(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គ.ជ.ប) បានដឹកជញ្ជូនសម្ភារ ឯកសារសំខាន់ៗ ដូចជាបញ្ជីបោះឆ្នោត សន្លឹកឆ្នោត ត្រាសម្ងាត់ និងទឹកខ្មៅលុបមិនជ្រះ និងសម្ភារមួយចំនួនទៀត ពីឃ្លាំង គ.ជ.ប ដើម្បីទៅប្រគល់ជូនតាមគណៈកម្មការរាជធានី ខេត្តរៀបចំការបោះឆ្នោត ទាំង២៥ សម្រាប់បម្រើឱ្យការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ នាព្រឹកថ្ងៃទី១៨ ខែកក្កដា ឆ្នាំ២០២៣។ សូមជម្រាបថា ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ នឹងធ្វើឡើងនៅថ្ងៃអាទិត្យទី២៣ ខែកក្កដា ខាងមុខនេះ។ ការបោះឆ្នោតជ្រើសតាំងតំណាងរាស្ត្រនីតិកាលទី៧ មានគណបក្សនយោបាយចំនួន១៨ បានចុះឈ្មោះចូលរួមប្រកួតប្រជែង៕ ផ្តល់សិទ្ធិដោយ៖ Fresh News

(សៀមរាប)៖ រដ្ឋបាលស្រុកក្រឡាញ់ ខេត្តសៀមរាប នៅថ្ងៃទី១៧ ខែកក្កដា ឆ្នាំ២០២៣ បានចេញសេចក្តីជូនដំណឹងមួយ ដោយស្នើដល់អ្នកឆ្លងកាត់ស្រុកនេះ ចូលរួមគោរពទង់ជាតិ រៀងរាល់ព្រឹកថ្ងៃចន្ទ និងថ្ងៃសុក្រ។ នេះបើតាមសេចក្តីជូនដំណឹង ដែលបណ្តាញ Fresh News ទទួលបាន។ សេចក្តីជូនដំណឹង បានឲ្យដឹងថា ដើម្បីចូលរួមថែរក្សា លើកកម្ពស់អត្តសញ្ញាណជាតិ និងដាស់អារម្មណ៍ ស្មារតីដល់សាធារណជន រដ្ឋបាលស្រុកក្រឡាញ់​ នឹងរៀបចំការចាក់ផ្សាយចម្រៀងជាតិ ចាក់បទនគររាជផ្សាយចេញពីវិទ្យុ តាមរយៈឧឃោសនសព្ទ (មេក្រូ) ចាប់ពីថ្ងៃទី២៤ ខែកក្កដា ឆ្នាំ២០២៣ រៀងរាល់ថ្ងៃចន្ទ និង ថ្ងៃសុក្រ វេលាម៉ោង ០៧៖០០ នាទីព្រឹក ចាប់ពីមុខអាគារ សាលាស្រុក រហូតដល់ផ្លូវបំបែករង្វង់មូលគ្រុឌថ្លែងសរ។ រដ្ឋបាលស្រុកក្រឡាញ់ បានស្នើដល់ភ្ញៀវទេសចរជាតិ-អន្តរជាតិ ដែលធ្វើដំណើរឆ្លងកាត់ទីរួមស្រុកក្រឡាញ់ និង ប្រធានអង្គភាពរដ្ឋ មន្ត្រីរាជការ លោកគ្រូ អ្នកគ្រូ សិស្សានុសិស្ស ប្រធានគ្រប់គ្រងវិស័យ ឯកជន អាជីវករ និងប្រជាពលរដ្ឋទាំងអស់ក្នុងស្រុកក្រឡាញ់ទាំងអស់ ដែលបានលឺសំលេង ការចាក់ផ្សាយនូវចម្រៀងជាតិ សូមមេត្តាឈប់ការធ្វើដំណើរ […]

(ភ្នំពេញ)៖ ក្រុមហ៊ុនផ្នែកកសិកម្មមួយរបស់សិង្ហបុរី ដែលកំពុងវិនិយោគដាំដុះ​ដំឡូង​មី និងកែច្នៃជាម្សៅសម្រាប់នាំចេញទៅក្រៅប្រទេស ប្រកាសស្វែងរកអ្នក​ចូល​រួមដាំដំឡូងមីនៅលើដីរបស់ខ្លួនស្ថិតនៅក្នុងស្រុកឱរ៉ាល់ ខេត្តកំពង់ស្ពឺ ដើម្បី​​បង្កើតផលិតកម្មម្សៅមី បំពេញតម្រូវការទីផ្សាររបស់ខ្លួនដែលកំពុងមាន​កំណើន​​ខ្ពស់។ ក្រុមហ៊ុន «HLH Agriculture» ដែលជាក្រុមហ៊ុនវិនិយោគផ្នែកកសិកម្ម ដោយ​ជនជាតិសិង្ហបុរី ទទួលបានសិទ្ធិវិនិយោគលើដីសម្បទានសេដ្ឋកិច្ចជិត ១ម៉ឺន​ហិក​​​​តា ពីរាជរដ្ឋា​ភិ​បាលនៅឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ កាល​ពី​ឆ្នាំ​២០​០៨។ ក្រុមហ៊ុន បានវិនិយោគដាំដុះដំឡើងមី និងកែច្នៃជា​ម្សៅ​សម្រាប់នាំ​ចេញទៅទីផ្សារក្រៅប្រទេស និងផ្គត់ផ្គង់ក្នុងស្រុកផងដែរ។ កញ្ញា ឡុង តៃហ្វា អ្នកគ្រប់គ្រងផ្នែកដាំដុះ នៃក្រុមហ៊ុន HLH បានឱ្យដឹងថា ម្សៅ​​ដំឡូងមីរបស់ក្រុមហ៊ុនកំពុងមានទីផ្សារខ្ពស់បន្ទាប់ពីបានធ្វើអាជីវកម្មក្នុង​រយៈពេលប៉ុន្មានឆ្នាំមកនេះ។ បើតាម តៃហ្វា ទោះបីពិភពលោកជួបវិបត្តិនៃជំងឺ​កូវីដ១៩ ឬបញ្ហាសកលដទៃទៀត តែការបញ្ជាទិញម្សៅដំឡូងមី មិនមានធ្លាក់​ចុះនោះទេ ហើយមានការកើនឡើងថែមទៀតផង។ កញ្ញា ឡុង តៃហ្វា បានឱ្យដឹងថា បច្ចុប្បន្ននេះក្រុមហ៊ុនបានផ្គត់ផ្គង់ម្សៅ​ដំឡូង​មី​ទៅកាន់ប្រទេសហូឡង់ អាមេរិក កូរ៉េ និងជប៉ុនជាដើម ក្នុងបរិមាណ​ប្រមា​ណ ៣ពាន់ ទៅ៥ពាន់តោនក្នុងមួយខែ។ ក្រៅតែពីការផ្គត់ផ្គង់ជាម្សៅដំឡូងមីហើយនោះ ក្រុមហ៊ុន HLH ក៏មានការផ្គង់​ផ្គង់ដំឡូងក្រៀមទៅកាន់ប្រទេសចិនប្រមាណ ៥ពាន់ ទៅ៧ពាន់តោនផង​ដែរ​។ […]

(ភ្នំពេញ)៖ «ទឹក» គឺជាវិស័យអាទិភាពមួយ ក្នុងចំណោមវិស័យអាទិភាពទាំងបួន របស់រាជរដ្ឋាភិបាល ដែលបានរំលេចនៅក្នុងយុទ្ធសាស្ត្រ ចតុកោណដំណាក់កាលទី៤ នៃរាជរដ្ឋាភិបាលអាណត្តិទី៦ គឺមនុស្ស ផ្លូវ ភ្លើង ទឹក ហើយ «ទឹក» ក៏នឹងនៅជាវិស័យអាទិភាព ព្រមទាំងបានក្លាយជាវិស័យអាទិភាពលំដាប់ទី៣ ក្នុងចំណោមវិស័យអាទិភាពចំនួន៥ «មនុស្ស ផ្លូវ ទឹក ភ្លើង និងបច្ចេកវិទ្យា» នៃយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលអាណត្តិទី៧។ រាជរដ្ឋាភិបាលកម្ពុជា មានផែនការកំណត់គោលដៅ «ប្រជាពលរដ្ឋទីប្រជុំជន ១០០ភាគរយ ទទួលបានសេវាទឹកស្អាតប្រើប្រាស់នៅឆ្នាំ២០២៥ និងធានាបាននូវលក្ខខណ្ឌចំនួន ៤គឺ «គុណភាព សុវត្ថិភាព និរន្តរភាព និងថ្លៃសមរម្យ»។ ការអនុវត្តនូវគោលការណ៍កំណត់ថ្លៃទឹកស្អាត ត្រូវបានកំណត់ជារួមទូទាំងប្រទេស​ ដោយកែប្រែពីការកំណត់ថ្លៃទឹកស្អាតតែមួយប្រភេទ ទៅជាតារាងថ្លៃដែលបែងចែក ទៅតាមកម្រិតនៃការប្រើប្រាស់ គឺអ្នកប្រើប្រាស់តិចនឹងបង់ថ្លៃទឹកស្អាតទាបជាង អ្នកប្រើប្រាស់ច្រើន។ ចំពោះតម្លៃទឹកស្អាត ប្រជាពលរដ្ឋមួយចំនួនធំ ប្រហែលជាមិនទាន់បានជ្រាបថា ទឹកស្អាតដែលខ្លួនកំពុងតែប្រើប្រាស់រាល់ថ្ងៃនេះ គឺមានតម្លៃថោកជាងថ្លៃដើមនៃការផលិតទឹកស្អាតនោះទេ។ តែនេះ គឺជាការពិត អ្នកប្រើប្រាស់ពី ០-៧ម៉ែត្រគូប តម្លៃទឹកត្រូវកំណត់ឱ្យលក់ទាបជាងថ្លៃដើម ដើម្បីឱ្យប្រជាពលរដ្ឋប្រើប្រាស់ទឹកស្អាតក្នុងតម្លៃទាប ដោយរាជរដ្ឋាភិបាលជាអ្នកឧបត្ថម្ភធន (ចេញថ្លៃជំនួស)។ […]

(ភ្នំពេញ)៖ ពិតជាមានសមត្ថភាព និងគួរឲ្យកោតសរសើរណាស់ ដោយសិស្សឆ្នើមកម្ពុជាចំនួន ២រូប បានឈ្នះមេដាយមាស ពីការប្រឡងគណិតវិទ្យាអន្តរជាតិពិភពលោក​ (Copernicus Olypaid 2023) នៅសហរដ្ឋអាមេរិក។ សិស្សឆ្នើមទាំងពីរ គឺ ម៉េង គុណលី រៀនថ្នាក់ទី៥ និង ម៉េង ឡាយស៊ុន រៀនថ្នាក់ទី៩។ ការប្រឡង ត្រូវបានរៀបចំឡើង នៅសាកលវិទ្យាល័យ Columbia University ទីក្រុង New​​ York ។ ការប្រកួត Copernicus Olympiad 2023 ត្រូវបានធ្វើឡើងរយៈពេល ៥ថ្ងៃ ចាប់ពីថ្ងៃទី៩-១៣ ខែកក្កដា ឆ្នាំ២០២៣ ដោយមានការចូលរួមពីបេក្ខជនមកពីប្រទេសចំនួន ២៣ប្រទេស។ សូមជម្រាបថា ក្រោមការដឹកនាំរបស់រាជរដ្ឋាភិបាល កម្ពុជាអភិវឌ្ឍន៍ និងរីកចម្រើនស្ទើរគ្រប់វិស័យ ដែលវិស័យទាំងនោះកំពុងមានវឌ្ឍនភាពរីកចម្រើន ស្មើមុខស្មើមាត់ លើឆាកអន្តរជាតិ ហើយក្នុងនោះវិស័យអប់រំរបស់កម្ពុជា បាននិងកំពុងវិវឌ្ឍទៅមុខយ៉ាងលឿន មិនចាញ់ប្រទេសនានា លើពិភពលោកឡើយ៕ ផ្តល់សិទ្ធិដោយ៖ Fresh News

(កូរ៉េ)៖ BLACKPINK ដែលជាក្រុមចម្រៀងនារីល្បីនោះ ទទួលបានចំនួនអ្នក Subscribe រហូតដល់ជាង ៩០លាននាក់នៅលើ YouTube ដោយបានពង្រឹងជំហររបស់ក្រុមនេះ ឲ្យកាន់តែមានមុខមាត់បន្ថែមក្នុងវិស័យតន្ត្រី។ ការទទួលបានបែបនេះ គឺធ្វើឲ្យ BLACKPINK ក្លាយជាតារាចម្រៀងដំបូងគេបង្អស់លើពិភពលោកហើយ ដែលទទួលបានអ្នកចុច Subscribe ច្រើនបែបនេះ​។ នេះបើតាមការចេញផ្សាយ ដោយសារព័ត៌មាន Korea Times នៅថ្ងៃទី១៧ ខែកក្កដា ឆ្នាំ២០២៣។ យោងតាមផលិតកម្ម YG បានឲ្យដឹងថា BLACKPINK បានឈាន Subscribe រហូតដល់ទៅ ៩០លាននាក់លើ YouTube នៅម៉ោង ៥៖៣៦នាទីព្រឹកថ្ងៃចន្ទនេះ ពោលគឺខ្ទង់៧ឆ្នាំ និងមួយខែ បន្ទាប់ពី Channel YouTube ផ្លូវការរបស់ពួកគេ បានបង្កើតឡើង។ កាលពីខែកក្កដា ឆ្នាំ២០២០ ក្រុមចម្រៀងនេះបានក្លាយជាសិល្បការិនីដំបូង ដែលមិនមានស្នាដៃជាភាសាអង់គ្លេស ហើយទទួលបានចំនួនអ្នកតាមដានច្រើនបំផុតទី៥ លើ YouTube។ ក្រុម BLACKPINK បានប្រមូលការចូលទស្សនាសរុប ចំនួន ៣២.២ពាន់លានដង នៃវីដេអូរបស់ពួកគេនៅលើ […]

(វ៉ាស៉ីនតោន)៖ រលកកម្ដៅខ្លាំងបានកើតឡើងនៅឯភាគខាងលិចសហរដ្ឋអាមេរិក កាលពីថ្ងៃអាទិត្យចុងសប្តាហ៍កន្លងទៅនេះ ដោយសីតុណ្ហភាពបានកើនឡើងដល់ ៥៣អង្សាសេលើតំបន់វាលខ្សាច់នៃរដ្ឋកាលីហ្វ័រញ៉ា ស្របពេលដែលមហន្តរាយទឹកជំនន់បន្តគំរាមកំហែងដល់ភាគឦសានប្រទេស បណ្តាលឲ្យមនុស្ស ៥នាក់ស្លាប់។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃចន្ទ ទី១៧ ខែកក្កដា ឆ្នាំ២០២៣។ ទីភ្នាក់ងារឧតុនិយមជាតិ បានឲ្យដឹងថា ភ្លៀងធ្លាក់នៅភាគឦសាននឹងបន្តរយៈពេលជាច្រើនថ្ងៃទៀត។ នៅតំបន់បាក់ស៍ ខោនធី (Bucks County) នៃរដ្ឋផេនស៉ីវ៉ានៀ (Pennsylvania) និងភាគខាងជើងទីក្រុង Philadelphia ភ្លៀងធ្លាក់ និងទឹកជំនន់ភ្លាមៗកាលពីចុងសប្តាហ៍បានសម្លាប់មនុស្ស ៥នាក់ ហើយ មានក្មេង ២នាក់បាត់ខ្លួន។ កម្រិតភ្លៀងធ្លាក់អាចធូរស្រាលខ្លះនៅថ្ងៃចន្ទនេះ ប៉ុន្តែទោះជាយ៉ាងណា ទឹកជំនន់បានបង្កការបំផ្លិចបំផ្លាញនៅទូទាំងភាគឦសាន ជាពិសេសគឺរដ្ឋធានីម៉ុនផឺលីយ៉េ(Montpelier) របស់រដ្ឋវឺម៉ុន (Vermont) តែម្តង។ ដោយឡែក ការព្រមានអំពីរលកកំដៅ កំពុងរីករាលដាលចាប់ពីតំបន់ Pacific Northwest ចុះតាមរដ្ឋកាលីហ្វ័រញ៉ា កាត់ភាគនិរតី ហើយចូលទៅជ្រៅភាគខាងត្បូង និងរដ្ឋផ្លរីដា។ គ្រាន់តែនៅក្នុងតំបន់ Death Valley នៃរដ្ឋកាលីហ្វ័រញ៉ា សីតុណ្ហភាពបានឡើងដល់ ៥៣អង្សាសេកាលពីថ្ងៃអាទិត្យ។ គួរបញ្ជាក់ថា ជិត […]

(ភ្នំពេញ)៖ ស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី១៧ ខែកក្កដា ឆ្នាំ២០២៣នេះ បានចេញសេចក្តីបំភ្លឺព័ត៌មានទាក់ទងទៅនឹងករណីដេញប្លន់ដល់ក្នុងបូរី ក្រោយផ្សារព្រែកឯង។ ស្នងការដ្ឋាននគរបាលរាជធានីភ្នំពេញ បានបញ្ជាក់ថាការចុះផ្សាយវីដេអូនៅលើបណ្ដាញសង្គមរបស់គណនី​ហ្វេសប៊ុកឈ្មោះ Mey Mey Kim ថាមានករណីដេញប្លន់ដល់ក្នុងបូរី ក្រោយផ្សារព្រែកឯង កាលពីយប់ថ្ងៃសុក្រ ទី៧ ខែកក្កដា ឆ្នាំ២០២៣ វេលាម៉ោង១១:២០យប់ ជាការចុះផ្សាយព័ត៌មានមិនពិត។ សេចក្តីបំភ្លឺព័ត៌មានរបស់អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានបន្ថែមទៀតថា ស្ត្រីដែលបានបង្ហោះវីដេអូខាងលើបាន ជាប់ពាក់ព័ន្ធនឹងករណីពាក្យបណ្តឹងអំពើលួច (ប្រាក់) ដែលចេញដោយព្រះរាជអាជ្ញា នៃអយ្យការអមសាលាដំបូងខេត្តកណ្តាល ចេញដីការបញ្ជាឲ្យចូលខ្លួន តែរហូតមកដល់ពេលនេះស្ត្រីរូបនោះ បានរត់គេចខ្លួន ដោយមិនបានចូលខ្លួនតាមការបញ្ជារបស់ព្រះរាជអាជ្ញាអមសាលាដំបូងខេត្តកណ្តាលនោះឡេីយ៕

(ព្រះសីហនុ)៖ លោក គួច ចំរើន អភិបាលខេត្តព្រះសីហនុ នៅព្រឹកថ្ងៃទី១៦ ខែកក្កដា ឆ្នាំ២០២៣នេះ បានបញ្ជាឲ្យលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បញ្ចេញកប៉ាល់ធំៗចំនួន៥គ្រឿង ដើម្បីទៅដឹកជញ្ជូនភ្ញៀវទេសចរដែលជាប់គាំងនៅតាមបណ្ដាកោះនានា ដោយសារបញ្ហាអាកាសធាតុខ្យល់កន្ដ្រាក់ និងរលកធំៗកាលពីថ្ងៃកន្លងទៅ។ ថ្លែងប្រាប់បណ្ដាញព័ត៌មាន Fresh News លោក គួច ចំរើន បានអះអាងថា ព្រឹកនេះដោយមើលឃើញអាកាសធាតុធូរស្រាល និងរលករៀងស្ងប់បន្ដិចនោះ លោកបានបញ្ជាឲ្យស្នងការខេត្ត បញ្ចេញកប៉ាល់ធំៗ ចំនួន៥គ្រឿង ដើម្បីទៅទទួលភ្ញៀវទេសចរដែលជាប់នៅតាមបណ្ដាកោះ មកកាន់ដីគោកវិញ។ អភិបាលខេត្តព្រះសីហនុ បានគូសបញ្ជាក់ថា បើទោះបីរៀងស្ងប់ខ្យល់ និងរលកបន្ដិចក៏ពិតមែន ប៉ុន្ដែសមត្ថកិច្ចដែលចេញទៅទទួលភ្ញៀវទេសចរទាំងអស់នោះ ត្រូវត្រៀមលក្ខណៈគ្រប់បែបយ៉ាងដើម្បីការពារហានិភ័យដែលអាចកើតមានឡើង ក្នុងនោះ មន្ដ្រីនគរបាលជើងទឹក ក៏ត្រូវជិះអមដំណើរអ្នកទេសចរណ៍ ហើយអ្នកទេសចរណ៍នោះទៀតសោត ត្រូវតែពាក់អាវពោងឲ្យបានគ្រប់ៗគ្នា។ គួរជម្រាបថា ដោយសារបញ្ហាអាកាសធាតុភ្លៀង ខ្យល់កន្ដ្រាក់ និងរលកធំៗនោះ អាជ្ញាធរបានសម្រេចផ្អាកឲ្យភ្ញៀវទេសចរដែលទៅកម្សាន្ដនៅតាមបណ្ដាកោះនានា មកដីគោកវិញជាបណ្ដោះអាសន្នសិន ដោយរង់ចាំស្ថានភាពធូរស្រាល ហើយនៅព្រឹកនេះ ទើបមានការរៀបចំកប៉ាល់ធំៗ រួមជាមួយសមត្ថកិច្ច ដើម្បីទៅទទួលភ្ញៀវទាំងអស់នោះត្រឡប់មកកាន់ដីគោកវិញ៕ ផ្តល់សិទ្ធិដោយ៖ Fresh News

(ភ្នំពេញ)៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យមួយ ត្រាស់បង្គាប់ផ្តល់គោរមងារ ដល់ឧកញ៉ា ពុង ឃាវសែ ជា «អ្នកឧកញ៉ា» ។ ព្រះរាជក្រឹត្យនេះ បានធ្វើឡើងតបតាមសំណើទូលថ្វាយរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ ខាងក្រោមនេះជាព្រះរាជក្រឹត្យព្រះមហាក្សត្រ៖ ផ្តល់សិទ្ធិដោយ៖ Fresh News