រាជធានីភ្នំពេញ៖ យោងតាមការចុះផ្សាយរបស់ Cambodia 2023 បានឱ្យដឹងថា ឯកឧត្តមបណ្ឌិត ថោង ខុន ជាអនុប្រធានអចិន្រ្តៃយ៍គណៈកម្មាធិការជាតិ CAMSOC-CAMAPGOC បានអះអាងថា ពិធីបើក-បិទ នៃព្រឹត្តិការណ៍អាស៊ានប៉ារ៉ាហ្គេម លើកទី១២ ឆ្នាំ២០២៣ ដែលនឹងត្រូវធ្វើនៅពហុកីឡដ្ឋានជាតិមរតកតេជោ នាថ្ងៃទី៣ និងទី៩ ខែមិថុនា ខាងមុខនេះ នឹងមានការរៀបចំឱ្យបានល្អ ដូចគ្នាទៅនឹងពិធីបើក-បិទស៊ីហ្គេម លើកទី៣២ កន្លងមកដែរ គ្រាន់តែវាមានទម្រង់ប្លែកពីគ្នា។ រដ្ឋមន្រ្តីក្រសួងទេសចរណ៍ ឯកឧត្តមបណ្ឌិត ថោង ខុន បានលើកឡើងបែបនេះ ក្នុងពេលឯកឧត្តម បានដឹកនាំកិច្ចប្រជុំត្រួតពិនិត្យសមាសភាព និងទទួលយកបណ្ណចូលរួម សម្រាប់ពិធីបើក-បិទ ជាផ្លូវការ អាស៊ានប៉ារ៉ាហ្គេម លើកទី១២ ឆ្នាំ២០២៣ ដោយឯកឧត្តម បានឱ្យដឹងថា ពិធីបើក-បិទ នៃព្រឹត្តិការណ៍កីឡា សម្រាប់កីឡាករ កីឡាការិនីជនពិការ ជាលើកដំបូងនេះ នឹងធ្វើឱ្យបានល្អដូចស៊ីហ្គេម លើកទី៣២ ឆ្នាំ២០២៣ដែរ។ ឯកឧត្តមបណ្ឌិត ថោង ខុន ដែលជាប្រធានគណៈកម្មាធិការជាតិអូឡាំពិកកម្ពុជា (NOCC) ផងនោះ បានថ្លែងនៅក្នុងកិច្ចប្រជុំបែបនេះថា៖ […]

(ភ្នំពេញ)៖ សម្ដេចតេជោ ហ៊ុន​ សែន នាយករដ្ឋមន្ត្រីនៃកម្ពុជាដែលពោរពេញដោយភាពជោគជ័យក្នុងការដឹកនាំប្រទេសជាង៤០ឆ្នាំមកនេះ បានដាស់តឿនផ្ដាំផ្ញើដល់អ្នកបន្តវេនដឹកនាំប្រទេសជំនាន់ក្រោយ ត្រូវរៀបចំគោលនយោបាយថវិកាវិភាជឱ្យបានច្បាស់លាស់ទៅលើការអភិវឌ្ឍហេដ្ឋារចនាសម្ពន្ធចាំបាច់នានា ដើម្បីជាប្រយោជន៍សម្រាប់ប្រជាជនទូទៅ និងបែងចែកផ្លែផ្កាសេដ្ឋកិច្ចប្រកបដោយសមធម៌។ ការសង្កត់ធ្ងន់បែបនេះរបស់សម្ដេចតេជោនាយករដ្ឋមន្ត្រី ធ្វើឡើងក្នុងពិធីសម្ពោធដាក់ឱ្យប្រើប្រាស់ជាផ្លូវការនូវស្ពានឆ្លងទន្លេ និងស្ពានអាកាសឫស្សីកែវ នាព្រឹកថ្ងៃទី៣១ ខែឧសភា ឆ្នាំ២០២៣។ នាឱកាសនោះ សម្ដេចតេជោបានបញ្ជាក់ពីបំណងចង់ឱ្យអ្នកបន្តវេនដឹកនាំប្រទេសជំនាន់ក្រោយ ត្រូវគិតគូរពីការរៀបចំគោលនយោបាយថវិកាវិភាជឱ្យបានច្បាស់លាស់ត្រឹមត្រូវ ធ្វើយ៉ាងណាជំរុញឱ្យការកសាងអភិវឌ្ឍហេដ្ឋារចនាសម្ពន្ធចាំបាច់នានាកាន់តែមានភាពល្អប្រសើរ ដើម្បីជាមធ្យោបាយក្នុងការពន្លឿនការអភិវឌ្ឍសេដ្ឋកិច្ច/សង្គម ក៏ដូចជាបែងចែកផ្លែផ្កាដែលបានពីកំណើនសេដ្ឋកិច្ចទៅដល់ប្រជាជនទូទៅប្រកបដោយសមធម៌។ សម្ដេចបានថ្លែងយ៉ាងដូច្នេះថា «ខ្ញុំស្នើសុំឱ្យអ្នកបន្តវេន សូមកុំភ្លេចប្រើប្រាស់វិភាជថវិកាទៅលើហេដ្ឋារចនាសម្ពន្ធពន្លឿនសេដ្ឋកិច្ច ដែលខ្ញុំប្រើពាក្យថា បែងចែកផ្លែផ្កាសេដ្ឋកិច្ចប្រកបដោយសមធម៌។ ចំណុចនេះត្រូវក្ដាប់ឱ្យជាប់ក្នុងពេលដឹកនាំប្រទេស ឬក៏ដឹកនាំស្ថាប័នដែលទាក់ទងនឹងការរៀបចំគោលនយោបាយស្ដីពីការអភិវឌ្ឍ»។ ឃ្លាប្រយោគដែលសម្ដេចតេជោ ហ៊ុន សែន មានប្រសាសន៍ថា «ការបែងចែកផ្លែផ្កាសេដ្ឋកិច្ចប្រកបដោយសមធម៌» នេះ គឺចង់សំដៅលើវិភាជថវិកាទាំងឡាយដែលត្រូវយកទៅកសាងហេដ្ឋរចនាសម្ពន្ធបម្រើឱ្យប្រជាជនទាំងអស់គ្នា ដោយមិនមានការកំណត់សម្រាប់អ្នកមានជីវភាពធូរធា ឬខ្សត់ខ្សោយនោះឡើយ តួយ៉ាងដូចជាការកសាងផ្លូវថ្នល់ ស្ពាន មន្ទីរពេទ្យ សាលារៀន ប្រឡាយទឹកជាដើមនោះ គឺសុទ្ធតែជាការបែងចែកផ្លែផ្កានៃកំណើនសេដ្ឋកិច្ចប្រកបដោយសមធម៌។ សម្ដេចតេជោបានលើកឧទាហរណ៍ជាក់ស្ដែងទៅលើការកសាងផ្លូវថ្នល់ ស្ពាន ទោះបីប្រជាជនដែលមានជីវភាពធូរធា ឬអ្នកមានជីវភាពខ្សត់ខ្សោយក៏ដោយ ក៏សុទ្ធតែត្រូវការធ្វើដំណើរ និងឆ្លងកាត់ដូចគ្នា។ មួយវិញទៀត សាលារៀន មន្ទីរពេទ្យ ទីផ្ដល់សេវាសាធារណៈផ្សេងៗ ក៏សម្រាប់បម្រើដល់ប្រជាជនទូទៅផងដែរ។ ប្រមុខរាជរដ្ឋាភិបាលក៏បានផ្ដាំផ្ញើជាមុនដែរថា […]

(ភ្នំពេញ)៖ រដ្ឋមន្ត្រីក្រសួងយុត្តិធម៌ ឯកឧត្តម កើត រិទ្ធ បានណែនាំឱ្យក្រុមអធិការកិច្ចរបស់ក្រសួង ចុះធ្វើការស្រាវជ្រាវករណីសាងសង់របងបិទផ្លូវច្រកដើរសាធារណៈ (ឌឿងហែម) ស្ថិតនៅចន្លោះក្បាលដីលេខ ១២-១៣ និង១៤ ភូមិ៦ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។ ដោយករណីនេះមានការប្តឹងផ្តល់ អស់រយៈពេល៧ឆ្នាំហើយ ដោយលោកស្រី ហំ លក្ខិណា សំណូមពរសុំឱ្យរដ្ឋបាលខណ្ឌជួយសម្របសម្រួលបើកផ្លូវឱ្យបានទំហំ១,១០ម៉ែទ្រ (គិតពីជញ្ជាំងផ្ទះលោកស្រី ហាំ លក្ខិណា ទៅជញ្ជាំងផ្ទះលោកស្រី ទី សុខលាង រហូតដល់ផ្លូវលេខ៥)។ យោងតាមឯកឧត្តម ជិន ម៉ាលីន អ្នកនាំពាក្យក្រសួងយុត្តិធម៍ បានឱ្យដឹងថា «ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៍ បានណែនាំឱ្យក្រុមអធិការកិច្ចរបស់ក្រសួង ចុះធ្វើការស្រាវជ្រាវករណីនេះជាបន្ទាន់ នឹងធ្វើការពិនិត្យ ស្រាវជ្រាវរកការពិត ដើម្បីរកដំណោះស្រាយអោយបានត្រឹមត្រូវតាមច្បាប់។ ក្រុមការងារក្រសួងយុត្តិធម៍ នឹងផ្តល់ព័ត៌មាននេះជាបន្តបន្ទាប់ទៀតអំពីលទ្ធផលនៃការស្រាវជ្រាវរបស់ក្រុមអធិការកិច្ច រហូតដល់មានដំណោះស្រាយ»៕

(ភ្នំពេញ)៖ ព្រះករុណា ព្រះបាទ​សម្ដេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​កម្ពុជា បាន​ប្រោស​ព្រះរាជទាន​សញ្ជាតិ​ខ្មែរ ដោយអាពាហ៍ពិពាហ៍ដល់កីឡាករប្រដាល់ ម៉ូណុនយ៉េ អេម៉ាញូអែល អុនយ៉េឌីកាឈី ជនជាតិនីហ្សេរីយ៉ា នេះបើយោងតាម​ព្រះរាជក្រឹត្យ​នៅ​ថ្ងៃទី​២៦ ខែឧសភា។ ការផ្ដល់​សញ្ជាតិ​ខ្មែរ ដោយអាពាហ៍ពិពាហ៍​នេះ ធ្វើឡើង​តាម​សំណើ​របស់​សម្ដេចនាយក​រដ្ឋមន្ត្រី ហ៊ុន សែន​។​ ក្នុងនោះ ឧកញ៉ា ស្រី ចាន់ថន នៅថ្ងៃទី៣១ ខែឧសភា ឆ្នាំ២០២៣នេះ បានឱ្យដឹងថា កីឡាករប្រដាល់ ម៉ូណុនយ៉េ អេម៉ាញូអែល អុនយ៉េឌីកាឈី ជនជាតិនីហ្សេរីយ៉ា រូបនេះក៏បានក្លាយជាសមាជិកថ្មីម្នាក់ទៀតរបស់ក្លិបគុនខ្មែរជើងឯកពិភពលោក។ តាមរយៈការបង្ហោះនៅលើហ្វេសប៊ុកផេក ឧកញ៉ា ស្រី ចាន់ថន បានសរសេររៀបរាប់ថាៈ «ជម្រាបសួរបងប្អូនជនរួមជាតិជាទីគោរព! ថ្ងៃនេះយើងខ្ញុំបានទទួលសមាជិកថ្មីម្នាក់ទៀតហើយចូលក្លិបគុនខ្មែរជើងឯកពិភពលោក របស់យើង គឺកីឡាករ ម៉ានូអែល និងដំណឹងល្អមួយទៀតគឺគាត់ទទួលបានសញ្ជាតិខ្មែរហើយបងប្អូន។ ឆ្លៀតឱកាសនេះ ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅបំផុតអស់ពីដួងចិត្តជូនចំពោះសម្ដេចពុក ដែលតែងតែជួយកីឡាករគុនខ្មែរ និងកីឡាផ្សេងៗទៀតទើបយើងមានថ្ងៃនេះ។ គុនខ្មែររបស់យើងកាន់តែរីកចម្រើនពីមួយថ្ងៃទៅមួយថ្ងៃដូចបច្ចុប្បន្ន ដោយសារមានការចូលរួមលើកស្ទួយ គាំទ្រពីសំណាក់បងប្អូនទាំងអស់គ្នា ខ្ញុំនឹងប្រឹងប្រែងបន្តទៀតដើម្បីឱ្យគុនខ្មែរកាន់តែល្បីសុសសាយលើឆាកអន្តរជាតិ។ ខ្មែរស្រឡាញ់ខ្មែរ ខ្មែរគាំទ្រខ្មែរ ខ្មែរលើកស្ទួយខ្មែរ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា សម្តេចមិនចង់ឱ្យប្រជាពលរដ្ឋចំណាយលុយពេលឆ្លងស្ពាននោះទេ។ អាស្រ័យហេតុនេះហើយ ទើបសម្តេចទិញយកស្ពានព្រែកព្នៅ។ សម្តេចតេជោថ្លែងបែបនេះ ពេលអញ្ជើញសម្ពោធដាក់ឲ្យប្រើប្រាស់ជាផ្លូវការ ស្ពានឆ្លងទន្លេសាប និងស្ពានអាកាសឫស្សីកែវ នៅថ្ងៃអង្គារ ទី៣១ ខែឧសភា ឆ្នាំ២០២៣។ សម្តេចតេជោ ហ៊ុន សែន បានថ្លែងទៀតថា មានស្ពាន៣ទៀត នឹងត្រូវសាងសង់ឆ្លងកាត់ទន្លេ ក្នុងមូលដ្ឋានរាជធានីភ្នំពេញ រួមមាន៖ ស្ពានមិត្តភាពកម្ពុជា-កូរ៉េ, ស្ពានតភ្ជាប់ផ្លូវល្បឿនលឿនភ្នំពេញ-បាវិត និងស្ពានឆ្លងទន្លេបាសាក់ តភ្ជាប់ពីព្រែកប្រា ទៅចាក់អង្រែ។ សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «ខ្ញុំមិនចង់ឲ្យប្រជាពលរដ្ឋឆ្លងស្ពានពេលណា ត្រូវបង់លុយពេលនោះទេ ដូច្នេះបានជាយើងទិញយកស្ពានព្រែកភ្នៅ កន្លងមក ដើម្បីឲ្យរដ្ឋគ្រប់គ្រង ហើយប្រជាជនចង់ឆ្លងប៉ុន្មានដង ក៏ឆ្លងទៅ»។ សម្តេចតេជោ ហ៊ុន សែន បានថ្លែងបន្ថែមថា អ្វីក៏ដោយសុទ្ធតែរស់នៅក្រោមសន្តិភាព។ កាលពីជាង ៣០ឆ្នាំមុន មិនរំពឹងថា ភ្នំពេញចម្រើនលូតលាស់ដូចពេលបច្ចុប្បន្ននេះទេ។ សម្តេចតេជោ ហ៊ុន សែន ចង់ឱ្យអ្នកបន្តវេនវិភាជថវិកាជាតិ សម្រាប់កសាងហេដ្ឋារចនាសម្ព័ន្ធផ្លូវ […]

(ភ្នំពេញ)៖ គណៈប្រតិភូ នៃសាកលវិទ្យាល័យមហាសារ៉ាខាម និងតំណាងស្ថានឯកអគ្គរាជទូតថៃប្រចាំនៅកម្ពុជា បានចូលជួបសម្តែងការគួរសម ជាមួយលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងចុះហត្ថលេខាលើអនុស្សរណៈ នៃការយោគយល់រវាងភាគីទាំងពីរ នាថ្ងៃទី២៤ ខែឧសភា ឆ្នាំ២០២៣។ ការសម្ដែងការគួរសម និងចុះ MoU នេះ ក្នុងឱកាសដែល ក្រុមសាស្រ្តាចារ្យ និងតំណាងនៃសាកលវិទ្យាល័យមហាសារ៉ាខាម ដែលដឹកនាំដោយសាស្ត្រាចារ្យរង បណ្ឌិត ច័ន្ទធិប កានចៈណៈស៊ីន នាយករងផ្នែកអប់រំ និងនវានុវត្តន៍ការសិក្សា អញ្ជើញមកទស្សនកិច្ចនៅកម្ពុជាជាផ្លូវការ។ គោលបំណងនៃ MoU គឺ១៖ ដើម្បីបង្កើតឱកាសលើវិស័យអប់រំ ផ្លាស់ប្តូរចំណេះដឹងក្នុងការអប់រំនិងការស្រាវជ្រាវជូនដល់សិស្ស និស្សិត និងមន្ត្រីរបស់ប្រទេសទាំងពីរ។ ២៖ ដើម្បីផ្តល់អាហារូបករណ៍ ជូនដល់សិស្ស និស្សិត និងមន្ត្រីប្រទេសកម្ពុជា ដើម្បីទៅសិក្សាបន្តនៅសាកលវិទ្យាល័យមហាសារ៉ាខាម។ ៣៖ ដើម្បីគាំទ្រកម្មវិធី និងគម្រោងក្នុងវិស័យអប់រំ សុខាភិបាល និងសង្គមដែលផ្ទោតសំខាន់ លើការដោះស្រាយបញ្ហា និងលើកកម្ពស់គុណភាពជីវិត សម្រាប់អ្នកដែលខ្វះខាតឱកាស នៅតាមតំបន់ដាច់ស្រយ៉ាល។ សកម្មភាពនៃកិច្ចសហប្រតិបត្តិការរវាងភាគីទាំងពីរ ក្នុងការជំរុញសហប្រតិបត្តិការលើវិស័យអប់រំនិងការស្រាវជ្រាវ និងការផ្តល់អាហារូបករណ៍ […]

(ភ្នំពេញ)៖ ស្របពេលការធ្វើជាម្ចាស់ផ្ទះ នៃការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ កាន់ខិតជិតចូលមកដល់ហើយនោះ, នៅព្រឹកថ្ងៃទី៣១ ខែឧសភា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបន្ដអំពាវនាវឲ្យប្រជាពលរដ្ឋកម្ពុជាទាំងអស់ ចូលរួមគាំទ្រការប្រកួតកីឡាអាស៊ានប៉ារ៉ាហ្គេមនេះ ឲ្យបានផុលផុស ដូចការប្រកួតកីឡាស៉ីហ្គេម។ ក្នុងឱកាសអញ្ជើញសម្ពោធដាក់ឲ្យប្រើប្រាស់ស្ពានឆ្លងទន្លេ និងស្ពានអាកាសឫស្សីកែវ សម្ដេចតេជោ ហ៊ុន សែន បានអះអាងថា ការរៀបចំពិធីបើក និងបិទការប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ គឺធ្វើឡើងមិនចាញ់ពិធីបើក និងបិទ ការប្រកួតកីឡាស៉ីហ្គេមនោះទេ ពោលទាំងផ្ទាំងទស្សនីយភាពនៃការសម្ដែង និងការបាញ់កាំជ្រួចជាដើមនោះ មានភាពអស្ចារ្យដូចគ្នា។ សម្ដេចតេជោនាយករដ្ឋមន្ដ្រី ដែលមានពិការភាពដោយសារបាត់បង់ភ្នែកម្ខាងព្រោះតែភ្លើងសង្គ្រាមនោះ បានចាត់ទុកថា ការចូលរួមរបស់បងប្អូនប្រជាពលរដ្ឋដើម្បីគាំទ្រការប្រកួតកីឡាជនពិការនោះ គឺជាការលើកទឹកចិត្តដ៏ធំធេងសម្រាប់ជនមានពិការភាព។ សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «សល់តែ៣ថ្ងៃទៀតទេ អាស៊ានប៉ារ៉ាហ្គេម នឹងមកដល់, ខ្ញុំសូមឲ្យបងប្អូនប្រជាពលរដ្ឋទាំងអស់ យកចិត្តទុកដាក់គាំទ្រកីឡាពិការ ដែលជាការលើកទឹកចិត្តដ៏ធំមួយ សម្រាប់ពិការភាព […] ការបើក និងបិទ ធ្វើមិនឲ្យចាញ់ស៉ីហ្គេមទេទាំងការបាញ់កាំជ្រួច។ យើងលើកទឹកចិត្តជនពិការរបស់យើង យើងលើកទឹកចិត្តជនពិការនៅក្នុងក្របខ័ណ្ឌអាស៊ាន […]

ភ្នំពេញ៖ គិតមកដល់ត្រឹមថ្ងៃទី៣០ ខែឧសភា ឆ្នាំ២០២៣ អ្នកសារព័ត៌មានជាតិ និងអន្តរជាតិ បានចុះឈ្មោះចូលរួមយកព័ត៌មាន នៅក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ចំនួនជាង ៥០០នាក់ហើយ ក្នុងនោះមានអ្នកសារព័ត៌មានអន្តរជាតិជាង១០០នាក់ នេះបើយោងតាមការផ្សាយរបស់ cambodia2023 នៅថ្ងៃទី៣០ ខែឧសភា ឆ្នាំ២០២៣។ តួលេខនេះ គឺយោងទៅតាមការបញ្ជាក់របស់ឯកឧត្តម ផុស សុវណ្ណ ប្រតិភូរាជរដ្ឋាភិបាលទទួលបន្ទុកអគ្គនាយកព័ត៌មាន និងសោតទស្សន៍ នៃក្រសួងព័ត៌មាន និងជាប្រធានគណៈកម្មការព័ត៌មាន និងផ្សព្វផ្សាយ នៃគណៈកម្មាធិការជាតិ CAMSOC-CAMAPGOC នៅក្នុងបទសម្ភាសន៍ ថ្ងៃទី៣០ ខែឧសភា ឆ្នាំ២០២៣ ក្នុងឱកាសដែលឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអនុប្រធានគណៈកម្មាធិការជាតិ CAMSOC-CAMAPGOC បានអញ្ជើញចុះត្រួតពិនិត្យការរៀបចំមជ្ឈមណ្ឌលព័ត៌មានកណ្តាល MPC សម្រាប់ការបម្រើកិច្ចការរបស់អ្នកសារព័ត៌មានជាតិ និងអន្តរជាតិ ក្នុងអំឡុងពេលប្រកួតកីឡាអាស៊ាន ប៉ារ៉ាហ្គេម លើកទី១២ ពីថ្ងៃទី៣ ដល់ទី៩ ខែមិថុនា ឆ្នាំ២០២៣ នៅពហុកីឡដ្ឋានជាតិមរតកតេជោ។ ឯកឧត្តម ផុស សុវណ្ណ បានគូសបញ្ជាក់ថា […]

(ភ្នំពេញ)៖ គំរូមេដាយជាផ្លូវការដែលនឹងរំលឹកដល់ភាពជោគជ័យ និងការលះបង់របស់អត្តពលិកក្នុងព្រឹត្តិការណ៍អាស៊ានប៉ារ៉ាហ្គេម, ការប្រកួតព្រឹត្តិការណ៍កីឡាអាស៊ានប៉ាហ្គេម លើកទី១២ នឹងចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣នេះ គឺមាន ១៣ប្រភេទកីឡា សម្រាប់ ១១ប្រទេលចូលរួមប្រជែងយកមេដាយ ចំណោមវិញ្ញាសាប្រកួតទាំងអស់សរុប ៤២៩វិញ្ញាសា។ សូមបញ្ជាក់ថា ការប្រកួតកីឡាអាស៊ានប៉ារ៉ាហ្គេម លើកទី១២ នៅកម្ពុជា គឺមានកីឡា ១៣ប្រភេទ និងកីឡាបង្ហាញ ១ប្រភេទ(មិនគិតមេដាយក្នុងតារាងមេដាយ) ត្រូវបានដាក់ឲ្យប្រកួត រួមមានកីឡាអត្តពលកម្មជនពិការ, ហែលទឹកជនពិការ, បាល់បោះរទេះ, បាល់ទះអង្គុយ, វាយកូនឃ្លីលើតុជនពិការ, វាយសីជនពិការ, បាល់ទាត់ជនពិការភ្នែក, បាល់ទាត់ចលករខួរក្បាល, បាល់បោះជនពិការ, លើកទម្ងន់ជនពិការ, យូដូជនពិការ, បូស្យា និងកីឡាអុក ។ រីឯកីឡាបង្ហាញ គឺកីឡាអេឡិចត្រូនិកច(E-Sports)៕ ផ្តល់សិទ្ធិដោយ៖ Fresh News

(ភ្នំពេញ)៖ អគ្គនាយកដ្ឋានពន្ធដារ នៅថ្ងៃទី៣០ ខែឧសភា ឆ្នាំ២០២៣នេះ បានចេញសេចក្តីជូន ដំណឹងប្រកាសប្រមូលពន្ធ លើមធ្យោបាយដឹកជញ្ជូន និងយានជំនិះគ្រប់ប្រភេទ សម្រាប់ឆ្នាំ២០២៣ ចាប់ពីថ្ងៃទី១ ខែមិថុនា ដល់ថ្ងៃទី៣០ ខែវិច្ឆិកា ឆ្នាំ២០២៣។ ព័ត៌មានលម្អិត សូមអានសេចក្តីជូនដំណឹង អគ្គនាយកដ្ឋានពន្ធដារ៖ ផ្តល់សិទ្ធិដោយ៖ Fresh News