(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃទី០៣ ខែមេសា ឆ្នាំ២០២៣នេះ បានស្នើសុំការយោគយល់ និងអធ្យាស្រ័យ ពីសំណាក់ប្រជាពលរដ្ឋ នៅពេលជួបការរំខាន ឬកកស្ទះ លើការធ្វើចរាចរណ៍ កំលុងពេលដឹកកីឡាករ-កីឡាការិនី ក្នុងព្រឹត្តិការណ៍ប្រកួតកីឡាស៊ីហ្គេម។ ការស្នើសុំការយោគយល់ និងអធ្យាស្រ័យនេះ ធ្វើឡើងក្នុងឱកាសដែល សម្តេចតេជោ ហ៊ុន សែន អញ្ជើញជួបសំណេះសំណាល និងពិសា អាហារសាមគ្គីជាមួយថ្នាក់ដឹកនាំ គ្រូបង្វឹក ព្រមទាំងកីឡាករ កីឡាការិនីជម្រើសជាតិ កម្ពុជា សរុប ៤,២៦៤នាក់។ ពិធីនេះ រៀបចំធ្វើឡើងនៅមជ្ឈមណ្ឌលសន្និបាត និងពិព័រណ៍ កោះពេជ្រ នៅល្ងាចថ្ងៃចន្ទ ទី០៣ ខែមេសា ឆ្នាំ២០២៣នេះ។ ទន្ទឹមគ្នានេះ ចំពោះប្រជាពលរដ្ឋ នៅរាជធានីភ្នំពេញ ក្នុងអំឡុងពេលនៃព្រឹត្តិការណ៍ប្រកួតកីឡាស៊ីហ្គេម សម្ដេចតេជោ ហ៊ុន សែន ក៏សូមលើកទឹកចិត្ត ឲ្យប្រើរថយន្តក្រុង ឬរថយន្ដរួមគ្នា ដើម្បីកាត់បន្ថយការកកស្ទះ សម្រួលដល់ការដឹកជញ្ជូន ប្រតិភូកីឡា និងភ្ញៀវអន្ដរជាតិផងដែរ។ សម្តេចតេជោ ហ៊ុន […]

(ភ្នំពេញ)៖ ប្រជាជនភាគច្រើនយល់ថា សេវាកម្មមគ្គុទ្ទេសក៍ទេសចរណ៍ (Tour Guide) គឺសម្រាប់តែភ្ញៀវទេសចរបរទេសប៉ុណ្ណោះ ប៉ុន្តែវាមិនដូច្នោះឡើយ ពីព្រោះថាមគ្គុទ្ទេសក៍ទេសចរណ៍ក៏ជាតម្រូវការដ៏សំខាន់មួយសម្រាប់ភ្ញៀវទេសចរដែលចង់ដឹង ចង់ឮ ចង់យល់អំពីខ្លឹមសារសិលាចារិក ចម្លាក់បដិមា ប្រវត្តិសាស្រ្ត អាថ៌កំបាំង ក៏ដូចជាសិក្សាស្វែងយល់នូវរឿងរ៉ាវនានា។ ជាមគ្គុទ្ទេសក៍ទេសចរណ៍មួយរូបប្រចាំតំបន់អង្គរ លោក ពា គឹមថុន បានថ្លែងថា នៅពេលភ្ញៀវទេសចរជនជាតិខ្មែរប្រើប្រាស់សេវាកម្មមគ្គុទ្ទេសក៍ទេសចរណ៍ ពួកគេនឹងទទួលបានគុណប្រយោជន៍ជាច្រើន ដូចជាយល់ដឹងបន្ថែមពីវប្បធម៌ អរិយធម៌ ប្រពៃណី ទំនៀមទម្លាប់របស់ខ្មែរ ការកសាងប្រាសាទ និងគុណតម្លៃនៃបេតិកភណ្ឌដែលបានបន្សល់ទុកដោយអតីតព្រះមហាក្សត្រ និងបុព្វបុរសខ្មែរកាលពីជំនាន់មុ។ ពិសេសនោះគឺបានបង្កើនចំណេះដឹងពាក់ព័ន្ធនឹងប្រវត្តិសាស្រ្តខ្មែរនៅតាមសម័យកាល តាមរយៈសិលាចារិក ចម្លាក់បដិមាផ្សេងៗ។ ក្រៅពីនេះភ្ញៀវទេសចរនឹងបានស្ដាប់នូវរឿងទេវកថានានានៅតាមជញ្ជាំងប្រាសាទ។ មគ្គុទ្ទេសក៍ដ៏មានថ្វីមាត់ លោក ពា គឹមថុន បានបន្តថា តាមរយៈការយល់ដឹងនេះ វាក៏នឹងជួយបណ្តុះស្មារតីជាតិនិយម ស្គាល់ពីប្រវត្តិសាស្ត្រ និងអត្តសញ្ញាណជាតិខ្លួន ដើម្បីចូលរួមអភិរក្សបន្តនូវសម្បត្តិវប្បធម៌ បេតិកភណ្ឌរបស់ដូនតាផងដែរ។ លោកបានបន្តថា ក្រៅពីនេះភ្ញៀវទេសចរនឹងក៏នឹងទទួលបានសេវាកម្មបន្ទាប់បន្សំផ្សេងៗទៀត ដូចជា ការបកស្រាយនូវចម្ងល់នានាទាក់ទងនឹងប្រវត្តិសាស្ត្រ ជួយថតរូបស្អាតៗជាមួយទីតាំងដែលគួរឱ្យចាប់អារម្មណ៍ជូនភ្ញៀវទេសចរគ្រប់គ្នា។ កញ្ញា ហូ វួចលាង ជាភ្ញៀវទេសចរម្នាក់ដែលបានទៅទស្សនាប្រាសាទអង្គរវត្ត បានថ្លែងថា កាលពីមុន រាល់ពេលដែរកញ្ញាមកលេងអង្គរ […]

(ភ្នំពេញ)៖ ប្រតិភូកីឡាកម្ពុជា ដង្ហែព្រះអគ្គិជ័យកីឡា និងភ្លើងគប់ នៃព្រឹត្តិការណ៍កីឡាស៊ីហ្គេម-អាស៊ានប៉ាហ្គេម ឆ្មាំ២០២៣ បានទទួលការស្វាគមន៍យ៉ាងកក់ក្ដៅពីលោក Jose Ramos-Horta ប្រធានាធិបតីទីម័រខាងកើត បន្ទាប់ពីធ្វើដំណើរទៅដល់ទីក្រុង Dili នៅរសៀលថ្ងៃទី០៣ ខែមេសា ឆ្នាំ២០២៣នេះ។ គួរដឹងថា ក្រោយធ្វើដំណើរដល់ទីក្រុង Dili ភ្លាម នៅរសៀលថ្ងៃដដែល ប្រធានាធិបតីទីម័រខាងកើតលោក Jose Ramos-Horta ក៏បានអនុញ្ញាតឲ្យប្រតិភូកម្ពុជា ដឹកនាំដោយលោក ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស នៃគណៈកម្មាធិការជាតិ CAMSOC ព្រមទាំងលោក អ៊ីវ ហ៊ាង ឯកអគ្គរាជទូតកម្ពុជា ប្រចាប្រទេសទីម័រខាងកើត ដែលមាននិវេសនដ្ឋាននៅរដ្ឋធានីហ្សាកាតា ចូលជួបសម្ដែងការគួរសម។ ឆ្លៀតឱកាសនោះ លោកប្រធានាធិបតីទីម័រ បានសម្ដែងការស្វាគមន៍ ចំពោះប្រតិភូកម្ពុជា ក៏ដូចជាវត្តមានព្រះអគ្គិជ័យ និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅប្រទេសទីម័រខាងកើត, មិនតែប៉ុណ្ណោះ លោកក៏បានរំឮកពីទំនាក់ទំនងដ៏ល្អរវាងទីម័រខាងកើត និងកម្ពុជាផងដែរ ពិសេសសម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលតែងតែគាំទ្រប្រទេសទីម័រខាងកើត រហូតមក។ […]

(ភ្នំពេញ)៖ តាមរយៈសេចក្ដីជូនដំណឹងនៅថ្ងៃទី០៣ ខែមេសា ឆ្នាំ២០២៣នេះ រដ្ឋបាលរាជធានីភ្នំពេញ បានបង្ហាញអំពីទីតាំង និងពេលវេលានៃការចេញដំណើររបស់រថយន្ដក្រុង សម្រាប់ដឹកជញ្ជូនប្រជាពលរដ្ឋទៅតាមបណ្ដាខេត្ត ដោយមិនគិតថ្លៃ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ក្នុងនោះផងដែរសម្រាប់បងប្អូនប្រជាពលរដ្ឋដែលមានបំណងធ្វើដំណើរទៅខេត្តបាត់ដំបង ដែលមានរៀបចំកម្មវិធីសង្ក្រាន្ត និងចូលឆ្នាំខ្មែរ បងប្អូនអាចធ្វើដំណើរតាមរថយន្តក្រុងដឹកជញ្ជូនសាធារណៈដោយឥតគិតថ្លៃរយៈពេល០៥ថ្ងៃ ចាប់ពីថ្ងៃទី ១៣ – ១៧ ខែមេសា ឆ្នាំ២០២៣ ដែលរដ្ឋបាលរាជធានីភ្នំពេញបានបញ្ចេញរថយន្តក្រុងរហូតដល់ទៅ៥០គ្រឿង។ ដោយ ភ្នំពេញ – បាត់ដំបង ម៉ោងចេញដំណើរ : ០៥:៣០ នាទីព្រឹក ទីតាំងចេញដំណើរ :ស្ថានីយចំណតសួនច្បារឬស្សីកែវ និង បាត់ដំបង – ភ្នំពេញ ម៉ោងចេញដំណើរ : ០៥:៣០ នាទីព្រឹក ទីតាំងចេញដំណើរ : ចំណតរថយន្តផ្សារលើ បេនឡានចំណតផ្សារភូពុយ។ សូមបន្ថែមផងដែរថា ការផ្តល់ជូនការដឹកជញ្ជូនឥតគិតថ្លៃនេះក៏មានទៅតាមបណ្តាខេត្តមួយចំនួនដូចមានភ្ជាប់ជូនខាងក្រោមនេះ៕

(កំពង់ស្ពឺ)៖ ក្នុងរយៈពេល១០ឆ្នាំចុងក្រោយនេះ កម្ពុជាបានធ្វើឱ្យមានការរីកចម្រើនយ៉ាងខ្លាំងចំពោះការកាត់បន្ថយការបន្ទោរបង់ពាសវាលពាសកាលនៅតាមខ្នងផ្ទះក្នុងតំបន់ជនបទ ហើយចំនួនខ្នងផ្ទះដែលអនុវត្តការបន្ទោរបង់ ពាសវាល ពាសកាល បានធ្លាក់ចុះពី ៦២% ក្នុងឆ្នាំ២០១០ មកនៅត្រឹមតែ ១៦%ប៉ុណ្ណោះ ក្នុងឆ្នាំ២០២២។ នៅពេលនេះខេត្តកំពង់ស្ពឺ បានក្លាយជាខេត្តទី៤ ដែលបានប្រកាសជាខេត្តបញ្ឈប់ការបន្ទោរបង់ពាសវាលពាសកាល។ ពិធីប្រកាសទទួលស្គាល់ជាផ្លូវការនេះ បានធ្វើឡើងនៅព្រឹកថ្ងៃទី៣ ខែមេសា ឆ្នាំ២០២៣ ក្រោមអធិបតិភាពលោកបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងលោក វ៉ី សំណាង អភិបាលខេត្តកំពង់ស្ពឺ។ នាឱកាសនោះ លោករដ្ឋមន្ត្រី បានថ្លែងថា «ជោគជ័យនេះក៏ដោយសារតែមានការគាំទ្រពីអ្នកពាក់ព័ន្ធទាំងអស់ជាច្រើនទស្សវត្សមកហើយ ដោយបានធ្វើការយ៉ាងយកចិត្តទុកដាក់នៅគ្រប់កម្រិត ក្នុងការពង្រឹងការរៀបចំស្ថាប័ន និងសមត្ថភាព ការអភិវឌ្ឍផែនការបញ្ចប់ការបន្ទោរបង់ពាសវាលពាសកាល (ផែនការ ODF) ទូទាំងខេត្តដោយប្រើប្រាស់ឧបករណ៍ផ្សេងៗ ការអនុវត្តប្រព័ន្ធតាមដាន និងត្រួតពិនិត្យអនាម័យ ចលនាឱ្យមានការចូលរួមពីសហគមន៍ ការរៀនសូត្រ និងការផ្លាស់ប្ដូរបទពិសោធន៍ពីការកំណត់នូវវិធីសាស្ត្រមូលដ្ឋានទីផ្សារអនាម័យ និងការផ្តោតការយកចិត្តទុកដាក់ដល់ក្រុម មនុស្សដែលងាយរងគ្រោះ និងលំបាកក្នុងការទទួលបានសេវា»។ លោកបណ្ឌិត អ៊ុក រ៉ាប៊ុន បានបញ្ជាក់ថា៖ «ការសម្រេចបានការបញ្ចប់ការបន្ទោរបង់ពាសវាលពាសកាលគឺ ជាសមិទ្ធផលដ៏ធំមួយរួចទៅហើយ ប៉ុន្តែនៅមានការងារជាច្រើនទៀតដែលយើងត្រូវធ្វើ។ យើងត្រូវធានាថាគ្រួសារទាំងអស់ មានបង្គន់អនាម័យ […]

(ព្រះសីហនុ)៖ ជនសង្ស័យ២នាក់ ត្រូវបានកម្លាំងស្នងការដ្ឋាននគរបាលខេត្តព្រះសីហនុ ស្រាវជ្រាវឈានដល់ការចាប់ខ្លួន បន្ទាប់ពីពួកគេធ្វើសកម្មភាពយកដុំថ្មគប់កញ្ចក់រថយន្ដរបស់ប្រជាពលរដ្ឋដែលធ្វើដំណើរតាមដងផ្លូវ នៅយប់ថ្ងៃទី០១ ខែមេសា ឆ្នាំ២០២៣ ចំណុចផ្លូវចំណោទអូរត្រាវ ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។ ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់បណ្ដាញព័ត៌មាន Fresh News ឲ្យដឹងនៅរសៀលថ្ងៃទី០៣ ខែមេសា ឆ្នាំ២០២៣នេះថា នៅវេលាកើតហេតុខាងលើ ជនសង្ស័យចំនួន២នាក់ ជិះម៉ូតូ១គ្រឿង បានប្រើដុំថ្មគប់ទៅលើរថយន្តមួយគ្រឿង ម៉ាក Lexus RX330 ពណ៌ស ក្នុងទិសដៅផ្ទុយគ្នា បណ្តាលឲ្យបែកកញ្ចក់ខាងមុខផ្នែកខាងឆ្វេង។ ក្រោយកើតហេតុ ជនរងគ្រោះបានបន្តដំណើរទៅលំនៅដ្ឋាន នៅភូមិ៣ (ទំនប់រលក) សង្កាត់១ ក្រុងព្រះសីហនុ ដោយពុំបានប្ដឹងរាយការណ៍នោះទេ។ ពេលទៅដល់ផ្ទះគាត់ទើបគាត់ទូរ ស័ព្ទប្រចាំបញ្ជារបស់អធិការដ្ឋាន នគរបាលស្រុកព្រៃនប់ ដោយរៀបរាប់ប្រាប់ដល់សមត្ថកិច្ចថា ពេលគាត់មកដល់ចំណុចខាងលើ ក៏មានជនសង្ស័យ២នាក់ ជិះម៉ូតូ០១គ្រឿង បានធ្វើសកម្មភាពយកដុំថ្មគប់រថយន្តគាត់តែម្តង ក្រោយកើតហេតុជនបង្ករត់គេចខ្លួនបាត់។ ក្រោយទទួលបានព័ត៌មាននេះភ្លាម លោកស្នងការបានបញ្ជាឲ្យកម្លាំងអធិការដ្ឋាននគបាលស្រុកព្រៃនប់ ចុះមកសហការជាមួយកម្លាំងប៉ុស្តិ៍នគរបាលរដ្ឋបាលឃុំបិតត្រាំង បានធ្វើការស្រាវជ្រាវស្វែងរក និងនាំខ្លួនជនសង្ស័យចំនួន២នាក់ មកសាកសួរនាំ […]

(ភ្នំពេញ)៖ គ្រោះថ្នាក់​ចរាចរណ៍រវាងលុចស៊ីស៥៧០ ជាមួយកង់បី បណ្តាលឲ្យមនុស្សម្នាក់រងរបួស។ គ្រោះថ្នាក់ចរាចរណ៍នេះបានកើតឡើងនៅថ្ងៃទី០៣ ខែមេសា ឆ្នាំ២០២៣ វេលាម៉ោង៩៖២០នាទីព្រឹក នៅចំណុចផ្លូវព្រះមុនីវង្ស សង្កាត់បឹងកេងកងទី១ ខណ្ឌបឹងកេងកង។ នេះបើយោងតាមការចុះផ្សាយរបស់ អគ្គស្នងការដ្ឋាននគរបាលជាតិ៕ សមត្ថកិច្ច បានឲ្យដឹងថារថយន្ត ម៉ាកលុចស៊ីស570 ពណ៌ស្ករ ពាក់ស្លាកលេខ ភ្នំពេញ 2AT-8288 បានបើកថយចេញពីធនាគារស្ថាបនា ក៏បានជ្រុលទៅបុកកង់បីពណ៌ស ពាក់ស្លាកលេខភ្នំពេញ 1HZ-9549 ដែលកំពុងបើកលើ ផ្លូវព្រះមុនីវង្ស បណ្តាលអោយអ្នកបើកកង់បីរងរបួស បញ្ជូនទៅមន្ទីរពេទ្យ។ សមត្ថកិច្ចបន្តថា មូលហេតុបណ្តាលមកពីអ្នកបើកបរខ្វះការប្រុងប្រយ័ត្ន។ អ្នកបើកបររថយន្តព្រមទាំងរថយន្ត ខាងលើប្រគល់ជូនទៅជំនាញចរាចរណ៍ស្នងការដ្ឋាននគរបាលរាជធានីភ្នំពេញ ៕

(សៀមរាប)៖ រយៈពេល៣ខែ ពោលចាប់ពីខែមករា ដល់ខែមីនា ឆ្នាំ២០២៣នេះ កម្ពុជារកចំណូលបានចំនួន១១,១៣៥,៤៩២ដុល្លារអាមេរិក ពីការលក់បណ្ណចូលទស្សនារមណីយដ្ឋានអង្គរ និងមានភ្ញៀវទេសចរបរទេស ចំនួនសរុប២៣៦,៣៤១នាក់។ នេះបើតាមសេចក្ដីប្រកាសព័ត៌មាន របស់គ្រឹះស្ថានអង្គរ ដែលបណ្ដាញព័ត៌មាន Fresh News ទទួលបាននៅថ្ងៃទី០៣ ខែមេសា ឆ្នាំ២០២៣។ គ្រឹះស្ថានអង្គរ បានបញ្ជាក់ទៀតថា សម្រាប់ខែមីនា ឆ្នាំ២០២៣នេះ គ្រឹះស្ថានអង្គរ រកចំណូលបានចំនួន៣,៧៤៨,៧០០ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន៧៩,៣៩០នាក់។ សូមជម្រាបថា ក្នុងរយៈពេល៣ខែ ឆ្នាំ២០២៣នេះ រដ្ឋាភិបាល បានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប៤៧២,៦៨២ដុល្លារអាមេរិក ពីចំណែកនៃការលក់បណ្ណ ជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា៕ ខាងក្រោមនេះ ជាសេចក្ដីប្រកាសព័ត៌មាន​ របស់គ្រឹះស្ថានអង្គរ៖ ផ្តល់សិទ្ធិដោយ៖ Fresh News

(ភ្នំពេញ)៖ តាមរយៈសេចក្ដីជូនដំណឹងនៅថ្ងៃទី០៣ ខែមេសា ឆ្នាំ២០២៣នេះ រដ្ឋបាលរាជធានីភ្នំពេញ បានបង្ហាញអំពីទីតាំង និងពេលវេលានៃការចេញដំណើររបស់រថយន្ដក្រុង សម្រាប់ដឹកជញ្ជូនប្រជាពលរដ្ឋទៅតាមបណ្ដាខេត្ត ដោយមិនគិតថ្លៃ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ក្នុងនោះផងដែរសម្រាប់បងប្អូនប្រជាពលរដ្ឋដែលមានបំណងធ្វើដំណើរទៅខេត្តសៀមរាប បងប្អូនអាចធ្វើដំណើរតាមរថយន្តក្រុងដឹកជញ្ជូនសាធារណៈដោយឥតគិតថ្លៃរយៈពេល០៥ថ្ងៃ ចាប់ពីថ្ងៃទី ១៣ – ១៧ ខែមេសា ឆ្នាំ២០២៣ ដែលរដ្ឋបាលរាជធានីភ្នំពេញបានបញ្ចេញរថយន្តក្រុងរហូតដល់ទៅ១០០គ្រឿង។ ដោយ ភ្នំពេញ – សៀមរាប ម៉ោងចេញដំណើរ : ០៥:៣០ នាទីព្រឹក ទីតាំងចេញដំណើរ : ខណ្ឌជ្រោយចង្វារ (រង្វង់មូលទេពមច្ឆា OCIC) និង សៀមរាប – ភ្នំពេញ ម៉ោងចេញដំណើរ : ០៥:៣០ នាទីព្រឹក ទីតាំងចេញដំណើរ : បុរីរដ្ឋបាលខេត្តសៀមរាប , វិថីសម្តេចវិបុលបញ្ញា សុខ អាន (ផ្លូវ ៦០ ម៉ែត្រ)។ សូមបន្ថែមផងដែរថា ការផ្តល់ជូនការដឹកជញ្ជូនឥតគិតថ្លៃនេះក៏មានទៅតាមបណ្តាខេត្តមួយចំនួនដូចមានភ្ជាប់ជូនខាងក្រោមនេះ៕ ប្រភព៖រដ្ឋបាលខណ្ឌជ្រោយចង្វារ

(ភ្នំពេញ)៖ ឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្ដារអភិវឌ្ឍន៍ វិស័យកសិកម្ម និងជនបទ បានថ្លែងថា ការអភិវឌ្ឍសេដ្ឋកិច្ចកម្ពុជា ដែលមានកំណើនប្រមាណ ៧%ក្នុងមួយឆ្នាំ ជាង២ទសវត្សរ៍កន្លងមកនេះ គឺពិតជាមិនអាចកាត់ផ្តាច់បាន ពីការចូលរួមរបស់ក្រុមហ៊ុន សហគ្រាសចិន ដែលបានមកបណ្តាក់ទុនរកស៉ីនៅកម្ពុជានោះទេ។ លោកឧបនាយករដ្ឋមន្ត្រីថ្លែងបែបនេះ ក្នុងពិធីបិទវេទិកាកិច្ចសហប្រតិបត្តិការសេដ្ឋកិច្ច «ខ្សែក្រវាត់និងផ្លូវ» (លើកដំបូង) នៅរាជធានីភ្នំពេញ និងពិធីសម្ពោធជាផ្លូវការគម្រោងសហគ្រាសរាប់ពាន់ចូលមកកម្ពុជា នៅយប់ថ្ងៃទី៣ ខែមីនា ឆ្នាំ២០២៣។ ឧបនាយករដ្ឋមន្ត្រី យឹម ឆៃលី បានថ្លែងដែរថា ព្រឹត្តិការណ៍ខាងលើនេះ បញ្ជាក់ពីការរឹតចំណងការទូត រវាងសាធារណរដ្ឋប្រជាមានិតចិន និងព្រះរាជាណាចក្រកម្ពុជា ដែលបានចាប់ផ្តើមតាំងពីឆ្នាំ១៩៥៨ រហូតមកទល់បច្ចុប្បន្ននេះ ដែលថ្នាក់ដឹកនាំជាច្រើនជំនាន់នៃប្រទេសទាំងពីរ បានខិតខំកសាង និងបន្តការពួនជុំសមិទ្ធផលនៃកិច្ចសហប្រតិបត្តិការនេះបន្តទៀត ក្រោមការដឹកនាំរបស់លោកប្រធានាធិបតី ស៉ី ជីនភីង និងសម្តេចតេជោនាយករដ្ឋមន្ត្រី ហ៊ុន សែន។ លោកបន្តថា «ក្រោមការសម្របសម្រួលរបស់សភាពាណិជ្ជកម្មចិន-កម្ពុជា និងវត្តមានសមាគមសម្ព័ន្ធសេដ្ឋកិច្ចសហប្រតិបត្តិការសកលខ្សែក្រវាត់និងផ្លូវ នៅកម្ពុជានេះគឺជាកម្លាំងចលករមួយដ៏សំខាន់ ដែលមិនត្រឹមតែជាស្ពានចម្លងនៃកិច្ចសហប្រតិបត្តិការលើវិស័យពាណិជ្ជកម្មនៃប្រទេសទាំង ២ ប៉ុណ្ណោះទេ តែក៏ជាស្ថាប័នតភ្ជាប់នូវវិស័យសេដ្ឋកិច្ច វប្បធម៌ និងសង្គមកិច្ច ផងដែរ។ […]