(ភ្នំពេញ)៖ ក្រសួងសុខាភិបាល នៅថ្ងៃទី២៤ ខែឧសភា ឆ្នាំ២០២៣នេះ បានចេញសេចក្ដីសម្រេចបិទ និងដកហូតអាជ្ញាប័ណ្ណមជ្ឈមណ្ឌលកែសម្ផស្ស «បុរិន្ទកោះពេជ្រ» ដែលខ្វះការតាមដាន និងបច្ចេកទេសក្នុងការគ្រប់គ្រង ឲ្យបានត្រឹមត្រូវ ដែលបណ្ដាលឲ្យអ្នកជំងឺគ្រោះថ្នាក់ដល់អាយុជីវិត។ នេះបើតាមសេចក្ដីសម្រេចដែលបណ្ដាញព័ត៌មាន Fresh News ទទួលបាន ចុះហត្ថលេខាដោយលោកស្រី ឱ វណ្ណឌីន រដ្ឋលេខាធិការក្រសួងសុខាភិបាល។ ខាងក្រោមនេះ ជាសេចក្ដីសម្រេចរបស់ក្រសួងសុខាភិបាល៖

(ភ្នំពេញ)៖ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោក UENO Atsushi ឯកអគ្គរាជទូតជប៉ុន ប្រចាំកម្ពុជា បានចុះហត្ថលេខាលើឯកសារស្តីពីការផ្តល់ជំនួយអភិវឌ្ឍន៍ផ្លូវការរបស់ជប៉ុន មកកម្ពុជា រួមមាន ឥណទានសម្បទានប្រាក់យ៉េន និងហិរញ្ញប្បទានឥតសំណង ដែលមានទឹកប្រាក់សរុបទាំងអស់ចំនួន ៧.៥៧១.០០០.០០០ លានយ៉េន (ប្រមាណ៥៥,២៧ លានដុល្លារអាមេរិក) សម្រាប់អនុវត្តគម្រោងចំនួន០២។ ពិធីចុះហត្ថលេខា បានធ្វើឡើងនៅព្រឹកថ្ងៃទី២៤ ខែឧសភា ឆ្នាំ២០២៣ នាទីស្តីការក្រសួងការបរទេស។ បើតាមសេចក្តីជូនដំណឹងរបស់ក្រសួងការបរទេស គម្រោង២នោះ មានដូចខាងក្រោម៖ ១៖ គម្រោងកែលម្អផ្លូវជាតិលេខ៥ (កំណាត់ផ្លូវពីព្រែកក្តាម-ធ្លាម្អម ដំណាក់កាលទី៤)៖ * មានទឹកប្រាក់ចំនួនប្រាំពីរពាន់ពីររយប្រាំលានយ៉េនជប៉ុន (៧.២០៥.០០០.០០០យ៉េន) ឬ ប្រមាណ ៥២,៦ លានដុល្លារ។ * កញ្ចប់ថវិកានេះ គឺជាកញ្ចប់ទី៤ សម្រាប់គម្រោងកែលម្អកំណាត់ផ្លូវជាតិលេខ៥ ពី ព្រែកក្តាម-ធ្លាម្អម ដែលបានចំណាយថវិកាជាបន្តបន្ទាប់ប្រមាណ ៣១៧,៤២ លានដុល្លារអាមេរិក។ គម្រោងនេះ ជាគម្រោងកែលម្អកំណាត់ផ្លូវជាតិមួយក្នុងចំណោមគម្រោងកែលម្អកំណាត់ផ្លូវចំនួនបី លើដងផ្លូវជាតិលេខ៥។ * បន្ទាប់ពីការបញ្ចប់នូវគម្រោងទាំងមូល […]

(ស្ទឹងត្រែង)៖ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជំរុញឱ្យសិប្បកម្មកែច្នៃផលិតផលសម្រេចគ្រាប់ស្វាយចន្ទី របស់ក្រុមហ៊ុន (ឃែស៊ូណាត់) នៅខេត្តស្ទឹងត្រែង បង្កើនសង្វាក់ផលិតកម្ម ដើម្បីនាំចេញផលិតផលសម្រេចទៅទីផ្សារក្រៅប្រទេស ដើម្បីឱ្យមានការប្រកួតប្រជែង និងបានផ្តល់ការងារឱ្យកូនចៅប្រជាពលរដ្ឋធ្វើនៅក្នុងស្រុក។ ការជំរុញបែបនេះ របស់លោករដ្ឋមន្ត្រីក្រសួងកសិកម្ម ក្នុងឱកាសអញ្ជើញពិនិត្យសង្វាក់ផលិតកម្ម កែច្នៃគ្រាប់ស្វាយចន្ទី និងវេចខ្ជាប់ផលិតផលសម្រេចសម្រាប់នាំចេញ របស់សិប្បកម្មក្រុមហ៊ុន ឃែស៊ូណាត់ នៅខេត្តស្ទឹងត្រែង នាថ្ងៃទី២៣ ខែឧសភា ឆ្នាំ២០២៣។ នាឱកាសនោះ លោករដ្ឋមន្ត្រីក្រសួងកសិកម្ម បានថ្លែងថា នេះជាភាពរីកចម្រើនថ្មីមួយទៀត សម្រាប់ខេត្តស្ទឹងត្រែង ក្នុងពេលដែល រាជរដ្ឋាភិបាល ក៏ដូចជាក្រសួងកសិកម្ម បានចាត់ទុកវិស័យឯកជនជាដែគូមួយយ៉ាងសំខាន់ ក្នុងការចូលរួមអភិវឌ្ឍប្រទេសជាតិលើគ្រប់វិស័យ។ លោក ឌិត ទីណា បានបន្តថា៖ «ដើម្បីឱ្យអតិថិជនបានស្គាល់ពីស្នាដែខ្មែរយើងក្នុងការកែច្នៃវត្ថុធាតុដើមនៅក្នុងស្រុកម្ចាស់សិប្បកម្មត្រូវពង្រីកសង្វាក់ផលិតកម្មបន្ថែម ហើយប្រជាកសិករត្រូវខិតខំប្រឹងប្រែងសិក្សាពីបច្ចេកទេសដាំដុះ ការថែទាំ ការកែច្នៃផលិតផលសម្រេចជាលក្ខណៈគ្រួសារដើម្បីយើងបង្កើនទុនឱ្យបានច្រើន សម្រាប់ឈានទៅពង្រីកអាជីវកម្មរបស់ខ្លួនឱ្យកាន់តែមានភាពរីកចម្រើនឡើង»។ បើតាមលោកស្រី មុត ចរិយា នាយិកាក្រុមហ៊ុន បានបញ្ជាក់ថា បច្ចុប្បន្នក្រុមក្រុមហ៊ុន ឃែស៊ូណាត់ បានកែច្នៃផលិតផលគ្រាប់ស្វាយចន្ទី បានចំនួន៥ប្រភេទសម្រាប់ធ្វើការនាំចេញទៅ កាន់ទីផ្សារ […]

(ភ្នំពេញ)៖ ថ្លែងក្នុងឱកាសអញ្ជើញសម្ពោធទីតាំងថ្មី សាកលវិទ្យាល័យភូមិន្ទវិចិត្រសិល្បៈ ព្រមទាំងចែកសញ្ញាបត្រដល់និស្សិត ដែលបានបញ្ចប់ការសិក្សាពីសាកលវិទ្យាល័យនេះនៅព្រឹកថ្ងៃទី២៤ ខែឧសភា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសប្លក់ (block) ចោលនូវតេឡេក្រាមជនណាដែលពូកែនាំរឿងជូនសម្តេច ព្រោះសម្តេចមានរឿងច្រើនណាស់ដែលត្រូវដោះស្រាយ។ សម្តេចតេជោ ហ៊ុន សែន បានថ្លែងដូចនេះថា «អ្នកខ្លះអេដ (add ) ចូលក្នុងតេលេក្រាមរបស់ខ្ញុំ ហើយនាំរឿងមក ខ្ញុំសុំលុបចោលហើយ ម្សិលមិញលុបចោលមួយ បើសិនជាអេដចូលមកជាមួយខ្ញុំ ខ្ញុំមិនអនុញ្ញាតឱ្យអេដទេ ក៏ប៉ុន្តែអ្នកខ្លះដែលបានអេដហើយ សុំកុំនាំរឿងមកឱ្យខ្ញុំ ខ្ញុំមានការច្រើនណាស់ ឥលូវគឺម្នាក់ដែលខ្ញុំលុបចោលពីម្សិលពេលដែលខ្ញុំទទួលភ្ញៀវ កំពុងតែដើរចូលទៅធម្មតាខ្ញុំឆេកមើលទោះបីជាខ្ញុំដើរទៅកាន់ការិយាល័យ ឃើញផ្ញើមកទៀត អានេះជំនួញដីធ្លីតែម្តង តិចវាយករឿងនេះ តិចវាយករឿងនោះ ក្នុងពេលអាជ្ញាធរគេដោះស្រាយ ហើយនាយករដ្ឋមន្ត្រីទៅដោះស្រាយអញ្ចឹង ចឹងសូមប្រកាសឱ្យហើយ សុំទោសទុកជាមុន ខ្ញុំនឹងប្លក់ (block) ចោល ចំពោះអ្នកណាដែលចូលមកជាមួយយើង ហើយនាំរឿងមកឱ្យយើង»។ សម្តេចតេជោ ហ៊ុន សែន បានបន្ថែមថា សម្តេចដឹងថាអ្នកទាំងអស់គ្នាចង់រកយុត្តិធម៍ ក៏ប៉ុន្តែបើមួយប្រទេសដាក់រឿងមកឱ្យនាយករដ្ឋមន្ត្រីដោះស្រាយ ទៅដោះស្រាយធ្វើមិច ហើយកន្លងទៅពេលឃើញរឿងមក សម្តេចតែងតែមើលថា […]

(បាងកក)៖ នាយករដ្ឋមន្ត្រីថៃ លោក បា្រយុទ្ធ ចាន់អូចា នៅថ្ងៃអង្គារសប្ដាហ៍នេះបានធានាពីការផ្ទេរអំណាចដោយសន្តិវិធីពីរដ្ឋាភិបាលបណ្ដោះអាសន្នរបស់លោក ទៅឱ្យរដ្ឋាភិបាលថ្មី ខណៈវិធានការជាច្រើនកំពុងត្រូវបានអនុវត្ត ដើម្បីការពារសេដ្ឋកិច្ចជាតិ អំឡុងនីតិវិធីផ្ទេរអំណាច។ នេះបើតាមការចេញផ្សាយដោយសារព័ត៌មាន Bangkok Post នៅថ្ងៃពុធ ទី២៤ ខែឧសភា ឆ្នាំ២០២៣។ ថ្លែងនៅចំពោះមុខអ្នកសារព័ត៌មាន លោក ប្រាយុទ្ធ បានគូសបញ្ជាក់ដូច្នេះថា «ខណៈប្រទេសនឹងត្រូវឆ្ពោះទៅមុខ យើងនឹងបន្តធ្វើការដើម្បីការពារប្រជាជន ខណៈ រង់ចាំរដ្ឋាភិបាលថ្មីឡើងមកកាន់អំណាច»។ លោក ប្រាយុទ្ធ ក៏បានជំរុញផងដែរឱ្យគ្រប់ភាគីទាំងអស់កុំឱ្យបង្កើតសេណារីយ៉ូបំភិតបំភ័យពីស្ថានការណ៍នយោបាយ ដែលអាចធ្វើឱ្យប្រជាជនផ្ទុះកំហឹង។ «សូមកុំបង្កើតបញ្ហាបន្ថែម។ សម្រាប់ខ្លួនខ្ញុំផ្ទាល់ ខ្ញុំមិនមានបញ្ហាអ្វីនោះទេជាមួយគ្រប់ភាគីទាំងអស់ ហើយខ្ញុំគោរពតាមនីតិវិធី ប្រជាធិបតេយ្យដែលកំពុងដំណើរការ»។ នេះជាការអះអាងបន្ថែមរបស់លោក ប្រាយុទ្ធ។ គួរបញ្ជាក់ថា គណបក្ស Move Forward របស់លោក Pita Limjaroenrat បាន និងកំពុងស្វែងរកការគាំទ្រដើម្បីបង្កើតរដ្ឋាភិបាលចម្រុះមួយ ដោយមានលោក Pita ជានាយករដ្ឋមន្ត្រី។ ដើម្បីអាចក្លាយជានាយករដ្ឋមន្ត្រី លោក Pita ត្រូវតែប្រមូលឱ្យបាននូវសំឡេងគាំទ្រ ៣៧៦ ពីរដ្ឋសភា និងព្រឹទ្ធសភាដែលអាចនឹងបើក […]

(ភ្នំពេញ)៖ ក្រុមហ៊ុនធំៗចំនួន១០ នឹងផ្តល់ឱកាសការងារថ្មីបន្ថែមទៀតចំនួន ១១៧៣កន្លែង សម្រាប់ យុវជន សិស្ស/និស្សិត និងអ្នកកំពុងស្វែងរកការងារធ្វើនៅក្នុងកម្មវិធី «វេទិកាការងារ» ដែលសហការរៀបចំដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ និង សហភាពសហព័ន្ធយុវជនកម្ពុជាវិស័យការងារ និងបណ្តុះបណ្តាលវិជ្ជាជីវៈ នាថ្ងៃស្អែកនេះចាប់ពីម៉ោង ៨៖០០ព្រឹក ដល់ម៉ោង ០៥៖០០ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។ ក្រុមហ៊ុនធំទាំង១០ ដែលនឹងចូលរួមជ្រើសរើសបុគ្គលិកក្នុងវេទិកាការងាររបស់ NEA នោះរួមមាន៖ ធនាគារ CAB, ក្រុមហ៊ុន CPF(CP), ក្រុមហ៊ុន GOODHILL, MR Training, MEKONGNET, ក្រុមហ៊ុន JACCS, ក្រុមហ៊ុន UDAYA, ក្រុមហ៊ុន RMA, និងក្រុមហ៊ុន PATE POK, ក្រុមហ៊ុន MJQ Mengly J. Quach Education។ ចំពោះសិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារអាចយកប្រវត្តិរូបសង្ខេប (CV) […]

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ដល់អនុសាសន៍ជំរុញ​ឱ្យក្រសួងវប្បធម៌និងវិចិត្រសិល្បៈ ក្រសួងធម្មការនិងសាសនា និងគ្រប់ផ្នែកពាក់ព័ន្ធត្រូវរួមគ្នារក្សាឱ្យបាននូវទម្រង់ដើមនៃវប្បធម៌ខ្មែរ រាល់ពេលកសាង ឬរៀបចំសិល្បៈណាមួយត្រូវធ្វើឱ្យបានត្រឹមត្រូវតាមក្បួនខ្នាត បញ្ជាក់ឱ្យបានច្បាស់លាស់នៃសម័យកាលសិល្បៈនីមួយៗ ដើម្បីជៀសវាងការនាំឱ្យមានការយល់ច្រឡំដល់អ្នកជំនាន់ក្រោយ។ ការថ្លែងបែបនេះរបស់សម្ដេចតេជោ ហ៊ុន សែន ធ្វើឡើងក្នុងពិធីសម្ពោធសាកលវិទ្យាល័យភូមិន្ទវិចិត្រសិល្បៈនៅទីតាំងថ្មី ព្រម​ទាំងចែកសញ្ញាបត្រដល់និស្សិតដែលបានបញ្ចប់ការសិក្សា នាព្រឹកថ្ងៃទី២៤ ខែឧសភា ឆ្នាំ២០២៣។ នាឱកាសនោះ សម្ដេចតេជោបានដាស់តឿនឱ្យមានការប្រុងប្រយ័ត្នចំពោះវប្បធម៌ខ្មែរ ដូចជាការកសាងបដិមា ព្រះវិហារ សំណង់ ឬការច្នៃម៉ូដសម្លៀកបំពាក់បុរាណ ឬការបង្កើតសិល្បៈ ឬក៏ការធ្វើអ្វីផ្សេងដែលពាក់ព័ន្ធនឹងវប្បធម៌ខ្មែរ គឺត្រូវធ្វើឱ្យបានត្រឹមត្រូវតាមទម្រង់ដើម ឬតាមក្បួនខ្នាតដែលបន្សល់ទុកពីដូនតាជំនាន់មុន។ សម្ដេចតេជោថ្លែងយ៉ាងដូច្នេះថា «ប្រយ័ត្ន១០០ឆ្នាំក្រោយ ឬ៥០ឆ្នាំក្រោយ បែរជាអ្នកជាន់ក្រោយនោះដែលទទួលតំណពីយើងអត់ត្រូវតាមក្បួនខ្នាត ដែលខ្ញុំសូមស្នើឱ្យមានការប្រុងប្រយ័ត្ន ពិសេសបញ្ហាបដិមា រូបចម្លាក់ផ្សេងៗ»។ សម្ដេចតេជោ ហ៊ុន សែន បានបន្តដាស់តឿនថា ចំពោះផ្នែកសម្លៀកបំពាក់បុរាណក៏ត្រូវប្រសិទ្ធនាមឱ្យច្បាស់ថានៅសម័យណាៗ ព្រោះសិល្បៈមានទម្រង់ផ្សេងៗតាមសម័យកាល ដូចជាសម័យអាណាចក្រភ្នំ អាណាចក្រចេនឡា សម័យអង្គរ សម័យចតុម្មុខ សម័យលង្វែក សម័យឧដុង្គ សម័យអាណានិគមជាដើម។ សម្ដេចតេជោនាយករដ្ឋមន្ត្រីមិនជឿសោះឡើយចំពោះការផ្លាស់ប្ដូរវប្បធម៌របស់ជាតិសាសន៍ណាមួយ ដោយសារមានការបង្ខិតបង្ខំ ឬដោយការឈ្លានពានវប្បធម៌ពីសំណាក់ជាតិសាសន៍ដទៃ តែអ្វីដែលគួរឱ្យព្រួយបារម្ភនោះគឺខ្លាចតែការផ្លាស់ប្ដូរវប្បធម៌នោះធ្វើឡើងដោយការស្ម័គ្រចិត្ត ឬក៏មកពីការយល់ច្រឡំ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី២៤ ខែឧសភា ឆ្នាំ២០២៣នេះ បានរំលឹកជាថ្មីដល់ម្ចាស់ក្រុមហ៊ុនផ្តល់សេវា Internet និងម្ចាស់បុរីទាំងអស់ គោរពទៅតាមវិធានការដែលក្រសួងប្រៃសណីយ៍ និងទូរគមនាគមន៍ បានដាក់ចេញកន្លងមកត្រូវបញ្ឈប់ការផ្តល់សិទ្ធិផ្តាច់មុខលើសេវា internet និងផ្តល់លក្ខណៈងាយស្រួល ដល់ក្រសួង និងក្រុមហ៊ុន internet ផ្សេងៗទៀតចូលផ្គត់ផ្គង់សេវាកម្ម។ ជាមួយគ្នានេះ សម្តេចជំរុញឲ្យម្ចាស់ក្រុមហ៊ុនទូរស័ព្ទចល័ត ធ្វើការដំឡើងអង់តែនឲ្យបានច្រើន តាមដែលអាចធ្វើទៅបាន ដើម្បីផ្តល់សេវាទូរស័ព្ទ គ្រប់គ្រាន់ដល់បងប្អូនប្រជាពលរដ្ឋ។ ការរំលឹកជាថ្មីរបស់សម្តេចតេជោ ហ៊ុន សែន ធ្វើឡើងក្នុងឱកាសអញ្ជើញសម្ពោធទីតាំងថ្មី​សាកលវិទ្យាល័យ​ភូមិន្ទវិចិត្រសិល្បៈ និងចែកសញ្ញាបត្រដល់និស្សិត នៅព្រឹកថ្ងៃទី២៤ ខែឧសភា ឆ្នាំ២០២៣នេះ។ សម្តេចតេជោ ហ៊ុន សែន បានថ្លែងយ៉ាងដូច្នេះថា «ក្នុងពេលដែលបុរីមុននេះផ្តាច់មុខដល់ស្រែកទៅ ប្រាប់ថាយើងអត់ទទួលស្គាល់ការផ្តាច់មុខរបស់អ្នកឯងទេ ព្រោះច្បាប់ស្តីពីទូរគមនាគមន៍ អត់អនុញ្ញាតឲ្យផ្តាច់មុខទេ ប៉ុន្តែយកឧបសគ្គបច្ចេកទេសធ្វើជាមូលដ្ឋាន ព្រោះម្ចាស់បុរី ចុះហត្ថលេខាជាមួយក្រុមហ៊ុន internet មួយទើបបណ្តោយឲ្យក្រុមហ៊ុននោះឆាឆៅ។ ខ្ញុំសុំរំលឹកម្ចាស់ក្រុមហ៊ុន internet ទាំងតាមបុរីនានា សុំយកវិធានការដែលក្រសួងប្រៃសណីយ៍ និងទូរគមនាគមន៍ បានដាក់ចេញកន្លងទៅ ហើយសុំឲ្យបណ្តាញ internet […]

(ភ្នំពេញ)៖ ជាថ្មីម្តងទៀត សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់ម្ចាស់បុរីទាំងអស់ ត្រូវគិតគូររឿងសេវាទូរស័ព្ទ និងអ៉ឺនធើណេត ជូនដល់ប្រជាពលរដ្ឋដែលរស់នៅក្នុងបុរី ព្រោះបច្ចុប្បន្ននេះប្រជាពលរដ្ឋ ពួកគាត់រអ៊ូរទាំខ្លាំងណាស់ ចំពោះសេវាទូរស័ព្ទ និងសេវាអ៉ីនធើណេតនេះ។ ការអំពាវនាវរបស់សម្តេចតេជោ ហ៊ុន សែន ធ្វើឡើងក្នុងឱកាសសម្តេចអញ្ជើញសម្ពោធទីតាំងថ្មី​សាកលវិទ្យាល័យ​ភូមិន្ទវិចិត្រសិល្បៈ និងចែកសញ្ញាបត្រដល់និស្សិត នៅព្រឹកថ្ងៃទី២៤ ខែឧសភា ឆ្នាំ២០២៣។ សម្តេចតេជោ ហ៊ុន សែន បានថ្លែងដូច្នេះថា «អ្វីដែលខ្ញុំចង់និយាយទៅក្រសួងប្រៃសណីយ៍ និងទូរគមនាគមន៍ ក៏ដូចជាម្ចាស់បុរីនានា ដែលកន្លងទៅតែងចុះហត្ថលេខាទៅឲ្យក្រុមហ៊ុននេះ ក្រុមហ៊ុននោះ [ក្រុមហ៊ុនអ៉ីនធើណិត] អ្នកឯកចុះហត្ថលេខាបំពានលើច្បាប់ ក្រោយមកគឺគ្រប់បុរីអនុញ្ញាតឲ្យក្រុមហ៊ុនណាចូលក៏បាន ប៉ុន្តែគេដាក់ចេញឧបសគ្គរារាំង […] អ្នករកស៉ី មន្ត្រីរាជការដែលយើងធ្វើការជាមួយរស់នៅក្នុងបុរី ក្នុងពេលបុរីអត់មានសេវាអ៉ីនធើណិត»។ សម្តេចតេជោ ហ៊ុន សែន បានជំរុញក្រសួងប្រៃសណីយ៍ និងទូរគមនាគមន៍ ពិនិត្យមើលក្រុមហ៊ុនមួយឈ្មោះ Home Internet ដោយសារសេវា Internet ក្រុមហ៊ុននេះមិនល្អ ហើយពិបាកទាក់ទងបុគ្គលិកក្រុមហ៊ុនទៀតនៅពេលមានបញ្ហា។ សម្តេចលើកឡើងថា សម្តេចធ្លាប់បានទាក់ទងជាមួយមន្ត្រីរាជរដ្ឋាភិបាលប្រមាណជា ៣នាក់ ដែលប្រើ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងអង្វរករ ដល់ថ្នាក់ដឹកនាំគណៈសង្ឃនាយក បញ្ចប់វិវាទ និងឈប់វាយប្រហារគ្នាលើបណ្តាញសង្គម Facebook។ ការអង្វរកររបស់សម្តេចតេជោ បានធ្វើឡើងនៅព្រឹកថ្ងៃពុធ ទី២៤ ខែឧសភា ឆ្នាំ២០២៣ ពេលអញ្ជើញសម្ពោធទីតាំងថ្មី សាកលវិទ្យាល័យភូមិន្ទវិចិត្រសិល្បៈ ព្រមទាំងចែកសញ្ញាបត្រដល់និស្សិត ដែលបានបញ្ចប់ការសិក្សាពីសាកលវិទ្យាល័យនេះ។ «សូមបញ្ចប់ទៅ ការវាយប្រហារគ្នាតាម Facebook ។ សុទ្ធតែសម្តេចសង្ឃទៅហើយ អាចនិយាយគ្នាបានទេតើ។ សូមកុំឲ្យកូណា ឈឺក្បាលអី»។ នេះជាការបញ្ជាក់របស់សម្តេចតេជោ។ សម្តេចតេជោ ហ៊ុន សែន ចង់ឲ្យមានការសហការគ្នាដ៏ល្អនៅក្នុងប្រព័ន្ធដឹកនាំគណៈសង្ឃនាយក ត្បិតស្ថាប័នសាសនា គឺជាស្ថាប័នដ៏សំខាន់ ក្នុងការនាំសង្គមជាតិទៅរកសន្តិភាព និងប្រកាន់ភាពអហិង្សា។ សូមជម្រាបថា ព្រះមហាក្សត្រកម្ពុជា ថ្មីៗនេះ បានចេញព្រះរាជក្រឹត្យតែងតាំងគោរមងារព្រះរាជាគណៈ នៃគណៈមហានិកាយ នៅព្រះរាជាណាចក្រកម្ពុជា ០៣អង្គ រួមមាន៖ ១៖ ព្រះពុទ្ធវង្ស ហ៊ូ ឈីវនាថ ឱ្យឡើងទីជា ព្រះមហាវិមលធម្ម ព្រះរាជាគណៈថ្នាក់ទោ ២៖ ព្រះសិរីវិសុទ្ធិ សុខ សុភាព […]