(ភ្នំពេញ)៖ នាយកដ្ឋានបរិវត្តកម្មឌីជីថលនៃក្រសួងអប់រំ យុវជន និងកីឡា នាថ្ងៃទី២៨ ខែធ្នូ ឆ្នាំ២០២៤នេះ បានរៀបចំកម្មវិធីប្រកួតហ្គេមថ្នាក់ជាតិ ២០២៤ (Game Jam 2024) លើការបង្កើតហ្គេមប្រភេទអប់រំ ដែលអាចជួយដោះស្រាយបញ្ហាក្នុងសហគមន៍ និងដើម្បីផ្តល់ឱ្យស្ត្រីវ័យក្មេងនៅកម្ពុជា នូវសិទ្ធអំណាច ជំនាញ និងចំណេះដឹងដើម្បីឈោងចាប់ឱកាសការងារក្នុងវិស័យបច្ចេកវិទ្យា និងបញ្ជ្រាបឧស្សាហកម្ម Gaming Education ក្នុងវិស័យអប់រំ។ ពិធីនេះបានធ្វើឡើងក្រោមវត្តមានលោក សុក ថា ប្រធាននាយកដ្ឋានបរិវត្តកម្មឌីជីថលនៃក្រសួងអប់រំ យុវជន និងកីឡា និងដោយមានការ​ចូលរួមពី​ក្រុមកុមារី ៨ក្រុម ដែលមានកម្រិតអនុវិទ្យាល័យចំនួន ៤ក្រុម និងវិទ្យាល័យ ៤ក្រុម ដែលមកពីក្លឹបសិក្សាក្រៅម៉ោង ICT របស់សាលាគោលដៅទាំង ៣៣សាលា នៅក្នុងខេត្តគោលដៅចំនួន៥ រួមានខេត្ត៖ សៀមរាប បាត់ដំបង កំពត តាកែវ និងស្ទឹងត្រែង។ គួរបញ្ជាក់ដែរថា កម្មវិធីអប់រំបង្កើតហ្គេម (Game Changers Coalition) ផ្ដួចផ្ដើមឡើងដោយនាយកដ្ឋានបរិវត្ដកម្មឌីជីថលនៃក្រសួងអប់រំ យុវជន និងកីឡា សហការជាមួយអង្គការយូនីសេហ្វ និងអង្គការ Office […]

(ភ្នំពេញ)៖ រាជរដ្ឋាភិបាលកម្ពុជា ណែនាំដល់ក្រសួងស្ថាប័នពាក់ព័ន្ធឲ្យកែលម្អ និងសម្រួលនីតិវិធីក្នុងការផ្តល់ទិដ្ឋាការតាមប្រព័ន្ធ e-Visa និង ប្រព័ន្ធ e-Arrival ឲ្យមកនៅក្នុង Ecosystem តែមួយរបស់រាជរដ្ឋាភិបាល និងបញ្ចុះតម្លៃទិដ្ឋាការ អេឡិចត្រូនិក(e-Visa) ប្រភេទទេសចរ(T) និងប្រភេទធម្មតា(E) ឲ្យបានសមស្រប ដែលនឹងចាប់ផ្តើមអនុវត្តចាប់ពីថ្ងៃទី១ ខែមករា ឆ្នាំ២០២៥តទៅ។ ក្នុងសេចក្ដីប្រកាសព័ត៌មាន នៅថ្ងៃទី២៨ ខែធ្នូ ឆ្នាំ២០២៤នេះ បានបញ្ជាក់ថា តម្លៃទិដ្ឋាការអេឡិចត្រូនិក ត្រូវបានបញ្ចុះតម្លៃដូចខាងក្រោម៖ *ទី១៖ e-Visa T បញ្ចុះតម្លៃពី ៣៦ (សាមសិបប្រាំមួយ) ដុល្លារ មកនៅត្រឹម៣០​(សាមសិប) ដុល្លារ។ *ទី២៖ e-Visa E បញ្ចុះតម្លៃពី ៤២​ (សែសិបពីរ) ដុល្លារ មកនៅត្រឹម៣៥​ (សាមសិបប្រាំ) ដុល្លារ៕ ផ្តល់សិទ្ធិដោយ៖ Fresh News

(ភ្នំពេញ)៖ ហេតុការណ៍សិស្សវាយគ្នានៅក្នុងសាលា ញូវហ្គេតវ៉េអន្តរជាតិ (New Gate Way International School) នៅសង្កាត់វាលវង់ ខណ្ឌ៧មករា បណ្តាលឲ្យក្មេងប្រុសជំទង់ម្នាក់រងរបួស និងត្រូវបានម្តាយរបស់គាត់បង្ហោះតាម បណ្តាញសង្គម នាំឲ្យមានការចែកចាយខ្លាំងនោះ ត្រូវបាននគរបាលចុះទៅដោះស្រាយ​ និងសម្របសម្រួលបញ្ចប់ហើយ នៅចំពោះមុខឪពុកម្តាយក្មេងដែលពាក់ព័ន្ធ។ លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានប្រាប់បណ្តាញព័ត៌មាន Fresh News នៅរសៀលថ្ងៃនេះថា ក្រោយទទួលបានព័ត៌មាននេះភ្លាម លោកបានបញ្ជាឲ្យ កម្លាំងនគរបាលចុះទៅសួរនាំដល់ក្នុងសាលា ដើម្បីធ្វើការដោះស្រាយ និងសម្របសម្រួលគ្នា ដោយសារតែសិស្សៗដែលកើតជម្លោះវាយតប់គ្នានៅក្នុងសាលានោះមានអាយុ១១-១២ឆ្នាំ។ លោកឧត្តមសេនីយ៍ស្នងការ បានបញ្ជាក់ថា នគរបាលរបស់យើងបានហៅឪពុកម្តាយសងខាង មកដោះស្រាយ និងសម្របសម្រួលដើម្បីបញ្ចប់រឿងនៅក្នុងសាលាតែម្តង៕ ផ្តល់សិទ្ធិដោយ៖ Fresh News

(ភ្នំពេញ)៖ ក្រសួងមុខងារសាធារណៈ បានរៀបចំការប្រឡងប្រជែងជ្រើសរើសមន្ត្រីរាជការ ចូលបម្រើការងារនៅអគ្គនាយកដ្ឋានពន្ធដារ ក្នុងក្របខណ្ឌក្រសួងសេដ្ឋកិច្ច និងហិរញ្ញវត្ថុ លើវិញ្ញាសាសរសេរលើកទី១ នារសៀលថ្ងៃទី២៨ ខែធ្នូ ឆ្នាំ២០២៤នេះ នៅសាលាភូមិន្ទភ្នំពេញ។ មិនខុសពីសព្វមួយដង លោក ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានអញ្ជើញកាត់វិញ្ញសាក្នុងការប្រឡងប្រជែងជ្រើសរើសមន្ត្រីរាជការ លើវិញ្ញាសាសរសេរលើកទី១ នេះផងដែរ។ សូមជម្រាបថា ការប្រឡងនេះនឹងប្រព្រឹត្តទៅ ៣ ដំណាក់កាល ដោយដំណាក់កាលទី១ និងដំណាក់កាលទី២ ត្រូវប្រឡងវិញ្ញសាសរសេរ រីឯ ដំណាក់កាលទី៣ បេក្ខជនត្រូវប្រឡងដោយការសម្ភាសផ្ទាល់មាត់តែម្ដង។ ទន្ទឹមនេះ មានបេក្ខជនចូលរួមសរុប ៥ ៦៩៤នាក់ (ស្រី ៣៣៧៤) ការប្រឡងជ្រើសរើសអ្នកជាប់ចុងក្រោយគឺមានចំនួន ២៥៧ កន្លែងប៉ុណ្ណោះ។ បេក្ខជនទាំងអស់ត្រូវចូលរួមការប្រឡងប្រជែងលើវិញ្ញាសាសរសេរលើកទី១ សម្រាប់មុខតំណែងមានដូចតទៅ៖ ដោយមុខតំណែងក្នុងឧបសម្ព័ន្ធទី១៖ បេក្ខជនត្រូវប្រឡងលើមុខវិជ្ជា ១.ភាសាអង់គ្លេស មានរយៈពេល ១ម៉ោង (ចាប់ផ្តើមពីម៉ោង ១២:៣០នាទី ដល់ម៉ោង ១៣:៣០នាទី) និង ២.សំណួរពហុចម្លើយចំណេះដឹងទូទៅពាក់ព័ន្ធនឹង ១៖មុខងារសាធារណៈ ក្រមសីលធម៌វិជ្ជាជីវៈ គោលនយោបាយរបស់រាជរដ្ឋាភិបាល […]

(វ៉ាស៊ីនតោន)៖ ចំនួនជនគ្មានផ្ទះសម្បែងនៅក្នុងសហរដ្ឋអាមេរិក បានកើនឡើងជាមួយការបំបែកកំណត់ត្រាថ្មីមួយនៅក្នុងឆ្នាំ២០២៤នេះ ខណៈវិបត្តិអតិផរណា និងតម្លៃផ្ទះឡើងថ្លៃស្ថិតនៅក្នុង ចំណោមកត្តាសំខាន់ៗនៅពីក្រោយការកើនឡើងនេះ។ នេះបើតាមក្រសួងអភិវឌ្ឍនគរូបនីយកម្ម និងលំនៅឋានអាមេរិក ដកស្រង់ចេញផ្សាយដោយទីភ្នាក់ងារសារព័ត៌មាន AFP នៅថ្ងៃសៅរ៍ ទី២៨ ខែធ្នូ ឆ្នាំ២០២៤។ នៅក្នុងរបាយការណ៍វាយតម្លៃប្រចាំឆ្នាំរបស់ខ្លួន ក្រសួងបានឱ្យដឹងទៀតថាមនុស្សប្រមាណ ៧៧១ ៤៨០នាក់ គ្មានផ្ទះសម្បែង ឬកើនឡើង១៨ភាគរយ បើធៀបទៅនឹងឆ្នាំ២០២៣ ដែលមនុស្ស ប្រហែល ៦៥៣,០០០នាក់ នៅទូទាំងសហរដ្ឋអាមេរិក ជាជនគ្មានផ្ទះសម្បែង ។ ក្រៅតែពីបញ្ហា អតិផរណា និងតម្លៃផ្ទះឡើងថ្លៃ គ្រោះមហន្តរាយធម្មជាតិ ការរើសអើងជាលក្ខណៈប្រព័ន្ធ និងការកើនឡើងចំនួនជនអន្តោប្រវេសន៍ ក៏ជាមូលហេតុនៅពីក្រោយការកើនឡើងចំនួនអ្នកគ្មានផ្ទសម្បែង នៅសហរដ្ឋអាមេរិកផងដែរ។ គួរបញ្ជាក់ថា បើតាមរបាយការណ៍ខាងលើដដែល នៅចន្លោះពីឆ្នាំ២០២៣ ដល់ឆ្នាំ២០២៤ មនុស្សមានអាយុក្រោម១៨ឆ្នាំ គឺជាក្រុមមនុស្សដែលគ្មានផ្ទះសម្បែងក្នុងចំនួនច្រើនជាងគេស្មើនឹងជិត ១៥០ ០០០នាក់ ឬស្មើនឹង៣៣ភាគរយ ខណៈពលរដ្ឋអាមេរិកស្បែកខ្មៅ តំណាងឱ្យ ៣២ភាគរយនៃជនគ្មានផ្ទះសម្បែង៕ ផ្តល់សិទ្ធិដោយ៖ Fresh news

(ភ្នំពេញ)៖ យុវជន ស៊ូ សុបញ្ញា ជានិស្សិតមួយរូបទើបបញ្ចប់ការសិក្សាថ្នាក់​បរិញ្ញា​បត្រអក្សរសាស្ត្រអង់គ្លេស ពីសាកលវិទ្យាល័យធនធានមនុស្ស។ សុបញ្ញា និងនិស្សិតដទៃទៀត ទើបនឹងទទួលបានសញ្ញាបត្រ ដែលពិធីចែក​សញ្ញា​បត្រធ្វើឡើងនៅថ្ងៃទី២៦ ខែធ្នូ ឆ្នាំ២០២៤ ក្រោមអធិបតីភាពសម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ យុវជន ស៊ូ សុបញ្ញា ជានិស្សិតមកពីខេត្តកំពង់ចាម។ ក្រោយបញ្ចប់ការ​សិក្សា​មធ្យម​សិក្សាទុតិយភូមិនៅឆ្នាំ២០១៩ យុវជន សុបញ្ញា ទទួល​បានអាហា​រូប​ករណ៍​​របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈ​សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ដើម្បីសិក្សា​ថ្នាក់​ឧត្តមសិក្សា។ សុបញ្ញា បានចាប់យកការសិក្សា​ថ្នាក់បរិញ្ញាបត្រអក្សរសាស្រ្ត​អង់​គ្លេស ផ្នែកទំនាក់ទំនង នៅសាកលវិទ្យាល័យធនធានមនុស្ស។​ សុបញ្ញា បានថ្លែងថា អាហារូបករណ៍របស់សម្តេចតេជោ និងសម្តេចកិត្តិព្រឹទ្ធ​បណ្ឌិត មានគុណតម្លៃខ្ពស់ណាស់សម្រាប់រូបគេ។​ អាហារូបករណ៍នេះ ជួយ​ផ្តល់ឱកាសឱ្យរូបគេបានបន្តការសិក្សានៅថ្នាក់មហាវិទ្យាល័យ ហើយជួយ​សម្រាលបន្ទុកការចំណាយផ្សេងៗផងដែរ។ ក្រោយបញ្ចប់ការសិក្សា សុបញ្ញា ក៏មានការងារធ្វើសមរម្យ ដើម្បីជួយដល់ការរស់នៅផ្ទាល់ខ្លួន និងបានជាចំណែកខ្លះជួយដល់គ្រួសារផងដែរ។ យុវជន ស៊ូ សុបញ្ញា បានគោរពថ្លែងអំណរគុណសម្តេចតេជោ, សម្តេចកិត្តិព្រឹទ្ធបណ្ឌិត, សម្តេចមហាបវរធិបតី ហ៊ុន […]

(បរទេស)៖ ប្រធានាធិបតីជាប់ឆ្នោតថ្មីលោក Donald Trump បានស្នើសុំជាផ្លូវការឱ្យតុលាការកំពូលរបស់សហរដ្ឋអាមេរិកផ្អាកច្បាប់ដែលអាចនាំឱ្យមានការហាមឃាត់លើ TikTok ដែលនឹងចូលជាធរមាននៅថ្ងៃទី១៩ ខែមករា ឆ្នាំ២០២៥ ដោយលើកហេតុផលថា លោកគួរតែមានពេលវេលា បន្ទាប់ពីការចូលកាន់តំណែងដើម្បីបន្ត «ដំណោះស្រាយនយោបាយ» ចំពោះបញ្ហានេះ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី២៨ ខែធ្នូ ឆ្នាំ២០២៤។ សំណើនេះ ត្រូវបានធ្វើឡើងដោយសំអាងលើអំណះអំណាងផ្ទាល់មាត់ដែលតុលាការគ្រោងនឹងបើកសវនាការក្នុងសំណុំរឿងនេះនៅថ្ងៃទី១០ ខែមករា ខាងមុខ ទាក់ទងនឹងភាពស្របច្បាប់នៃច្បាប់ ដែលកំណត់ថាក្រុមហ៊ុនមេចិនរបស់ TikTok គឺ ByteDance ត្រូវតែដកហូតកម្មសិទ្ធិរបស់ខ្លួន ឬប្រឈមនឹងការហាមឃាត់នៅសហរដ្ឋអាមេរិក។ ជុំវិញរឿងរ៉ាវនេះ សភាសហរដ្ឋអាមេរិកបានបោះឆ្នោតកាលពីខែមេសាដើម្បីហាមឃាត់វា លុះត្រាតែ ByteDance លក់កម្មវិធីត្រឹមថ្ងៃទី១៩ ខែមករា ឆ្នាំ២០២៥។ គួរជម្រាបថា TikTok បច្ចុប្បន្ននេះមានអ្នកប្រើប្រាស់ប្រមាណ ១៧០លាននាក់នៅទូទាំងសហរដ្ឋអាមេរិក។ជុំវិញ ការគំាទ្ររបស់ Trump នៅលើកម្មវិធីចិន TikTok ត្រូវបានគេមើលឃើញថា វាខុសពីអ្វីដែលលោកធ្លាប់បានធ្វើកាលពីឆ្នាំ២០២០ ខណៈពេលនោះគឺជារូបលោកដែលព្យាយាមបិទកម្មវិធី TikTok នៅសហរដ្ឋអាមេរិក ហើយបង្ខំឱ្យលក់វាទៅឱ្យក្រុមហ៊ុនអាមេរិក ដោយសារតែភាពជាម្ចាស់របស់ចិន។ ផ្ទុយមកវិញជំហរគាំទ្រនេះ គឺបង្ហាញពីការតបស្នងរប​ស់ក្រុមហ៊ុនចិន ByteDance ក្នុងការបង្កើតទំនាក់ទំនងជិតស្និទ្ធជាមួយ Trump និងមន្រ្តីក្រោមបង្គាប់របស់លោកក្នុងអំឡុងពេលយុទ្ធនាការបោះឆ្នោតប្រធានាធិបតី៕ […]

(កំពត)៖ បន្ដអនុវត្តនូវបទបញ្ជាម៉ឺងម៉ាត់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា កម្លាំងស្នងការដ្ឋាននគរបាលខេត្តកំពត បានបង្ក្រាបក្រុមក្មេងទំនើង៣នាក់ នៅស្រុកជុំគិរី ក្រោយបង្ហោះវីដេអូតាមបណ្ដាញសង្គមបង្អួតកាំបិតដាក់គ្នា។ ថ្លែងប្រាប់បណ្ដាញព័ត៌មាន Fresh News នៅថ្ងៃទី២៨ ខែធ្នូ ឆ្នាំ២០២៤នេះ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានបញ្ជាក់ថា ក្រោយឃើញវីដេអូចែកចាយតាមបណ្ដាញសង្គម ដែលក្មេងទំនើងកាន់កាំបិតបង្អួតគ្នា លោកបានបញ្ជាកម្លាំងស្រាវជ្រាវបន្ទាន់។ ជាលទ្ធផល ក្មេងទំនើងទាំង៣នាក់នោះ ត្រូវបានកម្លាំងអធិការដ្ឋាននគរបាលស្រុកជុំគិរី ចាប់ខ្លួនបញ្ជូនមកធ្វើការសួរនាំ ដើម្បីចាត់ការបន្ដតាមផ្លូវច្បាប់៕ ផ្តល់សិទ្ធិដោយ៖ Fresh News

ភ្នំពេញ)៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ចេញសេចក្តីបំភ្លឺជុំវិញបុរសម្នាក់ដែលប្រើប្រាស់រថយន្ត Lexus 350 ពាក់ផ្លាកលេខមិនប្រក្រតីបានទទួលស្គាល់កំហុស និងបានបន្តបង្ហោះព័ត៌មានចោទប្រកាន់មកលើសមត្ថកិច្ចចរាចរណ៍ លួច Memory ក្នុងរថយន្តរបស់ខ្លួន នៅថ្ងៃទី២៦ ខែធ្នូ ឆ្នាំ២០២៤។ ក្រុមការងារព័ត៌មាន និងប្រតិកម្មរហ័ស បានឱ្យដឹងថា បានឃើញការផ្សព្វផ្សាយព័ត៌មាន តាមបណ្តាញសង្គមរបស់បុរសម្នាក់ ដែលបើករថយន្ត Lexus 350 ពណ៌ស ពាក់ផ្លាកលេខភ្នំពេញ 2BT-9357 ដែលប្រើប្រាស់ផ្លាកលេខមិនប្រក្រតីត្រូវសមត្ថកិច្ចផាកពិន័យតាមច្បាប់ ១លាន ២០ម៉ឺនរៀល កាលពីថ្ងៃទី២៤ ខែធ្នូ ឆ្នាំ២០២៤ នៅគោលដៅស្ពានអាកាសចោមចៅ ខណ្ឌពោធិ៍សែនជ័យ ដោយឡែកនៅថ្ងៃនេះក៏បានបន្តផ្សព្វផ្សាយព័ត៌មានបង្ហោះតាមបណ្តាញសង្គមចោទប្រកាន់ទៅលើសមត្ថកិច្ចចរាចរណ៍ឈរគោលដៅដដែលនេះថាបានលួច Memory របស់ខ្លួននៅក្នុងរថយន្ត។ ជុំវិញការចោទប្រកាន់នេះ ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក៏បានបញ្ជាលោកស្នងការរងទទួលផែនការងារចរាចរណ៍ និងលោកនាយការិយាល័យអញ្ជើញមន្ត្រីនគរបាលចរាចរណ៍នៅគោលដៅស្ពានអាកាសចោមចៅ ចំនួន០៣នាក់ មកការិយាល័យនគរបាលចរាចរណ៍ផ្លូវគោក យកមកសួរនាំបំភ្លឺដើម្បីធ្វើរបាយការណ៍រាយការណ៍ជូនឯកឧត្តម អគ្គស្នងការរង និងជាស្នងការនគរបាលរាជធានីភ្នំពេញ ពិនិត្យសម្រេច ដោយឡែកបុរសម្ចាស់រថយន្ត Lexus 350 ក៏ត្រូវសមត្ថកិច្ចគ្រោងនឹងអញ្ជើញមកសួរនាំនៅស្នងការដ្ឋាននគរបាលរាជធានីភ្នំពេញ ជុំវិញការចោទប្រកាន់មកលើសមត្ថកិច្ចចរាចរណ៍បានលួច […]

(សៀមរាប)៖ លោក មួន សុភាព ប្រធានមន្ទីរវប្បធម៌ និងវិចិត្រសិល្បៈខេត្តសៀមរាប បានលើកឡើងថា ការបង្ហើរខ្លែង បានកើតមានឡើងនៅក្នុងប្រពៃណីរបស់ខ្មែររាប់ពាន់ឆ្នាំមកហើយ។ លោកបន្តថា ប៉ុន្តែមួយរយៈកាលកន្លងមកនេះ ខ្លែងខ្មែរ ជាពិសេសខ្លែងឯក ស្ទើរតែបាត់បង់ដោយសារតែពលរដ្ឋយើងមួយចំនួនមានជំនឿថា ខ្លែងជាវត្ថុអពមង្គល តាមការណ៍ពិតខ្លែងនេះ ដូនតាខ្មែរបង្កើតមកជាវត្ថុតំណាងឲ្យសុភមង្គល។ មន្ត្រីរូបនេះ លើកឡើងបែបនេះ ក្នុងឱកាសរដ្ឋបាលខេត្តសៀមរាប បានរៀបចំព្រឹត្តិការណ៍បង្ហើរខ្លែងឯកខ្មែរ និង ខ្លែងសេរីប្រចាំឆ្នាំ២០២៤ ក្នុងគោលបំណង ដើម្បីផ្សព្វផ្សាយ លើកតម្កើនមរតកវប្បធម៌ជាតិ និងជំរុញវិស័យទេសចរណ៍ វប្បធម៌ ស្របតាមយុទ្ធនាការ (ទស្សនាសៀមរាប ឆ្នាំ២០២៤) នៅរសៀល ថ្ងៃទី២៧ ខែធ្នូ ឆ្នាំ២០២៤។ លោក សុភាព បានបន្តថា ដោយសារតែជំនឿរមិនសមហេតុផលនេះ ទើបថ្នាក់ដឹកនាំ ស្ថាប័នជាតិបានគិតគូរ និងយកចិត្តទុកដាក់រៀបចំឲ្យមានព្រឹត្តិការណ៍នានា ដែលទាក់ទងនឹងខ្លែងនេះ។ ក្នុងនោះ ក្រសួងវប្បធម៌ និងវិចិត្រសិល្បៈ ក៏មានបំណងយកខ្លែងឯករបស់ខ្មែរនេះ ចុះក្នុងបញ្ជីសម្បត្តិបេតិកភណ្ឌពិភពលោកផងដែរ។  លោកបានបញ្ជាក់ថា «ក្រសួងវប្បធម៌ និងវិចិត្រសិល្បៈ ខិតខំបំផុសចលនាបង្ហើរខ្លែងនេះ ព្រោះការចូលជាសម្បត្តិបេតិកភណ្ឌពិភពលោកនេះ យើងអាចអភិរក្ស និងផ្សព្វផ្សាយអំពីខ្លែងយើង បានទូលំទូលាយ។ ការបង្ហោះខ្លែងនេះ […]