(ភ្នំពេញ)៖ នៅព្រឹកថ្ងៃសៅរ៍ ទី២២ ខែកុម្ភៈ ឆ្នាំ២០២៥នេះ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តពាក់ព័ន្ធ បានអញ្ជើញចុះពិនិត្យវឌ្ឍនភាពគម្រោងរំដោះទឹក និងពង្វាងទឹកចេញពីភូមិសាស្ត្ររាជធានីភ្នំពេញ នៅតំបន់ជើងឯក រាជធានីភ្នំពេញ, តំបន់ប្រឡាយអូរខ្សាច់ ខេត្តកំពង់ស្ពឺ និងតំបន់ព្រែកពាមសត្ថា ខេត្តកណ្តាល។ ក្នុងឱកាសនោះលោករដ្ឋមន្ត្រី និងក្រុមការងារបច្ចេកទេសបានអញ្ជើញចុះពិនិត្យជាក់ស្តែងវឌ្ឍនភាពការងារនៅតាមទីតាំងការដ្ឋានមួយចំនួនដូចជា៖ ១៖ ការដា្ឋនប្រព័ន្ធប្រឡាយជើងឯក ចំនួន៣ខ្សែ មានប្រវែងប្រមាណ ២៧,៥គីឡូម៉ែត្រ, ស្ថានីយបូមទឹកអន្លង់គង និងស្ថានីយសាក់សំពៅ ក្នុងសង្កាត់សាក់សំពៅ ខណ្ឌដង្កោ រាជធានីភ្នំពេញ។ ២៖ ការដ្ឋានស្តារប្រឡាយអូរខ្សាច់ ដែលភ្ជាប់ពីរលាំងជ្រៃខាងជើងមកដល់បឹងតាមោក មានប្រវែងប្រមាណ ២៧,៧គីឡូម៉ែត្រ ស្ថិតក្នុងស្រុកសំរោងទង ខេត្តកំពង់ស្ពឺ។ ៣៖ ការដ្ឋានស្តារព្រែកពាមសត្ថា មានប្រវែងប្រមាណ ១៨,៧គីឡូម៉ែត្រ ស្ថិតក្នុងស្រុកពញាឮ ខេត្តកណ្តាល ដែលគិតមកដល់ពេលនេះ វឌ្ឍនភាពការងារសម្រេចបានប្រមាណជាង ៩០%ហើយ។ ជាមួយគ្នានេះដែរ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានថ្លែងនូវការកោតសរសើរ និងវាយតម្លៃខ្ពស់ចំពោះវឌ្ឍនភាពការងារដែលសម្រេចបាន ព្រមទាំងបានណែនាំដល់ក្រុមការងារបច្ចេកទេសសាងសង់ឱ្យបន្តយកចិត្តទុកដាក់លើគុណភាព […]

(ភ្នំពេញ)៖ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានជំរុញឲ្យសមាគមគ្រូពេទ្យកុមារកម្ពុជាបង្កើនការងារបណ្តុះបណ្តាលបន្ត ដើម្បីពង្រឹងសមត្ថភាពរបស់គ្រូពេទ្យ។ ការលើកឡើងយ៉ាងដូច្នេះរបស់លោកសាស្ត្រាចារ្យក្នុងឳកាសបានអញ្ជើញជាអធិបតីក្នុងពិធីបើកទិវាវេជ្ជសាស្រ្តកុមារលើកទី២៧ ឆ្នាំ២០២៥ (27th Cambodian Pediatric Symposium) ដែលមានការអញ្ជើញចូលរួមថ្នាក់ដឹកនាំក្រសួង សមាជិក សមាជិកា សមាគមគ្រូពេទ្យកុមារកម្ពុជា និងក្រុមគ្រូពេទ្យនៅតាមមន្ទីរពេទ្យនានា ផ្នែកវេជ្ជសាស្រ្តកុមារ។ លោកសាស្រ្តាចារ្យរដ្ឋមន្រ្តីបានជំរុញដល់សមាគមគ្រូពេទ្យកម្ពុជាឲ្យបង្កើនការងារបណ្តុះបណ្តាលបន្ត ជាពិសេសគ្រូពេទ្យកុមារ ឱ្យកាន់តែមាននិរន្តរភាពខ្ពស់ ដែលជាគន្លឹះស្នូល នៃការពង្រឹងសមត្ថភាពរបស់គ្រូពេទ្យ។ លោកសាស្រ្តាចារ្យក៏បានគាំទ្រឱ្យមានសកម្មភាពចុះបណ្តុះបណ្តាល របស់សមាគមគ្រូពេទ្យកុមារកម្ពុជា នៅតាមតំបន់ និងតាមបណ្តាខេត្តនានា វេជ្ជសាស្រ្តកុមារនៅតាមផ្នែកព្យាបាលកុមារ នៃមន្ទីរពេទ្យស្រុក និងខេត្ត ដោយផ្តោតលើការបណ្តុះបណ្តាលទាំងក្នុង និងក្រៅប្រទេស ព្រមទាំងនៅតាមមន្ទីរពេទ្យថ្នាក់ជាតិធំៗ ទាំងផ្នែកទ្រឹស្តី ការធ្វើរោគវិនិច្ឆ័យ ក្នុងការព្យាបាលថែទាំកុមារ ព្រមទាំងការណែនាំអនុវត្តផ្ទាល់ ដល់ក្រុមគ្រូពេទ្យ និងបុគ្គលិក ។ លោកសាស្រ្តាចារ្យរដ្ឋមន្រ្តី បានកោតសសើរការងាររបស់សមាគមបានធ្វើកន្លងមក គឺពិតជាការងារដ៏សំខាន់ ដែលបានចូលរួមយ៉ាងសកម្ម ស្របតាមគោលនយោបាយរបស់ក្រសួងសុខាភិបាល ដើម្បីពង្រឹងនូវសមត្ថភាពវិជ្ជាជីវៈ ផ្នែកវេជ្ជសាស្ត្រកុមារ ប្រកបដោយគុណភាព ប្រសិទ្ធភាព ស័ក្តិសិទ្ធភាព និងសុវត្ថិភាព ដោយត្រូវផ្តោតសំខាន់ៗរួមមាន៖ ១៖ ត្រូវបង្កើនគុណភាពសេវារបស់វេជ្ជសាស្រ្តកុមាររបស់យើង ឱ្យកាន់តែរីកចម្រើនបន្ថែមទៀត […]

(ប៉េកាំង)៖ ការគ្រប់គ្រងជម្លោះ និងវិបត្តិចិន-អាម៉េរិក គឺមានសារៈសំខាន់ណាស់ ព្រោះថាប្រទេសទាំងពីរនេះអាចនាំឱ្យមាន ផលវិបាកធ្ងន់ធ្ងរដល់ពិភពលោក។ បើយើងក្រឡេកមើល សង្រ្គាមពាណិជ្ជកម្មរវាងចិន និង អាម៉េរិកវិញ នេះជាការសំដៅទៅលើ ជម្លោះសេដ្ឋកិច្ចដែលកំពុងបន្ត និង ការប្រកួតប្រជែងរវាងប្រទេសទាំងពីរ ពាក់ព័ន្ធជាមួយនឹងពន្ធនាំចូល និង របាំងពាណិជ្ជកម្មផ្សេងទៀតលើទំនិញ និង សេវាកម្មរបស់គ្នាទៅវិញទៅមក។ សង្រ្គាមពាណិជ្ជកម្មបានចាប់ផ្តើមនៅឆ្នាំ២០១៨ នៅពេលដែលលោក ដូណាល់ ត្រាំ បានចោទប្រកាន់ប្រទេសចិនពីការអនុវត្តពាណិជ្ជកម្មមិនយុត្តិធម៌ និង ការលួចកម្មសិទ្ធិបញ្ញា ហើយបានចាប់ផ្តើមសកម្មភាពតម្លើងពន្ធជាបន្តបន្ទាប់ប្រឆាំងនឹងប្រទេសចិន។ ប្រទេសចិនបានឆ្លើយតបជាមួយនឹងពន្ធគយ និង វិធានការតបតផ្សេងៗរបស់ខ្លួន ហើយជម្លោះនេះបានឈានដល់ការប្រឈមមុខដាក់គ្នា បានរីកសាយលើបច្ចេកវិទ្យា សន្តិសុខ និង សិទ្ធិមនុស្ស ។ សង្រ្គាមពាណិជ្ជកម្មបានជះឥទ្ធិពលអវិជ្ជមានដល់ប្រទេសទាំងពីរ និងសេដ្ឋកិច្ចពិភពលោក ដូចជាការយឺតយ៉ាវ នៃកំណើនសេដ្ឋកិច្ច ការកាត់បន្ថយពាណិជ្ជកម្ម ការបង្កើនការចំណាយ និង ការរំខានដល់ខ្សែសង្វាក់ផ្គត់ផ្គង់។ សង្គ្រាមពាណិជ្ជកម្មរវាងចិន និង អាម៉េរិក ជាជម្លោះដ៏យូរអង្វែង។ សង្គ្រាមពាណិជ្ជកម្មកំពុងតែបង្កការបំផ្លិចបំផ្លាញសេដ្ឋកិច្ច បណ្តាប្រទេសជាប់ពាក់ព័ន្ធ ។ អស់រយៈពេល ៧០ ឆ្នាំមកហើយ ពាណិជ្ជកម្មសកលត្រូវបានគាំទ្រដោយនីតិរដ្ឋ និងអង្គការពាណិជ្ជកម្មពិភពលោក […]

(ឡុងដ៍)៖ កាលពីថ្ងៃសៅរ៍ ទី១៥ ខែកុម្ភៈ នាយករដ្ឋមន្រ្តីអង់គ្លេស លោក Keir Starmer បាននិយាយថា អឺរ៉ុបចាំបាច់ត្រូវតែដើរតួនាទីធំជាងមុន នៅក្នុងអង្គការ NATO ហើយធ្វើការជាមួយសហរដ្ឋអាមេរិក ដើម្បីជួយធានាអនាគតរបស់អ៊ុយក្រែន។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ លោក Starmer ដែលនឹងត្រូវធ្វើដំណើរទៅជួប ប្រធានាធិបតីអាមេរិក លោក ដូណាល់ ត្រាំ នៅទីក្រុងវ៉ាស៉ីនតោន ក្នុងពេលឆាប់ៗ បានបន្ថែមថា ចក្រភពអង់គ្លេសនឹងធ្វើការ ដើម្បីធានាថា សហរដ្ឋអាមេរិកនិងអឺរ៉ុប នឹងនៅតែបន្តរួបរួមគ្នា ដោយលោកបានសង្កត់ធ្ងន់ថា «នាពេលនេះ យើងមិនអាចអនុញ្ញាតឱ្យភាពប្រេះឆាណាមួយ នៅក្នុងសម្ព័ន្ធភាព បង្វែរការចាប់អារម្មណ៍ ពីសត្រូវរួមខាងក្រៅ ដែលពួកយើងកំពុងប្រឈមឡើយ»។ ការអត្ថាធិប្បាយរបស់លោក Starmer កើតមានឡើង បន្ទាប់ពីរដ្ឋមន្រ្តីការពារជាតិអាមេរិក លោក Pete Hegseth បានព្រមាន​កាលពីថ្ងៃសុក្រសប្តាហ៍នេះថា អឺរ៉ុបចាំបាច់ត្រូវបង្កើន ការចំណាយលើវិស័យការពារជាតិ ព្រោះមិនអាចនៅតែគិតថា វត្តមានកងទ័ព​របស់អាមេរិក នៅលើទ្វីបនេះ នឹងបន្តជារៀងរហូតនោះទេ។ ទន្ទឹមគ្នា ក្រុមមេដឹកនាំអឺរ៉ុប ក៏កំពុងស្ទុះស្ទាព្យាយាមរិះរកមធ្យោបាយ ដើម្បីមានឱកាសចូលរួមក្នុងកិច្ចចរចាណាមួយ […]

(បាងកក)៖ កាលពីថ្ងៃសៅរ៍ ទី១៥ ខែកុម្ភៈ តុលាការព្រហ្មទណ្ឌនៃប្រទេសថៃ បានអនុញ្ញាតឱ្យអតីតនាយករដ្ឋមន្រ្តី លោក ថាក់ស៉ីន ស៉ីណាវ៉ាត់ ធ្វើដំណើរទៅកាន់ប្រទេសព្រុយណេ ដើម្បីចូលរួមកិច្ចប្រជុំមួយ នាថ្ងៃទី១៨-១៩ ខែកុម្ភៈ ប៉ុន្តែបានបដិសេធសំណើរបស់​លោក ដែលក្នុងឱកាសជាមួយគ្នានោះ ចង់ធ្វើដំណើរទៅកាន់ប្រទេសវៀតណាម និងកម្ពុជាផងដែរ ។ នេះបើតាមការចេញផ្សាយដោយ សារព័ត៌មាន Nation Thailand។ ការធ្វើដំណើររបស់លោក ថាក់ស៉ីន ទៅកាន់ព្រុយណេ ត្រូវរាយការណ៍ថា ពាក់ព័ន្ធទៅនឹងការធ្វើជាប្រធានរបស់ម៉ាឡេស៉ី នៃកិច្ចប្រជុំកំពូលអាស៊ាន ក្នុងឆ្នាំនេះ។ វាគឺជាជំនួបបន្តពី ទស្សនកិច្ចរបស់លោក ទៅកាន់ម៉ាឡេស៉ី កាលពីថ្ងៃទី២-៣ ខែកុម្ភៈ ក្រោមការអញ្ជើញរបស់​នាយករដ្ឋមន្រ្តីម៉ាឡេស៉ី លោក Anwar Ibrahim ដែលបានតែងតាំងរូបលោក ជាទីប្រឹក្សាក្រៅផ្លូវការ កាលពីខែធ្នូ ឆ្នាំ២០២៤។ យ៉ាងណាមិញ តុលាការបានបដិសេធសំណើរបស់លោក ដែលចង់ធ្វើដំណើរទៅវៀតណាម និងកម្ពុជា អំឡុងឱកាសចេញក្រៅប្រទេសនោះ។ តុលាការបានលើកហេតុផលថា ដោយសារគម្រោងធ្វើដំណើរបស់លោក ថាក់ស៉ីន ទៅកាន់វៀតណាមនិងកម្ពុជា មិនមែនតបតាម​ការអញ្ជើញផ្លូវការ របស់រដ្ឋាភិបាលនៃប្រទេសទាំងពីរ។ គួរបញ្ជាក់ថា លោក ថាក់ស៉ីន […]

(គូឡាឡាំពួរ)៖ ធនាគារកណ្តាលម៉ាឡេស៊ីបានឱ្យដឹងកាលពីថ្ងៃសុក្រថា សេដ្ឋកិច្ចរបស់ប្រទេសក្នុងតំបន់អាស៊ីអាគ្នេយ៍មួយនេះបានកើនឡើងលឿនជាងការរំពឹងទុកនៅក្នុងត្រីមាសទី៤ ឆ្នាំ២០២៤ ក្នុងគ្រាដែលមានតម្រូវការក្នុងស្រុកខ្លាំង និងការស្ទុះងើបឡើងវិញនៃការនាំចេញ។ នេះបើយោងតាមទីភ្នាក់ងារព័ត៌មានរ៉យទ័រ។ ទីភ្នាក់ងារព័ត៌មានរ៉យទ័រ ធនាគារ Negara Malaysia ដែលជាធនាគារកណ្តាលម៉ាឡេស៊ីបានឱ្យដឹងថា កំណើន ៥ភាគរយនៅត្រីមាសទី៤ ឆ្នា២០២៤ ធៀបនឹងរយៈពេលដូចគ្នាក្នុងឆ្នាំ២០២៣ ត្រូវបានជំរុញដោយតម្រូវការក្នុងស្រុក សកម្មភាពវិនិយោគដ៏រឹងមាំ និងការចំណាយគ្រួសារប្រកបដោយនិរន្តរភាព។ ប៉ុន្តែធនាគារនេះបានព្រមានថា ចក្ខុវិស័យនៅតែអាចប្រឈមនឹងហានិភ័យ រួមទាំងការធ្លាក់ចុះសេដ្ឋកិច្ចនៅក្នុងប្រទេសជាដៃគូពាណិជ្ជកម្មសំខាន់ៗ ក្នុងគ្រាដែលមានការរំពឹងទុកខ្ពស់ថានឹងមានការរឹតបន្តឹងពាណិជ្ជកម្ម និងការវិនិយោគសកល ក៏ដូចជាផលិតកម្មទំនិញទាបជាងការរំពឹងទុក។ តួលេខសេដ្ឋកិច្ចនៅត្រីមាសទី៤ នេះ មានកម្រិតខ្ពស់ជាងការប៉ាន់ប្រមាណផ្លូវការ និងការព្យាកររបស់ក្រុមអ្នកវិភាគនៅក្នុងការស្ទង់មតិរបស់ទីភ្នាក់ងារព័ត៌មានរ៉យទ័រដែលថាមានកំណើនតែ ៤,៨ភាគរយ ប៉ុន្តែទាបជាងកំណើន ៥,៤ភាគរយនៅក្នុងត្រីមាសទី៣។ សម្រាប់កំណើនរយៈពេលពេញមួយឆ្នាំ២០២៤វិញ ម៉ាឡេស៊ីទទួលបានកំណើន ៥,១ភាគរយស្របតាមការប៉ាន់ប្រមាណជាមុន និងការព្យាកររបស់រដ្ឋាភិបាលដែលថានឹងសម្រេចបានចន្លោះពី ៤,៨ភាគរយទៅ ៥,៣ភាគរយ និងធៀបនឹងកំណើន ៣,៦ភាគរយនៅឆ្នាំ២០២៣។ រដ្ឋាភិបាលនិងធនាគារកណ្តាលម៉ាឡេស៊ីបានព្យាករថា សេដ្ឋកិច្ចនឹងកើនឡើងចន្លោះពី ៤,៥ភាគរយទៅ ៥,៥ ភាគរយនៅឆ្នាំ២០២៥។ នេះបើយោងតាមទីភ្នាក់ងារព័ត៌មានរ៉យទ័រ៕ ផ្ដល់សិទ្ធិដោយ៖ Freshnews

(វ៉ាស៊ីនតោន)៖ យុទ្ធនាការរបស់ប្រធានាធិបតីអាមេរិក ដូណាល់ ត្រាំ និងទីប្រឹក្សារបស់លោក Elon Musk ដើម្បីកាត់បន្ថយខ្លាំង នូវប្រព័ន្ធការិយាល័យធិបតេយ្យសហរដ្ឋអាមេរិក បានរីកធំឡើង នៅថ្ងៃសុក្រ, ដោយមន្រ្តីនិងបុគ្គលិកជាង៩៥,០០០នាក់ ដែលធ្វើការងារគ្រប់ផ្នែក រាប់ចាប់ពីអ្នកគ្រប់គ្រង រហូតដល់ការថែទាំអតីតយុទ្ធជន។ នេះបើយោងតាមសារព័ត៌មាន Reuters ចេញផ្សាយនៅថ្ងៃទី១៥ ខែកុម្ភៈ ឆ្នាំ២០២៥។ កម្មករដែលធ្វើការនៅក្រសួងមហាផ្ទៃ, ថាមពល, កិច្ចការយុទ្ធជន, កសិកម្ម និងសុខាភាព និងសេវាកម្មមនុស្សនោះ បានទទួលការបញ្ចប់ការងារ ដែលមានចំនួនច្រើន, ប៉ុន្តែមិនទាំងស្រុងនោះទេ ដោយមានគោលដៅលើកម្មករបំពេញការងារឆ្នាំដំបូង ដែលមានការងារតិច។ ការបណ្តេញចេញពីការងារ ដែលត្រូវបានចុះផ្សាយដោយសារព័ត៌មាន Reuters និងសារព័ត៌មានធំៗជាច្រើនទៀត របស់សហរដ្ឋអាមេរិកនោះ, គឺជាការបណ្តេញចេញពីការងារបន្ថែម ទៅលើកម្មករប្រមាណ៧៥,០០០នាក់ ដែលបានព្រមទទួលយកប្រាក់ ដែលលោក ដូណាល់ ត្រាំ និងលោក Musk ផ្តល់ជូនដើម្បីឱ្យពួកគេចាកចេញពីការងារដោយស្ម័គ្រចិត្ត ដែលនោះស្មើនឹងប្រហែល៣ភាគរយ នៃកម្លាំងពលកម្មស៊ីវិល២.៣លាននាក់។ លោក ដូណាល់ ត្រាំ លើកឡើងថា រដ្ឋាភិបាលសហព័ន្ធ គឺហួសហេតុពេក ហើយថវិកាជាច្រើនបានបាត់បង់ដោយខ្ជះខ្ជាយ និងក្លែងបន្លំ។ រដ្ឋាភិបាលមានបំណុលប្រមាណ៣៦ពាន់ពាន់លានដុល្លារ […]

(ភ្នំពេញ)៖ ក្រសួងមហាផ្ទៃ ក្រសួងកសិកម្ម រុក្ខាប្រមាញ់និងនេសាទ និងរដ្ឋលេខាធិការដ្ឋានអាកាសចរណ៍ស៊ីវិល បានចេញប្រកាសអន្តរក្រសួង ស្តីពីការគ្រប់គ្រងអាកាសយាន គ្មានមនុស្សបើក (ដ្រូន)។ នេះបើតាមប្រកាសអន្តរក្រសួងដែលបណ្តាញព័ត៌មាន ទទួលបាននៅថ្ងៃទី១៥ ខែកុម្ភៈ ឆ្នាំ២០២៥នេះ។ តាមប្រការ១ របស់ប្រកាសអន្តរក្រសួងនេះកំណត់អំពីការគ្រប់គ្រងទិន្នន័យ តំបន់ហាមឃាត់ និងការប្រើប្រាស់អាកាសយានគ្មាន មនុស្សបើក (ដ្រូន) ព្រមទាំងកំណត់អំពីវិធានការសន្តិសុខ ក្នុងការប្រើប្រាស់អាកាសយានគ្មានមនុស្សបើក (ដ្រូន) ដើម្បីធានាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម នៅក្នុងព្រះរាជាណាចក្រកម្ពុជា។ ប្រកាសអន្តរក្រសួងនេះមានវិសាលភាពអនុវត្ត ចំពោះអាកាសយានគ្មានមនុស្សបើក (ដ្រូន) ដែលអាចផ្ទុកទម្ងន់ចាប់ពី២ គីឡូក្រាមឡើង លើកលែងតែអាកាសយានគ្មានមនុស្សបើក (ដ្រូន) ដែលប្រើប្រាស់សម្រាប់បម្រើឱ្យវិស័យការពារជាតិ និងសន្តិសុខជាតិ ដែលត្រូវកំណត់ដោយលិខិតបទដ្ឋានគតិយុត្តដោយឡែក៕ ខាងក្រោមនេះជាប្រកាសអន្តរក្រសួង៖ ផ្ដល់សិទ្ធិដោយ៖ Freshnews

(ភ្នំពេញ)៖ ក្នុងរយៈពេលប៉ុន្មានថ្ងៃចុងក្រោយនេះ ក្រសួងបរិស្ថានបានកត់សម្គាល់ ឃើញមានការផ្សព្វផ្សាយដោយវេបសាយឧតុនិយមណាមួយនោះ និងការចែករំលែកនូវព័ត៌មានអំពីករណីភ្លើងឆេះ hotspot ដោយយកផែនទីមាត្រដ្ឋានតូច មិនអាចកំណត់បានថាជាកន្លែងណាមួយឱ្យច្បាស់លាស់នោះទេ ហើយព័ត៌មាននិងរូបភាពមិនពិតនេះ បានថតចម្លងតគ្នា ធ្វើឱ្យមានការភាន់ច្រឡំនូវការពិតជាក់ស្ដែង កំពុងកើតមាននៅប្រទេសកម្ពុជា ព្រោះឃើញថាហាក់បីដូចជាកម្ពុជាទាំងមូល ត្រូវបានឆេះក្រហមឆ្អៅ។ ក្រសួងបរិស្ថាន សូមជម្រាបជូនសាធារណជនឱ្យបានជ្រាបថា ក្រសួងបរិស្ថានមានអគ្គនាយកដា្ឋនតំបន់ការពារធម្មជាតិ ដែលជាអង្គភាពជំនាញបានតាមដានជាប្រចាំ នូវករណីភ្លើងឆេះនេះ ដោយមានកិច្ចសហការយ៉ាងជិតស្និទ្ធ ជាមួយស្ថាប័នជំនាញក្នុងតំបន់ ពិសេសមជ្ឈមណ្ឌលជំនាញឧតុនិយមអាស៊ាន និងបានធ្វើការផ្ទៀងផ្ទាត់ជាក់ស្តែង នៅទីវាលផងដែរ។ ជាលទ្ធផល ដូចសេចក្តីប្រកាសព័ត៌មាន របស់អគ្គនាយកដ្ឋានតំបន់ការពារធម្មជាតិ បានបញ្ជាក់ស្រាប់រួចហើយគឺ ពុំមានកានឆេះព្រៃធ្ងន់ធ្ងរទេ ប៉ុន្តែគ្រាន់តែជាការឆេះស្មៅ សំរាមស្បូវ និងជញ្ជាំងស្រូវតែប៉ុណ្ណោះ។ ឆ្លៀតក្នុងឱកាសនេះ ក្រសួងបរិស្ថានសូមអំពាវនាវដល់ប្រជាពលរដ្ឋ ត្រូវមានការប្រុងប្រយ័ត្នខ្ពស់ និងត្រូវបញ្ឈប់ការដុតស្មៅ សំរាម ជញ្ជាំងស្រូវ។ល។ សូមស្នើដល់អង្គភាពថ្នាក់ក្រោមជាតិទាំងអស់ សូមយកចិត្តទុកដាក់ និងធ្វើការអប់រំ ដល់ប្រជាពលរដ្ឋអំពីករណីនេះ។ អាស្រ័យហេតុនេះ សូមសាធារណជនមេត្តាជ្រាប និងចូលរួមប្រុងប្រយ័ត្ននិងទប់ស្កាត់ ករណីភ្លើងឆេះនេះ។ ក្រសួងបរិស្ថាននឹងបន្តតាមដាន និងធ្វើបច្ចុប្បន្នភាពជូនបន្តទៀតក្នុងករណីចាំបាច់៕ ផ្ដល់សិទ្ធិដោយ៖ Freshnews

(ភ្នំពេញ)៖ ក្នុងពេលចុះត្រួតពិនិត្យផ្លូវថ្មើរជើង Walk Street នារាត្រីថ្ងៃទី១៥ ខែកុម្ភៈ ឆ្នាំ២០២៥នេះ លោក ឃួង ស្រេង អភិបាលរាជធានីភ្នំពេញ បានអំពាវឱ្យយុវជន ក៏ដូចជាអ្នកដើរលេងកម្សាន្តនៅផ្លូវថ្មើរជើង Walk Street នាំគ្នាទៅអានសៀវភៅ នៅបណ្ណាល័យចល័ត ដែលបានរៀបចំដោយរដ្ឋបាលរាជធានីភ្នំពេញ គឺការអានសៀវភៅ ដើម្បីបំណិននៃការចេះដឹងបន្ថែមទៀតនូវវប្បធម៌ជាតិ។ ចំណែកលោកស្រី ដោ សម្ផស្ស នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹង នៅរាត្រីថ្ងៃទី១៥ កុម្ភៈនេះ បានឱ្យដឹងដែរថា សម្រាប់ផ្លូវថ្មើរជើង Walk Street នាសប្តាហ៍ទី៣ ខែកុម្ភៈ ឆ្នាំ២០២៥នេះ រដ្ឋបាលរាជធានីភ្នំពេញ បានរៀបចំស្តង់ទំនិញ និងការកម្សាន្តនានាបន្ថែមទៅតាមការចង្អុលបង្ហាញរបស់លោកអភិបាលរាជធានីភ្នំពេញ ដែលក្នុងនោះរួមមានការរៀបចំការដាក់តាំងលក់ផលិតផល ឈុតឆាកសម្តែងសិល្បៈ បណ្ណាល័យចល័ត ដើម្បីបង្កើនការទាក់ទាញ និងផ្តល់ភាពសប្បាយរីករាយបន្ថែមទៀតជូនសាធារណជន។ លោកស្រី ដោ សម្ផស្ស បានបន្តថា ផ្លូវថ្មើរជើង (Walk Street) នៅសប្តាហ៍ទី៣នេះ មានការតាំងលក់វត្ថុអនុស្សាវរីយ៍ នៅលើសួនច្បារតាមបណ្តោយមាត់ទន្លេ ដូចជាការគូសគំនូរយកភ្លាម ការកាច់ប៉ោងៗ ការសម្តែងតន្ត្រីបុរាណ, […]