(ភ្នំពេញ)៖ លោករដ្ឋមន្រ្តី ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានមានប្រសាសន៍បង្ហាញពីមរតកដ៏ធំធេងរបស់សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា សម្រាប់នយោបាយទឹក ដែលបានធ្វើឱ្យប្រទេសកម្ពុជាមាន អាងទឹកតូចធំជាច្រើន ប្រឡាយមេនិងប្រឡាយរងខ្វាត់ខ្វែង ដើម្បីស្រោចស្រពដំណាំកសិកម្ម និងការប្រើប្រាស់ប្រចាំថ្ងៃរបស់ប្រជាពលរដ្ឋ។ ជាពិសេសមានទឹកប្រើប្រាស់នៅក្នុងរដូវប្រាំងប្រមាណ ៤,០០០លានម៉ែត្រគូប ដែលអាចឱ្យកសិករមានទឹកប្រើប្រាស់ក្នុងការបង្កបង្កើនផលនារដូវប្រាំងនាពេលកន្លងមក។ ការថ្លែងរបស់លោករដ្ឋមន្រ្តី បានធ្វើឡើងនៅក្នុងវេទិកាសារព័ត៌មានក្រោមប្រធានបទ «ការគ្រប់គ្រងសក្តានុពលទឹក និងស្ថានភាពប្រព័ន្ធធារាសាស្ត្រកម្ពុជា» ដែលរៀបចំដោយក្លិបអ្នកកាសែតកម្ពុជា នៅទីស្តីការក្រសួងធនធានទឹក និងឧតុនិយម នាព្រឹកថ្ងៃទី០១ ខែមីនា ឆ្នាំ២០២៥។ លោករដ្ឋមន្រ្តី ថោ ជេដ្ឋា បានមានប្រសាសន៍បែបនេះថា៖ «ក្នុងអាណត្តិមុនៗដែលដឹកនាំដោយសម្ដេចតេជោ ហ៊ុន សែន អតីតនាយករដ្ឋមន្រ្តីនៃព្រះរាជរាណាចក្រកម្ពុជា លោកបានកសាងច្រើនណាស់ លោកបានសាងនូវអាងទឹកធំៗទូទាំងប្រទេស គឺមានចំនួន ៨អាងទឹករួចមកហើយ នៅក្នុងនោះតូចបំផុតក៏មានទឹកតិចបំផុត ២៥លានម៉ែត្រគូប ក្នុងមួយអាង រហូតដល់អាងខ្លះមានប្រមាន ៣០០លានម៉ែត្រគូប ក្នុងមួយអាង»។ លោករដ្ឋមន្រ្តីបានបន្តថា៖ «សម្ដេអគ្គមហាសេនាបតីតេជោ ហ៊ុន សែន លោកបានក៏សាងបន្ទាប់ពីអាងទឹកនោះគឺ ប្រព័ន្ធធារាសាស្រ្ត ដែលប្រព័ន្ធធារាសាស្រ្តនៅទូទាំងប្រទេសយើង ដែលយើងមានរហូតដល់សព្វថ្ងៃនេះមានជាង២,០០០ប្រព័ន្ធរួចមកហើយ។ នៅក្នុងនោះមានប្រព័ន្ធធារាសាស្រ្តខ្នាតធំ […]

ភ្នំពេញ)៖ ក្រសួងបរិស្ថាន ជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១ ខែមីនា ឆ្នាំ២០២៥ ចាប់ពីម៉ោង ៦ព្រឹក ដល់ម៉ោង ៦ល្ងាច ដែលមានកំហាប់ភាគល្អិតនិចលគិតជាមធ្យមស្មើនឹង២០.៣៣ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ «ល្អណាស់»។ ពណ៌ខៀវៈ គុណភាពខ្យល់ល្អណាស់មានខេត្តបាត់ដំបង ខេត្តកំពង់ឆ្នាំង ខេត្តព្រៃវែង ខេត្តកែប ខេត្តក្រចេះ ខេត្តមណ្ឌលគីរី ខេត្តកំពង់ស្ពឺ ខេត្តត្បូងឃ្មុំ ខេត្តកំពត រាជធានីភ្នំពេញ ខេត្តស្វាយរៀង ខេត្តកំពង់ចាម ខេត្តកំពង់ធំ ខេត្តតាកែវ ខេត្តព្រះសីហនុ ខេត្តកោះកុង ខេត្តកណ្តាល ខេត្តស្ទឹងត្រែង ខេត្តឧត្តរមានជ័យ និងខេត្តប៉ៃលិន, ពណ៌បៃតងៈ គុណភាពខ្យល់ល្អមានខេត្តបន្ទាយមានជ័យ ខេត្តព្រះវិហារ ខេត្តពោធិ៍សាត់ ខេត្តរតនគិរី និងខេត្តសៀមរាប៕ ផ្ដល់សិទ្ធិដោយ៖ Freshnews

(ហ្កាហ្សា)៖​ ស្របពេលដែលដំណាក់កាលទីមួយនៃបទឈប់បាញ់អ៉ីស្រាអែល-ហាម៉ាស់​នៅតំបន់ហ្កាហ្សាមកដល់ពេលបញ្ចប់ ការចរចានៅដំណាក់កាលទីពីរដែលមានបំណងធានាឱ្យមានបទឈប់បាញ់ជាអចិន្ត្រៃយ៍មកទល់ពេលនេះ​ ស្ថិតក្នុងភាពស្រពិចស្រពិលនៅឡេីយ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ AFP នៅថ្ងៃសៅរ៍​ ទី១​ ខែមីនា​ ឆ្នាំ​ ២០២៥។ នាយករដ្ឋមន្ត្រីអ៉ីស្រាអែល លោក Benjamin Netanyahu បានបញ្ជូនគណៈប្រតិភូទៅកាន់ទីក្រុងគែរ ហើយអ្នកសម្រុះសម្រួលអេហ្ស៉ីបនិយាយថា មានកិច្ចពិភាក្សាយ៉ាងស៉ីជម្រៅនៅដំណាក់កាលទីពីរ​ ជាមួយនិងវត្តមានប្រតិភូមកពីកាតា និងអាមេរិក។ ប៉ុន្តែគិតត្រឹមព្រឹកថ្ងៃសៅរ៍​ (ម៉ោងក្នុងតំបន់)​ មិនមានសញ្ញានៃការឯកភាពគ្នាទេ ហើយអ្នកនាំពាក្យក្រុមហាម៉ាស លោក Hazem Qassem បាននិយាយថា ក្រុមរបស់ខ្លួនបានច្រានចោលការបន្តបទឈប់បាញ់​ ដោយសារតែសំណេីរបស់អ៉ីស្រាអែល​។ មន្រ្តីប៉ាឡេស្ទីនម្នាក់​ ប្រាប់​ AFP ថា​អ៉ីស្រាអែលស្នេីពន្យារពេលបទឈប់បាញ់ដំណាក់កាលទី​ ១​ មួយសប្តាហ៍ទៀត​ ក្នុងគោលបំណងដោះដូរចំណាប់ខ្មាំង-អ្នកទោស។ ចំណែកក្រុមហាម៉ាស់វិញ បានជំរុញឱ្យមានដំណាក់កាលទី ២​ បន្ទាប់ពីក្រុមរបស់ទទួលរងការខាតបង់ដ៏គួរឱ្យភ្ញាក់ផ្អើលនៅក្នុងសង្គ្រាមដ៏បំផ្លិចបំផ្លាញ។ គួរបញ្ជាក់ថា​ បទឈប់បាញ់រយៈពេល​ ៤២ថ្ងៃ​រវាងអ៉ីស្រាអែល​ និងក្រុមហាម៉ាស បានចូលជាធរមានកាលពីថ្ងៃទី១៩​ ខែមករា។​ សង្រ្គាមជាង ១៥ខែបង្កឡើងដោយសារតែការវាយប្រហារថ្ងៃទី៧​ ខែតុលា ឆ្នាំ ២០២៣​ របស់ក្រុមហាម៉ាសលើទឹកដីអ៉ីស្រាអែល​សម្លាប់មនុស្សជាង​ ១​ ២០០នាក់។ ក្នុងចំណោមចំណាប់ខ្មាំង​អ៉ីស្រាអែល​ […]

(ភ្នំពេញ)៖ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានជម្រុញ និងលើកទឹកចិត្តដល់ប្រជាពលរដ្ឋ ឱ្យទាញយកនិងប្រើប្រាស់ជាផ្លូវការ App ក្រសួងធនធានទឹក និងឧតុនិយម (MOWRAM Weather) តាមរយៈទូរសព្ទដៃវៃឆ្លាតប្រព័ន្ធ iOS និង Android។ តាមរយៈ App ផ្លូវការនេះ នឹងជួយឱ្យបងប្អូនប្រជាពលរដ្ឋអាចយល់ដឹងពីធាតុអាកាស និងអាកាសធាតុ ក៏ដូចជាស្ថានភាពទឹកនៅប្រទេសកម្ពុជាផងដែរ។ ការជម្រុញ និងលើកទឹកចិត្តរបស់លោករដ្ឋមន្រ្តី បានធ្វើឡើងនៅក្នុងវេទិកាសារព័ត៌មាន ក្រោមប្រធានបទ «ការគ្រប់គ្រងសក្តានុពលទឹក និងស្ថានភាពប្រព័ន្ធធារាសាស្ត្រកម្ពុជា» ដែលរៀបចំដោយក្លិបអ្នកកាសែតកម្ពុជា នៅទីស្តីការក្រសួងធនធានទឹក និងឧតុនិយម នាព្រឹកថ្ងៃទី០១ ខែមីនា ឆ្នាំ២០២៥។ លោករដ្ឋមន្រ្តី បានថ្លែងថា៖ « App នេះនឹងផ្ដល់ព័ត៌មានរៀងរាល់១ម៉ោងម្ដង ថាតើធាតុអាកាស អាកាសធាតុកម្រិតណាជាប្រចាំតាមរយៈ App ដែលជារបស់ក្រសួងធនធានទឹក ដែលដូចជារបស់ជាតិយើងដែរ។ App នេះសំខាន់ អញ្ចឹងបងប្អូនប្រជាពលរដ្ឋទូទាំងប្រទេស គួរតែ Download App នេះទៅអត់មានបង់លុយទេ។ ហើយ App នេះមិនមែនត្រឹមតែជាធាតុអាកាសនោះទេ […]

(សៀមរាប)៖ យោងតាមការចុះផ្សាយរបស់ អង្គភាពនគបាលទេសចរណ៍ប្រចាំខេត្តសៀមរាប ថ្ងៃទី២២ ខែកុម្ភៈ ឆ្នាំ២០២៥ បានឱ្យដឹងថា បុរសជនជាតិកូរ៉េ ដែលបានបត់ជើងតូចដាក់ដប ហើយចាក់ចោលនៅ បរិវេណប្រាសាទអង្គរវត្ត បានទទួលស្គាល់កំហុស និងចេញលិខិតសុំទោសប្រជាជន និងប្រទេសកម្ពុជា ចំពោះទង្វើអសីលធម៌ និងមិនសមរម្យរបស់ខ្លួន។ ចំពោះករណី ខាងលើនេះ អង្គភាពនគរបាលទេចរណ៍ប្រចាំខេត្តសៀមរាប សហការជាមួយមន្ទីរទេសចរណ៍ខេត្ត បានកោះអញ្ជើញអ្នកបកប្រែភាសាបន្ត ពីមគ្គុទេ្ទសក៏ទេសចរណ៍សម្រាប់ទេសចរកូរ៉េ មកធ្វើការអប់រំណែនាំ ធ្វេីកិច្ចសន្យា និងលិខិតសុំទោសជាសាធារណៈ លើករណីដែលគាត់បានបន្ទោបង់ (នោមដាក់ដប) នៅបរិវេណផ្លូវចូលខាងលិចឈៀងខាងជើងនៃប្រាសាទអង្គរវត្ត ដោយមូលហេតុគាត់មានជំងឺខ្សោយតម្រងនោមរ៊ាំរ៉ៃ​ មិនអាចគ្រប់គ្រងការបន្ទោបង់របស់គាត់បានទាន់ពេលវេលា។ ជាចុងក្រោយគាត់បានធ្វើកិច្ចសន្យា​ ហើយចេញវីដេអូសុំទោសថ្នាក់ដឹកនាំគ្រប់ជាន់ថ្នាក់ និងប្រជាជនកម្ពុជា ដេីម្បីកុំឱ្យមានការប៉ះពាល់ដល់កិត្តិយស​ សេចក្តីថ្លៃថ្នូនៃប្រាង្គប្រាសាទ​ ភ្ញៀវទេសចរ​ ប្រជាជនកម្ពុជា​ និងថ្នាក់ដឹកនាំគ្រប់ជាន់ថ្នាក់​ គាត់បានស្ម័គ្រចិត្តប្រគល់អាជ្ញាប័ណ្ណមកឲ្យខាងមន្ទីរទេសចរណ៍​ ដើម្បីរក្សាទុកបណ្តោះអាសន្ន។ ហើយពេលព្យាបាលបានធូស្រាលពីជំងឺគាត់នឹងស្នេីសុំការសម្រេចជាថ្មីពីស្ថាប័នជំនាញ​។ អាស្រ័យហេតុនេះសូមសាធារណ:ជនមេត្តាជ្រាប៕ ផ្ដល់សិទ្ធិដោយ៖ ខ្មែរណូត

(ព្រះសីហនុ)៖ ថ្មីៗនេះ ក្រុមហ៊ុនចិនមួយបាននិងកំពុងប្រមូលទិញដំឡូងមីស្ងួត នៅតាមបណ្ដាខេត្តនានាក្នុងប្រទេសកម្ពុជា ឲ្យបានចំនួន១០ម៉ឺនតោនបន្ថែមទៀត ក្នុងឆ្នាំ២០២៥នេះ។ នេះបើតាមការលើកឡើងរបស់លោក ហ្សូ ប៊ីន (XU BIN) នាយកក្រុមហ៊ុននាំដំឡូងមីស្ងួតចេញទៅប្រទេសចិន នាព្រឹកថ្ងៃទី២២ ខែកុម្ភៈ ឆ្នាំ២០២៥នេះ នៅកំពង់ផែស្វយ័តក្រុងព្រះសីហនុ។ លោក ហ្សូ ប៊ីន បានឱ្យដឹងថា ​ខេត្តដែលត្រូវបានក្រុមហ៊ុនប្រមូលទិញដំឡូងមី មានដូចជាខេត្តព្រះវិហារ ខេត្តសៀមរាប ខេត្តពោធិ៍សាត់ ខេត្តកំពង់ធំ និងបណ្ដាខេត្តមួយចំនួនទៀត ជាក់ស្ដែងថ្ងៃនេះដំឡូងមីស្ងួតចំនួន១ម៉ឺនតោនដំបូង ត្រូវបាននាំចេញពីកំពង់ផែស្វយ័តក្រុងព្រះសីហនុទៅកាន់ប្រទេសចិន។ តែយ៉ាងណា ក្រុមហ៊ុនលោកនឹងបន្តទិញដំឡូងពីប្រជាកសិករឲ្យបានចំនួន១០ម៉ឺនតោន ក្នុងឆ្នាំ២០២៥នេះ ហើយនៅថ្ងៃខាងមុខ លោកនឹងគ្រោងបង្កើតរោងចក្រដ៏ធំមួយសម្រាប់ការច្នៃដំឡូងមីស្ងួតនៅក្នុងប្រទេសកម្ពុជាផងដែរ។ លោក ហ្សូ ប៊ីន បង្ហាញអារម្មណ៍មានទំនុកចិត្តមកលើការដឹកនាំរបស់រាជរដ្ឋាភិបាលកម្ពុជា លោកនឹងបណ្ដាក់ទុនក្នុងការទិញដំឡូងមីស្ងួតពីកសិករ ដែលកន្លងមកពួកគាត់ដាំបានតែរកទីផ្សារមិនបាន ដែលធ្វើឲ្យពួកគាត់ជួបបញ្ហាប្រឈមក្នុងការលក់ចេញ។ សម្រាប់ប្រទេសចិន ទីផ្សារដំឡូងមី គឺមានតម្រូវការច្រើនសន្ធឹកសន្ធាប់រាប់រយលានតោន ហើយក្រុមហ៊ុនរបស់លោកធ្លាប់ដំណើរការនាំចេញដំឡូងអំឡុងឆ្នាំ២០១៥ ដល់ឆ្នាំ២០១៨ តែដោយសារជំងឺកូវីដ១៩ ក៏បានធ្វើឲ្យមានការផ្អាកក្នុងការនាំចេញ ប៉ុន្តែនៅក្នុងឆ្នាំ២០២៥ ក្រុមហ៊ុនរបស់លោកនឹងចាប់ផ្ដើមប្រមូលទិញដំឡូងមីស្ងួតឡើងវិញ៕ ផ្ដល់សិទ្ធិដោយ៖ Freshnews

(ភ្នំពេញ)៖ មានជនខិលខូច បានបង្កើត Telegram Account ដោយប្រើប្រាស់ឈ្មោះ និងរូបភាពរបស់សម្ដេចធិបតី នេះបើតាមការប្រកាសលើបណ្ដាញសង្គម ហ្វេសប៊ុក និង Channel Telegram ផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នារសៀលថ្ងៃទី២២ ខែកុម្ភៈ ឆ្នាំ២០២៥នេះ។ នៅក្នុងបណ្ដាញសង្គមផ្លូវការរបស់សម្ដេចនាយករដ្ឋមន្រ្តី បានបញ្ជាក់យ៉ាងដូច្នេះថា៖ «សូមជម្រាបជូន អ៊ុ ពូ មីង តា យាយ និងបងប្អូនទាំងអស់ មេត្តាជ្រាបថា គណនីតេឡេក្រាម (Telegram Account) ដូចដែលបានភ្ជាប់ជូននេះ គឺជាគណនីក្លែងក្លាយ មិនមែនជាគណនីរបស់សម្ដេចបវរធិបតី នាយករដ្ឋមន្ត្រី ឡើយ អាស្រ័យហេតុនេះ សូមអ៊ុ ពូ មីង តា យាយ និងបងប្អូនទាំងអស់ មេត្តាមានការប្រុងប្រយ័ត្នខ្ពស់ ដើម្បីចៀសវាងចាញ់បោកជនខិលខូច»។ សូមបញ្ជាក់ផងដែរថា គ្រប់បណ្ដាញសង្គមផ្លូវការរបស់សម្ដេចបវរធិបតី នាយករដ្ឋមន្ត្រី សុទ្ធតែមានការបញ្ជាក់ (Verified) ពីរក្រុមហ៊ុនបណ្ដាញសង្គមទាំងអស់។ បន្ថែមពីនេះទៀត បណ្ដាញសង្គមតេឡេក្រាម (Telegram) សម្ដេចបវរធិបតី នាយករដ្ឋមន្ត្រី […]

(សៀមរាប)៖ ព្រឹត្តិការណ៍ដង្ហែតុក្កតាយក្ស ប្រចាំឆ្នាំ២០២៥ ក្នុងក្រុងសៀមរាប ខេត្តសៀមរាប នារសៀលថ្ងៃទី២២ ខែកុម្ភៈ ឆ្នាំ២០២៥នេះ ទទួលបានការគាំទ្រយ៉ាងច្រើនកុះករ ពីសាធារណជន និង​ភ្ញៀវទេសចរ។ ព្រឹត្តិការណ៍នេះធ្វើឡើងដើម្បីលើកស្ទួយនូវិស័យសិល្បៈ វប្បធម៌ បរិស្ថាន និងសត្វឆ្នាំទាំង១២ ជាពិសេសលើកកម្ពស់ការយល់ដឹងអំពីការអភិវឌ្ឍ និងវិស័យអប់រំដល់សាធារណជនឲ្យកាន់តែទូលំទូលាយ។ លោក អ៊ុន សាវ៉ាន់ អ្នកចាត់ចែងទូទៅរបស់គម្រោងតុក្កតាយក្ស បានឲ្យដឹងថា សម្រាប់ឆ្នាំ២០២៥នេះ មានតុក្កតាយក្សចំនួន៩ធំៗ ដែលជាតួអង្គនៅក្នុងរឿងទេវកថា និងរាមកេរ្តិ៍។ ក្នុងនោះដែរ មាន៖ ១- ទេពមច្ឆា, ២- គ្រុឌ, ៣- ហនុមាន (រចនាបទ បន្ទាយស្រី), ៤- នាគ (រចនាបទ បាយ័ន), ៥- តោ (រចនាបទ សំបូរព្រៃគុ), ៦- ព្រះគណេស, ៧- នាងកន្នរី, ៨- មករ និង៩- អាសុរ (រចនាបទ បាយ័ន) ដែលកំពុងតំឡើងដោយក្រុមកុមារប្រមាណ ៦៥០នាក់ ដែលមកពីសាលារដ្ឋ […]

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បាននិយាយថាលោកកំពុងព្យាយាមយកត្រឡប់មកវិញនូវលុយរាប់ពាន់លានដុល្លារ ដែលត្រូវបានចំណាយទៅលើការគាំទ្រសង្រ្គាមរបស់អ៊ុយក្រែន ប្រឆាំងនឹងរុស្ស៉ី។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ​ ការកត់សម្គាល់បែបនេះរបស់លោក ត្រាំ កើតមានឡើងចំពេលទីក្រុងវ៉ាស៊ីនតោន និងទីក្រុងកៀវ កំពុងចរចាគ្នាលើកិច្ចព្រមព្រៀងរ៉ែកម្រ ដែលលោក ត្រាំ ចង់បានជាសំណងសម្រាប់ការផ្ដល់ជំនួយរបស់អាមេរិក នៅក្រោមអតីតរដ្ឋបាលលោកប្រធានាធិបតី ចូ បៃដិន ដល់អ៊ុយក្រែន។ ថ្លែងទៅកាន់គណៈប្រតិភូនៅឯអង្គការ​សន្និសីទ​សកម្មភាពនយោបាយ​អភិរក្ស​និយម​ហៅ​កាត់ថា CPAC ក្បែរទីក្រុងវ៉ាស៊ីនតោន លោក ត្រាំ បានគូសបញ្ជាក់ដូច្នេះថា «ខ្ញុំកំពុងព្យាយាមយកលុយត្រឡប់មកវិញ ឬក្រោមកិច្ចព្រមព្រៀងអ្វីមួយ»។ លោកបន្ត «ខ្ញុំចង់ឱ្យពួកគេ (អ៊ុយក្រែន) សងអ្វីមួយមកពួកយើងវិញ ជាសំណងទៅនឹងលុយដែលយើងបាន ផ្ដល់ឱ្យពួកគេ។ យើងកំពុងស្នើសុំរ៉ែកម្រ និងប្រេង រួមទាំងអ្វីផ្សេងទៀតដែលយើកអាចយកមកវិញបាន»។ គួរបញ្ជាក់ថា បេសកជនពិសេសរបស់លោក ត្រាំ គឺលោក Keith Kellogg ដែលបានជួបជាមួយលោកប្រធានាធិបតី ហ្សេលេនស្គី កាលពីដើមសប្ដាហ៍កន្លងទៅនេះ បាននិយាយថាលោក ហ្សេលេនស្គី យល់ស្រប ថាការចុះហត្ថលេខាលើកិច្ចព្រមព្រៀងជាមួយសហរដ្ឋអាមេរិកគឺជារឿងសំខាន់។ តែប្រភពមួយបានប្រាប់ AFP ថាទីក្រុងកៀវចង់បានការធានាមួយជាមុនសិន […]

(ភ្នំពេញ)៖ ដោយមានការយកចិត្តទុកដាក់ចង្អុលបង្ហាញពី លោក ឃួង ស្រេង អភិបាលរាជធានីភ្នំពេញ គិតគូរពីបញ្ហាសុខុមាលភាពសាធារណៈរបស់ប្រជាពលរដ្ឋ រស់នៅក្នុងមូលដ្ឋាន បានណែនាំលោក កៀង ល័ក្ស អភិបាលខណ្ឌចំការមន ចាត់ឲ្យក្រុមការងាររដ្ឋបាលខណ្ឌចំការមនចុះបាញ់ថ្នាំមូស ក្នុងមូលដ្ឋានខណ្ឌចំការមន។ នៅល្ងាចថ្ងៃទី២២ ខែកុម្ភៈ ឆ្នាំ២០២៥ កម្លាំងបាញ់ថ្នាំបានចាប់ផ្តេីមបាញ់នៅតាមផ្ទះប្រជាពលរដ្ឋផ្លូវ១០៣ ១០៥ ១០១ ៤៤០ និងក្នុងបរិវេណភូមិ៨ សង្កាត់បឹងត្របែក ខណ្ឌចំការមន។ក្នុងការបាញ់ថ្នាំមូសនេះបានប្រេីប្រាស់ម៉ាសុីនបាញ់ថ្នាំ ចំនួន២ គ្រឿង ប្រេងម៉ាស៊ូតចំនួន៦៥លីត្រ សាំង១០លីត្រ ថ្នាំមូសចំនួន៥កំប៉ុង។ ក្រោយពីកម្លាំងបាញ់ថ្នាំរបស់រដ្ឋបាលខណ្ឌចំការមន ចុះទៅបាញ់ថ្នាំសម្លាប់មូសរួចរាល់ប្រជាពលរដ្ឋ នៅក្នុងមូលដ្ឋានខណ្ឌចំការមន  បានសម្តែងនូវទឹកចិត្តរីករាយយ៉ាងក្រៃលែងជាខ្លាំង នឹង ថ្លែងអំណរគុណដល់លោក ឃួង ស្រេង អភិបាលរាជធានីភ្នំពេញ, លោក កៀង ល័ក្ស អភិបាលខណ្ឌចំការមន និងក្រុមការងាររបស់ រដ្ឋបាលខណ្ឌចំការមន ដែលតែងតែគិតគូរពីសុខុមាលភាពសាធារណៈរបស់ប្រជាពលរដ្ឋដែលស្ថិតនៅក្នុងមូលដ្ឋានខណ្ឌចំការមន៕ ផ្ដល់សិទ្ធិដោយ៖ Freshnews