(Reuters)៖ សារព័ត៌មានអាមេរិក New York Post បានរាយការណ៍កាលពីថ្ងៃទី៨ ខែកុម្ភៈថាប្រធានាធិបតីអាមេរិក លោក ដូណាល់ ត្រាំ បាននិយាយថារូបលោកផ្ទាល់បានជជែកជាមួយ ប្រធានាធិបតីរុស្ស៉ី លោក វ្ល៉ាឌីមៀ ពូទីន នៅក្នុងកិច្ចសន្ទនាតាមទូរស័ព្ទ អំពីការបិទបញ្ចប់សង្រ្គាមនៅអ៊ុយក្រែន។ នេះបើតាមការដកស្រង់ចេញផ្សាយដោយទីភ្នាក់ងារសារព័ត៌មាន Reuters។ តាម New York Post នៅក្នុងបទសម្ភាសន៍មួយនៅលើយន្ដហោះ Air Force One កាលពីថ្ងៃសុក្រកន្លងទៅនេះ លោក ត្រាំ បាននិយាយថា​លោក ពូទីន មិនចង់ឃើញមនុស្សស្លាប់ តទៅទៀត នោះទេ។ លោក ត្រាំ បានប្រាប់សារព័ត៌មានអាមេរិកនេះទៀតថាលោកតែងតែមានទំនាក់ទំនងល្អជានិច្ច ជាមួយលោក ពូទីន ហើយថារូបលោកមានផែនការយ៉ាងហ្មត់ចត់មួយក្នុងការបញ្ចប់ សង្រ្គាម។ តែមិនបានផ្ដល់ព័ត៌មានលម្អិតអ្វីលម្អិតនោះទេ។ «ខ្ញុំសង្ឃឹមថាវាដំណើរការយ៉ាងលឿនរហ័ស។ មនុស្សកំពុងស្លាប់ជារៀងរាល់ថ្ងៃ។ នេះជាសង្រ្គាមដ៏អាក្រក់នៅអ៊ុយក្រែន។ ខ្ញុំចង់បិទ បញ្ចប់រឿងដ៏អាក្រក់មួយនេះ»។ នេះជាការបន្ថែមរបស់លោក ត្រាំ ប្រាប់ New York Post។ កាលពីចុងខែមករា អ្នកនាំពាក្យវិមានក្រឹមឡាំង […]

(ភ្នំពេញ)៖ កម្លាំងនគរបាលរាជធានីភ្នំពេញ ក្រោមការបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបង្ក្រាបក្រុមក្មេងទំនើងចំនួន ៣ក្រុមខុសៗគ្នា​ ដែលមានមនុស្សចំនួន ១៨នាក់។ នេះបើតាមរបាយការណ៍របស់ស្នងការដ្ឋាននគរបាលរាជធានីភ្នំពេញ ដែលបណ្តាញព័ត៌មាន ទទួលបាននៅថ្ងៃទី៩ ខែកុម្ភៈ ឆ្នាំ២០២៥។ បើតាមរបាយការណ៍, នៅថ្ងៃទី០៦ ខែកុម្ភៈ ឆ្នាំ២០២៥ វេលាម៉ោង ២៣៖៣០ នាទី កម្លាំងការិយាល័យស្រាវជ្រាវឃាត់ខ្លួនជនសង្ស័យជាក្រុមក្មេងទំនើង ឈ្មោះ ការ៉ុតស្លុយ (KRS) និងក្រុម មនុស្សតូចៗ (MTT) ចំនួន ១៥ នាក់ នៅចំណុចមុខក្លឹបនិកអ៊ិច សង្កាត់ចតុមុខ ខណ្ឌដូនពេញ រាជធានីភ្នំពេញ ដោយចាប់យកម៉ូតូជាមធ្យោបាយជិះធ្វើសកម្មភាព ពាក់ព័ន្ធប្រព្រឹត្តបទល្មើស ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ព្រួតគ្នាយកដុំថ្មគប់ជនរងគ្រោះតែមិនត្រូវ ហើយព្រួតគ្នាយកដុំថ្មគប់ម៉ូតូបណ្តាលបែកក្បាំងម៉ូតូខាងឆ្វេង និងខូចខាតត្រង់ម៉ាស៊ីនម៉ូតូ)។ ពួកគេ បានប្រព្រឹត្តនៅចំណុចមុខផ្សារទំនើងអ៊ីអនម៉ល៣ ផ្លូវលេខ៦០ម៉ែត្រ ក្រុម៣០ ភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ កាលពីថ្ងៃទី០៥ ខែកុម្ភៈ ឆ្នាំ២០២៥ វេលាម៉ោង […]

(ភ្នំពេញ)៖ បើគ្មានការប្រែប្រួលទេស្ពានបេតុងពីរកន្លែង ជំនួសស្ពានតូចចង្អៀតចាស់ទ្រុឌទ្រោម លើកំណាត់ផ្លូវជាតិលេខ៤៦ ដែលជាផ្លូវឡើងទៅឧទ្យានជាតិព្រះសុរាម្រិតកុសុមៈគិរីរម្យ(ឧទ្យានជាតិគិរីរម្យ)ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ នឹងបើកឱ្យប្រជាពលរដ្ឋបើកបរឆ្លងកាត់បណ្តោះអាសន្នក្នុងព្រឹត្តិការណ៍ «បុណ្យភ្នំ» នៅថ្ងៃទី១៥-១៦ ខែកុម្ភៈ ឆ្នាំ២០២៥ខាងមុខនេះ។ ថ្លែងប្រាប់បណ្តាញព័ត៌មាន នាថ្ងៃទី០៩ ខែកុម្ភៈ ឆ្នាំ២០២៥នេះ លោក ផន រឹម អ្នកនាំពាក្យ ក្រសួងសាធារណការ និងដឹកជញ្ជូន បានបញ្ជាក់ទៀត គម្រោងស្ថាបនាស្ពានបេតុង ២កន្លែងនេះ អនុវត្តដោយមន្ទីរសាធារណការ និងដឹកជញ្ជូនខេត្តកំពង់ស្ពឺនេះ រួមមាន៖ ស្ពានទី១ ប្រវែង១៨ម៉ែត្រ ទទឹង៩ម៉ែត្រ ត្រង់គ.ម១៤+១០០(ស្ពានអូរកសេះ) និងស្ពានទី២ ប្រវែង៣៦ម៉ែត្រ ទទឹង ៩ម៉ែត្រ ត្រង់គ.ម២២+៥០០(ស្ពានអូរតាសេក)។ ស្ពានដ៏គត់មត់នេះ សម្រេចការសាងសង់ ៩៦%ហើយ ក្រោយដំណើរការបើកការដ្ឋានស្ថាបនាកាលពីថ្ងៃទី២៧ ខែសីហា ឆ្នាំ២០២៤។ ការដ្ឋានគ្រោងបញ្ចប់ការសាងសង់នៅចុងខែមីនា ឆ្នាំ២០២៥នេះ នឹងដាក់ឱ្យដំណើរការប្រើប្រាស់នៅមុនពិធីបុណ្យចូលឆ្នាំប្រពៃណីជាតិខ្មែរខាងមុខ៕ ផ្ដល់សិទ្ធិដោយ៖ Freshnews

(ភ្នំពេញ)៖ គិតត្រឹមដើមខែកុម្ភៈ ឆ្នាំ២០២៥នេះ គម្រោងស្ថាបនាស្ពានឆ្លងទន្លេបាសាក់ចាក់អង្រែក្រោម-ព្រែកប្រា សម្រេចបាន១៩ %ហើយ បន្ទាប់ពីសម្ពោធបើកការដ្ឋានសាងសង់នាថ្ងៃទី១៩ ខែកុម្ភៈ ឆ្នាំ២០២៤ ក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោក វ៉ាង វិនធៀន ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិនប្រចាំកម្ពុជា។ ថ្លែង ប្រាប់បណ្តាញព័ត៌មាន Fresh News នាថ្ងៃទី០៩ ខែកុម្ភៈ ឆ្នាំ២០២៥នេះ លោក ផន រឹម អ្នកនាំពាក្យ ក្រសួងសាធារណការ និងដឹកជញ្ជូន បានបញ្ជាក់ថា បច្ចុប្បន្នការងារសម្រេចបាន៖ ១៖ ផ្នែកគ្រឺះស្ពាន សម្រេចបានប្រមាណ ៤៦,៦៦% ក្នុងនោះសសរគ្រឹះចំនួន ១៥៦ដើម ចាក់បេតុងរួចចំនួន ៦៩ដើម ២០ជើងតាង សម្រេចបានចំនួន ៦ និងធ្នឹមភ្ជាប់ក្រោមចំនួន១២ សម្រេចបាន ៨ធ្នឹម។ ២៖ រចនាសម្ព័ន្ធក្រោមស្ពានសម្រេចបាន ៣១.៥% រួមមានតួសរសរស្ពាន១២ សម្រេចបានចំនួន៦សរសរ សរសរស្ពាន ៥២ សម្រេចបាន១៦ […]

(តូក្យូ)៖ នាយករដ្ឋមន្ត្រីជប៉ុន លោក Shigeru Ishiba បានបង្ហាញសុទិដ្ឋិនិយមនៅថ្ងៃអាទិត្យ ទី៩ ខែកុម្ភៈ ថាប្រទេសរបស់លោកអាចគេចផុតពីការដំឡើងពន្ធពីសហរដ្ឋអាមេរិក ដោយសង្កត់ធ្ងន់ថាលោកប្រធានាធិបតី ដូណាល់ ត្រាំ បានទទួលស្គាល់ពីការវិនិយោគយ៉ាងធំសម្បើមនៅក្នុងសហរដ្ឋអាមេរិក ដែលជួយបង្កើតការងារឱ្យប្រជាជនអាមេរិក។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។ នៅឯកិច្ចប្រជុំកំពូលជាលើកដំបូង នៅឯសេតវិមានកាលពីថ្ងៃសុក្រ លោក Ishiba បានប្រាប់ទូរទស្សន៍ជប៉ុន NHK ថាលោកបានពន្យល់លោក ត្រាំ ពីរបៀបដែលក្រុមហ៊ុនផលិតរថយន្ដជប៉ុនបានជួយបង្កើតការងារនៅក្នុង សហរដ្ឋអាមេរិក។ ប៉ុន្តែ មេដឹកនាំនៃប្រទេសទាំង២ មិនបានបញ្ជាក់លម្អិតអំពីកិច្ចពិភាក្សាស្ដីពីការយកពន្ធលើរថយន្ដនោះទេ ខណៈលោក Ishiba បាននិយាយថាលោកផ្ទាល់ក៏មិនច្បាស់នោះដែរថាតើជប៉ុនអាចនឹងក្លាយជា កម្មវត្ថុនៃការដំឡើងពន្ធដាក់គ្នាទៅវិញទៅមកដែរឬក៏យ៉ាងណានោះទេ បន្ទាប់ពីលោក ត្រាំ បានសន្យាថាយកពន្ធលើការនាំចូល។ តែទោះជាបែបនេះក្ដី លោកនាយករដ្ឋមន្ត្រីជប៉ុន បានបញ្ជាក់ថាលោកនៅតែជឿជាក់ថាលោក ត្រាំ បានទទួលស្គាល់ការពិត នោះគឺជប៉ុនជាអ្នកវិនិយោគធំបំផុតរបស់ពិភពលោកនៅក្នុងសហរដ្ឋអាមេរិក អស់រយៈពេល ៥ឆ្នាំ ជាប់ៗគ្នា និងមានភាពខុសប្លែកពីប្រទេសផ្សេងដទៃ។ «ជប៉ុនបានបង្កើតការងារជាច្រើននៅក្នុងសហរដ្ឋអាមេរិក។ ដូច្នេះខ្ញុំជឿថា (វ៉ាស៊ីនតោន) នឹងមិនអនុវត្តគំនិតដំឡើងពន្ធនោះទេ»។ នេះជាការបន្ថែមរបស់លោក Ishiba ជាមួយការបង្ហាញពីគំនិតសុទុដ្ឋិនិយមថាជប៉ុន និងសហរដ្ឋអាមេរិកអាចបញ្ចៀសការសង្រ្គាមដំឡើងពន្ធដាក់គ្នាទៅវិញទៅមក ហើយថាការយកពន្ធគួរតែធ្វើឡើងក្នុងផ្លូវមួយដែលផ្ដល់ផលចំណេញដល់ ភាគីទាំង […]

(ឧត្តរមានជ័យ)៖ បន្ទាប់ពីទទួលព័ត៌មានថាមានអ្នកសារព័ត៌មាន២នាក់បានដឹកគ្រាប់មីនតោនមួយគ្រាប់ ចេញពីតំបន់បន្ទាត់ព្រំដែនកម្ពុជា-ថៃ (តំបន់ស) មកទុកនៅប៉ុស្តិ៍នគរបាលអូរស្មាច់រួចមក នៅថ្ងៃទី៨​ ខែកុម្ភៈ​ ឆ្នាំ២០២៥នេះ កម្លាំងជំនាញអង្គភាពស៉ីម៉ាក់បានទៅទទួលគ្រាប់មីនតោននោះយករក្សានៅកន្លែងមានសុវត្ថិភាពហើយ។ សូមបញ្ជាក់ថា បើតាមការបញ្ជាក់ពីស្នងការដ្ឋាននគរបាលខេត្តឧត្តរមានជ័យ កាលពីថ្ងៃទី៦ ខែកុម្ភៈ ឆ្នាំ២០២៥ មានអ្នកសារព័ត៌មាន២នាក់ ម្នាក់ឈ្មោះ ទឺ ពិទូ ម្នាក់ទៀតឈ្មោះ ពែក ពុយ បាននាំយកគ្រាប់មីនតោនពីតំបន់ស ដែលអាជ្ញាធរទំនាក់ទំនងព្រំដែនប្រទេសទាំងពីរកម្ពុជា-ថៃចាត់ទុកជាតំបន់ហាមឃាត់ មកទុកនៅលើតុរបស់នគរបាលនៃប៉ុស្តិ៍នគរបាលអូរស្មាច់ ខេត្តឧត្តរមានជ័យ ដែលបង្កការភ្ញាក់ផ្អើលពីសំណាក់សមត្ថកិច្ច និងប្រជាពលរដ្ឋ។ ក្រោយទទួលបានព័ត៌មាននេះហើយ លោក ហេង រតនា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកស៊ីម៉ាក់ បានចាត់បញ្ជូនកម្លាំងជំនាញអង្គភាពស៉ីម៉ាក់ឱ្យទៅទទួលយកគ្រាប់មីនតោននោះ ដើម្បីរក្សានៅកន្លែងមានសុវត្ថិភាព។ លោកថា គ្រាប់មីនតោននេះជាប្រភេទ M6 ផលិតនៅសហរដ្ឋអាម៉េរិក​។ លោកអគ្គនាយកក៏បានសម្ដែងការអរគុណចំពោះអ្នកសារព័ត៌មាន ដែលបានចូលរួមយ៉ាងសកម្មក្នុងផ្សព្វផ្សាយជូនប្រជាពលរដ្ឋ ឱ្យបានយល់ដឹងពីគ្រោះថ្នាក់ដោយសារគ្រាប់មីននិងគ្រាប់យុទ្ធភណ្ឌមិនទាន់ផ្ទុះសំណល់សង្គ្រាម។ តែទោះជាយ៉ាងណា លោកក៏បានអំពាវនាវជាថ្មី​ដល់ប្រជាពលរដ្ឋសូមកុំប៉ះពាល់​ ឬបោសសម្អាត​ឬលើកដាក់គ្រាប់មីននិងគ្រាប់យុទ្ធភណ្ឌមិនទាន់ផ្ទុះសំណល់សង្គ្រាម​ ព្រោះអាចបង្កគ្រោះថ្នាក់ដល់ខ្លួនឯង​ និងអ្នកដទៃ​ ក៏ដូចជាសន្តិសុខសង្គមជាតិ។ បើតាមលោកអគ្គនាយក ហេង រតនា បច្ចុប្បន្ននេះ កម្ពុជាមានកម្លាំងស្ម័គ្រចិត្តអង្គភាពស៉ីម៉ាក់ជាង១ម៉ឺននាក់នៅទូទាំងប្រទេស​ និងកម្លាំងនគរបាលប៉ុស្តទាំងអស់​ ជាភ្នាក់ងារទទួលនិងផ្តល់ព័ត៌មានមកអង្គភាពស៉ីម៉ាក់ ដើម្បីចាត់បញ្ជូនអ្នកបច្ចេកទេសឆ្លើយតបតាមសំណូមពរ។ ពាក់ព័ន្ធនឹងករណីដែលអ្នកសារព័ត៌មាន២នាក់ខាងលើ […]

(វ៉ាស៉ីនតោន)៖​ ប្រធានាធិបតីអាមេរិក​ លោក ដូណាល់​ ត្រាំបានបង្ហេីបឱ្យដឹងថា លោកប្រហែលជាជួបប្រធានាធិបតីលោក វ៉ូឡូឌីមៀ​ ហ្សេលេនស្គី​ នៅសប្តាហ៍ក្រោយ ដើម្បីពិភាក្សាអំពីសង្រ្គាមអ៊ុយក្រែន​ ដេីម្បីឆ្លេីយតាមនឹងការឈ្លានពានរបស់រុស្ស៉ី។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន​ Reuters នៅថ្ងៃសៅរ៍​ ទី៨​ ខែកុម្ភៈ​ ឆ្នាំ​ ២០២៥។ លោក​ ត្រាំ​ មិន​បាន​បញ្ជាក់​ច្បាស់​ថា​​ជា​ជំនួប​ផ្ទាល់​ ឬ​តាម​ប្រព័ន្ធវីដេអូទេ​ ដោយគ្រាន់តែនិយាយថា​ ប្រហែលជាជួប​លោក ហ្សេលេនស្គី​ ក្នុងសប្តាហ៍ក្រោយ ជាមួយនិងការបង្ហាញចំណាប់អារម្មណ៍ម្តងទៀត​ ក្នុងការជួបប្រធានាធិបតីរុស្ស៉ី​ លោក​ ពូទីន​ ផងដែរ។ នៅពេលត្រូវបានសាកសួរអំពីទីតាំង​នៃជំនួប​ លោក​ ត្រាំ​បានកត់សម្គាល់ថា ខ្ញុំនៅទីនេះ នៅក្នុងទីក្រុងវ៉ាស៊ីនតោន ហើយថាលោកមិនទៅអ៊ុយក្រែនទេ។​ ទាក់ទងនឹងបញ្ហាសង្រ្គាម​ លោក ត្រាំ​ គូសបញ្ជាក់ថា​ ខ្ញុំចង់ឃើញវាបញ្ចប់ដោយផ្អែកទៅលើមូលដ្ឋានអាយុជីវិតមនុស្ស។ គួរបញ្ជាក់ថា​ អ៊ុយក្រែន​ ដែលចង់បានការបន្តគាំទ្ររបស់សហរដ្ឋអាមេរិក​ក្នុងសង្រ្គាមជាមួយរុស្ស៉ី​ ក៏កំពុងទន្ទឹងរង់ចាំដំណើរទស្សនកិច្ចខែនេះ​ ដោយបេសកជនពិសេសប្រចាំតំបន់របស់លោក​ ត្រាំ​ គឺលោក Keith Kellogg​ ផងដែរ៕ ផ្ដល់សិទ្ធិដោយ៖ Freshnews

(ភ្នំពេញ)៖ ក្រសួងបរិស្ថាន ជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៨ ខែកុម្ភៈ ឆ្នាំ២០២៥ ចាប់ពីម៉ោង ៦ ល្ងាច ដល់ម៉ោង ៦ ព្រឹក ថ្ងៃទី៩ ខែកុម្ភៈ ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ២៦.៧៩ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ «ល្អ»។ ពណ៌ខៀវៈ គុណភាពខ្យល់ល្អណាស់មានខេត្តបន្ទាយមានជ័យ ខេត្តបាត់ដំបង ខេត្តកំពង់ឆ្នាំង ខេត្តកំពង់ស្ពឺ ខេត្តកែប ខេត្តកំពត ខេត្តព្រៃវែង ខេត្តស្វាយរៀង ខេត្តសៀមរាប ខេត្តក្រចេះ រាជធានីភ្នំពេញ ខេត្តកំពង់ចាម ខេត្តកំពង់ធំ ខេត្តព្រះវិហារ ខេត្តរតនគិរី ខេត្តឧត្តរមានជ័យ ខេត្តមណ្ឌលគីរី និងខេត្តត្បូងឃ្មុំ, ពណ៌បៃតងៈ គុណភាពខ្យល់ល្អមាន ខេត្តកណ្តាល ខេត្តព្រះសីហនុ ខេត្តតាកែវ ខេត្តស្ទឹងត្រែង និងខេត្តប៉ៃលិន, ពណ៌ទឹកក្រូចៈ ខេត្តកោះកុង និងខេត្តពោធិ៍សាត់៕ ផ្ដល់សិទ្ធិដោយ៖ […]

(ភ្នំពេញ)៖ ក្នុងរយៈពេល៣ថ្ងៃ គិតចាប់ពីថ្ងៃទី២៨ ដល់ថ្ងៃទី៣០ ខែមករា ឆ្នាំ២០២៥ ក្នុងឱកាសពិធីបុណ្យចូលឆ្នាំថ្មីប្រពៃណីចិន-វៀតណាម នៅទូទាំងប្រទេសកម្ពុជាបានកើតមានគ្រោះអគ្គិភ័យចំនួន២២ករណី កើនឡើង៩ករណី បើធៀបនឹងឆ្នាំ២០២៤ ក្នុងនោះបណ្តាលឱ្យបាត់បង់អាយុជីវិតមនុស្សចំនួន៣នាក់។ ក្រៅពីបណ្ដាលឱ្យមនុស្សស្លាប់៣នាក់នោះ គ្រោះអគ្គិភ័យនាឱកាសពិធីបុណ្យចូលឆ្នាំថ្មីប្រពៃណីចិន-វៀតណាមឆ្នាំនេះ ក៏បានបណ្ដាលឱ្យឆេះផ្ទះចំនួន១១ខ្នង បន្ទប់៤ តូប៤ ខ្យុះ៩ ព្រៃ១៧ហិកតា ចម្ការស្វាយ១៥ហិកតា៕ ផ្ដល់សិទ្ធិដោយ៖ Freshnews

(ភ្នំពេញ)៖ លោក ឃួង ស្រេង អភិបាលរាជធានីភ្នំពេញ នាព្រឹកថ្ងៃទី២ ខែកុម្ភៈ ឆ្នាំ២០២៥នេះ បានដឹកនាំមន្ត្រីជំនាញ និងអាជ្ញាធរដែនដីចុះពិនិត្យទីតាំងបាក់ច្រាំងចំនួន៣កន្លែងនៅក្នុងមូលដ្ឋានខណ្ឌជ្រោយចង្វារ ដើម្បីចាត់វិធានការចាក់ដី និងបូមខ្សាច់ចាក់ទប់ និងរិះរកវិធានការបង្ការទប់ស្កាត់កុំឱ្យបាក់តទៅទៀតមានភាពយូរអង្វែង។ ទីតាំងដែលបានបាក់ហើយ លោក ឃួង ស្រេង ចុះត្រួតពិនិត្យនិងមានវិធានការទប់ស្កាត់នេះ រួមមាន៖ ទី១ គឺការបាក់ស្រុតច្រាំងទន្លេមេគង្គ ប្រវែងប្រមាណ ៣០ម៉ែត្រ នៅចំណុច ផ្សារក្រមួន ស្ថិតនៅភូមិខ្ទរ សង្កាត់ព្រែកលៀប ខណ្ឌជ្រោយចង្វារ ក្រោយពីបានបាក់ស្រុត កាលពីវេលាម៉ោង ៩និង៣០នាទីព្រឹកថ្ងៃទី១ កុម្ភៈ ម្សិលម៉ិញ។ ទីតាំងទី២ នៅចំណុចមុខវត្តបាក់ខែង សង្កាត់បាក់ខែង។ ទីតាំងទី៣ នៅចំណុចមុខអនុវិទ្យាល័យចំបក់មាស សង្កាត់បាក់ខែង ខណ្ឌជ្រោយចង្វា។ ក្នុងឱកាសនៃការចុះពិនិត្យនោះ លោក ឃួង ស្រេង អភិបាលរាជធានីភ្នំពេញ បានធ្វើការណែនាំឱ្យមន្ត្រីបច្ចេកទេស នៃមន្ទីរជំនាញរាជធានីភ្នំពេញ រុះរើសំណង់ដែលខូចខាត រួចដាក់គ្រឿងចក្រជាបន្ទាន់ ដោយបូមដីចាក់លុបដើម្បីទប់ស្កាត់ការបាក់ច្រាំងទន្លេនៅផ្សារក្រមួន ស្ថិតនៅភូមិខ្ទរនិងនៅចំណុចបាក់ស្រុតនៅចំណុចមុខអនុវិទ្យាល័យចំបក់មាស សង្កាត់បាក់ខែង ខណ្ឌជ្រោយចង្វាជាបន្ទាន់។ ជាមួយគ្នានេះ ឯកឧត្ដម ឃួង ស្រេងក៏បានណែនាំបន្ថែមឱ្យឯកឧត្ដមឯក […]