(ព្រះសីហនុ)៖ ស្ថានីយប្រព្រឹត្តិកម្មទឹកកខ្វក់ទី៣ ក្នុងខេត្តព្រះសីហនុ បានបញ្ចប់ការសាងសង់ជាស្ថាពរហើយ ដោយបានរៀបចំដាក់ឱ្យប្រើប្រាស់ដើម្បីរក្សាបរិស្ថាន និងគុណភាពទឹកសមុទ្រ នៅខេត្តព្រះសីហនុ។ នេះបើតាមសេចក្តីប្រកាសរបស់ គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ. ឆ. ក.)។ កាលពីថ្ងៃសុក្រ ទី១១ ខែសីហា ឆ្នាំ២០២៣ លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធាន គ.អ. ឆ. ក. រួមជាមួយ លោក ថោង ខុន រដ្ឋមន្ត្រីក្រសួង ទេសចរណ៍ និងជាអនុប្រធានអចិន្ត្រៃយ៍ គ. អ. ឆ. ក. លោក សាយ សំអាល់ រដ្ឋមន្ត្រីក្រសួងបរិស្ថាន និងជាអនុប្រធាន គ.អ. ឆក នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាសមាជិក គ.អ. ឆ.ក លោក គួច […]

(ភ្នំពេញ)៖ ក្រសួងធនធានទឹក និងឧតុនិយម នៅព្រឹកថ្ងៃទី១៣ ខែសីហា ឆ្នាំ២០២៣នេះ បានចេញព្រឹត្តបត្រព័ត៌មាន និងព្យាករណ៍កម្ពស់ទឹក នៅតាមបណ្តាស្ថានីយជលសាស្ត្រទាំង៨។ ស្ថានីយទាំង៨រួមមាន៖ ទី១៖ ទន្លេមេគង្គ-ស្ទឹងត្រែង ទី២៖ ទន្លេមេគង្គ-ក្រចេះ ទី៣៖ ទន្លេមេគង្គ-កំពង់ចាម ទី៤៖ ទន្លេបាសាក់-ចតុមុខ ទី៥៖ ទន្លេមេគង្គ-អ្នកលឿង ទី៦៖ ទន្លេបាសាក់-កោះខែល ទី៧៖ ទន្លេសាប-ព្រែកក្តាម និងទី៨៖ បឹងទន្លេសាប-កំពង់ហ្លួង សូមអានព្រឹត្តបត្រព័ត៌មាន និងព្យាករណ៍កម្ពស់ទឹកជំនន់ របស់ក្រសួងធនធានទឹក ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រ ដូចខាងក្រោម៖ ផ្ដល់សិទ្ធិដោយ៖ ខ្មែរណូត

(ខេត្តបន្ទាយមានជ័យ)៖ កាលពីថ្ងៃទី១៧ ខែកក្កដា ឆ្នាំ២០២៣ រាជរដ្ឋាភិបាល បានដាក់ចេញអនុក្រឹត្យលេខ ១៦០អនក្រ.បក ស្ដីពីការកែប្រែតំបន់ការពារទេសភាពអាងត្រពាំងថ្ម ដែលមានផ្ទៃដីទំហំ១២ ៦៥០(មួយម៉ឺនពីរពាន់ប្រាំមួយរយហាសិប)ហិចតា មកផ្ទៃដីទំហំ២៤ ២១២(ពីរម៉ឺនបួនពាន់ពីររយដប់ពីរ)ហិចតា ស្ថិតនៅក្នុងភូមិសាស្ដ្រខេត្តបន្ទាយមានជ័យនិងខេត្តឧត្តរមានជ័យ។ ផ្ទៃដីតំបន់ការពាររត៣ត្រពាងថ្មខាងលើនេះ បានមកពីការបូកបញ្ចូលផ្ទៃដី១២ ៦៥០(មួយម៉ឺនពីរពាន់ប្រាំមួយរយហាសិប)ហិចតា ដែលមានចែងក្នុងអនុក្រឹត្យលេខ ១០០អនក្រ.បក ចុះថ្ងៃទី២៣ ខែឧសភា ឆ្នាំ២០១៦ ស្ដីពីការបង្កើតតំបន់ការពារទេសភាពអាងត្រពាំងថ្ម និងផ្នែកខ្លះនៃរបៀបអភិរក្សជីវៈចម្រុះ ឧត្ដរ ដែលមានផ្ទៃដីទំហំ១១ ៥៦២(មួយម៉ឺនមួយពាន់ប្រាំរយហុនសិបពីរ)ហិចតា ដូចមានចែងក្នុងអនុក្រឹត្យលេខ ០៧អនក្រ.បក ចុះថ្ងៃទី២៦ ខែមករា ឆ្នាំ២០១៧ ស្ដីពីការបង្កើតរបៀបអភិរក្សជីវៈចម្រុះប្រព័ន្ធតំបន់ការពារធម្មជាតិ។ ការបង្កើតអនុក្រឹត្យនេះ ក្នុងគោលបំណងដូចខាងក្រោម៖ -ធានាការថែរក្សានិងការពារសោភណភាពធម្មជាតិ ប្រព័ន្ធអេកូឡូស៊ី និងសារព័នមជ្ឈដ្ឋានធម្មជាតិ សម្រាប់គោលដៅកម្សាន្ដនិងទេសចរណ៍ -ថែរក្សាការពារ វប្បធម៌ ប្រពៃណី ការអភិវឌ្ឍ និងសារៈសំខាន់ផ្នែកវប្បធម៌របស់សហគមន៍មូលដ្ឋាន -រក្សាលំនឹងបរិស្ថាន និងរួមចំណែកកាត់បន្ថយការប្រែប្រួលអាកាសធាតុនិងហានិភ័យគ្រោះមហន្ដរាយធម្មជាតិ -ផ្ដល់ផលិតផលនិងសេវាកម្មធម្មជាតិសម្រាប់ការប្រើប្រាស់ប្រកបដោយនិរន្ដភាព -លើកកម្ពស់ការចូលរួមរបស់សហគមន៍មូលដ្ឋាន ក៏ដូចជាសាធារណជនក្នុងការរួមចំណែកដល់ការគ្រប់គ្រង ការការពារ និងការអភិរក្សជីវៈចម្រុះនិងធនធានក្នុងតំបន់៕ ផ្ដល់សិទ្ធិដោយ៖ ខ្មែរណូត

(ភ្នំពេញ)៖ លោក ពេជ្រ វិជ្ជាធរ ចៅក្រមស៊ើបសួរនៃសាលាដំបូងរាជធានីភ្នំពេញ បានសម្រេចឃុំខ្លួន ឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស និងគូកន៥នាក់នៅពន្ធនាគារព្រៃសជាបណ្តោះអាសន្នហើយ ខណៈមនុស្ស៨នាក់ផ្សេងទៀត ដែលតុលាការរកឃើញថា មិនពាក់ព័ន្ធ ត្រូវបានអនុញ្ញាតឲ្យត្រឡប់ទៅផ្ទះវិញ។ ឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស ត្រូវបានលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចោទប្រកាន់ពីបទ «ឆបោកមានស្ថានទម្ងន់ទោស» តាមមាត្រា៣៨០ នៃក្រមព្រហ្មទណ្ឌ ខណៈក្រុមអង្គរក្សរបស់លោកត្រូវបានតុលាការចោទប្រកាន់ពីបទ «ហិង្សាមានស្ថានទម្ងន់ទោស» តាមមាត្រ២១៨ នៃក្រមព្រហ្មទណ្ឌ។ សូមជម្រាបថា ឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស និងក្រុមអង្គរក្សសរុប១៤នាក់ ពាក់ព័ន្ធករណីបោកប្រាស់ប្រជាពលរដ្ឋ ត្រូវបានសមត្ថកិច្ចបញ្ជូនទៅកាន់សាលាដំបូងរាជធានីភ្នំពេញ នៅរសៀលថ្ងៃទី០៨ ខែសីហា ឆ្នាំ២០២៣។ ពេលបញ្ជូនដល់តុលាការ មានប្រជាពលរដ្ឋជាច្រើនរយនាក់ បានតម្រង់ជួរគ្នាត្រៀបត្រានៅមុខសាលាដំបូងរាជធានីភ្នំពេញ ដើម្បីចូលបំភ្លឺនៅចំពោះមុខតុលាការករណីឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស បោកប្រាស់លុយរប់ពួកគាត់។ កម្លាំងស្នងការដ្ឋាននគរបាលរាជធានីភ្នំពេញ បានចាប់ខ្លួនឧកញ៉ា ហ៉ី គីមហុង […]

(ណៃពិដោ)៖ ជនរងគ្រោះដោយទឹកជំនន់រាប់រយនាក់ដែលជម្លៀសខ្លួន បាននាំគ្នាតម្រង់ជួរដើម្បីទទួលយកអាហារនៅវត្តមួយ ក្នុងប្រទេសមីយ៉ាន់ម៉ា នៅថ្ងៃថ្ងៃសៅរ៍នេះ ព្រមជាមួយនឹងការរង់ចាំឲ្យទឹកស្រកហើតអាចត្រឡប់ទៅផ្ទះវិញ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសៅរ៍ ទី១២ ខែសីហា ឆ្នាំ ២០២៣។ ក្រសួងជួយសង្រ្គោះរបស់មីយ៉ាន់ម៉ា បានឲ្យដឹងថា ទឹកជំនន់ និងបំណាក់ដីដែលបង្កឡើងដោយសារតែភ្លៀងមូសុង បានសម្លាប់មនុស្សចំនួន ៥ និងបង្ខំឲ្ជម្លៀសយប្រជាជនប្រមាណ ៤៨,០០០នាក់។ ទីក្រុងបាហ្គោ ដែលស្ថិតនៅភាគឦសាននៃទីក្រុងយ៉ំាងហ្គោន ពោរពេញដោយទឹកជន់លិច។ ពលរដ្ឋរាប់រយគ្រួសារបាននាំគ្នាអង្គុយរង់ចាំក្នុងវត្ត ខណៈដែលក្រុមអ្នកស្ម័គ្រចិត្តបានចែកកញ្ចប់អាហារ និងអង្ករ។ ការិយាល័យអាកាសធាតុមីយ៉ាន់ម៉ា បានឲ្យដឹងថា ទឹកទន្លេក្នុងទីក្រុងបាហ្គោ ហក់ឡើងខ្ពស់នៅថ្ងៃសៅរ៍នេះ ប៉ុន្តែអាចនឹងស្រកចុះវិញនៅប៉ុន្មានថ្ងៃខាងមុខនេះ។ ចំណែក អង្គការអន្តរជាតិ បានឲ្យដឹងថា អ្នកស្ម័គ្រចិត្តកាកបាទក្រហមមីយ៉ាន់ម៉ា កំពុងមមាញឹកក្នុងការជម្លៀសក្រុមគ្រួសារ ចែកចាយស្បៀងអាហារ និងផ្តល់ការថែទាំសុខភាពដល់ពលរដ្ឋ នៅក្នុងរដ្ឋការ៉ែន (Karen) ដែលរងគ្រោះដោយទឹកជំនន់។ គួរបញ្ជាក់ថា ប្រទេសមីយ៉ាន់ម៉ា បានស្ថិតក្នុងភាពចលាចលចាប់តាំងពីរដ្ឋប្រហារយោធាទម្លាក់រដ្ឋាភិបាលស៉ីវិល កាលខែកុម្ភៈ ឆ្នាំ ២០២១មក។ អង្គការសហប្រជាជាតិ ក៏បានថ្កោលទោសចំពោះដំណោះស្រាយរបស់របបយោធា បន្ទាប់ពីមានព្យុះស៊ីក្លូន Mocha កាលពីខែឧសភា សម្លាប់មនុស្សចំនួន ១៤៨នាក់ […]

(ភ្នំពេញ)៖ លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា រយៈពេល៧ខែក្នុងឆ្នាំ២០២៣ នៅទូទាំងប្រទេសកម្ពុជាទទួលបានភ្ញៀវទេសចរផ្ទៃក្នុងប្រមាណជាង១២លាននាក់ ខណៈក្នុងខែកក្កដាកន្លងទៅមានភ្ញៀវទេសចរផ្ទៃក្នុងដើរទស្សនាប្រមាណ១លាន១សែននាក់។ លោករដ្ឋមន្ត្រីបានបញ្ជាក់ថា «សរុបរយៈពេល៧ខែឆ្នាំ២០២៣នេះ កម្ពុជាទទួលបានភ្ញៀវទេសចរផ្ទៃក្នុងសរុបប្រមាណ១២.១៨លាននាក់»។ លោកបន្តថា ជាធម្មតាខែកក្កដា និងខែសីហាជាខែដែលមានចរន្តភ្ញៀវទេសចរផ្ទៃក្នុងតិច ដោយសារជារដូវភ្លៀង អាចមានជំនន់ទឹកភ្លៀងដោយកន្លែង។ ម្យ៉ាងវិញទៀត ខែទាំង២នេះមិនមានថ្ងៃឈប់សម្រាកជាតិទេ។ ប៉ុន្តែចរន្តភ្ញៀវនឹងចាប់ផ្តើមមានសន្ទុះខ្លាំងចាប់ពីខែកញ្ញាវិញ ជាមួយការប្រារព្ធពិធីកាន់បិណ្ឌនិងភ្ជុំបិណ្ឌ និងថ្ងៃឈប់សម្រាកនានា។ ក្នុងន័យនេះ លោករដ្ឋមន្ត្រីរំពឹងទទួលបានភ្ញៀវទេសចរផ្ទៃក្នុងប្រមាណ១៦លាននាក់សម្រាប់ឆ្នាំ២០២៣នេះ ក្រោមទម្រង់អក្សរ V ដូចដែលព្យាករណ៍ក្នុងផែនទីចង្អុលផ្លូវស្តីពីការស្តារ និងលើកស្ទួយវិស័យទេសចរណ៍ក្នុង និងក្រោយដំណាក់កាលវិបត្តិជំងឺកូវីដ-១៩៕ ផ្ដល់សិទ្ធិដោយ៖ Freshnews

(តូក្យូ)៖ នាយករដ្ឋមន្ត្រីជប៉ុន លោក ហ្វូមីអុ គីស៉ីដា (Fumio Kishida) បានថ្កោលទោសការសម្លុតគំរាមប្រើប្រាស់អាវុធនុយក្លេអ៊ែររបស់រុស្សី ក្នុងសង្រ្គាម នៅអ៊ុយក្រែន ខណៈជប៉ុននៅថ្ងៃអាទិត្យ ទី៦ ខែសីហានេះ បានប្រារព្ធខួបលើកទី៧៨ នៃការទម្លាក់គ្រាប់បែកនុយក្លេអ៊ែរលើទីក្រុង Hiroshima។ នេះបើតាម ការចេញផ្សាយដោយទីភ្នាក់ងារសារព័ត៌មាន AFP​​។ ថ្លែងនៅឯពិធីរំឮកវិញ្ញាណក្ខន្ធដល់ជនរងគ្រោះ នៃការទម្លាក់គ្រាប់បែកនុយក្លេអ៊ែរ ក្នុងទីក្រុង Hiroshima លោក គីស៉ីដា បានគូសបញ្ជាក់ដូច្នេះថា «ជប៉ុន ក្នុង នាមជាប្រទេសតែមួយគត់ដែលរងគ្រោះដោយសារការទម្លាក់គ្រាប់បែកអាតូមិក នៅក្នុងសង្រ្គាម នឹងបន្តកិច្ចខិតខំប្រឹងប្រែងឆ្ពោះទៅរកពិភពលោកគ្មានអាវុធ នុយក្លេអ៊ែរ»។ ប៉ុន្តែក្នុងពេលជាមួយគ្នា លោក គីស៉ីដា ក៏បានទទួលស្គាល់ដែរថាជំហានឆ្ពោះទៅរកគោលដៅនេះ មានសភាពកាន់តែលំបាកខ្លាំងឡើងៗ ដោយសារតែការបែកបាក់គ្នានៅក្នុងសហគមន៍អន្តរជាតិជុំវិញការរំសាយអាវុធនុយក្លេអ៊ែរ និងការសម្លុតគំរាមប្រើអាវុធនុយក្លេអ៊ែរពីសំណាក់រុស្ស៉ី។ គួរបញ្ជាក់ថា កាលពីថ្ងៃទី៦ ខែសីហា ឆ្នាំ១៩៤៥ មនុស្សប្រហែលជា ១៤០,០០០នាក់ បានស្លាប់នៅក្នុងការទម្លាក់គ្រាប់បែកនុយក្លេអ៊ែររបស់សហរដ្ឋអាមេរិក លើទីក្រុង Hiroshima ហើយ៣ថ្ងៃក្រោយមក ក្នុងឆ្នាំដដែល សហរដ្ឋអាមេរិកបានទម្លាក់គ្រាប់បែកនុយក្លេអ៊ែរមួយគ្រាប់ផ្សេងទៀតលើទីក្រុង Nagasaki ធ្វើឱ្យ ជប៉ុនចុះចាញ់សង្រ្គាមលោកលើកទី២ នៅថ្ងៃទី១៥ […]

(សៀមរាប)៖ លោក W.Patrick Murphy ឯកអគ្គរដ្ឋទូតអាមេរិកប្រចាំប្រទេសកម្ពុជា បានលើកទឹកចិត្តឲ្យប្រជាពលរដ្ឋលើពិភពលោក ពិសេសពលរដ្ឋអាមេរិក មកលេងកម្សាន្ដ និងទស្សនាសម្បត្តិវប្បធម៌នានានៅកម្ពុជា។ ការលើកឡើងនេះ បន្ទាប់ពីលោកបានចូលរួមរត់លើវិញ្ញាសា ១០គីឡូម៉ែត្រ ក្នុងទិវារត់ប្រណាំងម៉ារ៉ាតុងអន្ដរជាតិ ចក្រភពខ្មែរ លើកទី៨ នៅតំបន់អង្គរ ខេត្តសៀមរាប នាព្រឹកថ្ងៃទី០៦ ខែសីហា ឆ្នាំ២០២៣ នេះ ក្រោមវត្តមានលោកបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC)។ ឯកអគ្គរដ្ឋទូតអាមេរិក បានគូសបញ្ជាក់ថា លោកចូលចិត្តរត់ហាត់ប្រាណនៅកម្ពុជា ពោលគឺលោកតែងរត់ហាត់ប្រាណរៀងរាល់ព្រឹក ហើយរាល់ពេលមានកម្មវិធីរត់ម៉ារ៉ាតុង ឬពាក់កណ្ដាលម៉ារ៉ាតុង លោកតែចូលរួម ជាក់ស្ដែងទិវារត់ប្រណាំងម៉ារ៉ាតុងចក្រភពខ្មែរ លោកបានដឹកនាំបុគ្គលិកមកពីស្ថានទូតជាង ២០នាក់ចូលរួម។ លោក W.Patrick Murphy បន្ដថា «ព្រឹត្តិការណ៍ម៉ារ៉ាតុងនេះ គឺអស្ចារ្យមែនទែន ហើយមានបុគ្គលិកមកពីស្ថានទូតចូលរួមរត់ជាង ២០នាក់ ។ ការចូលរួមនេះ មិនត្រឹមតែដើម្បីសុខភាព តែក៏ជួយដល់សេដ្ឋកិច្ច បានទស្សនាសម្បត្តិវប្បធម៌ក្នុងខេត្តសៀមរាប ហើយអ្វីដែលពិសេស កម្មវិធីរត់នេះ ក៏បានប្រមូលថវិកាជួយដល់មន្ទីរពេទ្យកុមារផងដែរ»។ លោកបន្ថែមថា «ចំពោះប្រទេសកម្ពុជា មានប្រាសាទជាសម្បត្តិបេតិកភណ្ឌពិភពលោកច្រើនមែនទែន […]

(ភ្នំពេញ)៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានសព្វព្រះរាជហឫទ័យប្រោសព្រះរាជទានគ្រឿងឥស្សរិយយសជូនមន្ត្រីក្រសួងព័ត៌មានចំនួន១០រូប តបនឹងកិច្ចប្រឹងប្រែងបម្រើជាតិមាតុភូមិ។ យោងតាមព្រះរាជក្រឹត្យត្រាស់បង្គាប់ប្រោសព្រះរាជទានគ្រឿងឥស្សរិយយសបានបង្ហាញថា មន្ត្រី ៣រូប ទទួលបានគ្តឿងឥស្សរិយយស «ជាតូបការ», ៥រូប ទទួលបានគ្រឿងឥស្សរិយយសព្រះរាជាណាចក្រកម្ពុជា ថ្នាក់មហាសេរីវឌ្ឍន៍ និង២រូបទៀត ទទួលបានគ្រឿងឥស្សរិយយសព្រះរាជាណាចក្រកម្ពុជា ថ្នាក់មហាសេនា៕ ផ្ដល់សិទ្ធិដោយ៖ Freshnews​

(ភ្នំពេញ)៖ ដើម្បីអបអរសាទរខួបអនុស្សាវរីយ៍លើកទី៦៥ នៃការបង្កើតទំនាក់ទំនងកាទូតកម្ពុជា-ចិន សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ជូនដើមអង្គាបុស្បមួយដើម ដល់លោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា សម្រាប់ដាំក្នុង «សួនមិត្តភាពចិន-កម្ពុជា»។ នេះបើតាមការបញ្ជាក់នៅក្នុងសារលិខិតរបស់សម្ដេចតេជោ ហ៊ុន សែន ផ្ញើជូន លោក វ៉ាង វិនធាន ដែលបណ្ដាញព័ត៌មាន Fresh News ទទួលបាននៅព្រឹកថ្ងៃទី០៦ ខែសីហា ឆ្នាំ២០២៣។ តាមរយៈសារលិខិតនោះ សម្ដេចតេជោ ហ៊ុន សែន បានរៀបរាប់យ៉ាងដូច្នេះថា៖ «ក្នុងឱកាស «ឆ្នាំមិត្តភាពកម្ពុជា-ចិន» និងជាខួបអនុស្សាវរីយ៍លើកទី៦៥ នៃការបង្កើតទំនាក់ទំនងការទូតកម្ពុជា-ចិន ខ្ញុំមានសេចក្តីសោមនស្សរីករាយ សូមផ្តល់ជូនដើមអង្គាបុស្បមួយដើម សម្រាប់ដាំក្នុង «សួនមិត្តភាពចិន-កម្ពុជា»។ ដើមអង្គាបុស្ប ដែលមានឈ្មោះវិទ្យាសាស្ត្រ Millingtonia hortensis Lf ជាប្រភេទដើមឈើ ដែលអាចមានកម្ពស់ ចាប់ពី១៨ម៉ែត្រ ទៅ២៥ម៉ែត្រ មានអាយុកាលយូរអង្វែង មានម្លប់ត្រឈឹងត្រឈៃ និងមានផ្កាពណ៌ស ក្រអូបប្រហើរ ដូចគ្នានឹងទំនាក់ទំនងដ៏យូរលង់ និងកិច្ចសហប្រតិបត្តិការក្នុងភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា […]