(ភ្នំពេញ)៖ សម្តេចតេជោ​ បញ្ជាក់ឲ្យដឹងថា​ ក្នុងមួយឆ្នាំក្រុមហ៊ុន Meta (Facebook) ទទួលបានប្រាក់ចំណេញពីប្រទេសកម្ពុជាជាង ២០០ លានដុល្លារ បើយោងតាមការបង្ហោះសារផ្ទាល់ចេញពីផេករបស់ សម្ដេច ខ្លឹមសារទាំងមូលបានសរសេរថា៖ “បងប្អូនជនរួមជាតិជាទីស្រឡាញ់!ខ្ញុំសម្រេចមកប្រើប្រាស់Facebook វិញ គួបផ្សំជាមួយtwitter,YouTube,TikTok,Telegram ,instagram,បន្ទាប់ពីក្រុមហ៊ុនFacebook ទាត់ចោលអនុសាសន៍របស់ក្រុមមនុស្សខូចនិងផ្តល់យុត្តិធម៍សម្រាប់រូបខ្ញុំ។ ខ្ញុំសង្ឃឹមថាក្រុមហ៊ុនFacebook នឹងប្រកាន់ខ្ជាប់នូវក្រមសឹលធម៍មិនងងិតងងុលដូចក្រុមមនុស្សខូចដែលជាមនុស្ស មិនត្រូវបានស្វាគមន៍នៅកម្ពុជានោះឡើយ។ សង្ឃឹមថាក្រុមហ៊ុនFacebook នឹងទទួលបានប្រាក់ចំណេញលើស ២០០លានដុល្លារក្នុងមួយឆ្នាំនៅកម្ពុជា ឯរាជរដ្ឋាភិបាលទទួលបាន ១០ភាគរយ ដែលមានទឹកប្រាក់លើស ២០លានដុល្លារក្នុងមួយឆ្នាំ(តួរលេខផ្នែកពន្ធដារ)។ ក្រសួងប្រៃសណីយ៍ និងទូរគនាគមន៍បានចេញសេចក្តីប្រកាសទទួលយកតំណាងក្រុមហ៊ុនFacebook ឲ្យចូលមកធ្វើការនៅកម្ពុជាវិញតែមិនស្វាគមន៍ក្រុមមនុស្សខូចដែលផ្តល់អនុសាសន៍មិនត្រឹមត្រូវនោះឡើយ។ ការសម្រេចប្រើ ឬមិនប្រើFacebook គឺជាសិទ្ធិផ្ដាច់មុខរបស់ខ្ញុំ(only one Hun Sen)។ ចាប់ពីពេលនេះទៅបងប្អូនអាចរកខ្ញុំឃើញនៅគ្រប់បណ្តាញសង្គមតែភាគច្រើនខ្ញុំនៅជាមួយTikTok និងTelegram។ សូមអំពាវនាវជាថ្មីម្តងទៀតចំពោះបងប្អូន ដែលប្រើឈ្មោះខ្ញុំបង្កើតFacebook,TikTokក្លែងក្លាយ សូមលុបចោលជាបន្ទាន់ដើម្បីជៀសវាងការភាន់ច្រឡំ”៕ ផ្ដល់សិទ្ធិដោយ៖ ខ្មែរណូត

(តៃប៉ិ)៖ ជើងហោះហើរនៅក្នុងស្រុកត្រូវបានលុបចោល និងមនុសជិត ៣,០០០នាក់ ត្រូវបានជម្លៀសទៅកាន់ទីទួលមានសុវត្ថិភាព ខណៈ កោះតៃវ៉ាន់បានត្រៀមលក្ខណៈរួចជាស្រេច សម្រាប់ការមកដល់នៃព្យុះទីហ្វុងហៃគូអ៉ិ (Haikui) នៅថ្ងៃអាទិត្យ ទី៣ ខែកញ្ញានេះ។ នេះបើតាម ការចេញផ្សាយដោយទីភ្នាក់ងារសារព័ត៌មាន AFP។ ព្យុះទីហ្វុងហៃគូអ៉ិ (Haikui) ត្រូវបានរំពឹងថានឹងនាំមកជាមួយខ្យល់បាក់ និងភ្លៀងធ្លាក់ខ្លាំងនៅឯភាគខាងត្បូង និងភាគខាងកើតនៃកោះតៃវ៉ាន់។ ព្យុះទីហ្វុងនេះអាចនឹងបក់បោកទៅដល់ដីគោក នៅតាមតំបន់ភ្នំ និងតំបន់មិនសូវមានប្រជាជនរស់នៅ ស្ថិតនៅភាគអាគ្នេយ៍តៃវ៉ាន់ នៅរសៀល ថ្ងៃអាទិត្យនេះ ដោយក្នុងនោះតំបន់ និងទីក្រុងជាច្រើនក្នុងតំបន់ភាគខាងកើត និងភាគខាងត្បូងបានបិទសាលារៀន និងប្រកាសថ្ងៃឈប់សម្រាក មួយថ្ងៃសម្រាប់កម្មករ។ គួរបញ្ជាក់ថា ព្យុះទីហ្វុង ហៃគូអ៉ិ (Haikui) មានឥទ្ធិពលខ្សោយជាងព្យុះទីហ្វុង សាវឡា (Saola) ដែលបានវាយប្រហារលើទីក្រុងហុងកុង និងខេត្តក្វាងទុង នៃភាគខាងត្បូងប្រទេសចិនកាលពីថ្ងៃសៅរ៍ ទី២ ខែកញ្ញា។ ហៃគូអ៉ិ ត្រូវបានរំពឹងថានឹងវិវត្តខ្លួនទៅជាព្យុះទីហ្វុងកម្រិតទី១ និង ទី២តែប៉ុណ្ណោះនៅពេលដែលវាបក់បោកលើតៃវ៉ាន់។ ប៉ុន្តែ ជាការវិធានការបង្ការ អាជ្ញាធរតៃវ៉ាន់បានជម្លៀសមនុស្ស ២,៨៦៨នាក់ ទៅកាន់កន្លែង មានសុវត្ថិភាពរួចជាស្រេច ក្នុងតំបន់ភាគខាងត្បូង និងខាងកើត។ […]

(ភ្នំពេញ)៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យកំណត់ផ្តល់គោរមងារជា «សម្តេច» ជូនឥស្សរជនជាប្រធានព្រឹទ្ធសភា រដ្ឋសភា និងនាយករដ្ឋមន្ត្រី។ តាមព្រះរាជក្រឹត្យនេះ រាល់ឥស្សរជនដែលនឹងឡើងកាន់តំណែងទាំង៣ខាងលើនឹងទទួលបានគោរមងារជា«សម្តេច»៕ ផ្ដល់សិទ្ធិដោយ៖ Freshnews

(ភ្នំពេញ)៖ លោក ហ្សង់ ហ្វ្រង់ស័រ តាន់, រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការ ការបរទេស និងសហប្រតិបត្តិការអន្តរជាតិ បានលើកឡើងថា គោរមងារជា«សម្តេច»មិនត្រឹមតែភ្ជាប់ទៅនឹងមុខតំណែងកំពូល(ប្រធានព្រឹទ្ធសភា, ប្រធានរដ្ឋសភា, នាយករដ្ឋមន្ត្រី) ប៉ុណ្ណោះទេ តែគោរមងារជា«សម្តេច»នេះ ថែមទាំងផ្សារភ្ជាប់ទៅនឹងគ្រឹះដ៏រឹងមាំនិងដ៏គង់វង្សយូរអង្វែងនៃរបបរាជានិយមនៅកម្ពុជាទៀតផង។ តាមបណ្តាញសង្គម លោក ហ្សង់ ហ្វ្រង់ស័រ តាន់ បានលើកឡើង៤ចំណុចដូចតទៅ៖ ១៖ យោងតាមព្រះរាជក្រឹត្យលេខ នស/រកត/០៩២៣/២១០៨(រូបទី១) ចុះថ្ងៃទី២កញ្ញាឆ្នាំ២០២៣ របស់ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត, អំណឹះតទៅ នឹងមានប្រពៃណីមួយ នៅក្នុងព្រះរាជា ណាចក្រកម្ពុជាយើង នោះគឺ អ្នកកាន់តំណែងកំពូលរបស់ជាតិចំនួន ៣ នឹងទទួលបានគោរមងារជា«សម្តេច»។ តំណែងទាំង៣នោះ គឺ ប្រធានព្រឹទ្ធសភា, ប្រធានរដ្ឋសភា និង នាយករដ្ឋមន្រ្តី។ ២៖ «សម្តេច» គឺ ជាគោរមងារដ៏ខ្ពង់ខ្ពស់ឧត្តុង្គឧត្តមមួយនៅក្នុងប្រទេសដែលប្រកាន់យករបបរាជានិយម ហើយវាសមស្របទៅនឹងប្រពៃណីបរមបុរាណនៃប្រទេសកម្ពុជាយើងផង។ នៅស្រុកយើង តាំងពីបុរាណកាលមក គោរមងារមួយចំនួនតែងតែត្រូវផ្សារភ្ជាប់នឹងមុខតំណែងកំពូលសំខាន់ៗ ដូចយ៉ាង គោរមងារ «ឧកញ៉ាចក្រី», «ឧកញ៉ាក្រឡាហោម», «ឧកញ៉ាយមរាជ» […]

(ភ្នំពេញ)៖ ក្រសួងធនធានទឹក និងឧតុនិយម នៅថ្ងៃទី២៧ ខែសីហា ឆ្នាំ២០២៣នេះ បានចេញព្រឹត្តបត្រព័ត៌មាន និងព្យាករណ៍កម្ពស់ទឹក នៅតាមបណ្តាស្ថានីយជលសាស្ត្រទាំង៨។ ស្ថានីយទាំង៨រួមមាន៖ ទី១៖ ទន្លេមេគង្គ-ស្ទឹងត្រែង ទី២៖ ទន្លេមេគង្គ-ក្រចេះ ទី៣៖ ទន្លេមេគង្គ-កំពង់ចាម ទី៤៖ ទន្លេបាសាក់-ចតុមុខ ទី៥៖ ទន្លេមេគង្គ-អ្នកលឿង ទី៦៖ ទន្លេបាសាក់-កោះខែល ទី៧៖ ទន្លេសាប-ព្រែកក្តាម និងទី៨៖ បឹងទន្លេសាប-កំពង់ហ្លួង យើងឃើញថា បើធៀបកម្ពស់ទឹក ទៅហ្នឹងម្សិលមិញ មានការហក់ឡើងតែបន្ដិចបន្ដួចប៉ុណ្ណោះ៕ សូមអានព្រឹត្តបត្រព័ត៌មាន និងព្យាករណ៍កម្ពស់ទឹកជំនន់ របស់ក្រសួងធនធានទឹក ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រ ដូចខាងក្រោម៖ ផ្ដល់សិទ្ធិដោយ៖ ខ្មែរណូត

(ភ្នំពេញ)៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី២៦ ខែសីហា ឆ្នាំ២០២៣នេះ បានចេញព្រះរាជក្រឹត្យតែងតាំង និងផ្ដល់ឋានៈជាទីប្រឹក្សារាជរដ្ឋាភិបាល ៣៦៣រូប។ ខាងក្រោមនេះជាព្រះរាជក្រឹត្យព្រះមហាក្សត្រ៖ ផ្ដល់សិទ្ធិដោយ៖ ខ្មែរណូត

(បរទេស)៖ ថ្មីៗនេះនិយតករអនុវត្តច្បាប់ព័ត៌មានអនឡាញ (Online News Act) របស់ប្រទេសកាណាដា បាននិយាយថា ខ្លួននឹងចាប់ផ្តើមបង្កើតក្របខណ្ឌសម្រាប់កិច្ចចរចារវាងស្ថាប័នព័ត៌មាន និងក្រុមហ៊ុនអ៊ីនធឺណិតយក្សចាប់ពីខែកញ្ញាខាងមុខនេះតទៅ។ ខណៈការប្រកាសបានធ្វើឡើងក្រោយពីមានការតវ៉ាពីប្រជាជនកាណាដាជាច្រើន ជុំវិញការដាក់កម្រិតលើការប្រើប្រាស់ភ្លេតហ្វមព័ត៌មានពីបណ្តាញផ្សព្វផ្សាយ Facebook និង Instagram ក្នុងស្រុក។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៦ ខែសីហា ឆ្នាំ២០២៣។ ច្បាប់ព័ត៌មានអនឡាញរបស់ប្រទេសកាណាដា ដែលជាផ្នែកមួយនៃនិន្នាការសកលក្នុងការធ្វើឱ្យក្រុមហ៊ុនបច្ចេកវិទ្យាយក្សដូចជា Alphabet ដែលជាមេធំរបស់ Google និង Meta ដែលជាមេធំរបស់ Facebook បង់ប្រាក់សម្រាប់ភ្លេតហ្វមព័ត៌មានរបស់ពួកគេ បានអនុម័តច្បាប់កាលពីអំឡុងខែមិថុនា ប៉ុន្តែនៅមិនទាន់ចូលជាធរមាននៅឡើយនោះទេ។ ក្រុមហ៊ុនទាំងពីរបាននិយាយថាច្បាប់មិនអាចដំណើរការបានសម្រាប់អាជីវកម្មរបស់ពួកគេនោះទេ ខណៈដែរ Meta បានសម្រេចបិទភ្លេតហ្វមព័ត៌មានរបស់ខ្លួនក្នុងប្រទេសកាណដារួចទៅហើយ ដែលវាកំពុងតែជះផលអវិជ្ជមានជាខ្លំាងក្នុងប្រទេសនេះ។ ចំណែកឯ Google វិញក៏មានគម្រោងទប់ស្កាត់ព័ត៌មាននៅក្នុងប្រទេសកាណាដាឱ្យបានមុនពេលច្បាប់ចូលជាធរមានផងដែរ។ យោងតាមរបាយការណ៍ចុងក្រោយនេះ គណៈកម្មការវិទ្យុ-ទូរទស្សន៍ និងទូរគមនាគមន៍កាណាដា (CRTC) ដែលជានិយតករទទួលខុសត្រូវក្នុងការអនុវត្តច្បាប់ព័ត៌មានអនឡាញរបស់កាណាដា បាននិយាយនៅថ្ងៃព្រហស្បតិ៍ថា នឹងធ្វើការពិគ្រោះយោបល់ជាសាធារណៈទាក់ទងនឹងក្របខណ្ឌសម្រាប់ការចរចាចាប់ពីខែកញ្ញា រហូតដល់ខែវិច្ឆិកា ហើយនឹងចាប់ផ្តើមបើកការចរចាតទល់នៅដើមឆ្នាំ២០២៥៕ ផ្ដល់សិទ្ធិដោយ៖ Freshnews

(ភ្នំពេញ)៖ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី២៧ ខែសីហា ឆ្នាំ២០២៣នេះ បានចេញព្រះរាជក្រឹត្យផ្ទេរ និងតែងតាំង រដ្ឋលេខាធិការ និងអនុរដ្ឋលេខាធិការ១២រូប។ ខាងក្រោមនេះជាព្រះរាជក្រឹត្យព្រះមហាក្សត្រ៖ ផ្ដល់សិទ្ធិដោយ៖ Freshnews

(ភ្នំពេញ)៖ លោកជំទាវកិត្តិសង្គហបណ្ឌិត ឃួន សុដារី ប្រធានរដ្ឋសភា បានចេញសេចក្តីសម្រេចតែងតាំង និងផ្តល់ឋានៈជាជំនួយការរបស់លោកជំទាវចំនួន ៤៦រូប ដែលមានឋានៈស្មើចាប់ពីអនុប្រធាននាយកដ្ឋា ប្រធាននាយកដ្ឋាន និងអគ្គនាយករង។ នេះបើតាមសេចក្តីសម្រេចរបស់ប្រធានរដ្ឋសភា ដែលបណ្តាញព័ត៌មាន Fresh News ទទួលបាននៅថ្ងៃទី២៦ ខែសីហា ឆ្នាំ២០២៣នេះ។ ខាងក្រោមនេះជាសេចក្តីសម្រេចតែងតាំង និងផ្តល់ឋានៈ៖ ផ្ដល់សិទ្ធិដោយ៖ Freshnews

(ភ្នំពេញ)៖ ព្រះករុណា ព្រះបាទ សម្ដេចព្រះ បរមនាថ នរោត្តម សីហមុនី ព្រះមហាក្សត្រកម្ពុជា នៅថ្ងៃទី២៦ ខែសីហា ឆ្នាំ២0២៣នេះ បានចេញព្រះរាជក្រឹត្យមួយ តែងតាំង លោក សួស ប្រាថ្នា ជាអគ្គនាយក នៃអគ្គនាយកដ្ឋានរដ្ឋបាលក្រសួងមហាផ្ទៃ។ ខាងក្រោមនេះជាព្រះរាជក្រឹត្យព្រះមហាក្សត្រ៖ ផ្ដល់សិទ្ធិដោយ៖ Freshnews