(បន្ទាយមានជ័យ)៖ នៅថ្ងៃទី៥ ខែមេសា ឆ្នាំ២០២៣ ស្នងការដ្ឋាននគរបាលខេត្តបន្ទាយមានជ័យ និងអធិការដ្ឋាននគរបាលស្រុកមង្គលបូរី បានចេញមកបំភ្លឺ និងច្រានចោលទាំងស្រុងចំពោះព័ត៌មានមួយដែលបានបង្ហោះតាម បណ្តាញសង្គមហ្វេសបុកថា បុរសម្នាក់ត្រូវគេគប់ដុំថ្មបណ្តាលឲ្យរងរបួសធ្ងន់ តែតាមការពិតជនរងគ្រោះបានជិះម៉ូតូដួលដោយខ្លួនឯងនោះទេ។ សូមបញ្ជាក់ថា កាលពីថ្ងៃទី១៦ ខែមីនា ឆ្នាំ២០២៣ មានព័ត៌មានបង្ហោះតាមបណ្តាញសង្គមហ្វេសបុក ដោយមានក្រុមក្មេងស្ទាវគប់ដុំថ្មតាមដងផ្លូវ នៅភូមិស្ទឹងចាស់ ផ្លូវទៅភូមិស្រមោច ដោយបានគប់ទៅលើឈ្មោះ ឈុន គិមឈយ ភេទប្រុស អាយុ៥៣ឆ្នាំ នៅភូមិស្ទឹងចាស់ ឃុំគយម៉ែង ស្រុកមង្គលបូរី ត្រូវចំដើមទ្រូងខាងឆ្វេងបណ្តាលឲ្យដួលម៉ូតូសន្លប់។ ម្ចាស់អាខោនហ្វេសបុកដែលបង្ហោះនោះមានឈ្មោះ Vorng Blach។ ក្រោយទទួលបានព័ត៌មាននេះភ្លាម, ស្នងការនគរបាលខេត្តបន្ទាយមានជ័យ លោកឧត្តមសេនីយ៍ទោ សិទ្ធិ ឡោះ បានចាត់ឲ្យមន្រ្តីនគរបាលជំនាញ សហការជាមួយអធិការដ្ឋាននគរបាលស្រុកមង្គលបូរី ធ្វើការស្រាវជ្រាវ និងសួរនាំថាតើជនរងគ្រោះពិតជាត្រូវគេគប់ដោយដុំថ្ម ឬយ៉ាងណា? តាមការបំភ្លឺជនរងគ្រោះ គាត់បាននិយាយថា នៅថ្ងៃកើតហេតុនោះ គាត់មកពីបុណ្យសពគេ ហើយស្រវឹងស្រាស្រឺងៗត្រឡប់ទៅផ្ទះវិញ។ បន្ទាប់មកក៏ទៅទិញផ្លែត្រសក់នៅភូមិអង្កខ្មៅ ឃុំ គយម៉ែង (ផ្លូវទៅភូមិស្រមោច) ស្រាប់ជិះម៉ូតូបានប្រហែល៤០០ម៉ែត្រ ខាងកើតផ្ទះក៏ជាន់ដុំថ្មក្រឡាច់ដួលបណ្តាលឲ្យគាត់សន្លប់ ត្រូវបានក្រុមគ្រួសារយកទៅព្យាបាលនៅមន្ទីរពេទ្យបង្អែកមិត្តភាពកម្ពុជា-ជប៉ុន ស្រុកមង្គលបូរី។ ឆ្លងតាមកាស៊ើបអង្កេត […]

(សៀមរាប)៖ «នំបញ្ចុកសៀមរាប» ដែលផលិតឡើងតាមបែបបុរាណ មានរសជាតិឆ្ងាញ់ និងកេរ្តិ៍ឈ្មោះល្បីល្បាញ ត្រូវបាននាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម សហការជាមួយរដ្ឋបាលខេត្តសៀមរាប ចុះសិក្សា និងវាយតម្លៃដើម្បីចុះក្នុងបញ្ជីម៉ាកសមូហភាព និងរៀបចំការចងក្រងរូបមន្តនៃការផលិត។ នៅក្នុងមហាសន្និបាតកំណើតដំបូងរបស់ក្រុមអ្នកផលិត និងអាជីវករនំបញ្ចុកសៀមរាប ស្ថិតនៅឃុំព្រះដាក់ ស្រុកបន្ទាយស្រី ខេត្តសៀមរាប នៅថ្ងៃទី៤ ខែមេសា ឆ្នាំ២០២៣, លោក ហូ ស៊ីវយ៉ុង ប្រតិភូរាជរដ្ឋាភិបាលទទួលបន្ទុក ជាអគ្គនាយកសេវាពាណិជ្ជកម្ម នៃក្រសួងពាណិជ្ជកម្ម បានលើកឡើងថា ការចុះបញ្ជីម៉ាកសមូភាពនំបញ្ចុកសៀមរាបនាពេលនេះ គឺដើម្បីចងក្រងសៀវភៅបន្ទុកមួយ និងរូបមន្តនៃការផលិតនំបញ្ចុកសៀមរាប ពីព្រោះថាកន្លងមក ប្រជាពលរដ្ឋអ្នកផលិតនំបញ្ចុកនៅឃុំព្រះដាក់ ស្រុកបន្ទាយស្រី តែងតែផលិតនំបញ្ចុកឡើងតាមទម្លាប់ពីដូនតាយើងមក ប៉ុន្តែពុំទាន់បានចងក្រងជាឯកសារអំពីរូបមន្តនៃការផលិតនៅឡើយទេ។ ដូច្នេះហើយទើបនាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម សហការជាមួយអាជីវករ ផលិតករនំបញ្ចុកសៀមរាប និងអាជ្ញាធរមូលដ្ឋាន ដើម្បីចងក្រងរូបមន្តនៃការផលិតនំបញ្ចុកសៀមរាប មួយថាគេប្រើគ្រឿងផ្សំអ្វីខ្លះ បានធ្វើឱ្យនំបញ្ចុកសៀមរាប មានរសជាតិឆ្ងាញ់ពិសេសជាងគេ ហើយការចងក្រងនេះអាចទុកប្រើប្រាស់ជារួម និងរក្សាទុកជាមរតកសម្រាប់កូនចៅជំនាន់ក្រោយផងដែរ។ ការចុះបញ្ជីម៉ាកសមូភាពនេះទៀតសោត ក៏អាចទាក់ទាញភ្ញៀវទេសចរមកទទួលទាននំបញ្ចុកបានកាន់តែច្រើន។ លោកបានបន្តកថា នៅថ្ងៃអនាគតនឹងមានការជំរុញឱ្យមានការវិចខ្ចប់នំបញ្ចុកក្រៀមសម្រាប់ការនាំចេញផងដែរ។ លោក សួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធាននាយកដ្ឋានកម្មសិទ្ធិបញ្ញា បានលើកឡើងដែរថា […]

(ភ្នំពេញ)៖ យ៉ាងហោចណាស់មានទណ្ឌិត ចំនួន៦៦៨នាក់​ បានស្នើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ និងពិធីបុណ្យវិសាខបូជា ក្នុងឆ្នាំ២០២៣នេះ។ នេះបើតាមការបញ្ជាក់របស់ក្រសួងយុត្តិធម៌។ ក្រសួងបានឲ្យដឹងថា នៅថ្ងៃទី៤ ខែមេសា ឆ្នាំ២០២៣ លោក កើត រិទ្ធ រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការថ្នាក់ជាតិ ពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស បានអញ្ជើញដឹកនាំកិច្ចប្រជុំពិនិត្យ និងសម្រេចលើបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោស ក្នុងឱកាសពិធីបុណ្យចូលឆ្នាំថ្មីប្រពៃណីជាតិ និងពិធីបុណ្យវិសាខបូជា ឆ្នាំ២០២៣។ អង្គប្រជុំបានពិនិត្យលើបញ្ជីឈ្មោះទណ្ឌិត ដែលបានស្នើសុំបន្ធូរបន្ថយទោស និងលើកលែងទោសមានចំនួនសរុប ៦៦៨នាក់ ក្នុងនោះ ទណ្ឌិតដែលបានស្នើសុំបន្ធូរបន្ថយទោស និងលើកលែងទោសក្នុងឱកាសពិធីបុណ្យចូលឆ្នាំថ្មីប្រពៃណីជាតិមានចំនួន ៣៤៥នាក់ និងទណ្ឌិតដែលបានស្នើសុំបន្ធូរបន្ថយទោស និងលើកលែងទោសក្នុងឱកាសពិធីបុណ្យវិសាខបូជាមានចំនួន ៣២៣នាក់៕ ផ្តល់សិទ្ធិដោយ៖ Fresh News

(បរទេស)៖ នាយកប្រតិបត្តិក្រុមហ៊ុន Tesla និង SpaceX លោក Elon Musk ត្រូវបានទម្លាក់តំណែងពី «តារាងមហាសេដ្ឋី» ដែលមានទ្រព្យសម្បត្តិច្រើនជាងគេបំផុតប្រចាំឆ្នាំរបស់ទស្សនាវដ្តី Forbes ដោយលោកនឹងឈរនៅលេខរៀងបន្ទាប់ពីកំពូលមហាសេដ្ឋីលោក Bernard Arnault។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៥ ខែមេសា ឆ្នាំ២០២៣។ ក្នុងសន្ទស្សន៍មហាសេដ្ឋីរបស់ Forbes ឥឡូវនេះ Musk គឺជាមហាសេដ្ឋីដែលមានបំផុតទីពីររបស់ពិភពលោកដែលទ្រព្យសម្បត្តិប៉ាន់ស្មានចំនួន ១៨០ពាន់លានដុល្លារ ដែលតិចជាងទ្រព្យសម្បត្តិកាលពីឆ្នាំ២០២២ កន្លងទៅរហូតដល់ទៅ ៣៩ពាន់លានដុល្លារឯណោះ។ ចំណាត់ថ្នាក់កំពូលនៅឆ្នាំនេះគឺ បានទៅប្រធានក្រុមហ៊ុនលក់ទំនិញប្រណិតរបស់បារាំង LVMH លោក Bernard Arnault ដែលទ្រព្យសម្បត្តិសុទ្ធរបស់លោកបានកើនឡើងជាង ៥០ពាន់លានដុល្លារកាលពីឆ្នាំមុន ដែលឈានដល់ទ្រព្យសម្បត្តិសរុបចំនួន ២១១ពាន់លានដុល្លារអាមេរិក។ នេះមិនមែនជាលើកទី១ ដែល Musk បានធ្លាក់ពីតំណែងកំពូលមហាសេដ្ឋីពិភពលោកនោះទេ ដោយកន្លងមក Musk និង Arnault តែងតែផ្លាស់ប្តូរកន្លែងគ្នា។ ទស្សនាវដ្តី Forbes បានពន្យល់ថា ទ្រព្យសម្បត្តិរបស់ Musk បានធ្លាក់ចុះដោយសារតែការទិញយក Twitter […]

ឧកញ៉ា ស្រី ចាន់ថន នៅថ្ងៃទី០៥ ខែមេសា ឆ្នាំ២០២៣ បានប្រកាសបង្កើតមូលនិធិគុនខ្មែរ ក្រោយមានការសំណូមពរពីសាធារណជន ដោយលោកបានបន្ថែមថា មូលនិធិមានគោលបំណង៣ធំៗដូចជា ដើម្បីឱ្យមានថវិកាក្នុងការទ្រទ្រង់កីឡាករ, ជួយកីឡាករដែលមិនសូវមានថវិកាដើម្បីព្យាបាលរបួស និងដើម្បីមានថវិកាមួយចំនួនក្នុងការរៀបចំប្រកួត។ ឧកញ៉ា ស្រី ចាន់ថន បានសរសេររៀបរាប់ក្នុងគណនីហ្វេសប៊ុករបស់លោកយ៉ាងដូច្នេះថា៖ «ដោយសារតែមានបងប្អូនសំណូមពរឲ្យខ្ញុំបង្កើតមូលនិធិគុនខ្មែរ ដូច្នេះថ្ងៃនេះខ្ញុំសូមប្រកាសជាសាធារណថា ខ្ញុំនឹងបង្កើតមូលនិធិគុនខ្មែរតាមសំណូមពរបងប្អូនយើងទាំងអស់គ្នាដើម្បីលើកស្ទួយគុនខ្មែរឲ្យកាន់តែល្បីល្បាញមួយកម្រិតបន្ថែមទៀត។ មូលនិធិនេះមិនមែនជារបស់ខ្ញុំនោះទេ ប៉ុន្តែគឺជារបស់ប្រជាជនកម្ពុជាគ្រប់រូបទាំងក្នុងនិងក្រៅប្រទេស ដូច្នេះខ្ញុំសូមអញ្ជើញឲ្យបងប្អូនចូលរួមគាំទ្រមូលនិធិមួយនេះទាំងអស់គ្នា។ គោលបំណងក្នុងការបង្កើតមូលនិធិនេះមានដូចជា៖ -ទី១៖ ដើម្បីមានថវិការក្នុងការទ្រទ្រង់កីឡាករ ដូច្នេះកីឡាករគុនខ្មែរមានពេលវេលាគ្រប់គ្រាន់ក្នុងការផ្តោតទៅលើការហ្វឹកហាត់១០០%។ -ទី២៖ ដើម្បីជួយកីឡាករដែលមានរបួសអំឡុងពេលប្រកួត ព្រោះកន្លងមកនៅពេលកីឡាករគុនខ្មែរមានរបួសអំឡុងពេលប្រកួត ពួកគាត់មិនសូវមានថវិកាដើម្បីព្យាបាលរបួសនោះទេ។ -ទី៣៖ ដើម្បីមានថវិកាមួយចំនួនក្នុងការរៀបចំកម្មវិធីប្រកួតជាលក្ខណជាតិនិងអន្តរជាតិ។ អាស្រ័យហេតុនេះតើបងប្អូនមានយោបល់បែបណាដែរ? សូមបងប្អូនខម្មិននៅខាងក្រោមអត្ថបទមួយនេះ។ ដោយក្តីគោរព និងស្រលាញ់បំផុតពីខ្ញុំបាទ ស្រី ចាន់ថន»៕

(ភ្នំពេញ)៖ ទីស្តីការគណៈរដ្ឋមន្ត្រី បានប្រកាសពីការប្រលងជ្រើសរើសមន្ត្រី ឲ្យចូលបម្រើការងារក្របខណ្ឌទីស្តីការគណៈរដ្ឋមន្ត្រី ចំនួន ១៤រូប សម្រាប់ឆ្នាំ២០២៣នេះ។ នេះបើតាមសេចក្តីជូនដំណឹង ដែលបណ្តាញ Fresh News ទទួលបាននៅថ្ងៃទី៤​ ខែមេសា ឆ្នាំ២០២៣។ ខាងក្រោមនេះជាសេចក្តីជូនដំណឹង៖ ផ្តល់សិទ្ធិដោយ៖ Fresh News

(ភ្នំពេញ)៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានទទួលជួបពិភាក្សាការងារក្នុងក្របខណ្ឌកិច្ចសហប្រតិបត្តិការទ្វេភាគី កម្ពុជា-សាធារណរដ្ឋកូរ៉េ ជាមួយ​លោកបណ្ឌិត PARK Jung-Wook ឯកអគ្គរដ្ឋទូតវិសាមញ្ញ និងពេញសមត្ថភាពថ្មី នៃសាធារណរដ្ឋកូរ៉េ នាថ្ងៃទី៤ ខែមេសា ឆ្នាំ២០២៣នេះ។ ក្នុងជំនួបនេះ អគ្គបណ្ឌិតសភាចារ្យ បានសម្តែងនូវការស្វាគមន៍យ៉ាងកក់ក្តៅ និងអបអរ​សាទរ ចំពោះ​លោកបណ្ឌិត PARK Jung-Wook ដែលត្រូវបានតែងតាំងជាឯកអគ្គរដ្ឋទូតថ្មី នៃសាធារណរដ្ឋកូរ៉េ ប្រចាំនៅ​កម្ពុជា ​និងបន្តស្វាគមន៍អ្នកវិនិយោគទុនពីប្រទេសកូរ៉េឲ្យបានច្រើនបន្ថែមទៀត​​ ខណៈចំពោះលំហូរទុន និងទំហំនៃការវិនិយោគឯកជនពីប្រទេសកូរ៉េខាងត្បូង មានការកើនឡើងជាបន្តបន្ទាប់។ ​អគ្គបណ្ឌិតសភាចារ្យ មានប្រសាសន៍ថា កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ (FTA) ដែលទើបតែចូលជាធរមានកាលពីដើមខែ ធ្នូ ឆ្នាំ ២០២២ នឹងជួយបង្កើនទំហំពាណិជ្ជកម្មនៃការនាំចេញ-នាំចូលរវាងប្រទេសទាំងពីរឲ្យកាន់តែមានភាពល្អប្រសើរ និងតាមរយៈកិច្ចព្រមព្រៀងស្តីពីការលុបបំបាត់ការយកពន្ធត្រួតគ្នា (Double Taxation Agreement-DTA) រវាងកម្ពុជា-កូរ៉េ ក៏នឹងជាឧបករណ៍សម្រាប់ជួយបង្កបរិយាកាសនៃការវិនិយោគពីប្រទេសកូរ៉េ ឲ្យកាន់តែមានភាពល្អប្រសើរ និងទាក់ទាញវិនិយោគិនឲ្យមានការកើនឡើងពីមួយឆ្នាំទៅមួយឆ្នាំ ។ ជាក់ស្តែង, ថ្មីៗនេះ ក្រុមហ៊ុនធំៗរបស់កូរ៉េ បានមកបណ្តាក់ទុនវិនិយោគបង្កើតរោងចក្របង្គុំរថយន្តម៉ាកល្បីៗ នៅប្រទេសកម្ពុជា […]

(ភ្នំពេញ)៖ ពូជស្រូវចំប៉ីស៧០ មានវត្តមានជាផ្លូវការ បន្ទាប់ពីប្រើពេលអស់៩ឆ្នាំ ក្នុងការស្រាវជ្រាវ និងឆ្លងកាត់ការធ្វើពិសោធនៅលើស្រែកសិករ ចំនួន៨០កន្លែង។ នេះបើតាមសេចក្តីប្រកាសព័ត៌មានរួម របស់ក្រសួងកសិកម្ម និងស្ថានទូតអូស្ត្រាលី នៅថ្ងៃទី៥ ខែមេសានេះ។ ពូជស្រូវចំប៉ីស៧០ គឺជាលទ្ធផលនៃកិច្ចសហប្រតិបត្តិការជិតមួយទសវត្សរ៍ រវាងវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា ហៅកាត់ថា (CARDI) និងរដ្ឋាភិបាលអូស្រ្តាលី។ ចំប៉ីស៧០ ត្រូវបានបង្កាត់ចេញពីពូជស្រូវផ្ការំដួល របស់កម្ពុជា ដែលជាស្រូវ ជាប់ពានរង្វាន់ល្អដាច់គេក្នុងពិភពលោកជាមួយនឹងស្រឡាយស្រូវ មិនប្រកាន់រដូវ CNi9024។ ពូជស្រូវនេះ បានឆ្លងកាត់ពិសោធន៍នៅលើស្រែកសិករចំនួន៨០កន្លែង ទាំងក្នុងរដូវប្រាំង និងរដូវវស្សា។ ទិវាស្រែចំនួនបីត្រូវបានរៀបចំដោយាមានការចូលរួមពីកសិករប្រមាណជា៩០នាក់ ដែលមួយភាគបីនៃអ្នកចូលរួមគឺជាស្រ្តី ដើម្បីវាយតម្លៃទៅលើស្រឡាយដែលល្អបំផុតសម្រាប់ការបញ្ចេញពូជ។ ស្រឡាយមួយ ត្រូវបានជ្រើសរើស និងដាក់ជូនគណៈកម្មការបញ្ចេញពូជដំណាំ នៃក្រសួងកសិកម្ម រុក្ខាប្រមាញ់ និងនេសាទ។ ថ្ងៃនេះ លោក Justin Whyatt ឯកអគ្គរាជទូត អូស្ត្រាលីប្រចាំប្រទេសកម្ពុជា និងលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានរួមគ្នាច្រូតស្រូវ និងដាក់ឱ្យប្រើប្រាស់នូវពូជស្រូវចំប៉ីស៧០ ក្នុងទិវាច្រូតស្រូវ ចំប៉ីស៧០ […]

(បរទេស)៖ សារព័ត៌មាន Bloomberg បានរាយការណ៍មកថា Apple គ្រោងកាត់បន្ថយបុគ្គលិកនៅក្នុងផ្នែកលក់រាយមួយចំនួនដែលស្ថិតនៅក្នុងក្រុមគ្រប់គ្រងការផលិត និងតំហែទាំទីតាំងលក់រាយរបស់ខ្លួននៅទូទាំងពិភពលោក។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៥ ខែមេសា ឆ្នាំ២០២៣។ វាមិនច្បាស់ទេថាតើមុខតំណែងប៉ុន្មានដែល Apple នឹងដកចេញនោះទេ ប៉ុន្តែតាមរយៈសារព័ត៌មាន Bloomberg បាននិយាយថាការកាត់បន្ថយនេះគឺ «ទំនងជាតិចតួចណាស់»។ នេះជាលើកទី១ ដែលទទួលបានរបាយការណ៍ថា Apple នឹងកាត់បន្ថយបុគ្គលិកផ្ទៃក្នុងរបស់ខ្លួន ដើម្បីកាត់បន្ថយចំណាយ ខណៈដែលក្រុមហ៊ុនបច្ចេកវិទ្យាអាមេរិកជាច្រើនបានបញ្ឈប់បុគ្គលិកស្ទើតែពាក់កណ្តាលក្រុមហ៊ុនរួចទៅហើយ។ ត្រលប់ទៅខែមិថុនា ឆ្នាំ ២០២២ ក្រុមហ៊ុន Apple ធ្លាប់បានបញ្ឈប់ម្តងដែលជាបុគ្គលិកម៉ៅការសំណង់រហូតដល់ ១០០ នាក់ឯណោះ ដែលមានតួនាទីគ្រប់គ្រងការជ្រើសរើសបុគ្គលិកសំណង់ ប៉ុន្តែពួកគេមិនមែនជាបុគ្គលិកពេញម៉ោងទេ។ ជុំវិញបញ្ហានេះ ក្រុមហ៊ុន Apple បានប្រាប់និយោជិតថា «ទាំងនេះមិនមែនជាការបញ្ឈប់ការងារទេ ប៉ុន្តែជាការសម្រួល ហើយការផ្លាស់ប្តូរនេះគឺមានគោលបំណងធ្វើឱ្យប្រសើរឡើងនូវការថែរក្សាហាងនៅទូទាំងពិភពលោក»។ បន្ថែមពីនេះទៅទៀតសម្រាប់អ្នកដែលត្រូវបានកាត់បន្ថយមានជម្រើសក្នុងការដាក់ពាក្យម្តងទៀតសម្រាប់មុខតំណែងដែលស្រដៀងនឹងការងារពីមុនរបស់ពួកគេ ហើយអ្នកដែលមិនបានទទួលតួនាទីថ្មីអាចទទួលបានប្រាក់បញ្ចប់អាទិភាពកាងារខែរហូតដល់ ៤ ខែឯណោះ។ គួរជម្រាបដែរថា គម្រោងបញ្ឈប់បុគ្គលិករបស់ Apple នេះមិនទាន់មានការបញ្ជាក់ពីក្រុមហ៊ុននោះទេ តែបើតាមរបាយការណ៍អាចនឹងមិនប៉ះពាល់បុគ្គលិកច្រើនឡើយបើធៀបទៅនឹងក្រុមហ៊ុនអាមេរិកផ្សេងទៀតដូចជា Twitter ដែលបានបញ្ឈប់រាប់ពាន់នាក់បន្ទាប់ពីការកាន់កាប់ដោយ Elon Musk […]

(ភ្នំពេញ)៖ ធនាគារអភិវឌ្ឍន៍អាស៊ី (ADB) បានឱ្យដឹងថា នៅឆ្នាំ២០២២ ថវិការបស់រដ្ឋាភិបាលកម្ពុជា មានអតិរេក (ចំណូលច្រើនជាងចំណាយ) ១.៧% ដោយសារការប្រមូលពន្ធលើសផែនការ និងការចំណាយទាប បើទោះបីឆ្នាំមុន​រាជរដ្ឋាភិបាលបានចំណាយថវិកា ដើម្បី​គាំទ្រដល់ការបង្ការ និងការព្យាបាលជំងឺកូវីដ១៩ និងឧបត្ថម្ភដល់គ្រួសារក្រីក្រ និងងាយរងគ្រោះ និងការអនុវត្តផែនការស្តារសេដ្ឋកិច្ចរបស់ខ្លួនក៏ដោយ។ យោងតាមរបាយការណ៍ ស្តីពីទស្សនៈវិស័យអភិវឌ្ឍន៍អាស៊ីខែមេសា ឆ្នាំ២០២៣ ដែលចេញផ្សាយដោយធនាគារអភិវឌ្ឍន៍អាស៊ី នៅថ្ងៃទី៤ ខែមេសា ឆ្នាំ២០២៣ បានលើកឡើងថា ថវិកាជាទូទៅរបស់រដ្ឋាភិបាល ដែលរួមបញ្ចូលគ្នានូវថវិការដ្ឋាភិបាលថ្នាក់កណ្តាល និងថ្នាក់មូលដ្ឋាន ត្រូវបានព្យាករថានឹងមានឱនភាព ៥.៥% នៃផលិតផលក្នុងស្រុកសរុប (GDP) នៅឆ្នាំ២០២២ ប៉ុន្តែចំណូលខ្ពស់ និងការចំណាយទាប បានបង្កើតអតិរេកថវិកាចំនួន ១.៧% នៃGDP។ ADB​ បន្ថែមថា «ការប្រមូលពន្ធលើសការរំពឹងទុក បានបង្កើនចំណូលដល់ប្រមាណ ២២.២% នៃ GDP ខ្ពស់ជាងគម្រោងចំណូលដែលមានចំនួន ២០.២% ស្របពេលការចំណាយត្រូវបានប៉ាន់ស្មានដំបូងថា មានចំនួន២០.៥%នៃ GDP ដែលទាបជាងគម្រោងចំណាយ ដែលមាន ២៥.៧%»។ ​​លោក ឌួង […]