(ខេត្តបាត់ដំបង)៖កាលពីម្សិលមិញនេះ រដ្ឋបាលខេត្តបាត់ដំបង បានចេញសេចក្ដីបំភ្លឺព័ត៌មានមួយ បន្ទាប់ពីមានការចុះផ្សាយព័ត៌មានតាមបណ្ដាសង្គមហ្វេកប៊ុក ការបញ្ចេញមតិ និងការចែករំលែកជាច្រើន ទាក់ទងទៅហ្នឹង”ករណីការសាងសង់សំណង់រឹង និងការចាក់ដីលុបចូលស្ទឹងសង្កែ ដើម្បីធ្វើជាកម្មសិទ្ធិឯកជន”។ ដោយសេចក្ដីបំភ្លឺនោះបានមានខ្លឹមសារយ៉ាងដូច្នេះថា៖”កាលពីថ្ងៃទី២៣ ខែមិថុនា ឆ្នាំ២០២៣ ឯកឧត្ដម អភិបាលនៃគណៈអភិបាលខេត្ត បានចាត់តាំងមន្ដ្រីជំនាញចុះទៅពិនិត្យ និងបានធ្វើការវាស់វែងផ្ទៀងផ្ទាត់ម្ដងទៀតជាមួយហ្នឹងប្លង់ដីកម្មសិទ្ធិ ហើយបន្ទាប់មកនៅរសៀលថ្ងៃដដែល ឯកឧត្ដម បានដឹកនាំកិច្ចប្រជុំពិភាក្សាជុំវិញករណីនេះ និងបានចុះពិនិត្យទីតាំងជាក់ស្ដែង ហើយបានពិនិត្យឃើញថាការសាងសង់ផ្ទះរបស់ម្ចាស់សំណង់ គឺធ្វើនៅលើប្លង់កម្មសិទ្ធិស្របច្បាប់ មិនប៉ះពាល់លើចំណីស្ទឹងនោះទេ ហើយការធ្វើច្រាំងស្ទឹង គឺទៅតាមលំនាំដើម និងតាមដំណេកស្ទឹងពីធម្មជាតិ”។ ក្នុងនោះក៏បានបន្ថែមទៀតថា៖”តែអ្វីដែលខ្វះខាត គឺម្ចាស់សំណង់មិនទាន់បានកាយដីដែលចាក់ទប់ធ្វើច្រាំងស្ទឹងចេញអស់នៅឡើយ។ ចំពោះបញ្ហានេះ ខាងម្ចាស់សំណង់ក៏បានយល់ព្រមកាយដីចេញឱ្យអស់ដូចស្ថានភាពដើមអោយបានឆាប់រហ័ស មុនទឹកស្ទឹងឡើងក្នុងរដូវវង្សានេះ។ ហើយម៉្យាងទៀតម្ចាស់សំណង់ក៏បានស័្មគ្រចិត្តរុះរើសំណង់វេរ៉ងដារ ដែលបានធ្វើលើច្រាំងស្តឹងចេញ ដើម្បីកុំឱ្យប៉ះពាល់ដល់ចរន្ដទឹកហូរ ក៏ដូចជាប៉ះពាល់ដល់សោភ័នភាព និងបរិស្ថានផងដែរ ដោយចាប់ផ្ដើមអនុវត្តការងារពីព្រឹកថ្ងៃទី២៤ ខែមិថុនា ឆ្នាំ២០២៣ នេះតទៅ ហើយរដ្ឋបាលខេត្ត នឹងបន្ដពិនិត្យតាមដានការងាររហូតដល់រួចរាល់ជាស្ថាពរ”៕ប្រភព៖ រដ្ឋបាលខេត្តបាត់ដំបង

(ប៉ារីស)៖ កាលពីថ្ងៃសុក្រសប្តាហ៍នេះ អង្គការឃ្លាំមើលបទឧក្រិដ្ឋហិរញ្ញវត្ថុអន្តរជាតិ FATF បានប្រកាសឱ្យដឹងពីការសម្រេចចិត្តកត់ឈ្មោះប្រទេស៣បន្ថែមទៀត ចូលទៅក្នុង «បញ្ជីប្រផេះ» របស់ខ្លួន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃសៅរ៍ ទី២៤ ខែមិថុនា ឆ្នាំ២០២៣។ ប្រទេសទាំង៣ខាងលើគឺ កាមេរូន ក្រូអាស៉ី ហើយនិងវៀតណាម ត្រូវបានបញ្ចូលទៅក្នុងបញ្ជីប្រផេះរបស់អង្គការ FATF ដែលមានប្រទេសចំនួន២៣ផ្សេងទៀត​ ដោយសារប្រទេសទាំងនេះ មានចំណាត់ការមិនទាន់រឹងមាំគ្រប់គ្រាន់នៅឡើយ ដើម្បីទប់ស្កាត់ការលាងលុយកខ្វក់ ការផ្តល់ហិរញ្ញវត្ថុដល់​ក្រុមភេរវកម្ម ហើយនិងការទ្រទ្រង់ដល់សកម្មភាព ដែលឈានដល់ការរីកសាយអាវុធប្រល័យលោក។ សេចក្តីប្រកាសនេះធ្វើឡើងនៅថ្ងៃចុងក្រោយ នៃសម័យប្រជុំពេញអង្គរបស់អង្គការ FATF ក្នុងទីក្រុងប៉ារីស។ ក្រុមប្រទេសដែលស្ថិតក្នុងបញ្ជីប្រផេះរបស់ FATF នឹងត្រូវគ្រឹះស្ថានហិរញ្ញវត្ថុបរទេស ធ្វើការតាមដានតឹងរ៉ឹងជាងមុន លើសកម្មភាពហិរញ្ញវត្ថុ​របស់ពួកគេ។ ដោយឡែក ក្រៅពីបញ្ជីប្រផេះ FATF ក៏មានបញ្ជីខ្មៅផងដែរសម្រាប់ក្រុមប្រទេស ដែលត្រូវបានចាត់ថ្នាក់មានហានិភ័យខ្ពស់បំផុត។ បច្ចុប្បន្នប្រទេសដែលជាប់ក្នុងបញ្ជីខ្មៅនេះ រួមមានអ៉ីរ៉ង់ មីយ៉ាន់ម៉ា និងកូរ៉េខាងជើង។ គួរបញ្ជាក់ថា FATF គឺជាអង្គការអន្តររដ្ឋាភិបាលមានមូលដ្ឋាននៅទីក្រុងប៉ារីស ដែលផ្តោតទៅលើការប្រយុទ្ធប្រឆាំងសកម្មភាពលាងលុយកខ្វក់ សកម្មភាពផ្តល់ហិរញ្ញវត្ថុដល់​ក្រុមភេរវកម្ម ក៏ដូចជាសកម្មភាពផ្តល់ហិរញ្ញវត្ថុចូលរួមចំណែក ដល់ការរីកសាយនៃអាវុធប្រល័យលោក​ តាមរយៈការ​កំណត់ស្តង់ដាជាសកល ហើយត្រួតពិនិត្យថា […]

(ក្រចេះ)៖ លោកបណ្ឌិត ពេជ្រ ប៊ុនធិន ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានការងាររាជរដ្ឋាភិបាលចុះមូលដា្ឋនខេត្តក្រចេះ នៅថ្ងៃទី២៤ ខែមិថុនា ឆ្នាំ២០២៣នេះ បានអញ្ជើញអធិបតីភាព ក្នុងពិធីសម្ពោធដាក់ឲ្យប្រើប្រាស់ជាផ្លូវការ ផ្លូវបេតុង១ខ្សែ ជាអំណោយអតីតសិស្សជំនាន់ទី១ (ឆ្នាំ១៩៨៦-១៩៨៩) នៅខេត្តក្រចេះ។ លោក ហេ ប៊ុនឈី នាយកវិទ្យាល័យព្រះមហាក្សត្រិយានីកុសុមៈ បានបញ្ជាក់ថា ផ្លូវបេតុង១ខ្សែនេះ មានប្រវែង១២៩ម៉ែត្រ និងទទឹងប្រវែង៧ម៉ែត្រ លូប្រអប់កាត់ទទឹងផ្លូវ ២កន្លែង មានប្រវែង១៤ម៉ែត្រ មានបង្គោលផ្កាអមផ្លូវ ៣៨បង្គោល និងសួនច្បារដែលចំណាយអស់ថវិកា ២៤,៧៤២.១៤ដុល្លារ ជាអំណោយរបស់អតីតសិស្សជំនាន់ទី១។ ថ្លែងក្នុងឱកាសនោះ លោកទេសរដ្ឋមន្ដ្រី ពេជ្រ ប៊ុនធិន បាននាំនូវការសាកសួរសុខទុក្ខពីប្រមុខរាជរដ្ឋាភិបាលកម្ពុជា និងបានបញ្ជាក់ថា ពិធីជួបជុំថ្ងៃនេះ គឺជាការលើកទឹកចិត្តដោយផ្ទាល់ ពីសំណាក់ប្រមុខថ្នាក់ដឹកនាំ ចំពោះលោកគ្រូ អ្នកគ្រូ និងបុគ្គលិកអប់រំ ហើយកំណែទម្រង់ចុងក្រោយក្នុងវិស័យអប់រំនេះ គឺជាជោគជ័យដ៏ធំក្នុងវិស័យអប់រំ ចំពោះសមិទ្ធផលទាំងនេះ បានមកពីការរួមចំណែករបស់រាជរដ្ឋាភិបាល អាជ្ញាធរគ្រប់លំដាប់ថ្នាក់ដែលបាន កសាងសាលារៀនជាច្រើន ដើម្បីទុកជាមរតកប្រវត្តិសាស្ត្រ និងជាគំរូល្អដល់កូនចៅជំនាន់ក្រោយ ហើយយើងទាំងអស់គ្នា ចងចាំជានិច្ចនូវគុណូបការៈទាំងនេះ និងប្តេជ្ញារួមគ្នាថែរក្សានូវសមិទ្ធផលទាំងនេះ ឲ្យបានគង់វង្សដើម្បីជា […]

(ម៉ានីល)៖ នាថ្ងៃអាទិត្យនេះ ស្រឡាងមួយគ្រឿងផ្ទុកមនុស្សសរុបចំនួន១២០នាក់ ត្រូវបានអគ្គិភ័យឆាបឆេះនៅលើផ្ទៃសមុទ្រ ក្នុងប្រទេសហ្វីលីពីន ខណៈកងកម្លាំងឆ្មាំសមុទ្រហ្វីលីពីន បានចល័តនាវាមួយគ្រឿង ឱ្យទៅជួយសង្រ្គោះដែលធ្វើដំណើរលើនោះ និងដើម្បីព្យាយាមជួយពន្លត់ភ្លើង។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃអាទិត្យ ទី១៨ ខែមិថុនា ឆ្នាំ២០២៣។ ឆ្មាំសមុទ្រហ្វីលីពីនបានឱ្យដឹងថា ស្រឡាង Esperanza Star ត្រូវបានភ្លើងឆាបឆេះកាលពីព្រឹកព្រលឹមថ្ងៃអាទិត្យនេះ ពេលកំពុងធ្វើដំណើរពី​ខេត្ត ស៉ីគីហ័រ (Siquijor) ឆ្ពោះទៅកាន់ខេត្ត បូហូល (Bohol) នៅភាគកណ្តាលប្រទេស។ យ៉ាងណាមិញ មិនទាន់មានការបញ្ជាក់នៅឡើយនោះទេថា តើមនុស្សប៉ុន្មាននាក់ហើយ ត្រូវបានជួយសង្រ្គោះចេញពីស្រឡាង ឬក៏ថាតើមានមនុស្សបាត់បង់ជីវិតដែរឬអត់។ ស្រឡាងនោះផ្ទុះអ្នកដំណើរសរុប៦៥នាក់ និងបុគ្គលិកស្រឡាងសរុប៥៥នាក់។ គួរបញ្ជាក់ថា ឧបទ្ទវហេតុលើផ្ទៃសមុទ្រ តែងកើតមានជាញឹកញាប់នៅហ្វីលីពីន ដែលជាប្រទេសទីប្រជុំកោះ ដោយសារកត្តាផ្សេងៗ ដូចជាព្យុះ, ស្ថានភាពស្រឡាង កប៉ាល់ ឬនាវាផ្ទាល់, ការផ្ទុកមនុស្សច្រើនលើសកំណត់ និងភាពធូររលង់នៃការអនុវត្តបទបញ្ញត្តិសុវត្ថិភាព ជាពិសេសនៅតាមខេត្តឆ្ងាយៗ។ កាលពី​ខែមីនា ឆ្នាំនេះ អគ្គិភ័យបានឆាបឆេះនាវេលាយប់រំលងអធ្រាត្រ លើស្រឡាងមួយគ្រឿង មានផ្ទុកមនុស្សសរុប២៥០នាក់។ ក្នុងហេតុការណ៍នោះ ដែលបានកើតឡើង នៅក្បែរខេត្តបាស៉ីឡាន់ […]

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅយប់ថ្ងៃទី១៧ ខែមិថុនា បានប្រាប់រដ្ឋមន្ត្រីក្រសួងយុត្តិធម៌ ធ្វើការជាមួយតុលាការខេត្តរតនគិរី លើកលែងការចោទប្រកាន់ និងឲ្យសមាគមសម្ព័ន្ធសហគមន៍កសិករកម្ពុជា(CCFC) បន្តសកម្មភាព។ តាមរយៈ Telegram សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «ល្ងាចនេះខ្ញុំបានជួបជាមួយលោក ថេង សាវឿន ប្រធានសមាគមសម្ព័ន្ធសហគមន៍កសិករកម្ពុជា(CCFC) និងសហការីរបស់គាត់ដើម្បីស្តាប់នូវរឿង ដែលកើតមានកន្លងមកនិងសកម្មភាពរបស់សមាគម។ យើងពិនិត្យឃើញនូវផលប្រយោជន៍ ដែលសមាគមបានធ្វើដូចនេះខ្ញុំបានលើកទឹកចិត្តឲ្យសមាគមបន្តសកម្មភាពដើម្បី ផលប្រយោជន៍ប្រជាជនយើងនិងបន្ថែមឲ្យសមាគមយកចិត្តទុកដាក់លើកិច្ចការពារចំពោះកម្មករក្នុងវិស័យកសិកម្មផងដែរ»។ សម្តេចតេជោ បន្តថា «ខ្ញុំក៏បានណែនាំឯកឧត្តមកើត រិទ្ធរដ្ឋមន្ត្រីក្រសួងយុត្តិធម៌ធ្វើការជាមួយតុលាការខេត្តរតនគីរីលើកលែងការចោទប្រកាន់និងផ្តល់សិទ្ធឲ្យសមាគមនេះបានធ្វើសកម្មភាពឡើងវិញឲ្យបានឆាប់»។ផ្ដល់សិទ្ធិដោយ៖Freshnews

(ភ្នំពេញ)៖ ក្រុមគ្រូពេទ្យស្ម័គ្រចិត្តយុវជនសម្តេចតេជោ នៅថ្ងៃទី១៧ ខែមិថុនា ឆ្នាំ២០២៣ បានចុះពិនិត្យ និងព្យាបាលជំងឺជូនប្រជាពលរដ្ឋក្នុងសហគមន៍ក្រីក្រ សរុបចំនួន១,៩០០នាក់ ស្មើនឹង ៣,៥៤៧ករណីនៅនឹងកន្លែង ក្រោមអធិបតីភាពលោកស្រីបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាលសមាគម សហការជាមួយអាជ្ញាធរដែនដី និងផ្នែកពាក់ព័ន្ឋជាច្រើនទៀត។ ការពិនិត្យ និងព្យាបាលនោះរួមមាន ជំងឺទូទៅ មាត់ធ្មេញ អេកូបេះដូង វះកាត់តូច ឫសដូងបាត សន្លាក់ សើរស្បែក ត្រចៀក ច្រមុះ បំពងក ពិនិត្យឈាម ថតកាំរស្មី រោគស្រ្តី ភ្នែក ផ្នែកពិសោធន៍ស្ថិតនៅក្នុងបរិវណសាលាវិទ្យាល័យ បឹងត្របែក សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ លោកស្រីបណ្ឌិត ពេជ ចន្ទមុន្នី ហ៊ុនម៉ាណែត បានលើកឡើងថា សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត តែងតែគិតគូរសុខទុក្ខ ចំពោះសុខភាព និងការរស់នៅរបស់ប្រជាពលរដ្ឋគ្រប់ទីកន្លែង និងតែងតែបង្កលក្ខណៈងាយស្រួល ក្នុងការព្យាបាលជំងឺជូនប្រជាពលរដ្ឋ ព្រមទាំងបញ្ជូនប្រជាពលរដ្ឋ ដែលមានករណីធ្ងន់ធ្ងរមកព្យាបាលនៅតាមមន្ទីរពេទ្យដៃគូរសហការក្នុងរាជធានីភ្នំពេញ ក្រោមការជួយឧបត្ថម្ភទាំងស្រុងពីសម្ដេចតេជោ […]

រាជធានីភ្នំពេញ៖ កាលពីថ្ងៃទី១៦ ខែមិថុនា ឆ្នាំ២០២៣ មន្ដ្រីជំនាញកិច្ចការ ប្រកួតប្រជែង និងបង្រ្កាបការក្លែងបន្លំ សាខារាជធានីភ្នំពេញបានសហការជាមួយមន្ដ្រីជំនាញពិសោធន៍ចុះត្រួតពិនិត្យទីតាំងផលិតកែច្នៃអំបិល ២កន្លែងនៅខណ្ឌដូនពេញ ដើម្បីស្វែងរកភាពមិនអនុលោមទៅតាមច្បាប់។ បើយោងតាមគណនីផេកហ្វេសប៊ុកផ្ទាល់របស់ អគ្គ.ការពារអ្នកប្រើប្រាស់កិច្ចការ ប្រកួតប្រជែង និងបង្រ្កាបការក្លែងបន្លំ បានសរសេរថា “មន្រ្តីជំនាញ ក.ប.ប. សាខារាជធានីភ្នំពេញ បានដឹកនាំកម្លាំង ដោយសហការជាមួយមន្រ្តីជំនាញមន្ទីរពិសោធន៍បានចុះត្រួតពិនិត្យទីតាំងផលិតនិងកែច្នៃអំបិលចំនួន ២ទីតាំងក្នុងខណ្ឌដូនពេញ។ គោលបំណងនៃការត្រួតពិនិត្យគឺដើម្បីស្វែងរកភាពមិនអនុលោមណាមួយដែលមិនសមស្របតាមបទប្បញ្ញត្តិដែលមានចែងជាធរមាន ហើយជាហេតុនាំឱ្យមានផលប៉ះពាល់ដល់អ្នកប្រើប្រាស់ដែលជាអ្នកបរិភោគនិងទទួលទានផ្ទាល់ផងដែរ។ ជាផលទ្ធផលមន្រ្តីជំនាញបានបញ្ជាក់ថា ទីតាំងទាំង២ខាងលើមានអនុលោមភាព ពោលគឺសមស្របតាមបទប្បញ្ញត្តិដែលមានចែងជាធរមាន”។ ប្រភព៖ អគ្គ.ការពារអ្នកប្រើប្រាស់កិច្ចការប្រកួតប្រជែង និងបង្រ្កាបការក្លែងបន្លំ

រាជធានីភ្នំពេញ៖ ក្រសួងអប់រំ យុវជន និងកីឡា បានប្រកាសអបអរសាទរចំពោះសិស្សានុសិស្សទាំង ៦០រូបដែលទទួលស្គាល់ថាជាសិស្សពូកែទូទាំងប្រទេស ទៅលើផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា សម្រាប់ថ្នាក់ទី៩ និងថ្នាក់ទី១២ ឆ្នាំ២០២៣នេះ។ នេះបើយោងតាមគណនីហ្វេសប៊ុកផេកផ្ទាល់របស់​ ក្រសួងអប់រំ យុវជន និងកីឡា បានផុសនៅថ្ងៃទី១៨ ខែមិថុនា ឆ្នាំ២០២៣មុននេះបន្តិច។ នៅក្នុងនោះសិស្សពូកែថ្នាក់ទី៩ និងថ្នាក់ទី១២ ដែលជាជ័យលាភីសិស្សពូកែទូទាំងប្រទេស ត្រូវបានទទួលរង្វាន់ និងការលើកទឹកចិត្តពីរាជរដ្ឋាភិបាល ដូចខាងក្រោម៖ ១. ប្រកាសស្ដីពីការទទួលស្គាល់សិស្សពូកែទូទាំងប្រទេស ដោយរដ្ឋមន្ដ្រីក្រសួងអប់រំ យុវជន និងកីឡា មួយច្បាប់ ២. មេដាយមួយគ្រឿងសម្រាប់បេក្ខជនជ័យលាភី ចំណាត់ថ្នាក់ពីលេខ១ ដល់លេខ៣ ៣. វិញ្ញាបនបត្របញ្ជាក់សិស្សពូកែទូទាំងប្រទេស មួយច្បាប់ ៤. និងប្រាក់រង្វាន់លើកទឹកចិត្ត​ពីលេខ១ ដល់លេខ៥ ផងដែរ។ ប្រភពមកពី៖ ក្រសួងអប់រំ យុវជន និងកីឡា

(ញូវដេលី)៖ ក្រុមមន្ត្រីនៅក្នុងប្រទេសឥណ្ឌា បានឱ្យដឹងនៅថ្ងៃសៅរ៍នេះថាមនុស្សយ៉ាងហោច ៣៤នាក់បានស្លាប់ ដោយសាររលកកម្ដៅដ៏ក្ដៅនារយៈពេល២ថ្ងៃ កន្លងមកនេះ នៅក្នុងរដ្ឋ អ៊ូតតា ប្រាដែស (Uttar Pradesh) ដោយជំរុញឱ្យក្រុមគ្រូពេទ្យ និងអាជ្ញាធរណែនាំឱ្យមនុស្សមានអាយុ ៦០ឆ្នាំឡើង ត្រូវស្នាក់នៅក្នុងផ្ទះ អំឡុងពេលថ្ងៃ។ នេះបើតាមការចេញផ្សាយដោយទីភ្នាក់ងារសារព័ត៌មាន AP នៅថ្ងៃសៅរ៍ ទី១៧ ខែមិថុនា ឆ្នាំ២០២៣។ មនុស្ស ៣៤នាក់ដែលបានស្លាប់ សុទ្ធសឹងជាមនុស្សមានវ័យ ៦០ឆ្នាំឡើង និងមានបញ្ហាសុខភាពស្រាប់ ឬជំងឺប្រចាំកាយ ដែលធ្វើឱ្យពួកគេមិនអាចទ្រាំទ្រនឹងកម្ដៅ បាន។ បើតាមអាជ្ញាធរឥណ្ឌា ជនរងគ្រោះដែលបានស្លាប់ទៀតសោត ត្រូវបានរាយការណ៍នៅក្នុងស្រុក បាលលៀ (Ballia) ស្ថិតនៅចម្ងាយ ២០០គីឡូម៉ែត្រពី ភាគអាគ្នេយ៍នៃទីក្រុង Lucknow ដែលជារដ្ឋធានីនៃរដ្ឋ Uttar Pradesh។ គួរបញ្ជាក់ថា មនុស្ស ២៣នាក់ដែលស្លាប់ត្រូវបានរាយការណ៍កាលពីថ្ងៃព្រហស្បតិ៍ និង១១នាក់ផ្សេងទៀតត្រូវបានរាយការណ៍កាលពីថ្ងៃសុក្រសប្ដាហ៍នេះដែល សីតុណ្ហភាពបានឡើងដល់ ៤២.២អង្សាសេ ឬលើសកម្រិតកម្ដៅធម្មតា ៤.៧អង្សាសេ៕ ផ្ដល់សិទ្ធិដោយ៖freshnews

(បាត់ដំបង)៖ លោក សុខ លូ អភិបាលខេត្តបាត់ដំបង នៅព្រឹកថ្ងៃទី១៧ ខែមិថុនា ឆ្នាំ២០២៣ បានពិភាក្សាការងារមួយលោក Jacques Pellet ឯកអគ្គរដ្ឋទូតនៃសាធារណរដ្ឋបារាំងប្រចាំកម្ពុជា ជាមួយនឹងក្រុមប្រតិភូដែលជាអ្នកវិនិយោគនៃប្រទេសបារាំង ចំនួន១៥ ក្រុមហ៊ុន ដើម្បីសិក្សាអំពីសក្ដានុពលសំខាន់ៗនៅក្នុងខេត្តបាត់ដំបង ស្វែងរកឱកាសវិនិយោគនៅក្នុងខេត្តបាត់ដំបង។ លោក Jacques Pellet បានលើកឡើងអំពីគោលបំណងចម្បងរបស់ប្រតិភូនៃប្រទេសបារាំង គឺដើម្បីឱ្យក្រុមអ្នកវិនិយោគមកពីប្រទេសបារាំងធ្វើការស្វែងយល់បន្ថែមទៀត អំពីសក្ដានុពលនៅក្នុងខេត្តបាត់ដំបង ដើម្បីផ្ដល់ជាធាតុចូលនៃចំណេះដឹងក្នុងការរកឱកាសវិនិយោគលើវិស័យនានានៅក្នុងខេត្តបាត់ដំបង មិនថាវិស័យកសិកម្ម ឧស្សាហកម្ម ទេសចរណ៍ ឬវិស័យដឹកជញ្ជូនឡើយ ដោយខេត្តបាត់ដំបងជាខេត្តគោលដៅដ៏សំខាន់មួយសម្រាប់កម្ពុជា ដែលមានហេដ្ឋារចនាសម្ព័ន្ធឆ្លងកាត់ និងភ្ជាប់ទៅតំបន់សំខាន់ៗនៅក្នុងប្រទេសបានយ៉ាងល្អប្រសើរផងដែរ។ លោកអភិបាលខេត្តបាត់ដំបង បានស្វាគមន៍ដល់លោកឯកអគ្គរដ្ឋទូតនៃសាធារណរដ្ឋបារាំងប្រចាំកម្ពុជា ក៏ដូចជាប្រតិភូដែលជាអ្នកវិនិយោគមកពីប្រទេសបារាំង ដែលបានអញ្ជើញមកទស្សនកិច្ចនៅលើទឹកដីខេត្តបាត់ដំបង និងសិក្សាអំពីសក្ដានុពលក្នុងខេត្តបាត់ដំបង ដើម្បីសិក្សាអំពីឱកាសវិនិយោគនៅក្នុងទឹកដីដ៏ល្អផូរផង់មួយនេះ។ លោកបានបន្តថា ខេត្តបាត់ដំបងជាខេត្តដែលមានសក្ដានុពលខាងផ្នែកកសិកម្ម ទន្ទឹមនឹងនោះដែរ ខេត្តក៏កំពុងមានតម្រូវការជាច្រើនខាងផ្នែកនេះ ដោយទាមទារឱ្យអ្នកវិនិយោគក្នុងស្រុក និងក្រៅស្រុក ចាប់អារម្មណ៍វិនិយោគផ្នែកកសិឧស្សាហកម្ម ដូចជាការកែច្នៃផ្លែឈើ ការយកផលិតផលកសិកម្មយកទៅកែច្នៃ ដើម្បីធ្វើការលក់ និងនាំចេញទៅក្រៅប្រទេស ព្រោះសព្វថ្ងៃនេះផលិតផលកសិកម្មជាច្រើន នៅមិនទាន់បានយកមកកែច្នៃអស់លទ្ធភាពនៅឡើយទេ ធ្វើឱ្យផលិតផលទាំងនោះលើសតម្រូវការទីផ្សារ បណ្ដាលឱ្យមានការធ្លាក់ថ្លៃផងដែរ៕ ផ្ដល់សិទ្ធិដោយ៖freshnews