(ជប៉ុន)៖ ក្នុងដំណើរទស្សនកិច្ចការងារចូលរួមពិព័រណ៍ទេសចរណ៍ជប៉ុន ២០២៥ និងកិច្ចប្រជុំតុមូលថ្នាក់រដ្ឋមន្ត្រីទេសចរណ៍ លោក ហួត ហាក់ រដ្ឋមន្ត្រីក្រសួងទេសចរណ៍ និងគណៈប្រតិភូជាន់ខ្ពស់ និងវិស័យឯកជន បានជួបពិភាក្សាការងារជាមួយតំណាងក្រុមហ៊ុនអាកាសចរណ៍ជប៉ុន Japan Airlines (JAL) នាថ្ងៃទី២៥​ ខែកញ្ញា ឆ្នាំ២០២៥ នៅពន្លាទេ​សចរណ៍របស់ក្រសួងទេសចរណ៍កម្ពុជា។ ​រដ្ឋមន្ត្រី ហួត ហាក់ បានថ្លែងអំណរគុណ កោតសរសើរ និងវាយតម្លៃខ្ពស់ ចំពោះការចូលរួមដ៏សំខាន់ក្នុងវិស័យទេសចរណ៍កម្ពុជា របស់ក្រុមហ៊ុនអាកាសចរណ៍ជប៉ុនដ៏ធំមួយនេះដែលបានហោះហើរចំនួន ២២០គោលដៅនៅប្រទេស ចំនួន៣៥ ជុំវិញពិភពលោករហូតមក តាមរយៈការជួយផ្សព្វផ្សាយសក្តានុពលទេសចរណ៍កម្ពុជា និងការដឹកជញ្ជូនអ្នកដំណើរ និងភ្ញៀវទេសចរទាំងជប៉ុន និងអន្តរជាតិមកកាន់រាជធានីភ្នំពេញ និងខេត្តសៀមរាបក្នុងចំនួនគួរឱ្យមោទនៈ ក្រោមទម្រង់ Codeshares ជាមួយក្រុមហ៊ុនអាកាសចរណ៍ដៃគូរបស់ខ្លួន។ រដ្ឋមន្រ្តី ហួត ហាក់ ក៏បានស្នើឱ្យក្រុមហ៊ុនអាកាសចរណ៍ពិនិត្យលទ្ធភាពហោះហើរផ្ទាល់ និងត្រង់មកកម្ពុជាតែម្តង ដោយផ្អែកលើសក្តានុពលទេសចរណ៍កម្ពុជា កត្តាសុខសន្តិភាព សុខសុវត្ថិភាពទេសចរណ៍ ចំនួនអ្នកធ្វើដំណើរ និងភ្ញៀវទេសចរអន្តរជាតិដែលកើនឡើងជាបន្តបន្ទាប់ ព្រមទាំងវត្តមានអាកាសយានដ្ឋានអន្តរជាតិតេជោកម្រិត 4F ដែលពិតជាជួយបង្កើនចំនួនអ្នកដំណើរ និងភ្ញៀវទេសចរអន្តរជាតិទៅមករវាងប្រទេសទាំងពីរឱ្យកាន់តែច្រើនឡើង៕ ផ្ដល់សិទ្ធិដោយ៖ Freshnews

(សេអ៊ូល)៖ មន្ត្រីជាន់ខ្ពស់ម្នាក់មកពីក្រសួងការបរទេសកូរ៉េខាងត្បូង បាននិយាយថាលទ្ធភាពនៃការរៀបចំជំនួបមួយរវាងកូរ៉េខាងជើង និងសហរដ្ឋអាមេរិកនាឱកាសនៃកិច្ចប្រជុំកំពូល APEC ឆ្នាំនេះ នៅក្នុងប្រទេសកូរ៉េខាងត្បូងមិនអាចត្រូវបានច្រានចោលឡើយ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ទំនាក់ទំនងរវាងទីក្រុងព្យុងយ៉ាង និងទីក្រុងវ៉ាស៊ីនតោន បានជាប់គាំងកាន់តែជ្រៅ ចាប់តាំងពីកិច្ចប្រជុំកំពូលរវាងមេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីអាមេរិក លោក ដូណាល់ ត្រាំ ក្នុងឆ្នាំ២០១៩ បានទទួលបរាជ័យ ជុំវិញការដកទណ្ឌកម្ម និងការធ្វើសម្បទានពាក់ព័ន្ធនឹងកម្មវិធីអាវុធនុយក្លេអ៊ែររបស់ព្យុងយ៉ាង។ ចាប់តាំងពីពេលនោះមក កូរ៉េខាងជើង បានប្រកាសម្ដងហើយម្ដងទៀតថាឋា​ន​ៈជារដ្ឋមានអាវុធនុយក្លេអ៊ែររបស់ខ្លួនមិនអាចកែប្រែបានទេ បើទោះជាលោក គីម កាលពីពេលថ្មីៗនេះបានបង្ហាញពីឆន្ទៈបើក កិច្ចសន្ទនាឡើងវិញជាមួយទីក្រុងវ៉ាស៊ីនតោនក៏ដោយ។​ យ៉ាងណាក៏ដោយ មន្ត្រីជាន់ខ្ពស់ម្នាក់នៃក្រសួងការបរទេសកូរ៉េខាងត្បូង បាននិយាយកាលពីថ្ងៃទី២៦ ខែកញ្ញា នៅក្នុងទីក្រុងញូវយ៉កថាកិច្ចចរចារវាងកូរ៉េខាងជើង និងសហរដ្ឋអាមេរិក អាចនឹងកើតឡើងនាឱកាសនៃកិច្ចប្រជុំកំពូល APEC ដែលគ្រោងនឹងប្រព្រឹត្តទៅនៅចុងខែតុលាខាងមុខ។ «យើងមិនអាចច្រានចោលលទ្ធភាពដែលអាចទៅរួចនោះទេ»។ នេះជាការបញ្ជាក់បន្ថែមរបស់មន្ត្រីដដែល នៅពេលត្រូវបានសាកសួរអំពីលទ្ធភាពនៃការរៀបចំកិច្ចចរចារវាងលោក ត្រាំ និងលោក គីម។ គួរបញ្ជាក់ថា លោក ត្រាំ ត្រូវបានរំពឹងថានឹងចូលរួមកិច្ចប្រជុំកំពូល APEC ដែលនឹងប្រព្រឹត្តទៅក្នុងទីក្រុង Gyeongju កូរ៉េខាងត្បូង ខណៈប្រធានាធិបតីចិន លោក […]

(ភ្នំពេញ)៖ ក្រសួងអប់រំ យុវជន និងកីឡា តាមរយៈមជ្ឈមណ្ឌលសម្រាប់ការអប់រំឌីជីថល និងការអប់រំពីចម្ងាយ (CDDE) នឹងរៀបចំកម្មវិធីបង្រៀនជាលក្ខណៈផ្សាយបន្តផ្ទាល់ (LIVE) ចាប់ពីថ្ងៃទី២៩ ខែញ្ញា ឆ្នាំ២០២៥ខាងមុខនេះតទៅ ដោយឥតគិតថ្លៃ លើមុខវិជ្ជាចំនួន៤ រួមមាន៖ រូបវិទ្យា គីមីវិទ្យា ជីវវិទ្យា និងគណិតវិទ្យា សម្រាប់សិស្សានុសិស្សដែលមានបំណងប្រឡងចូលរៀននៅកម្រិតឧត្តមសិក្សា។ ថ្លែងប្រាប់បណ្តាញព័ត៌មាន នាថ្ងៃទី២៨ ខែកញ្ញា ឆ្នាំ២០២៥នេះ លោកបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា បានឱ្យដឹងថា គោលដៅនៃកម្មវិធីបង្រៀននេះ គឺដើម្បីជាជំនួយដល់ការបំប៉នសមត្ថភាពដល់សិស្សានុសិស្សដែលប្រឡងជាប់សញ្ញាបត្រមធ្យមសិក្សាទុតិយភូមិ និងផ្តល់ឱកាសប្រកបដោយសមធម៌សម្រាប់បេក្ខជនដែលមានបំណងប្រឡងចូលរៀននៅគ្រឹះស្ថានឧត្តមសិក្សា។ ជារៀងរាល់ឆ្នាំមានបេក្ខជនប្រមាណ ៤ ០០០នាក់ បានដាក់ពាក្យប្រឡងចូលរៀននៅសាកលវិទ្យាល័យវិទ្យាសាស្រ្តសុខាភិបាល ហើយជិត ៤០០០នាក់ទៀត ក៏ត្រូវដាក់ពាក្យប្រឡងចូលរៀននៅវិទ្យាស្ថានបច្ចេកវិទ្យាកម្ពុជា។ ក្រៅពីនេះដេប៉ាតឺម៉ង់គណិតវិទ្យា រូបវិទ្យា គីមីវិទ្យា និងជីវវិទ្យា ក៏សុទ្ធសឹងតែជាកម្មវិធីសិក្សាថ្នាក់ឧត្តមសិក្សាដែលមានបេក្ខជន ដាក់ពាក្យប្រឡងចូលរៀនច្រើន។ អាស្រ័យហេតុនេះហើយទើបក្រសួងអប់រំ យុវជន និងកីឡា តាមរយៈមជ្ឈមណ្ឌលសម្រាប់ការអប់រំឌីជីថល និងការអប់រំពីចម្ងាយ នឹងរៀបចំកម្មវិធីបង្រៀនជាលក្ខណៈផ្សាយបន្តផ្ទាល់ចាប់ពីថ្ងៃទី២៩ ខែកញ្ញា ឆ្នាំ២០២៥ខាងមុខនេះតទៅ ដើម្បីបង្ហាញពីគន្លឹះដោះស្រាយសំណួរ […]

(ភ្នំពេញ)៖ តាងនាមឱ្យរាជរដ្ឋាភិបាលកម្ពុជា លោកបណ្ឌិត លី ធុជ ទេសរដ្ឋមន្រ្តី និងជាប្រធានគណៈកម្មាធិការជាតិសេដ្ឋកិច្ចសង្គម សម្រាប់តំបន់អាស៊ី និងប៉ាស៊ីហ្វិក នាថ្ងៃទី២៧ ខែកញ្ញា ឆ្នាំ២០២៥ បានអញ្ជើញចូលរួមក្នុងកម្មវិធីជំនួបលើកទី៧ រវាងម្ចាស់អាជីវកម្ម សហគ្រាស នាំចេញ នាំចូល ឡូជីស្ទីក និងដឹកជញ្ជូន របស់សមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជា នៅសណ្ឋាគារណាហ្គាវើល។ ក្នុងជំនួបលើកទី៧នោះ លោកបណ្ឌិត លី ធុជ បានសង្កត់ធ្ងន់ថា ការរីកចម្រើនរបស់វិស័យដឹកជញ្ជូននិងឡូជីស្ទីកនៅកម្ពុជា នាពេលបច្ចុប្បន្ននេះ គឺដោយសារកម្ពុជាទទួលបាននូវសុខសន្តិភាព និងស្ថិរភាពនយោបាយពេញលេញ។ ផ្អែកលើសន្តិភាព និងស្ថិរភាព ទទួលបាន រាជរដ្ឋាភិបាល ពីមួយជំនាន់ទៅមួយជំនាន់ ក្រោមការដឹកនាំប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បាននិងកំពុងបន្តលើកកម្ពស់ និងកែលម្អជាប្រចាំ នូវគោលនយោបាយវិស័យដឹកជញ្ជូននិងឡូជីស្ទីក ក្រោមកិច្ចសហប្រតិបត្តិការភាពជាដៃគូយ៉ាងជិតស្និទ្ធជាមួយវិស័យឯកជន ក្នុងនោះរួមទាំងការជួយសម្រួលដល់ដំណើរការបំពេញបែបបទ និងនីតិវិធីពាក់ព័ន្ធផ្សេងៗទៀតផង។ លោកបណ្ឌិត លី ធុជ បានកោតសរសើរចំពោះកិច្ចខិតខំប្រឹងប្រែងរបស់សមាគមពាណិជ្ជករដឹកជញ្ជូន […]

(ហាណូយ)៖ វៀតណាម នៅថ្ងៃអាទិត្យ ទី២៨ ខែកញ្ញា បានបិទអាកាសយានដ្ឋាន និងជម្លៀសមនុស្សរាប់ពាន់នាក់នៅក្នុងតំបន់ដែលអាចរងផលប៉ះពាល់ ខណៈព្យុះទីហ្វុង Bualoi កំពុងបក់បោកមកកាន់តែកៀក ប៉ុន្មានថ្ងៃបន្ទាប់ពីព្យុះមួយនេះបានផ្ដាច់យកជីវិតមនុស្សយ៉ាងហោច១០នាក់ និងបង្កជាគ្រោះទឹកជំនន់ធ្ងន់ធ្ងរនៅហ្វីលីពីន។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ ព្យុះទីហ្វុង Bualoi ដែលកំពុងធ្វើដំណើរក្នុងល្បឿនខ្យល់ ១៣៣គីឡូម៉ែត្រក្នុងមួយម៉ោង ត្រូវបានរំពឹងថានឹងបក់បោកដល់តំបន់ដីគោកនៅភាគកណ្ដាលប្រទេសវៀតណាម នៅថ្ងៃអាទិត្យនេះ ពោលគឺលឿនជាងការព្យាករកន្លងមក។ ជាវិធានការបង្ការគ្រោះថ្នាក់ អាជ្ញាធរវៀតណាមនៅក្នុងខេត្ត Ha Tinh បានចាប់ផ្ដើមជម្លៀសមនុស្សជាង ១៥ ០០០នាក់ ហើយរដ្ឋាភិបាលបានដាក់ពង្រាយកងទ័ពឱ្យប្រុងជើងការជាស្រេច។ បន្ថែមពីលើនេះ វៀតណាមក៏បានបិទអាកាសយានដ្ឋានចំនួន៤ ស្ថិតនៅតាមបណ្ដោយឆ្នេរជាបណ្ដោះអាសន្ន ក្នុងនោះរួមមានអាកាសយានដ្ឋាន Danang international ផងដែរ។ បើតាមរដ្ឋាភិបាលវៀតណាម ភ្លៀងធ្លាក់ខ្លាំងបាននិងកំពុងធ្លាក់រួចទៅហើយដោយបង្កជាគ្រោះទឹកជំនន់នៅខេត្ត Hue និង Quang Tri។ គួរបញ្ជាក់ថា ក្នុងមួយឆ្នាំៗ វៀតណាមតែងតែជួបប្រទះនឹងព្យុះជារឿយៗ ក្នុងនោះមានទាំងព្យុះកំណាចទៀតផង។ តួយ៉ាង កាលពីឆ្នាំមុន ព្យុះទីហ្វុង Yagi បានសម្លាប់ មនុស្សជាង ៣០០នាក់ និងបង្កការខូចខាតដល់ទ្រព្យសម្បត្តិ គិតជាទឹកប្រាក់ ៣.៣ពាន់លានដុល្លារ៕ […]

(វ៉ាស៉ីនតោន)៖ ប្រធានាធិបតីអាមេរិក លោក ដូណាល់ ត្រាំ បាននិយាយនៅថ្ងៃសៅរ៍នេះថា លោកនឹងបញ្ជូនទាហានទៅកាន់ទីក្រុង Portland រដ្ឋ Oregon ដើម្បីចាត់ការភេរវករក្នុងស្រុក ហេីយនឹងបន្តការដាក់ពង្រាយនេះទៅកាន់ទីក្រុងផ្សេងទៀតរបស់សហរដ្ឋអាមេរិក។ នេះបេីយោងតាមការចេញផ្សាយដោយសារព័ត៌មាន AP នៅថ្ងៃសៅរ៍ ទី២៧ ខែកញ្ញា ឆ្នាំ ២០២៥។ លោក ត្រាំ បានធ្វើការប្រកាសនៅលើប្រព័ន្ធផ្សព្វផ្សាយសង្គមដោយសរសេរថា លោកកំពុងដឹកនាំក្រសួងការពារជាតិឱ្យផ្តល់កម្លាំងចាំបាច់ទាំងអស់ទៅការពារទីក្រុង Portland ដែលកំពុងមានបញ្ហា។ លោកបានគូសបញ្ជាក់បន្ថែមថា «ខ្ញុំក៏នឹងផ្តល់សិទ្ធិអំណាចពេញលេញដល់ទាហានផងដែរ បេីចាំបាច់»។ បេីតាមលោក ត្រាំ ការសម្រេចចិត្តនេះគឺចាំបាច់ដើម្បីការពារកន្លែងអនុវត្តច្បាប់អន្តោប្រវេសន៍ និងគយរបស់សហរដ្ឋអាមេរិក ដែលលោកពិពណ៌នាថាកំពុងស្ថិតក្រោមការហ៊ុំព័ទ្ធដោយការវាយប្រហារពីសំណាក់ចលនាប្រឆាំង និងភេរវករក្នុងស្រុកផ្សេងទៀត។ ចាប់តាំងពីការធ្វើឃាតលោក Charlie Kirk ដែលជាសកម្មជនអភិរក្សនិយម លោក ត្រាំ បានបង្កើនកិច្ចខិតខំប្រឹងប្រែងដើម្បីតតាំងនឹងអ្វីដែលចាត់ទុកជាអំពេីឆ្វេងនិយម ដោយដាក់បន្ទុកលេីអំពើហិង្សាផ្នែកនយោបាយ៕ ផ្ដល់សិទ្ធិដោយ៖ Freshnews

(ភ្នំពេញ)៖ កាលពីពេលថ្មីៗនេះ ក្រសួងព័ត៌មានបានសង្កេតឃើញមានការចែករំលែកព័ត៌មានអំពីការចាប់ខ្លួន អ្នកសារព័ត៌មាន ដែលផ្សាយពាក់ព័ន្ធនឹងភូមិព្រៃចាន់ និងភូមិជោគជ័យ។ ក្រសួងព័ត៌មានសូមប្រកាសបដិសេធ ព័ត៌មានបែបនេះ និងសូមជម្រាបជូនដល់សាធារណជនមេត្តាជ្រាបថា វាជាព័ត៌មានមិនពិតនោះទេ ហើយជាការផ្សាយក្នុងចេតនាបង្កចលាចល និងបង្កើតការភាន់ច្រឡំក្នុងចំណោមសាធារណជនអំពីស្ថានភាពពិតប្រាកដ នៅក្នុងភូមិទាំងពីរនេះ។ ក្រសួងព័ត៌មាន សូមបញ្ជាក់ជូនថា ពុំមានការចាប់ខ្លួនអ្នកសារព័ត៌មាន ឬប្រជាពលរដ្ឋខ្មែរ ដែលផ្សាយព័ត៌មានពីភូមិព្រៃចាន់ និងភូមិជោគជ័យ ដូចពាក្យចចាមអារ៉ាមដែលបានលើកឡើងនោះទេ។ សូមប្រជាពលរដ្ឋទាំងអស់តាមដានស្ថានភាពជុំវិញជម្លោះព្រំដែនកម្ពុជា-ថៃ តាមរយៈប្រភពព័ត៌មានផ្លូវការ និងសូមចូលរួមបញ្ចប់ការបង្កើត និងបញ្ចប់ការចែកចាយព័ត៌មានក្លែងក្លាយ៕ ផ្ដល់សិទ្ធិដោយ៖ Freshnews

(បរទេស)៖ ប្រធានាធិបតីអាមេរិក លោក ដូណាល់ ត្រាំ បានទាមទារយ៉ាងដាច់អហង្ការឱ្យក្រុមហ៊ុនបច្ចេកវិទ្យាខ្នាតយក្ស Microsoft បញ្ចប់ការងាររបស់ប្រធានកិច្ចការសកល លោកស្រី Lisa Monaco ជាបន្ទាន់។ លោកស្រី Monaco គឺជាអតីតមន្ត្រីជាន់ខ្ពស់ដែលធ្លាប់បម្រើការនៅក្នុងរដ្ឋបាលរបស់ប្រធានាធិបតីពីររូប គឺលោក បារ៉ាក់ អូបាម៉ា និងលោក ចូ បៃដិន។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃទី២៧ ខែកញ្ញា ឆ្នាំ២០២៥។ ការទាមទារនេះ ត្រូវបានគេមើលឃើញថា ជាការប៉ុនប៉ងចុងក្រោយបំផុតរបស់លោក ត្រាំ ដើម្បីសងសឹកលើអ្នកដែលលោកយល់ថាជា «សត្រូវនយោបាយ» ខណៈដែលហេតុការណ៍នេះបានកើតឡើងមួយថ្ងៃបន្ទាប់ពីអតីតនាយក FBI លោក James Comey ត្រូវបានចោទប្រកាន់។ លោក ត្រាំ បានប្រើប្រាស់បណ្តាញសង្គម Truth Social របស់លោកដើម្បីប្រតិកម្ម ដោយលើកឡើងត្រង់ៗថា លោកស្រី Monaco គឺជា៖«ការគំរាមកំហែងដល់សន្តិសុខជាតិអាមេរិក ជាពិសេសដោយសារតែកិច្ចសន្យាធំៗដែលក្រុមហ៊ុន Microsoft មានជាមួយរដ្ឋាភិបាលសហរដ្ឋអាមេរិក»។ លោកបានសង្កត់ធ្ងន់ពីជំហររបស់លោកថា៖ «ខ្ញុំយល់ឃើញថា ក្រុមហ៊ុន Microsoft គួរតែបញ្ឈប់ការងាររបស់អ្នកស្រី Lisa […]

(ភ្នំពេញ)៖ ក្រសួងពាណិជ្ជកម្មនឹងដាក់ដំណើរការប្រព័ន្ធចុះបញ្ជីម៉ាកដោយមិនប្រើក្រដាស ដើម្បីលើកកម្ពស់ការចុះបញ្ជីម៉ាក ឱ្យមានប្រសិទ្ធភាព និងឱ្យកាន់តែមានភាពងាយស្រួល ព្រមទាំងលើកកម្ពស់ការផ្តល់សេវាសាធារណៈ។ នេះបើយោងតាមសេចក្តីជូនដំណឹងរបស់ក្រសួងពាណិជ្ជកម្ម។ ការដាក់ដំណើរការប្រព័ន្ធចុះបញ្ជីម៉ាកដោយមិនប្រើក្រដាស (Paperless) នឹងផ្តើមចាប់ពីថ្ងៃទី៣០ ខែកញ្ញា ឆ្នាំ២០២៥ នេះតទៅ។ ប្រព័ន្ធនេះ នឹងគ្រប់គ្រងដំណើរការចុះបញ្ជីម៉ាកជាទម្រង់ឌីជីថល ហើយ រាល់ឯកសារពាក់ព័ន្ធនឹងការចុះបញ្ជីម៉ាកដែលផ្តល់ដោយក្រសួងពាណិជ្ជកម្ម ជូនម្ចាស់ម៉ាក ឬភ្នាក់ងារ តំណាងស្របច្បាប់នៃម្ចាស់ម៉ាក គឺត្រូវធ្វើឡើងជាទម្រង់ឌីជីថល៕ ផ្ដល់សិទ្ធិដោយ៖ Freshnews

ព្រះមហាក្សត្រ ចេញព្រះរាជសារជូនជនរួមជាតិ ក្នុងឱកាស​នៃពិធីបុណ្យកាន់បិណ្ឌ-ភ្ជុំបិណ្ឌ ព្រះករុណា ព្រះបាទ សម្តេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា នៅថ្ងៃទី៦ ខែកញ្ញា​ ឆ្នាំ២០២៥ ទ្រង់បានចេញព្រះរាជសារជូនជនរួមជាតិ ក្នុងឱកាស នៃពិធីបុណ្យកាន់បិណ្ឌ-ភ្ជុំបិណ្ឌ ដែលនឹងប្រារព្ធឡើងចាប់ពីថ្ងៃ ១ រោច ដល់ថ្ងៃ១៥ រោច ខែភទ្របទ។ នៅក្នុងព្រះរាជសាររបស់ព្រះអង្គនាថ្ងៃទី៦ ខែកញ្ញា ឆ្នាំ២០២៥ ព្រះមហាក្សត្រ បានមានព្រះរាជបន្ទូលថា ពិធីបុណ្យកាន់បិណ្ឌ-ភ្ជុំបិណ្ឌ ជាពិធីបុណ្យប្រពៃណីជាតិធំមួយ ដែលតែងតែប្រារព្ធជារៀងរាល់ឆ្នាំតាំងពីបុរាណកាលមក។ ពិធីបុណ្យនេះមានសារៈសំខាន់ និងមានអត្ថន័យដ៏ធំធេងណាស់សម្រាប់ប្រជារាស្ត្រខ្មែរ ដែលបានធ្វើដំណើរពីទីជិតឆ្ងាយទៅកាន់ស្រុកកំណើតដូនតា ដើម្បីបានជួបជុំគ្នានៅតាមលំនៅឋាន វត្តអារាម ធ្វើបុណ្យទានសម្តែង នូវកតញ្ញូចំពោះអ្នកមានគុណ ឧទ្ទិសកុសលជូនបុព្វការីជន ដែលទទួលមរណកាលទៅហើយ និងបានបណ្តុះស្មារតីសាមគ្គីភាព ជាតិ ស្រឡាញ់ ថែរក្សា ការពារទំនៀមទម្លាប់ប្រពៃណី និងដើម្បីលើកកម្ពស់អរិយធម៌ជាតិខ្មែរ ឱ្យស្ថិតស្ថេរគង់វង្សជានិច្ចនិរន្តរ៍។ ជាពិសេស ពិធីបុណ្យកាន់បិណ្ឌ-ភ្ជុំបិណ្ឌឆ្នាំនេះ ប្រជាជាតិកម្ពុជាយើងគ្រប់មូលដ្ឋាន មានឱកាសបានឧទ្ទិសកុសលដល់វីរយុទ្ធជនជាតិកម្ពុជា ដែលបានពលីក្នុងបុព្វហេតុបេសកកម្ម ការពារបូរណភាពទឹកដី និងអធិបតេយ្យជាតិកម្ពុជា តស៊ូប្រយុទ្ធជាមួយសត្រូវឈ្លានពាន […]