហូតធ្វើឲ្យគណនីរបស់លោកកើន Followers ដល់១លាននាក់ភ្លាមៗ និងធ្វើឲ្យលោកក្លាយជាមនុស្សដំបូងគេ ទទួលបាន Followers ១លាននាក់នៅលើ Threads។ គណនីរបស់លោកបានទៅដល់ចំណុច Followers ១លាននាក់នេះ […]

(បរទេស)៖ បន្ទាប់ពីលោក Mark Zuckerberg ដែលជានាយកប្រតិបត្តិក្រុមហ៊ុន Meta Platform ដាក់ដំណើរការកម្មវិធីថ្មីដែលមានឈ្មោះថា Threads នៅថ្ងៃទី០៦ សប្តាហ៍នេះ មានអ្នកចុះឈ្មោះប្រើប្រាស់ច្រើនជាង ៣០លានដងជុំវិញពិភពលោកក្នុងរយៈពេលត្រឹមតែ ១ថ្ងៃប៉ុណ្ណោះ។ ដែលការដាក់ដំណើរការថ្មីនេះត្រូវបានភាគីខាងក្រុមហ៊ុន Twitter លោក Elon Musk លើកឡើងថា បានប៉ះពាល់ដល់កម្មសិទ្ធបញ្ញារបស់ Twitter នឹងបានគំរាមប្តឹង Meta។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៧ ខែកក្កដា ឆ្នាំ២០២៣។ យោងតាមខ្លឹមសារចេញផ្សាយបានឱ្យដឹងថា Meta បានប្រកួតប្រជែងមិនស្របច្បាប់ដោយបានជួលអតីតបុគ្គលិក Twitter ដែលដឹងពីអាថ៌កំបាំងពាណិជ្ជកម្ម និងព័ត៌មានសម្ងាត់ជាច្រើនរបស់ Twitter យកទៅធ្វើការក្នុងក្រុមហ៊ុនរបស់ខ្លួន។ ក្នុងនោះមេធាវីរបស់ Musk លោក Alex Spiro បានសរសេរនៅក្នុងសំបុត្រថា «Twitter មានបំណងអនុវត្តយ៉ាងតឹងរឹងនូវកម្មសិទ្ធបញ្ញារបស់ខ្លូន ហើយទាមទារឱ្យ Meta ចាត់វិធានការជាបន្ទាន់ដើម្បីបញ្ឈប់ការប្រើប្រាស់អាថ៌កំបាំងពាណិជ្ជកម្ម Twitter ឬ ព័ត៌មានសម្ងាត់ផ្សេងទៀតដែលមាននៅក្នុងកម្មវិធី Threads»។ គួរជម្រាបដែរថា កាលថ្ងៃសៅរិ៍សប្តាហ៍មុន Elon […]

(ភ្នំពេញ)៖ ​កម្ពុជា និងអូស្រ្តាលី បានកំពុងធ្វើការរួមគ្នា ជំរុញ​ការបង្កើតសួនកសិ-ឧស្សាហកម្ម​នៅកម្ពុជាឱ្យបានឆាប់ ​ដើម្បីជំរុញការផលិត និងកែច្នៃផលិតផលកសិកម្មនៅកម្ពុជា​ សម្រាប់នាំចេញទៅកាន់ទីផ្សារអន្តរជាតិ។ ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានប្រាប់បណ្តាញព័ត៌មាន Fresh News នៅថ្ងៃទី៦ ខែកក្កដានេះថា បច្ចុប្បន្ននេះ សភាពាណិជ្ជកម្មកម្ពុជា បាននិងកំពុងធ្វើការរួមគ្នាជាមួយស្ថានទូតអូស្រ្តាលីប្រចាំកម្ពុជា តាមរយៈអង្គការកម្មវិធីខ្សែច្រវាក់តម្លៃកសិកម្មកម្ពុជា-អូស្រ្តាលី( CA​VAC) ជំរុញការ​បង្កើតសួនកសិ-ឧស្សាហកម្ម​នៅកម្ពុជាឱ្យបានឆាប់ជាច្រើន គោលដៅដែលអាចធ្វើទៅបាន។ លោកបានគូសបញ្ជាក់ថា គោលដៅដែលអាចនឹងជ្រើសរើសបង្កើត​សួនកសិ-ឧស្សាហកម្មនាពេល​​នេះ គឺនៅប៉ូលសេដ្ឋកិច្ចពិសេសទី ៤របស់កម្ពុជា គឺស្ថិតនៅភូមិភាគពាយព្យនៃប្រទេសកម្ពុជា។ លោកបានលើកឡើងបន្ថែមថា ​«សួនកសិ-ឧស្សាហកម្មនេះ គឺជាតម្រូវការរបស់ប្រទេសកម្ពុជា ដែលជាគោលដៅ នៃគោលនយោបាយរបស់កម្ពុជា ដែលបានដាក់ចេញ ដើម្បីបង្កើន​ឧស្សាហកម្មកែច្នៃសម្រាប់ផលិតផលកសិកម្មរបស់យើង នៅថ្ងៃអនាគតឱ្យបានកាន់តែច្រើន ជៀសវាងការនាំចេញនូវវត្ថុធាតុដើមទៅទាំងដុល ដោយយើងមិនបានតម្លៃបន្ថែម ក្នុងការកែច្នៃផលិតផលកសិកម្មរបស់យើង ដែលនេះគឺជាយុទ្ធសាស្រ្តសម្រាប់ប្រទេសកម្ពុជាយើង»។ លោក​បន្ថែមថា នៅថ្ងៃទី១០ ខែកក្កដាខាងមុខប្រេសិតពិសេសរបស់អូស្រ្តាលី ទទួលបន្ទុកផ្នែកអាស៊ីអាគ្នេយ៍ នឹងមកទស្សនកិច្ចនៅកម្ពុជា។ ​ក្នុងឱកាសនោះដែរអ្នកឧកញ៉ា គិត ម៉េង ប្រធានសភាពាណិជ្ជកម្ពុជា នឹងដឹកនាំប្រតិភូសភាពាណិជ្ជកម្ម ជួបពិភាក្សាការងារជាមួយលោក ដើម្បីជំរុញកិច្ចសហប្រតិបត្តិការទ្វេភាគីរវាងកម្ពុជា និងអូស្រ្តាលី លើវិស័យឧស្សាហកម្ម […]

(ភ្នំពេញ)៖ រាជរដ្ឋាភិបាលកម្ពុជា បានចំណាយថវិកាជិត ១លានដុល្លារ ដើម្បីទិញទឹកខ្មៅលុបមិនជ្រះ សម្រាប់បម្រើដល់ការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣។ ថ្លែងនៅថ្ងៃទី៦ ខែកក្កដា ឆ្នាំ២០២៣ ពេលគណៈកម្មាធិការជាតិរៀប​ចំការបោះឆ្នោត (គ.ជ.ប) រៀបចំពិធីបង្ហាញ និងសាកល្បងគុណភាពទឹកខ្មៅ ដែលប្រើសម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ លោក ប្រាជ្ញ ចន្ទ ប្រធាន គ.ជ.ប បានឲ្យដឹងថា កម្ពុជាបានទិញទឹកខ្មៅលុបមិនជ្រះពីប្រទេសឥណ្ឌាចំនួន ៥២,០០០ដប ខណៈ ១ដបមានតម្លៃ ១៧.៦៣ដុល្លារ។ បើតាមលោក លោក ប្រាជ្ញ ចន្ទ កម្ពុជាបានចំណាយ ៩១៦,៧៦០ដុល្លារ លើថ្លៃទឹកថ្នាំ និងចំណាយថវិកា ៤៦,៥៥០ដុល្លារ លើថ្លៃដឹក និងធានារ៉ាប់រង។ សូមបញ្ជាក់ថា ទឹកខ្មៅ គឺជានីតិវិធី និងជាយន្តការមួយក្នុងចំណោមនីតិវិធីជា​ច្រើនទៀតរបស់ គ.ជ.ប ដើម្បីធានាដល់ភាពត្រឹមត្រូវនៃការបោះឆ្នោត។ ជាពិសេសធានាថា ប្រជាពលរដ្ឋខ្មែរមួយរូប បោះឆ្នោតបានតែមួយដងប៉ុណ្ណោះ៕ ផ្តល់សិទ្ធិដោយ៖ Fresh News

(បរទេស)៖ ថ្មីៗនេះមានពាក្យចចាមអារ៉ាមចេញពីរោងចក្រ Foxconn ប្រទេសចិនមកថា ស្មាតហ្វូនជំនាន់ចុងក្រោយ iPhone 15 គ្រប់ម៉ូដែលទាំងអស់របស់ Apple ក្នុងឆ្នាំនេះនឹងត្រូវបានផ្លាស់ប្តូរសមត្ថភាពថ្មដែលមានកម្លាំងខ្លាំងជាងមុនរហូតជិតដល់ ៥,០០០មីលីអំពែម៉ោង (mAh) ឯណោះ។ នេះបើយោងតាមការចេញផ្សាយរបស់សារព័ត៌មាន GSMArena នៅថ្ងៃទី០៥ ខែកក្កដា ឆ្នាំ២០២៣។ ជារៀងរាល់ឆ្នាំមុនថ្ងៃព្រឹត្តិការណ៍ដាក់បង្ហាញស្មាតហ្វូនជំនាន់ថ្មីៗរបស់ Apple តែងតែទទួលបានពាក្យចចាមអារ៉ាមជាច្រើនទាក់ទងនឹងសមត្ថភាពថ្ម កាមេរ៉ា អេក្រង់ រូបរាង និងមុខងារផ្សេងទៀត។ ដោយឡែកយោងតាមពាក្យចចាមអារ៉ាមចុងក្រោយនេះដែលចេញពីក្រុមហ៊ុនផ្គត់ផ្គង់ iPhone ធំបំផុត Foxconn ទំនងក្លាយជាការពិតហើយ ដោយក្នុងនោះប្រភពគូសបញ្ជាក់ថា ម៉ូដែល iPhone 15ទាំង ៤ម៉ូដែលរួមមាន iPhone 15 ធម្មតា ទទួលបានថាមពលថ្មទំហំ ៣,៨៧៧ មីលីអំពែម៉ោង, iPhone 15 Plus ទទួលបានថាមពលថ្ម ៤,៩១២មីលីអំពែម៉ោង, iPhone 15 Pro ទទួលបានថាមពលថ្ម ៣,៦៥០មីលីអំពែម៉ោង និង iPhone 15 Pro […]

(ភ្នំពេញ)៖ ទន្ទឹមជាមួយការរីកចម្រើននៃបច្ចេកវិទ្យាឌីជីថល ក៏មានបុគ្គលមួយចំនួនប្រឈមនឹងការប្រើប្រាស់ ដោយខ្វះការ ប្រុងប្រយ័ត្ន រហូតបង្កជាឱកាសដល់ជនទុច្ចរិត ប្រើភាពចន្លោះប្រហោង ទៅជាការឆបោក គ្រប់រូបភាព ធ្វើឲ្យមាន ជនរងគ្រោះ ជាច្រើនត្រូវបានខាតបង់ប្រាក់កាស រហូតមានជនរងគ្រោះខ្លះ រងសម្ពាធផ្លូវចិត្តគិតខ្លីឈានទៅដល់ ការធ្វើអត្តឃាតក៏មាន។ កន្លងមកមានការឆបោកតាមរយៈហ្វេសប៊ុក ដោយជនទុច្ចរិត ប្រើរូបភាពស្រីស្អាតឬប្រុសសង្ហា បង្កើតជាគណនី ក្លែងបន្លំ បោកបញ្ឆោតលួងលោមស្នេហាជាមួយជនរងគ្រោះ រហូតឈានទៅដល់ការបោកប្រាស់ ប្រាក់កាសអស់ ជាច្រើន ហើយក៏មានករណីខ្លះទៀត ជនទុច្ចរិតបានប្រើគណនីហ្វេសប៊ុកក្លែងក្លាយ បន្លំជាអ្នកមាន ឬជាសប្បុរសជន ធ្វើជាមានចិត្តចង់ជួយជនរងគ្រោះ ដោយបញ្ឆោតថាបានផ្ញើ វត្ថុមានតម្លៃ ឬថវិកា ឲ្យមកជនរងគ្រោះ ចុងក្រោយបង្កើតឧបសគ្គផ្សេងៗ បញ្ឆោតឲ្យជនរងគ្រោះផ្ញើប្រាក់ត្រឡប់ទៅវិញដើម្បីដោះស្រាយបញ្ហា ក្លាយទៅជាការខាតបង់ម្តងហើយម្តងទៀត។ ហើយក៏មានករណីឆបោកតាមការតេទូរស័ព្ទ ដោយជនទុច្ចរិត បានប្រើវិធីសាស្ត្រ ចុចលេខទូរស័ព្ទសម្រាប់តេ តាមការចៃដន្យ បោកបញ្ឆោតជនរងគ្រោះថា ត្រូវរង្វាន់ឬត្រូវឆ្នោតផ្សងសំណាងខ្នាតធំ ហើយក៏បញ្ឆោតឲ្យជនរងគ្រោះ ផ្ទេរប្រាក់ខ្លះ ត្រឡប់ទៅវិញ ដើម្បីជាថ្លៃសេវាប្តូរយករង្វាន់ និងខ្លះទៀតក្លែងជាសាច់ញាតិជនរងគ្រោះ ហើយកុហក់ថាខ្លួនជួបគ្រោះថ្នាក់ចរាចរណ៍ ឬជួបឧបទ្ទហេតុផ្សេងៗ រួចក៏បញ្ឆោតបំភ័យឲ្យជនរងគ្រោះខ្វះការប្រុងប្រយ័ត្ន រហូតផ្ញើប្រាក់ជាច្រើន យកទៅដោះស្រាយបញ្ហាភ្លាមៗ ក៏ក្លាយជាការខាតបង់ប្រាក់កាស តាមល្បិចបោកបញ្ឆោតរបស់ជនល្មើស។ […]

(បរទេស)៖ ស្មាតហ្វូនចិនពីម៉ូដែល Xiaomi និង Realme បានកា្លយជាកំពូលស្មាតហ្វូនតាមរយៈការលក់ក្នុងប្រទេសរុស្ស៊ី ដែលបានគ្របដណ្តប់ទីផ្សារលើសពី ៧០ភាគរយគិតត្រឹមពាក់កណ្តាលឆ្នាំ២០២៣ នេះ បន្ទាប់ពីក្រុមហ៊ុន Samsung និង Apple បញ្ឈប់ការដាក់លក់នៅទីនោះដោយសារសង្គ្រាមនៅអ៊ុយក្រែន។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី០៥ ខែកក្កដា ឆ្នាំ២០២៣។ ប្រភពពីក្រុមហ៊ុនពាណិជ្ជកម្មសាធារណៈ M.Video-Eldorado ដែលជាអាជីវកម្មលក់រាយដ៏ធំបំផុត និងឈានមុខគេក្នុងប្រទេសរុស្ស៊ីបានរាយការណ៍មកថា ស្មាតហ្វូនរបស់ចិនបានគ្រប់គ្រងទីផ្សាររុស្ស៊ីក្នុងត្រីមាសទី២ ឆ្នាំ២០២៣ នេះលើសពី ៧០ភាគរយនៃការលក់ទាំងអស់ ពោលគឺកើនឡើងប្រហែល ៥៥កាលពីឆ្នាំមុន។ ខណៈដែលតម្រូវការសរុបសម្រាប់ស្មាតហ្វូននៅក្នុងប្រទេសរុស្ស៊ីគឺកើនឡើងខ្ទង់ ១៧ភាគរយ បើធៀបនឹងរយៈពេលដូចគ្នាកាលពីឆ្នាំមុនដែលមានផលិតផលសរុបជិត ១៣លានគ្រឿងដែលត្រូវបានលក់។ ចាប់តាំងពីសង្រ្គាមរវាងរុស្ស៊ី-អ៊ុយក្រែនមក ក្រុមហ៊ុនលោកខាងលិចភាគច្រើនត្រូវបានបញ្ឈប់ការលក់ក្នុងប្រទេសនេះ។ ហើយរុស្ស៊ីនិងចិនចាប់ផ្តើមបង្កើនភាពស្និទ្ធស្នាលកាន់តែខ្លាំងឡើងដោយក្នុងនោះទីក្រុងមូស្គូពឹងផ្អែកទៅលើទីក្រុងប៉េកាំងស្ទើតែទាំងស្រុងចាប់ពីគ្រឿងអេឡិចត្រូនិចតូចៗ រហូតដល់រថយន្ត។ M.Video បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារទី 4 ខែកក្កដាថា “ម៉ាកពីប្រទេសចិនជាប្រព័ន្ធបន្តពង្រឹងវត្តមានរបស់ពួកគេ” ដោយបន្ថែមថាម៉ូដែលស្មាតហ្វូននិងស្មាតហ្វូនដែលអាចបត់បានពីម៉ាកយីហោចិនកំពុងមើលឃើញតម្រូវការពិសេស។ យោងតាម M.Video បាននិយាយនៅក្នុងសេចក្តីថ្លែងការណ៍មួយនៅថ្ងៃអង្គារសប្តាហ៍នេះថា «ផលិតផលពីប្រទេសចិនជាប្រព័ន្ធបន្តពង្រឹងវត្តមានរបស់ពួកគេ» ចំណែកឯម៉ូដែលស្មាតហ្វូនដែលអាចបត់បានពីម៉ាកយីហោចិនកំពុងទទួលបានការគាំទ្រខ្លាំងក្នុងប្រទេសរុស្ស៊ី៕ ផ្តល់សិទ្ធិដោយ៖ Fresh News

(ភ្នំពេញ)៖ ក្រុមបាល់ទាត់ភ្នំពេញក្រោន នឹងបន្ដការប្រកួតលក្ខណៈមិត្តភាព Pre-Season នៅប្រទេសថៃ ដោយនឹងត្រូវជួបក្រុមខ្លាំងៗចំនួន ៤ប្រកួត ដែលនឹងចាប់ផ្ដើមការប្រកួតនៅថ្ងៃទី០៥ ខែកក្កដា ឆ្នាំ២០២៣ នេះ ដើម្បីត្រៀមរដូវកាលថ្មី នៃពានរង្វាន់ Cambodian Premier League 2023/24 ផង និងវគ្គជម្រុះពានរង្វាន់ក្លិបបាល់ទាត់ទ្វីបអាស៊ី AFC Cup 2023 ផង ។ ក្នុងចំណោម ៤ប្រកួតរបស់ក្រុមជើងឯកលីគកំពូលកម្ពុជាខាងលើ រួមមានថ្ងៃពុធនេះ ក្រុមសិង្ហក្រហម ត្រូវជួបក្រុមលីគទី២ របស់ថៃ គឺក្រុម Suphanburi មុនបន្ដជួបក្រុមលីគកំពូលថៃ Port FC និងក្រុមមកពីហុងកុង Hong Kong Ranger ដែលជាបេក្ខភាពត្រូវលេងវគ្គជម្រុះពានរង្វាន់ក្លិបបាល់ទាត់កំពូលអាស៊ី AFC Champions League ដូចគ្នា នាថ្ងៃទី០៧ និងថ្ងៃទី១០ ខែកក្កដាខាងមុខ ។ រីឯ ១ក្រុមទៀត គឺភ្នំពេញក្រោន ត្រូវជួបក្រុមលីគកំពូលថៃ Ratchaburi នាថ្ងៃទី១៣ ខែកក្កដា […]

(ភ្នំពេញ)៖ ក្រសួងធនធានទឹក និងឧតុនិយម នៅព្រឹកថ្ងៃទី៥ ខែកក្កដា ឆ្នាំ២០២៣នេះ បានចេញព្រឹត្តបត្រព័ត៌មាន និងព្យាករណ៍កម្ពស់ទឹក នៅតាមបណ្តាស្ថានីយជលសាស្ត្រទាំង៨។ ស្ថានីយទំាង៨រួមមាន៖ ទី១៖ ទន្លេមេគង្គ-ស្ទឹងត្រែង ទី២៖ ទន្លេមេគង្គ-ក្រចេះ ទី៣៖ ទន្លេមេគង្គ-កំពង់ចាម ទី៤៖ ទន្លេបាសាក់-ចតុមុខ ទី៥៖ ទន្លេមេគង្គ-អ្នកលឿង ទី៦៖ ទន្លេបាសាក់-កោះខែល ទី៧៖ ទន្លេសាប-ព្រែកក្តាម និងទី៨៖ ទន្លេសាប-កំពង់ហ្លូង សូមអានព្រឹត្តបត្រព័ត៌មាន និងព្យាករណ៍កម្ពស់ទឹកជំនន់ របស់ក្រសួងធនធានទឹក ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រ ដូចខាងក្រោម៖ ផ្តល់សិទ្ធិដោយ៖ Fresh News